चन्द्र-ग्रह रथ और ज्ञानाद्वैत

श्लोक 1 (vishnu.2.12.1)

पराशर उवाच । रथस् त्रिचक्रः सोमस्य कुन्दाभास् तस्य वाजिनः । वामदक्षिणतो युक्ता दश तेन चरत्य् असौ

parāśara uvāca rathas tricakraḥ somasya kundābhās tasya vājinaḥ vāmadakṣiṇato yuktā daśa tena caraty asau

पराशर ने कहा — चन्द्रमा का रथ तीन पहियों वाला है; उसके दस घोड़े कुन्द-पुष्प के समान श्वेत हैं, बाएँ-दाएँ जुते हुए, जिनसे वे गति करते हैं।

श्लोक 2 (vishnu.2.12.2)

वीथ्याश्रयाणि ऋक्षाणि ध्रुवाधारेण वेगिना । ह्रासवृद्धिक्रमस् तस्य रश्मीनां सवितुर् यथा

vīthyāśrayāṇi ṛkṣāṇi dhruvādhāreṇa veginā hrāsavṛddhikramas tasya raśmīnāṁ savitur yathā

उसके मार्ग के नक्षत्र ध्रुव के वेगवान् आधार से बँधे रहते हैं; उसकी किरणों की हानि-वृद्धि का क्रम सूर्य के समान ही है।

श्लोक 3 (vishnu.2.12.3)

अर्कस्येव हि तस्याश्वाः सकृद्युक्ता वहन्ति ते । कल्पम् एकं मुनिश्रेष्ठ वारिगर्भसमुद्भवाः

arkasyeva hi tasyāśvāḥ sakṛdyuktā vahanti te kalpam ekaṁ muniśreṣṭha vārigarbhasamudbhavāḥ

हे मुनिश्रेष्ठ, सूर्य के समान ही उसके घोड़े भी एक बार जोते जाने पर एक पूरे कल्प तक खींचते रहते हैं — वे जल के सार से उत्पन्न हैं।

श्लोक 4 (vishnu.2.12.4)

क्षीणं पीतं सुरैः सोमम् आप्याययति दीप्तिमान् । मैत्रेयैककलं सन्तं रश्मिनैकेन भास्करः

kṣīṇaṁ pītaṁ suraiḥ somam āpyāyayati dīptimān maitreyaikakalaṁ santaṁ raśminaikena bhāskaraḥ

हे मैत्रेय, देवताओं द्वारा पिए जाने से क्षीण हुए, केवल एक कला शेष रह गए चन्द्रमा को देदीप्यमान सूर्य एक ही किरण से पुनः पुष्ट करते हैं।

श्लोक 5 (vishnu.2.12.5)

क्रमेण येन पीतोऽसौ देवैस् तेन निशाकरम् । आप्याययत्य् अनुदिनं भास्करो वारितस्करः

krameṇa yena pīto'sau devais tena niśākaram āpyāyayaty anudinaṁ bhāskaro vāritaskaraḥ

जिस क्रम से वह देवताओं द्वारा पिया जाता है, उसी क्रम से जल का हरण करने वाले सूर्य प्रतिदिन उस रात्रि-कारक चन्द्रमा को पुष्ट करते हैं।

श्लोक 6 (vishnu.2.12.6)

संभृतं चार्धमासेन तत् सोमस्थं सुधामृतम् । पिबन्ति देवा मैत्रेय सुधाहारा यतोऽमराः

saṁbhṛtaṁ cārdhamāsena tat somasthaṁ sudhāmṛtam pibanti devā maitreya sudhāhārā yato'marāḥ

हे मैत्रेय, पक्षभर में चन्द्रमा में संचित वह अमृत-सार देवता ही पीते हैं, क्योंकि अमर देवता अमृत-भोजी होते हैं।

श्लोक 7 (vishnu.2.12.7)

