हिरण्यकशिपु का अत्याचार और प्रह्लाद की भक्ति

श्लोक 1 (vishnu.1.17.1)

श्रीपराशर उवाच । मैत्रेय श्रूयतां सम्यक् चरितं तस्य धीमतः । प्रह्लादस्य सदोदारचरितस्य महात्मनः

śrīparāśara uvāca maitreya śrūyatāṁ samyak caritaṁ tasya dhīmataḥ prahlādasya sadodāracaritasya mahātmanaḥ

श्रीपराशर बोले — हे मैत्रेय! सदा उदार आचरण वाले उस महात्मा, बुद्धिमान् प्रह्लाद का चरित्र भलीभाँति सुनो।

श्लोक 2 (vishnu.1.17.2)

दितेः पुत्रो महावीर्यो हिरण्यकशिपुः पुरा । त्रैलोक्यं वशम् आनिन्ये ब्रह्मणो वरदर्पितः

diteḥ putro mahāvīryo hiraṇyakaśipuḥ purā trailokyaṁ vaśam āninye brahmaṇo varadarpitaḥ

पूर्वकाल में दिति का महापराक्रमी पुत्र हिरण्यकशिपु, ब्रह्मा के वर से अभिमानी होकर, तीनों लोकों को अपने वश में ले आया।

श्लोक 3 (vishnu.1.17.3)

इन्द्रत्वम् अकरोद् दैत्यः स चासीत् सविता स्वयम् । वायुर् अग्निर् अपां नाथः सोमश् चासीन् महासुरः

indratvam akarod daityaḥ sa cāsīt savitā svayam vāyur agnir apāṁ nāthaḥ somaś cāsīn mahāsuraḥ

उस दैत्य ने इन्द्रत्व धारण किया, और वह स्वयं सूर्य भी हुआ; वह वायु, अग्नि, जलों का स्वामी और महान असुर सोम भी बना।

श्लोक 4 (vishnu.1.17.4)

धनानाम् अधिपः सोऽभूत् स एवासीत् स्वयं यमः । यज्ञभागान् अशेषांस् तु स स्वयं बुभुजेऽसुरः

dhanānām adhipaḥ so 'bhūt sa evāsīt svayaṁ yamaḥ yajñabhāgān aśeṣāṁs tu sa svayaṁ bubhuje 'suraḥ

वह धन का स्वामी भी हुआ, और स्वयं यम भी वही बना; वह असुर स्वयं समस्त यज्ञ-भागों का भोग करता था।

श्लोक 5 (vishnu.1.17.5)

देवाः स्वर्गं परित्यज्य तत्त्रासान् मुनिसत्तम । विचेरुर् अवनौ सर्वे बिभ्राणा मानुषीं तनुम्

devāḥ svargaṁ parityajya tattrāsān munisattama vicerur avanau sarve bibhrāṇā mānuṣīṁ tanum

हे मुनिसत्तम! उसके भय से स्वर्ग को छोड़कर देवगण सभी मनुष्य-शरीर धारण करके पृथ्वी पर विचरण करने लगे।

श्लोक 6 (vishnu.1.17.6)

जित्वा त्रिभुवनं सर्वं त्रैलोक्यैश्वर्यदर्पितः । उद्गीयमानो गन्धर्वैर् बुभुजे विषयान् प्रियान्

jitvā tribhuvanaṁ sarvaṁ trailokyaiśvaryadarpitaḥ udgīyamāno gandharvair bubhuje viṣayān priyān

सम्पूर्ण त्रिभुवन को जीतकर, त्रिलोक के ऐश्वर्य से अभिमानी होकर, गंधर्वों द्वारा गाया जाता हुआ वह प्रिय विषयों का भोग करता था।

श्लोक 7 (vishnu.1.17.7)

पानासक्तं महात्मानं हिरण्यकशिपुं तदा । उपासां चक्रिरे सर्वे सिद्धगन्धर्वपन्नगाः

pānāsaktaṁ mahātmānaṁ hiraṇyakaśipuṁ tadā upāsāṁ cakrire sarve siddhagandharvapannagāḥ

पान में आसक्त उस महात्मा हिरण्यकशिपु की तब समस्त सिद्ध, गंधर्व और नाग सेवा करते थे।

श्लोक 8 (vishnu.1.17.8)

अवादयञ् जगुश् चान्ये जयशब्दान् अथापरे । दैत्येश्वरस्य पुरतश् चक्रुः सिद्धा मुदान्विताः

avādayañ jaguś cānye jayaśabdān athāpare daityeśvarasya purataś cakruḥ siddhā mudānvitāḥ

कुछ बाजे बजाते और गाते थे, कुछ जय-जयकार करते थे; सिद्धगण उस दैत्येश्वर के सामने हर्षपूर्वक ऐसा करते थे।

श्लोक 9 (vishnu.1.17.9)

तत्र प्रनृत्ताप्सरसि स्फाटिकाभ्रमयेऽसुरः । पपौ पानं मुदा युक्तः प्रासादे सुमनोहरे

tatra pranṛttāpsarasi sphāṭikābhramaye 'suraḥ papau pānaṁ mudā yuktaḥ prāsāde sumanohare

वहाँ स्फटिक के सुंदर महल में, जहाँ अप्सरा नृत्य करती थी, वह असुर हर्षपूर्वक मदिरापान करता था।

श्लोक 10 (vishnu.1.17.10)

तस्य पुत्रो महाभागः प्रह्लादो नाम नामतः । पपाठ बालपाठ्यानि गुरुगेहं गतोऽर्भकः

tasya putro mahābhāgaḥ prahlādo nāma nāmataḥ papāṭha bālapāṭhyāni gurugehaṁ gato 'rbhakaḥ

उसका महाभाग्यशाली पुत्र प्रह्लाद नाम से जाना जाता था; वह बालक गुरु के घर जाकर बाल्यकाल के पाठ पढ़ता था।

श्लोक 11 (vishnu.1.17.11)

एकदा तु स धर्मात्मा जगाम गुरुणा सह । पानासक्तस्य पुरतः पितुर् दैत्यपतेस् तदा

ekadā tu sa dharmātmā jagāma guruṇā saha pānāsaktasya purataḥ pitur daityapates tadā

एक दिन वह धर्मात्मा बालक अपने गुरु के साथ पान में आसक्त पिता, दैत्यपति के सामने गया।

श्लोक 12 (vishnu.1.17.12)

पादप्रणामावनतं तम् उत्थाप्य पिता सुतम् । हिरण्यकशिपुः प्राह प्रह्लादम् अमितौजसम्

pādapraṇāmāvanataṁ tam utthāpya pitā sutam hiraṇyakaśipuḥ prāha prahlādam amitaujasam

पैरों में प्रणाम करके झुके हुए उस पुत्र को उठाकर पिता हिरण्यकशिपु ने अपार तेजस्वी प्रह्लाद से यह कहा।

श्लोक 13 (vishnu.1.17.13)

हिरण्यकशिपुर् उवाच । पठ्यतां भवता वत्स सारभूतं सुभाषितम् । कालेनैतावता यत् ते सदोद्युक्तेन शिक्षितम्

hiraṇyakaśipur uvāca paṭhyatāṁ bhavatā vatsa sārabhūtaṁ subhāṣitam kālenaitāvatā yat te sadodyuktena śikṣitam

