सूर्य में त्रयीमय विष्णु-शक्ति

श्लोक 1 (vishnu.2.11.1)

मैत्रेय उवाच । यद् एतद् भगवान् आह गणः सप्तविधो रवेः । मण्डले हिमतापादेः कारणं तन् मया श्रुतम्

maitreya uvāca yad etad bhagavān āha gaṇaḥ saptavidho raveḥ maṇḍale himatāpādeḥ kāraṇaṁ tan mayā śrutam

मैत्रेय ने कहा — आपने जो यह बताया कि सूर्य-मण्डल में हिम-ताप आदि का कारण वह सात-प्रकार का समूह है, वह मैंने सुना।

श्लोक 2 (vishnu.2.11.2)

व्यापाराश् चापि कथिता गन्धर्वोरगरक्षसाम् । ऋषीणां वालखिल्यानां तथैवाप्सरसां गुरो

vyāpārāś cāpi kathitā gandharvoragarakṣasām ṛṣīṇāṁ vālakhilyānāṁ tathaivāpsarasāṁ guro

गन्धर्व, उरग तथा राक्षसों के, ऋषियों के, वालखिल्यों के, तथा अप्सराओं के भी कार्य आपने बताए, हे गुरो,

श्लोक 3 (vishnu.2.11.3)

यक्षाणां च रथे भानोर् विष्णुशक्तिधृतात्मनाम् । किं त्वादित्यस्य यत् कर्म तन् नात्रोक्तं त्वया मुने

yakṣāṇāṁ ca rathe bhānor viṣṇuśaktidhṛtātmanām kiṁ tvādityasya yat karma tan nātroktaṁ tvayā mune

तथा विष्णु की शक्ति से धारित आत्मा वाले यक्षों के भी सूर्य के रथ में कार्य बताए — किन्तु आदित्य (सूर्य) का स्वयं का जो कार्य है, वह आपने यहाँ नहीं बताया, हे मुने।

श्लोक 4 (vishnu.2.11.4)

यदि सप्तगणो वारि हिमम् उष्णं च वर्षति । तत् किम् अत्र रवेर् येन वृष्टिः सूर्याद् इतीर्यते

yadi saptagaṇo vāri himam uṣṇaṁ ca varṣati tat kim atra raver yena vṛṣṭiḥ sūryād itīryate

यदि वह सात-प्रकार का समूह ही जल, हिम तथा ताप की वर्षा करता है, तो फिर सूर्य का इसमें क्या भाग है, जो यह कहा जाता है कि वर्षा सूर्य से होती है?

श्लोक 5 (vishnu.2.11.5)

विवस्वान् उदितो मध्ये यात्य् अस्तम् इति किं जनः । ब्रवीत्य् एतत् समं कर्म यदि सप्तगणस्य तत्

vivasvān udito madhye yāty astam iti kiṁ janaḥ bravīty etat samaṁ karma yadi saptagaṇasya tat

जब लोग कहते हैं कि 'विवस्वान् उदित हुए', 'मध्य में जाते हैं', 'अस्त होते हैं' — तो क्या यह कार्य भी समान रूप से उस सात-प्रकार के समूह का ही है?

श्लोक 6 (vishnu.2.11.6)

पराशर उवाच । मैत्रेय श्रूयताम् एतद् यद् भवान् परिपृच्छति । यथा सप्तगणेऽप्य् एकः प्राधान्येनाधिको रविः

parāśara uvāca maitreya śrūyatām etad yad bhavān paripṛcchati yathā saptagaṇe'py ekaḥ prādhānyenādhiko raviḥ

पराशर ने कहा — हे मैत्रेय, जो तुम पूछते हो वह सुनो; जैसे उस सातों के समूह में भी सूर्य ही प्रधानता से अधिक है,

श्लोक 7 (vishnu.2.11.7)

या तु शक्तिः परा विष्णोर् ऋग्यजुःसामसंज्ञिता । सैषा त्रयी तपत्य् अंहो जगतश् च हिनस्ति यत्

yā tu śaktiḥ parā viṣṇor ṛgyajuḥsāmasaṁjñitā saiṣā trayī tapaty aṁho jagataś ca hinasti yat