त्रयस् त्रिंशत्सहस्राणि त्रयस् त्रिंशच्छतानि च । त्रयस् त्रिंशत् तथा देवाः पिबन्ति क्षणदाकरम्

trayas triṁśatsahasrāṇi trayas triṁśacchatāni ca trayas triṁśat tathā devāḥ pibanti kṣaṇadākaram

तैंतीस हजार, तैंतीस सौ, तथा तैंतीस देवता उस रात्रि-निर्माता चन्द्रमा को पीते हैं।

श्लोक 8 (vishnu.2.12.8)

कलाद्वयावशिष्टस् तु प्रविष्टः सूर्यमण्डलम् । अमाख्यरश्मौ वसति अमावास्या ततः स्मृता

kalādvayāvaśiṣṭas tu praviṣṭaḥ sūryamaṇḍalam amākhyaraśmau vasati amāvāsyā tataḥ smṛtā

जब केवल दो कला शेष रह जाती हैं, तब वह सूर्य-मण्डल में प्रविष्ट होकर 'अमा' नामक किरण में निवास करता है; इसीलिए वह दिन अमावस्या कहलाता है।

श्लोक 9 (vishnu.2.12.9)

अप्सु तस्मिन्न् अहोरात्रे पूर्वं विशति चन्द्रमाः । ततो वीरुत्सु वसति प्रयात्य् अर्कं ततः क्रमात्

apsu tasminn ahorātre pūrvaṁ viśati candramāḥ tato vīrutsu vasati prayāty arkaṁ tataḥ kramāt

उस दिन-रात्रि में चन्द्रमा पहले जल में प्रवेश करता है, फिर वनस्पतियों में निवास करता है, फिर क्रमशः सूर्य की ओर जाता है।

श्लोक 10 (vishnu.2.12.10)

छिनत्ति वीरुधो यस् तु वीरुत्संस्थे निशाकरे । पत्रं वा पातयत्य् एकं ब्रह्महत्यां स विन्दति

chinatti vīrudho yas tu vīrutsaṁsthe niśākare patraṁ vā pātayaty ekaṁ brahmahatyāṁ sa vindati

जो कोई चन्द्रमा के वनस्पतियों में निवास करते समय किसी लता को काटता है या उसका एक पत्ता भी गिराता है, वह ब्रह्महत्या का पाप पाता है।

श्लोक 11 (vishnu.2.12.11)

शेषे पञ्चदशे भागे किंचिच्छिष्टे कलात्मके । अपराह्णे पितृगणा जघन्यं पर्युपासते

śeṣe pañcadaśe bhāge kiṁcicchiṣṭe kalātmake aparāhṇe pitṛgaṇā jaghanyaṁ paryupāsate

पन्द्रह भागों में से जब एक कला-मात्र थोड़ा-सा शेष रह जाता है, तब अपराह्न में पितृगण उसकी पश्चिम दिशा से उपासना करते हैं।

श्लोक 12 (vishnu.2.12.12)

पिबन्ति द्विकलं सोमं शिष्टा तस्य कला तु या । सुधामृतमयी पुण्या ताम् इन्दोः पितरो मुने

pibanti dvikalaṁ somaṁ śiṣṭā tasya kalā tu yā sudhāmṛtamayī puṇyā tām indoḥ pitaro mune

हे मुने, चन्द्रमा की जो दो कला शेष रह जाती है, वह अमृतमय पुण्य भाग पितर लोग पीते हैं।

श्लोक 13 (vishnu.2.12.13)

निःसृतं तद् अमावास्यां गभस्तिभ्यः सुधामृतम् । मासतृप्तिम् अवाप्याग्र्यां पितरः सन्ति निर्वृताः । सौम्या बर्हिषदश् चैव अग्निष्वात्ताश् च ते त्रिधा

niḥsṛtaṁ tad amāvāsyāṁ gabhastibhyaḥ sudhāmṛtam māsatṛptim avāpyāgryāṁ pitaraḥ santi nirvṛtāḥ saumyā barhiṣadaś caiva agniṣvāttāś ca te tridhā