हिरण्यकशिपु बोला — 'हे वत्स! जो सदा उद्यमशील होकर तूने इतने समय में सीखा है, उसमें से सारभूत सुभाषित पढ़कर सुनाओ।'

श्लोक 14 (vishnu.1.17.14)

श्रीप्रह्लाद उवाच । श्रूयतां तात वक्ष्यामि सारभूतं तवाज्ञया । समाहितमना भूत्वा यन् मे चेतस्य् अवस्थितम्

śrīprahlāda uvāca śrūyatāṁ tāta vakṣyāmi sārabhūtaṁ tavājñayā samāhitamanā bhūtvā yan me cetasy avasthitam

श्रीप्रह्लाद बोले — 'हे तात! सुनिए, आपकी आज्ञा से मैं सारभूत वह कहूँगा जो चित्त को एकाग्र करके मेरे मन में स्थित है —'

श्लोक 15 (vishnu.1.17.15)

अनादिमध्यान्तम् अजम् अवृद्धिक्षयम् अच्युतम् । प्रणतोऽस्म्य् अन्तसंतानं सर्वकारणकारणम्

anādimadhyāntam ajam avṛddhikṣayam acyutam praṇato 'smy antasaṁtānaṁ sarvakāraṇakāraṇam

'जो आदि-मध्य-अंत रहित, अजन्मा, वृद्धि-क्षय रहित, अच्युत हैं, समस्त अंतों के भीतर की सतत धारा, और समस्त कारणों के भी कारण हैं — उन्हें मैं नमस्कार करता हूँ।'

श्लोक 16 (vishnu.1.17.16)

श्रीपराशर उवाच । एतन् निशम्य दैत्येन्द्रः कोपसंरक्तलोचनः । विलोक्य तद्गुरुं प्राह स्फुरिताधरपल्लवः

śrīparāśara uvāca etan niśamya daityendraḥ kopasaṁraktalocanaḥ vilokya tadguruṁ prāha sphuritādharapallavaḥ

श्रीपराशर बोले — यह सुनकर दैत्येन्द्र, क्रोध से लाल नेत्रों वाला, काँपते होंठों वाला होकर उसके गुरु की ओर देखकर बोला।

श्लोक 17 (vishnu.1.17.17)

हिरण्यकशिपुर् उवाच । ब्रह्मबन्धो किम् एतत् ते विपक्षस्तुतिसंहितम् । असारं ग्राहितो बालो माम् अवज्ञाय दुर्मते

hiraṇyakaśipur uvāca brahmabandho kim etat te vipakṣastutisaṁhitam asāraṁ grāhito bālo mām avajñāya durmate

हिरण्यकशिपु बोला — 'हे ब्राह्मणबंधु! विपक्ष की स्तुति से भरा यह क्या है, जो तूने इस निःसार बात को मेरा अनादर करके, हे दुर्बुद्धे, इस बालक को सिखाई है?'

श्लोक 18 (vishnu.1.17.18)

गुरुर् उवाच । दैत्येश्वर न कोपस्य वशम् आगन्तुम् अर्हसि । ममोपदेशजनितं नायं वदति ते सुतः

gurur uvāca daityeśvara na kopasya vaśam āgantum arhasi mamopadeśajanitaṁ nāyaṁ vadati te sutaḥ

गुरु बोला — 'हे दैत्येश्वर! आपको क्रोध के वश में नहीं आना चाहिए; यह आपके पुत्र का वचन मेरे उपदेश से उत्पन्न नहीं है।'

श्लोक 19 (vishnu.1.17.19)

हिरण्यकशिपुर् उवाच । अनुशिष्टोऽसि केनेदृग् वत्स प्रह्लाद कथ्यताम् । मयोपदिष्टं नेत्य् एष प्रब्रवीति गुरुस् तव

hiraṇyakaśipur uvāca anuśiṣṭo 'si kenedṛg vatsa prahlāda kathyatām mayopadiṣṭaṁ nety eṣa prabravīti gurus tava

हिरण्यकशिपु बोला — 'हे वत्स प्रह्लाद! तुझे किसने ऐसा सिखाया है, बता; मेरा गुरु कहता है कि यह मेरे द्वारा नहीं सिखाया गया।'

श्लोक 20 (vishnu.1.17.20)

श्रीप्रह्लाद उवाच । शास्ता विष्णुर् अशेषस्य जगतो यो हृदि स्थितः । तम् ऋते परमात्मानं तात कः केन शास्यते

śrīprahlāda uvāca śāstā viṣṇur aśeṣasya jagato yo hṛdi sthitaḥ tam ṛte paramātmānaṁ tāta kaḥ kena śāsyate

श्रीप्रह्लाद बोले — 'सम्पूर्ण जगत् के शासक विष्णु हैं, जो हृदय में स्थित हैं; हे तात! उस परमात्मा के अतिरिक्त और कौन किसका शासन करेगा?'

श्लोक 21 (vishnu.1.17.21)

हिरण्यकशिपुर् उवाच । कोऽयं विष्णुः सुदुर्बुद्धे यं ब्रवीषि पुनः पुनः । जगताम् ईश्वरस्येह पुरतः प्रसभं मम

hiraṇyakaśipur uvāca ko 'yaṁ viṣṇuḥ sudurbuddhe yaṁ bravīṣi punaḥ punaḥ jagatām īśvarasyeha purataḥ prasabhaṁ mama

हिरण्यकशिपु बोला — 'हे अत्यंत दुर्बुद्धे! यह विष्णु कौन है, जिसे तू बारंबार जगत्-स्वामी मेरे सामने बलपूर्वक कहता है?'

श्लोक 22 (vishnu.1.17.22)

श्रीप्रह्लाद उवाच । न शब्दगोचरं यस्य योगिध्येयं परं पदम् । यतो यश् च स्वयं विश्वं स विष्णुः परमेश्वरः

śrīprahlāda uvāca na śabdagocaraṁ yasya yogidhyeyaṁ paraṁ padam yato yaś ca svayaṁ viśvaṁ sa viṣṇuḥ parameśvaraḥ

श्रीप्रह्लाद बोले — 'जो शब्द के विषय में नहीं आता, जो योगियों का ध्येय परम पद है, जिससे यह विश्व है और जो स्वयं विश्व है — वे विष्णु ही परमेश्वर हैं।'

श्लोक 23 (vishnu.1.17.23)

हिरण्यकशिपुर् उवाच । परमेश्वरसंज्ञोऽज्ञ किम् अन्यो मय्य् अवस्थिते । तवास्ति मर्तुकामस् त्वं प्रब्रवीषि पुनः पुनः

hiraṇyakaśipur uvāca parameśvarasaṁjño 'jña kim anyo mayy avasthite tavāsti martukāmas tvaṁ prabravīṣi punaḥ punaḥ

हिरण्यकशिपु बोला — 'हे अज्ञ! मेरे रहते परमेश्वर नामक यह और कौन है? तू मृत्यु की इच्छा रखने वाला लगता है, कि बारंबार ऐसा कहता है।'

श्लोक 24 (vishnu.1.17.24)

श्रीप्रह्लाद उवाच । न केवलं तात मम प्रजानां स ब्रह्मभूतो भवतश् च विष्णुः । धाता विधाता परमेश्वरश् च प्रसीद कोपं कुरुषे किमर्थम्

śrīprahlāda uvāca na kevalaṁ tāta mama prajānāṁ sa brahmabhūto bhavataś ca viṣṇuḥ dhātā vidhātā parameśvaraś ca prasīda kopaṁ kuruṣe kimartham

श्रीप्रह्लाद बोले — 'हे तात! न केवल मेरे लिए, बल्कि आपकी सभी प्रजा के लिए भी वे विष्णु ब्रह्मस्वरूप हैं; वे धाता, विधाता और परमेश्वर हैं — प्रसन्न होइए, क्यों क्रोध करते हैं?'

