उमा-विवाह स्तव

श्लोक 1 (skanda.8.14.1)

सनत्कुमार उवाच। अथ वृत्ते विवाहे तु भवस्यामिततेजसः । प्रहर्षमतुलं गत्वा देवाः सह पितामहाः

sanatkumāra uvāca| atha vṛtte vivāhe tu bhavasyāmitatejasaḥ | praharṣamatulaṁ gatvā devāḥ saha pitāmahāḥ

सनत्कुमार ने कहा — अपरिमित तेजस्वी भगवान् भव (शिव) का विवाह सम्पन्न होने पर, पितामह ब्रह्मा सहित समस्त देवगण अनुपम हर्ष से भरकर,

श्लोक 2 (skanda.8.14.2)

तुष्टुवुर्वाग्भिरिष्टाभिः प्रणमन्तो महेश्वरम् । नमः पर्वतलिङ्गाय पर्वतेशाय वै नमः

tuṣṭuvurvāgbhiriṣṭābhiḥ praṇamanto maheśvaram | namaḥ parvataliṅgāya parvateśāya vai namaḥ

प्रणाम करते हुए, प्रिय स्तुतियों द्वारा महेश्वर की स्तुति करने लगे — पर्वत-लिंग को नमस्कार है, पर्वतेश को भी नमस्कार है।

श्लोक 3 (skanda.8.14.3)

नमः पवनवेगाय विरूपायाजिताय च । नमः क्लेशविनाशाय दात्रे च शुभसम्पदाम्

namaḥ pavanavegāya virūpāyājitāya ca | namaḥ kleśavināśāya dātre ca śubhasampadām

वायु के समान वेगवान्, अरूप और अजित को नमस्कार है; क्लेशों के नाशक तथा शुभ सम्पदाओं के दाता को नमस्कार है।

श्लोक 4 (skanda.8.14.4)

नमो नीलशिखण्डाय अम्बिकापतये नमः । नमः पवनरूपाय शतरूपाय वै नमः

namo nīlaśikhaṇḍāya ambikāpataye namaḥ | namaḥ pavanarūpāya śatarūpāya vai namaḥ

नीलशिखण्ड को नमस्कार है, अम्बिकापति को नमस्कार है; वायुरूप को नमस्कार है, शतरूप को भी नमस्कार है।

श्लोक 5 (skanda.8.14.5)

नमो भैरवरूपाय विरूपनयनाय च । नमः सहस्रनेत्राय सहस्रचरणाय च

namo bhairavarūpāya virūpanayanāya ca | namaḥ sahasranetrāya sahasracaraṇāya ca

भैरवरूप तथा विरूपनयन को नमस्कार है; सहस्रनेत्र और सहस्रचरण को नमस्कार है।

श्लोक 6 (skanda.8.14.6)

नमो वेदरहस्याय वेदाङ्गाय नमो नमः । विष्टम्भनाय शक्रस्य बाहोर्वेदाङ्कुराय च

namo vedarahasyāya vedāṅgāya namo namaḥ | viṣṭambhanāya śakrasya bāhorvedāṅkurāya ca

वेदों के रहस्यस्वरूप, वेदांगस्वरूप को बार-बार नमस्कार है; शक्र की भुजा को रोकने वाले तथा वेद के अंकुरस्वरूप को नमस्कार है।

श्लोक 7 (skanda.8.14.7)

चराचराधिपतये शमनाय नमो नमः । सलिलेशयलिङ्गाय युगान्तायतलिङ्गिने

carācarādhipataye śamanāya namo namaḥ | salileśayaliṅgāya yugāntāyataliṅgine

चराचर के अधिपति, शमनकर्ता को बार-बार नमस्कार है; जल में शयन करने वाले लिंग को तथा युगान्त तक विस्तृत लिंग वाले को नमस्कार है।

श्लोक 8 (skanda.8.14.8)

नमः कपालमालाय कपालस्रग्विणे नमः । नमः कपालहस्ताय दंष्ट्रिणे गदिने नमः

namaḥ kapālamālāya kapālasragviṇe namaḥ | namaḥ kapālahastāya daṁṣṭriṇe gadine namaḥ

कपालों की माला धारण करने वाले, कपालों की माला पहनने वाले को नमस्कार है; हाथ में कपाल धारण करने वाले, दाढ़ों वाले तथा गदाधारी को नमस्कार है।

