शाकल्येश्वरमाहात्म्यवर्णनम्

श्लोक 1 (skanda.7.74.1)

ईश्वर उवाच। ततो गच्छेन्महादेवि शाकल्येश्वरमुत्तमम्। दैत्यसूदनवायव्ये धनुषां त्रिंशता स्थितम्

īśvara uvāca| tato gacchenmahādevi śākalyeśvaramuttamam| daityasūdanavāyavye dhanuṣāṁ triṁśatā sthitam

ईश्वर ने कहा—हे महादेवी, इसके पश्चात् उत्तम शाकल्येश्वर के पास जाना चाहिए, जो दैत्यसूदन से वायव्य (उत्तर-पश्चिम) दिशा में तीस धनुष की दूरी पर स्थित है।

श्लोक 2 (skanda.7.74.2)

शाकल्येन महादेवि पूजितं सर्वकामदम्। शाकल्योनाम राजर्षिर्यत्र तप्त्वा महत्तपः

śākalyena mahādevi pūjitaṁ sarvakāmadam| śākalyonāma rājarṣiryatra taptvā mahattapaḥ

हे महादेवी, यह शाकल्य द्वारा पूजित और सभी कामनाओं को पूर्ण करने वाला है; यहाँ शाकल्य नामक राजर्षि ने महान् तप किया था।

श्लोक 3 (skanda.7.74.3)

समाराध्य महादेवं प्रत्यक्षीकृतवान्भवम्। लिंगेऽवतारयामास प्रसन्नं तं महेश्वरम्

samārādhya mahādevaṁ pratyakṣīkṛtavānbhavam| liṅge'vatārayāmāsa prasannaṁ taṁ maheśvaram

महादेव की आराधना करके उसने भव को साक्षात् प्रत्यक्ष कर लिया, और प्रसन्न हुए उन महेश्वर को लिंग में अवतरित करवाया।

श्लोक 4 (skanda.7.74.4)

तस्मिन्दृष्टे वरारोहे सप्तजन्मकृतं नृणाम्। पापं प्रणश्यते शीघ्रं तमः सूर्योदये यथा

tasmindṛṣṭe varārohe saptajanmakṛtaṁ nṛṇāṁ| pāpaṁ praṇaśyate śīghraṁ tamaḥ sūryodaye yathā

हे वरारोहे, उसके दर्शन मात्र से मनुष्यों के सात जन्मों में किए गए पाप उसी प्रकार शीघ्र नष्ट हो जाते हैं, जैसे सूर्योदय होते ही अंधकार नष्ट हो जाता है।

श्लोक 5 (skanda.7.74.5)

तत्राष्टम्यां चतुर्द्दश्यां स्नापयेत्पयसा शिवम्। पूजयेच्च विधानेन गन्धपुष्पादिभिः क्रमात्

tatrāṣṭamyāṁ caturddaśyāṁ snāpayetpayasā śivam| pūjayecca vidhānena gandhapuṣpādibhiḥ kramāt

वहाँ अष्टमी और चतुर्दशी को शिव को दूध से स्नान कराना चाहिए, और विधिपूर्वक क्रम से गंध, पुष्प आदि से उनकी पूजा करनी चाहिए।

श्लोक 6 (skanda.7.74.6)

हिरण्यं तत्र दातव्यं सम्यग्यात्राफलेप्सुभिः। चत्वारि तस्य नामानि कथ्यमानानि मे शृणु

hiraṇyaṁ tatra dātavyaṁ samyagyātrāphalepsubhiḥ| catvāri tasya nāmāni kathyamānāni me śṛṇu

जो पूर्ण यात्रा के फल की कामना करते हैं, उन्हें वहाँ स्वर्ण दान करना चाहिए। अब मुझसे उसके चार नाम सुनो, जो बताए जा रहे हैं।

श्लोक 7 (skanda.7.74.7)

