पाताल और पृथ्वी-धारक शेष

श्लोक 1 (vishnu.2.5.1)

पराशर उवाच । विस्तार एष कथितः पृथिव्या भवतो मया । सप्ततिस् तु सहस्राणि द्विजोच्छ्रायोऽपि कथ्यते

parāśara uvāca vistāra eṣa kathitaḥ pṛthivyā bhavato mayā saptatis tu sahasrāṇi dvijocchrāyo'pi kathyate

पराशर ने कहा — यह पृथ्वी का विस्तार मैंने आपको बता दिया; इसकी ऊँचाई भी सत्तर हजार योजन बताई जाती है, हे द्विज।

श्लोक 2 (vishnu.2.5.2)

दशसाहस्रम् एकैकं पातालं मुनिसत्तम । अतलं वितलं चैव नितलं च गभस्तिमत् । महाख्यं सुतलं चाग्र्यं पातालं चापि सप्तमम्

daśasāhasram ekaikaṁ pātālaṁ munisattama atalaṁ vitalaṁ caiva nitalaṁ ca gabhastimat mahākhyaṁ sutalaṁ cāgryaṁ pātālaṁ cāpi saptamam

हे मुनिश्रेष्ठ, सात पाताल हैं, प्रत्येक दस हजार योजन का — अतल, वितल, नितल, गभस्तिमान्, महाख्य (महातल), श्रेष्ठ सुतल, तथा सातवाँ पाताल स्वयं।

श्लोक 3 (vishnu.2.5.3)

शुक्लकृष्णारुणाः पीताः शर्कराः शैलकाञ्चनाः । भूमयो यत्र मैत्रेय वरप्रासादशोभिताः

śuklakṛṣṇāruṇāḥ pītāḥ śarkarāḥ śailakāñcanāḥ bhūmayo yatra maitreya varaprāsādaśobhitāḥ

श्वेत, कृष्ण, अरुण, पीत, कंकरीली, तथा पाषाण और स्वर्णमयी — ऐसी भूमियाँ वहाँ हैं, हे मैत्रेय, श्रेष्ठ भवनों से सुशोभित।

श्लोक 4 (vishnu.2.5.4)

तेषु दानवदैतेयजातयः शतसंघशः । निवसन्ति महानागजातयश् च महामुने

teṣu dānavadaiteyajātayaḥ śatasaṁghaśaḥ nivasanti mahānāgajātayaś ca mahāmune

उनमें दानव और दैत्य जातियाँ सैकड़ों समूहों में निवास करती हैं, तथा महानागों की जातियाँ भी, हे महामुने।

श्लोक 5 (vishnu.2.5.5)

स्वर्लोकाद् अपि रम्याणि पातालानीति नारदः । प्राह स्वर्गसदां मध्ये पातालाभ्यागतो दिवि

svarlokād api ramyāṇi pātālānīti nāradaḥ prāha svargasadāṁ madhye pātālābhyāgato divi

नारद, पाताल से स्वर्ग में आकर, देवताओं के मध्य कहने लगे कि पाताल तो स्वर्गलोक से भी अधिक रमणीय हैं —

श्लोक 6 (vishnu.2.5.6)

आह्लादकारिणः शुभ्रा मणयो यत्र सुप्रभाः । नागाभरणभूषासु पातालं केन तत्समम्

āhlādakāriṇaḥ śubhrā maṇayo yatra suprabhāḥ nāgābharaṇabhūṣāsu pātālaṁ kena tatsamam

'जहाँ आह्लाद देने वाले, शुभ्र, अत्यन्त प्रभायुक्त मणि नागों के आभूषणों में जड़े हैं, उससे पाताल की समानता किससे हो सकती है?

श्लोक 7 (vishnu.2.5.7)

दैत्यदानवकन्याभिर् इतश् चेतश् च शोभिते । पाताले कस्य न प्रीतिर् विमुक्तस्यापि जायते

daityadānavakanyābhir itaś cetaś ca śobhite pātāle kasya na prītir vimuktasyāpi jāyate

जो दैत्य और दानवों की कन्याओं से यहाँ-वहाँ सुशोभित है, उस पाताल में मुक्त पुरुष को भी किसे प्रीति न हो?