अमावस्या के दिन उसकी किरणों से निकला वह अमृत मासिक तृप्ति की प्राप्ति से पितरों को संतुष्ट कर देता है; वे तीन प्रकार के हैं — सौम्य, बर्हिषद तथा अग्निष्वात्त।

श्लोक 14 (vishnu.2.12.14)

एवं देवान् सिते पक्षे कृष्णपक्षे तथा पितॄन् । वीरुधश् चामृतमयैः शीतैर् अप्परमाणुभिः

evaṁ devān site pakṣe kṛṣṇapakṣe tathā pitṝn vīrudhaś cāmṛtamayaiḥ śītair apparamāṇubhiḥ

इस प्रकार शुक्लपक्ष में देवताओं को, कृष्णपक्ष में पितरों को, तथा शीतल अमृतमय जल-कणों से वनस्पतियों को [चन्द्रमा पुष्ट करता है],

श्लोक 15 (vishnu.2.12.15)

वीरुधौषधिनिष्पत्त्या मनुष्यपशुकीटकान् । आप्याययति शीतांशुः प्राकाश्याह्लादनेन तु

vīrudhauṣadhiniṣpattyā manuṣyapaśukīṭakān āpyāyayati śītāṁśuḥ prākāśyāhlādanena tu

और वनस्पतियों-औषधियों के पकने से मनुष्यों, पशुओं तथा कीटों को भी; शीतल-किरण चन्द्रमा अपने प्रकाश और आह्लाद से सबको पुष्ट करता है।

श्लोक 16 (vishnu.2.12.16)

वाय्वग्निद्रव्यसंभूतो रथश् चन्द्रसुतस्य च । पिशङ्गैस् तुरगैर् युक्तः सोऽष्टाभिर् वायुवेगिभिः

vāyvagnidravyasaṁbhūto rathaś candrasutasya ca piśaṅgais turagair yuktaḥ so'ṣṭābhir vāyuvegibhiḥ

चन्द्रपुत्र बुध का रथ वायु, अग्नि तथा द्रव्य से बना है, आठ पिंगल-वर्ण, वायु के समान वेगवान् घोड़ों से युक्त।

श्लोक 17 (vishnu.2.12.17)

सवरूथः सानुकर्षो युक्तो भूसंभवैर् हयैः । सोपासङ्गपताकस् तु शुक्रस्यापि रथो महान्

savarūthaḥ sānukarṣo yukto bhūsaṁbhavair hayaiḥ sopāsaṅgapatākas tu śukrasyāpi ratho mahān

पेटी, धुरी-आधार, तूणीर तथा पताका सहित शुक्र का महान् रथ भी पृथ्वी से उत्पन्न घोड़ों से युक्त है।

श्लोक 18 (vishnu.2.12.18)

अष्टाश्वः काञ्चनः श्रीमान् भौमस्यापि रथो महान् । पद्मरागारुणैर् अश्वैः संयुक्तो वह्निसंभवैः

aṣṭāśvaḥ kāñcanaḥ śrīmān bhaumasyāpi ratho mahān padmarāgāruṇair aśvaiḥ saṁyukto vahnisaṁbhavaiḥ

मंगल का महान्, शोभायमान स्वर्णमय रथ भी आठ घोड़ों से युक्त है, अग्नि से उत्पन्न, पद्मराग के समान अरुण वर्ण के।

श्लोक 19 (vishnu.2.12.19)

अष्टाभिः पाण्डरैर् युक्तैर् वाजिभिः काञ्चने रथे । तस्मिंस् तिष्ठति वर्षं वै राशौ राशौ बृहस्पतिः

aṣṭābhiḥ pāṇḍarair yuktair vājibhiḥ kāñcane rathe tasmiṁs tiṣṭhati varṣaṁ vai rāśau rāśau bṛhaspatiḥ