वैसे ही विष्णु की जो परा शक्ति ऋक्, यजुः तथा साम नाम से जानी जाती है, वही त्रयी जगत् के पाप को तपाती और नष्ट करती है।

श्लोक 8 (vishnu.2.11.8)

सैष विष्णुः स्थितः स्थित्यां जगतः पालनोद्यतः । ऋग्यजुःसामभूतोऽन्तः सवितुर् द्विज तिष्ठति

saiṣa viṣṇuḥ sthitaḥ sthityāṁ jagataḥ pālanodyataḥ ṛgyajuḥsāmabhūto'ntaḥ savitur dvija tiṣṭhati

यह विष्णु ही स्थिति में स्थित होकर, जगत् की रक्षा में तत्पर, हे द्विज, ऋक्-यजुः-सामरूप में सूर्य के भीतर विराजमान हैं।

श्लोक 9 (vishnu.2.11.9)

मासि मासि रविर् यो यस् तत्र तत्र हि सा परा । त्रयीमयी विष्णुशक्तिर् अवस्थानं करोति वै

māsi māsi ravir yo yas tatra tatra hi sā parā trayīmayī viṣṇuśaktir avasthānaṁ karoti vai

प्रत्येक मास में जो-जो सूर्य होते हैं, वहाँ-वहाँ ही वह त्रयीमय परा विष्णुशक्ति अपना निवास करती है।

श्लोक 10 (vishnu.2.11.10)

ऋचस् तपन्ति पूर्वाह्णे मध्याह्ने च यजूंष्य् अथ । बृहद्रथन्तरादीनि सामान्य् अह्नः क्षये रवौ

ṛcas tapanti pūrvāhṇe madhyāhne ca yajūṁṣy atha bṛhadrathantarādīni sāmāny ahnaḥ kṣaye ravau

पूर्वाह्न में ऋचाएँ तपती हैं, मध्याह्न में यजुष्, तथा दिन के अन्त में सूर्य में बृहत्-रथन्तर आदि साम तपते हैं।

श्लोक 11 (vishnu.2.11.11)

अंश एषा त्रयी विष्णोर् ऋग्यजुःसामसंज्ञिता । विष्णुशक्तिर् अवस्थानं सदादित्ये करोति सा

aṁśa eṣā trayī viṣṇor ṛgyajuḥsāmasaṁjñitā viṣṇuśaktir avasthānaṁ sadāditye karoti sā

ऋक्-यजुः-सामनामक यह त्रयी विष्णु का ही अंश है; विष्णु की वह शक्ति सदा सूर्य में ही निवास करती है।

श्लोक 12 (vishnu.2.11.12)

न केवलं रवेः शक्तिर् वैष्णवी सा त्रयीमयी । ब्रह्माथ पुरुषो रुद्रस् त्रयम् एतत् त्रयीमयम्

na kevalaṁ raveḥ śaktir vaiṣṇavī sā trayīmayī brahmātha puruṣo rudras trayam etat trayīmayam

सूर्य की वह वैष्णवी त्रयीमय शक्ति ही अकेली नहीं है — ब्रह्मा, पुरुष तथा रुद्र, यह त्रय भी त्रयीमय ही है।

श्लोक 13 (vishnu.2.11.13)

सर्गादौ ऋङ्मयो ब्रह्मा स्थितौ विष्णुर् यजुर्मयः । रुद्रः साममयोऽन्ताय तस्मात् तस्याशुचिर् ध्वनिः

sargādau ṛṅmayo brahmā sthitau viṣṇur yajurmayaḥ rudraḥ sāmamayo'ntāya tasmāt tasyāśucir dhvaniḥ

सृष्टि के आरम्भ में ब्रह्मा ऋक्मय हैं, स्थिति में विष्णु यजुर्मय हैं, तथा अन्त में रुद्र सामरूप हैं — इसीलिए उनका (रुद्र का) स्वर अशुभ है।

श्लोक 14 (vishnu.2.11.14)

