मायामोह और दैत्यों का पतन; शतधनु-शैव्या की कथा

श्लोक 1 (vishnu.3.18.1)

श्रीपराशर उवाच । तपस्यभिरतान् सोऽथ मायामोहो महासुरान् । मैत्रेय ददृशे गत्वा नर्मदातीरसंश्रितान्

śrīparāśara uvāca tapasyabhiratān so'tha māyāmoho mahāsurān maitreya dadṛśe gatvā narmadātīrasaṁśritān

श्रीपराशर बोले -- हे मैत्रेय, फिर मायामोह ने नर्मदा के तट पर स्थित तपस्या में रत उन महान् असुरों को जाकर देखा।

श्लोक 2 (vishnu.3.18.2)

ततो दिगम्बरो मुण्डो बर्हिपिच्छधरो द्विज । मायामोहोऽसुरान् श्लक्ष्णमिदं वचनमब्रवीत्

tato digambaro muṇḍo barhipicchadharo dvija māyāmoho'surān ślakṣṇamidaṁ vacanamabravīt

तब दिगम्बर, मुण्डित सिर वाला, मोर-पंख धारण किए हुए मायामोह ने, हे द्विज, उन असुरों से यह कोमल वचन कहा।

श्लोक 3 (vishnu.3.18.3)

हे दैत्यपतयो ब्रूत यदर्थं तप्यते तपः । ऐहिकं वाथ पारत्र्यं तपसः फलमिच्छथ

he daityapatayo brūta yadarthaṁ tapyate tapaḥ aihikaṁ vātha pāratryaṁ tapasaḥ phalamicchatha

'हे दैत्यपतियो, बताइए, किस उद्देश्य से यह तपस्या की जा रही है? क्या आप इस लोक में या परलोक में तपस्या का फल चाहते हैं?'

श्लोक 4 (vishnu.3.18.4)

असुरा ऊचुः पारत्र्यफललाभाय तपश्वर्या महामते । अस्माभिरियमारब्धा किं वा तेऽत्र विवक्षितम्

asurā ūcuḥ pāratryaphalalābhāya tapaśvaryā mahāmate asmābhiriyamārabdhā kiṁ vā te'tra vivakṣitam

असुरगण बोले -- 'हे महामते, परलोक में फल प्राप्ति के लिए ही हमने यह तपश्चर्या आरम्भ की है। आपका इसमें क्या अभिप्राय है?'

श्लोक 5 (vishnu.3.18.5)

मायामोह उवाच कुरुध्वं मम वाक्यानि यदि मुक्तिमभीप्सथ । अर्हध्वमेनं धर्मञ्च मुक्तिद्वारमसंवृतम्

māyāmoha uvāca kurudhvaṁ mama vākyāni yadi muktimabhīpsatha arhadhvamenaṁ dharmañca muktidvāramasaṁvṛtam

मायामोह बोला -- 'यदि आप मुक्ति चाहते हैं, तो मेरे वचनों का पालन कीजिए; इस धर्म को स्वीकार कीजिए, जो मुक्ति का असीमित द्वार है।'

श्लोक 6 (vishnu.3.18.6)

धर्मो विमुक्तेरर्होऽयं नैतस्मादपरो वरः । अत्रैव संस्थिताः स्वर्गं विमुक्तिं वा गमिष्यथ

dharmo vimukterarho'yaṁ naitasmādaparo varaḥ atraiva saṁsthitāḥ svargaṁ vimuktiṁ vā gamiṣyatha

'यही धर्म मुक्ति के योग्य है; इससे बढ़कर कोई अन्य श्रेष्ठ वर नहीं है। इसी में स्थित रहकर आप स्वर्ग या मुक्ति को प्राप्त होंगे।'

श्लोक 7 (vishnu.3.18.7)

अर्हध्वं धर्ममेतञ्च सर्वे यूयं महाबलाः

arhadhvaṁ dharmametañca sarve yūyaṁ mahābalāḥ

'हे महाबलिष्ठो, आप सभी इस धर्म को स्वीकार कीजिए।'

श्लोक 8 (vishnu.3.18.8)

श्रीपराशर उवाच एवं प्रकारैर्बहुभिर्युक्तिदर्शनचर्चितैः । मायामोहेन ते दैत्या वेदमार्गादपाकृताः

śrīparāśara uvāca evaṁ prakārairbahubhiryuktidarśanacarcitaiḥ māyāmohena te daityā vedamārgādapākṛtāḥ

श्रीपराशर बोले -- इस प्रकार युक्ति-दर्शन से पुष्ट अनेक प्रकार के वचनों से, मायामोह द्वारा वे दैत्य वेद-मार्ग से हटा दिए गए।

श्लोक 9 (vishnu.3.18.9)

धर्मायैतदधर्माय सदेतन्न सदित्यपि । विमुक्तये त्विदं नैतद् विमुक्तिं सम्प्रयच्छति

dharmāyaitadadharmāya sadetanna sadityapi vimuktaye tvidaṁ naitad vimuktiṁ samprayacchati

'यह धर्म के लिए है, यह अधर्म के लिए; यह सत् है, यह असत् भी नहीं है; यह मुक्ति के लिए है, किन्तु यह मुक्ति नहीं देता;

श्लोक 10 (vishnu.3.18.10)

परमार्थोऽयमत्यर्थं परमार्थो न चाप्ययम् । कार्यमेतदकार्यञ्च नैतदेवं स्पुटं त्विदम्

paramārtho'yamatyarthaṁ paramārtho na cāpyayam kāryametadakāryañca naitadevaṁ spuṭaṁ tvidam

'यह अत्यन्त परमार्थ है, और यह परमार्थ नहीं भी है; यह करणीय है और यह अकरणीय भी; यह सब इस प्रकार स्पष्ट नहीं है।'

श्लोक 11 (vishnu.3.18.11)

दिग्वाससामयं धर्मो धर्मोऽयं बहुवाससाम्

digvāsasāmayaṁ dharmo dharmo'yaṁ bahuvāsasām

'दिगम्बरों (नग्न सन्न्यासियों) का यह धर्म है, और यही धर्म बहुत वस्त्र पहनने वालों का भी है' --

श्लोक 12 (vishnu.3.18.12)

इत्यनैकान्तवादञ्च मायामोहेन नैकधा । तेन दर्शयता दैत्याः स्वधर्मं त्याजिता द्विज

ityanaikāntavādañca māyāmohena naikadhā tena darśayatā daityāḥ svadharmaṁ tyājitā dvija

इस प्रकार मायामोह ने अनेक बार अनेकान्तवाद (सापेक्षतावाद) प्रस्तुत करते हुए, हे द्विज, वह दिखाकर दैत्यों को अपने धर्म से त्यागी बना दिया।

श्लोक 13 (vishnu.3.18.13)

अर्हतैतं महाधर्मं मायामोहेन ते यतः । प्रोक्तास्तमाश्रिता धर्ममार्हतास्तेन तेऽभवन्

arhataitaṁ mahādharmaṁ māyāmohena te yataḥ proktāstamāśritā dharmamārhatāstena te'bhavan

'इस महान् धर्म को ही स्वीकार करो' -- ऐसा मायामोह द्वारा कहे जाने पर, वे उसी आश्रित धर्म को अपनाने के कारण 'आर्हत' (जैन-सदृश) कहलाने लगे।

श्लोक 14 (vishnu.3.18.14)

त्रयीधर्मसमुत्सर्गं मायामोहेन तेऽसुराः । कारितास्तन्मया ह्यासंस्ततोऽन्ये तत्प्रचोदिताः

trayīdharmasamutsargaṁ māyāmohena te'surāḥ kāritāstanmayā hyāsaṁstato'nye tatpracoditāḥ

मायामोह द्वारा वे असुर त्रयी-धर्म के परित्याग के लिए प्रेरित किए गए, ऐसा मेरे द्वारा हुआ था; फिर उससे प्रेरित होकर अन्य लोग भी [इसी मार्ग पर चले]।

