सूर्य-रथ, ध्रुव और गंगा-महिमा

श्लोक 1 (vishnu.2.8.1)

पराशर उवाच । व्याख्यातम् एतद् ब्रह्माण्डसंस्थानं तव सुव्रत । ततः प्रमाणसंस्थाने सूर्यादीनां शृणुष्व मे

parāśara uvāca vyākhyātam etad brahmāṇḍasaṁsthānaṁ tava suvrata tataḥ pramāṇasaṁsthāne sūryādīnāṁ śṛṇuṣva me

पराशर ने कहा — हे सुव्रत, ब्रह्माण्ड की यह संरचना तुम्हें बताई गई; अब सूर्य आदि के परिमाण और संस्थान को मुझसे सुनो।

श्लोक 2 (vishnu.2.8.2)

योजनानां सहस्राणि भास्करस्य रथो नव । ईषादण्डस् तथैवास्य द्विगुणो मुनिसत्तम

yojanānāṁ sahasrāṇi bhāskarasya ratho nava īṣādaṇḍas tathaivāsya dviguṇo munisattama

सूर्य का रथ नौ हजार योजन का है; हे मुनिश्रेष्ठ, उसका ईषादण्ड (जुए का डण्डा) भी उतना ही, अर्थात् दुगुना है।

श्लोक 3 (vishnu.2.8.3)

सार्धकोटिस् तथा सप्त नियुतान्य् अधिकानि वै । योजनानां तु तस्याक्षस् तत्र चक्रं प्रतिष्ठितम्

sārdhakoṭis tathā sapta niyutāny adhikāni vai yojanānāṁ tu tasyākṣas tatra cakraṁ pratiṣṭhitam

उसकी धुरी साढ़े सात करोड़ तथा कुछ अधिक लाख योजन की है; उस पर उसका चक्र प्रतिष्ठित है।

श्लोक 4 (vishnu.2.8.4)

त्रिनाभिमति पञ्चारे षण्णेमिन्य् अक्षयात्मके । संवत्सरमये कृत्स्नं कालचक्रं प्रतिष्ठितम्

trinābhimati pañcāre ṣaṇṇeminy akṣayātmake saṁvatsaramaye kṛtsnaṁ kālacakraṁ pratiṣṭhitam

तीन नाभियों, पाँच अरों, छह नेमियों वाला, अक्षय स्वरूप, संवत्सरमय — यह सम्पूर्ण कालचक्र [उस रथ के चक्र रूप में] प्रतिष्ठित है।

श्लोक 5 (vishnu.2.8.5)

चत्वारिंशत् सहस्राणि द्वितीयोऽक्षो विवस्वतः । पञ्चान्यानि तु सार्धानि स्यन्दनस्य महामते

catvāriṁśat sahasrāṇi dvitīyo'kṣo vivasvataḥ pañcānyāni tu sārdhāni syandanasya mahāmate

हे महामते, विवस्वान् (सूर्य) की दूसरी धुरी चालीस हजार साढ़े पाँच सौ योजन की है।

श्लोक 6 (vishnu.2.8.6)

अक्षप्रमाणम् उभयोः प्रमाणं तद्युगार्धयोः । ह्रस्वोऽक्षस् तद्युगार्धं च ध्रुवाधारो रथस्य वै । द्वितीयेऽक्षे तु तच् चक्रं संस्थितं मानसाचले

akṣapramāṇam ubhayoḥ pramāṇaṁ tadyugārdhayoḥ hrasvo'kṣas tadyugārdhaṁ ca dhruvādhāro rathasya vai dvitīye'kṣe tu tac cakraṁ saṁsthitaṁ mānasācale

दोनों धुरियों का परिमाण जुए के आधे भाग के बराबर है; छोटी धुरी ध्रुव पर टिकी रथ की आधार है; दूसरी धुरी पर वह चक्र मानस पर्वत पर स्थित है।

श्लोक 7 (vishnu.2.8.7)

हयाश् च सप्त छन्दांसि तेषां नामानि मे शृणु । गायत्री च बृहत्य् उष्णिग् जगती त्रिष्टुब् एव च । अनुष्टुप् पङ्क्तिर् इत्य् उक्ताश् छन्दांसि हरयो रवेः

hayāś ca sapta chandāṁsi teṣāṁ nāmāni me śṛṇu gāyatrī ca bṛhaty uṣṇig jagatī triṣṭub eva ca anuṣṭup paṅktir ity uktāś chandāṁsi harayo raveḥ

सूर्य के सात घोड़े छन्दों के नाम पर हैं; उनके नाम मुझसे सुनो — गायत्री, बृहती, उष्णिक्, जगती, त्रिष्टुप्, अनुष्टुप् तथा पंक्ति — ये सूर्य के छन्दमय अश्व कहे गए हैं।

श्लोक 8 (vishnu.2.8.8)

मानसोत्तरशैले तु पूर्वतो वासवी पुरी । दक्षिणेन यमस्यान्या प्रतीच्यां वरुणस्य च । उत्तरेण च सोमस्य तासां नामानि मे शृणु

mānasottaraśaile tu pūrvato vāsavī purī dakṣiṇena yamasyānyā pratīcyāṁ varuṇasya ca uttareṇa ca somasya tāsāṁ nāmāni me śṛṇu

मानसोत्तर पर्वत पर पूर्व में इन्द्र की वासवी पुरी है, दक्षिण में यम की, पश्चिम में वरुण की, और उत्तर में सोम की — उनके नाम मुझसे सुनो।

श्लोक 9 (vishnu.2.8.9)

वस्वोकसारा शक्रस्य याम्या संयमनी तथा । पुरी सुखा जलेशस्य सोमस्य च विभावरी

vasvokasārā śakrasya yāmyā saṁyamanī tathā purī sukhā jaleśasya somasya ca vibhāvarī

इन्द्र की वस्वोकसारा, यम की संयमनी, वरुण की सुखा, तथा सोम की विभावरी।

श्लोक 10 (vishnu.2.8.10)

काष्ठां गतो दक्षिणतः क्षिप्तेषुर् इव सर्पति । मैत्रेय भगवान् भानुर् ज्योतिषां चक्रसंयुतः

kāṣṭhāṁ gato dakṣiṇataḥ kṣipteṣur iva sarpati maitreya bhagavān bhānur jyotiṣāṁ cakrasaṁyutaḥ

हे मैत्रेय, दक्षिण की ओर अपनी सीमा तक पहुँचकर भगवान् सूर्य नक्षत्र-मण्डल सहित छूटे हुए बाण की भाँति गति करते हैं।

श्लोक 11 (vishnu.2.8.11)

अहोरात्रव्यवस्थानकारणं भगवान् रविः । देवयानः परः पन्था योगिनां क्लेशसंक्षये

ahorātravyavasthānakāraṇaṁ bhagavān raviḥ devayānaḥ paraḥ panthā yogināṁ kleśasaṁkṣaye

भगवान् सूर्य ही दिन-रात की व्यवस्था के कारण हैं; वे योगियों के क्लेश के नाश के लिए देवयान नामक श्रेष्ठ मार्ग हैं।

श्लोक 12 (vishnu.2.8.12)

दिवसस्य रविर् मध्ये सर्वकालं व्यवस्थितः । सर्वद्वीपेषु मैत्रेय निशार्धस्य च संमुखः

divasasya ravir madhye sarvakālaṁ vyavasthitaḥ sarvadvīpeṣu maitreya niśārdhasya ca saṁmukhaḥ

हे मैत्रेय, सूर्य सदा समस्त द्वीपों में दिन के मध्य में स्थित रहते हैं, तथा सदा आधी रात्रि के सम्मुख भी।

श्लोक 13 (vishnu.2.8.13)

उदयास्तमने चैव सर्वकालं तु संमुखे । दिशास्व् अशेषासु तथा मैत्रेय विदिशासु च

udayāstamane caiva sarvakālaṁ tu saṁmukhe diśāsv aśeṣāsu tathā maitreya vidiśāsu ca

हे मैत्रेय, उदय और अस्त के समय भी वे सदा सभी दिशाओं और विदिशाओं के सम्मुख होते हैं —

श्लोक 14 (vishnu.2.8.14)

यैर् यत्र दृश्यते भास्वान् स तेषाम् उदयः स्मृतः । तिरोभावं च यत्रैति तत्रैवास्तमनं रवेः

yair yatra dṛśyate bhāsvān sa teṣām udayaḥ smṛtaḥ tirobhāvaṁ ca yatraiti tatraivāstamanaṁ raveḥ

जहाँ जिन लोगों को सूर्य दिखाई देते हैं, वही उनके लिए उदय कहलाता है; और जहाँ वे ओझल हो जाते हैं, वहीं उनके लिए सूर्य का अस्त होना कहलाता है।

श्लोक 15 (vishnu.2.8.15)

नैवास्तमनम् अर्कस्य नोदयः सर्वदा सतः । उदयास्तमनाख्यं हि दर्शनादर्शनं रवेः

naivāstamanam arkasya nodayaḥ sarvadā sataḥ udayāstamanākhyaṁ hi darśanādarśanaṁ raveḥ