श्लोक 25 (vishnu.1.17.25)

हिरण्यकशिपुर् उवाच । प्रविष्टः कोऽस्य हृदयं दुर्बुद्धेर् अतिपापकृत् । येनेदृशान्य् असाधूनि वदत्य् आविष्टमानसः

hiraṇyakaśipur uvāca praviṣṭaḥ ko 'sya hṛdayaṁ durbuddher atipāpakṛt yenedṛśāny asādhūni vadaty āviṣṭamānasaḥ

हिरण्यकशिपु बोला — 'इस अत्यंत पापी, दुर्बुद्धि के हृदय में कौन प्रविष्ट हो गया है, जिससे यह आविष्टचित्त होकर ऐसी असाधु बातें कहता है?'

श्लोक 26 (vishnu.1.17.26)

श्रीप्रह्लाद उवाच । न केवलं मद्धृदयं स विष्णुर् आक्रम्य लोकान् अखिलान् अवस्थितः । स मां त्वदादींश् च पितः समस्तान् समस्तचेष्टासु युनक्ति सर्वगः

śrīprahlāda uvāca na kevalaṁ maddhṛdayaṁ sa viṣṇur ākramya lokān akhilān avasthitaḥ sa māṁ tvadādīṁś ca pitaḥ samastān samastaceṣṭāsu yunakti sarvagaḥ

श्रीप्रह्लाद बोले — 'न केवल मेरे हृदय में, बल्कि समस्त लोकों में व्याप्त होकर वे विष्णु स्थित हैं; हे तात! वे सर्वगामी मुझे, आपको और सबको समस्त क्रियाओं में नियुक्त करते हैं।'

श्लोक 27 (vishnu.1.17.27)

हिरण्यकशिपुर् उवाच । निष्क्राम्यताम् अयं दुष्टः शास्यतां च गुरोर् गृहे । योजितो दुर्मतिः केन विपक्षवितथस्तुतौ

hiraṇyakaśipur uvāca niṣkrāmyatām ayaṁ duṣṭaḥ śāsyatāṁ ca guror gṛhe yojito durmatiḥ kena vipakṣavitathastutau

हिरण्यकशिपु बोला — 'इस दुष्ट को निकाला जाए और गुरु के घर में इसे अनुशासित किया जाए; किसने इस मूर्ख को विपक्ष की झूठी स्तुति में लगाया है?'

श्लोक 28 (vishnu.1.17.28)

श्रीपराशर उवाच । इत्य् उक्ते स तदा दैत्यैर् नीतो गुरुगृहं पुनः । जग्राह विद्याम् अनिशं गुरुशुश्रूषणोद्यतः

śrīparāśara uvāca ity ukte sa tadā daityair nīto gurugṛhaṁ punaḥ jagrāha vidyām aniśaṁ guruśuśrūṣaṇodyataḥ

श्रीपराशर बोले — ऐसा कहे जाने पर तब उसे दैत्यों द्वारा पुनः गुरु के घर ले जाया गया, और वह गुरु-सेवा में तत्पर होकर निरंतर विद्या ग्रहण करता रहा।

श्लोक 29 (vishnu.1.17.29)

कालेऽतीतेऽतिमहति प्रह्लादम् असुरेश्वरः । समाहूयाब्रवीद् गाथा काचित् पुत्रक गीयताम्

kāle 'tīte 'timahati prahlādam asureśvaraḥ samāhūyābravīd gāthā kācit putraka gīyatām

बहुत लंबा समय बीत जाने पर असुरेश्वर ने प्रह्लाद को बुलाकर कहा — 'हे पुत्रक! कोई गाथा सुनाओ।'

श्लोक 30 (vishnu.1.17.30)

श्रीप्रह्लाद उवाच । यतः प्रधानपुरुषौ यतश् चैतच् चराचरम् । कारणं सकलस्यास्य स नो विष्णुः प्रसीदतु

śrīprahlāda uvāca yataḥ pradhānapuruṣau yataś caitac carācaram kāraṇaṁ sakalasyāsya sa no viṣṇuḥ prasīdatu

श्रीप्रह्लाद बोले — 'जिनसे प्रधान और पुरुष हैं, और जिनसे यह चराचर है, इस सबके कारण — वे विष्णु हम पर प्रसन्न हों।'

श्लोक 31 (vishnu.1.17.31)

हिरण्यकशिपुर् उवाच । दुरात्मा वध्यताम् एष नानेनार्थोऽस्ति जीवता । स्वपक्षहानिकर्तृत्वाद् यः कुलाङ्गारतां गतः

hiraṇyakaśipur uvāca durātmā vadhyatām eṣa nānenārtho 'sti jīvatā svapakṣahānikartṛtvād yaḥ kulāṅgāratāṁ gataḥ

हिरण्यकशिपु बोला — 'इस दुरात्मा को मार डाला जाए; इसके जीवित रहने से कोई प्रयोजन नहीं, क्योंकि अपने ही पक्ष की हानि करने वाला यह कुल का अंगारा बन गया है।'

श्लोक 32 (vishnu.1.17.32)

श्रीपराशर उवाच । इत्य् आज्ञप्तास् ततस् तेन प्रगृहीतमहायुधाः । उद्यतास् तस्य नाशाय दैत्याः शतसहस्रशः

śrīparāśara uvāca ity ājñaptās tatas tena pragṛhītamahāyudhāḥ udyatās tasya nāśāya daityāḥ śatasahasraśaḥ

श्रीपराशर बोले — उसके ऐसा आदेश देने पर तब महाशस्त्र लेकर लाखों दैत्य उसके विनाश के लिए उद्यत हो गए।

श्लोक 33 (vishnu.1.17.33)

श्रीप्रह्लाद उवाच । विष्णुः शस्त्रेषु युष्मासु मयि चासौ यथा स्थितः । दैतेयास् तेन सत्येन मा क्रामन्त्व् आयुधानि वः

śrīprahlāda uvāca viṣṇuḥ śastreṣu yuṣmāsu mayi cāsau yathā sthitaḥ daiteyās tena satyena mā krāmantv āyudhāni vaḥ

श्रीप्रह्लाद बोले — 'जैसे विष्णु तुम्हारे शस्त्रों में और मुझमें समान रूप से स्थित हैं, उसी सत्य से, हे दैत्यो, तुम्हारे शस्त्र मुझे स्पर्श न करें।'

श्लोक 34 (vishnu.1.17.34)

श्रीपराशर उवाच । ततस् तैः शतशो दैत्यैः शस्त्रौघैर् आहतोऽपि सन् । नावाप वेदनाम् अल्पाम् अभूच् चैव पुनर् नवः

śrīparāśara uvāca tatas taiḥ śataśo daityaiḥ śastraughair āhato 'pi san nāvāpa vedanām alpām abhūc caiva punar navaḥ