श्लोक 8 (vishnu.2.5.8)

दिवार्करश्मयो यत्र प्रभां तन्वन्ति नातपम् । शशिनश् च न शीताय निशि द्योताय केवलम्

divārkaraśmayo yatra prabhāṁ tanvanti nātapam śaśinaś ca na śītāya niśi dyotāya kevalam

जहाँ दिन में सूर्य की किरणें केवल प्रकाश फैलाती हैं, ताप नहीं; और रात्रि में चन्द्रमा की किरणें केवल प्रकाश देती हैं, शीतलता नहीं।

श्लोक 9 (vishnu.2.5.9)

भक्ष्यभोज्यमहापानमुदितैर् अतिभोगिभिः । यत्र न ज्ञायते कालो गतोऽपि दनुजादिभिः

bhakṣyabhojyamahāpānamuditair atibhogibhiḥ yatra na jñāyate kālo gato'pi danujādibhiḥ

जहाँ भोजन, पेय तथा महान् पान-भोगों से प्रसन्न, अत्यन्त भोगी दानवों आदि को समय बीतने का ज्ञान ही नहीं होता, यद्यपि वह बीत रहा है।

श्लोक 10 (vishnu.2.5.10)

वनानि नद्यो रम्याणि सरांसि कमलाकराः । पुंस्कोकिलाभिलापाश् च मनोज्ञान्य् अम्बराणि च

vanāni nadyo ramyāṇi sarāṁsi kamalākarāḥ puṁskokilābhilāpāś ca manojñāny ambarāṇi ca

रमणीय वन, नदियाँ, सरोवर, कमल-समूह, नर-कोकिलों की मधुर पुकार, तथा मनोहर वस्त्र,

श्लोक 11 (vishnu.2.5.11)

भूषणान्य् अतिशुभ्राणि गन्धाढ्यं चानुलेपनम् । वीणावेणुमृदङ्गानां स्वनास् तूर्याणि च द्विज

bhūṣaṇāny atiśubhrāṇi gandhāḍhyaṁ cānulepanam vīṇāveṇumṛdaṅgānāṁ svanās tūryāṇi ca dvija

अत्यन्त उज्ज्वल आभूषण, सुगन्धित अनुलेपन, तथा वीणा, वेणु, मृदंग आदि वाद्यों के स्वर, हे द्विज —

श्लोक 12 (vishnu.2.5.12)

एतान्य् अन्यानि चोदारभाग्यभोग्यानि दानवैः । दैत्योरगैश् च भुज्यन्ते पातालान्तरगोचरैः

etāny anyāni codārabhāgyabhogyāni dānavaiḥ daityoragaiś ca bhujyante pātālāntaragocaraiḥ

ये तथा और भी उदार सुख-सामग्रियाँ, पाताल के भीतर विचरण करने वाले दानवों और उरगों (नागों) द्वारा भोगी जाती हैं।'

श्लोक 13 (vishnu.2.5.13)

पातालानाम् अधश् चास्ते विष्णोर् या तामसी तनुः । शेषाख्या यद्गुणान् वक्तुं न शक्ता दैत्यदानवाः

pātālānām adhaś cāste viṣṇor yā tāmasī tanuḥ śeṣākhyā yadguṇān vaktuṁ na śaktā daityadānavāḥ

पातालों के भी नीचे विष्णु का वह तामस स्वरूप विराजमान है, जो शेष नामक है, जिसके गुणों का वर्णन दैत्य-दानव भी नहीं कर सकते।

श्लोक 14 (vishnu.2.5.14)

योऽनन्तः पठ्यते सिद्धैर् देवदेवर्षिपूजितः । सहस्रशिरसा व्यक्तस्वस्तिकामलभूषणः

yo'nantaḥ paṭhyate siddhair devadevarṣipūjitaḥ sahasraśirasā vyaktasvastikāmalabhūṣaṇaḥ