सर्वदा विद्यमान सूर्य का वस्तुतः न कोई अस्त है न उदय; 'उदय' और 'अस्त' तो केवल सूर्य के दृश्य और अदृश्य होने के ही नाम हैं।

श्लोक 16 (vishnu.2.8.16)

शक्रादीनां पुरे तिष्ठन् स्पृशत्य् एष पुरत्रयम् । विकर्णौ द्वौ विकर्णस्थस् त्रीन् कोणान् द्वे पुरे तथा

śakrādīnāṁ pure tiṣṭhan spṛśaty eṣa puratrayam vikarṇau dvau vikarṇasthas trīn koṇān dve pure tathā

इन्द्र आदि की पुरी में स्थित होकर वे एक साथ तीन पुरियों को स्पर्श करते हैं; कोणों पर स्थित होकर तीन कोणों को तथा दो पुरियों को भी।

श्लोक 17 (vishnu.2.8.17)

उदितो वर्धमानाभिर् आमध्याह्नात् तपन् रविः । ततः परं ह्रसन्तीभिर् गोभिर् अस्तं नियच्छति

udito vardhamānābhir āmadhyāhnāt tapan raviḥ tataḥ paraṁ hrasantībhir gobhir astaṁ niyacchati

उदित होकर सूर्य मध्याह्न तक बढ़ती हुई किरणों से तपते हैं; उसके पश्चात् घटती हुई किरणों से अस्त की ओर बढ़ते हैं।

श्लोक 18 (vishnu.2.8.18)

उदयास्तमनाभ्यां च स्मृते पूर्वापरे दिशौ । यावत् पुरस्तात् तपति तावत् पृष्ठे च पार्श्वयोः

udayāstamanābhyāṁ ca smṛte pūrvāpare diśau yāvat purastāt tapati tāvat pṛṣṭhe ca pārśvayoḥ

उदय और अस्त से ही पूर्व और पश्चिम दिशाएँ जानी जाती हैं; जितना वे सामने तपते हैं, उतना ही पार्श्वों और पीछे भी।

श्लोक 19 (vishnu.2.8.19)

ऋतेऽमरगिरेर् मेरोर् उपरि ब्रह्मणः सभाम् । ये ये मरीचयोऽर्कस्य प्रयान्ति ब्रह्मणः सभाम् । ते ते निरस्तास् तद्भासा प्रतीपम् उपयान्ति वै

ṛte'maragirer meror upari brahmaṇaḥ sabhām ye ye marīcayo'rkasya prayānti brahmaṇaḥ sabhām te te nirastās tadbhāsā pratīpam upayānti vai

अमर मेरु पर्वत के ऊपर स्थित ब्रह्मा की सभा को छोड़कर, सूर्य की जो-जो किरणें ब्रह्मा की सभा की ओर जाती हैं, वे उसी तेज से पीछे लौटा दी जाती हैं।

श्लोक 20 (vishnu.2.8.20)

तस्माद् दिश्य् उत्तरस्यां वै दिवारात्रिः सदैव हि । सर्वेषां द्वीपवर्षाणां मेरुर् उत्तरतो यतः

tasmād diśy uttarasyāṁ vai divārātriḥ sadaiva hi sarveṣāṁ dvīpavarṣāṇāṁ merur uttarato yataḥ

इसीलिए उत्तर दिशा में सदा ही [दिन-रात्रि का सम्मिश्रण] रहता है, क्योंकि मेरु समस्त द्वीपों और वर्षों के उत्तर में स्थित है।

श्लोक 21 (vishnu.2.8.21)

प्रभा विवस्वतो रात्राव् अस्तं गच्छति भास्करे । विशत्य् अग्निम् अतो रात्रौ वह्निर् दूरात् प्रकाशते

prabhā vivasvato rātrāv astaṁ gacchati bhāskare viśaty agnim ato rātrau vahnir dūrāt prakāśate

रात्रि में सूर्य का प्रकाश अग्नि में प्रवेश कर जाता है, इसीलिए रात्रि में अग्नि दूर से भी दिखाई देती है।

श्लोक 22 (vishnu.2.8.22)

वह्निपादस् तथा भानुं दिनेष्व् आविशति द्विज । अतीव वह्निसंयोगाद् अतः सूर्यः प्रकाशते

vahnipādas tathā bhānuṁ dineṣv āviśati dvija atīva vahnisaṁyogād ataḥ sūryaḥ prakāśate

हे द्विज, इसी प्रकार अग्नि का अंश दिन में सूर्य में प्रवेश करता है; इस अत्यधिक अग्नि-संयोग से ही सूर्य [इतना तेजस्वी] प्रकाशित होता है।

श्लोक 23 (vishnu.2.8.23)

तेजसी भास्कराग्नेये प्रकाशोष्णस्वरूपिणी । परस्परानुप्रवेशाद् आप्यायेते दिवानिशम्

tejasī bhāskarāgneye prakāśoṣṇasvarūpiṇī parasparānupraveśād āpyāyete divāniśam

प्रकाश और उष्णता स्वरूप वाले सूर्य और अग्नि के ये दोनों तेज परस्पर एक-दूसरे में प्रवेश करने से दिन-रात पुष्ट होते रहते हैं।

श्लोक 24 (vishnu.2.8.24)

दक्षिणोत्तरभूम्यर्धे समुत्तिष्ठति भास्करे । अहोरात्रं विशत्य् अम्भस् तमःप्राकाश्यशीलवत्

dakṣiṇottarabhūmyardhe samuttiṣṭhati bhāskare ahorātraṁ viśaty ambhas tamaḥprākāśyaśīlavat

जब दक्षिण या उत्तर भूमि-भाग में सूर्य उदित होते हैं, तब [दूसरे भाग में] एक दिन-रात्रि तक वे मानो अन्धकार-प्रकाश के स्वभाव अनुसार जल में प्रविष्ट होते हैं।

श्लोक 25 (vishnu.2.8.25)

आताम्रा हि भवन्त्य् आपो दिवा नक्तप्रवेशनात् । दिनं विशति चैवाम्भो भास्करेऽस्तम् उपागते । तस्माच् छुक्लीभवन्त्य् आपो नक्तम् अह्नः प्रवेशनात्

ātāmrā hi bhavanty āpo divā naktapraveśanāt dinaṁ viśati caivāmbho bhāskare'stam upāgate tasmāc chuklībhavanty āpo naktam ahnaḥ praveśanāt

दिन में रात्रि के प्रवेश से जल ताम्रवर्ण हो जाते हैं; और सूर्य के अस्त होने पर दिन जल में प्रवेश करता है, इसलिए रात में दिन के प्रवेश से जल श्वेत हो जाते हैं।

श्लोक 26 (vishnu.2.8.26)

एवं पुष्करमध्ये तु यदा याति दिवाकरः । त्रिंशद्भागं तु मेदिन्यास् तदा मौहूर्तिकी गतिः

evaṁ puṣkaramadhye tu yadā yāti divākaraḥ triṁśadbhāgaṁ tu medinyās tadā mauhūrtikī gatiḥ

इस प्रकार जब सूर्य पुष्करद्वीप के मध्य से होकर पृथ्वी के तीसवें भाग को पार करते हैं, तब उतनी गति को एक मुहूर्त कहते हैं।

श्लोक 27 (vishnu.2.8.27)

कुलालचक्रपर्यन्तो भ्रमन्न् एष दिवाकरः । करोत्य् अहस् तथा रात्रिं विमुञ्चन् मेदिनीं द्विज

kulālacakraparyanto bhramann eṣa divākaraḥ karoty ahas tathā rātriṁ vimuñcan medinīṁ dvija

हे द्विज, कुम्हार के चाक के समान घूमते हुए यह सूर्य पृथ्वी को छोड़ता हुआ दिन और रात्रि का निर्माण करता है।

श्लोक 28 (vishnu.2.8.28)

अयनस्योत्तरस्यादौ मकरं याति भास्करः । ततः कुम्भं च मीनं च राशे राश्यन्तरं द्विज

ayanasyottarasyādau makaraṁ yāti bhāskaraḥ tataḥ kumbhaṁ ca mīnaṁ ca rāśe rāśyantaraṁ dvija

उत्तरायण के आरम्भ में सूर्य मकर राशि में प्रवेश करते हैं; हे द्विज, फिर कुम्भ और मीन राशि में, एक राशि से दूसरी राशि में।

श्लोक 29 (vishnu.2.8.29)

त्रिष्व् एतेष्व् अथ भुक्तेषु ततो वैषुवतीं गतिम् । प्रयाति सविता कुर्वन्न् अहोरात्रं ततः समम्

triṣv eteṣv atha bhukteṣu tato vaiṣuvatīṁ gatim prayāti savitā kurvann ahorātraṁ tataḥ samam

इन तीनों को पार करके सूर्य विषुव (सम) गति को प्राप्त होते हैं, जब दिन और रात्रि समान हो जाते हैं।

श्लोक 30 (vishnu.2.8.30)

ततो रात्रिः क्षयं याति वर्धतेऽनुदिनं दिनम्

tato rātriḥ kṣayaṁ yāti vardhate'nudinaṁ dinam

तत्पश्चात् रात्रि क्षीण होती जाती है और दिन प्रतिदिन बढ़ता जाता है।

श्लोक 31 (vishnu.2.8.31)

