सोमकोपः

श्लोक 1 (skanda.8.90.1)

सनत्कुमार उवाच । तद्देवसैन्यं संदृश्य दैत्यदानवयूथपैः । वध्यमानं भृशं व्यास व्याघ्रैरिव मृगान् वने ।

sanatkumāra uvāca | taddevasainyaṁ saṁdṛśya daityadānavayūthapaiḥ | vadhyamānaṁ bhṛśaṁ vyāsa vyāghrairiva mṛgān vane |

सनत्कुमार ने कहा - हे व्यास! दैत्य और दानव सेनापतियों के द्वारा देवसेना को इस प्रकार बुरी तरह मारा जाते देखकर, जैसे वन में बाघ मृगों को मारते हैं,

श्लोक 2 (skanda.8.90.2)

तिमिरारिर्महातेजाः सोमः प्रहरतां वरः । तिग्मवर्ष्मा सुशीतार्चिः स्वयं पवनसारथिः ।

timirārirmahātejāḥ somaḥ praharatāṁ varaḥ | tigmavarṣmā suśītārciḥ svayaṁ pavanasārathiḥ |

अन्धकार के शत्रु, महातेजस्वी, प्रहारकों में श्रेष्ठ, प्रचण्ड शरीर वाले किन्तु अत्यन्त शीतल किरणों वाले सोम, जिनके सारथि स्वयं पवन थे,

श्लोक 3 (skanda.8.90.3)

तौ बद्धकवचौ सम्यक् शरासनधरावुभौ । बद्धगोधाङ्गुलित्रौ च तथा बद्धेषुधी च तौ ।

tau baddhakavacau samyak śarāsanadharāvubhau | baddhagodhāṅgulitrau ca tathā baddheṣudhī ca tau |

वे दोनों भली प्रकार कवच बाँधे हुए, धनुष धारण किए हुए, गोधा-अँगुलित्राण तथा तूणीर बाँधे हुए,

श्लोक 4 (skanda.8.90.4)

सखड्गौ च सघण्टौ च सपताकौ गजाविव । उभौ वीरौ महावीर्यौ योद्धुं दैत्यान् व्यवस्थितौ ।

sakhaḍgau ca saghaṇṭau ca sapatākau gajāviva | ubhau vīrau mahāvīryau yoddhuṁ daityān vyavasthitau |

तलवारों, घंटियों और पताकाओं से सुसज्जित, दो हाथियों के समान, वे दोनों महापराक्रमी वीर दैत्यों से युद्ध करने के लिए तत्पर होकर खड़े हुए।

श्लोक 5 (skanda.8.90.5)

सोमस्तु दशभिस्तीक्ष्णैः सायकैर्मर्मभेदिभिः । विव्याध हृदये दैत्यं हिरण्याक्षं महासुरम् ।

somastu daśabhistīkṣṇaiḥ sāyakairmarmabhedibhiḥ | vivyādha hṛdaye daityaṁ hiraṇyākṣaṁ mahāsuram |

सोम ने दस तीक्ष्ण, मर्मभेदी बाणों से महासुर दैत्य हिरण्याक्ष के हृदय को बींध दिया।

श्लोक 6 (skanda.8.90.6)

स भिन्नहृदयो दैत्यः सोमेन दृढमुद्धतः । मोहं समाविशद् व्यास क्रौञ्चः शक्त्येव पर्वतः ।

sa bhinnahṛdayo daityaḥ somena dṛḍhamuddhataḥ | mohaṁ samāviśad vyāsa krauñcaḥ śaktyeva parvataḥ |

सोम के द्वारा दृढ़तापूर्वक हृदय बींधे जाने पर वह दैत्य, हे व्यास! उसी प्रकार मूर्च्छित हो गया जैसे स्कन्द की शक्ति से क्रौंच पर्वत मूर्च्छित हुआ था।

श्लोक 7 (skanda.8.90.7)

तं तथाभिसमीक्ष्यैव रथं यन्ता सहासुरम् । अपोवाह महामायं धनेशं निधयो यथा ।

taṁ tathābhisamīkṣyaiva rathaṁ yantā sahāsuram | apovāha mahāmāyaṁ dhaneśaṁ nidhayo yathā |

उसे उस दशा में देखकर सारथि उस असुर सहित रथ को उसी प्रकार वहाँ से हटा ले गया जैसे निधियाँ महामायावी कुबेर को सुरक्षित स्थान पर ले जाती हैं।