श्रीपराशर बोले — तत्पश्चात् सैकड़ों दैत्यों द्वारा शस्त्रों की वर्षा से आहत होते हुए भी उसे तनिक भी वेदना नहीं हुई, और वह पुनः नया-सा ही रहा।

श्लोक 35 (vishnu.1.17.35)

हिरण्यकशिपुर् उवाच । दुर्बुद्धे विनिवर्तस्व वैरिपक्षस्तवाद् अतः । अभयं ते प्रयच्छामि मातिमूढमतिर् भव

hiraṇyakaśipur uvāca durbuddhe vinivartasva vairipakṣastavād ataḥ abhayaṁ te prayacchāmi mātimūḍhamatir bhava

हिरण्यकशिपु बोला — 'हे दुर्बुद्धे! शत्रुपक्ष की इस स्तुति से लौट आ; मैं तुझे अभय देता हूँ, इतना मूर्खतापूर्ण मत बन।'

श्लोक 36 (vishnu.1.17.36)

श्रीप्रह्लाद उवाच । भयं भयानाम् अपहारिणि स्थिते मनस्य् अनन्ते मम कुत्र तिष्ठति । यस्मिन् स्मृते जन्मजरान्तकादि भयानि सर्वाण्य् अपयान्ति तात

śrīprahlāda uvāca bhayaṁ bhayānām apahāriṇi sthite manasy anante mama kutra tiṣṭhati yasmin smṛte janmajarāntakādi bhayāni sarvāṇy apayānti tāta

श्रीप्रह्लाद बोले — 'हे तात! जब मेरा मन भयों को हरने वाले उस अनंत में स्थित है, तब भय कहाँ ठहरेगा — जिनके स्मरण से जन्म-जरा-मृत्यु आदि के सभी भय दूर हो जाते हैं?'

श्लोक 37 (vishnu.1.17.37)

हिरण्यकशिपुर् उवाच । भो भोः सर्पाः दुराचारम् एनम् अत्यन्तदुर्मतिम् । विषज्वालाविलैर् वक्त्रैः सद्यो नयत संक्षयम्

hiraṇyakaśipur uvāca bho bhoḥ sarpāḥ durācāram enam atyantadurmatim viṣajvālāvilair vaktraiḥ sadyo nayata saṁkṣayam

हिरण्यकशिपु बोला — 'अरे सर्पो! इस दुराचारी, अत्यंत दुर्बुद्धि को अपने विष-ज्वाला से मलिन मुखों से शीघ्र नाश को प्राप्त कराओ।'

श्लोक 38 (vishnu.1.17.38)

श्रीपराशर उवाच । इत्य् उक्तास् तेन ते सर्पाः कुहकास् तक्षकादयः । अदंशन्त समस्तेषु गात्रेष्व् अतिविषोल्बणाः

śrīparāśara uvāca ity uktās tena te sarpāḥ kuhakās takṣakādayaḥ adaṁśanta samasteṣu gātreṣv ativiṣolbaṇāḥ

श्रीपराशर बोले — ऐसा कहे जाने पर उन कपटी, अत्यंत विषैले तक्षक आदि सर्पों ने उसके समस्त अंगों को डस लिया।

श्लोक 39 (vishnu.1.17.39)

स त्व् आसक्तमतिः कृष्णे दंश्यमानो महोरगैः । न विवेदात्मनो गात्रं तत्स्मृत्याह्लादसंस्थितः

sa tv āsaktamatiḥ kṛṣṇe daṁśyamāno mahoragaiḥ na vivedātmano gātraṁ tatsmṛtyāhlādasaṁsthitaḥ

परन्तु कृष्ण में आसक्तचित्त वह महासर्पों से डसे जाने पर भी अपने शरीर को न जान सका, इतना वह उनके स्मरण के आनंद में स्थित था।

श्लोक 40 (vishnu.1.17.40)

सर्पा ऊचुः । दंष्ट्रा विशीर्णा मणयः स्फुटन्ति फणेषु तापो हृदयेषु कम्पः । नास्य त्वचः स्वल्पम् अपीह भिन्नं प्रशाधि दैत्येश्वर कर्म चान्यत्

sarpā ūcuḥ daṁṣṭrā viśīrṇā maṇayaḥ sphuṭanti phaṇeṣu tāpo hṛdayeṣu kampaḥ nāsya tvacaḥ svalpam apīha bhinnaṁ praśādhi daityeśvara karma cānyat

सर्पों ने कहा — 'दाँत टूट गए हैं, फणों में मणियाँ चटक रही हैं, हृदय में जलन और कंपन है, इसकी त्वचा तक तनिक भी नहीं भिदी — हे दैत्येश्वर! कोई अन्य कार्य बताइए।'

श्लोक 41 (vishnu.1.17.41)

हिरण्यकशिपुर् उवाच । हे दिग्गजाः संकटदन्तमिश्रा घ्नतैनम् अस्मद्रिपुपक्षभिन्नम् । तज्जा विनाशाय भवन्ति तस्य यथारणेः प्रज्वलितो हुताशः

hiraṇyakaśipur uvāca he diggajāḥ saṁkaṭadantamiśrā ghnatainam asmadripupakṣabhinnam tajjā vināśāya bhavanti tasya yathāraṇeḥ prajvalito hutāśaḥ

हिरण्यकशिपु बोला — 'हे संकट-दंतधारी दिग्गजो! हमारे शत्रुपक्ष से भिन्न हुए इसे मार डालो; जैसे प्रज्वलित अग्नि से ईंधन नष्ट होता है, वैसे ही इसका जन्म ही इसके विनाश का कारण बने।'

श्लोक 42 (vishnu.1.17.42)

श्रीपराशर उवाच । ततः स दिग्गजैर् बालो भूभृच्छिखरसंनिभैः । पातितो धरणीपृष्ठे विषाणैर् अप्य् अपीड्यत

śrīparāśara uvāca tataḥ sa diggajair bālo bhūbhṛcchikharasaṁnibhaiḥ pātito dharaṇīpṛṣṭhe viṣāṇair apy apīḍyata

श्रीपराशर बोले — तत्पश्चात् वह बालक पर्वत-शिखर के समान दिग्गजों द्वारा पृथ्वी की पीठ पर गिरा दिया गया, और उनके दाँतों से भी पीड़ित किया गया।

श्लोक 43 (vishnu.1.17.43)

स्मरतस् तस्य गोविन्दम् इभदन्ताः सहस्रशः । शीर्णा वक्षःस्थलं प्राप्य स प्राह पितरं ततः

smaratas tasya govindam ibhadantāḥ sahasraśaḥ śīrṇā vakṣaḥsthalaṁ prāpya sa prāha pitaraṁ tataḥ

गोविंद का स्मरण करते हुए उसके वक्षःस्थल पर पहुँचकर हजारों हाथी-दाँत चूर-चूर हो गए; तब उसने अपने पिता से कहा।

श्लोक 44 (vishnu.1.17.44)

श्रीप्रह्लाद उवाच । दन्ता गजानां कुलिशाग्रनिष्ठुराः शीर्णा यद् एते न बलं ममैतत् । महाविपत्पापविनाशनोऽयं जनार्दनानुस्मरणानुभावः

