सप्त लोक और विश्व-कारण विष्णु

श्लोक 1 (vishnu.2.7.1)

मैत्रेय उवाच । कथितं भवता ब्रह्मन् ममैतद् अखिलं त्वया । भुवर्लोकादिकांल् लोकाञ् श्रोतुम् इच्छाम्य् अहं मुने

maitreya uvāca kathitaṁ bhavatā brahman mamaitad akhilaṁ tvayā bhuvarlokādikāṁl lokāñ śrotum icchāmy ahaṁ mune

मैत्रेय ने कहा — हे ब्रह्मन्! आपने मुझे यह सब बता दिया; अब मैं आपसे भुवर्लोक आदि लोकों के विषय में सुनना चाहता हूँ, हे मुने,

श्लोक 2 (vishnu.2.7.2)

तथैव ग्रहसंस्थानं प्रमाणानि यथातथम् । समाचक्ष्व महाभाग मह्यं त्वं परिपृच्छते

tathaiva grahasaṁsthānaṁ pramāṇāni yathātatham samācakṣva mahābhāga mahyaṁ tvaṁ paripṛcchate

तथा ग्रहों की स्थिति और उनके यथार्थ परिमाण भी — हे महाभाग, मुझे पूछते हुए यह सब कृपया बताइए।

श्लोक 3 (vishnu.2.7.3)

पराशर उवाच । रविचन्द्रमसोर् यावन् मयूखैर् अवभास्यते । ससमुद्रसरिच्छैला तावती पृथिवी स्मृता

parāśara uvāca ravicandramasor yāvan mayūkhair avabhāsyate sasamudrasaricchailā tāvatī pṛthivī smṛtā

पराशर ने कहा — सूर्य और चन्द्रमा की किरणों से जहाँ तक प्रकाश फैलता है, समुद्र, नदियों और पर्वतों सहित, उतनी ही पृथ्वी मानी गई है।

श्लोक 4 (vishnu.2.7.4)

यावत्प्रमाणा पृथिवी विस्तारपरिमण्डलात् । नभस् तावत्प्रमाणं वै व्यासमण्डलतो द्विज

yāvatpramāṇā pṛthivī vistāraparimaṇḍalāt nabhas tāvatpramāṇaṁ vai vyāsamaṇḍalato dvija

पृथ्वी का विस्तार अपने वृत्त के अनुसार जितना है, हे द्विज, आकाश का विस्तार भी उसके व्यास के अनुसार उतना ही है।

श्लोक 5 (vishnu.2.7.5)

भूमेर् योजनलक्षे तु सौरं मैत्रेय मण्डलम् । लक्षे दिवाकरस्यापि मण्डलं शशिनः स्थितम्

bhūmer yojanalakṣe tu sauraṁ maitreya maṇḍalam lakṣe divākarasyāpi maṇḍalaṁ śaśinaḥ sthitam

हे मैत्रेय, पृथ्वी से एक लाख योजन पर सूर्य का मण्डल है, तथा सूर्य के मण्डल से एक लाख योजन पर चन्द्रमा का मण्डल स्थित है।

श्लोक 6 (vishnu.2.7.6)

पूर्णे शतसहस्रे तु योजनानां निशाकरात् । नक्षत्रमण्डलं कृत्स्नम् उपरिष्टात् प्रकाशते

pūrṇe śatasahasre tu yojanānāṁ niśākarāt nakṣatramaṇḍalaṁ kṛtsnam upariṣṭāt prakāśate

चन्द्रमा से पूरे एक लाख योजन ऊपर सम्पूर्ण नक्षत्र-मण्डल प्रकाशित होता है।

श्लोक 7 (vishnu.2.7.7)

द्वे लक्षे चोत्तरे ब्रह्मन् बुधो नक्षत्रमण्डलात् । तावत्प्रमाणभागे तु बुधस्याप्य् उशना स्थितः

dve lakṣe cottare brahman budho nakṣatramaṇḍalāt tāvatpramāṇabhāge tu budhasyāpy uśanā sthitaḥ

हे ब्रह्मन्, नक्षत्र-मण्डल से दो लाख योजन ऊपर बुध है; उतने ही परिमाण के अन्तर पर बुध से भी ऊपर शुक्र स्थित है।

श्लोक 8 (vishnu.2.7.8)

