संनिहित्यामाहात्म्यवर्णनम्

श्लोक 1 (skanda.7.85.1)

देव्युवाच। तत्र संनिहिता प्रोक्ता या त्वया वृषभध्वज। कथं देव समायाता कुरुक्षेत्रान्महानदी। किं प्रभावा तु सा प्रोक्ता फलं स्नानादिकेन किम्

devyuvāca| tatra saṁnihitā proktā yā tvayā vṛṣabhadhvaja| kathaṁ deva samāyātā kurukṣetrānmahānadī| kiṁ prabhāvā tu sā proktā phalaṁ snānādikena kim

देवी ने कहा—हे वृषभध्वज, आपने जिस संनिहिता का उल्लेख किया, वह महानदी कुरुक्षेत्र से यहाँ किस प्रकार आई? हे देव, उसका क्या प्रभाव कहा गया है, और स्नान आदि से क्या फल प्राप्त होता है?

श्लोक 2 (skanda.7.85.2)

ईश्वर उवाच। शृणु देवि प्रवक्ष्यामि यत्र संनिहिता शुभा। पापघ्नी सर्वजंतूनां दर्शनात्स्पर्शनादपि

īśvara uvāca| śṛṇu devi pravakṣyāmi yatra saṁnihitā śubhā| pāpaghnī sarvajaṁtūnāṁ darśanātsparśanādapi

ईश्वर ने कहा—हे देवी, सुनो, मैं बताता हूँ कि शुभ संनिहिता कहाँ स्थित है, जो दर्शन और स्पर्श मात्र से ही समस्त प्राणियों के पापों का नाश करने वाली है।

श्लोक 3 (skanda.7.85.3)

आदिनारायणाद्देवि पश्चिमे धनुषां त्रये। संस्थिता सा महादेवी सरिद्रूपा महानदी

ādinārāyaṇāddevi paścime dhanuṣāṁ traye| saṁsthitā sā mahādevī saridrūpā mahānadī

हे देवी, आदिनारायण से पश्चिम दिशा में तीन धनुष की दूरी पर वह महादेवी, नदी के रूप में, महानदी स्थित है।

श्लोक 4 (skanda.7.85.4)

कथयामि समासेन तदुत्पत्तिं शृणु प्रिये। जरासंधभयाद्देवि विष्णुः परिजनैः सह

kathayāmi samāsena tadutpattiṁ śṛṇu priye| jarāsaṁdhabhayāddevi viṣṇuḥ parijanaiḥ saha

मैं संक्षेप में उसकी उत्पत्ति बताता हूँ, हे प्रिये, सुनो। हे देवी, जरासंध के भय से विष्णु अपने परिजनों के सहित—

श्लोक 5 (skanda.7.85.5)

गृहीत्वा यादवान्सर्वान्बालवृद्धवणिग्जनान्। स शून्यां मथुरां कृत्वा प्रभासं समुपागतः

gṛhītvā yādavānsarvānbālavṛddhavaṇigjanān| sa śūnyāṁ mathurāṁ kṛtvā prabhāsaṁ samupāgataḥ

समस्त यादवों को, बालकों, वृद्धों तथा वणिकजनों सहित लेकर, मथुरा को खाली करके, प्रभास में आ पहुँचे।

श्लोक 6 (skanda.7.85.6)

समुद्रं प्रार्थयामास स्थानं संवासहेतवे। एतस्मिन्नेव काले तु देवदेवो दिवाकरः

samudraṁ prārthayāmāsa sthānaṁ saṁvāsahetave| etasminneva kāle tu devadevo divākaraḥ

उन्होंने निवास के लिए स्थान की याचना समुद्र से की। ठीक इसी समय देवाधिदेव सूर्य—

श्लोक 7 (skanda.7.85.7)