śrīprahlāda uvāca dantā gajānāṁ kuliśāgraniṣṭhurāḥ śīrṇā yad ete na balaṁ mamaitat mahāvipatpāpavināśano 'yaṁ janārdanānusmaraṇānubhāvaḥ

श्रीप्रह्लाद बोले — 'वज्र के अग्रभाग के समान कठोर ये हाथी-दाँत जो टूट गए, यह मेरा बल नहीं है; यह जनार्दन के स्मरण का ही प्रभाव है, जो महाविपत्ति और पाप का नाश करने वाला है।'

श्लोक 45 (vishnu.1.17.45)

हिरण्यकशिपुर् उवाच । ज्वाल्यताम् असुरा वह्निर् अपसर्पत दिग्गजाः । वायो समेधयाग्निं त्वं दह्यताम् एष पापकृत्

hiraṇyakaśipur uvāca jvālyatām asurā vahnir apasarpata diggajāḥ vāyo samedhayāgniṁ tvaṁ dahyatām eṣa pāpakṛt

हिरण्यकशिपु बोला — 'अग्नि प्रज्वलित की जाए, हे असुरो! दिग्गज हट जाएँ! हे वायु! अग्नि को प्रज्वलित कर! इस पापकर्मी को जलाया जाए!'

श्लोक 46 (vishnu.1.17.46)

श्रीपराशर उवाच । महाकाष्ठचयच्छन्नम् असुरेन्द्रसुतं ततः । प्रज्वाल्य दानवा वह्निं ददहुः स्वामिचोदिताः

śrīparāśara uvāca mahākāṣṭhacayacchannam asurendrasutaṁ tataḥ prajvālya dānavā vahniṁ dadahuḥ svāmicoditāḥ

श्रीपराशर बोले — तत्पश्चात् असुरेन्द्र-पुत्र को महान काष्ठ-राशि से ढककर, स्वामी के आदेश से प्रेरित दानवों ने अग्नि प्रज्वलित करके उसे जला दिया।

श्लोक 47 (vishnu.1.17.47)

श्रीप्रह्लाद उवाच । तातैष वह्निः पवनेरितोऽपि न मां दहत्य् अत्र समन्ततोऽहम् । पश्यामि पद्मास्तरणास्तृतानि शीतानि सर्वाणि दिशां मुखानि

śrīprahlāda uvāca tātaiṣa vahniḥ pavanerito 'pi na māṁ dahaty atra samantato 'ham paśyāmi padmāstaraṇāstṛtāni śītāni sarvāṇi diśāṁ mukhāni

श्रीप्रह्लाद बोले — 'हे तात! वायु से प्रेरित होकर भी यह अग्नि मुझे नहीं जलाती; मैं यहाँ सब ओर दिशाओं के मुख कमल-शय्या से आच्छादित और शीतल देख रहा हूँ।'

श्लोक 48 (vishnu.1.17.48)

श्रीपराशर उवाच । अथ दैत्येश्वरं प्रोचुर् भार्गवस्यात्मजा द्विजाः । पुरोहिता महात्मानः साम्ना संस्तूय वाग्मिनः

śrīparāśara uvāca atha daityeśvaraṁ procur bhārgavasyātmajā dvijāḥ purohitā mahātmānaḥ sāmnā saṁstūya vāgminaḥ

श्रीपराशर बोले — तत्पश्चात् भार्गव (शुक्र) के महात्मा, वाक्पटु पुत्र, पुरोहितगण ने दैत्येश्वर से सामनीतिपूर्वक स्तुति करते हुए यह कहा।

श्लोक 49 (vishnu.1.17.49)

पुरोहिता ऊचुः । राजन् नियम्यतां कोपो बालेऽत्र तनये निजे । कोपो देवनिकायेषु तत्र ते सफलो यतः

purohitā ūcuḥ rājan niyamyatāṁ kopo bāle 'tra tanaye nije kopo devanikāyeṣu tatra te saphalo yataḥ

पुरोहितों ने कहा — 'हे राजन्! अपने ही इस बालक पुत्र पर क्रोध को रोकिए; आपका क्रोध देवसमूहों के प्रति सफल है।'

श्लोक 50 (vishnu.1.17.50)

तथा तथैनं बालं ते शासितारो वयं नृप । यथा विपक्षनाशाय विनीतस् ते भविष्यति

tathā tathainaṁ bālaṁ te śāsitāro vayaṁ nṛpa yathā vipakṣanāśāya vinītas te bhaviṣyati

'हे नृप! हम ही इस बालक को इस प्रकार अनुशासित करेंगे कि यह आपके शत्रुपक्ष के नाश के लिए आपके अनुकूल बन जाएगा।'

श्लोक 51 (vishnu.1.17.51)

बालत्वं सर्वदोषाणां दैत्यराजास्पदं यतः । ततोऽत्र कोपम् अत्यर्थं योक्तुम् अर्हसि नार्भके

bālatvaṁ sarvadoṣāṇāṁ daityarājāspadaṁ yataḥ tato 'tra kopam atyarthaṁ yoktum arhasi nārbhake

'बाल्यावस्था समस्त दोषों का स्थान है, जो कि दैत्यराज के अपने पुत्र में स्थित है; इसलिए इस बालक पर इतना अधिक क्रोध करना उचित नहीं है।'

श्लोक 52 (vishnu.1.17.52)

न त्यक्ष्यति हरेः पक्षम् अस्माकं वचनाद् यदि । ततः कृत्यां वधायास्य करिष्यामोऽनिवर्तिनीम्

na tyakṣyati hareḥ pakṣam asmākaṁ vacanād yadi tataḥ kṛtyāṁ vadhāyāsya kariṣyāmo 'nivartinīm

'यदि यह हमारे वचन से हरि के पक्ष को नहीं त्यागता, तो हम इसके वध के लिए अमोघ कृत्या का प्रयोग करेंगे।'

श्लोक 53 (vishnu.1.17.53)

श्रीपराशर उवाच । एवम् अभ्यर्थितस् तैस् तु दैत्यराजः पुरोहितैः । दैत्यैर् निष्क्रामयाम् आस पुत्रं पावकसंचयात्

śrīparāśara uvāca evam abhyarthitas tais tu daityarājaḥ purohitaiḥ daityair niṣkrāmayām āsa putraṁ pāvakasaṁcayāt

श्रीपराशर बोले — इस प्रकार उन पुरोहितों द्वारा अनुरोध किए जाने पर दैत्यराज ने दैत्यों द्वारा अपने पुत्र को अग्निराशि से बाहर निकलवाया।

श्लोक 54 (vishnu.1.17.54)

ततो गुरुगृहे बालः स वसन् बालदानवान् । अध्यापयाम् आस मुहुर् उपदेशान्तरे गुरोः

tato gurugṛhe bālaḥ sa vasan bāladānavān adhyāpayām āsa muhur upadeśāntare guroḥ

तत्पश्चात् गुरु के घर में रहते हुए वह बालक गुरु के उपदेश के अंतराल में बार-बार दानवों के बालकों को शिक्षा देने लगा।

श्लोक 55 (vishnu.1.17.55)

श्रीप्रह्लाद उवाच । श्रूयतां परमार्थो मे दैतेया दितिजात्मजाः । न चान्यथैतन् मन्तव्यं नात्र लोभादिकारणम्