ततश् च मिथुनस्यान्ते परां काष्ठाम् उपागतः । राशिं कर्कटकं प्राप्य कुरुते दक्षिणायनम्

tataś ca mithunasyānte parāṁ kāṣṭhām upāgataḥ rāśiṁ karkaṭakaṁ prāpya kurute dakṣiṇāyanam

फिर मिथुन राशि के अन्त में अपनी परम सीमा को पहुँचकर, कर्क राशि में प्रवेश करते ही सूर्य दक्षिणायन आरम्भ करते हैं।

श्लोक 32 (vishnu.2.8.32)

कुलालचक्रपर्यन्तो यथा शीघ्रं प्रवर्तते । दक्षिणे प्रक्रमे सूर्यस् तथा शीघ्रं प्रवर्तते

kulālacakraparyanto yathā śīghraṁ pravartate dakṣiṇe prakrame sūryas tathā śīghraṁ pravartate

जैसे कुम्हार का चाक शीघ्रता से घूमता है, वैसे ही दक्षिणायन में सूर्य शीघ्र गति से चलते हैं।

श्लोक 33 (vishnu.2.8.33)

अतिवेगितया कालं वायुवेगगतिश् चरन् । तस्मात् प्रकृष्टां भूमिं तु कालेनाल्पेन गच्छति

ativegitayā kālaṁ vāyuvegagatiś caran tasmāt prakṛṣṭāṁ bhūmiṁ tu kālenālpena gacchati

अत्यन्त वेग से, वायु के वेग के समान गति से चलते हुए, वे इसीलिए अल्प समय में अधिक भूमि पार कर लेते हैं।

श्लोक 34 (vishnu.2.8.34)

सूर्यो द्वादशभिः शैघ्र्यान् मुहूर्तैर् दक्षिणायने । त्रयोदशार्धम् ऋक्षाणाम् अह्ना तु चरते द्विज । मुहूर्तैस् तावदृक्षाणि नक्तम् अष्टादशैश् चरन्

sūryo dvādaśabhiḥ śaighryān muhūrtair dakṣiṇāyane trayodaśārdham ṛkṣāṇām ahnā tu carate dvija muhūrtais tāvadṛkṣāṇi naktam aṣṭādaśaiś caran

दक्षिणायन में सूर्य अपनी शीघ्रता के कारण साढ़े तेरह नक्षत्रों को बारह मुहूर्तों में दिन में पार करते हैं, हे द्विज, और उतने ही नक्षत्रों को रात्रि में अठारह मुहूर्तों में।

श्लोक 35 (vishnu.2.8.35)

कुलालचक्रमध्यस्थो यथा मन्दं प्रसर्पति । तथोदगयने सूर्यः सर्पते मन्दविक्रमः

kulālacakramadhyastho yathā mandaṁ prasarpati tathodagayane sūryaḥ sarpate mandavikramaḥ

जैसे कुम्हार के चाक के मध्य में स्थित बिन्दु धीमे चलता है, वैसे ही उत्तरायण में सूर्य मन्द गति से चलते हैं।

श्लोक 36 (vishnu.2.8.36)

तस्माद् दीर्घेण कालेन भूमिम् अल्पां तु गच्छति । अष्टादशमुहूर्तं यद् उत्तरायणपश्चिमम्

tasmād dīrgheṇa kālena bhūmim alpāṁ tu gacchati aṣṭādaśamuhūrtaṁ yad uttarāyaṇapaścimam

इसीलिए वे लम्बे समय में अल्प भूमि पार करते हैं; उत्तरायण के अन्त में दिन अठारह मुहूर्त का हो जाता है।

श्लोक 37 (vishnu.2.8.37)

अहर् भवति तत्रापि चरते मन्दविक्रमः

ahar bhavati tatrāpi carate mandavikramaḥ

वहाँ भी दिन उतना ही होता है, क्योंकि वे मन्द गति से चलते हैं।

श्लोक 38 (vishnu.2.8.38)

त्रयोदशार्धम् अह्नैव ऋक्षाणां चरते रविः । मुहूर्तैस् तावदृक्षाणि रात्रौ द्वादशभिश् चरन्

trayodaśārdham ahnaiva ṛkṣāṇāṁ carate raviḥ muhūrtais tāvadṛkṣāṇi rātrau dvādaśabhiś caran

सूर्य साढ़े तेरह नक्षत्रों को दिन में ही पार करते हैं, और उतने ही नक्षत्रों को रात्रि में बारह मुहूर्तों में चलते हुए पार करते हैं।

श्लोक 39 (vishnu.2.8.39)

अधो मन्दतरं नाभ्यां चक्रं भ्रमति वै यथा । मृत्पिण्ड इव मध्यस्थो ध्रुवो भ्रमति वै तथा

adho mandataraṁ nābhyāṁ cakraṁ bhramati vai yathā mṛtpiṇḍa iva madhyastho dhruvo bhramati vai tathā

जैसे चक्र नाभि के निकट नीचे की ओर अधिक धीरे घूमता है, वैसे ही मिट्टी के पिण्ड के समान मध्य में स्थित ध्रुव भी घूमता है।

श्लोक 40 (vishnu.2.8.40)

कुलालचक्रनाभिस् तु यथा तत्रैव वर्तते । ध्रुवस् तथा हि मैत्रेय तत्रैव परिवर्तते

kulālacakranābhis tu yathā tatraiva vartate dhruvas tathā hi maitreya tatraiva parivartate

जैसे कुम्हार के चाक की नाभि अपने ही स्थान पर घूमती रहती है, वैसे ही, हे मैत्रेय, ध्रुव भी अपने ही स्थान पर घूमते हैं।

श्लोक 41 (vishnu.2.8.41)

उभयोः काष्ठयोर् मध्ये भ्रमतो मण्डलानि च । दिवा नक्तं च सूर्यस्य मन्दा शीघ्रा च वै गतिः

ubhayoḥ kāṣṭhayor madhye bhramato maṇḍalāni ca divā naktaṁ ca sūryasya mandā śīghrā ca vai gatiḥ

दोनों अयनान्तों के मध्य घूमते हुए मण्डलों में सूर्य की गति दिन और रात्रि में मन्द और शीघ्र होती रहती है।

श्लोक 42 (vishnu.2.8.42)

मन्दाह्नि यस्मिन्न् अयने शीघ्रा नक्तं तदा गतिः । शीघ्रा निशि यदा चास्य तदा मन्दा दिवा गतिः

mandāhni yasminn ayane śīghrā naktaṁ tadā gatiḥ śīghrā niśi yadā cāsya tadā mandā divā gatiḥ

जिस अयन में दिन की गति मन्द होती है, उसमें रात्रि की गति शीघ्र होती है; और जब रात्रि की गति शीघ्र होती है, तब दिन की गति मन्द होती है।

श्लोक 43 (vishnu.2.8.43)

एकप्रमाणम् एवैष मार्गं याति दिवाकरः । अहोरात्रेण यो भुङ्क्ते समस्ता राशयो द्विज

ekapramāṇam evaiṣa mārgaṁ yāti divākaraḥ ahorātreṇa yo bhuṅkte samastā rāśayo dvija

सूर्य सदा एक ही परिमाण के मार्ग पर चलते हैं; हे द्विज, वे एक दिन-रात्रि में समस्त राशियों को पार कर लेते हैं।

श्लोक 44 (vishnu.2.8.44)

षड् एव राशयो भुङ्क्ते रात्राव् अन्यांश् च षड् दिवा

ṣaḍ eva rāśayo bhuṅkte rātrāv anyāṁś ca ṣaḍ divā

वे रात्रि में छह राशियों को पार करते हैं और दिन में अन्य छह राशियों को।

श्लोक 45 (vishnu.2.8.45)

राशिप्रमाणजनिता दीर्घह्रस्वात्मता दिने । तथा निशायां राशीनां प्रमाणैर् लघुदीर्घता

rāśipramāṇajanitā dīrghahrasvātmatā dine tathā niśāyāṁ rāśīnāṁ pramāṇair laghudīrghatā

दिन का दीर्घ या ह्रस्व होना राशियों के परिमाण से ही उत्पन्न होता है; इसी प्रकार रात्रि में भी राशियों के परिमाण से ही उसका छोटा-बड़ा होना है।

श्लोक 46 (vishnu.2.8.46)

दिनादेर् दीर्घह्रस्वत्वं तद्भोगेनैव जायते । उत्तरे प्रक्रमे शीघ्रा निशि मन्दा गतिर् दिवा

dināder dīrghahrasvatvaṁ tadbhogenaiva jāyate uttare prakrame śīghrā niśi mandā gatir divā

दिन आदि का दीर्घ-ह्रस्व होना उसी गमन से उत्पन्न होता है; उत्तरायण में गति रात्रि में शीघ्र और दिन में मन्द होती है।

श्लोक 47 (vishnu.2.8.47)