आठ पीत-वर्ण घोड़ों से युक्त स्वर्णमय रथ में बृहस्पति प्रत्येक राशि में एक वर्ष तक निवास करते हैं।

श्लोक 20 (vishnu.2.12.20)

आकाशसंभवैर् अश्वैः शबलैः स्यन्दनं युतम् । समारुह्य शनैर् याति मन्दगामी शनैश्चरः

ākāśasaṁbhavair aśvaiḥ śabalaiḥ syandanaṁ yutam samāruhya śanair yāti mandagāmī śanaiścaraḥ

आकाश से उत्पन्न, चितकबरे घोड़ों से युक्त रथ पर आरूढ़ होकर मन्दगामी शनैश्चर धीरे-धीरे चलते हैं।

श्लोक 21 (vishnu.2.12.21)

स्वर्भानोस् तुरगा ह्य् अष्टौ भृङ्गाभा धूसरं रथम् । सकृद्युक्तास् तु मैत्रेय वहन्त्य् अविरतं सदा

svarbhānos turagā hy aṣṭau bhṛṅgābhā dhūsaraṁ ratham sakṛdyuktās tu maitreya vahanty avirataṁ sadā

हे मैत्रेय, भ्रमर के समान काले वर्ण वाले स्वर्भानु (राहु) के आठों घोड़े, एक बार जोते जाने पर, उसके धूसर रथ को सदा अविराम खींचते हैं।

श्लोक 22 (vishnu.2.12.22)

आदित्यान् निःसृतो राहुः सोमं गच्छति पर्वसु । आदित्यम् एति सोमाच् च पुनः सौरेषु पर्वसु

ādityān niḥsṛto rāhuḥ somaṁ gacchati parvasu ādityam eti somāc ca punaḥ saureṣu parvasu

आदित्य से निकलकर राहु पर्वों में चन्द्रमा की ओर जाता है, और चन्द्रमा से पुनः सूर्य के पर्वों में सूर्य की ओर जाता है।

श्लोक 23 (vishnu.2.12.23)

तथा केतुरथस्याश्वा अष्टौ ते वातरंहसः । पलालधूमवर्णाभा लाक्षारसनिभारुणाः

tathā keturathasyāśvā aṣṭau te vātaraṁhasaḥ palāladhūmavarṇābhā lākṣārasanibhāruṇāḥ

इसी प्रकार केतु के रथ के आठ घोड़े वायु के समान वेगवान्, मांस-धुएँ के वर्ण के, लाक्षा-रस के समान अरुण हैं।

श्लोक 24 (vishnu.2.12.24)

एते मया ग्रहाणां वै तवाख्याता रथा नव । सर्वे ध्रुवे महाभाग प्रबद्धा वायुरश्मिभिः

ete mayā grahāṇāṁ vai tavākhyātā rathā nava sarve dhruve mahābhāga prabaddhā vāyuraśmibhiḥ

हे महाभाग, ये नौ ग्रहों के रथ मैंने तुम्हें बताए; ये सभी वायु की रस्सियों से ध्रुव से बँधे हुए हैं।

श्लोक 25 (vishnu.2.12.25)

ग्रहर्क्षताराधिष्ण्यानि ध्रुवे बद्धान्य् अशेषतः । भ्रमन्त्य् उचितचारेण मैत्रेयानिलरश्मिभिः

graharkṣatārādhiṣṇyāni dhruve baddhāny aśeṣataḥ bhramanty ucitacāreṇa maitreyānilaraśmibhiḥ

हे मैत्रेय, ग्रह, नक्षत्र, तारे तथा उनके स्थान — सभी बिना अपवाद के ध्रुव से बँधे हुए हैं, और वायु की रस्सियों से अपने-अपने नियत मार्ग पर घूमते हैं।

