शिशुमार-मण्डल और वर्षा-चक्र

श्लोक 1 (vishnu.2.9.1)

पराशर उवाच । तारामयं भगवतः शिशुमाराकृति प्रभोः । दिवि रूपं हरेर् यत् तु तस्य पुच्छे स्थितो ध्रुवः

parāśara uvāca tārāmayaṁ bhagavataḥ śiśumārākṛti prabhoḥ divi rūpaṁ harer yat tu tasya pucche sthito dhruvaḥ

पराशर ने कहा — भगवान् हरि का जो तारामय रूप आकाश में शिशुमार (मगरमच्छ/डॉल्फिन) के आकार का है, उसकी पूँछ में ध्रुव स्थित हैं।

श्लोक 2 (vishnu.2.9.2)

एष भ्रमन् भ्रामयति चन्द्रादित्यादिकान् ग्रहान् । भ्रमन्तम् अनु तं यान्ति नक्षत्राणि च चक्रवत्

eṣa bhraman bhrāmayati candrādityādikān grahān bhramantam anu taṁ yānti nakṣatrāṇi ca cakravat

यह घूमते हुए चन्द्र, सूर्य आदि ग्रहों को भी घुमाते हैं; उनके घूमने के अनुसार नक्षत्र भी चक्र के समान घूमते हैं।

श्लोक 3 (vishnu.2.9.3)

सूर्याचन्द्रमसौ तारा नक्षत्राणि ग्रहैः सह । वातानीकमयैर् बन्धैर् ध्रुवे बद्धानि तानि वै

sūryācandramasau tārā nakṣatrāṇi grahaiḥ saha vātānīkamayair bandhair dhruve baddhāni tāni vai

सूर्य और चन्द्रमा, तारे, नक्षत्र तथा ग्रह — ये सब वायु की रस्सियों के समान बन्धनों से ध्रुव से बँधे हुए हैं।

श्लोक 4 (vishnu.2.9.4)

शिशुमाराकृति प्रोक्तं यद् रूपं ज्योतिषां दिवि । नारायणोऽयनं धाम्नां तस्याधारः स्वयं हृदि

śiśumārākṛti proktaṁ yad rūpaṁ jyotiṣāṁ divi nārāyaṇo'yanaṁ dhāmnāṁ tasyādhāraḥ svayaṁ hṛdi

आकाश में ज्योतिष्मण्डल का जो शिशुमार-आकार वाला रूप बताया गया, नारायण ही उन तेजोमय पदार्थों के आश्रय हैं, स्वयं उसके हृदय में उनका आधार बने हुए।

श्लोक 5 (vishnu.2.9.5)

उत्तानपादपुत्रस् तु तम् आराध्य जगत्पतिम् । सताराशिशुमारस्य ध्रुवः पुच्छे व्यवस्थितः

uttānapādaputras tu tam ārādhya jagatpatim satārāśiśumārasya dhruvaḥ pucche vyavasthitaḥ

उत्तानपाद के पुत्र ध्रुव ने उन जगत्पति की आराधना करके उस तारे-भरे शिशुमार की पूँछ में अपना स्थान प्राप्त किया।

श्लोक 6 (vishnu.2.9.6)

आधारः शिशुमारस्य सर्वाध्यक्षो जनार्दनः । ध्रुवस्य शिशुमारश् च ध्रुवे भानुर् व्यवस्थितः

ādhāraḥ śiśumārasya sarvādhyakṣo janārdanaḥ dhruvasya śiśumāraś ca dhruve bhānur vyavasthitaḥ

शिशुमार का आधार सर्वाध्यक्ष जनार्दन हैं; और शिशुमार ध्रुव का आधार है; ध्रुव पर सूर्य स्थित है।

श्लोक 7 (vishnu.2.9.7)

तदाधारं जगच् चेदं सदेवासुरमानुषम्

tadādhāraṁ jagac cedaṁ sadevāsuramānuṣam

उस सूर्य पर ही यह सम्पूर्ण जगत् — देव, असुर तथा मनुष्यों सहित — टिका हुआ है।

श्लोक 8 (vishnu.2.9.8)

येन विप्र विधानेन तन् ममैकमनाः शृणु । विवस्वान् अष्टभिर् मासैर् आदायापो रसान्विताः । वर्षत्य् अम्बु ततश् चान्नम् अन्नाद् अप्य् अखिलं जगत्

yena vipra vidhānena tan mamaikamanāḥ śṛṇu vivasvān aṣṭabhir māsair ādāyāpo rasānvitāḥ varṣaty ambu tataś cānnam annād apy akhilaṁ jagat

हे विप्र, जिस विधि से यह होता है, उसे एकाग्रचित्त होकर मुझसे सुनो — विवस्वान् (सूर्य) आठ महीनों में रस-युक्त जल को खींचते हैं, फिर उस जल की वर्षा होती है, वर्षा से अन्न, और अन्न से ही यह सम्पूर्ण जगत् [जीवित रहता है]।

श्लोक 9 (vishnu.2.9.9)