श्लोक 8 (skanda.8.90.8)

ततो हाहाकृतं दैत्यैर्दैवतैः साधुसाध्विति । गृह्णगृह्णेति दैत्यैश्च मा गृह्णेति च दैवतैः ।

tato hāhākṛtaṁ daityairdaivataiḥ sādhusādhviti | gṛhṇagṛhṇeti daityaiśca mā gṛhṇeti ca daivataiḥ |

तब दैत्यों ने हाहाकार किया और देवताओं ने "साधु, साधु" कहा; दैत्यों ने "पकड़ो, पकड़ो" पुकारा और देवताओं ने "मत पकड़ो" ऐसा कहा।

श्लोक 9 (skanda.8.90.9)

ततो भेर्यश्च शंखाश्च पणवा गोविषाणकाः । अवाद्यन्त सुराणां वै हर्षरागप्रवर्तनाः ।

tato bheryaśca śaṁkhāśca paṇavā goviṣāṇakāḥ | avādyanta surāṇāṁ vai harṣarāgapravartanāḥ |

तब देवताओं के हर्ष और उल्लास को बढ़ाने वाली भेरियाँ, शंख, पणव तथा गोविषाणक वाद्य बज उठे।

श्लोक 10 (skanda.8.90.10)

अथान्धकश्च तारश्च तारको नमुचिस्तथा । विप्रचित्तिः शम्बरश्च महामायश्च दानवः ।

athāndhakaśca tāraśca tārako namucistathā | vipracittiḥ śambaraśca mahāmāyaśca dānavaḥ |

तब अन्धक, तार, तारक, नमुचि, विप्रचित्ति, शम्बर तथा महामायावी दानव,

श्लोक 11 (skanda.8.90.11)

धुन्धुः कार्तस्वनश्चैव राहुश्चैव महाबलः । शतकेतुः शतावर्तः पुलोमा विल्वलस्तथा ।

dhundhuḥ kārtasvanaścaiva rāhuścaiva mahābalaḥ | śataketuḥ śatāvartaḥ pulomā vilvalastathā |

धुन्धु, कार्तस्वन, महाबली राहु, शतकेतु, शतावर्त, पुलोमा तथा विल्वल,

श्लोक 12 (skanda.8.90.12)

वातापी कालनेमिश्च शतावर्तः शतोदरः । महापार्श्वोदरश्चैव मुसुण्डः सुण्ढ एव च ।

vātāpī kālanemiśca śatāvartaḥ śatodaraḥ | mahāpārśvodaraścaiva musuṇḍaḥ suṇḍha eva ca |

वातापि, कालनेमि, शतावर्त, शतोदर, महापार्श्वोदर, मुसुण्ड तथा सुण्ढ,

श्लोक 13 (skanda.8.90.13)

दुर्लोमा वक्रबन्धश्च विरोमा रोध एव च । मारीचश्च सुबाहुश्च श्वेतकुण्डलिरेव च ।

durlomā vakrabandhaśca viromā rodha eva ca | mārīcaśca subāhuśca śvetakuṇḍalireva ca |

दुर्लोमा, वक्रबन्ध, विरोमा, रोध, मारीच, सुबाहु तथा श्वेतकुण्डली,

श्लोक 14 (skanda.8.90.14)

वृषपर्वातिकायश्च शरभः सिंह एव च । नरान्तको देवहनस्तथा यज्ञहनश्च यः ।

vṛṣaparvātikāyaśca śarabhaḥ siṁha eva ca | narāntako devahanastathā yajñahanaśca yaḥ |

वृषपर्वा, अतिकाय, शरभ, सिंह, नरान्तक, देवहन तथा यज्ञहन,

श्लोक 15 (skanda.8.90.15)

दैत्यौ सुन्दनिसुन्दौ च शक्रतापन एव च । प्रह्लादश्चानुह्रादश्च शिनिर्बाष्कल एव च ।

daityau sundanisundau ca śakratāpana eva ca | prahlādaścānuhrādaśca śinirbāṣkala eva ca |

सुन्द और निसुन्द नामक दैत्य, शक्रतापन, प्रह्लाद, अनुह्राद, शिनि तथा बाष्कल,

श्लोक 16 (skanda.8.90.16)