श्लोक 26 (vishnu.2.12.26)

यावन्त्यश् चैव तारास् तास् तावन्तो वातरश्मयः । सर्वे ध्रुवे निबद्धास् ते भ्रमन्तो भ्रामयन्ति तम्

yāvantyaś caiva tārās tās tāvanto vātaraśmayaḥ sarve dhruve nibaddhās te bhramanto bhrāmayanti tam

जितने तारे हैं, उतनी ही वायु-रस्सियाँ हैं; वे सभी ध्रुव से बँधे हुए, स्वयं घूमते हुए उसे भी घुमाते हैं।

श्लोक 27 (vishnu.2.12.27)

तैलपीडा यथा चक्रं भ्रमन्तो भ्रामयन्ति वै । तथा भ्रमन्ति ज्योतींषि वातविद्धानि सर्वशः

tailapīḍā yathā cakraṁ bhramanto bhrāmayanti vai tathā bhramanti jyotīṁṣi vātaviddhāni sarvaśaḥ

जैसे तेल के यन्त्र का चक्र घूमते हुए [अन्य चक्रों को भी] घुमाता है, वैसे ही समस्त ज्योतियाँ वायु से प्रेरित होकर सर्वत्र घूमती हैं।

श्लोक 28 (vishnu.2.12.28)

अलातचक्रवद् यान्ति वातचक्रेरितानि तु । यस्माज् ज्योतींषि वहति प्रवहस् तेन स स्मृतः

alātacakravad yānti vātacakreritāni tu yasmāj jyotīṁṣi vahati pravahas tena sa smṛtaḥ

वे घूमते हुए अंगारे के चक्र के समान चलती हैं, वायु-चक्र से प्रेरित होकर; क्योंकि यह [वायु] ज्योतियों को धारण करती है, इसीलिए इसे 'प्रवह' कहा गया है।

श्लोक 29 (vishnu.2.12.29)

शिशुमारस् तु यः प्रोक्तः स ध्रुवो यत्र तिष्ठति । संनिवेशं च तस्यापि शृणुष्व मुनिसत्तम

śiśumāras tu yaḥ proktaḥ sa dhruvo yatra tiṣṭhati saṁniveśaṁ ca tasyāpi śṛṇuṣva munisattama

जो शिशुमार कहा गया, जिसमें ध्रुव स्थित हैं, हे मुनिश्रेष्ठ, उसकी संरचना को भी सुनो।

श्लोक 30 (vishnu.2.12.30)

यद् अह्ना कुरुते पापं दृष्ट्वा तं निशि मुच्यते । यावन्त्यश् चैव तारास् ताः शिशुमाराश्रिता दिवि । तावन्त्य् एव तु वर्षाणि जीवत्य् अभ्यधिकानि च

yad ahnā kurute pāpaṁ dṛṣṭvā taṁ niśi mucyate yāvantyaś caiva tārās tāḥ śiśumārāśritā divi tāvanty eva tu varṣāṇi jīvaty abhyadhikāni ca

दिन में किया गया पाप उसे रात्रि में देखने से मुक्त हो जाता है; आकाश में शिशुमार में जितने तारे आश्रित हैं, उतने ही, और उससे भी अधिक वर्षों तक [देखने वाला] जीवित रहता है।

श्लोक 31 (vishnu.2.12.31)

उत्तानपादस् तस्याथ विज्ञेयो ह्य् उत्तरो हनुः । यज्ञोऽधरश् च विज्ञेयो धर्मो मूर्धानम् आश्रितः

uttānapādas tasyātha vijñeyo hy uttaro hanuḥ yajño'dharaś ca vijñeyo dharmo mūrdhānam āśritaḥ

उत्तानपाद को उसका ऊपरी जबड़ा जानना चाहिए, यज्ञ को निचला जबड़ा; धर्म उसके मस्तक में आश्रित हैं।

श्लोक 32 (vishnu.2.12.32)