दक्षिणे त्व् अयने चैव विपरीता विवस्वतः

dakṣiṇe tv ayane caiva viparītā vivasvataḥ

किन्तु दक्षिणायन में सूर्य की गति इसके विपरीत होती है।

श्लोक 48 (vishnu.2.8.48)

उषा रात्रिः समाख्याता व्युष्टिश् चाप्य् उच्यते दिनम् । प्रोच्यते च तथा संध्या उषाव्युष्ट्योर् यद् अन्तरम्

uṣā rātriḥ samākhyātā vyuṣṭiś cāpy ucyate dinam procyate ca tathā saṁdhyā uṣāvyuṣṭyor yad antaram

रात्रि को उषा कहा गया है, और दिन को व्युष्टि कहते हैं; उषा और व्युष्टि के मध्य के काल को सन्ध्या कहा जाता है।

श्लोक 49 (vishnu.2.8.49)

संध्याकाले तु संप्राप्ते रौद्रे परमदारुणे । मन्देहा राक्षसा घोराः सूर्यम् इच्छन्ति खादितुम्

saṁdhyākāle tu saṁprāpte raudre paramadāruṇe mandehā rākṣasā ghorāḥ sūryam icchanti khāditum

जब अत्यन्त भयानक, रौद्र सन्ध्याकाल आता है, तब घोर मन्देह नामक राक्षस सूर्य को निगल जाना चाहते हैं।

श्लोक 50 (vishnu.2.8.50)

प्रजापतिकृतः शापस् तेषां मैत्रेय रक्षसाम् । अक्षयत्वं शरीराणां मरणं च दिने दिने

prajāpatikṛtaḥ śāpas teṣāṁ maitreya rakṣasām akṣayatvaṁ śarīrāṇāṁ maraṇaṁ ca dine dine

हे मैत्रेय, प्रजापति द्वारा उन राक्षसों को यह शाप मिला है कि उनके शरीर अक्षय रहें, किन्तु वे प्रतिदिन मरें।

श्लोक 51 (vishnu.2.8.51)

ततः सूर्यस्य तैर् युद्धं भवत्य् अत्यन्तदारुणम् । ततो द्विजोत्तमास् तोयं यत् क्षिपन्ति महामुने

tataḥ sūryasya tair yuddhaṁ bhavaty atyantadāruṇam tato dvijottamās toyaṁ yat kṣipanti mahāmune

तब सूर्य के साथ उनका अत्यन्त भयानक युद्ध होता है; तब, हे महामुने, द्विजश्रेष्ठ जो जल फेंकते हैं —

श्लोक 52 (vishnu.2.8.52)

ओंकारब्रह्मसंयुक्तं गायत्र्या चाभिमन्त्रितम् । तेन दह्यन्ति ते पापा वज्रीभूतेन वारिणा

oṁkārabrahmasaṁyuktaṁ gāyatryā cābhimantritam tena dahyanti te pāpā vajrībhūtena vāriṇā

ॐकार और ब्रह्म से युक्त, गायत्री से अभिमन्त्रित — उस वज्र-रूप बने हुए जल से वे पापी राक्षस भस्म हो जाते हैं।

श्लोक 53 (vishnu.2.8.53)

अग्निहोत्रे हूयते या समन्त्रा प्रथमाहुतिः । सूर्यो ज्योतिः सहस्रांशुस् तया दीप्यति भास्करः

agnihotre hūyate yā samantrā prathamāhutiḥ sūryo jyotiḥ sahasrāṁśus tayā dīpyati bhāskaraḥ

अग्निहोत्र में मन्त्र सहित जो पहली आहुति दी जाती है, वह सहस्र किरणों वाला सूर्य ही है; उसी से सूर्य दीप्तिमान होता है।

श्लोक 54 (vishnu.2.8.54)

ओंकारो भगवान् विष्णुस् त्रिधामा वचसां पतिः । तदुच्चारणतस् ते तु विनाशं यान्ति राक्षसाः

oṁkāro bhagavān viṣṇus tridhāmā vacasāṁ patiḥ taduccāraṇatas te tu vināśaṁ yānti rākṣasāḥ

ॐकार भगवान् विष्णु ही हैं, त्रिधाम, वाणी के स्वामी; उसके उच्चारण से ही वे राक्षस विनाश को प्राप्त होते हैं।

श्लोक 55 (vishnu.2.8.55)

वैष्णवोऽंशः परः सूर्यो योऽन्तर्ज्योतिर् असंप्लवम् । अभिधायक ओंकारस् तस्य स प्रेरकः परः

vaiṣṇavo'ṁśaḥ paraḥ sūryo yo'ntarjyotir asaṁplavam abhidhāyaka oṁkāras tasya sa prerakaḥ paraḥ

सूर्य विष्णु का श्रेष्ठ अंश है, वह भीतरी अक्षय ज्योति है; ॐकार उसका नामवाचक तथा उसका परम प्रेरक है।

श्लोक 56 (vishnu.2.8.56)

तेन तत् प्रेरितं ज्योतिर् ओंकारेणाथ दीप्तिमत् । दहत्य् अशेषरक्षांसि मन्देहाख्यान्य् अघानि वै

tena tat preritaṁ jyotir oṁkāreṇātha dīptimat dahaty aśeṣarakṣāṁsi mandehākhyāny aghāni vai

उससे प्रेरित होकर ॐकार से वह ज्योति दीप्तिमान होकर मन्देह नामक समस्त राक्षसों को, उन पापों को, भस्म कर देती है।

श्लोक 57 (vishnu.2.8.57)

तस्मान् नोल्लङ्घनं कार्यं संध्योपासनकर्मणः । स हन्ति सूर्यं संध्याया नोपास्तिं कुरुते हि यः

tasmān nollaṅghanaṁ kāryaṁ saṁdhyopāsanakarmaṇaḥ sa hanti sūryaṁ saṁdhyāyā nopāstiṁ kurute hi yaḥ

इसलिए सन्ध्या-उपासना के कर्म का उल्लंघन कभी नहीं करना चाहिए; जो सन्ध्या की उपासना नहीं करता, वह मानो सूर्य का ही वध करता है।

श्लोक 58 (vishnu.2.8.58)

ततः प्रयाति भगवान् ब्राह्मणैर् अभिरक्षितः । वालखिल्यादिभिश् चैव जगतः पालनोद्यतः

tataḥ prayāti bhagavān brāhmaṇair abhirakṣitaḥ vālakhilyādibhiś caiva jagataḥ pālanodyataḥ

तत्पश्चात् ब्राह्मणों तथा वालखिल्य आदि ऋषियों से सुरक्षित होकर, जगत् की रक्षा में तत्पर भगवान् सूर्य आगे बढ़ते हैं।

श्लोक 59 (vishnu.2.8.59)

काष्ठा निमेषा दश पञ्च चैव त्रिंशच् च काष्ठा गणयेत् कलां ताम् । त्रिंशत्कलाश् चैव भवेन् मुहूर्तस् तैस् त्रिंशता रात्र्यहनी समेते

kāṣṭhā nimeṣā daśa pañca caiva triṁśac ca kāṣṭhā gaṇayet kalāṁ tām triṁśatkalāś caiva bhaven muhūrtas tais triṁśatā rātryahanī samete

पन्द्रह निमेष की एक काष्ठा तथा तीस काष्ठा की एक कला मानी जाती है; तीस कलाओं का एक मुहूर्त होता है, तथा उन तीस मुहूर्तों से एक दिन-रात्रि पूरी होती है।

श्लोक 60 (vishnu.2.8.60)

ह्रासवृद्धी त्व् अहर्भागैर् दिवसानां यथाक्रमम् । संध्या मुहूर्तमात्रा वै ह्रासवृद्धौ समा स्मृता

hrāsavṛddhī tv aharbhāgair divasānāṁ yathākramam saṁdhyā muhūrtamātrā vai hrāsavṛddhau samā smṛtā

दिनों का ह्रास-वृद्धि क्रमशः दिन के भागों से होता है; सन्ध्या सदा एक मुहूर्त की ही मानी जाती है, चाहे ह्रास हो या वृद्धि।

श्लोक 61 (vishnu.2.8.61)

रेखाप्रभृत्य् अथादित्ये त्रिमुहूर्तगते तु वै । प्रातः स्मृतस् ततः कालो भागश् चाह्नः स पञ्चमः

rekhāprabhṛty athāditye trimuhūrtagate tu vai prātaḥ smṛtas tataḥ kālo bhāgaś cāhnaḥ sa pañcamaḥ

[दिन-रेखा के] आरम्भ से लेकर सूर्य के तीन मुहूर्त बीत जाने तक के काल को 'प्रातः' कहा जाता है, जो दिन का पाँचवाँ भाग है।

श्लोक 62 (vishnu.2.8.62)

तस्मात् प्रातस्तनात् कालात् त्रिमुहूर्तस् तु संगवः । मध्याह्नस् त्रिमुहूर्तस् तु तस्मात् कालात् तु संगवात्

tasmāt prātastanāt kālāt trimuhūrtas tu saṁgavaḥ madhyāhnas trimuhūrtas tu tasmāt kālāt tu saṁgavāt

उस प्रातःकाल से तीन मुहूर्त बाद 'संगव' होता है; उस संगव-काल से तीन मुहूर्त बाद 'मध्याह्न' होता है।

