युद्धम्

श्लोक 1 (skanda.8.83.1)

सनत्कुमार उवाच । अथ ते दानवा व्यास निवृत्ता रणमूर्धनि । दुष्करं तं तदा चक्रुर्वेगं नद्य इवार्णवे ।

sanatkumāra uvāca | atha te dānavā vyāsa nivṛttā raṇamūrdhani | duṣkaraṁ taṁ tadā cakrurvegaṁ nadya ivārṇave |

सनत्कुमार ने कहा - हे व्यास! तब वे दानव युद्ध के अग्रभाग में लौटकर, नदियों के समुद्र की ओर वेग के समान, उस दुष्कर वेग से आक्रमण करने लगे।

श्लोक 2 (skanda.8.83.2)

प्रह्रादश्चानुह्रादश्च शिनिर्बाष्कल एव च । विरोचनो बलिर्बाणो बलोन्यो देवकण्टकः ।

prahrādaścānuhrādaśca śinirbāṣkala eva ca | virocano balirbāṇo balonyo devakaṇṭakaḥ |

प्रह्लाद और अनुह्लाद, शिनि तथा वाष्कल, विरोचन, बलि, बाण, तथा देवताओं के लिए काँटे के समान एक दूसरा बल,

श्लोक 3 (skanda.8.83.3)

विप्रचित्तिश्च षण्डश्च ह्रदश्च स शतोदरः । यमोसुरश्च व्यंसश्च शतावर्त्तो हुतोदरः ।

vipracittiśca ṣaṇḍaśca hradaśca sa śatodaraḥ | yamosuraśca vyaṁsaśca śatāvartto hutodaraḥ |

विप्रचित्ति, षण्ड, ह्रद, शतोदर, यम नामक असुर, व्यंस, शतावर्त तथा हुतोदर,

श्लोक 4 (skanda.8.83.4)

केशी च नमुचिश्चैव तथेन्द्रदमनोसुरः । मयो मुरस्तारकाक्षो विद्युन्माली प्रभाकरः ।

keśī ca namuciścaiva tathendradamanosuraḥ | mayo murastārakākṣo vidyunmālī prabhākaraḥ |

केशी, नमुचि, असुर इन्द्रदमन, मय, मुर, तारकाक्ष, विद्युन्माली तथा प्रभाकर,

श्लोक 5 (skanda.8.83.5)

तारश्च तारकश्चैव बकश्चाटिश्च विश्रुतः । मूकश्चैव कुभश्चैव कार्तस्वनमहारवौ ।

tāraśca tārakaścaiva bakaścāṭiśca viśrutaḥ | mūkaścaiva kubhaścaiva kārtasvanamahāravau |

तार, तारक, बक तथा प्रसिद्ध अति, मूक, कुभ, तथा कार्तस्वन और महारव,

श्लोक 6 (skanda.8.83.6)

वातापी चेल्वलश्चैव तथैवेल्वकबल्वलौ । केतुश्च शतकेतुश्च राहुः स्वर्भानुरेव च ।

vātāpī celvalaścaiva tathaivelvakabalvalau | ketuśca śataketuśca rāhuḥ svarbhānureva ca |

वातापि, इल्वल, तथा इल्वक और बल्वल भी, केतु, शतकेतु, राहु तथा स्वर्भानु,

श्लोक 7 (skanda.8.83.7)

शम्बरो नमुचिश्चैव कालशम्बर एव च । दुन्दुभिर्महिषश्चैव शतदुन्दुभिरेव च ।

śambaro namuciścaiva kālaśambara eva ca | dundubhirmahiṣaścaiva śatadundubhireva ca |

शम्बर, नमुचि, कालशम्बर, दुन्दुभि, महिष तथा शतदुन्दुभि,

श्लोक 8 (skanda.8.83.8)

कालनेमी विपाकश्च पाको दुर्योधनस्तथा । हस्ती सुन्दनिसुन्दौ च शरभः काल एव च ।

kālanemī vipākaśca pāko duryodhanastathā | hastī sundanisundau ca śarabhaḥ kāla eva ca |