śrīprahlāda uvāca śrūyatāṁ paramārtho me daiteyā ditijātmajāḥ na cānyathaitan mantavyaṁ nātra lobhādikāraṇam

श्रीप्रह्लाद बोले — 'हे दिति-पुत्र दैत्यो! मेरा परम अर्थ सुनो; और इसे अन्यथा मत समझो, इसमें लोभ आदि कोई अन्य कारण नहीं है।'

श्लोक 56 (vishnu.1.17.56)

जन्म बाल्यं ततः सर्वो जन्तुः प्राप्नोति यौवनम् । अव्याहतैव भवति ततोऽनुदिवसं जरा

janma bālyaṁ tataḥ sarvo jantuḥ prāpnoti yauvanam avyāhataiva bhavati tato 'nudivasaṁ jarā

'जन्म, फिर बाल्यावस्था — इसके पश्चात् प्रत्येक प्राणी यौवन को प्राप्त करता है; फिर अबाध रूप से प्रतिदिन जरावस्था आती है।'

श्लोक 57 (vishnu.1.17.57)

ततश् च मृत्युम् अभ्येति जन्तुर् दैत्येश्वरात्मजाः । प्रत्यक्षं दृश्यते चैतद् अस्माकं भवतां तथा

tataś ca mṛtyum abhyeti jantur daityeśvarātmajāḥ pratyakṣaṁ dṛśyate caitad asmākaṁ bhavatāṁ tathā

'और फिर, हे दैत्येश्वर के पुत्रो, प्राणी मृत्यु को प्राप्त होता है; यह हमारे और तुम्हारे लिए भी प्रत्यक्ष दिखता है।'

श्लोक 58 (vishnu.1.17.58)

मृतस्य च पुनर् जन्म भवत्य् एतच् च नान्यथा । आगमोऽयं तथा तच् च नोपादानं विनोद्भवः

mṛtasya ca punar janma bhavaty etac ca nānyathā āgamo 'yaṁ tathā tac ca nopādānaṁ vinodbhavaḥ

'और मरे हुए का पुनः जन्म होता है, अन्यथा नहीं; यही सिद्धांत है, और बिना उपादान कारण के कुछ उत्पन्न नहीं होता।'

श्लोक 59 (vishnu.1.17.59)

गर्भवासादि यावत् तु पुनर्जन्मोपपादनम् । समस्तावस्थकं तावद् दुःखम् एवावगम्यताम्

garbhavāsādi yāvat tu punarjanmopapādanam samastāvasthakaṁ tāvad duḥkham evāvagamyatām

'गर्भवास से लेकर पुनर्जन्म के होने तक, समस्त अवस्थाओं में यह केवल दुःख ही है, ऐसा समझो।'

श्लोक 60 (vishnu.1.17.60)

क्षुत्तृष्णोपशमं तद्वच् शीताद्युपशमं सुखम् । मन्यते बालबुद्धित्वाद् दुःखम् एव हि तत् पुनः

kṣuttṛṣṇopaśamaṁ tadvac śītādyupaśamaṁ sukham manyate bālabuddhitvād duḥkham eva hi tat punaḥ

'उसी प्रकार भूख-प्यास की शांति, शीत आदि की शांति को बाल-बुद्धि सुख मानती है — परन्तु वह भी वास्तव में दुःख ही है।'

श्लोक 61 (vishnu.1.17.61)

अत्यन्तस्तिमिताङ्गानां व्यायामेन सुखैषिणाम् । भ्रान्तिज्ञानवतां पुंसां प्रहारोऽपि सुखायते

atyantastimitāṅgānāṁ vyāyāmena sukhaiṣiṇām bhrāntijñānavatāṁ puṁsāṁ prahāro 'pi sukhāyate

'व्यायाम से अत्यंत शिथिल अंगों वाले, सुख चाहने वाले, भ्रांत-ज्ञान वाले पुरुषों को तो प्रहार भी सुखकर प्रतीत होता है।'

श्लोक 62 (vishnu.1.17.62)

क्व शरीरम् अशेषाणां श्लेष्मादीनां महाचयः । क्व चाङ्गशोभासौरभ्यकमनीयादयो गुणाः

kva śarīram aśeṣāṇāṁ śleṣmādīnāṁ mahācayaḥ kva cāṅgaśobhāsaurabhyakamanīyādayo guṇāḥ

'कहाँ यह शरीर, जो कफ आदि का महान संचय मात्र है, और कहाँ अंग-सौंदर्य, सुगंध, मनोहरता आदि गुण?'

श्लोक 63 (vishnu.1.17.63)

मांसासृक्पूयविण्मूत्रस्नायुमज्जास्थिसंहतौ । देहे चेत् प्रीतिमान् मूढो भविता नरकेऽपि सः

māṁsāsṛkpūyaviṇmūtrasnāyumajjāsthisaṁhatau dehe cet prītimān mūḍho bhavitā narake 'pi saḥ

'मांस, रुधिर, मवाद, मल, मूत्र, स्नायु, मज्जा और हड्डियों के इस पिंड-देह में यदि मूढ़ मनुष्य प्रीति करता है, तो वह नरक में भी वैसी ही प्रीति करेगा।'

श्लोक 64 (vishnu.1.17.64)

अग्नेः शीतेन तोयस्य तृषा भक्तस्य च क्षुधा । क्रियते सुखकर्तृत्वं तद्विलोमस्य चेतरैः

agneḥ śītena toyasya tṛṣā bhaktasya ca kṣudhā kriyate sukhakartṛtvaṁ tadvilomasya cetaraiḥ

'अग्नि की गर्मी को जल की शीतलता, और भूखे को भोजन — इस प्रकार सुख देना विपरीत वस्तुओं द्वारा ही किया जाता है।'

श्लोक 65 (vishnu.1.17.65)

करोति हे दैत्यपुत्रा यावन्मात्रं परिग्रहम् । तावन्मात्रं स एवास्य दुःखं चेतसि यच्छति

karoti he daityaputrā yāvanmātraṁ parigraham tāvanmātraṁ sa evāsya duḥkhaṁ cetasi yacchati

'हे दैत्यपुत्रो! जितना भी परिग्रह मनुष्य करता है, उतना ही वह अपने मन में दुःख भर लेता है।'

श्लोक 66 (vishnu.1.17.66)

यावतः कुरुते जन्तुः संबन्धान् मनसः प्रियान् । तावन्तोऽस्य निखन्यन्ते हृदये शोकशङ्कवः

yāvataḥ kurute jantuḥ saṁbandhān manasaḥ priyān tāvanto 'sya nikhanyante hṛdaye śokaśaṅkavaḥ

'प्राणी अपने मन में जितने प्रिय संबंध बनाता है, उसके हृदय में उतने ही शोक के कीलक गड़ जाते हैं।'

श्लोक 67 (vishnu.1.17.67)

यद् यद् गृहे तन् मनसि यत्र तत्रावतिष्ठतः । नाशदाहापहरणं कुतस् तत्रैव तिष्ठति

yad yad gṛhe tan manasi yatra tatrāvatiṣṭhataḥ nāśadāhāpaharaṇaṁ kutas tatraiva tiṣṭhati

'जो-जो वस्तु मन में स्थित होकर जहाँ-जहाँ रहती है, उसका नाश, जलन या हरण उसी स्थान पर ही होकर रहता है।'