श्लोक 9 (skanda.8.14.9)

नमस्त्रैलोक्यनाथाय सप्तलोकनताय च । नमः खट्वाङ्गहस्ताय प्रमथार्त्तिहराय च

namastrailokyanāthāya saptalokanatāya ca | namaḥ khaṭvāṅgahastāya pramathārttiharāya ca

त्रैलोक्यनाथ तथा सप्तलोकों द्वारा नमित को नमस्कार है; खट्वांगधारी तथा प्रमथगणों की पीड़ा हरने वाले को नमस्कार है।

श्लोक 10 (skanda.8.14.10)

नमो यज्ञशिरोहर्त्रे कृष्णकेशापहारिणे । भगनेत्रनिपाताय पूष्णो दन्तहराय च

namo yajñaśirohartre kṛṣṇakeśāpahāriṇe | bhaganetranipātāya pūṣṇo dantaharāya ca

यज्ञ के शिर का हरण करने वाले तथा कृष्ण के केशों को उखाड़ने वाले को नमस्कार है; भग के नेत्र को गिराने वाले तथा पूषा के दाँत हरने वाले को नमस्कार है।

श्लोक 11 (skanda.8.14.11)

नमः पिनाकशूलासिखड्गमुद्गरधारिणे । नमोस्तु कालकालाय तृतीयनयनाय च

namaḥ pinākaśūlāsikhaḍgamudgaradhāriṇe | namostu kālakālāya tṛtīyanayanāya ca

पिनाक, शूल, असि, खड्ग और मुद्गर धारण करने वाले को नमस्कार है; कालों के काल तथा त्रिनेत्र को नमस्कार है।

श्लोक 12 (skanda.8.14.12)

अन्तकान्तकृते चैव नमः पर्वतवासिने । सुवर्णरेतसे चैव शंखकुण्डलधारिणे

antakāntakṛte caiva namaḥ parvatavāsine | suvarṇaretase caiva śaṁkhakuṇḍaladhāriṇe

अन्तक के अन्तकर्ता तथा पर्वतवासी को भी नमस्कार है; सुवर्णरेता एवं शंखकुण्डलधारी को नमस्कार है।

श्लोक 13 (skanda.8.14.13)

वडवानलयोगनाशाय योगिनां गुरवे नमः । शशाङ्कादित्यनेत्राय ललाटनयनाय च

vaḍavānalayoganāśāya yogināṁ gurave namaḥ | śaśāṅkādityanetrāya lalāṭanayanāya ca

वडवाग्नि के समान योग (माया) का नाश करने वाले, योगियों के गुरु को नमस्कार है; चन्द्र और सूर्य जिनके नेत्र हैं तथा ललाट में नेत्र धारण करने वाले को नमस्कार है।

श्लोक 14 (skanda.8.14.14)

नमः श्मशानरतये श्मशानवरदाय च । नमो दैवतनाथाय त्र्यम्बकाय नमो नमः

namaḥ śmaśānarataye śmaśānavaradāya ca | namo daivatanāthāya tryambakāya namo namaḥ

श्मशान में रमण करने वाले तथा श्मशान में वरदान देने वाले को नमस्कार है; देवताओं के स्वामी, त्र्यम्बक को बार-बार नमस्कार है।

श्लोक 15 (skanda.8.14.15)

अशनीशतहासाय ब्रह्मण्यायाजिताय च । गृहस्थसाधवे नित्यं जटिने ब्रह्मचारिणे

aśanīśatahāsāya brahmaṇyāyājitāya ca | gṛhasthasādhave nityaṁ jaṭine brahmacāriṇe

जिनकी हँसी सौ वज्रों के समान गर्जती है, जो ब्राह्मणों के हितकारी और अजित हैं, उन्हें नमस्कार है; जो सदैव सद्गृहस्थ, जटाधारी और ब्रह्मचारी हैं, उन्हें नमस्कार है।

श्लोक 16 (skanda.8.14.16)

नमो मुण्डार्धगण्डाय पशूनां पतये नमः । सलिले तप्यमानाय योगैश्वर्यप्रदाय च

namo muṇḍārdhagaṇḍāya paśūnāṁ pataye namaḥ | salile tapyamānāya yogaiśvaryapradāya ca