श्लोक 15 (vishnu.3.18.15)

तैरप्यन्ये परे तैश्च तैरप्यन्ये परे च तैः । अल्पैरहोभिः सन्तयक्ता तैर्दैत्यैः प्रायशस्त्रयी

tairapyanye pare taiśca tairapyanye pare ca taiḥ alpairahobhiḥ santayaktā tairdaityaiḥ prāyaśastrayī

उनके द्वारा भी अन्य, और उनके द्वारा भी अन्य, तथा उनके द्वारा भी और अन्य -- इस प्रकार उन दैत्यों के द्वारा थोड़े ही दिनों में त्रयी लगभग पूर्णतः त्याग दी गई।

श्लोक 16 (vishnu.3.18.16)

पुनश्च रक्ताम्बरधृङ् मायामोहो जितेन्द्रियः । अन्यानाहासुरान् गत्वा मृद्वल्पमधुराक्षरम्

punaśca raktāmbaradhṛṅ māyāmoho jitendriyaḥ anyānāhāsurān gatvā mṛdvalpamadhurākṣaram

फिर लाल वस्त्र धारण किए हुए, जितेन्द्रिय मायामोह अन्य असुरों के पास जाकर, मृदु, संक्षिप्त और मधुर वचनों में यह कहने लगा।

श्लोक 17 (vishnu.3.18.17)

स्वर्गार्थं यदि वो वाञ्छा निर्वाणार्थमथासुराः । तदलं पशुघातादिदुष्टधर्मैर्निबोधत

svargārthaṁ yadi vo vāñchā nirvāṇārthamathāsurāḥ tadalaṁ paśughātādiduṣṭadharmairnibodhata

मायामोह बोला -- 'हे असुरो, यदि आपकी इच्छा स्वर्ग के लिए है, या फिर निर्वाण के लिए, तो पशु-हत्या आदि दुष्ट धर्मों को अब त्याग दो, यह जान लो।'

श्लोक 18 (vishnu.3.18.18)

विज्ञानमयमेवैतदशेषमवगच्छत । बुध्यध्वं मे वचः सम्यग् बुधैरेवमिहोदितम्

vijñānamayamevaitadaśeṣamavagacchata budhyadhvaṁ me vacaḥ samyag budhairevamihoditam

'यह सब केवल विज्ञानमय है, यह पूरी तरह समझ लो; मेरे इस वचन को भलीभाँति समझो, जैसा कि बुद्धिजनों द्वारा भी यहाँ कहा गया है।'

श्लोक 19 (vishnu.3.18.19)

जगदेतदनाधारं भ्रान्तिज्ञानार्थतत्परम् । रागादिदुष्टमत्यर्थं भ्राम्यते भवसङ्कटे

jagadetadanādhāraṁ bhrāntijñānārthatatparam rāgādiduṣṭamatyarthaṁ bhrāmyate bhavasaṅkaṭe

'यह जगत् आधारहीन है, भ्रान्तिपूर्ण ज्ञान के अर्थ में ही तत्पर है; राग आदि से अत्यन्त दूषित होकर यह संसार के संकट में भटकता रहता है।'

श्लोक 20 (vishnu.3.18.20)

एवं बुध्यत बुध्यध्वं बुध्यतैवमितीरयन् । मायामोहः स दैतेयान् धर्ममत्याजयन्निजम्

evaṁ budhyata budhyadhvaṁ budhyataivamitīrayan māyāmohaḥ sa daiteyān dharmamatyājayannijam

इस प्रकार 'ऐसा समझो, समझो, इसी प्रकार समझो' कहते हुए, उस मायामोह ने दैत्यों को उनके अपने ही धर्म का त्याग करा दिया।

श्लोक 21 (vishnu.3.18.21)

नानाप्रकारवचनं स तेषां युक्तियोजितम् । तथा तथा च त्रयीधर्मं तत्यजुस्ते यथा यथा

nānāprakāravacanaṁ sa teṣāṁ yuktiyojitam tathā tathā ca trayīdharmaṁ tatyajuste yathā yathā

उसने उन्हें युक्तियुक्त, अनेक प्रकार के वचन कहे; और जैसे-जैसे [वह कहता गया], वैसे-वैसे उन्होंने त्रयी-धर्म का त्याग कर दिया।

श्लोक 22 (vishnu.3.18.22)

तेऽप्यन्येषां तथैवोचुरन्यैरन्ये तथोदिताः । मैत्रेय तत्यजुर्धर्मं वेदस्मृत्युदितं परम्

te'pyanyeṣāṁ tathaivocuranyairanye tathoditāḥ maitreya tatyajurdharmaṁ vedasmṛtyuditaṁ param

वे भी फिर औरों से उसी प्रकार कहने लगे, और अन्यों के द्वारा भी अन्य लोग वैसा ही कहे गए; इस प्रकार, हे मैत्रेय, वे वेद-स्मृति में कहे गए परम धर्म को त्यागते चले गए।

श्लोक 23 (vishnu.3.18.23)

अन्यानप्यन्यपाषण्डप्रकारैर्बहुभिर्द्विज । दैतेयान् मोहयामास मायामोहोऽतिमोहकृत्

anyānapyanyapāṣaṇḍaprakārairbahubhirdvija daiteyān mohayāmāsa māyāmoho'timohakṛt

हे द्विज, अन्य लोगों को भी अनेक प्रकार के अन्य पाषण्ड (मत)-प्रकारों से, अत्यन्त मोहकारी मायामोह ने दैत्यों को मोहित कर दिया।

श्लोक 24 (vishnu.3.18.24)

स्वल्पेनैव हि कालेन मायामोहेन तेऽसुराः । मोहितास्तत्यजुः सर्वां त्रयीमार्गाश्रितां कथाम्

svalpenaiva hi kālena māyāmohena te'surāḥ mohitāstatyajuḥ sarvāṁ trayīmārgāśritāṁ kathām

अत्यन्त अल्प समय में ही मायामोह द्वारा मोहित होकर वे असुर त्रयी-मार्ग के अनुसार चलने वाली सम्पूर्ण कथा को त्याग बैठे।

श्लोक 25 (vishnu.3.18.25)

केचिद्विनिन्दां वेदानां देवानामपरे द्विज । यज्ञकर्मकलापस्य तथान्ये च द्विजन्मनाम्

kecidvinindāṁ vedānāṁ devānāmapare dvija yajñakarmakalāpasya tathānye ca dvijanmanām

हे द्विज, कुछ लोग वेदों की निन्दा करने लगे, अन्य देवताओं की, तथा कुछ यज्ञ-कर्म-समूह की, और इसी प्रकार अन्य द्विजों की भी निन्दा करने लगे।

श्लोक 26 (vishnu.3.18.26)

नैतद्युक्तिसहं वाक्यं हिंसा धर्माय नेष्यते । हवींष्यनलदग्धानि फलायेत्यर्भकोदितम

naitadyuktisahaṁ vākyaṁ hiṁsā dharmāya neṣyate havīṁṣyanaladagdhāni phalāyetyarbhakoditama

'यह तर्कसंगत वचन नहीं है कि हिंसा धर्म के लिए इष्ट हो; अग्नि में जलाई गई हवियाँ फल देती हैं -- यह तो बालकों का कहा हुआ [अंधविश्वास] है।'

श्लोक 27 (vishnu.3.18.27)

यज्ञैरनेकैर्देवत्वमवाप्येन्द्रेण भुज्यते । शम्यादि यदि चेत्काष्ठं तद्वरं पत्रभुक् पशु

yajñairanekairdevatvamavāpyendreṇa bhujyate śamyādi yadi cetkāṣṭhaṁ tadvaraṁ patrabhuk paśu

'अनेक यज्ञों से देवत्व प्राप्त कर इन्द्र उसका उपभोग करता है -- यदि शमी आदि लकड़ी ही इसका साधन बन सकती है, तो पत्ते खाने वाला पशु ही श्रेष्ठ है।'

श्लोक 28 (vishnu.3.18.28)

निहतस्य पशोर्यज्ञे स्वर्गप्रात्पिर्यदीष्यते । स्वपिता यजमानेन किन्नु तस्मान्न हन्यते

nihatasya paśoryajñe svargaprātpiryadīṣyate svapitā yajamānena kinnu tasmānna hanyate

'यदि यज्ञ में मारे गए पशु को स्वर्ग-प्राप्ति होती है, तो यजमान अपने ही पिता को उस [यज्ञ] में क्यों नहीं मार डालता?'