श्लोक 63 (vishnu.2.8.63)

तस्मान् माध्याह्निकात् कालाद् अपराह्ण इति स्मृतः । त्रय एव मुहूर्तास् तु कालभागः स्मृतो बुधैः

tasmān mādhyāhnikāt kālād aparāhṇa iti smṛtaḥ traya eva muhūrtās tu kālabhāgaḥ smṛto budhaiḥ

उस मध्याह्न-काल से आगे 'अपराह्न' कहा जाता है; विद्वानों द्वारा प्रत्येक काल-भाग तीन ही मुहूर्त का माना गया है।

श्लोक 64 (vishnu.2.8.64)

अपराह्णे व्यतीते तु कालः सायाह्न उच्यते । दशपञ्चमुहूर्ताहो मुहूर्तास् त्रय एव च

aparāhṇe vyatīte tu kālaḥ sāyāhna ucyate daśapañcamuhūrtāho muhūrtās traya eva ca

अपराह्न बीत जाने पर उस काल को 'सायाह्न' (सन्ध्या) कहते हैं; दिन पन्द्रह मुहूर्त का होता है, प्रत्येक भाग तीन-तीन मुहूर्त का।

श्लोक 65 (vishnu.2.8.65)

दशपञ्चमुहूर्तं वै अहर् वैषुवतं स्मृतम्

daśapañcamuhūrtaṁ vai ahar vaiṣuvataṁ smṛtam

विषुव (सम-रात्रि-दिन) का दिन पन्द्रह मुहूर्त का माना गया है।

श्लोक 66 (vishnu.2.8.66)

वर्धतेऽहो ह्रसति च अयने दक्षिणोत्तरे । अहस् तु ग्रसते रात्रिं रात्रिर् ग्रसति वासरम्

vardhate'ho hrasati ca ayane dakṣiṇottare ahas tu grasate rātriṁ rātrir grasati vāsaram

दक्षिणायन और उत्तरायण में दिन क्रमशः बढ़ता और घटता है; दिन रात्रि को निगलता है, और रात्रि दिन को निगलती है।

श्लोक 67 (vishnu.2.8.67)

शरद्वसन्तयोर् मध्ये विषुवं तु विभाव्यते । तुलामेषगते भानौ समरात्रिदिनं तु तत्

śaradvasantayor madhye viṣuvaṁ tu vibhāvyate tulāmeṣagate bhānau samarātridinaṁ tu tat

शरद और वसन्त के मध्य विषुव (समरात्रि-दिन) होता है; जब सूर्य तुला या मेष राशि में होते हैं, तब दिन-रात्रि समान होते हैं।

श्लोक 68 (vishnu.2.8.68)

कर्कटावस्थिते भानौ दक्षिणायनम् उच्यते । उत्तरायणम् अप्य् उक्तं मकरस्थे दिवाकरे

karkaṭāvasthite bhānau dakṣiṇāyanam ucyate uttarāyaṇam apy uktaṁ makarasthe divākare

जब सूर्य कर्क राशि में स्थित होते हैं, तब दक्षिणायन कहा जाता है; और जब सूर्य मकर राशि में स्थित होते हैं, तब उत्तरायण कहा जाता है।

श्लोक 69 (vishnu.2.8.69)

त्रिंशन्मुहूर्तं कथितम् अहोरात्रं तु यन् मया । तानि पञ्चदश ब्रह्मन् पक्ष इत्य् अभिधीयते

triṁśanmuhūrtaṁ kathitam ahorātraṁ tu yan mayā tāni pañcadaśa brahman pakṣa ity abhidhīyate

मैंने जो दिन-रात्रि तीस मुहूर्त का बताया, उनमें से पन्द्रह, हे ब्रह्मन्, एक पक्ष कहलाते हैं।

श्लोक 70 (vishnu.2.8.70)

मासः पक्षद्वयेनोक्तो द्वौ मासौ चार्कजाव् ऋतुः । ऋतुत्रयं चाप्य् अयनं द्वेऽयने वर्षसंज्ञिते

māsaḥ pakṣadvayenokto dvau māsau cārkajāv ṛtuḥ ṛtutrayaṁ cāpy ayanaṁ dve'yane varṣasaṁjñite

दो पक्षों से एक मास कहा जाता है, तथा दो मास मिलकर सूर्य से उत्पन्न एक ऋतु बनते हैं; तीन ऋतुओं से एक अयन, और दो अयनों को वर्ष कहते हैं।

श्लोक 71 (vishnu.2.8.71)

संवत्सरादयः पञ्च चतुर्मासविकल्पिताः । निश्चयः सर्वकालस्य युगम् इत्य् अभिधीयते

saṁvatsarādayaḥ pañca caturmāsavikalpitāḥ niścayaḥ sarvakālasya yugam ity abhidhīyate

संवत्सर आदि पाँच वर्ष, चार-चार महीनों के अन्तर वाले, समस्त काल की निश्चित गणना करते हैं — इसे युग कहा जाता है।

श्लोक 72 (vishnu.2.8.72)

संवत्सरस् तु प्रथमो द्वितीयः परिवत्सरः । इद्वत्सरस् तृतीयस् तु चतुर्थश् चानुवत्सरः । वत्सरः पञ्चमश् चात्र कालोऽयं युगसंज्ञितः

saṁvatsaras tu prathamo dvitīyaḥ parivatsaraḥ idvatsaras tṛtīyas tu caturthaś cānuvatsaraḥ vatsaraḥ pañcamaś cātra kālo'yaṁ yugasaṁjñitaḥ

संवत्सर पहला, परिवत्सर दूसरा, इद्वत्सर तीसरा, अनुवत्सर चौथा, और वत्सर पाँचवाँ — इस पाँच वर्ष के काल को युग कहते हैं।

श्लोक 73 (vishnu.2.8.73)

यः श्वेतस्योत्तरे शैलः शृङ्गवान् इति विश्रुतः । त्रीणि तस्य तु शृङ्गाणि यैर् असौ शृङ्गवान् स्मृतः

yaḥ śvetasyottare śailaḥ śṛṅgavān iti viśrutaḥ trīṇi tasya tu śṛṅgāṇi yair asau śṛṅgavān smṛtaḥ

श्वेत पर्वत के उत्तर में जो पर्वत श्रृंगवान् नाम से विख्यात है, उसके तीन शिखर हैं, जिनसे वह 'श्रृंगवान्' कहलाता है।

श्लोक 74 (vishnu.2.8.74)

दक्षिणं चोत्तरं चैव मध्यं वैषुवतं तथा । शरद्वसन्तयोर् मध्ये तद् भानुः प्रतिपद्यते । मेषादौ च तुलादौ च मैत्रेय विषुवत्स्थितः

dakṣiṇaṁ cottaraṁ caiva madhyaṁ vaiṣuvataṁ tathā śaradvasantayor madhye tad bhānuḥ pratipadyate meṣādau ca tulādau ca maitreya viṣuvatsthitaḥ

दक्षिण, उत्तर तथा मध्य विषुव नामक शिखर — शरद और वसन्त के मध्य सूर्य उसी [मध्य शिखर] को प्राप्त होते हैं; हे मैत्रेय, मेष और तुला राशि के आरम्भ में सूर्य विषुव-शिखर पर स्थित होते हैं।

श्लोक 75 (vishnu.2.8.75)

तदा तुल्यम् अहोरात्रं करोति तिमिरापहः । दशपञ्चमुहूर्तं वै तद् एतद् उभयं स्मृतम्

tadā tulyam ahorātraṁ karoti timirāpahaḥ daśapañcamuhūrtaṁ vai tad etad ubhayaṁ smṛtam

तब अन्धकार-नाशक सूर्य दिन-रात्रि को समान बनाते हैं; उस समय दोनों पन्द्रह-पन्द्रह मुहूर्त के माने जाते हैं।

श्लोक 76 (vishnu.2.8.76)

प्रथमे कृत्तिकाभागे यदा भास्वांस् तदा शशी । विशाखानां चतुर्थेऽंशे मुने तिष्ठत्य् असंशयम्

prathame kṛttikābhāge yadā bhāsvāṁs tadā śaśī viśākhānāṁ caturthe'ṁśe mune tiṣṭhaty asaṁśayam

जब सूर्य कृत्तिका के प्रथम भाग में होते हैं, तब चन्द्रमा, हे मुने, निःसन्देह विशाखा के चौथे अंश में स्थित होता है।

श्लोक 77 (vishnu.2.8.77)

विशाखानां यदा सूर्यश् चरत्य् अंशं तृतीयकम् । तदा चन्द्रं विजानीयात् कृत्तिकाशिरसि स्थितम्

viśākhānāṁ yadā sūryaś caraty aṁśaṁ tṛtīyakam tadā candraṁ vijānīyāt kṛttikāśirasi sthitam

जब सूर्य विशाखा के तीसरे अंश में गति करते हैं, तब चन्द्रमा को कृत्तिका के शिरोभाग में स्थित जानना चाहिए।

श्लोक 78 (vishnu.2.8.78)