विवस्वान् अंशुभिस् तीक्ष्णैर् आदाय जगतो जलम् । सोमे मुञ्चत्य् अथेन्दुश् च वायुनाडीमयैर् दिवि । नालैर् विक्षिपतेऽभ्रेषु धूमाग्न्यनिलमूर्तिषु

vivasvān aṁśubhis tīkṣṇair ādāya jagato jalam some muñcaty athenduś ca vāyunāḍīmayair divi nālair vikṣipate'bhreṣu dhūmāgnyanilamūrtiṣu

विवस्वान् अपनी तीक्ष्ण किरणों से जगत् का जल खींचकर चन्द्रमा में छोड़ते हैं; और चन्द्रमा वायु की नाड़ियों द्वारा आकाश में उसे धुआँ, अग्नि और वायु के स्वरूप वाले मेघों में फेंक देते हैं।

श्लोक 10 (vishnu.2.9.10)

न भ्रश्यन्ति यतस् तेभ्यो जलान्य् अभ्राणि तान्य् अतः । अभ्रस्थाः प्रपतन्त्य् आपो वायुना समुदीरिताः । संस्कारं कालजनितं मैत्रेयासाद्य निर्मलाः

na bhraśyanti yatas tebhyo jalāny abhrāṇi tāny ataḥ abhrasthāḥ prapatanty āpo vāyunā samudīritāḥ saṁskāraṁ kālajanitaṁ maitreyāsādya nirmalāḥ

चूँकि उनसे जल नहीं गिरता, इसीलिए वे 'अभ्र' कहलाते हैं; उन मेघों में स्थित जल वायु से प्रेरित होकर, हे मैत्रेय, काल से उत्पन्न संस्कार पाकर निर्मल होकर गिरते हैं।

श्लोक 11 (vishnu.2.9.11)

सरित्समुद्रभौमास् तु तथापः प्राणिसंभवाः । चतुष्प्रकारा भगवान् आदत्ते सविता मुने

saritsamudrabhaumās tu tathāpaḥ prāṇisaṁbhavāḥ catuṣprakārā bhagavān ādatte savitā mune

हे मुने, भगवान् सूर्य नदी, समुद्र, पृथ्वी तथा प्राणियों से उत्पन्न — इन चार प्रकार के जल को खींचते हैं।

श्लोक 12 (vishnu.2.9.12)

आकाशगङ्गासलिलं तथादाय गभस्तिमान् । अनभ्रगतम् एवोर्व्यां सद्यः क्षिपति रश्मिभिः

ākāśagaṅgāsalilaṁ tathādāya gabhastimān anabhragatam evorvyāṁ sadyaḥ kṣipati raśmibhiḥ

इसी प्रकार आकाशगंगा के जल को भी खींचकर सूर्य उसे बिना बादल में ठहराए ही तत्काल अपनी किरणों से पृथ्वी पर बरसा देते हैं।

श्लोक 13 (vishnu.2.9.13)

तस्य संस्पर्शनिर्धूतपापपङ्को द्विजोत्तम । न याति नरकं मर्त्यो दिव्यं स्नानं हि तत् स्मृतम्

tasya saṁsparśanirdhūtapāpapaṅko dvijottama na yāti narakaṁ martyo divyaṁ snānaṁ hi tat smṛtam

हे द्विजोत्तम, उसके स्पर्श से पाप का कीचड़ धुल जाता है; मनुष्य नरक को नहीं जाता — वह दिव्य स्नान माना गया है।

श्लोक 14 (vishnu.2.9.14)

दृष्टसूर्यं हि यद् वारि पतत्य् अभ्रैर् विना दिवः । आकाशगङ्गासलिलं तद् गोभिः क्षिप्यते रवेः

dṛṣṭasūryaṁ hi yad vāri pataty abhrair vinā divaḥ ākāśagaṅgāsalilaṁ tad gobhiḥ kṣipyate raveḥ

जो जल बादल के बिना, सूर्य को देखते हुए ही आकाश से गिरता है, वही सूर्य की किरणों द्वारा गिराया गया आकाशगंगा का जल है।

श्लोक 15 (vishnu.2.9.15)

कृत्तिकादिषु ऋक्षेषु विषमेष्व् अम्बु यद् दिवः । दृष्टार्कं पतितं ज्ञेयं तद् गाङ्गं दिग्गजोज्झितम्

kṛttikādiṣu ṛkṣeṣu viṣameṣv ambu yad divaḥ dṛṣṭārkaṁ patitaṁ jñeyaṁ tad gāṅgaṁ diggajojjhitam

कृत्तिका आदि विषम नक्षत्रों में जो जल सूर्य को देखते हुए आकाश से गिरता प्रतीत हो, उसे दिशाओं के गजों से मुक्त गंगा-जल जानना चाहिए।

श्लोक 16 (vishnu.2.9.16)

युग्मर्क्षेषु तु यत् तोयं पतत्य् अर्कोज्झितं दिवः । तत् सूर्यरश्मिभिः सद्यः समादाय निरस्यते

yugmarkṣeṣu tu yat toyaṁ pataty arkojjhitaṁ divaḥ tat sūryaraśmibhiḥ sadyaḥ samādāya nirasyate