जो अनन्त कहलाते हैं, सिद्धों द्वारा स्तुत, देवताओं, देवाधिदेव तथा देवर्षियों द्वारा पूजित, सहस्र फणों से युक्त, प्रकट स्वस्तिक-चिह्न से युक्त निर्मल आभूषणों वाले हैं।

श्लोक 15 (vishnu.2.5.15)

फणामणिसहस्रेण यः स विद्योतयन् दिशः । सर्वान् करोति निर्वीर्यान् हिताय जगतोऽसुरान्

phaṇāmaṇisahasreṇa yaḥ sa vidyotayan diśaḥ sarvān karoti nirvīryān hitāya jagato'surān

अपने सहस्र फण-मणियों से दिशाओं को प्रकाशित करते हुए वे जगत् के कल्याण के लिए समस्त असुरों को निर्वीर्य कर देते हैं।

श्लोक 16 (vishnu.2.5.16)

मदाघूर्णितनेत्रोऽसौ यः सदैवैककुण्डलः । किरीटी स्रग्धरो भाति साग्निः श्वेत इवाचलः

madāghūrṇitanetro'sau yaḥ sadaivaikakuṇḍalaḥ kirīṭī sragdharo bhāti sāgniḥ śveta ivācalaḥ

मद से घूर्णित नेत्रों वाले, सदा एक कुण्डल धारण किए, मुकुटधारी, मालाधारी वे शोभित होते हैं, अग्नि सहित श्वेत पर्वत के समान।

श्लोक 17 (vishnu.2.5.17)

नीलवासा मदोत्सिक्तः श्वेतहारोपशोभितः । साभ्रगङ्गाप्रपातोऽसौ कैलासाद्रिर् इवोन्नतः

nīlavāsā madotsiktaḥ śvetahāropaśobhitaḥ sābhragaṅgāprapāto'sau kailāsādrir ivonnataḥ

नीलवस्त्र धारण किए, मद से उल्लसित, श्वेत हार से सुशोभित — वे बादलों में गंगा-प्रपात से युक्त उन्नत कैलास पर्वत के समान हैं।

श्लोक 18 (vishnu.2.5.18)

लाङ्गलासक्तहस्ताग्रो बिभ्रन् मुसलम् उत्तमम् । उपास्यते स्वयं कान्त्या यो वारुण्या च मूर्तया

lāṅgalāsaktahastāgro bibhran musalam uttamam upāsyate svayaṁ kāntyā yo vāruṇyā ca mūrtayā

हाथ के अग्रभाग में हल थामे, श्रेष्ठ मूसल धारण किए, वे स्वयं अपनी कान्ति से तथा वारुणी (मदिरा) की देवी-मूर्ति से उपासित होते हैं।

श्लोक 19 (vishnu.2.5.19)

कल्पान्ते यस्य वक्त्रेभ्यो विषानलशिखोज्ज्वलः । संकर्षणात्मको रुद्रो निष्क्रम्यात्ति जगत्त्रयम्

kalpānte yasya vaktrebhyo viṣānalaśikhojjvalaḥ saṁkarṣaṇātmako rudro niṣkramyātti jagattrayam

कल्प के अन्त में जिनके मुखों से विष-अग्नि की ज्वालाओं से प्रज्वलित संकर्षण-रूप रुद्र निकलकर तीनों लोकों को निगल जाते हैं।

श्लोक 20 (vishnu.2.5.20)

स बिभ्रच् छेखरीभूतम् अशेषं क्षितिमण्डलम् । आस्ते पातालमूलस्थः शेषोऽशेषसुरार्चितः

sa bibhrac chekharībhūtam aśeṣaṁ kṣitimaṇḍalam āste pātālamūlasthaḥ śeṣo'śeṣasurārcitaḥ

अपने ऊपर मुकुट के समान सम्पूर्ण भूमण्डल को धारण करते हुए शेष, समस्त देवों द्वारा पूजित, पातालों के मूल में विराजमान हैं।

श्लोक 21 (vishnu.2.5.21)