विरोचनो बलिर्बाणो वाताश्वश्च महाबलः । मयोऽथ तारकाक्षश्च विद्युन्माली प्रभाकरः ।

virocano balirbāṇo vātāśvaśca mahābalaḥ | mayo'tha tārakākṣaśca vidyunmālī prabhākaraḥ |

विरोचन, बलि, बाण, महाबली वाताश्व, मय, तारकाक्ष, विद्युन्माली तथा प्रभाकर,

श्लोक 17 (skanda.8.90.17)

दुन्दुभिर्महिषश्चैव अरिष्टो रिष्ट एव च । केशी च धेनुकश्चैव अजको व्यंस एव च ।

dundubhirmahiṣaścaiva ariṣṭo riṣṭa eva ca | keśī ca dhenukaścaiva ajako vyaṁsa eva ca |

दुन्दुभि, महिष, अरिष्ट, रिष्ट, केशी, धेनुक, अजक तथा व्यंस,

श्लोक 18 (skanda.8.90.18)

तथा गगनमूर्धा च असिलोमा च दानवः । सूचीलोमा तुहुण्डश्च हुण्डश्च परतापनः ।

tathā gaganamūrdhā ca asilomā ca dānavaḥ | sūcīlomā tuhuṇḍaśca huṇḍaśca paratāpanaḥ |

गगनमूर्धा, असिलोमा दानव, सूचीलोमा, तुहुण्ड तथा परतापी हुण्ड,

श्लोक 19 (skanda.8.90.19)

हस्ती दुर्योधनश्चैव विपाकः पाक एव च । बलो मुरोऽथ नरको मूकेन्द्रदमनावपि ।

hastī duryodhanaścaiva vipākaḥ pāka eva ca | balo muro'tha narako mūkendradamanāvapi |

हस्ती, दुर्योधन, विपाक, पाक, बल, मुर, नरक, तथा मूक और इन्द्रदमन,

श्लोक 20 (skanda.8.90.20)

अश्वग्रीवः शम्बरश्च तथान्यः कालसंवरः । शाल्वः शतभुजश्चैव द्रुमो व्याघ्रश्च दानवः ।

aśvagrīvaḥ śambaraśca tathānyaḥ kālasaṁvaraḥ | śālvaḥ śatabhujaścaiva drumo vyāghraśca dānavaḥ |

अश्वग्रीव, एक अन्य शम्बर नामक कालसंवर, शाल्व, शतभुज, द्रुम तथा व्याघ्र नामक दानव,

श्लोक 21 (skanda.8.90.21)

मधुश्च कैटभश्चैव महासंगर एव च । छायाग्रहश्च विख्यातः सैंहिकेयाश्च विश्रुताः ।

madhuśca kaiṭabhaścaiva mahāsaṁgara eva ca | chāyāgrahaśca vikhyātaḥ saiṁhikeyāśca viśrutāḥ |

मधु, कैटभ, महासंगर, विख्यात छायाग्रह, तथा प्रसिद्ध सैंहिकेय,

श्लोक 22 (skanda.8.90.22)

हालाह्लाश्च ते सर्वे बलिपुत्राश्च विश्रुताः । तथा मयसुताः सर्वे निवातकवचाश्च ये ।

hālāhlāśca te sarve baliputrāśca viśrutāḥ | tathā mayasutāḥ sarve nivātakavacāśca ye |

वे सभी हालाह्ल नामक दैत्य, प्रसिद्ध बलिपुत्र, मय के समस्त पुत्र, तथा निवातकवच नामक दैत्यगण,

श्लोक 23 (skanda.8.90.23)

पौलोमाः कालकेयाश्च विप्रचितिसुताश्च ये । एते चान्ये च बहुशो दैत्यदानवसंमताः ।

paulomāḥ kālakeyāśca vipracitisutāśca ye | ete cānye ca bahuśo daityadānavasaṁmatāḥ |

पौलोम, कालकेय, विप्रचित्ति के पुत्र - ये तथा और भी अनेकों, दैत्यों और दानवों में सम्मानित योद्धा,

श्लोक 24 (skanda.8.90.24)

सर्वे चन्द्रमसं देवं प्रति वेगं प्रचक्रिरे । महिषा इव हस्तिनः शरभं यथा ।

sarve candramasaṁ devaṁ prati vegaṁ pracakrire | mahiṣā iva hastinaḥ śarabhaṁ yathā |