संग्रस्तो राहुणा देवि पर्वकाले ह्युपस्थिते। तं दृष्ट्वा यादवाः सर्वे विषादं परमं गताः

saṁgrasto rāhuṇā devi parvakāle hyupasthite| taṁ dṛṣṭvā yādavāḥ sarve viṣādaṁ paramaṁ gatāḥ

हे देवी, पर्वकाल आने पर राहु द्वारा ग्रस लिए गए थे; उन्हें देखकर सभी यादव अत्यंत विषाद को प्राप्त हुए।

श्लोक 8 (skanda.7.85.8)

अप्राप्ताः संनिहित्यायां तानुवाच जनार्द्दनः। मा विषादं यदुश्रेष्ठा व्रजध्वं मयि संस्थिते

aprāptāḥ saṁnihityāyāṁ tānuvāca janārddanaḥ| mā viṣādaṁ yaduśreṣṭhā vrajadhvaṁ mayi saṁsthite

संनिहिता को न पाकर वे दुःखी हो गए; तब जनार्दन ने उनसे कहा—'हे यदुश्रेष्ठो, विषाद मत करो, मेरे रहते हुए तुम चलते रहो।'

श्लोक 9 (skanda.7.85.9)

दृश्यतां मत्प्रभावोऽद्य धर्मार्थमिह भूतले। आनयिष्याम्यहं सम्यक्पुण्यं सांनिहितं सरः

dṛśyatāṁ matprabhāvo'dya dharmārthamiha bhūtale| ānayiṣyāmyahaṁ samyakpuṇyaṁ sāṁnihitaṁ saraḥ

'आज यहाँ इस भूतल पर धर्म के लिए मेरा प्रभाव देखो; मैं भलीभाँति पुण्यमय संनिहिता सरोवर को यहाँ ले आऊँगा।'

श्लोक 10 (skanda.7.85.10)

एवमुक्त्वा स भगवान्समाधिस्थो बभूव ह। एवं संध्यायतस्तस्य विष्णोरमिततेजसः

evamuktvā sa bhagavānsamādhistho babhūva ha| evaṁ saṁdhyāyatastasya viṣṇoramitatejasaḥ

ऐसा कहकर वे भगवान् समाधिस्थ हो गए; इस प्रकार ध्यान करते हुए उन अमित तेजस्वी विष्णु के—

श्लोक 11 (skanda.7.85.11)

प्रादुर्भूता ततस्तस्य वारिधाराऽग्रतः शुभा। बिभेद्य धरणीपृष्ठं स्नानार्थं चासुरद्विषः

prādurbhūtā tatastasya vāridhārā'grataḥ śubhā| bibhedya dharaṇīpṛṣṭhaṁ snānārthaṁ cāsuradviṣaḥ

तब उस असुर-द्वेषी (विष्णु) के आगे पृथ्वी की सतह को भेदकर, स्नान के लिए एक शुभ जलधारा प्रकट हुई।

श्लोक 12 (skanda.7.85.12)

तत स्ते यादवाः सर्वे रामसांबपुरोगमाः। चक्रुः स्नानं महादेवि राहुग्रस्ते दिवाकरे

tata ste yādavāḥ sarve rāmasāṁbapurogamāḥ| cakruḥ snānaṁ mahādevi rāhugraste divākare

हे महादेवी, तब बलराम और साम्ब आदि के नेतृत्व में सभी यादवों ने, सूर्य के राहु द्वारा ग्रसे जाने पर, स्नान किया।

श्लोक 13 (skanda.7.85.13)

प्राप्तपुण्या बभूवुस्ते संनिहित्यासमुद्भवम्। कुरुक्षेत्रस्य यात्रायाः प्राप्य सम्यक्फलं हि ते

prāptapuṇyā babhūvuste saṁnihityāsamudbhavam| kurukṣetrasya yātrāyāḥ prāpya samyakphalaṁ hi te

वे संनिहिता के उद्भव से उत्पन्न पुण्य को प्राप्त हुए, और कुरुक्षेत्र की यात्रा का सम्पूर्ण फल भी उन्होंने प्राप्त कर लिया।