श्लोक 29 (vishnu.3.18.29)

तृप्तये जायते पुंसो भुक्तमन्येन चेत्ततः । कुर्याच्छ्राद्धं श्रमायान्नं न वहेयुः प्रवासिनः

tṛptaye jāyate puṁso bhuktamanyena cettataḥ kuryācchrāddhaṁ śramāyānnaṁ na vaheyuḥ pravāsinaḥ

'यदि किसी दूसरे के खाए हुए [अन्न] से मनुष्य की तृप्ति होती हो, तो श्राद्ध कर देना ही पर्याप्त है; [तब] यात्रा करने वालों को अन्न ढोने की आवश्यकता ही नहीं रहेगी।'

श्लोक 30 (vishnu.3.18.30)

जनश्रद्धेयमित्येतदवगम्य ततोऽत्र वः । उपेक्षा श्रेयसे वाक्यं रोचतां यन्मयेरितम्

janaśraddheyamityetadavagamya tato'tra vaḥ upekṣā śreyase vākyaṁ rocatāṁ yanmayeritam

'यह जानकर कि यह जन-समुदाय द्वारा श्रद्धेय माना जाता है, अतः इसकी उपेक्षा ही श्रेयस्कर है -- मेरा यह वचन आपको रुचिकर हो।'

श्लोक 31 (vishnu.3.18.31)

न ह्याप्तवादा नभसो निपतन्ति महासुराः । युक्तिमद् वचनं ग्राह्यं मयान्यैश्च भवद्विधैः

na hyāptavādā nabhaso nipatanti mahāsurāḥ yuktimad vacanaṁ grāhyaṁ mayānyaiśca bhavadvidhaiḥ

'महान् असुर आकाश से यूँ ही विश्वसनीय वचन बनकर नहीं गिरते; युक्तियुक्त वचन ही ग्राह्य होना चाहिए, चाहे वह मेरे द्वारा कहा गया हो या आप जैसों के द्वारा।'

श्लोक 32 (vishnu.3.18.32)

मायामोहेन ते दैत्याः प्रकारैर्बहुभिस्तथा । व्युत्थापिता यथा नैषां त्रयीं कश्चिदरोचयत्

māyāmohena te daityāḥ prakārairbahubhistathā vyutthāpitā yathā naiṣāṁ trayīṁ kaścidarocayat

पराशर बोले -- मायामोह द्वारा अनेक प्रकारों से उन दैत्यों को इस प्रकार विचलित किया गया कि उनमें से किसी को भी त्रयी रुचिकर नहीं रही।

श्लोक 33 (vishnu.3.18.33)

इत्थमुन्मार्गयातेषु तेषु दैत्येषु तेऽमराः । उद्योगं परमं कृत्वा युद्धाय समुपस्थिताः

itthamunmārgayāteṣu teṣu daityeṣu te'marāḥ udyogaṁ paramaṁ kṛtvā yuddhāya samupasthitāḥ

इस प्रकार जब वे दैत्य कुमार्ग पर चल पड़े, तब देवताओं ने परम उद्योग करके युद्ध के लिए तैयारी कर ली।

श्लोक 34 (vishnu.3.18.34)

ततो देवासुरं युद्धं पुनरेवाभवद् द्विज । हताश्च तेऽसुरा देवैः सन्मार्गपरिपन्थिनः

tato devāsuraṁ yuddhaṁ punarevābhavad dvija hatāśca te'surā devaiḥ sanmārgaparipanthinaḥ

हे द्विज, फिर देवों और असुरों का युद्ध पुनः हुआ; और सन्मार्ग के विरोधी वे असुर देवताओं द्वारा मार डाले गए।

श्लोक 35 (vishnu.3.18.35)

स्वधर्मकवचं तेषामभूद् यत्प्रथमं द्विज । तेन रक्षाभवत् पूर्वं नेशुर्नष्टे च तत्र ते

svadharmakavacaṁ teṣāmabhūd yatprathamaṁ dvija tena rakṣābhavat pūrvaṁ neśurnaṣṭe ca tatra te

जो पहले उनका स्वधर्म-रूपी कवच था, उसी से पहले उनकी रक्षा होती थी, और नष्ट न होने पर वे पराजित नहीं होते थे।

श्लोक 36 (vishnu.3.18.36)

ततो मैत्रेय तन्मार्गवर्त्तिनो येऽभवञ्जनाः । नग्नास्ते तैर्यतस्त्यक्तं त्रयीसंवरणां वृथा

tato maitreya tanmārgavarttino ye'bhavañjanāḥ nagnāste tairyatastyaktaṁ trayīsaṁvaraṇāṁ vṛthā

हे मैत्रेय, तब से जो लोग उस [कुमार्ग] के अनुयायी हुए, वे 'नग्न' कहलाए, क्योंकि उन्होंने त्रयी के आवरण को व्यर्थ में त्याग दिया था।

श्लोक 37 (vishnu.3.18.37)

ब्रह्मचारी गृहस्थश्च वानप्रस्थस्तथाश्रमी । परिव्राड् वा चतुर्थोऽत्र पञ्चमो नोपपद्यते

brahmacārī gṛhasthaśca vānaprasthastathāśramī parivrāḍ vā caturtho'tra pañcamo nopapadyate

ब्रह्मचारी, गृहस्थ, और वानप्रस्थ -- ये आश्रम हैं, तथा परिव्राजक चौथा है; इनके अतिरिक्त पाँचवाँ कोई आश्रम उपयुक्त नहीं है।

श्लोक 38 (vishnu.3.18.38)

यस्तु सन्त्यज्य गार्हस्थ्यं वानप्रस्थो न जायते । परिव्राट् चापि मैत्रेय स नग्नः पापकृन्नरः

yastu santyajya gārhasthyaṁ vānaprastho na jāyate parivrāṭ cāpi maitreya sa nagnaḥ pāpakṛnnaraḥ

हे मैत्रेय, जो गृहस्थाश्रम त्यागकर वानप्रस्थ नहीं बनता, और परिव्राजक भी नहीं बनता, वह मनुष्य 'नग्न' है, पापकर्मा है।

श्लोक 39 (vishnu.3.18.39)

नित्यानां कर्मणां विप्र तस्य हानिरहर्निशम् । अकुर्वन् विहितं कर्म शक्तः पतति तद्दिने

nityānāṁ karmaṇāṁ vipra tasya hāniraharniśam akurvan vihitaṁ karma śaktaḥ patati taddine

हे विप्र, नित्य कर्मों की हानि उसके लिए रात-दिन होती रहती है; जो समर्थ होते हुए भी विहित कर्म नहीं करता, वह उसी दिन पतित हो जाता है।

श्लोक 40 (vishnu.3.18.40)

प्रायश्चित्तेन महता शुद्धिमाप्नोत्यनापदि । पक्षं नित्यक्रियाहानेः कर्त्ता मैत्रेय मानवः

prāyaścittena mahatā śuddhimāpnotyanāpadi pakṣaṁ nityakriyāhāneḥ karttā maitreya mānavaḥ

हे मैत्रेय, विपत्ति न होने पर, नित्य-क्रिया के त्याग का पक्ष-भर करने वाला मनुष्य बड़े प्रायश्चित्त से ही शुद्धि प्राप्त करता है।

श्लोक 41 (vishnu.3.18.41)