आदौ कृतयुगे देवि कीर्तितो भैरवेश्वरः। ततः सावर्णिमनुना सम्यगाराधितः प्रिये

ādau kṛtayuge devi kīrtito bhairaveśvaraḥ| tataḥ sāvarṇimanunā samyagārādhitaḥ priye

हे देवी, आरंभ में कृतयुग में इसे भैरवेश्वर कहा गया था; उसके पश्चात्, हे प्रिये, सावर्णि मनु द्वारा इसकी भलीभाँति आराधना की गई।

श्लोक 8 (skanda.7.74.8)

सावर्णिकेश्वरं नाम त्रेतायां तस्य संज्ञितम्। ततस्तु द्वापरे देवि गालवेन महात्मना। सम्यगाराधितस्तत्र लिंगरूपीवृषध्वजः

sāvarṇikeśvaraṁ nāma tretāyāṁ tasya saṁjñitam| tatastu dvāpare devi gālavena mahātmanā| samyagārādhitastatra liṅgarūpīvṛṣadhvajaḥ

त्रेता में उसका नाम सावर्णिकेश्वर कहा गया; उसके पश्चात्, हे देवी, द्वापर में महात्मा गालव द्वारा वहाँ लिंगरूपधारी वृषध्वज (शिव) की भलीभाँति आराधना की गई।

श्लोक 9 (skanda.7.74.9)

तृतीयं तस्य देवस्य गालवेश्वरसंज्ञितम्। कलौ युगे तु संप्राप्ते शाकल्योनाम वै मुनिः

tṛtīyaṁ tasya devasya gālaveśvarasaṁjñitam| kalau yuge tu saṁprāpte śākalyonāma vai muniḥ

उस देव का तीसरा नाम गालवेश्वर कहलाया; कलियुग के आने पर शाकल्य नामक मुनि ने—

श्लोक 10 (skanda.7.74.10)

यत्र सिद्धिमनुप्राप्त ऐश्वर्यं चाणिमादिकम्। शाकल्येश्वरनामेति ततः ख्यातं तुरीयकम्

yatra siddhimanuprāpta aiśvaryaṁ cāṇimādikam| śākalyeśvaranāmeti tataḥ khyātaṁ turīyakam

जहाँ अणिमा आदि सिद्धियों और ऐश्वर्य को प्राप्त किया, वहाँ तभी से इसका चौथा नाम शाकल्येश्वर प्रसिद्ध हुआ।

श्लोक 11 (skanda.7.74.11)

एवं चातुर्युगं नाम तस्य लिंगस्य कीर्तितम्। पापघ्नं पुण्यदं नॄणां कीर्त्तितं सर्वकामदम्

evaṁ cāturyugaṁ nāma tasya liṅgasya kīrtitam| pāpaghnaṁ puṇyadaṁ nṝṇāṁ kīrttitaṁ sarvakāmadam

इस प्रकार उस लिंग के चारों युगों के नाम बताए गए, जो पाप का नाश करने वाला, मनुष्यों को पुण्य देने वाला तथा सभी कामनाओं को पूर्ण करने वाला कहा गया है।

श्लोक 12 (skanda.7.74.12)

तस्यैव देवदेवस्य क्षेत्रोत्पत्तिं शृणु प्रिये

tasyaiva devadevasya kṣetrotpattiṁ śṛṇu priye

हे प्रिये, अब उसी देवाधिदेव के क्षेत्र की उत्पत्ति सुनो।

श्लोक 13 (skanda.7.74.13)

अष्टादशधनुर्देवि समंतात्परिमण्डलम्। महापापहरं देवि तत्र क्षेत्रनिवासिनाम्

aṣṭādaśadhanurdevi samaṁtātparimaṇḍalam| mahāpāpaharaṁ devi tatra kṣetranivāsinām

हे देवी, यह चारों ओर अठारह धनुष की परिधि में विस्तृत है, और हे देवी, यह वहाँ के क्षेत्र-निवासियों के महापापों का हरण करने वाला है।

श्लोक 14 (skanda.7.74.14)