श्लोक 14 (skanda.7.85.14)

एवं तत्समनुप्राप्तं पुण्यं सान्निहितं सरः। तत्र स्नात्वा महादेवि राहुग्रस्ते दिवाकरे। अग्निष्टोमस्य यज्ञस्य फलं प्राप्नोत्यशेषतः

evaṁ tatsamanuprāptaṁ puṇyaṁ sānnihitaṁ saraḥ| tatra snātvā mahādevi rāhugraste divākare| agniṣṭomasya yajñasya phalaṁ prāpnotyaśeṣataḥ

इस प्रकार वह सान्निहित सरोवर पुण्य प्रदान करने वाला हुआ। हे महादेवी, सूर्य के राहु-ग्रस्त होने पर वहाँ स्नान करके मनुष्य अग्निष्टोम यज्ञ का सम्पूर्ण फल प्राप्त करता है।

श्लोक 15 (skanda.7.85.15)

यस्तत्र भोजयेद्विप्रं षड्रसं विधिपूर्वकम्। एकेन भोजितेनैव कोटिर्भवति भोजिता

yastatra bhojayedvipraṁ ṣaḍrasaṁ vidhipūrvakam| ekena bhojitenaiva koṭirbhavati bhojitā

जो वहाँ किसी ब्राह्मण को विधिपूर्वक षड्रस भोजन कराता है, उसके एक बार भोजन कराने से मानो करोड़ों ब्राह्मणों को भोजन कराया गया हो।

श्लोक 16 (skanda.7.85.16)

यस्तत्र कारयेद्धोमं संनिहित्यासमीपतः। एकैकाहुतिदानेन कोटिहोमफलं लभेत्

yastatra kārayeddhomaṁ saṁnihityāsamīpataḥ| ekaikāhutidānena koṭihomaphalaṁ labhet

जो संनिहिता के समीप वहाँ हवन करवाता है, वह प्रत्येक आहुति देने से करोड़ों हवनों का फल प्राप्त करता है।

श्लोक 17 (skanda.7.85.17)

मन्त्रजाप्यं तु कुरुते तत्र स्थाने स्थितो यदि। एकैकमंत्रजाप्येन कोटिजाप्यफलं लभेत्

maṁtrajāpyaṁ tu kurute tatra sthāne sthito yadi| ekaikamaṁtrajāpyena koṭijāpyaphalaṁ labhet

यदि कोई उस स्थान पर स्थित होकर मंत्र-जप करता है, तो वह प्रत्येक मंत्र-जप से करोड़ों जप का फल प्राप्त करता है।

श्लोक 18 (skanda.7.85.18)

सुवर्णदानं दातव्यं तत्र यात्राफलेप्सुभिः। स्नात्वा संपूजनीयश्च आदिदेवो जनार्द्दनः

suvarṇadānaṁ dātavyaṁ tatra yātrāphalepsubhiḥ| snātvā saṁpūjanīyaśca ādidevo janārddanaḥ

जो पूर्ण यात्रा-फल की कामना करते हैं, उन्हें वहाँ स्वर्ण दान देना चाहिए; स्नान करके आदिदेव जनार्दन की पूजा करनी चाहिए।

श्लोक 19 (skanda.7.85.19)

इति वै कथितं सम्यक्फलं सांनिहितं तव। श्रुतं पापहरं नृणां सम्यक्छ्रद्धावतां प्रिये

iti vai kathitaṁ samyakphalaṁ sāṁnihitaṁ tava| śrutaṁ pāpaharaṁ nṛṇāṁ samyakśraddhāvatāṁ priye

हे प्रिये, इस प्रकार मैंने तुम्हें संनिहिता का सम्पूर्ण फल बताया है, जिसका श्रवण श्रद्धावान् मनुष्यों के पापों का हरण करने वाला है।