संवत्सरं क्रियाहानिर्यस्य पुंसोऽभिजायते । तस्यावलोकनात् सूर्यो निरीक्ष्यः साधुभिः सदा

saṁvatsaraṁ kriyāhāniryasya puṁso'bhijāyate tasyāvalokanāt sūryo nirīkṣyaḥ sādhubhiḥ sadā

जिस मनुष्य को एक वर्ष तक क्रिया-हानि होती जाती है, साधुजनों को उसका दर्शन [करने के बाद] सदा सूर्य की ओर देखना चाहिए।

श्लोक 42 (vishnu.3.18.42)

स्पृष्टे स्नानं सचैलस्य शुद्धेर्हेतुर्महामते । पुंसो भवति तस्योक्ता न शुद्धिः पापकर्मणः

spṛṣṭe snānaṁ sacailasya śuddherheturmahāmate puṁso bhavati tasyoktā na śuddhiḥ pāpakarmaṇaḥ

हे महामते, वस्त्र-सहित [ऐसे व्यक्ति के] स्पर्श होने पर स्नान ही शुद्धि का कारण है; कहा गया है कि पापकर्मा पुरुष की [इससे भी पूर्ण] शुद्धि नहीं होती।

श्लोक 43 (vishnu.3.18.43)

देवर्षिपितृभूतानि यस्य निः श्वस्य वेश्मनि । प्रयान्त्यनर्चितान्यत्र लोके तस्मान्न पापकृत्

devarṣipitṛbhūtāni yasya niḥ śvasya veśmani prayāntyanarcitānyatra loke tasmānna pāpakṛt

जिसके घर में देवता, ऋषि, पितर और भूत बिना पूजित हुए ही चले जाते हैं, इस लोक में वह पापकर्मा नहीं होता।

श्लोक 44 (vishnu.3.18.44)

सम्भाषणानुप्रश्नादि सहास्यां चैव कुर्वतः । जायते तुल्यता तस्य तेनैव द्विज वत्सरात्

sambhāṣaṇānupraśnādi sahāsyāṁ caiva kurvataḥ jāyate tulyatā tasya tenaiva dvija vatsarāt

जो उससे संभाषण, प्रश्नोत्तर, तथा हास्य-परिहास भी करता है, उसकी उसी के साथ एक वर्ष के भीतर समानता उत्पन्न हो जाती है, हे द्विज।

श्लोक 45 (vishnu.3.18.45)

देवादिनिः श्वासहतं शरीरं यस्य वेश्म च । न तेन सङ्करं कुर्याद् गृहासनपरिच्छदैः

devādiniḥ śvāsahataṁ śarīraṁ yasya veśma ca na tena saṅkaraṁ kuryād gṛhāsanaparicchadaiḥ

देव आदि की निःश्वास से आहत शरीर और घर वाले [ऐसे व्यक्ति] के साथ घर, आसन और अन्य वस्तुओं का साझापन न करे।

श्लोक 46 (vishnu.3.18.46)

अथ भुङ्क्ते गृहे तस्य करोत्यास्यां तथासने । शेते चाप्येकशयने स सद्यस्तत्समो भवेत्

atha bhuṅkte gṛhe tasya karotyāsyāṁ tathāsane śete cāpyekaśayane sa sadyastatsamo bhavet

और यदि कोई उसके घर में भोजन करता है, उसी आसन का उपयोग करता है, या उसी शय्या पर सोता है, तो वह तत्काल उसके समान ही हो जाता है।

श्लोक 47 (vishnu.3.18.47)

देवतापितृभूतानि तथानभ्यर्च्य योऽतिथीन् । भुङ्क्ते स पातकं भुङ्क्ते निष्कृतिस्तस्य नेष्यते

devatāpitṛbhūtāni tathānabhyarcya yo'tithīn bhuṅkte sa pātakaṁ bhuṅkte niṣkṛtistasya neṣyate

जो देव, पितर और भूतों तथा अतिथियों की पूजा किए बिना ही भोजन करता है, वह पाप ही खाता है; उसके लिए कोई प्रायश्चित्त निर्दिष्ट नहीं है।

श्लोक 48 (vishnu.3.18.48)

ब्राह्मणाद्यास्तु ये वर्णाः स्वधर्मादन्यतोमुखाः । यान्ति ते नग्नसंज्ञां तु हीनकर्मस्ववस्थिताः

brāhmaṇādyāstu ye varṇāḥ svadharmādanyatomukhāḥ yānti te nagnasaṁjñāṁ tu hīnakarmasvavasthitāḥ

ब्राह्मण आदि जो भी वर्ण अपने-अपने धर्म से विमुख हैं, वे हीन कर्मों में स्थित रहकर 'नग्न' नाम को ही प्राप्त होते हैं।

श्लोक 49 (vishnu.3.18.49)

चतुर्णां यत्र वर्णानां मैत्रेयात्यन्तसङ्करः । तत्रास्या साधुवृत्तीनामुपघाताय जायते

caturṇāṁ yatra varṇānāṁ maitreyātyantasaṅkaraḥ tatrāsyā sādhuvṛttīnāmupaghātāya jāyate

हे मैत्रेय, जहाँ चारों वर्णों का अत्यन्त संकर (मिश्रण) होता है, वहाँ यह [स्थिति] सज्जनों के आचरण के विनाश का कारण बन जाती है।

श्लोक 50 (vishnu.3.18.50)

अनभ्यर्च्य ऋषीन् देवान् पितॄन् भूतातिथींस्तथा । यो भुङ्क्ते तस्य संलापात् पतन्ति नरके नराः

anabhyarcya ṛṣīn devān pitṝn bhūtātithīṁstathā yo bhuṅkte tasya saṁlāpāt patanti narake narāḥ

ऋषियों, देवताओं, पितरों और भूत-अतिथियों की पूजा किए बिना जो भोजन करता है, उसके साथ बातचीत करने से भी मनुष्य नरक में गिरते हैं।

श्लोक 51 (vishnu.3.18.51)

तस्मादेतान्नरो नग्नांस्त्रयीसन्त्यागदूषितान् । सर्वदा वर्जयेत् प्राज्ञ आलापस्पर्शनादिषु

tasmādetānnaro nagnāṁstrayīsantyāgadūṣitān sarvadā varjayet prājña ālāpasparśanādiṣu

इसलिए बुद्धिमान् मनुष्य को त्रयी के त्याग से दूषित इन 'नग्नों' को बातचीत और स्पर्श आदि में सर्वदा त्याग देना चाहिए।

श्लोक 52 (vishnu.3.18.52)

श्रद्धावद्भिः कृतं यत्नाद्देवान् पितृपितामहान् । न प्रीणयति तच्छ्राद्धं यद्येभिरवलोकितम्

śraddhāvadbhiḥ kṛtaṁ yatnāddevān pitṛpitāmahān na prīṇayati tacchrāddhaṁ yadyebhiravalokitam

श्रद्धावान् लोगों द्वारा यत्नपूर्वक किया गया श्राद्ध, यदि इन [नग्नों] द्वारा देखा गया हो, तो देवताओं, पितरों और पितामहों को प्रसन्न नहीं करता।

श्लोक 53 (vishnu.3.18.53)

श्रूयते च पुरा ख्यातो राजा शतधनुर्भुवि । पत्नी च शैव्या तस्याभूदतिधर्मपरायणा

śrūyate ca purā khyāto rājā śatadhanurbhuvi patnī ca śaivyā tasyābhūdatidharmaparāyaṇā

ऐसा भी सुना जाता है कि प्राचीन काल में शतधनु नामक प्रसिद्ध राजा पृथ्वी पर हुए; उनकी पत्नी शैव्या अत्यन्त धर्मपरायण थीं।

श्लोक 54 (vishnu.3.18.54)