कालनेमि, विपाक, पाक, दुर्योधन, हस्ती, सुन्द और निसुन्द, शरभ तथा काल,

श्लोक 9 (skanda.8.83.9)

वृषपर्वा शताक्रन्दः शतावर्त्तोथ धेनुकः । प्रलम्बश्च बकश्चैव गजो हालाहलस्तथा ।

vṛṣaparvā śatākrandaḥ śatāvarttotha dhenukaḥ | pralambaśca bakaścaiva gajo hālāhalastathā |

वृषपर्वा, शताक्रन्द, शतावर्त, धेनुक, प्रलम्ब, बक, गज तथा हालाहल,

श्लोक 10 (skanda.8.83.10)

सैंहिकेयाश्च विख्याताः पौलोमाः कालकासुताः । निवातकवचाश्चैव बालेयाश्च तथा गणाः ।

saiṁhikeyāśca vikhyātāḥ paulomāḥ kālakāsutāḥ | nivātakavacāścaiva bāleyāśca tathā gaṇāḥ |

प्रसिद्ध सिंहिका के पुत्र, पौलोम, कालका के पुत्र, निवातकवच तथा बल के पुत्रों के गण,

श्लोक 11 (skanda.8.83.11)

बाणस्य च सुताः सर्वे कालखंजाश्च विश्रुताः । वृत्रो वृत्तश्च सगणस्तथान्ये सुमहाबलाः ।

bāṇasya ca sutāḥ sarve kālakhaṁjāśca viśrutāḥ | vṛtro vṛttaśca sagaṇastathānye sumahābalāḥ |

बाण के समस्त पुत्र, प्रसिद्ध कालखंज, वृत्र और वृत्त अपने गणों सहित, तथा अन्य अत्यन्त बलशाली दानव भी,

श्लोक 12 (skanda.8.83.12)

तस्य सैन्यस्य विप्रेन्द्र नर्दतः संबभौ तदा । वेगः स सिन्धुराजस्य वेलां प्रति यथा महान् ।

tasya sainyasya viprendra nardataḥ saṁbabhau tadā | vegaḥ sa sindhurājasya velāṁ prati yathā mahān |

हे विप्रेन्द्र! गर्जना करती हुई उस सेना का वेग उस समय ऐसा शोभित हो रहा था, जैसे समुद्रराज का महान वेग तट की ओर बढ़ता है।

श्लोक 13 (skanda.8.83.13)

वादित्ररवसंमिश्रैः सिंहनादैः सुपुष्कलैः । रथनेमिहयानां च गजानां बृंहितैः सह ।

vāditraravasaṁmiśraiḥ siṁhanādaiḥ supuṣkalaiḥ | rathanemihayānāṁ ca gajānāṁ bṛṁhitaiḥ saha |

वाद्यों की ध्वनि से मिश्रित प्रचुर सिंहनादों के साथ, रथों की नेमियों, घोड़ों तथा हाथियों की चिंघाड़ के साथ,

श्लोक 14 (skanda.8.83.14)

स शब्दस्तुमुलो व्यास त्रैलोक्यमवपूरयत् । देवाह्यपि सुसंयत्ताः सर्वोद्योगेन संस्थिताः ।

sa śabdastumulo vyāsa trailokyamavapūrayat | devāhyapi susaṁyattāḥ sarvodyogena saṁsthitāḥ |

हे व्यास! वह भयंकर कोलाहल तीनों लोकों को भर गया। देवगण भी भलीभाँति तैयार होकर पूर्ण प्रयत्न से खड़े हो गये।

श्लोक 15 (skanda.8.83.15)

प्रत्यगृह्णन्त तान् दैत्यान् क्रोधताम्रायतेक्षणाः ।

pratyagṛhṇanta tān daityān krodhatāmrāyatekṣaṇāḥ |

क्रोध से ताम्रवर्ण एवं विस्तृत नेत्रों वाले वे देवगण उन दैत्यों का सामना करने लगे... (इस श्लोक की शेष पंक्ति मूल पाण्डुलिपि में सर्वथा नष्ट है)।

श्लोक 16 (skanda.8.83.16)