एवं सा सात्त्विकी शक्तिर् वैष्णवी या त्रयीमयी । आत्मसप्तगणस्थं तं भास्वन्तम् अधितिष्ठति

evaṁ sā sāttvikī śaktir vaiṣṇavī yā trayīmayī ātmasaptagaṇasthaṁ taṁ bhāsvantam adhitiṣṭhati

इस प्रकार वह त्रयीमय सात्त्विक वैष्णवी शक्ति उस देदीप्यमान [सूर्य] पर अधिष्ठित रहती है, जो स्वयं सात-प्रकार के समूह में स्थित हैं।

श्लोक 15 (vishnu.2.11.15)

तया चाधिष्ठितः सोऽपि जाज्वलीति स्वरश्मिभिः । तमः समस्तजगतां नाशं नयति चाखिलम्

tayā cādhiṣṭhitaḥ so'pi jājvalīti svaraśmibhiḥ tamaḥ samastajagatāṁ nāśaṁ nayati cākhilam

उससे अधिष्ठित होकर वे भी अपनी किरणों से देदीप्यमान होते हैं, और समस्त लोकों के सम्पूर्ण अन्धकार को नष्ट कर देते हैं।

श्लोक 16 (vishnu.2.11.16)

स्तुवन्ति तं वै मुनयो गन्धर्वैर् गीयते पुरः । नृत्यन्त्य् अप्सरसो यान्ति तस्य चानु निशाचराः

stuvanti taṁ vai munayo gandharvair gīyate puraḥ nṛtyanty apsaraso yānti tasya cānu niśācarāḥ

ऋषिगण उनकी स्तुति करते हैं, गन्धर्व उनके आगे गान करते हैं, अप्सराएँ नृत्य करती हैं, और निशाचर उनके पीछे-पीछे चलते हैं।

श्लोक 17 (vishnu.2.11.17)

वहन्ति पन्नगा यक्षैः क्रियतेऽभीषुसंग्रहः । वालखिल्यास् तथैवैनं परिवार्य समासते

vahanti pannagā yakṣaiḥ kriyate'bhīṣusaṁgrahaḥ vālakhilyās tathaivainaṁ parivārya samāsate

नाग यक्षों के साथ रथ खींचते हैं, किरणों की लगामें सम्भाली जाती हैं, और वालखिल्य ऋषि भी उन्हें घेरकर बैठे रहते हैं।

श्लोक 18 (vishnu.2.11.18)

नोदेता नास्तमेता च कदाचिच् छक्तिरूपधृक् । विष्णुर् विष्णोः पृथक् तस्य गणः सप्तविधोऽप्य् अयम्

nodetā nāstametā ca kadācic chaktirūpadhṛk viṣṇur viṣṇoḥ pṛthak tasya gaṇaḥ saptavidho'py ayam

वे अपने शक्ति-स्वरूप में न कभी उदित होते हैं न कभी अस्त — वे [अन्य प्रकट रूपों वाले] विष्णु से भिन्न स्वयं विष्णु हैं; यह सात-प्रकार का समूह भी उन्हीं का स्वरूप है।

श्लोक 19 (vishnu.2.11.19)

स्तम्भस्थदर्पणस्यैति योऽयम् आसन्नतां नरः । छायादर्शनसंयोगं स संप्राप्नोत्य् अथात्मनः

stambhasthadarpaṇasyaiti yo'yam āsannatāṁ naraḥ chāyādarśanasaṁyogaṁ sa saṁprāpnoty athātmanaḥ

जैसे स्तम्भ पर लगे दर्पण के निकट जाने वाला मनुष्य केवल अपनी छाया के दर्शन का संयोग ही प्राप्त करता है [दर्पण स्वयं नहीं हिलता],

श्लोक 20 (vishnu.2.11.20)

एवं सा वैष्णवी शक्तिर् नैवापैति ततो द्विज । मासानुमासं भास्वन्तम् अध्यास्ते तत्र संस्थितम्

evaṁ sā vaiṣṇavī śaktir naivāpaiti tato dvija māsānumāsaṁ bhāsvantam adhyāste tatra saṁsthitam