पतिव्रता महाभागा सत्यशौचदयान्विता । सर्वलक्षणसम्पन्ना विनयेन नयेन च

pativratā mahābhāgā satyaśaucadayānvitā sarvalakṣaṇasampannā vinayena nayena ca

वे पतिव्रता, महाभागा, सत्य-शौच-दया से युक्त, समस्त शुभ लक्षणों से सम्पन्न, तथा विनय और नीति से भी युक्त थीं।

श्लोक 55 (vishnu.3.18.55)

स तु राजा तया सार्द्धं देवदेवं जनार्दनम् । आराधयामास विभुं परमेण समाधिना

sa tu rājā tayā sārddhaṁ devadevaṁ janārdanam ārādhayāmāsa vibhuṁ parameṇa samādhinā

उन राजा ने उनके साथ मिलकर परम समाधि से देवाधिदेव, सर्वव्यापी जनार्दन की आराधना की।

श्लोक 56 (vishnu.3.18.56)

होमैर्जपैस्तथा दानैरुपवासैश्च भक्तितः । पूजाभिश्चानुदिवसं तन्मना नान्यमानसः

homairjapaistathā dānairupavāsaiśca bhaktitaḥ pūjābhiścānudivasaṁ tanmanā nānyamānasaḥ

होम, जप, दान और उपवास से, भक्तिपूर्वक, प्रतिदिन पूजा से भी, वे तन्मयचित्त होकर, मन को अन्यत्र न ले जाते हुए [उनकी आराधना करते थे]।

श्लोक 57 (vishnu.3.18.57)

एकदा तु समं स्नातौ तौ तु भार्यापती जले । भगीरथ्याः समुत्तीर्णौ कार्त्तिक्यां समुपोषितौ । पाषण्डिनमपश्येतामायान्तं सम्मुखं द्विज

ekadā tu samaṁ snātau tau tu bhāryāpatī jale bhagīrathyāḥ samuttīrṇau kārttikyāṁ samupoṣitau pāṣaṇḍinamapaśyetāmāyāntaṁ sammukhaṁ dvija

एक बार वे दोनों पति-पत्नी कार्तिक मास में उपवास किए हुए, जल में साथ स्नान करके गंगा से बाहर निकले, तब हे द्विज, उन्होंने एक पाषण्डी को सामने से आते देखा।

श्लोक 58 (vishnu.3.18.58)

चापाचार्यस्य तस्यासौ सखा राज्ञो महात्मनः । अतस्तद्गौरवात्तेन सखाभावमथाकरोत्

cāpācāryasya tasyāsau sakhā rājño mahātmanaḥ atastadgauravāttena sakhābhāvamathākarot

वह उस महात्मा राजा के आचार्य-सदृश गुरु का मित्र था; इसलिए उसके गौरव के कारण, राजा ने उससे बातचीत की।

श्लोक 59 (vishnu.3.18.59)

न तु सा वाग्यता देवी तस्य पत्नी पतिव्रता । उपोषितास्मीति रविं तस्मिन् दृष्टे ददर्श च

na tu sā vāgyatā devī tasya patnī pativratā upoṣitāsmīti raviṁ tasmin dṛṣṭe dadarśa ca

किन्तु उनकी पत्नी, वह पतिव्रता देवी, मौन-व्रत में स्थित थीं; 'मैं उपवास में हूँ' [यह सोचकर], उन्होंने उसे देखे जाने पर सूर्य की ओर देख लिया।

श्लोक 60 (vishnu.3.18.60)

समागम्य यथान्यायं दम्पती तौ यथाविधि । विष्णोः पूजादिकं सर्वं कृतवन्तौ द्विजोत्तम

samāgamya yathānyāyaṁ dampatī tau yathāvidhi viṣṇoḥ pūjādikaṁ sarvaṁ kṛtavantau dvijottama

हे द्विजोत्तम, फिर वे दोनों पति-पत्नी विधिपूर्वक, यथोचित रीति से मिलकर, विष्णु की सम्पूर्ण पूजा आदि सम्पन्न करते रहे।

श्लोक 61 (vishnu.3.18.61)

कालेन गच्छता राजा ममारासौ सपत्नजित् । अन्वारुरोह तं देवी चितास्थं भूपतिं पतिम्

kālena gacchatā rājā mamārāsau sapatnajit anvāruroha taṁ devī citāsthaṁ bhūpatiṁ patim

समय बीतने पर वह प्रतिद्वन्द्वियों को जीतने वाले राजा मृत्यु को प्राप्त हुए; रानी अपने उस चिता पर स्थित पति राजा के पीछे सती हो गईं।

श्लोक 62 (vishnu.3.18.62)

स तु तेनापचारेण श्वा जज्ञे वसुधाधिपः । उपोषितेन पाषण्डसंलापी यत्कृतोऽभवत्

sa tu tenāpacāreṇa śvā jajñe vasudhādhipaḥ upoṣitena pāṣaṇḍasaṁlāpī yatkṛto'bhavat

वे भूमिपति उस अपराध के कारण -- कि उपवास में रहते हुए उन्होंने एक पाषण्डी से बातचीत की थी -- कुत्ता बनकर उत्पन्न हुए।

श्लोक 63 (vishnu.3.18.63)

सा तु जातिस्मरा जज्ञे काशीराजसुता शुभा । सर्वविज्ञानसम्पूर्णा सर्वलक्षणपूजिता

sā tu jātismarā jajñe kāśīrājasutā śubhā sarvavijñānasampūrṇā sarvalakṣaṇapūjitā

वह [रानी] भी जातिस्मरा होकर काशी के राजा की सुन्दर कन्या के रूप में उत्पन्न हुई, सम्पूर्ण विज्ञान से पूर्ण, समस्त शुभ लक्षणों से सम्पन्न।

श्लोक 64 (vishnu.3.18.64)

तां पिता दातुकामोऽभूद् वराय विनिवारितः । तयैव तन्व्या विरतो विवाहारम्भतो नृपः

tāṁ pitā dātukāmo'bhūd varāya vinivāritaḥ tayaiva tanvyā virato vivāhārambhato nṛpaḥ

उसके पिता उसे किसी वर को देना चाहते थे, किन्तु उसने रोक दिया; उस कोमलांगी के कारण ही राजा ने विवाह-प्रारम्भ से विरत रहना उचित समझा।

श्लोक 65 (vishnu.3.18.65)

ततः सा दिव्यया दृष्ट्या दृष्ट्वा श्वानं निजं पतिम् । विदिशाख्यं पुरं गत्वा तदवस्थं ददर्श तम्

tataḥ sā divyayā dṛṣṭyā dṛṣṭvā śvānaṁ nijaṁ patim vidiśākhyaṁ puraṁ gatvā tadavasthaṁ dadarśa tam

फिर उसने दिव्य दृष्टि से अपने पति को कुत्ते के रूप में देखकर, विदिशा नामक नगर में जाकर, उन्हें उसी अवस्था में देखा।

श्लोक 66 (vishnu.3.18.66)

तं दृष्ट्वैव महाभागं श्वभूतं तु पतिं तथा । ददौ तस्मै वराहारं सत्कारप्रवणं शुभा

taṁ dṛṣṭvaiva mahābhāgaṁ śvabhūtaṁ tu patiṁ tathā dadau tasmai varāhāraṁ satkārapravaṇaṁ śubhā

उस महाभागा शुभा ने उन्हें, अपने ही पति को कुत्ता बना हुआ देखकर, सत्कारपूर्वक उन्हें उत्तम भोजन दिया।

श्लोक 67 (vishnu.3.18.67)

भुञ्जन् दत्तं तया सोऽन्नमतिमृष्टमभीप्सितम् । श्वजातिललितं कुर्वन् बहु चाटु चकार वै

bhuñjan dattaṁ tayā so'nnamatimṛṣṭamabhīpsitam śvajātilalitaṁ kurvan bahu cāṭu cakāra vai

उसके द्वारा दिया गया अत्यन्त स्वादिष्ट, वांछित अन्न खाते हुए, वह कुत्तों के स्वभाव के अनुरूप चंचलता दिखाते हुए, बहुत पूँछ हिलाकर स्नेह प्रदर्शित करने लगा।