असिभिः पात्यमानैश्च शतघ्नीभिश्च सर्वतः । उल्काभिरिव तद् व्योम चिचित्रमभवत्तदा ।

asibhiḥ pātyamānaiśca śataghnībhiśca sarvataḥ | ulkābhiriva tad vyoma cicitramabhavattadā |

चारों ओर गिरती हुई तलवारों तथा शतघ्नी अस्त्रों से वह आकाश उस समय उल्काओं से युक्त होकर विचित्र हो गया।

श्लोक 17 (skanda.8.83.17)

शरासिभिन्नकृत्तानि पतन्त्युर्व्यां शिरांसि हि । तालेभ्य इव पक्वानि फलानि मुनिसत्तम ।

śarāsibhinnakṛttāni patantyurvyāṁ śirāṁsi hi | tālebhya iva pakvāni phalāni munisattama |

हे मुनिसत्तम! बाणों और तलवारों से काटे गये सिर भूमि पर वैसे गिरते थे, जैसे ताड़ वृक्षों से पके हुए फल गिरते हैं।

श्लोक 18 (skanda.8.83.18)

मुकुटैर्हारकेयूरैः श्रोणीसूत्रैश्च सप्रभैः । निष्कैर्दुकूलैः कटकैरंगुलीयैः सकुण्डलैः ।

mukuṭairhārakeyūraiḥ śroṇīsūtraiśca saprabhaiḥ | niṣkairdukūlaiḥ kaṭakairaṁgulīyaiḥ sakuṇḍalaiḥ |

मुकुटों, हारों, केयूरों, कान्तिमान करधनियों, निष्कों, रेशमी वस्त्रों, कड़ों, अंगूठियों तथा कुण्डलों से,

श्लोक 19 (skanda.8.83.19)

उरच्छदैः कङ्कतीभिः करपालैश्च दन्तिनाम् । व्यजनैर्बालवृन्तैश्च छत्रैर्मणिभिरेव च ।

uracchadaiḥ kaṅkatībhiḥ karapālaiśca dantinām | vyajanairbālavṛntaiśca chatrairmaṇibhireva ca |

वक्षकवचों, कंघियों तथा हाथियों की सूँड़ के टुकड़ों से, पंखों, चामरों, छत्रों तथा मणियों से भी,

श्लोक 20 (skanda.8.83.20)

पट्टैश्च काञ्चनैर्दिव्यैः कवचैश्च महाप्रभैः । शिरोभिश्चरणैश्चैव करैर्वक्त्रैर्महाप्रभैः ।

paṭṭaiśca kāñcanairdivyaiḥ kavacaiśca mahāprabhaiḥ | śirobhiścaraṇaiścaiva karairvaktrairmahāprabhaiḥ |

स्वर्णिम दिव्य पट्टों तथा अत्यन्त कान्तिमान कवचों से, सिरों, चरणों, हाथों तथा अत्यन्त तेजस्वी मुखों से,

श्लोक 21 (skanda.8.83.21)

प्रतोदैश्च कुथाभिश्च योक्त्रैश्च कनकोज्ज्वलैः । तत्र युद्धनिशा भाति ताराभिर्द्यौरिवापरा ।

pratodaiśca kuthābhiśca yoktraiśca kanakojjvalaiḥ | tatra yuddhaniśā bhāti tārābhirdyaurivāparā |

चाबुकों, काठी-वस्त्रों तथा स्वर्ण से चमकते हुए साज-बन्धों से, वहाँ युद्ध की वह रात्रि तारों से युक्त दूसरे आकाश के समान शोभित हो रही थी।

श्लोक 22 (skanda.8.83.22)

तिष्ठ तिष्ठ क्व मे यासि नास्ति मोक्षस्तवाद्य वै । स्थितोहं प्रहरस्वेति न मे भीस्तिष्ठ मेग्रतः ।

tiṣṭha tiṣṭha kva me yāsi nāsti mokṣastavādya vai | sthitohaṁ praharasveti na me bhīstiṣṭha megrataḥ |