हृदि नारायणश् चास्ते अश्विनौ पूर्वपादयोः । वरुणश् चार्यमा चैव पश्चिमे तस्य सक्थिनी

hṛdi nārāyaṇaś cāste aśvinau pūrvapādayoḥ varuṇaś cāryamā caiva paścime tasya sakthinī

उसके हृदय में नारायण विराजते हैं; अश्विनीकुमार आगे के पैरों में; वरुण और अर्यमा उसकी पश्चिम दिशा की दोनों जाँघें हैं।

श्लोक 33 (vishnu.2.12.33)

शिश्नं संवत्सरस् तस्य मित्रोऽपानं समाश्रितः

śiśnaṁ saṁvatsaras tasya mitro'pānaṁ samāśritaḥ

संवत्सर उसका जननांग है, तथा मित्र उसके गुदा-स्थान में आश्रित हैं।

श्लोक 34 (vishnu.2.12.34)

पुच्छेऽग्निश् च महेन्द्रश् च कश्यपोऽथ ततो ध्रुवः । तारका शिशुमारस्य नास्तम् एति चतुष्टयम्

pucche'gniś ca mahendraś ca kaśyapo'tha tato dhruvaḥ tārakā śiśumārasya nāstam eti catuṣṭayam

उसकी पूँछ में अग्नि, महेन्द्र, कश्यप तथा फिर ध्रुव हैं; शिशुमार के चार तारों का समूह कभी अस्त नहीं होता।

श्लोक 35 (vishnu.2.12.35)

इत्य् एष संनिवेशो यः पृथिव्या ज्योतिषां तथा । द्वीपानाम् उदधीनां च पर्वतानां च कीर्तितः

ity eṣa saṁniveśo yaḥ pṛthivyā jyotiṣāṁ tathā dvīpānām udadhīnāṁ ca parvatānāṁ ca kīrtitaḥ

इस प्रकार यह पृथ्वी तथा ज्योतियों की, द्वीपों, समुद्रों तथा पर्वतों की संरचना बताई गई,

श्लोक 36 (vishnu.2.12.36)

वर्षाणां च नदीनां च ये च तेषु वसन्ति वै । तेषां स्वरूपम् आख्यातं संक्षेपाच् छ्रूयतां पुनः

varṣāṇāṁ ca nadīnāṁ ca ye ca teṣu vasanti vai teṣāṁ svarūpam ākhyātaṁ saṁkṣepāc chrūyatāṁ punaḥ

तथा वर्षों और नदियों की, और उनमें निवास करने वालों की भी; उनका स्वरूप बताया गया — अब संक्षेप में पुनः सुनो।

श्लोक 37 (vishnu.2.12.37)

यद् अम्बु वैष्णवः कायस् ततो विप्र वसुंधरा । पद्माकारा समुद्भूता पर्वताब्ध्यादिसंयुता

yad ambu vaiṣṇavaḥ kāyas tato vipra vasuṁdharā padmākārā samudbhūtā parvatābdhyādisaṁyutā

हे विप्र, वैष्णव देह का जो जल-रूप है, उसी से यह कमल-आकार वाली, पर्वत-समुद्र आदि से युक्त पृथ्वी उत्पन्न हुई।

श्लोक 38 (vishnu.2.12.38)

ज्योतींषि विष्णुर् भुवनानि विष्णुर् वनानि विष्णुर् गिरयो दिशश् च । नद्यः समुद्राश् च स एव सर्वं यद् अस्ति यन् नास्ति च विप्रवर्य

jyotīṁṣi viṣṇur bhuvanāni viṣṇur vanāni viṣṇur girayo diśaś ca nadyaḥ samudrāś ca sa eva sarvaṁ yad asti yan nāsti ca vipravarya