अङ्गारकोऽपि शुक्रस्य तत्प्रमाणे व्यवस्थितः । लक्षद्वये तु भौमस्य स्थितो देवपुरोहितः

aṅgārako'pi śukrasya tatpramāṇe vyavasthitaḥ lakṣadvaye tu bhaumasya sthito devapurohitaḥ

शुक्र से भी उतने ही परिमाण पर अंगारक (मंगल) स्थित है; मंगल से दो लाख योजन पर देवताओं के पुरोहित (बृहस्पति) स्थित हैं।

श्लोक 9 (vishnu.2.7.9)

सौरिर् बृहस्पतेश् चोर्ध्वं द्विलक्षे समवस्थितः । सप्तर्षिमण्डलं तस्माल् लक्षम् एकं द्विजोत्तम

saurir bṛhaspateś cordhvaṁ dvilakṣe samavasthitaḥ saptarṣimaṇḍalaṁ tasmāl lakṣam ekaṁ dvijottama

बृहस्पति से भी दो लाख योजन ऊपर शनि स्थित हैं; उनसे भी एक लाख योजन ऊपर सप्तर्षि-मण्डल है, हे द्विजोत्तम।

श्लोक 10 (vishnu.2.7.10)

ऋषिभ्यस् तु सहस्राणां शताद् ऊर्ध्वं व्यवस्थितः । मेढीभूतः समस्तस्य ज्योतिश्चक्रस्य वै ध्रुवः

ṛṣibhyas tu sahasrāṇāṁ śatād ūrdhvaṁ vyavasthitaḥ meḍhībhūtaḥ samastasya jyotiścakrasya vai dhruvaḥ

सप्तर्षियों से भी सौ हजार योजन ऊपर ध्रुव स्थित हैं, जो सम्पूर्ण ज्योतिश्चक्र के धुरे के समान हैं।

श्लोक 11 (vishnu.2.7.11)

त्रैलोक्यम् एतत् कथितम् उत्सेधेन महामुने । इज्याफलस्य भूर् एषा इज्या चात्र प्रतिष्ठिता

trailokyam etat kathitam utsedhena mahāmune ijyāphalasya bhūr eṣā ijyā cātra pratiṣṭhitā

हे महामुने, इस प्रकार त्रैलोक्य का ऊँचाई में वर्णन किया गया; यह पृथ्वी यज्ञ के फल का स्थान है, और यज्ञ भी यहीं प्रतिष्ठित है।

श्लोक 12 (vishnu.2.7.12)

ध्रुवाद् ऊर्ध्वं महर्लोको यत्र ते कल्पवासिनः । एकयोजनकोटी तु महर्लोकोऽभिधीयते

dhruvād ūrdhvaṁ maharloko yatra te kalpavāsinaḥ ekayojanakoṭī tu maharloko'bhidhīyate

ध्रुव से ऊपर महर्लोक है, जहाँ कल्पभर जीवित रहने वाले निवास करते हैं; महर्लोक एक करोड़ योजन दूर बताया गया है।

श्लोक 13 (vishnu.2.7.13)

द्वे कोटी तु जनो लोको यत्र ते ब्रह्मणः सुताः । सनन्दनाद्याः कथिता मैत्रेयामलचेतसः

dve koṭī tu jano loko yatra te brahmaṇaḥ sutāḥ sanandanādyāḥ kathitā maitreyāmalacetasaḥ

दो करोड़ योजन पर जनलोक है, जहाँ ब्रह्मा के निर्मल-चित्त पुत्र, सनन्दन आदि, हे मैत्रेय, निवास करते हैं।

श्लोक 14 (vishnu.2.7.14)

चतुर्गुणोत्तरे चोर्ध्वं जनलोकात् तपः स्मृतः । वैराजा यत्र ते देवाः स्थिता दाहविवर्जिताः

caturguṇottare cordhvaṁ janalokāt tapaḥ smṛtaḥ vairājā yatra te devāḥ sthitā dāhavivarjitāḥ

जनलोक से चार गुना ऊपर तपोलोक स्मरण किया गया है, जहाँ वैराज नामक देवगण दाह-भय से रहित होकर निवास करते हैं।

श्लोक 15 (vishnu.2.7.15)

षड्गुणेन तपोलोकात् सत्यलोको विराजते । अपुनर्मारका यत्र ब्रह्मलोको हि स स्मृतः

ṣaḍguṇena tapolokāt satyaloko virājate apunarmārakā yatra brahmaloko hi sa smṛtaḥ