श्लोक 68 (vishnu.3.18.68)

अतीव व्रीडिता बाला कुर्वता चाटु तेन सा । प्रणामपूर्वमाहेदं दयितं तं कुयोनिजम्

atīva vrīḍitā bālā kurvatā cāṭu tena sā praṇāmapūrvamāhedaṁ dayitaṁ taṁ kuyonijam

उस पूँछ हिलाकर स्नेह दिखाते हुए [कुत्ते] को देखकर वह बाला अत्यन्त लज्जित हुई; प्रणामपूर्वक उसने अपने प्रिय, उस निम्न योनि में जन्मे [पति] से यह कहा।

श्लोक 69 (vishnu.3.18.69)

स्मर्यतां तन्महाराज दाक्षिण्यललितं त्वया । येन श्वयोनिमापन्नो मम चाटुकरो भवान्

smaryatāṁ tanmahārāja dākṣiṇyalalitaṁ tvayā yena śvayonimāpanno mama cāṭukaro bhavān

'हे महाराज, वह याद कीजिए कि आपने कैसी शिष्टता से पूँछ हिलाई -- जिसके फलस्वरूप आप कुत्ते की योनि को प्राप्त होकर मेरे प्रति स्नेह-प्रदर्शक बने हैं।'

श्लोक 70 (vishnu.3.18.70)

पाषण्डिनं समाभाष्य तीर्थस्नानादनन्तरम् । प्राप्तोऽसि कुत्सितां योनिं किं न स्मरसि तत्प्रभो

pāṣaṇḍinaṁ samābhāṣya tīrthasnānādanantaram prāpto'si kutsitāṁ yoniṁ kiṁ na smarasi tatprabho

'तीर्थ-स्नान के तुरन्त बाद एक पाषण्डी से बातचीत करने के कारण ही आप इस निन्दित योनि को प्राप्त हुए हैं; हे प्रभु, क्या आपको वह याद नहीं है?'

श्लोक 71 (vishnu.3.18.71)

श्रीपराशर उवाच तयैवं स्मारिते तस्मिन् पूर्वजातिकृते तदा । दध्यौ चिरमथावाप निर्वेदमतिदुर्लभम्

śrīparāśara uvāca tayaivaṁ smārite tasmin pūrvajātikṛte tadā dadhyau ciramathāvāpa nirvedamatidurlabham

श्रीपराशर बोले -- उसके द्वारा इस प्रकार अपने पूर्व-जन्म के कर्म का स्मरण कराए जाने पर, उन्होंने चिरकाल तक विचार किया और फिर अत्यन्त दुर्लभ वैराग्य को प्राप्त किया।

श्लोक 72 (vishnu.3.18.72)

निर्विण्णचित्तस्स ततो निर्गम्य नगराद्बहिः । मरुप्रपतनं कृत्वा शार्गालीं योनिमागतः

nirviṇṇacittassa tato nirgamya nagarādbahiḥ maruprapatanaṁ kṛtvā śārgālīṁ yonimāgataḥ

विरक्त-चित्त होकर वह नगर से बाहर निकलकर, मरुस्थल में गिरकर, शृगाल (सियार) की योनि को प्राप्त हुआ।

श्लोक 73 (vishnu.3.18.73)

सापि द्वितीये सम्प्राप्ते वर्षे दिव्येन चक्षुषा । ज्ञात्वा शृगालं तं द्रष्टुं ययौ कोलाहलं गिरिम्

sāpi dvitīye samprāpte varṣe divyena cakṣuṣā jñātvā śṛgālaṁ taṁ draṣṭuṁ yayau kolāhalaṁ girim

दूसरे वर्ष के आने पर, उस [रानी] ने भी दिव्य नेत्र से यह जानकर कि वह अब सियार बन गया है, उसे देखने के लिए कोलाहल पर्वत की ओर गमन किया।

श्लोक 74 (vishnu.3.18.74)

तत्रापि दृष्ट्वा तं प्राह शार्गालीं योनिमागतम् । भर्त्तारमपि चार्वङ्गी तनया पृथिवीक्षितः

tatrāpi dṛṣṭvā taṁ prāha śārgālīṁ yonimāgatam bharttāramapi cārvaṅgī tanayā pṛthivīkṣitaḥ

वहाँ भी उस सुन्दरांगी, राजा की पुत्री ने, अपने ही पति को सियार-योनि में उत्पन्न हुआ देखकर, यह कहा।

श्लोक 75 (vishnu.3.18.75)

अपि स्मरसि राजेन्द्र श्वयोनिस्थस्य यन्मया । प्रोक्तं ते पूर्वचरितं पाषण्डालापसंश्रयम्

api smarasi rājendra śvayonisthasya yanmayā proktaṁ te pūrvacaritaṁ pāṣaṇḍālāpasaṁśrayam

'हे राजेन्द्र, क्या आपको स्मरण है, जब आप कुत्ते की योनि में थे, तब मैंने आपको आपका पूर्व-चरित्र बताया था, जो पाषण्ड से बातचीत के सम्बन्ध में था?'

श्लोक 76 (vishnu.3.18.76)

पुनस्तयोक्तं स ज्ञात्वा सत्यं सत्यवतां वरः । कानने स निराहारस्तत्याज स्वं कलेवरम्

punastayoktaṁ sa jñātvā satyaṁ satyavatāṁ varaḥ kānane sa nirāhārastatyāja svaṁ kalevaram

फिर उसके द्वारा कहे गए वचन को सत्य जानकर, सत्यवादियों में श्रेष्ठ वह [राजा], उस वन में ही अन्न-रहित होकर अपने शरीर का त्याग कर बैठा।

श्लोक 77 (vishnu.3.18.77)

भूयस्ततो वृको जज्ञे गत्वा तं निर्जने वने । स्मारयामास भर्त्तारं पूर्ववृत्तमनिन्दिता

bhūyastato vṛko jajñe gatvā taṁ nirjane vane smārayāmāsa bharttāraṁ pūrvavṛttamaninditā

फिर उसके बाद वह गृध्र (गिद्ध) बना; एकान्त वन में जाकर, निष्कलंक वह [रानी] अपने पति को उसका पूर्ववृत्तान्त फिर स्मरण कराने लगी।

श्लोक 78 (vishnu.3.18.78)

न त्वं वृको महाभाग राजा शतधनुर्भवान् । श्वा भूत्वा त्वं शृगालोऽभूर्वृकत्वं साम्प्रतं गतः

na tvaṁ vṛko mahābhāga rājā śatadhanurbhavān śvā bhūtvā tvaṁ śṛgālo'bhūrvṛkatvaṁ sāmprataṁ gataḥ

'हे महाभाग, आप वृक (भेड़िया) नहीं हैं -- आप ही राजा शतधनु हैं; कुत्ता बनकर, फिर सियार बनकर, आप अब भेड़िया-रूप को प्राप्त हुए हैं।'

श्लोक 79 (vishnu.3.18.79)

स्मारितेन यथा व्यक्तस्तेनात्मा गृध्रतां गतः । अपापा सा पुनश्चैनं बोधयामास भाविनी

smāritena yathā vyaktastenātmā gṛdhratāṁ gataḥ apāpā sā punaścainaṁ bodhayāmāsa bhāvinī

इस प्रकार जब [रानी द्वारा] याद दिलाए जाने पर उसका [अगला जन्म] प्रकट हुआ, तब उसकी आत्मा गिद्ध-भाव को प्राप्त हुई; और वह निष्पाप, भावी-ज्ञानी [रानी] ने पुनः उसे [सत्य से] अवगत कराया।

श्लोक 80 (vishnu.3.18.80)