हे श्रेष्ठ विप्र, ज्योतियाँ विष्णु हैं, लोक विष्णु हैं, वन विष्णु हैं, पर्वत और दिशाएँ भी विष्णु हैं; नदियाँ और समुद्र भी वे ही हैं — जो कुछ है और जो कुछ नहीं है, वह सब वे ही हैं।

श्लोक 39 (vishnu.2.12.39)

ज्ञानस्वरूपो भगवान् यतोऽसाव् अशेषमूर्तिर् न तु वस्तुभूतः । ततो हि शैलाब्धिधरादिभेदाञ् जानीहि विज्ञानविजृम्भितानि

jñānasvarūpo bhagavān yato'sāv aśeṣamūrtir na tu vastubhūtaḥ tato hi śailābdhidharādibhedāñ jānīhi vijñānavijṛmbhitāni

चूँकि भगवान् ज्ञान-स्वरूप हैं, अनन्त रूप वाले हैं, किन्तु स्वयं कोई सीमित वस्तु नहीं हैं — इसलिए पर्वत, समुद्र, पृथ्वी आदि के भेदों को ज्ञान (चेतना) के ही विस्तार जानो।

श्लोक 40 (vishnu.2.12.40)

यदा तु शुद्धं निजरूपि सर्वं कर्मक्षये ज्ञानम् अपास्तदोषम् । तदा हि संकल्पतरोः फलानि भवन्ति नो वस्तुषु वस्तुभेदाः

yadā tu śuddhaṁ nijarūpi sarvaṁ karmakṣaye jñānam apāstadoṣam tadā hi saṁkalpataroḥ phalāni bhavanti no vastuṣu vastubhedāḥ

किन्तु जब कर्म के क्षय होने पर सारा ज्ञान अपने शुद्ध, दोष-रहित स्वरूप में हो जाता है, तब वस्तुओं में वस्तु-भेद उस [अज्ञान-रूपी] कल्पवृक्ष के फल नहीं रह जाते।

श्लोक 41 (vishnu.2.12.41)

वस्त्व् अस्ति किं कुत्रचिद् आदिमध्य पर्यन्तहीनं सततैकरूपम् । यच् चान्यथात्वं द्विज याति भूयो न तत् तथा तत्र कुतो हि तत्त्वम्

vastv asti kiṁ kutracid ādimadhya paryantahīnaṁ satataikarūpam yac cānyathātvaṁ dvija yāti bhūyo na tat tathā tatra kuto hi tattvam

क्या कहीं कोई ऐसी वस्तु है जो आदि, मध्य और अन्त से रहित, सदा एकरूप हो? और हे द्विज, जो पुनः बदल जाती है, उसमें भला वास्तविकता (तत्त्व) कहाँ हो सकती है?

श्लोक 42 (vishnu.2.12.42)

मही घटत्वं घटतः कपालिका कपालिका चूर्णरजस् ततोऽणुः । जनैः स्वकर्मस्तिमितात्मनिश्चयैर् आलक्ष्यते ब्रूहि किम् अत्र वस्तु

mahī ghaṭatvaṁ ghaṭataḥ kapālikā kapālikā cūrṇarajas tato'ṇuḥ janaiḥ svakarmastimitātmaniścayair ālakṣyate brūhi kim atra vastu

मिट्टी घड़े का रूप लेती है, घड़ा ठीकरा बनता है, ठीकरा चूर्ण-धूल बनता है, फिर वह अणु बनता है — यह सब अपने-अपने कर्मों में स्थिर-निश्चित मन वाले लोगों द्वारा ही देखा जाता है; बताओ, इसमें वास्तविक वस्तु क्या है?