तपोलोक से छह गुना दूर सत्यलोक विराजमान है, जहाँ जन्म-मृत्यु में पुनः न लौटने वाले निवास करते हैं — वही ब्रह्मलोक कहा गया है।

श्लोक 16 (vishnu.2.7.16)

पादगम्यं तु यत् किंचिद् वस्त्व् अस्ति पृथिवीमयम् । स भूर्लोकः समाख्यातो विस्तरोऽस्य मयोदितः

pādagamyaṁ tu yat kiṁcid vastv asti pṛthivīmayam sa bhūrlokaḥ samākhyāto vistaro'sya mayoditaḥ

जो कुछ भी पृथ्वीमय वस्तु पैरों से चलकर पहुँची जा सकती है, वह भूर्लोक कहलाता है, जिसका विस्तार मैंने पहले बताया।

श्लोक 17 (vishnu.2.7.17)

भूमिसूर्यान्तरं यत् तु सिद्धादिमुनिसेवितम् । भुवर्लोकस् तु सोऽप्य् उक्तो द्वितीयो मुनिसत्तम

bhūmisūryāntaraṁ yat tu siddhādimunisevitam bhuvarlokas tu so'py ukto dvitīyo munisattama

पृथ्वी और सूर्य के बीच जो क्षेत्र है, सिद्धों और मुनियों से सेवित, वह दूसरा लोक भुवर्लोक कहा गया है, हे मुनिश्रेष्ठ।

श्लोक 18 (vishnu.2.7.18)

ध्रुवसूर्यान्तरं यत् तु नियुतानि चतुर्दश । स्वर्लोकः सोऽपि गदितो लोकसंस्थानचिन्तकैः

dhruvasūryāntaraṁ yat tu niyutāni caturdaśa svarlokaḥ so'pi gadito lokasaṁsthānacintakaiḥ

ध्रुव और सूर्य के बीच जो चौदह लाख योजन का क्षेत्र है, उसे लोकों की संरचना जानने वालों ने स्वर्लोक कहा है।

श्लोक 19 (vishnu.2.7.19)

त्रैलोक्यम् एतत् कृतकं मैत्रेय परिपठ्यते । जनस् तपस् तथा सत्यम् इति चाकृतकं त्रयम्

trailokyam etat kṛtakaṁ maitreya paripaṭhyate janas tapas tathā satyam iti cākṛtakaṁ trayam

यह त्रैलोक्य 'कृतक' (उत्पन्न होने वाला) कहा जाता है, हे मैत्रेय; जन, तप तथा सत्य — ये तीनों 'अकृतक' (उत्पन्न न होने वाले) हैं।

श्लोक 20 (vishnu.2.7.20)

कृतकाकृतयोर् मध्ये महर्लोक इति स्मृतः । शून्यो भवति कल्पान्ते योऽत्यन्तं न विनश्यति

kṛtakākṛtayor madhye maharloka iti smṛtaḥ śūnyo bhavati kalpānte yo'tyantaṁ na vinaśyati

कृतक और अकृतक के मध्य महर्लोक स्मरण किया गया है; यह कल्प के अन्त में शून्य हो जाता है, किन्तु सर्वथा नष्ट नहीं होता।

श्लोक 21 (vishnu.2.7.21)

एते सप्त मया लोका मैत्रेय कथितास् तव । पातालानि च सप्तैव ब्रह्माण्डस्यैष विस्तरः

ete sapta mayā lokā maitreya kathitās tava pātālāni ca saptaiva brahmāṇḍasyaiṣa vistaraḥ

हे मैत्रेय, ये सात लोक मैंने तुम्हें बताए, तथा सातों पाताल भी — यही ब्रह्माण्ड का विस्तार है।

श्लोक 22 (vishnu.2.7.22)

एतद् अण्डकटाहेन तिर्यक् चोर्ध्वम् अधस् तथा । कपित्थस्य यथा बीजं सर्वतो वै समावृतम्

etad aṇḍakaṭāhena tiryak cordhvam adhas tathā kapitthasya yathā bījaṁ sarvato vai samāvṛtam

यह ब्रह्माण्ड आर-पार, ऊपर-नीचे, अण्डकटाह से सर्वत्र वैसे ही घिरा हुआ है जैसे कैथ के फल का बीज उसके छिलके से घिरा रहता है।