सभी ने देव चन्द्रमा की ओर वेगपूर्वक धावा किया, जैसे भैंसे [इस पद का एक अंश पाण्डुलिपि में लुप्त है, संभवतः किसी सिंह की ओर दौड़ते हैं] अथवा जैसे हाथी शरभ की ओर दौड़ते हैं।

श्लोक 25 (skanda.8.90.25)

विघ्ना यतप्रयत्नं यद्वत् कामा मोक्षाश्रितं यथा । इन्द्रियार्था यथा योगमनर्था दुःखितं यथा ।

vighnā yataprayatnaṁ yadvat kāmā mokṣāśritaṁ yathā | indriyārthā yathā yogamanarthā duḥkhitaṁ yathā |

जैसे विघ्न किसी प्रयत्नशील साधक को घेरते हैं, जैसे कामनाएँ किसी मोक्षाभिलाषी को घेरती हैं, जैसे इन्द्रियविषय किसी योगी को घेरते हैं, और जैसे विपत्तियाँ किसी दुःखी व्यक्ति को घेरती हैं,

श्लोक 26 (skanda.8.90.26)

नागा इव गरुत्मन्तं भ्रमरा इव पादपम् । तथा ते दानवाः सर्वे प्रगृहीतवरायुधाः ।

nāgā iva garutmantaṁ bhramarā iva pādapam | tathā te dānavāḥ sarve pragṛhītavarāyudhāḥ |

जैसे सर्प गरुड़ को घेरते हैं और भ्रमर किसी वृक्ष को घेरते हैं, उसी प्रकार श्रेष्ठ अस्त्र-शस्त्र हाथ में लिए हुए वे सभी दानव,

श्लोक 27 (skanda.8.90.27)

दुद्रुवुः शिशिरं देवं महाजलदनिस्वनाः । तेषामापततां व्यास तिमिरारिर्हसन्निव ।

dudruvuḥ śiśiraṁ devaṁ mahājaladanisvanāḥ | teṣāmāpatatāṁ vyāsa timirārirhasanniva |

विशाल मेघों के समान गर्जते हुए शीतल किरणों वाले देव चन्द्रमा की ओर दौड़ पड़े। हे व्यास! उन झपटते हुए दानवों के समक्ष अन्धकार-शत्रु चन्द्रमा मानो हँसते हुए,

श्लोक 28 (skanda.8.90.28)

उद्यतान्यायुधानि स्म शरैश्चिच्छेद सर्वशः । ततः स तान् पुनर्देवः सर्वानेव रुषान्वितः ।

udyatānyāyudhāni sma śaraiściccheda sarvaśaḥ | tataḥ sa tān punardevaḥ sarvāneva ruṣānvitaḥ |

उनके उठे हुए समस्त अस्त्रों को बाणों से काट डाला। फिर वह देव क्रोधित होकर उन सभी को पुनः,

श्लोक 29 (skanda.8.90.29)

हृदयेषु शरैस्तीक्ष्णैर्बिभेद च ररास च । तुषारेण च शीतेन ताराधिपतिरव्ययः ।

hṛdayeṣu śaraistīkṣṇairbibheda ca rarāsa ca | tuṣāreṇa ca śītena tārādhipatiravyayaḥ |

तीक्ष्ण बाणों से हृदयों में बींधा और गर्जना की; तथा अविनाशी नक्षत्राधिपति चन्द्रमा ने अपने शीतल तुषार से,

श्लोक 30 (skanda.8.90.30)

आजघानासुरान् सर्वान् क्रोधसंरक्तलोचनः । ते शरैश्च विनिर्भिन्नाः शीतेन च भृशार्दिताः ।

ājaghānāsurān sarvān krodhasaṁraktalocanaḥ | te śaraiśca vinirbhinnāḥ śītena ca bhṛśārditāḥ |

क्रोध से लाल हुए नेत्रों वाले होकर सभी असुरों पर प्रहार किया। वे बाणों से बींधे गए और शीत से अत्यन्त पीड़ित होकर,

श्लोक 31 (skanda.8.90.31)

स्थितास्तत्रैव दैत्येन्द्राश्चित्रपट्टार्पिता इव । चन्द्रोऽपि देवः समरे मण्डलीकृतकार्मुकः ।

sthitāstatraiva daityendrāścitrapaṭṭārpitā iva | candro'pi devaḥ samare maṇḍalīkṛtakārmukaḥ |