श्लोक 68 (vishnu.1.17.68)

जन्मन्य् अत्र महद् दुःखं म्रियमाणस्य चापि तत् । यातनासु यमस्योग्रं गर्भसंक्रमणेषु च

janmany atra mahad duḥkhaṁ mriyamāṇasya cāpi tat yātanāsu yamasyograṁ garbhasaṁkramaṇeṣu ca

'इस जन्म में महान दुःख है, और मरते समय भी वही; यम की यातनाओं में और गर्भ-संक्रमण में भी वह उग्र है।'

श्लोक 69 (vishnu.1.17.69)

गर्भे च सुखलेशोऽपि भवद्भिर् अनुमीयते । यदि तत् कथ्यताम् एवं सर्वं दुःखमयं जगत्

garbhe ca sukhaleśo 'pi bhavadbhir anumīyate yadi tat kathyatām evaṁ sarvaṁ duḥkhamayaṁ jagat

'और गर्भ में जो थोड़ा-सा सुख आप लोग मानते हैं, यदि वह भी मान लिया जाए, तो भी यह सम्पूर्ण जगत् दुःखमय ही सिद्ध होता है।'

श्लोक 70 (vishnu.1.17.70)

तद् एतद् अतिदुःखानाम् आस्पदेऽत्र भवार्णवे । भवतां कथ्यते सत्यं विष्णुर् एकः परायणः

tad etad atiduḥkhānām āspade 'tra bhavārṇave bhavatāṁ kathyate satyaṁ viṣṇur ekaḥ parāyaṇaḥ

'इसलिए अत्यंत दुःखों के इस आश्रयभूत संसार-सागर में, तुमसे मैं सत्य कहता हूँ — विष्णु ही एकमात्र परायण हैं।'

श्लोक 71 (vishnu.1.17.71)

मा जानीत वयं बाला देही देहेषु शाश्वतः । जरायौवनजन्माद्या धर्मा देहस्य नात्मनः

mā jānīta vayaṁ bālā dehī deheṣu śāśvataḥ jarāyauvanajanmādyā dharmā dehasya nātmanaḥ

'हम बालकों के समान यह मत समझो कि देही देहों में शाश्वत रहता है; जरा, यौवन, जन्म आदि देह के धर्म हैं, आत्मा के नहीं।'

श्लोक 72 (vishnu.1.17.72)

बालोऽहं तावद् इच्छातो यतिष्ये श्रेयसे युवा । युवाहं वार्द्धके प्राप्ते करिष्याम्य् आत्मनो हितम्

bālo 'haṁ tāvad icchāto yatiṣye śreyase yuvā yuvāhaṁ vārddhake prāpte kariṣyāmy ātmano hitam

'अभी मैं बालक हूँ; युवा होने पर मैं कल्याण के लिए प्रयत्न करूँगा; युवावस्था में मैं, वृद्धावस्था आने पर अपने हित का कार्य करूँगा।'

श्लोक 73 (vishnu.1.17.73)

वृद्धोऽहं मम कार्याणि समस्तानि न गोचरे । किं करिष्यामि मन्दात्मा समर्थेन न यत् कृतम्

vṛddho 'haṁ mama kāryāṇi samastāni na gocare kiṁ kariṣyāmi mandātmā samarthena na yat kṛtam

'अब मैं वृद्ध हूँ, मेरे समस्त कार्य मेरी पहुँच से बाहर हैं; मंदबुद्धि मैं क्या करूँ, जो सामर्थ्यवान् रहते हुए भी नहीं किया?'

श्लोक 74 (vishnu.1.17.74)

एवं दुराशयाक्षिप्तमानसः पुरुषः सदा । श्रेयसोऽभिमुखं याति न कदाचित् पिपासितः

evaṁ durāśayākṣiptamānasaḥ puruṣaḥ sadā śreyaso 'bhimukhaṁ yāti na kadācit pipāsitaḥ

'इस प्रकार दुराशा से आक्षिप्तचित्त पुरुष कल्याण की ओर कभी अभिमुख नहीं होता, चाहे वह उसकी प्यास में ही क्यों न रहे।'

श्लोक 75 (vishnu.1.17.75)

बाल्ये क्रीडनकासक्ता यौवने विषयोन्मुखाः । अज्ञानयन्त्य् अशक्त्या च वार्द्धकं समुपस्थितम्

bālye krīḍanakāsaktā yauvane viṣayonmukhāḥ ajñānayanty aśaktyā ca vārddhakaṁ samupasthitam

'बचपन में खिलौनों में आसक्त, यौवन में विषयों की ओर उन्मुख, वे असमर्थता के कारण ही आती हुई वृद्धावस्था को नहीं जान पाते।'

श्लोक 76 (vishnu.1.17.76)

तस्माद् बाल्ये विवेकात्मा यतेत श्रेयसे सदा । बाल्ययौवनवृद्धाद्यैर् देहभावैर् असंयुतः

tasmād bālye vivekātmā yateta śreyase sadā bālyayauvanavṛddhādyair dehabhāvair asaṁyutaḥ

'इसलिए विवेकात्मा पुरुष को बाल्यकाल से ही, बाल्य-यौवन-वृद्धावस्था आदि देह-भावों से असंयुक्त रहकर, सदा कल्याण के लिए प्रयत्न करना चाहिए।'

श्लोक 77 (vishnu.1.17.77)

तद् एतद् वो मयाख्यातं यदि जानीत नानृतम् । तद् अस्मत्प्रीतये विष्णुः स्मर्यतां बन्धमुक्तिदः

tad etad vo mayākhyātaṁ yadi jānīta nānṛtam tad asmatprītaye viṣṇuḥ smaryatāṁ bandhamuktidaḥ

'यह मैंने तुम्हें बताया है; यदि इसे झूठ नहीं जानते, तो हमारी प्रसन्नता के लिए बंधन से मुक्ति देने वाले विष्णु का स्मरण किया जाए।'

श्लोक 78 (vishnu.1.17.78)

आयासः स्मरणे कोऽस्य स्मृतो यच्छति शोभनम् । पापक्षयश् च भवति स्मरतां तम् अहर्निशम्

āyāsaḥ smaraṇe ko 'sya smṛto yacchati śobhanam pāpakṣayaś ca bhavati smaratāṁ tam aharniśam

'उनके स्मरण में कौन-सा परिश्रम है? स्मरण किए जाने पर वे कल्याण प्रदान करते हैं, और रात-दिन उनका स्मरण करने वालों का पाप-क्षय होता है।'

श्लोक 79 (vishnu.1.17.79)

सर्वभूतस्थिते तस्मिन् मतिर् मैत्री दिवानिशम् । भवतां जायताम् एवं सर्वक्लेशान् प्रहास्यथ

sarvabhūtasthite tasmin matir maitrī divāniśam bhavatāṁ jāyatām evaṁ sarvakleśān prahāsyatha

'चूँकि वे सर्वभूतस्थित हैं, तुम्हारी बुद्धि रात-दिन सबके प्रति मैत्री की ओर उन्मुख हो — इस प्रकार तुम समस्त क्लेशों से मुक्त हो जाओगे।'

श्लोक 80 (vishnu.1.17.80)

तापत्रयेणाभिहतं यद् एतद् अखिलं जगत् । तदा शोच्येषु भूतेषु द्वेषं प्राज्ञः करोति कः

tāpatrayeṇābhihataṁ yad etad akhilaṁ jagat tadā śocyeṣu bhūteṣu dveṣaṁ prājñaḥ karoti kaḥ

'जब यह सम्पूर्ण जगत् त्रिविध ताप से पीड़ित है, तब शोचनीय प्राणियों के प्रति कौन ज्ञानी द्वेष करेगा?'