तदैव विषुवाख्यो वै कालः पुण्योऽभिधीयते । तदा दानानि देयानि देवेभ्यः प्रयतात्मभिः

tadaiva viṣuvākhyo vai kālaḥ puṇyo'bhidhīyate tadā dānāni deyāni devebhyaḥ prayatātmabhiḥ

उसी समय विषुव नामक पवित्र काल कहा जाता है; उस समय संयमी लोगों द्वारा देवताओं के लिए दान दिए जाने चाहिए,

श्लोक 79 (vishnu.2.8.79)

ब्राह्मणेभ्यः पितृभ्यश् च मुखम् एतत् तु दानजम् । दत्तदानस् तु विषुवे कृतकृत्योऽभिजायते

brāhmaṇebhyaḥ pitṛbhyaś ca mukham etat tu dānajam dattadānas tu viṣuve kṛtakṛtyo'bhijāyate

ब्राह्मणों और पितरों के लिए भी — यह दान का सर्वश्रेष्ठ अवसर है; विषुव में दान देने वाला कृतकृत्य हो जाता है।

श्लोक 80 (vishnu.2.8.80)

अहोरात्रार्धमासौ तु कलाः काष्ठाः क्षणास् तथा । पौर्णमासी तथा ज्ञेया अमावास्या तथैव च । सिनीवाली कुहूश् चैव राका चानुमतिस् तथा

ahorātrārdhamāsau tu kalāḥ kāṣṭhāḥ kṣaṇās tathā paurṇamāsī tathā jñeyā amāvāsyā tathaiva ca sinīvālī kuhūś caiva rākā cānumatis tathā

दिन-रात्रि, पक्ष, कला, काष्ठा तथा क्षण; तथा पूर्णिमा और अमावस्या; तथा सिनीवाली, कुहू, राका और अनुमति —

श्लोक 81 (vishnu.2.8.81)

तपस्तपस्यौ मधुमाधवौ च शुक्रः शुचिश् चायनम् उत्तरं स्यात् । नभो नभस्योऽथ इषश् च सोर्जः सहःसहस्याव् इति दक्षिणं स्यात्

tapastapasyau madhumādhavau ca śukraḥ śuciś cāyanam uttaraṁ syāt nabho nabhasyo'tha iṣaś ca sorjaḥ sahaḥsahasyāv iti dakṣiṇaṁ syāt

तपः-तपस्य, मधु-माधव, शुक्र-शुचि — ये उत्तरायण के मास हैं; नभ-नभस्य, इष-ऊर्ज, सहः-सहस्य — ये दक्षिणायन के मास हैं।

श्लोक 82 (vishnu.2.8.82)

लोकालोकस् तु यः शैलः प्रागुक्तो भवतो मया । लोकपालास् तु चत्वारस् तत्र तिष्ठन्ति सुव्रताः

lokālokas tu yaḥ śailaḥ prāgukto bhavato mayā lokapālās tu catvāras tatra tiṣṭhanti suvratāḥ

पहले जिस लोकालोक पर्वत के विषय में मैंने तुम्हें बताया, वहाँ श्रेष्ठ व्रत वाले चार लोकपाल निवास करते हैं।

श्लोक 83 (vishnu.2.8.83)

सुधामा शङ्खपाच् चैव कर्दमस्यात्मजौ द्विज । हिरण्यरोमा चैवान्यश् चतुर्थः केतुमान् अपि

sudhāmā śaṅkhapāc caiva kardamasyātmajau dvija hiraṇyaromā caivānyaś caturthaḥ ketumān api

हे द्विज, कर्दम के दो पुत्र — सुधामा और शंखपात्; तथा एक अन्य, हिरण्यरोमा; और चौथा केतुमान्।

श्लोक 84 (vishnu.2.8.84)

निर्द्वंद्वा निरभीमाना निस्तन्द्रा निष्परिग्रहाः । लोकपालाः स्थिता ह्य् एते लोकालोके चतुर्दिशम्

nirdvaṁdvā nirabhīmānā nistandrā niṣparigrahāḥ lokapālāḥ sthitā hy ete lokāloke caturdiśam

द्वन्द्वरहित, अभिमानरहित, आलस्यरहित, तथा परिग्रहरहित — ये लोकपाल लोकालोक में चारों दिशाओं में स्थित हैं।

श्लोक 85 (vishnu.2.8.85)

उत्तरं यद् अगस्त्यस्य अजवीथ्याश् च दक्षिणम् । पितृयानः स वै पन्था वैश्वानरपथाद् बहिः

uttaraṁ yad agastyasya ajavīthyāś ca dakṣiṇam pitṛyānaḥ sa vai panthā vaiśvānarapathād bahiḥ

अगस्त्य के मार्ग के उत्तर में तथा अजवीथि के दक्षिण में जो मार्ग है, वही वैश्वानर-पथ के बाहर स्थित पितृयान नामक मार्ग है।

श्लोक 86 (vishnu.2.8.86)

तत्रासते महात्मान ऋषयो येऽग्निहोत्रिणः । भूतारम्भकृतं ब्रह्म शंसन्त ऋत्विगुद्यताः । लोकारम्भं प्रारभन्ते तेषां पन्थाः स दक्षिणः

tatrāsate mahātmāna ṛṣayo ye'gnihotriṇaḥ bhūtārambhakṛtaṁ brahma śaṁsanta ṛtvigudyatāḥ lokārambhaṁ prārabhante teṣāṁ panthāḥ sa dakṣiṇaḥ

वहाँ वे महात्मा अग्निहोत्री ऋषि निवास करते हैं, जो सृष्टि के आरम्भ में उत्पन्न वेद-वाणी का उच्चारण करते हुए, ऋत्विक् बनकर लोक-सृष्टि का आरम्भ करते हैं — उनका मार्ग वही दक्षिण मार्ग है।

श्लोक 87 (vishnu.2.8.87)

चलितं ते पुनर् ब्रह्म स्थापयन्ति युगे युगे । संतत्या तपसा चैव मर्यादाभिः श्रुतेन च

calitaṁ te punar brahma sthāpayanti yuge yuge saṁtatyā tapasā caiva maryādābhiḥ śrutena ca

वे युग-युग में विचलित हुए वेद को संतान, तप, मर्यादा तथा श्रुति के द्वारा पुनः स्थापित करते हैं।

श्लोक 88 (vishnu.2.8.88)

जायमानास् तु पूर्वे तु पश्चिमानां गृहेषु वै । पश्चिमाश् चैव पूर्वेषां जायन्ते निधनेष्व् इह

jāyamānās tu pūrve tu paścimānāṁ gṛheṣu vai paścimāś caiva pūrveṣāṁ jāyante nidhaneṣv iha

पूर्व में जन्मे हुए ऋषि पश्चात् वाले ऋषियों के घरों में [पुनः] जन्म लेते हैं, और पश्चात् के ऋषि पूर्व वालों के निधन-स्थानों में यहाँ जन्म लेते हैं।

श्लोक 89 (vishnu.2.8.89)

एवम् आवर्तमानास् ते तिष्ठन्त्य् आभूतसंप्लवात् । सवितुर् दक्षिणं मार्गं श्रिता ह्य् आचन्द्रतारकम्

evam āvartamānās te tiṣṭhanty ābhūtasaṁplavāt savitur dakṣiṇaṁ mārgaṁ śritā hy ācandratārakam

इस प्रकार परिक्रमा करते हुए वे प्रलय-काल तक बने रहते हैं, चन्द्र-तारा-सहित सूर्य के दक्षिण मार्ग का आश्रय लेकर।

श्लोक 90 (vishnu.2.8.90)

नागवीथ्युत्तरं यच् च सप्तर्षिभ्यश् च दक्षिणम् । उत्तरः सवितुः पन्था देवयानस् तु स स्मृतः

nāgavīthyuttaraṁ yac ca saptarṣibhyaś ca dakṣiṇam uttaraḥ savituḥ panthā devayānas tu sa smṛtaḥ

नागवीथि के उत्तर और सप्तर्षियों के दक्षिण में जो मार्ग है, वही सूर्य का उत्तर मार्ग है, जिसे देवयान कहा गया है।

श्लोक 91 (vishnu.2.8.91)

तत्र ते वशिनः सिद्धा विमला ब्रह्मचारिणः । संततिं ते जुगुप्सन्ति तस्मान् मृत्युर् जितश् च तैः

tatra te vaśinaḥ siddhā vimalā brahmacāriṇaḥ saṁtatiṁ te jugupsanti tasmān mṛtyur jitaś ca taiḥ

वहाँ वे संयमी, सिद्ध, निर्मल ब्रह्मचारी निवास करते हैं; वे संतान-उत्पत्ति से घृणा करते हैं, इसीलिए उन्होंने मृत्यु को जीत लिया है।

श्लोक 92 (vishnu.2.8.92)

अष्टाशीतिसहस्राणि यतीनाम् ऊर्ध्वरेतसाम् । उदक्पन्थानम् अर्यम्णः श्रिता ह्य् आभूतसंप्लवात्

aṣṭāśītisahasrāṇi yatīnām ūrdhvaretasām udakpanthānam aryamṇaḥ śritā hy ābhūtasaṁplavāt

