भूतेश्वरमाहात्म्यवर्णनम्

श्लोक 1 (skanda.7.87.1)

ईश्वर उवाच। एवं कृत्वा नरो यात्रां सम्यक्छ्रद्धासमन्वितः। ततो गच्छेन्महादेवि रुद्रानेकादश क्रमात्

īśvara uvāca| evaṁ kṛtvā naro yātrāṁ samyakchraddhāsamanvitaḥ| tato gacchenmahādevi rudrānekādaśa kramāt

ईश्वर ने कहा—इस प्रकार सम्यक् श्रद्धा से युक्त होकर यात्रा करने के पश्चात् मनुष्य को, हे महादेवि, क्रमशः ग्यारह रुद्रों के पास जाना चाहिए।

श्लोक 2 (skanda.7.87.2)

प्रभासक्षेत्रमध्यस्थान्महापातकनाशनान्। यदेकादशधा पापमर्जितं मनुजैः पृथक्

prabhāsakṣetramadhyasthānmahāpātakanāśanān| yadekādaśadhā pāpamarjitaṁ manujaiḥ pṛthak

प्रभासक्षेत्र के मध्य में स्थित वे महापातकनाशक रुद्र हैं; मनुष्यों द्वारा जो पाप ग्यारह प्रकार से पृथक्-पृथक् अर्जित किया जाता है,

श्लोक 3 (skanda.7.87.3)

तदेकादशरुद्राणां पूजनात्क्षयमेष्यति। संक्रांतावयने वापि चंद्रसूर्यग्रहेऽथवा

tadekādaśarudrāṇāṁ pūjanātkṣayameṣyati| saṁkrāntāvayane vāpi candrasūryagrahe'thavā

वह पाप ग्यारह रुद्रों के पूजन से क्षय को प्राप्त होता है—संक्रांति में, अयन में, अथवा चंद्रग्रहण या सूर्यग्रहण के अवसर पर।

श्लोक 4 (skanda.7.87.4)

अन्यासु पुण्यतिथिषु सम्यग्भावेन भावितः। पूजयेदानुपूर्व्येण रुद्रैकादशकं क्रमात्

anyāsu puṇyatithiṣu samyagbhāvena bhāvitaḥ| pūjayedānupūrvyeṇa rudraikādaśakaṁ kramāt

अन्य पुण्य तिथियों में भी सम्यक् भाव से युक्त होकर क्रमानुसार ग्यारह रुद्रों की पूजा करनी चाहिए।

श्लोक 5 (skanda.7.87.5)

तेषां नामानि वक्ष्यामि यान्यतीतानि मे पुरा। आद्ये कृतयुगे तानि शृणु देवि यथार्थतः

teṣāṁ nāmāni vakṣyāmi yānyatītāni me purā| ādye kṛtayuge tāni śṛṇu devi yathārthataḥ

मैं उनके नाम बताऊँगा जो मेरे लिए प्राचीनकाल से चले आ रहे हैं; हे देवि, आदि कृतयुग में वे जैसे थे, वैसा ही यथार्थ रूप से सुनो।

श्लोक 6 (skanda.7.87.6)

अजैकपादहिर्बुध्न्यो विरूपाक्षोऽथ रैवतः। हरश्च बहुरूपश्च त्र्यंबकश्च सुरेश्वरः। वृषाकपिश्च शंभुश्च कपर्दी चापराजितः

ajaikapādahirbudhnyo virūpākṣo'tha raivataḥ| haraśca bahurūpaśca tryaṁbakaśca sureśvaraḥ| vṛṣākapiśca śaṁbhuśca kapardī cāparājitaḥ

अजैकपाद् और अहिर्बुध्न्य, विरूपाक्ष, तथा रैवत, हर और बहुरूप, त्र्यंबक और सुरेश्वर, वृषाकपि और शंभु, कपर्दी और अपराजित।

श्लोक 7 (skanda.7.87.7)

आदौ कृतयुगे देवि त्रेतायां द्वापरेऽपि च। कलौ युगे तु संप्राप्ते जातं नामांतरं पुनः

ādau kṛtayuge devi tretāyāṁ dvāpare'pi ca| kalau yuge tu saṁprāpte jātaṁ nāmāntaraṁ punaḥ

आदि कृतयुग में, हे देवि, त्रेता में तथा द्वापर में भी; कलियुग के आने पर पुनः नामों में परिवर्तन हुआ।

श्लोक 8 (skanda.7.87.8)

एकादशधा रुद्राणां तानि ते वच्मि सांप्रतम्। भूतेशो नीलरुद्रश्च कपाली वृषवाहनः

ekādaśadhā rudrāṇāṁ tāni te vacmi sāṁpratam| bhūteśo nīlarudraśca kapālī vṛṣavāhanaḥ

अब मैं तुम्हें ग्यारह रुद्रों के वर्तमान नाम बताता हूँ: भूतेश, नीलरुद्र, कपाली, वृषवाहन,

श्लोक 9 (skanda.7.87.9)