श्लोक 81 (vishnu.1.17.81)

अथ भद्राणि भूतानि हीनशक्तिर् अहं परम् । मुदं तथापि कुर्वीत हानिर् द्वेषफलं यतः

atha bhadrāṇi bhūtāni hīnaśaktir ahaṁ param mudaṁ tathāpi kurvīta hānir dveṣaphalaṁ yataḥ

'अथवा, प्राणी शुभ हों और मैं ही शक्तिहीन रहूँ, फिर भी हर्ष ही करना चाहिए, क्योंकि द्वेष का फल तो हानि ही है।'

श्लोक 82 (vishnu.1.17.82)

बद्धवैराणि भूतानि द्वेषं कुर्वन्ति चेत् ततः । शोच्यान्य् अहोऽतिमोहेन व्याप्तानीति मनीषिणाम्

baddhavairāṇi bhūtāni dveṣaṁ kurvanti cet tataḥ śocyāny aho 'timohena vyāptānīti manīṣiṇām

'यदि वैरबद्ध प्राणी द्वेष करते हैं, तो अहो, वे तो अत्यंत मोह से व्याप्त होकर ज्ञानियों के लिए शोचनीय ही हैं।'

श्लोक 83 (vishnu.1.17.83)

एते भिन्नदृशां दैत्या विकल्पाः कथिता मया । कृत्वाभ्युपगमं तत्र संक्षेपः श्रूयतां मम

ete bhinnadṛśāṁ daityā vikalpāḥ kathitā mayā kṛtvābhyupagamaṁ tatra saṁkṣepaḥ śrūyatāṁ mama

'ये भिन्न दृष्टि वाले दैत्यों के विकल्प मैंने बताए हैं; अब इसे स्वीकार करके मेरा संक्षिप्त निष्कर्ष सुनो।'

श्लोक 84 (vishnu.1.17.84)

विस्तारः सर्वभूतस्य विष्णोर् विश्वम् इदं जगत् । द्रष्टव्यम् आत्मवत् तस्माद् अभेदेन विचक्षणैः

vistāraḥ sarvabhūtasya viṣṇor viśvam idaṁ jagat draṣṭavyam ātmavat tasmād abhedena vicakṣaṇaiḥ

'यह सम्पूर्ण जगत् सर्वभूतस्वरूप विष्णु का ही विस्तार है; इसलिए विवेकी पुरुषों को इसे अभेद रूप से अपने ही समान देखना चाहिए।'

श्लोक 85 (vishnu.1.17.85)

समुत्सृज्यासुरं भावं तस्माद् यूयं यथा वयम् । तथा यत्नं करिष्यामो यथा प्राप्स्याम निर्वृतिम्

samutsṛjyāsuraṁ bhāvaṁ tasmād yūyaṁ yathā vayam tathā yatnaṁ kariṣyāmo yathā prāpsyāma nirvṛtim

'इसलिए इस असुर-भाव को त्यागकर, हम भी जैसे तुम, वैसे ही प्रयत्न करेंगे कि परम शांति को प्राप्त करें।'

श्लोक 86 (vishnu.1.17.86)

नैवाग्निना न चार्केण नेन्दुना न च वायुना । पर्जन्यवरुणाभ्यां वा न सिद्धैर् न च राक्षसैः

naivāgninā na cārkeṇa nendunā na ca vāyunā parjanyavaruṇābhyāṁ vā na siddhair na ca rākṣasaiḥ

'न अग्नि से, न सूर्य से, न चंद्रमा से, न वायु से, न मेघ और वरुण से, न सिद्धों से, न राक्षसों से,'

श्लोक 87 (vishnu.1.17.87)

न यक्षैर् न च दैत्येन्द्रैर् नोरगैर् न च किंनरैः । न मनुष्यैर् न पशुभिर् दोषैर् नैवात्मसंभवैः

na yakṣair na ca daityendrair noragair na ca kiṁnaraiḥ na manuṣyair na paśubhir doṣair naivātmasaṁbhavaiḥ

'न यक्षों से, न दैत्येन्द्रों से, न नागों से, न किन्नरों से, न मनुष्यों से, न पशुओं से, न ही अपने ही उत्पन्न दोषों से,'

श्लोक 88 (vishnu.1.17.88)

ज्वराक्षिरोगातीसारप्लीहगुल्मादिकैस् तथा । द्वेषेर्ष्यामत्सराद्यैर् वा रागलोभादिभिः क्षयम्

jvarākṣirogātīsāraplīhagulmādikais tathā dveṣerṣyāmatsarādyair vā rāgalobhādibhiḥ kṣayam

'ज्वर, नेत्ररोग, अतिसार, प्लीहा-गुल्म आदि से, या द्वेष-ईर्ष्या-मत्सर आदि से, अथवा राग-लोभ आदि से भी उसका नाश नहीं होता —'

श्लोक 89 (vishnu.1.17.89)

न चान्यैर् नीयते कैश्चिन् नित्या यात्यन्तनिर्मला । ताम् आप्नोत्य् अमले न्यस्य केशवे हृदयं नरः

na cānyair nīyate kaiścin nityā yātyantanirmalā tām āpnoty amale nyasya keśave hṛdayaṁ naraḥ

'और न ही किसी अन्य वस्तु से वह नित्य, अत्यंत निर्मल पद कभी छीना जाता है; निर्मल केशव में हृदय स्थापित करके मनुष्य उसे प्राप्त करता है।'

श्लोक 90 (vishnu.1.17.90)

असारसंसारविवर्तनेषु मा यात तोषं प्रसभं ब्रवीमि । सर्वत्र दैत्याः समताम् उपेत समत्वम् आराधनम् अच्युतस्य

asārasaṁsāravivartaneṣu mā yāta toṣaṁ prasabhaṁ bravīmi sarvatra daityāḥ samatām upeta samatvam ārādhanam acyutasya

'इस असार संसार के व्यर्थ परिवर्तनों में बलपूर्वक संतोष मत करो — यह मैं तुमसे कहता हूँ; हे दैत्यो! सर्वत्र समता को प्राप्त हो; समता ही अच्युत की आराधना है।'

श्लोक 91 (vishnu.1.17.91)

तस्मिन् प्रसन्ने किम् इहास्त्य् अलभ्यं धर्मार्थकामैर् अलम् अल्पकास् ते । समाश्रिताद् ब्रह्मतरोर् अनन्तान् निःसंशयं प्राप्स्यथ वै महत् फलम्

tasmin prasanne kim ihāsty alabhyaṁ dharmārthakāmair alam alpakās te samāśritād brahmataror anantān niḥsaṁśayaṁ prāpsyatha vai mahat phalam

'उनके प्रसन्न होने पर इस जगत् में क्या अप्राप्य है? धर्म, अर्थ और काम तो तुच्छ ही हैं; उस अनंत ब्रह्म-वृक्ष का आश्रय लेकर तुम निःसंदेह महान फल प्राप्त करोगे।'