कृमिकीटपतंगानां तिरश्चामपि मोक्षदम्। यत्र कूपादितोयेषु जलं सारस्वतं स्मृतम्

kṛmikīṭapataṁgānāṁ tiraścāmapi mokṣadam| yatra kūpāditoyeṣu jalaṁ sārasvataṁ smṛtam

यह कृमि, कीट, पतंगों और पशु-पक्षियों तक को मोक्ष देने वाला है; यहाँ के कुआँ आदि जलाशयों का जल सारस्वत (सरस्वती का) कहा गया है।

श्लोक 15 (skanda.7.74.15)

यत्र तत्र नरः स्नात्वा स्वर्गलोके महीयते। अश्वमेधसहस्रस्य वाजपेयशतस्य च

yatra tatra naraḥ snātvā svargaloke mahīyate| aśvamedhasahasrasya vājapeyaśatasya ca

जहाँ कहीं भी स्नान करके मनुष्य स्वर्गलोक में पूजित होता है, वह सहस्र अश्वमेध यज्ञों तथा सौ वाजपेय यज्ञों के

श्लोक 16 (skanda.7.74.16)

तत्फलं समवाप्नोति तस्य लिंगस्य दर्शनात्। सोमपर्वणि संप्राप्ते यस्तत्र शुचिरात्मवान्

tatphalaṁ samavāpnoti tasya liṅgasya darśanāt| somaparvaṇi saṁprāpte yastatra śucirātmavān

उस फल को उस लिंग के दर्शनमात्र से प्राप्त कर लेता है। सोम पर्व (अमावस्या/पूर्णिमा) आने पर जो पवित्र और संयमी होकर वहाँ रहता है,

श्लोक 17 (skanda.7.74.17)

अघोरं च जपेत्सम्यगाज्यहोमसमन्वितम्। तल्लिंगस्य समीपस्थो यावन्मासावधिः प्रिये

aghoraṁ ca japetsamyagājyahomasamanvitam| talliṅgasya samīpastho yāvanmāsāvadhiḥ priye

और भलीभाँति अघोर मंत्र का जप घृत-हवन के साथ करता है, हे प्रिये, उस लिंग के समीप एक मास तक रहकर,

श्लोक 18 (skanda.7.74.18)

महापातकयुक्तोऽपि युक्तो वाऽप्युपपातकैः। स सर्वां लभते सिद्धिमुत्तमां वरवर्णिनि

mahāpātakayukto'pi yukto vā'pyupapātakaiḥ| sa sarvāṁ labhate siddhimuttamāṁ varavarṇini

चाहे वह महापातकों से युक्त हो अथवा उपपातकों से युक्त हो, हे वरवर्णिनी, वह सम्पूर्ण उत्तम सिद्धि को प्राप्त करता है।

श्लोक 19 (skanda.7.74.19)

कामिकं तत्स्मृतं लिंगं सर्वकामफलप्रदम्। अघोर वक्त्रं देवस्य तत्रस्थं भैरवं महत्

kāmikaṁ tatsmṛtaṁ liṅgaṁ sarvakāmaphalapradam| aghora vaktraṁ devasya tatrasthaṁ bhairavaṁ mahat

वह लिंग कामिक (कामनाओं को पूर्ण करने वाला) कहा गया है, जो सभी कामनाओं का फल देने वाला है; वहाँ स्थित भैरव, देव के अघोर मुख हैं, जो महान् हैं।

श्लोक 20 (skanda.7.74.20)

भैरवेश्वरनामेति पूर्वं ख्यातमभूद्भुवि। अस्मिन्युगे तु संप्राप्ते शाकल्येश्वरनामकम्

bhairaveśvaranāmeti pūrvaṁ khyātamabhūdbhuvi| asminyuge tu saṁprāpte śākalyeśvaranāmakam

पूर्वकाल में यह भूतल पर भैरवेश्वर नाम से विख्यात था; इस युग (कलियुग) के आने पर इसका नाम शाकल्येश्वर हो गया।