नरेन्द्र स्मर्यतामात्मा ह्यलं ते गृध्रचेष्टया । पाषण्डालापजातोऽयं दोषो यद्गृध्रतां गतः

narendra smaryatāmātmā hyalaṁ te gṛdhraceṣṭayā pāṣaṇḍālāpajāto'yaṁ doṣo yadgṛdhratāṁ gataḥ

'हे नरेन्द्र, अपनी वास्तविक आत्मा का स्मरण कीजिए; गिद्ध-सुलभ चेष्टाओं से अब पर्याप्त है। पाषण्ड से बातचीत के कारण उत्पन्न हुआ यह दोष ही है, जिससे आप गिद्ध-योनि को प्राप्त हुए हैं।'

श्लोक 81 (vishnu.3.18.81)

ततः काकत्वमापन्नं समनन्तरजन्मति । उवाच तन्वी भर्त्तारमुपलभ्यात्मयोगतः

tataḥ kākatvamāpannaṁ samanantarajanmati uvāca tanvī bharttāramupalabhyātmayogataḥ

फिर, ठीक उसके बाद के जन्म में, कौवे की योनि को प्राप्त हुए [पति] से, वह कोमलांगी अपने योग-सामर्थ्य से उसे पहचानकर बोली।

श्लोक 82 (vishnu.3.18.82)

अशेषभूभृतः पूर्वं वश्या यस्मै बलिं ददुः । स त्वं काकत्वमापन्नो जातोऽद्य बलिभुक् प्रभो

aśeṣabhūbhṛtaḥ pūrvaṁ vaśyā yasmai baliṁ daduḥ sa tvaṁ kākatvamāpanno jāto'dya balibhuk prabho

'जिन्हें पहले समस्त राजा वशीभूत होकर बलि (कर) दिया करते थे, वे आप ही अब कौवे की योनि को प्राप्त होकर, हे प्रभो, आज बलि (भोग) खाने वाले बन गए हैं।'

श्लोक 83 (vishnu.3.18.83)

एवमेव च काकत्वे स्मारितस्य पुरातनम् । तत्याज भूपतिः प्राणान् मयूरत्वमवाप च

evameva ca kākatve smāritasya purātanam tatyāja bhūpatiḥ prāṇān mayūratvamavāpa ca

इसी प्रकार कौवे की अवस्था में भी अपने पूर्व-वृत्तान्त का स्मरण कराए जाने पर, वे भूपति ने अपने प्राण त्याग दिए और मोर की योनि को प्राप्त हुए।

श्लोक 84 (vishnu.3.18.84)

मयूरत्वे ततस्सा वै चकारानुगतिं शुभा । दत्तैः प्रतिक्षणां भोज्यैर्बाला तज्जातिभोजनेः

mayūratve tatassā vai cakārānugatiṁ śubhā dattaiḥ pratikṣaṇāṁ bhojyairbālā tajjātibhojaneḥ

मोर की अवस्था में भी उस शुभा ने उसका अनुगमन किया, तथा उस बाला ने अपनी ही जाति के भोज्य पदार्थों से प्रतिक्षण उसे भोजन देती रही।

श्लोक 85 (vishnu.3.18.85)

ततस्तु जनको राजा वाजिमेधं महाक्रतुम् । चकार तस्यावभृथे स्नापयामास तं तदा

tatastu janako rājā vājimedhaṁ mahākratum cakāra tasyāvabhṛthe snāpayāmāsa taṁ tadā

फिर उसके पश्चात् राजा जनक ने महान् अश्वमेध यज्ञ किया; उसके अवभृथ-स्नान के समय उन्होंने उस [मोर] को भी स्नान कराया।

श्लोक 86 (vishnu.3.18.86)

सस्नौ स्वयं च तन्वङ्गी स्मारयामास चापि तम् । यथासौ श्वशृगालादियोनिं जग्राह पार्थिवः

sasnau svayaṁ ca tanvaṅgī smārayāmāsa cāpi tam yathāsau śvaśṛgālādiyoniṁ jagrāha pārthivaḥ

वह कोमलांगी भी स्वयं स्नान करके, उसे भी फिर स्मरण कराने लगी, कि किस प्रकार वह पार्थिव कुत्ता, सियार आदि योनियों को प्राप्त हुआ था।

श्लोक 87 (vishnu.3.18.87)

स्मृतजन्मक्रमः सोऽथ तत्याज स्वकलेवरम् । जज्ञे स जनकस्यैव पुत्रोऽसौ सुमहात्मनः

smṛtajanmakramaḥ so'tha tatyāja svakalevaram jajñe sa janakasyaiva putro'sau sumahātmanaḥ

अपने जन्मों के क्रम का स्मरण करते हुए, उसने अपने शरीर का त्याग कर दिया, और वह महात्मा जनक के ही पुत्र के रूप में उत्पन्न हुआ।

श्लोक 88 (vishnu.3.18.88)

ततः सा पितरं तन्वी विवहार्थमचोदयत् । स चापि कारयामास तस्या राजा स्वयंवरम्

tataḥ sā pitaraṁ tanvī vivahārthamacodayat sa cāpi kārayāmāsa tasyā rājā svayaṁvaram

फिर उस कोमलांगी ने अपने पिता को विवाह के लिए प्रेरित किया; उन राजा ने भी उसका स्वयंवर करवाया।

श्लोक 89 (vishnu.3.18.89)

स्वयंवरे कृते सा तं सम्प्राप्तं पतिमात्मनः । वरयामास भूयोऽपि भर्त्तृभावेन भामिनी

svayaṁvare kṛte sā taṁ samprāptaṁ patimātmanaḥ varayāmāsa bhūyo'pi bharttṛbhāvena bhāminī

स्वयंवर होने पर, वह भामिनी अपने ही प्राप्त हुए पति को पहचानकर, पुनः पति-भाव से उसे वरण करने लगी।

श्लोक 90 (vishnu.3.18.90)

बुभुजे च तया सार्द्धं सम्भोगान्नृपनन्दनः । पितर्युपरते राज्यं विदेहेषु चकार सः

bubhuje ca tayā sārddhaṁ sambhogānnṛpanandanaḥ pitaryuparate rājyaṁ videheṣu cakāra saḥ

राजपुत्र उसके साथ सुख-भोग करता रहा; पिता के परलोकवासी होने पर उसने विदेह-राज्य का शासन सम्भाला।

श्लोक 91 (vishnu.3.18.91)

इयाज यज्ञान् सुबहून् ददौ दानानि चार्थिनाम् । पुत्रानुत्पादयामास युयुधे च सहारिभिः

iyāja yajñān subahūn dadau dānāni cārthinām putrānutpādayāmāsa yuyudhe ca sahāribhiḥ

उसने अनेक यज्ञ किए, याचकों को दान दिए, पुत्र उत्पन्न किए, तथा शत्रुओं के साथ युद्ध भी किया।

श्लोक 92 (vishnu.3.18.92)

राज्यं भुक्त्वा यथान्यायं पालयित्वा वसुन्धराम् । तत्याज स प्रियान् प्राणान् संग्रामे धर्मतो नृपः

rājyaṁ bhuktvā yathānyāyaṁ pālayitvā vasundharām tatyāja sa priyān prāṇān saṁgrāme dharmato nṛpaḥ

राज्य का यथोचित उपभोग करके, पृथ्वी का पालन करके, उन राजा ने युद्ध में धर्मपूर्वक अपने प्रिय प्राणों का त्याग किया।

श्लोक 93 (vishnu.3.18.93)

ततश्चितास्थं तं भूयो भर्त्तारं सा शुभेक्षणा । अन्वारुरोह विधिवद् यथापूर्वं मुदान्विता

tataścitāsthaṁ taṁ bhūyo bharttāraṁ sā śubhekṣaṇā anvāruroha vidhivad yathāpūrvaṁ mudānvitā

फिर उस शुभनेत्रा [रानी] ने, आनन्दित होकर, पूर्ववत् विधिपूर्वक चितारूढ़ अपने उस पति का पुनः अनुगमन किया।

श्लोक 94 (vishnu.3.18.94)