श्लोक 23 (vishnu.2.7.23)

दशोत्तरेण पयसा मैत्रेयाण्डं च तद् वृतम् । सर्वोऽम्बुपरिधानोऽसौ वह्निना वेष्टितो बहिः

daśottareṇa payasā maitreyāṇḍaṁ ca tad vṛtam sarvo'mbuparidhāno'sau vahninā veṣṭito bahiḥ

हे मैत्रेय, वह अण्डा अपने ही विस्तार से दस गुने जल से घिरा है; वह सम्पूर्ण जल बाहर से अग्नि से घिरा हुआ है।

श्लोक 24 (vishnu.2.7.24)

वह्निश् च वायुना वायुर् मैत्रेय नभसा वृतः । भूतादिना नभः सोऽपि महता परिवेष्टितः । दशोत्तराण्य् अशेषाणि मैत्रेयैतानि सप्त वै

vahniś ca vāyunā vāyur maitreya nabhasā vṛtaḥ bhūtādinā nabhaḥ so'pi mahatā pariveṣṭitaḥ daśottarāṇy aśeṣāṇi maitreyaitāni sapta vai

अग्नि वायु से घिरी है, और वायु, हे मैत्रेय, आकाश से घिरी है; वह आकाश भी अहंकार-तत्त्व से, और वह महत्तत्त्व से घिरा है — हे मैत्रेय, ये सभी परस्पर दस-दस गुने हैं।

श्लोक 25 (vishnu.2.7.25)

महान्तं च समावृत्य प्रधानं समवस्थितम् । अनन्तस्य न तस्यान्तः संख्यानं वापि विद्यते

mahāntaṁ ca samāvṛtya pradhānaṁ samavasthitam anantasya na tasyāntaḥ saṁkhyānaṁ vāpi vidyate

और महत्तत्त्व को भी घेरकर अनन्त प्रधान (मूल प्रकृति) स्थित है, जिसका न कोई अन्त है, न उसकी कोई गणना है।

श्लोक 26 (vishnu.2.7.26)

तद् अनन्तम् असंख्यातप्रमाणं चापि वै यतः । हेतुभूतम् अशेषस्य प्रकृतिः सा परा मुने

tad anantam asaṁkhyātapramāṇaṁ cāpi vai yataḥ hetubhūtam aśeṣasya prakṛtiḥ sā parā mune

वह प्रधान अनन्त और असंख्येय परिमाण वाला है, जो समस्त सृष्टि का कारण है — वही परा प्रकृति है, हे मुने।

श्लोक 27 (vishnu.2.7.27)

अण्डानां तु सहस्राणां सहस्राण्य् अयुतानि च । ईदृशानां तथा तत्र कोटिकोटिशतानि च

aṇḍānāṁ tu sahasrāṇāṁ sahasrāṇy ayutāni ca īdṛśānāṁ tathā tatra koṭikoṭiśatāni ca

इस प्रकार के अण्डों की हजारों, दस-हजारों, तथा करोड़ों-करोड़ों संख्याएँ उसमें विद्यमान हैं।

श्लोक 28 (vishnu.2.7.28)

दारुण्य् अग्निर् यथा तैलं तिले तद्वत् पुमान् अपि । प्रधानेऽवस्थितो व्यापी चेतनात्मात्मवेदनः

dāruṇy agnir yathā tailaṁ tile tadvat pumān api pradhāne'vasthito vyāpī cetanātmātmavedanaḥ

जैसे लकड़ी में अग्नि और तिल में तेल छिपा रहता है, वैसे ही पुरुष भी प्रधान में व्याप्त होकर स्थित है, चेतन आत्मा, आत्मा को जानने वाला।

श्लोक 29 (vishnu.2.7.29)

प्रधानं च पुमांश् चैव सर्वभूतात्मभूतया । विष्णुशक्त्या महाबुद्धे वृतौ संश्रयधर्मिणौ

pradhānaṁ ca pumāṁś caiva sarvabhūtātmabhūtayā viṣṇuśaktyā mahābuddhe vṛtau saṁśrayadharmiṇau

हे महाबुद्धे, प्रधान और पुरुष दोनों, विष्णु की उस शक्ति से घिरे हुए हैं, जो समस्त प्राणियों की आत्मा है, तथा दोनों उसी पर आश्रित हैं।