किन्तु सम नक्षत्रों में जो जल सूर्य से रहित [अदृश्य रूप में] आकाश से गिरता है, उसे सूर्य अपनी किरणों से तत्काल पुनः खींचकर हटा लेते हैं।

श्लोक 17 (vishnu.2.9.17)

उभयं पुण्यम् अत्यर्थं नृणां पापहरं द्विज । आकाशगङ्गासलिलं दिव्यं स्नानं महामुने

ubhayaṁ puṇyam atyarthaṁ nṛṇāṁ pāpaharaṁ dvija ākāśagaṅgāsalilaṁ divyaṁ snānaṁ mahāmune

हे द्विज, दोनों ही अत्यन्त पुण्यदायी और मनुष्यों के पाप को हरने वाले हैं; हे महामुने, आकाशगंगा का जल दिव्य स्नान ही है।

श्लोक 18 (vishnu.2.9.18)

यत् तु मेघैः समुत्सृष्टं वारि तत् प्राणिनां द्विज । पुष्णात्य् ओषधयः सर्वा जीवनायामृतं हि तत्

yat tu meghaiḥ samutsṛṣṭaṁ vāri tat prāṇināṁ dvija puṣṇāty oṣadhayaḥ sarvā jīvanāyāmṛtaṁ hi tat

किन्तु हे द्विज, जो जल मेघों द्वारा बरसाया जाता है, वह समस्त औषधियों का पोषण करता है, प्राणियों के जीवन के लिए मानो अमृत ही है।

श्लोक 19 (vishnu.2.9.19)

तेन वृद्धिं परां नीतः सलिलेनौषधीगणः । साधकः फलपाकान्तः प्रजानां द्विज जायते

tena vṛddhiṁ parāṁ nītaḥ salilenauṣadhīgaṇaḥ sādhakaḥ phalapākāntaḥ prajānāṁ dvija jāyate

उस जल से बढ़ी हुई औषधियों का समूह ही, फल पकने तक, प्रजाओं के जीवन का साधन बनता है, हे द्विज।

श्लोक 20 (vishnu.2.9.20)

तेन यज्ञान् यथाप्रोक्तान् मानवाः शास्त्रचक्षुषः । कुर्वन्त्य् अहरहस् तैश् च देवान् आप्याययन्ति ते

tena yajñān yathāproktān mānavāḥ śāstracakṣuṣaḥ kurvanty aharahas taiś ca devān āpyāyayanti te

उसी से शास्त्र-चक्षु वाले मनुष्य प्रतिदिन यथाविधि यज्ञ करते हैं, और उन यज्ञों से देवताओं को तृप्त करते हैं।

श्लोक 21 (vishnu.2.9.21)

एवं यज्ञाश् च वेदाश् च वर्णाश् च द्विजपूर्वकाः । सर्वे देवनिकायाश् च पशुभूतगणाश् च ये

evaṁ yajñāś ca vedāś ca varṇāś ca dvijapūrvakāḥ sarve devanikāyāś ca paśubhūtagaṇāś ca ye

इस प्रकार यज्ञ, वेद, ब्राह्मण-प्रधान वर्ण, समस्त देव-समूह तथा पशु-प्राणियों के समूह भी —

श्लोक 22 (vishnu.2.9.22)

वृष्ट्या धृतम् इदं सर्वम् अन्नं निष्पाद्यते यया । सापि निष्पाद्यते वृष्टिः सवित्रा मुनिसत्तम

vṛṣṭyā dhṛtam idaṁ sarvam annaṁ niṣpādyate yayā sāpi niṣpādyate vṛṣṭiḥ savitrā munisattama

यह सब वर्षा से ही धारण किया जाता है, जिससे अन्न उत्पन्न होता है; और वह वर्षा भी सूर्य से ही उत्पन्न होती है, हे मुनिश्रेष्ठ।

श्लोक 23 (vishnu.2.9.23)

आधारभूतः सवितुर् ध्रुवो मुनिवरोत्तम । ध्रुवस्य शिशुमारोऽसौ सोऽपि नारायणाश्रयः

ādhārabhūtaḥ savitur dhruvo munivarottama dhruvasya śiśumāro'sau so'pi nārāyaṇāśrayaḥ

सूर्य का आधार ध्रुव है, हे श्रेष्ठ मुने; ध्रुव का आधार वह शिशुमार है; और वह भी नारायण के ही आश्रय में है।

श्लोक 24 (vishnu.2.9.24)

हृदि नारायणस् तस्य शिशुमारस्य संस्थितः । बिभर्ता सर्वभूतानाम् आदिभूतः सनातनः

hṛdi nārāyaṇas tasya śiśumārasya saṁsthitaḥ bibhartā sarvabhūtānām ādibhūtaḥ sanātanaḥ

उस शिशुमार के हृदय में नारायण ही स्थित हैं, समस्त प्राणियों के धारक, सनातन आदि-भूत।