ततोऽवाप तया सार्द्धं राजपुत्र्या स पार्थिवः । ऐन्द्रानतीत्य वै लोकाँल्लोकान् प्राप तदाक्षयान्

tato'vāpa tayā sārddhaṁ rājaputryā sa pārthivaḥ aindrānatītya vai lokām̐llokān prāpa tadākṣayān

इस प्रकार उस राजकुमारी के साथ उन राजा ने इन्द्रलोक को भी पार कर उन अक्षय लोकों को प्राप्त किया।

श्लोक 95 (vishnu.3.18.95)

स्वर्गाक्षयत्वमतुलं दाम्पत्यमतिदुर्लभम् । प्राप्तं पुण्यफलं प्राप्य संशुद्धिं तां द्विजोत्तम

svargākṣayatvamatulaṁ dāmpatyamatidurlabham prāptaṁ puṇyaphalaṁ prāpya saṁśuddhiṁ tāṁ dvijottama

हे द्विजोत्तम, वे अतुलनीय, अक्षय स्वर्ग-प्राप्ति, तथा अत्यन्त दुर्लभ दाम्पत्य [ऐक्य] को प्राप्त हुए -- यह पुण्य-फल उन्हें उस [अश्वमेध-स्नान से प्राप्त] शुद्धि के कारण मिला।

श्लोक 96 (vishnu.3.18.96)

एष पाषण्डसम्भाषाद्दोषः प्रोक्तो मया द्विज । तथाऽश्वमेधावभृथस्नानमाहात्म्यमेव च

eṣa pāṣaṇḍasambhāṣāddoṣaḥ prokto mayā dvija tathā'śvamedhāvabhṛthasnānamāhātmyameva ca

हे द्विज, यह पाषण्ड से बातचीत करने का दोष मेरे द्वारा तुम्हें बताया गया, और इसी प्रकार अश्वमेध के अवभृथ-स्नान की महिमा भी।

श्लोक 97 (vishnu.3.18.97)

तस्मात् पाषण्डिभिः पापैरालापस्पर्शनं त्यजेत् । विशेषतः क्रियाकाले यज्ञादौ चापि दीक्षितः

tasmāt pāṣaṇḍibhiḥ pāpairālāpasparśanaṁ tyajet viśeṣataḥ kriyākāle yajñādau cāpi dīkṣitaḥ

इसलिए पापी पाषण्डियों के साथ बातचीत और स्पर्श का त्याग करना चाहिए, विशेष रूप से क्रिया-काल में, यज्ञ आदि में दीक्षित रहते हुए भी।

श्लोक 98 (vishnu.3.18.98)

क्रियाहानिर्गृहे यस्य मासमेकं प्रजायते । तस्यावलोकनात् सूर्यं पश्येत मतिमान् नरः

kriyāhānirgṛhe yasya māsamekaṁ prajāyate tasyāvalokanāt sūryaṁ paśyeta matimān naraḥ

जिसके घर में एक मास तक भी क्रिया-हानि होती रहे, बुद्धिमान् मनुष्य उसे देखने के बाद सूर्य की ओर ही देखे।

श्लोक 99 (vishnu.3.18.99)

किं पुनर्यैस्तु सन्त्यक्ता त्रयी सर्वात्मना द्विज । पाषण्डभोजिभिः पापैर्वेदवादविरोधिभिः

kiṁ punaryaistu santyaktā trayī sarvātmanā dvija pāṣaṇḍabhojibhiḥ pāpairvedavādavirodhibhiḥ

हे द्विज, फिर उनकी तो बात ही क्या, जिन्होंने त्रयी को पूर्णतः त्याग दिया है, तथा जो पाषण्डियों का अन्न खाने वाले पापी, वेद-वाद के विरोधी हैं?

श्लोक 100 (vishnu.3.18.100)

सहालापस्तु संसर्गः सहास्या चातिपापिनी । पाषण्डिभिर्दुराचारैस्तस्मात्तान् परिवर्जयेत्

sahālāpastu saṁsargaḥ sahāsyā cātipāpinī pāṣaṇḍibhirdurācāraistasmāttān parivarjayet

उनके साथ बातचीत ही संसर्ग है, और उनके साथ हास्य भी अत्यन्त पापपूर्ण है; इसलिए दुराचारी पाषण्डियों को सर्वथा त्याग देना चाहिए।

श्लोक 101 (vishnu.3.18.101)

पाषण्डिनो विकर्मस्थान् वैडालव्रतिकाञ्छठान् । हैतुकान् वकवृत्तींश्च वाङ्मात्रेणापि नार्चयेत्

pāṣaṇḍino vikarmasthān vaiḍālavratikāñchaṭhān haitukān vakavṛttīṁśca vāṅmātreṇāpi nārcayet

विकर्म में स्थित पाषण्डियों, बिडाल-व्रती (बिल्ली-व्रत रखने वाले, कपटी) शठों, तर्कवादियों (हेतुकों), तथा बगुला-वृत्ति वालों की, वाणी-मात्र से भी अर्चना न करे।

श्लोक 102 (vishnu.3.18.102)

दूरतस्तैस्तु सम्पर्कः त्याज्यश्चाप्यतिपापिभिः । पाषण्डिभिर्दुराचारैस्तस्मात्तान् परिवर्जयेत्

dūratastaistu samparkaḥ tyājyaścāpyatipāpibhiḥ pāṣaṇḍibhirdurācāraistasmāttān parivarjayet

उनसे दूर से ही सम्पर्क का त्याग करना चाहिए, तथा अत्यन्त पापी लोगों को भी; इसलिए दुराचारी पाषण्डियों को सर्वथा त्याग देना चाहिए।

श्लोक 103 (vishnu.3.18.103)

एते नग्नास्तवाख्याता दृष्ट्या श्राद्धोपघातकाः । येषां सम्भाषणात् पुंसां दिनपुण्यं प्रणश्यति

ete nagnāstavākhyātā dṛṣṭyā śrāddhopaghātakāḥ yeṣāṁ sambhāṣaṇāt puṁsāṁ dinapuṇyaṁ praṇaśyati

ये 'नग्न' तुम्हें बताए गए हैं -- देखने मात्र से ही श्राद्ध को नष्ट करने वाले; जिनसे बातचीत करने पर मनुष्यों का दिन-भर का पुण्य नष्ट हो जाता है।

श्लोक 104 (vishnu.3.18.104)

एते पाषण्डिनः पापा न ह्येतानालपेद् बुधः । पुण्यं नश्यति सम्भाषादेतेषां तद्दिनोद्भवम्

ete pāṣaṇḍinaḥ pāpā na hyetānālaped budhaḥ puṇyaṁ naśyati sambhāṣādeteṣāṁ taddinodbhavam

ये पापी पाषण्डी हैं; बुद्धिमान् व्यक्ति को इनसे बातचीत नहीं करनी चाहिए; इनसे बातचीत करने से उस दिन उत्पन्न हुआ पुण्य नष्ट हो जाता है।

श्लोक 105 (vishnu.3.18.105)

पुंसां जटाधरणमौण्ड्यवतां वृथैव मोघाशिनामखिलशौचनिराकृतानाम् । तोयप्रदानपितृपिण्डबहिष्कृतानां सम्भाषणादपि नरा नरकं प्रयान्ति

puṁsāṁ jaṭādharaṇamauṇḍyavatāṁ vṛthaiva moghāśināmakhilaśaucanirākṛtānām toyapradānapitṛpiṇḍabahiṣkṛtānāṁ sambhāṣaṇādapi narā narakaṁ prayānti

जटा या मुण्डन धारण करने वाले, किन्तु वृथा ही ऐसा करने वाले, निष्फल भोजन करने वाले, समस्त शौच-कर्म से रहित, जल-दान और पितृ-पिण्ड से बहिष्कृत ऐसे पुरुषों के साथ बातचीत करने मात्र से भी मनुष्य नरक को प्राप्त होते हैं।