त्र्यंबको घोरनामा च महाकालोऽथ भैरवः। मृत्युंजयोऽथ कामेशो योगेश इति कीर्तितः। एकादशैते रुद्रास्ते कथिताः क्रमशः प्रिये

tryambako ghoranāmā ca mahākālo'tha bhairavaḥ| mṛtyuṁjayo'tha kāmeśo yogeśa iti kīrtitaḥ| ekādaśaite rudrāste kathitāḥ kramaśaḥ priye

त्र्यंबक, और घोरनामा, महाकाल तथा भैरव, मृत्युंजय, फिर कामेश, और योगेश—इस प्रकार, हे प्रिये, ये ग्यारह रुद्र क्रमशः कहे गए हैं।

श्लोक 10 (skanda.7.87.10)

अनादिनिधना देवि भेदभिन्नास्तु ते पृथक्। एकादशस्वरूपेण पृथङ्नामप्रभेदतः

anādinidhanā devi bhedabhinnāstu te pṛthak| ekādaśasvarūpeṇa pṛthaṅnāmaprabhedataḥ

हे देवि, वे अनादि-अनंत होते हुए भी भेद से भिन्न-भिन्न हैं; वे ग्यारह स्वरूपों में, पृथक्-पृथक् नामों के भेद से, विद्यमान हैं।

श्लोक 11 (skanda.7.87.11)

देव्युवाच। भगवन्विस्तराद्ब्रूहि लिंगैकादशकक्रमम्। स्थानसीमाप्रभेदेन माहात्म्योत्पत्तिकारणैः

devyuvāca| bhagavanvistarādbrūhi liṅgaikādaśakakramam| sthānasīmāprabhedena māhātmyotpattikāraṇaiḥ

देवी ने कहा—हे भगवन्, स्थान और सीमा के भेद से तथा माहात्म्य की उत्पत्ति के कारणों सहित ग्यारह लिंगों का क्रम विस्तारपूर्वक बताइए।

श्लोक 12 (skanda.7.87.12)

कथं पूज्यानि तानीश के मंत्राः को विधिः स्मृतः। कस्मिन्पर्वणि काले वा सर्वं विस्तरतो वद

kathaṁ pūjyāni tānīśa ke mantrāḥ ko vidhiḥ smṛtaḥ| kasminparvaṇi kāle vā sarvaṁ vistarato vada

हे ईश, वे कैसे पूज्य हैं? कौन से मंत्र हैं? कौन सी विधि स्मृत है? किस पर्व में अथवा किस काल में? यह सब विस्तार से कहिए।

श्लोक 13 (skanda.7.87.13)

ईश्वर उवाच। शृणु देवि प्रवक्ष्यामि रहस्यं पापनाशनम्। सोमनाथादितः कृत्वा सिद्धिनाथादिकारणम्

īśvara uvāca| śṛṇu devi pravakṣyāmi rahasyaṁ pāpanāśanam| somanāthāditaḥ kṛtvā siddhināthādikāraṇam

ईश्वर ने कहा—हे देवि, सुनो, मैं वह पापनाशक रहस्य कहता हूँ, सोमनाथ से आरंभ करके सिद्धिनाथ आदि तक के कारण सहित।

श्लोक 14 (skanda.7.87.14)

यच्छ्रुत्वा मुच्यते जंतुः पातकैः पूर्वसंचितैः। ये चैकादश रुद्रा वै तव प्रोक्ता मया प्रिये

yacchrutvā mucyate jantuḥ pātakaiḥ pūrvasaṁcitaiḥ| ye caikādaśa rudrā vai tava proktā mayā priye

जिसे सुनकर प्राणी पूर्वसंचित पापों से मुक्त हो जाता है; जो ग्यारह रुद्र मैंने तुम्हें बताए, हे प्रिये,

श्लोक 15 (skanda.7.87.15)

दश ते वायवः प्रोक्ता आत्मा चैकादशः स्मृतः। तेषां नामानि वक्ष्यामि वायूनां शृणु मे क्रमात्

daśa te vāyavaḥ proktā ātmā caikādaśaḥ smṛtaḥ| teṣāṁ nāmāni vakṣyāmi vāyūnāṁ śṛṇu me kramāt

उनमें से दस को वायु कहा गया है, और ग्यारहवाँ आत्मा माना गया है। मैं उनके नाम बताता हूँ; उन वायुओं को मुझसे क्रमशः सुनो।

श्लोक 16 (skanda.7.87.16)

प्राणोऽपानः समानश्च ह्युदानो व्यान एव च। नागश्च कूर्मः कृकलो देवदत्तो धनंजयः

prāṇo'pānaḥ samānaśca hyudāno vyāna eva ca| nāgaśca kūrmaḥ kṛkalo devadatto dhanaṁjayaḥ

प्राण, अपान और समान, तथा उदान और व्यान; नाग, कूर्म, कृकल, देवदत्त, धनंजय—

श्लोक 17 (skanda.7.87.17)