श्लोक 43 (vishnu.2.12.43)

तस्मान् न विज्ञानम् ऋतेऽस्ति किंचित् क्वचित् कदाचिद् द्विज वस्तुजातम् । विज्ञानम् एकं निजकर्मभेद विभिन्नचित्तैर् बहुधाभ्युपेतम्

tasmān na vijñānam ṛte'sti kiṁcit kvacit kadācid dvija vastujātam vijñānam ekaṁ nijakarmabheda vibhinnacittair bahudhābhyupetam

इसलिए, हे द्विज, चेतना (विज्ञान) के अतिरिक्त कहीं भी, कभी भी कोई वास्तविक वस्तु-समूह नहीं है; चेतना एक ही है, जो अपने-अपने कर्म-भेद से विभक्त चित्तों द्वारा अनेक रूपों में प्रतीत होती है।

श्लोक 44 (vishnu.2.12.44)

ज्ञानं विशुद्धं विमलं विशोकम् अशेषलोभादिनिरस्तसङ्गम् । एकं सदैकं परमः परेशः स वासुदेवो न यतोऽन्यद् अस्ति

jñānaṁ viśuddhaṁ vimalaṁ viśokam aśeṣalobhādinirastasaṅgam ekaṁ sadaikaṁ paramaḥ pareśaḥ sa vāsudevo na yato'nyad asti

अत्यन्त शुद्ध, निर्मल, शोकरहित, लोभ आदि समस्त आसक्ति से मुक्त ज्ञान — वह एक, सदा-विद्यमान, परम, परमेश्वर वासुदेव ही है, जिनसे भिन्न कुछ भी नहीं है।

श्लोक 45 (vishnu.2.12.45)

सद्भाव एषो भवतो मयोक्तो ज्ञानं यथा सत्यम् असत्यम् अन्यत् । एतत् तु यत् संव्यवहारभूतं तत्रापि चोक्तं भुवनाश्रितं ते

sadbhāva eṣo bhavato mayokto jñānaṁ yathā satyam asatyam anyat etat tu yat saṁvyavahārabhūtaṁ tatrāpi coktaṁ bhuvanāśritaṁ te

यह परम सत्य मैंने तुम्हें बताया — कि ज्ञान ही सत्य है, और अन्य सब असत्य है; किन्तु यह जो लोक-व्यवहार से सम्बन्धित है, वह भी संसार पर आश्रित होकर तुम्हें बताया गया।

श्लोक 46 (vishnu.2.12.46)

यज्ञः पशुर् वह्निर् अशेष-ऋत्विक् सोमः सुराः स्वर्गमयश् च कामः । इत्यादिकर्माश्रितमार्गदृष्टं भूरादिभोगाश् च फलानि तेषाम्

yajñaḥ paśur vahnir aśeṣa-ṛtvik somaḥ surāḥ svargamayaś ca kāmaḥ ityādikarmāśritamārgadṛṣṭaṁ bhūrādibhogāś ca phalāni teṣām

यज्ञ, पशु, अग्नि, समस्त ऋत्विक्, सोम, देवता, तथा स्वर्गमय कामना — इस प्रकार के कर्माश्रित मार्ग में जो दृष्टिगोचर होता है, तथा पृथ्वी आदि के भोग उन्हीं के फल हैं।

श्लोक 47 (vishnu.2.12.47)

यच् चैतद् भुवनगतं मया तवोक्तं सर्वत्र व्रजति हि कर्मवश्य एकः । ज्ञात्वैवं ध्रुवम् अचलं सदैकरूपं तत् कुर्याद् विशति हि येन वासुदेवम्

yac caitad bhuvanagataṁ mayā tavoktaṁ sarvatra vrajati hi karmavaśya ekaḥ jñātvaivaṁ dhruvam acalaṁ sadaikarūpaṁ tat kuryād viśati hi yena vāsudevam

जो यह लोक-संबंधी वर्णन मैंने तुम्हें बताया, उसमें कर्म के अधीन वह एक [आत्मा] ही सर्वत्र भ्रमण करता है; इसे स्थिर, अचल, सदा एकरूप जानकर मनुष्य को ऐसा कर्म करना चाहिए जिससे वह वासुदेव में प्रवेश कर सके।