श्लोक 30 (vishnu.2.7.30)

तयोः सैव पृथग्भावकारणं संश्रयस्य च । क्षोभकारणभूता च सर्गकाले महामते

tayoḥ saiva pṛthagbhāvakāraṇaṁ saṁśrayasya ca kṣobhakāraṇabhūtā ca sargakāle mahāmate

हे महामते, उन दोनों के पृथक्त्व का कारण भी वही शक्ति है, तथा उनके आश्रित रहने का भी; और वही सृष्टि के समय क्षोभ का कारण भी बनती है।

श्लोक 31 (vishnu.2.7.31)

यथा सक्तं जले वातो बिभर्ति कणिकाशतम् । शक्तिः सापि तथा विष्णोः प्रधानपुरुषात्मकम्

yathā saktaṁ jale vāto bibharti kaṇikāśatam śaktiḥ sāpi tathā viṣṇoḥ pradhānapuruṣātmakam

जैसे जल में संचित वायु सैकड़ों बुलबुलों को धारण करती है, वैसे ही विष्णु की वह शक्ति भी प्रधान और पुरुष को धारण करती है।

श्लोक 32 (vishnu.2.7.32)

यथा च पादपो मूलस्कन्धशाखादिसंयुतः । आदिबीजात् प्रभवति बीजान्य् अन्यानि वै ततः

yathā ca pādapo mūlaskandhaśākhādisaṁyutaḥ ādibījāt prabhavati bījāny anyāni vai tataḥ

जैसे मूल, स्कन्ध और शाखाओं आदि से युक्त वृक्ष अपने आदि बीज से अन्य बीजों को उत्पन्न करता है,

श्लोक 33 (vishnu.2.7.33)

प्रभवन्ति ततस् तेभ्यः संभवन्त्य् अपरे द्रुमाः । तेऽपि तल्लक्षणद्रव्यकारणानुगता मुने

prabhavanti tatas tebhyaḥ saṁbhavanty apare drumāḥ te'pi tallakṣaṇadravyakāraṇānugatā mune

और उनसे फिर अन्य वृक्ष उत्पन्न होते हैं — वे भी, हे मुने, उसी लक्षण और द्रव्य-कारण का अनुसरण करते हैं,

श्लोक 34 (vishnu.2.7.34)

एवम् अव्याकृतात् पूर्वं जायन्ते महदादयः । विशेषान्तास् ततस् तेभ्यः संभवन्ति सुरादयः । तेभ्यश् च पुत्रास् तेषां च पुत्राणाम् अपरे सुताः

evam avyākṛtāt pūrvaṁ jāyante mahadādayaḥ viśeṣāntās tatas tebhyaḥ saṁbhavanti surādayaḥ tebhyaś ca putrās teṣāṁ ca putrāṇām apare sutāḥ

इसी प्रकार पहले अव्यक्त से महत्तत्त्व आदि उत्पन्न होते हैं, फिर उनसे विशेष तत्त्वों तक, फिर उनसे देवता आदि उत्पन्न होते हैं; और उनसे पुत्र, तथा उनके पुत्रों के भी पुत्र होते हैं।

श्लोक 35 (vishnu.2.7.35)

बीजाद् वृक्षप्ररोहेण यथा नापचयस् तरोः । भूतानां भूतसर्गेण नैवास्त्य् अपचयस् तथा

bījād vṛkṣapraroheṇa yathā nāpacayas taroḥ bhūtānāṁ bhūtasargeṇa naivāsty apacayas tathā

जैसे बीज से वृक्ष के अंकुरित होने पर भी वृक्ष की कोई कमी नहीं होती, वैसे ही प्राणियों की उत्पत्ति से प्राणियों की भी कोई कमी नहीं होती।

श्लोक 36 (vishnu.2.7.36)

संनिधानाद् यथाकाशकालाद्याः कारणं तरोः । तथैवापरिणामेन विश्वस्य भगवान् हरिः

saṁnidhānād yathākāśakālādyāḥ kāraṇaṁ taroḥ tathaivāpariṇāmena viśvasya bhagavān hariḥ

जैसे आकाश, काल आदि केवल अपनी उपस्थिति मात्र से वृक्ष के कारण बनते हैं, वैसे ही बिना किसी परिणाम के भगवान् हरि विश्व के कारण हैं।