'ठहरो, ठहरो! मुझसे कहाँ भागे जाते हो? आज तुम्हारे लिए कोई मुक्ति नहीं है। मैं खड़ा हूँ, प्रहार करो; मुझे कोई भय नहीं, मेरे सामने खड़े रहो।'

श्लोक 23 (skanda.8.83.23)

किं गर्जसि वृथा व्योम्नि शरदीव बलाहकाः । कर्मणा दर्शय क्षिप्रं गर्जितं तेद्य निष्फलम् ।

kiṁ garjasi vṛthā vyomni śaradīva balāhakāḥ | karmaṇā darśaya kṣipraṁ garjitaṁ tedya niṣphalam |

'आकाश में शरत्कालीन मेघों की तरह व्यर्थ क्यों गरजते हो? कर्म द्वारा शीघ्र दिखाओ; तुम्हारी आज की गर्जना व्यर्थ है।'

श्लोक 24 (skanda.8.83.24)

नैवं प्रह्रियते मूढ मा वीक्षस्व दृढो भव । तिष्ठ तिष्ठ क्व गन्तासि मम हत्वा प्रियं सुतम् ।

naivaṁ prahriyate mūḍha mā vīkṣasva dṛḍho bhava | tiṣṭha tiṣṭha kva gantāsi mama hatvā priyaṁ sutam |

'हे मूढ़! इस प्रकार प्रहार नहीं किया जाता; इधर-उधर मत देखो, दृढ़ बनो। ठहरो, ठहरो! मेरे प्रिय पुत्र को मारकर कहाँ जाओगे?'

श्लोक 25 (skanda.8.83.25)

स्थितोस्म्येष नयिष्यामि त्वामद्य यमसादनम् । अद्य ते रतां सर्वां देवाधम सुदुस्सहाम् ।

sthitosmyeṣa nayiṣyāmi tvāmadya yamasādanam | adya te ratāṁ sarvāṁ devādhama sudussahām |

'मैं यहीं खड़ा हूँ, आज तुम्हें यमलोक भेजूँगा। हे देवाधम! आज तुम्हें सर्वथा असह्य...' (इस पद्य के इस स्थान पर एक शब्द मूल पाण्डुलिपि में अस्पष्ट है)।

श्लोक 26 (skanda.8.83.26)

नाशयिष्यन्ति मद्बाणास्तिष्ठ तिष्ठ ममाग्रतः । दानवाधम देवोस्मि नास्मि भीतोहमाहवे ।

nāśayiṣyanti madbāṇāstiṣṭha tiṣṭha mamāgrataḥ | dānavādhama devosmi nāsmi bhītohamāhave |

'मेरे बाण तुम्हारा नाश कर देंगे; ठहरो, ठहरो मेरे सामने! हे दानवाधम! मैं देवता हूँ, युद्ध में भयभीत नहीं हूँ।'

श्लोक 27 (skanda.8.83.27)

एवं वदन्तो युयुधुर्यथा मत्ता महागजाः । परस्परवधासक्ता योधास्तत्र सहस्रशः ।

evaṁ vadanto yuyudhuryathā mattā mahāgajāḥ | parasparavadhāsaktā yodhāstatra sahasraśaḥ |

इस प्रकार कहते हुए वे हजारों योद्धा, परस्पर वध में लीन होकर, मतवाले महागजों के समान लड़ने लगे।

श्लोक 28 (skanda.8.83.28)

अन्योन्यमेवमाभाष्य प्रैषयन्यमसादनम् । सिद्धाश्च चारणाश्चैव व्योम्नि सर्वे व्यवस्थिताः ।

anyonyamevamābhāṣya praiṣayanyamasādanam | siddhāśca cāraṇāścaiva vyomni sarve vyavasthitāḥ |

इस प्रकार एक-दूसरे को ललकारकर वे यमलोक भेजने लगे; और आकाश में स्थित सभी सिद्ध तथा चारणगण,

श्लोक 29 (skanda.8.83.29)

साधयन्ति रमन्ते च नदन्ति च यथाम्बुदाः । ममायं दानवः संख्ये हतो भर्ता विनिर्मितः ।

sādhayanti ramante ca nadanti ca yathāmbudāḥ | mamāyaṁ dānavaḥ saṁkhye hato bhartā vinirmitaḥ |

प्रोत्साहित करते, आनन्दित होते तथा मेघों के समान गरजते थे: 'युद्ध में मारा गया यह दानव अब मेरे लिए पति बनाया गया है!'