आत्मा चेति क्रमाज्ज्ञेया रुद्राधिपतयः क्रमात्। तेषां यात्रां क्रमाद्वक्ष्ये सर्वप्राणिहिताय वै

ātmā ceti kramājjñeyā rudrādhipatayaḥ kramāt| teṣāṁ yātrāṁ kramādvakṣye sarvaprāṇihitāya vai

और आत्मा—इस क्रम से इन्हें रुद्रों के अधिपतियों के रूप में जानना चाहिए। अब मैं सब प्राणियों के हित के लिए उनकी यात्रा क्रम से बताऊँगा।

श्लोक 18 (skanda.7.87.18)

रुद्राणामादिदेवोऽसौ पूर्वं सोमेश्वरः प्रिये। भूतेश्वरेति नाम्ना वै पूजयेत्तं विधानतः

rudrāṇāmādidevo'sau pūrvaṁ someśvaraḥ priye| bhūteśvareti nāmnā vai pūjayettaṁ vidhānataḥ

रुद्रों के आदिदेव पूर्व में सोमेश्वर ही हैं, हे प्रिये; उन्हें भूतेश्वर नाम से विधिपूर्वक पूजना चाहिए।

श्लोक 19 (skanda.7.87.19)

राजोपचारयोगेन श्रद्धापूतेन चेतसा। पंचामृतेन संस्नाप्य सद्योजातेन पूजयेत्

rājopacārayogena śraddhāpūtena cetasā| pañcāmṛtena saṁsnāpya sadyojātena pūjayet

राजोपचार विधि से, श्रद्धापूत चित्त से, पंचामृत से स्नान कराकर, सद्योजात मंत्र से पूजा करनी चाहिए।

श्लोक 20 (skanda.7.87.20)

पुष्पैर्मनोहरैर्भक्त्या ध्यात्वा देवं सदाशिवम्। त्रिभिः प्रदक्षिणीकृत्य साष्टांगं प्रणिपत्य च

puṣpairmanoharairbhaktyā dhyātvā devaṁ sadāśivam| tribhiḥ pradakṣiṇīkṛtya sāṣṭāṅgaṁ praṇipatya ca

मनोहर पुष्पों से, भक्तिपूर्वक सदाशिव देव का ध्यान करते हुए, तीन प्रदक्षिणा करके और साष्टांग प्रणाम करके,

श्लोक 21 (skanda.7.87.21)

रुद्रैकादशयात्रार्थी निर्विघ्नार्थं व्रजेत्ततः। भूतेश्वरेति यन्नाम प्रोक्तं तत्ते ब्रवीम्यहम्

rudraikādaśayātrārthī nirvighnārthaṁ vrajettataḥ| bhūteśvareti yannāma proktaṁ tatte bravīmyaham

ग्यारह रुद्रों की यात्रा का इच्छुक व्यक्ति विघ्नरहित होने हेतु फिर आगे बढ़े। भूतेश्वर नाम जो उनका कहा गया है, वह मैं तुम्हें बताता हूँ।

श्लोक 22 (skanda.7.87.22)

महदादि विशेषांतं भूतजालं यदीरितम्। पंचविंशति संख्याकं तेषामीशो यतः स्मृतः

mahadādi viśeṣāntaṁ bhūtajālaṁ yadīritam| pañcaviṁśati saṁkhyākaṁ teṣāmīśo yataḥ smṛtaḥ

महत् से लेकर विशेषों तक फैला हुआ जो भूतसमूह कहा गया है, वह पच्चीस संख्या वाला माना गया है; चूँकि वे उनके ईश (स्वामी) माने गए हैं,

श्लोक 23 (skanda.7.87.23)

तेन भूतेश्वरेत्युक्तं नाम तस्य पुरा किल। पंचविंशतितत्त्वानि ज्ञात्वा मुक्तिमवाप्नुयात्

tena bhūteśvaretyuktaṁ nāma tasya purā kila| pañcaviṁśatitattvāni jñātvā muktimavāpnuyāt

इसीलिए पूर्वकाल में उनका नाम भूतेश्वर कहा गया। पच्चीस तत्त्वों को जानकर मनुष्य मुक्ति प्राप्त करता है।

श्लोक 24 (skanda.7.87.24)

भूतेशरुद्रं संपूज्य गच्छेद्वै मुक्तिमव्ययाम्। इति संक्षेपतः प्रोक्तमादि रुद्रस्य कीर्तनम्। कीर्तनीयं द्विजातीनां कीर्तितं पुण्यवर्द्धनम्

bhūteśarudraṁ saṁpūjya gacchedvai muktimavyayām| iti saṁkṣepataḥ proktamādi rudrasya kīrtanam| kīrtanīyaṁ dvijātīnāṁ kīrtitaṁ puṇyavarddhanam

भूतेश रुद्र की पूजा करके मनुष्य अव्यय मुक्ति को प्राप्त होता है। इस प्रकार संक्षेप में आदि रुद्र का यह कीर्तन कहा गया, जो द्विजों के लिए कीर्तनीय और पुण्यवर्धक कहा गया है।