श्लोक 37 (vishnu.2.7.37)

व्रीहिबीजे यथा मूलं नालं पत्राङ्कुरौ तथा । काण्डकोषस् तथा पुष्पं क्षीरं तद्वच् च तण्डुलाः

vrīhibīje yathā mūlaṁ nālaṁ patrāṅkurau tathā kāṇḍakoṣas tathā puṣpaṁ kṣīraṁ tadvac ca taṇḍulāḥ

जैसे धान के बीज में मूल, डण्ठल, पत्ते और अंकुर, फिर गाँठ, कोष, पुष्प, दूध तथा फिर चावल — ये सब [क्रमशः प्रकट होने योग्य] विद्यमान रहते हैं,

श्लोक 38 (vishnu.2.7.38)

तुषाः कणाश् च सन्तो वै यान्त्य् आविर्भावम् आत्मनः । प्ररोहहेतुसामग्रीम् आसाद्य मुनिसत्तम

tuṣāḥ kaṇāś ca santo vai yānty āvirbhāvam ātmanaḥ prarohahetusāmagrīm āsādya munisattama

और भूसी तथा दाना भी — ये सब, हे मुनिश्रेष्ठ, अंकुरण की उचित सामग्री पाकर प्रकट हो जाते हैं,

श्लोक 39 (vishnu.2.7.39)

तथा कर्मस्व् अनेकेषु देवाद्याः समवस्थिताः । विष्णुशक्तिं समासाद्य प्ररोहम् उपयान्ति वै

tathā karmasv anekeṣu devādyāḥ samavasthitāḥ viṣṇuśaktiṁ samāsādya praroham upayānti vai

वैसे ही देवता आदि भी अनेक कर्मों में स्थित होकर विष्णु की शक्ति को पाकर ही प्रकट (अंकुरित) होते हैं।

श्लोक 40 (vishnu.2.7.40)

स च विष्णुः परं ब्रह्म यतः सर्वम् इदं जगत् । जगच् च यो यत्र चेदं यस्मिंश् च लयम् एष्यति

sa ca viṣṇuḥ paraṁ brahma yataḥ sarvam idaṁ jagat jagac ca yo yatra cedaṁ yasmiṁś ca layam eṣyati

वही विष्णु परब्रह्म है, जिनसे यह सम्पूर्ण जगत् उत्पन्न होता है, जिनमें यह जगत् स्थित है, और जिनमें यह लीन हो जाएगा।

श्लोक 41 (vishnu.2.7.41)

तद् ब्रह्म तत् परं धाम सदसत्परमं पदम् । यस्य सर्वम् अभेदेन जगद् एतच् चराचरम्

tad brahma tat paraṁ dhāma sadasatparamaṁ padam yasya sarvam abhedena jagad etac carācaram

वही ब्रह्म है, वही परम धाम है, सत् और असत् से परे परम पद है, जिससे यह सम्पूर्ण चराचर जगत् अभिन्न है।

श्लोक 42 (vishnu.2.7.42)

स एव मूलप्रकृतिर् व्यक्तरूपी जगच् च सः । तस्मिन्न् एव लयं सर्वं याति तत्र च तिष्ठति

sa eva mūlaprakṛtir vyaktarūpī jagac ca saḥ tasminn eva layaṁ sarvaṁ yāti tatra ca tiṣṭhati

वे ही मूल प्रकृति हैं, वे ही व्यक्त जगत् भी हैं; उन्हीं में सब कुछ लीन होता है, और उन्हीं में स्थित रहता है।

श्लोक 43 (vishnu.2.7.43)

कर्ता क्रियाणां स च इज्यते क्रतुः स एव तत्कर्मफलं च तस्य यत् । स्रुगादि यत् साधनम् अप्य् अशेषतो हरेर् न किंचिद् व्यतिरिक्तम् अस्ति वै

kartā kriyāṇāṁ sa ca ijyate kratuḥ sa eva tatkarmaphalaṁ ca tasya yat srugādi yat sādhanam apy aśeṣato harer na kiṁcid vyatiriktam asti vai

वे ही समस्त क्रियाओं के कर्ता हैं, वे ही यजे जाते हैं, वे ही यज्ञ हैं, और वे ही उस कर्म का फल भी हैं; स्रुक् आदि साधन भी, हर उपाय भी — हरि से भिन्न कुछ भी नहीं है।