श्लोक 30 (skanda.8.83.30)

अयं देवस्तव पतिर्मा पारक्ये मनः कृथाः । किमेवं लोभयुक्तासि श्रेष्ठं श्रेष्ठं परीक्षसे ।

ayaṁ devastava patirmā pārakye manaḥ kṛthāḥ | kimevaṁ lobhayuktāsi śreṣṭhaṁ śreṣṭhaṁ parīkṣase |

'यह देवता तुम्हारा पति है, दूसरे में मन मत लगाओ।' 'तुम इतनी लोभी क्यों हो, बार-बार सबसे श्रेष्ठ को ही परखती रहती हो?'

श्लोक 31 (skanda.8.83.31)

स्वयंग्राहो न चेहास्ति लेख्यं वाचय मा त्वर । असन्तुष्टं मनः किन्ते संतुष्टा भव सुन्दरि ।

svayaṁgrāho na cehāsti lekhyaṁ vācaya mā tvara | asantuṣṭaṁ manaḥ kinte saṁtuṣṭā bhava sundari |

'यहाँ स्वयंवर नहीं है; लेख (आदेश) पढ़ो, जल्दी मत करो।' 'क्या तुम्हारा मन असन्तुष्ट है? हे सुन्दरी! सन्तुष्ट हो जाओ,'

श्लोक 32 (skanda.8.83.32)

भागोयं ते सुरैर्दत्तस्तं गृहीत्वा व्रजालयम् । एवमप्सरसश्चात्र वदन्ति च हसन्ति च ।

bhāgoyaṁ te surairdattastaṁ gṛhītvā vrajālayam | evamapsarasaścātra vadanti ca hasanti ca |

'यह भाग तुम्हें देवताओं ने दिया है, इसे लेकर अपने घर जाओ।' इस प्रकार अप्सराएँ वहाँ बोलती और हँसती थीं,

श्लोक 33 (skanda.8.83.33)

समरे निहते योधे कुर्वन्ति कलहं तथा । मेखलावलयोन्मिश्रं तासां तत् कलभाषितम् ।

samare nihate yodhe kurvanti kalahaṁ tathā | mekhalāvalayonmiśraṁ tāsāṁ tat kalabhāṣitam |

तथा युद्ध में किसी योद्धा के मारे जाने पर वे आपस में झगड़ भी करती थीं; उनकी वह मधुर वाणी करधनी और कंगनों की झंकार से मिश्रित होती थी।

श्लोक 34 (skanda.8.83.34)

श्रुत्वा श्रुत्वा च ते योधा युयुधुर्भयवर्जिताः । वल्गिता स्फोटितैश्चैव दिशः सर्वा व्यनादयन् ।

śrutvā śrutvā ca te yodhā yuyudhurbhayavarjitāḥ | valgitā sphoṭitaiścaiva diśaḥ sarvā vyanādayan |

इसे बार-बार सुनकर वे योद्धा निर्भय होकर लड़ते रहे; अपनी उछल-कूद तथा भुजाओं की थपथपाहट से उन्होंने सभी दिशाओं को गुंजा दिया।

श्लोक 35 (skanda.8.83.35)

तत् तप्रवादितगजोपबृंहितवल्गिताकुपितसिंहनादितम् । देवदानवभयप्रवर्त्तनं जीवितान्तकरमाबभौ रणम् ।

tat tapravāditagajopabṛṁhitavalgitākupitasiṁhanāditam | devadānavabhayapravarttanaṁ jīvitāntakaramābabhau raṇam |

तूर्यों की ध्वनि, हाथियों की चिंघाड़, उछल-कूद तथा कुपित सिंहनाद से गूँजता हुआ, देवताओं और दानवों दोनों को भयभीत करने वाला वह युद्ध साक्षात् जीवन का अन्त करने वाला प्रतीत हो रहा था।