अठासी हजार ऊर्ध्वरेता यति, प्रलय-काल तक अर्यमा (सूर्य) के उत्तर मार्ग का आश्रय लेकर वहाँ स्थित हैं।

श्लोक 93 (vishnu.2.8.93)

तेऽसंप्रयोगाल् लोभस्य मैथुनस्य च वर्जनात् । इच्छाद्वेषाप्रवृत्त्या च भूतारम्भविवर्जनात्

te'saṁprayogāl lobhasya maithunasya ca varjanāt icchādveṣāpravṛttyā ca bhūtārambhavivarjanāt

लोभ का असंसर्ग होने से, मैथुन का त्याग होने से, इच्छा-द्वेष में प्रवृत्त न होने से, तथा संतानोत्पत्ति से दूर रहने से —

श्लोक 94 (vishnu.2.8.94)

पुनश् चाकामसंयोगाच् शब्दादेर् दोषदर्शनात् । इत्य् एभिः कारणैः शुद्धास् तेऽमृतत्वं हि भेजिरे

punaś cākāmasaṁyogāc śabdāder doṣadarśanāt ity ebhiḥ kāraṇaiḥ śuddhās te'mṛtatvaṁ hi bhejire

तथा पुनः इच्छा के बिना संसर्ग से, तथा शब्दादि विषयों में दोष-दर्शन से — इन्हीं कारणों से शुद्ध होकर उन्होंने अमरत्व प्राप्त किया है।

श्लोक 95 (vishnu.2.8.95)

आभूतसंप्लवं स्थानम् अमृतत्वं विभाव्यते । त्रैलोक्यस्थितिकालोऽयम् अपुनर्मार उच्यते

ābhūtasaṁplavaṁ sthānam amṛtatvaṁ vibhāvyate trailokyasthitikālo'yam apunarmāra ucyate

उनका वह स्थान, जो प्रलय-काल तक रहता है, अमरत्व के रूप में माना जाता है; तीनों लोकों की स्थिति के इस काल को 'अपुनर्मार' (पुनः मृत्यु-रहित) कहा जाता है।

श्लोक 96 (vishnu.2.8.96)

ब्रह्महत्याश्वमेधाभ्यां पापपुण्यकृतो विधिः । आभूतसंप्लवान्तान्तं फलम् उक्तं तयोर् द्विज

brahmahatyāśvamedhābhyāṁ pāpapuṇyakṛto vidhiḥ ābhūtasaṁplavāntāntaṁ phalam uktaṁ tayor dvija

ब्रह्महत्या और अश्वमेध — पाप और पुण्य के इन दोनों चरम कर्मों का फल भी, हे द्विज, प्रलय-काल तक ही रहना बताया गया है।

श्लोक 97 (vishnu.2.8.97)

यावन्मात्रप्रदेशे तु मैत्रेयावस्थितो ध्रुवः । क्षयम् आयाति तावत् तु भूमेर् आभूतसंप्लवे

yāvanmātrapradeśe tu maitreyāvasthito dhruvaḥ kṣayam āyāti tāvat tu bhūmer ābhūtasaṁplave

हे मैत्रेय, जितने क्षेत्र में ध्रुव स्थित हैं, प्रलय-काल में पृथ्वी का उतना भाग ही नष्ट होता है [शेष सुरक्षित रहता है]।

श्लोक 98 (vishnu.2.8.98)

ऊर्ध्वोत्तरम् ऋषिभ्यस् तु ध्रुवो यत्र व्यवस्थितः । एतद् विष्णुपदं दिव्यं तृतीयं व्योम्नि भास्वरम्

ūrdhvottaram ṛṣibhyas tu dhruvo yatra vyavasthitaḥ etad viṣṇupadaṁ divyaṁ tṛtīyaṁ vyomni bhāsvaram

सप्तर्षियों से भी ऊपर और उत्तर में जहाँ ध्रुव स्थित हैं, वही आकाश में देदीप्यमान विष्णु का दिव्य तृतीय पद है।

श्लोक 99 (vishnu.2.8.99)

निर्धूतदोषपङ्कानां यतीनां संयतात्मनाम् । स्थानं तत् परमं विप्र पुण्यपापपरिक्षये

nirdhūtadoṣapaṅkānāṁ yatīnāṁ saṁyatātmanām sthānaṁ tat paramaṁ vipra puṇyapāpaparikṣaye

हे विप्र, दोष-रूपी कीचड़ को धो चुके, संयमी-चित्त यतियों का वही परम स्थान है, जहाँ पुण्य और पाप दोनों का क्षय हो जाता है।

श्लोक 100 (vishnu.2.8.100)

अपुण्यपुण्योपरमे क्षीणाशेषाप्तिहेतवः । यत्र गत्वा न शोचन्ति तद् विष्णोः परमं पदम्

apuṇyapuṇyoparame kṣīṇāśeṣāptihetavaḥ yatra gatvā na śocanti tad viṣṇoḥ paramaṁ padam

पाप और पुण्य दोनों के समाप्त होने पर, [पुनर्जन्म की] समस्त प्राप्ति के कारणों के क्षीण हो जाने पर, वहाँ पहुँचकर वे शोक नहीं करते — वही विष्णु का परम पद है।

श्लोक 101 (vishnu.2.8.101)

धर्मध्रुवाद्यास् तिष्ठन्ति यत्र ते लोकसाक्षिणः । तत्सार्ष्ट्योत्पन्नयोगेद्धास् तद् विष्णोः परमं पदम्

dharmadhruvādyās tiṣṭhanti yatra te lokasākṣiṇaḥ tatsārṣṭyotpannayogeddhās tad viṣṇoḥ paramaṁ padam

जहाँ धर्म, ध्रुव आदि लोकसाक्षी विराजमान हैं, जो उसी के साथ समान पद प्राप्त करने वाले योग से देदीप्यमान हैं — वही विष्णु का परम पद है।

श्लोक 102 (vishnu.2.8.102)

यत्रोतम् एतत् प्रोतं च यद् भूतं सचराचरम् । भाव्यं च विश्वं मैत्रेय तद् विष्णोः परमं पदम्

yatrotam etat protaṁ ca yad bhūtaṁ sacarācaram bhāvyaṁ ca viśvaṁ maitreya tad viṣṇoḥ paramaṁ padam

हे मैत्रेय, जिसमें यह सम्पूर्ण चराचर जगत् — जो हो चुका और जो होने वाला है — आर-पार बुना हुआ है, वही विष्णु का परम पद है।

श्लोक 103 (vishnu.2.8.103)

दिवीव चक्षुर् आततं विततं यन् महात्मनाम् । विवेकज्ञानदृष्टं च तद् विष्णोः परमं पदम्

divīva cakṣur ātataṁ vitataṁ yan mahātmanām vivekajñānadṛṣṭaṁ ca tad viṣṇoḥ paramaṁ padam

जो आकाश में मानो नेत्र के समान फैला हुआ है, महात्माओं के लिए विवेक-ज्ञान से ही दृष्टिगोचर — वही विष्णु का परम पद है।

श्लोक 104 (vishnu.2.8.104)

यस्मिन् प्रतिष्ठितो भास्वान् मेढीभूतः स्वयं ध्रुवः । ध्रुवे च सर्वज्योतींषि ज्योतिष्व् अम्भोमुचो द्विज

yasmin pratiṣṭhito bhāsvān meḍhībhūtaḥ svayaṁ dhruvaḥ dhruve ca sarvajyotīṁṣi jyotiṣv ambhomuco dvija

हे द्विज, जिसमें प्रतिष्ठित होकर देदीप्यमान आकाश स्वयं ध्रुव को धुरी बनाता है; तथा ध्रुव पर समस्त ज्योतियाँ, और ज्योतियों पर मेघ आश्रित हैं।

श्लोक 105 (vishnu.2.8.105)

मेघेषु संतता वृष्टिर् वृष्टेः सृष्टेश् च पोषणम् । आप्यायनं च सर्वेषां देवादीनां महामुने

megheṣu saṁtatā vṛṣṭir vṛṣṭeḥ sṛṣṭeś ca poṣaṇam āpyāyanaṁ ca sarveṣāṁ devādīnāṁ mahāmune

हे महामुने, मेघों से निरन्तर वर्षा होती है, वर्षा से सृष्टि का पोषण होता है, तथा देवताओं आदि सबकी तृप्ति होती है।

श्लोक 106 (vishnu.2.8.106)

ततश् चाज्याहुतिद्वारा पोषितास् ते हविर्भुजः । वृष्टेः कारणतां यान्ति भूतानां स्थितये पुनः

tataś cājyāhutidvārā poṣitās te havirbhujaḥ vṛṣṭeḥ kāraṇatāṁ yānti bhūtānāṁ sthitaye punaḥ

तत्पश्चात् घृत की आहुतियों के द्वारा पोषित वे हविष्य-भोगी देवता ही पुनः वर्षा के कारण बनते हैं, प्राणियों की स्थिति के लिए।

श्लोक 107 (vishnu.2.8.107)