तस्य वीर्यं प्रभावश् च स्वरूपं रूपम् एव च । न हि वर्णयितुं शक्यं ज्ञातुं वा त्रिदशैर् अपि

tasya vīryaṁ prabhāvaś ca svarūpaṁ rūpam eva ca na hi varṇayituṁ śakyaṁ jñātuṁ vā tridaśair api

उनका पराक्रम, प्रभाव, स्वरूप तथा रूप — इनका वर्णन करना सम्भव नहीं, न देवगण भी इन्हें जान सकते हैं।

श्लोक 22 (vishnu.2.5.22)

यस्यैषा सकला पृथ्वी फणामणिशिखारुणा । आस्ते कुसुममालेव कस् तद्वीर्यं वदिष्यति

yasyaiṣā sakalā pṛthvī phaṇāmaṇiśikhāruṇā āste kusumamāleva kas tadvīryaṁ vadiṣyati

यह सम्पूर्ण पृथ्वी उनके फण-मणियों की लालिमा से युक्त होकर मानो पुष्पों की माला के समान उन पर टिकी है — उनके पराक्रम का वर्णन कौन कर सकेगा?

श्लोक 23 (vishnu.2.5.23)

यदा विजृम्भतेऽनन्तो मदाघूर्णितलोचनः । तदा चलति भूर् एषा साद्रितोया सकानना

yadā vijṛmbhate'nanto madāghūrṇitalocanaḥ tadā calati bhūr eṣā sādritoyā sakānanā

जब मद से घूर्णित नेत्रों वाले अनन्त अंगड़ाई लेते हैं, तब यह पृथ्वी अपने पर्वतों, जलों और वनों सहित काँप उठती है।

श्लोक 24 (vishnu.2.5.24)

गन्धर्वाप्सरसः सिद्धाः किंनरोरगचारणाः । नान्तं गुणानां गच्छन्ति तेनानन्तोऽयम् अव्ययः

gandharvāpsarasaḥ siddhāḥ kiṁnaroragacāraṇāḥ nāntaṁ guṇānāṁ gacchanti tenānanto'yam avyayaḥ

गन्धर्व, अप्सराएँ, सिद्ध, किन्नर, उरग (नाग) तथा चारण भी उनके गुणों का अन्त नहीं पाते — इसीलिए वे अनन्त और अव्यय कहलाते हैं।

श्लोक 25 (vishnu.2.5.25)

यस्य नागवधूहस्तैर् लेपितं हरिचन्दनम् । मुहुः श्वासानिलापास्तं याति दिक्षूदवासताम्

yasya nāgavadhūhastair lepitaṁ haricandanam muhuḥ śvāsānilāpāstaṁ yāti dikṣūdavāsatām

नाग-पत्नियों के हाथों से लेपित हरिचन्दन उनके श्वास की वायु से बार-बार उड़कर दिशाओं की सुगन्ध बन जाता है।

श्लोक 26 (vishnu.2.5.26)

यम् आराध्य पुराणर्षिर् गर्गो ज्योतींषि तत्त्वतः । ज्ञातवान् सकलं चैव निमित्तपठितं फलम्

yam ārādhya purāṇarṣir gargo jyotīṁṣi tattvataḥ jñātavān sakalaṁ caiva nimittapaṭhitaṁ phalam

जिनकी आराधना करके प्राचीन ऋषि गर्ग ने ज्योतिषों को यथार्थ रूप से जाना, तथा निमित्तों से कहे गए सम्पूर्ण फल को भी जाना।

श्लोक 27 (vishnu.2.5.27)

तेनेयं नागवर्येण शिरसा विधृता मही । बिभर्ति मालां लोकानां सदेवासुरमानुषाम्

teneyaṁ nāgavaryeṇa śirasā vidhṛtā mahī bibharti mālāṁ lokānāṁ sadevāsuramānuṣām

उन्हीं श्रेष्ठ नाग द्वारा यह पृथ्वी सिर पर धारण की गई है; वे देवों, असुरों तथा मनुष्यों सहित लोकों की माला धारण करते हैं।