मुण्डित अर्धगण्ड वाले को नमस्कार है, पशुओं के स्वामी को नमस्कार है; जल में तप करने वाले तथा योगैश्वर्य के दाता को नमस्कार है।

श्लोक 17 (skanda.8.14.17)

नमः शान्ताय दान्ताय प्रलयोत्पत्तिकारिणे । नमोनुग्रहकर्त्रे च स्थितिकर्त्रे नमो नमः

namaḥ śāntāya dāntāya pralayotpattikāriṇe | namonugrahakartre ca sthitikartre namo namaḥ

शान्त, दान्त, प्रलय और उत्पत्ति के कारणभूत को नमस्कार है; अनुग्रह करने वाले तथा स्थिति के कर्ता को बार-बार नमस्कार है।

श्लोक 18 (skanda.8.14.18)

नमो रुद्राय वसवे आदित्यायाश्विने नमः । नमः पित्रेऽथ साध्याय विश्वेदेवाय वै नमः

namo rudrāya vasave ādityāyāśvine namaḥ | namaḥ pitre'tha sādhyāya viśvedevāya vai namaḥ

रुद्र, वसु, आदित्य तथा अश्विनीकुमार को नमस्कार है; पितृ को तथा साध्य को नमस्कार है, विश्वेदेव को भी नमस्कार है।

श्लोक 19 (skanda.8.14.19)

नमः शिवाय शर्वाय उग्राय वरदाय च । नमो भीमाय सेनान्ये पशूनां पतये नमः

namaḥ śivāya śarvāya ugrāya varadāya ca | namo bhīmāya senānye paśūnāṁ pataye namaḥ

शिव, शर्व, उग्र तथा वरदाता को नमस्कार है; भीम, सेनानी तथा पशुपति को नमस्कार है।

श्लोक 20 (skanda.8.14.20)

शुचये रेरिहाणाय सद्योजाताय वै नमः । महादेवाय चित्राय नमश्चित्ररथाय च

śucaye rerihāṇāya sadyojātāya vai namaḥ | mahādevāya citrāya namaścitrarathāya ca

पवित्र, अनुरागी तथा सद्योजात को नमस्कार है; महादेव, विचित्र तथा चित्ररथ को नमस्कार है।

श्लोक 21 (skanda.8.14.21)

प्रधानायाप्रमेयाय कार्याय करणाय च । पुरुषाय नमस्तेस्तु पुरुषेच्छाकराय च

pradhānāyāprameyāya kāryāya karaṇāya ca | puruṣāya namastestu puruṣecchākarāya ca

अप्रमेय प्रधान, कार्य तथा करण को नमस्कार है; आपको, पुरुष को नमस्कार है, तथा पुरुष की इच्छा पूर्ण करने वाले को नमस्कार है।

श्लोक 22 (skanda.8.14.22)

नमः पुरुषसंयोगप्रधानगुणधारिणे । प्रवर्तकाय प्रकृतेः पुरुषस्य च सर्वशः

namaḥ puruṣasaṁyogapradhānaguṇadhāriṇe | pravartakāya prakṛteḥ puruṣasya ca sarvaśaḥ

पुरुष के संयोग से प्रधान के गुणों को धारण करने वाले को नमस्कार है; प्रकृति तथा पुरुष दोनों को सर्वथा प्रवर्तित करने वाले को नमस्कार है।

श्लोक 23 (skanda.8.14.23)

कृताकृतस्य संवेत्रे फलसंयोगदाय च । कालज्ञाय च सर्वत्र नमो नियमचारिणे

kṛtākṛtasya saṁvetre phalasaṁyogadāya ca | kālajñāya ca sarvatra namo niyamacāriṇe

कृत और अकृत के ज्ञाता तथा फल के संयोग देने वाले को नमस्कार है; सर्वत्र काल के ज्ञाता तथा नियमपूर्वक विचरने वाले को नमस्कार है।

श्लोक 24 (skanda.8.14.24)

नमो वैषम्यकर्त्रे च गुणानां वृत्तिदाय च । नमस्ते देवदेवेश नमस्ते भूतभावन । शिवः सौम्यः सुखो द्रष्टुं भव सोमो हि नः प्रभो

namo vaiṣamyakartre ca guṇānāṁ vṛttidāya ca | namaste devadeveśa namaste bhūtabhāvana | śivaḥ saumyaḥ sukho draṣṭuṁ bhava somo hi naḥ prabho