एवम् एतत् पदं विष्णोस् तृतीयम् अमलात्मकम् । आधारभूतं लोकानां त्रयाणां वृष्टिकारणम्

evam etat padaṁ viṣṇos tṛtīyam amalātmakam ādhārabhūtaṁ lokānāṁ trayāṇāṁ vṛṣṭikāraṇam

इस प्रकार यह विष्णु का तीसरा, निर्मल पद तीनों लोकों का आधार तथा वर्षा का कारण है।

श्लोक 108 (vishnu.2.8.108)

ततः प्रभवति ब्रह्मन् सर्वपापहरा सरित् । गङ्गा देवाङ्गनाङ्गानाम् अनुलेपनपिञ्जरा

tataḥ prabhavati brahman sarvapāpaharā sarit gaṅgā devāṅganāṅgānām anulepanapiñjarā

हे ब्रह्मन्, उसी से सर्वपापहारिणी नदी गंगा उत्पन्न होती है, जो देवांगनाओं के अंगों के अनुलेपन से पीतवर्ण हो जाती है।

श्लोक 109 (vishnu.2.8.109)

वामपादाम्बुजाङ्गुष्ठनखस्रोतोविनिर्गताम् । विष्णोर् बिभर्ति यां भक्त्या शिरसाहर्निशं ध्रुवः

vāmapādāmbujāṅguṣṭhanakhasrotovinirgatām viṣṇor bibharti yāṁ bhaktyā śirasāharniśaṁ dhruvaḥ

विष्णु के बाएँ चरण-कमल के अंगूठे के नख से निकली उस धारा को ध्रुव भक्तिपूर्वक रात-दिन अपने सिर पर धारण करते हैं।

श्लोक 110 (vishnu.2.8.110)

ततः सप्तर्षयो यस्याः प्राणायामपरायणाः । तिष्ठन्ति वीचिमालाभिर् उह्यमानजटाजले

tataḥ saptarṣayo yasyāḥ prāṇāyāmaparāyaṇāḥ tiṣṭhanti vīcimālābhir uhyamānajaṭājale

तत्पश्चात् प्राणायाम में तत्पर सप्तर्षि उसकी लहरों की मालाओं से युक्त, अपनी जटाओं में समाए जल में स्थित रहते हैं।

श्लोक 111 (vishnu.2.8.111)

वार्योघैः संततैर् यस्याः प्लावितं शशिमण्डलम् । भूयोऽधिकतरां कान्तिं वहत्य् एतद् उपक्षयम्

vāryoghaiḥ saṁtatair yasyāḥ plāvitaṁ śaśimaṇḍalam bhūyo'dhikatarāṁ kāntiṁ vahaty etad upakṣayam

उसकी निरन्तर जल-धाराओं से चन्द्रमण्डल आप्लावित होकर, क्षय होते हुए भी, अधिकाधिक कान्ति धारण करता है।

श्लोक 112 (vishnu.2.8.112)

मेरुपृष्ठे पतत्य् उच्चैर् निष्क्रान्ता शशिमण्डलात् । जगतः पावनार्थाय या प्रयाति चतुर्दिशम्

merupṛṣṭhe pataty uccair niṣkrāntā śaśimaṇḍalāt jagataḥ pāvanārthāya yā prayāti caturdiśam

चन्द्रमण्डल से निकलकर वह वेग से मेरु के शिखर पर गिरती है, और जगत् की पवित्रता के लिए चारों दिशाओं में बहती है।

श्लोक 113 (vishnu.2.8.113)

सीता चालकनन्दा च चक्षुर् भद्रा च संस्थिता । एकैव या चतुर्भेदा दिग्भेदगतिलक्षणा

sītā cālakanandā ca cakṣur bhadrā ca saṁsthitā ekaiva yā caturbhedā digbhedagatilakṣaṇā

सीता, अलकनन्दा, चक्षु तथा भद्रा के रूप में वह स्थित होती है — वह एक ही नदी है, जो दिशाओं में अपनी गति के भेद से चार रूप धारण करती है।

श्लोक 114 (vishnu.2.8.114)

भेदं चालकनन्दाख्यं यस्याः शर्वोऽपि दक्षिणम् । दधार शिरसा प्रीत्या वर्षाणाम् अधिकं शतम्

bhedaṁ cālakanandākhyaṁ yasyāḥ śarvo'pi dakṣiṇam dadhāra śirasā prītyā varṣāṇām adhikaṁ śatam

उसकी अलकनन्दा नामक धारा को, जो दक्षिण की ओर बहती है, शिव ने भी सौ वर्षों से अधिक समय तक प्रीतिपूर्वक अपने सिर पर धारण किया।

श्लोक 115 (vishnu.2.8.115)

शम्भोर् जटाकलापाच् च विनिष्क्रान्तास्थिशर्करान् । प्लावयित्वा दिवं निन्ये या पापान् सगरात्मजान्

śambhor jaṭākalāpāc ca viniṣkrāntāsthiśarkarān plāvayitvā divaṁ ninye yā pāpān sagarātmajān

शम्भु की जटाओं की राशि से निकलकर वह सगर के पापी पुत्रों की अस्थियों और भस्म को बहाकर स्वर्ग तक ले गई।

श्लोक 116 (vishnu.2.8.116)

स्नातस्य सलिले यस्याः सद्यः पापं प्रणश्यति । अपूर्वपुण्यप्राप्तिश् च सद्यो मैत्रेय जायते

snātasya salile yasyāḥ sadyaḥ pāpaṁ praṇaśyati apūrvapuṇyaprāptiś ca sadyo maitreya jāyate

जो उसके जल में स्नान करता है, उसका पाप तत्क्षण नष्ट हो जाता है, और हे मैत्रेय, अपूर्व पुण्य की प्राप्ति तुरन्त हो जाती है।

श्लोक 117 (vishnu.2.8.117)

दत्ताः पितृभ्यो यत्रापस् तनयैः श्रद्धयान्वितैः । समात्रयं प्रयच्छन्ति तृप्तिं मैत्रेय दुर्लभाम्

dattāḥ pitṛbhyo yatrāpas tanayaiḥ śraddhayānvitaiḥ samātrayaṁ prayacchanti tṛptiṁ maitreya durlabhām

जहाँ श्रद्धावान् पुत्रों द्वारा पितरों को उसका जल अर्पित किया जाता है, वहाँ हे मैत्रेय, वे दुर्लभ तृप्ति प्रदान करते हैं।

श्लोक 118 (vishnu.2.8.118)

यस्याम् इष्ट्वा महायज्ञैर् यज्ञेशं पुरुषोत्तमम् । द्विजभूपाः पराम् ऋद्धिम् अवापुर् दिवि चेह च

yasyām iṣṭvā mahāyajñair yajñeśaṁ puruṣottamam dvijabhūpāḥ parām ṛddhim avāpur divi ceha ca

जिसके तट पर महायज्ञों द्वारा यज्ञेश पुरुषोत्तम की आराधना करके ब्राह्मणों और राजाओं ने स्वर्ग और इस लोक दोनों में परम समृद्धि प्राप्त की है।

श्लोक 119 (vishnu.2.8.119)

स्नानाद् विधूतपापाश् च यज्जले यतयस् तथा । केशवासक्तमनसः प्राप्ता निर्वाणम् उत्तमम्

snānād vidhūtapāpāś ca yajjale yatayas tathā keśavāsaktamanasaḥ prāptā nirvāṇam uttamam

जिसके जल में स्नान से पाप धुल जाने पर, केशव में मन लगाए हुए यति भी परम निर्वाण को प्राप्त हुए हैं।

श्लोक 120 (vishnu.2.8.120)

श्रुताभिलषिता दृष्टा स्पृष्टा पीतावगाहिता । या पावयति भूतानि कीर्तिता च दिने दिने

śrutābhilaṣitā dṛṣṭā spṛṣṭā pītāvagāhitā yā pāvayati bhūtāni kīrtitā ca dine dine

सुनी हुई, चाही हुई, देखी हुई, स्पर्श की हुई, पी हुई, स्नान की हुई, तथा प्रतिदिन कीर्तित होती हुई वह समस्त प्राणियों को पवित्र करती है।

श्लोक 121 (vishnu.2.8.121)

गङ्गा गङ्गेति यन् नाम योजनानां शतेष्व् अपि । स्थितैर् उच्चारितं हन्ति पापं जन्मत्रयार्जितम्

gaṅgā gaṅgeti yan nāma yojanānāṁ śateṣv api sthitair uccāritaṁ hanti pāpaṁ janmatrayārjitam

सैकड़ों योजन दूर खड़े होकर भी उच्चारित 'गंगा, गंगा' नाम मात्र से ही तीन जन्मों में अर्जित पाप नष्ट हो जाता है।

श्लोक 122 (vishnu.2.8.122)

यतः सा पावनायालं त्रयाणां जगताम् अपि । समुद्भूता परं तत् तु तृतीयं भगवत्पदम्

yataḥ sā pāvanāyālaṁ trayāṇāṁ jagatām api samudbhūtā paraṁ tat tu tṛtīyaṁ bhagavatpadam

क्योंकि वह तीनों लोकों को भी पवित्र करने में समर्थ है, इससे यह जाना जाता है कि वह उसी विष्णु के परम तृतीय पद से उत्पन्न हुई है।