वे दैत्येन्द्र वहीं उसी प्रकार खड़े रह गए मानो किसी चित्रित पट पर अंकित हों। देव चन्द्रमा भी युद्धस्थल में अपने धनुष को मण्डलाकार करते हुए,

श्लोक 32 (skanda.8.90.32)

बिभेद सर्वान् दैत्येन्द्रान् नर्दमानः पयोदवत् । यः कश्चिद्दानवो वापि दैत्यो वा मुनिसत्तम ।

bibheda sarvān daityendrān nardamānaḥ payodavat | yaḥ kaściddānavo vāpi daityo vā munisattama |

मेघ के समान गरजते हुए सभी दैत्येन्द्रों को बींधने लगे। हे मुनिश्रेष्ठ! जो भी कोई दानव अथवा दैत्य,

श्लोक 33 (skanda.8.90.33)

सर्वे एव शरान् तस्य दधिरे शशिनस्तदा । यत्किञ्चिच्चालयत्यङ्गं तत्र दैत्यः कदाचन ।

sarve eva śarān tasya dadhire śaśinastadā | yatkiñciccālayatyaṅgaṁ tatra daityaḥ kadācana |

सभी उस समय चन्द्रमा के बाणों को धारण करने लगे। वहाँ जो भी दैत्य कभी अपने किसी अंग को हिलाता,

श्लोक 34 (skanda.8.90.34)

तत्तत् तीक्ष्णैः शरैर्देवो बिभेद च ररास च । ब्रुवतो दैत्ययोधस्य यत्र क्वचन संयुगे ।

tattat tīkṣṇaiḥ śarairdevo bibheda ca rarāsa ca | bruvato daityayodhasya yatra kvacana saṁyuge |

उस-उस अंग को देव चन्द्रमा तीक्ष्ण बाणों से बींध देते और गर्जना करते। युद्धभूमि में जहाँ कहीं भी कोई दैत्य योद्धा कुछ बोलने लगता,

श्लोक 35 (skanda.8.90.35)

निचखान शरानष्टौ मुखे तस्यापि चन्द्रमाः । निष्पन्दास्ते स्थिताः सर्वे मूकवच्चासुरोत्तमाः । शरनिर्भिन्नसर्वाङ्गाश्चित्रपट्टार्पिता इव ।

nicakhāna śarānaṣṭau mukhe tasyāpi candramāḥ | niṣpandāste sthitāḥ sarve mūkavaccāsurottamāḥ | śaranirbhinnasarvāṅgāścitrapaṭṭārpitā iva |

चन्द्रमा उसके मुख में भी आठ बाण गहराई तक धँसा देते। इस प्रकार वे सभी असुरश्रेष्ठ निश्चल होकर, मूक के समान, बाणों से समस्त अंग बींधे हुए, मानो किसी चित्रित पट पर अंकित हों, वैसे खड़े रह गए।

श्लोक 36 (skanda.8.90.36)

यथा स भगवान् देवश्चन्द्रमा दानवार्दनः । तथैव भगवान् वह्निरार्दयद् दानवान् युधि ।

yathā sa bhagavān devaścandramā dānavārdanaḥ | tathaiva bhagavān vahnirārdayad dānavān yudhi |

जिस प्रकार भगवान देव चन्द्रमा दानवों को पीड़ित कर रहे थे, उसी प्रकार भगवान वह्नि ने भी युद्ध में दानवों को पीड़ित किया।

श्लोक 37 (skanda.8.90.37)

तद्रथाश्वगजयोधसंकुलं प्रक्षरद्रुधिरबिन्दुविह्वलम् । सीदते गजकुलोपमं बलं पंकलग्नमिव सर्वमुल्बणम् ।

tadrathāśvagajayodhasaṁkulaṁ prakṣaradrudhirabinduvihvalam | sīdate gajakulopamaṁ balaṁ paṁkalagnamiva sarvamulbaṇam |

रथों, घोड़ों, हाथियों और योद्धाओं से खचाखच भरी, बहते हुए रक्तबिन्दुओं से व्याकुल हुई वह सम्पूर्ण भयंकर सेना, कीचड़ में फँसे हुए हाथियों के समूह के समान धँसती जा रही थी।