गुणों की विषमता के कर्ता तथा उनकी वृत्ति के दाता को नमस्कार है; हे देवदेवेश, आपको नमस्कार है, हे भूतभावन, आपको नमस्कार है — आप शिव, सौम्य और देखने में सुखद हों; हे प्रभो, आप हम पर सौम्य कृपालु बने रहें।

श्लोक 25 (skanda.8.14.25)

सनत्कुमार उवाच। एवं स भगवान्देवो जगत्पतिरुमापतिः । स्तूयमानः सुरैः सर्वैरमरानिदमब्रवीत्

sanatkumāra uvāca| evaṁ sa bhagavāndevo jagatpatirumāpatiḥ | stūyamānaḥ suraiḥ sarvairamarānidamabravīt

सनत्कुमार ने कहा — इस प्रकार समस्त देवताओं द्वारा स्तुति किए जाने पर, जगत्पति उमापति उन भगवान् ने देवताओं से यह कहा।

श्लोक 26 (skanda.8.14.26)

द्रष्टुं सुखश्च सौम्यश्च देवानामस्मि भो सुराः । परं ब्रूत यथेष्टं वो दातास्मि वदतानघाः

draṣṭuṁ sukhaśca saumyaśca devānāmasmi bho surāḥ | paraṁ brūta yatheṣṭaṁ vo dātāsmi vadatānaghāḥ

हे सुरगण! मैं देवताओं के लिए सुखद, सौम्य और दर्शनीय हूँ; हे निष्पाप देवगण, अपनी उत्कृष्ट इच्छा कहो, जो चाहो कहो, मैं वह दूँगा।

श्लोक 27 (skanda.8.14.27)

ततस्ते प्रणताः सर्वे ऊचुः सब्रह्मकाः सुराः । तथैव भगवन्नस्तु वर एषोवतिष्ठताम्

tataste praṇatāḥ sarve ūcuḥ sabrahmakāḥ surāḥ | tathaiva bhagavannastu vara eṣovatiṣṭhatām

तब ब्रह्मा सहित समस्त देवगण प्रणाम करके बोले — हे भगवन्, ऐसा ही हो, यह वर अभी के लिए स्थगित रहे।

श्लोक 28 (skanda.8.14.28)

यदा कार्यं तदा नस्त्वं दास्यसे वरमीप्सितम् । एवमस्त्विति तानुक्त्वा विसृज्य च सुरान् हरः । लोकांश्च प्रमथैः सार्धं विवेश भवनं ततः

yadā kāryaṁ tadā nastvaṁ dāsyase varamīpsitam | evamastviti tānuktvā visṛjya ca surān haraḥ | lokāṁśca pramathaiḥ sārdhaṁ viveśa bhavanaṁ tataḥ

जब आवश्यकता होगी, तब आप हमें अभीष्ट वर देंगे — यह सुनकर हर ने 'एवमस्तु' कहकर देवताओं को विदा किया, और फिर प्रमथगणों तथा लोकों के साथ अपने भवन में प्रवेश किया।

श्लोक 29 (skanda.8.14.29)

यस्तु हरोत्सवमद्भुतमेतं गायति दैवतविप्रसमक्षम् । सोप्रतिरूपगणेशसमानो देहविपर्ययमेत्य सुखी स्यात्

yastu harotsavamadbhutametaṁ gāyati daivataviprasamakṣam | sopratirūpagaṇeśasamāno dehaviparyayametya sukhī syāt

जो कोई हर के इस अद्भुत उत्सव को देवताओं और ब्राह्मणों के समक्ष गाता है, वह देह त्यागने पर गणेश के गणों के समान रूप पाकर सुखी होता है।

श्लोक 30 (skanda.8.14.30)

सनत्कुमार उवाच। पाराशर्य स्तवं हीमं शृणुयाद्यः पठेत वा । स स्वर्गलोकगो भूत्वा पूज्यतेमरराडिव

sanatkumāra uvāca| pārāśarya stavaṁ hīmaṁ śṛṇuyādyaḥ paṭheta vā | sa svargalokago bhūtvā pūjyatemararāḍiva

सनत्कुमार ने कहा — हे पाराशर्य, जो इस स्तोत्र को सुनता अथवा पढ़ता है, वह स्वर्गलोक में जाकर अमरराज (इन्द्र) के समान पूजित होता है।