वैसे ही, हे द्विज, वह वैष्णवी शक्ति वहाँ से कभी नहीं हटती; मास-दर-मास वह उसी स्थान पर स्थित होकर देदीप्यमान सूर्य पर अधिष्ठित रहती है।

श्लोक 21 (vishnu.2.11.21)

पितृदेवमनुष्यादीन् स सदाप्याययन् प्रभुः । परिवर्तत्य् अहोरात्रकारणं सविता द्विज

pitṛdevamanuṣyādīn sa sadāpyāyayan prabhuḥ parivartaty ahorātrakāraṇaṁ savitā dvija

वे प्रभु सदा पितरों, देवों, मनुष्यों आदि को तृप्त करते हुए, हे द्विज, दिन-रात के कारण बनकर घूमते रहते हैं।

श्लोक 22 (vishnu.2.11.22)

सूर्यरश्मिः सुषुम्णो यस् तर्पितस् तेन चन्द्रमाः । कृष्णपक्षेऽमरैः शश्वत् पीयते वै सुधामयः

sūryaraśmiḥ suṣumṇo yas tarpitas tena candramāḥ kṛṣṇapakṣe'maraiḥ śaśvat pīyate vai sudhāmayaḥ

सुषुम्ना नामक सूर्य-किरण से तृप्त होकर चन्द्रमा पुष्ट होते हैं; कृष्णपक्ष में अमृतमय वह चन्द्रमा देवताओं द्वारा निरन्तर पिया जाता है।

श्लोक 23 (vishnu.2.11.23)

पीतं तं द्विकलं सोमं कृष्णपक्षक्षये द्विज । पिबन्ति पितरस् तेषां भास्करात् तर्पणं तथा

pītaṁ taṁ dvikalaṁ somaṁ kṛṣṇapakṣakṣaye dvija pibanti pitaras teṣāṁ bhāskarāt tarpaṇaṁ tathā

हे द्विज, कृष्णपक्ष के क्षय होने पर दो कला मात्र शेष उस सोम को पितर पीते हैं, और इस प्रकार सूर्य से अपनी तृप्ति पाते हैं।

श्लोक 24 (vishnu.2.11.24)

आदत्ते रश्मिभिर् यं तु क्षितिसंस्थं रसं रविः । तम् उत्सृजति भूतानां पुष्ट्यर्थं सस्यवृद्धये

ādatte raśmibhir yaṁ tu kṣitisaṁsthaṁ rasaṁ raviḥ tam utsṛjati bhūtānāṁ puṣṭyarthaṁ sasyavṛddhaye

पृथ्वी में स्थित जिस रस को सूर्य अपनी किरणों से खींचते हैं, उसे वे प्राणियों के पोषण तथा फसलों की वृद्धि के लिए पुनः बरसा देते हैं।

श्लोक 25 (vishnu.2.11.25)

तेन प्रीणात्य् अशेषाणि भूतानि भगवान् रविः । पितृदेवमनुष्यादीन् एवम् आप्याययत्य् असौ

tena prīṇāty aśeṣāṇi bhūtāni bhagavān raviḥ pitṛdevamanuṣyādīn evam āpyāyayaty asau

इस प्रकार भगवान् सूर्य समस्त प्राणियों को तृप्त करते हैं; इसी प्रकार वे पितरों, देवों, मनुष्यों आदि सभी को पुष्ट करते हैं।

श्लोक 26 (vishnu.2.11.26)

पक्षतृप्तिं तु देवानां पितॄणां चैव मासिकीम् । शश्वत् तृप्तिं च मर्त्यानां मैत्रेयार्कः प्रयच्छति

pakṣatṛptiṁ tu devānāṁ pitṝṇāṁ caiva māsikīm śaśvat tṛptiṁ ca martyānāṁ maitreyārkaḥ prayacchati

हे मैत्रेय, सूर्य देवताओं को पाक्षिक तृप्ति, पितरों को मासिक तृप्ति, तथा मनुष्यों को निरन्तर तृप्ति प्रदान करते हैं।