विष्णु का विश्वरूप-स्तवन और मायामोह की उत्पत्ति

श्लोक 1 (vishnu.3.17.1)

पराशर उवाच । इत्याह भगवानौर्वः सगराय महात्मने । सदाचारान् पुरा सम्यङ् मैत्रेय परिपृच्छते

parāśara uvāca ityāha bhagavānaurvaḥ sagarāya mahātmane sadācārān purā samyaṅ maitreya paripṛcchate

पराशर बोले -- हे मैत्रेय, इस प्रकार भगवान् और्व ने महात्मा सगर से कहा था, जब उन्होंने प्राचीन काल में भलीभाँति सदाचार के विषय में पूछा था।

श्लोक 2 (vishnu.3.17.2)

मयाप्येतदशेषेण कथितं भवतो द्विज । समुल्लङ्घ्य सदाचारं कश्चिन्नाप्नोति शोभनम्

mayāpyetadaśeṣeṇa kathitaṁ bhavato dvija samullaṅghya sadācāraṁ kaścinnāpnoti śobhanam

हे द्विज, यह सब मैंने भी तुम्हें पूर्णरूप से कह दिया है; सदाचार का उल्लंघन करके कोई भी मनुष्य कल्याण को प्राप्त नहीं करता।

श्लोक 3 (vishnu.3.17.3)

मैत्रेय उवाच । षण्डापविद्धप्रमुखा विदिता भगवन् मया । उदक्याद्याश्च ये सर्वे नग्नमिच्छामि वेदितुम्

maitreya uvāca ṣaṇḍāpaviddhapramukhā viditā bhagavan mayā udakyādyāśca ye sarve nagnamicchāmi veditum

मैत्रेय बोले -- हे भगवन्, षण्ढ (नपुंसक) और अपविद्ध (बहिष्कृत) आदि प्रमुखों को मैंने जान लिया है, तथा रजस्वला आदि जो भी हैं, उन्हें भी; अब मैं 'नग्न' के विषय में जानना चाहता हूँ।

श्लोक 4 (vishnu.3.17.4)

को नग्नः किंसमाचारो नग्नसंज्ञां नरो लभेत् । नग्नस्वरूपमिच्छामि यथावद्गदितं त्वया

ko nagnaḥ kiṁsamācāro nagnasaṁjñāṁ naro labhet nagnasvarūpamicchāmi yathāvadgaditaṁ tvayā

'नग्न' कौन है? किस आचरण से मनुष्य 'नग्न' नाम को प्राप्त होता है? मैं 'नग्न' के वास्तविक स्वरूप को जानना चाहता हूँ, जैसा आपने यथावत् कहा है।

श्लोक 5 (vishnu.3.17.5)

पराशर उवाच । ऋग्यजुःसामसंज्ञेयं त्रयी वर्णावृतिर्द्विज । एतामुज्झति यो मोहात्स नग्नः पातकी स्मृतः

parāśara uvāca ṛgyajuḥsāmasaṁjñeyaṁ trayī varṇāvṛtirdvija etāmujjhati yo mohātsa nagnaḥ pātakī smṛtaḥ

पराशर बोले -- ऋग्वेद, यजुर्वेद और सामवेद नाम की यह त्रयी ही, हे द्विज, वर्णों का आवरण-वस्त्र है; जो मोहवश इसे त्याग देता है, वही 'नग्न' और पापी कहा गया है।

श्लोक 6 (vishnu.3.17.6)

त्रयी समस्तवर्णानां द्विज संवरणं यतः । नग्नो भवत्युज्झितायामतस्तस्यामसंशयम्

trayī samastavarṇānāṁ dvija saṁvaraṇaṁ yataḥ nagno bhavatyujjhitāyāmatastasyāmasaṁśayam

त्रयी ही समस्त वर्णों का आवरण है, इसलिए, हे द्विज, उसके त्यागे जाने पर मनुष्य 'नग्न' हो जाता है -- इसमें कोई संशय नहीं है।

श्लोक 7 (vishnu.3.17.7)

इदं च श्रूयतामन्यद्भीष्माय सुमहात्मने । कथयामास धर्मज्ञो वसिष्ठोऽस्मत्पितामहः

idaṁ ca śrūyatāmanyadbhīṣmāya sumahātmane kathayāmāsa dharmajño vasiṣṭho'smatpitāmahaḥ

और यह भी सुनो, जो एक अन्य बात है, जो हमारे पितामह, धर्मज्ञ वसिष्ठ ने महात्मा भीष्म से कही थी।

श्लोक 8 (vishnu.3.17.8)

मयापि तस्य गदतः श्रुतमेतन्महात्मनः । नग्नसंबन्धि मैत्रेय यत्पृष्टोऽहमिह त्वया

mayāpi tasya gadataḥ śrutametanmahātmanaḥ nagnasaṁbandhi maitreya yatpṛṣṭo'hamiha tvayā

हे मैत्रेय, उन महात्मा के कहने पर मैंने भी यह सुना था, जो 'नग्न' से सम्बन्धित है, और जो तुमने अभी मुझसे पूछा है।

श्लोक 9 (vishnu.3.17.9)

देवासुरमभूद्युद्धं दिव्यमब्दं पुरा द्विज । तस्मिन् पराजिता देवा दैत्यैर्ह्रादपुरोगमैः

devāsuramabhūdyuddhaṁ divyamabdaṁ purā dvija tasmin parājitā devā daityairhrādapurogamaiḥ

हे द्विज, प्राचीन काल में देवों और असुरों के बीच एक दिव्य वर्ष तक चलने वाला युद्ध हुआ था; उसमें ह्राद-प्रमुख दैत्यों द्वारा देवगण पराजित हो गए।

श्लोक 10 (vishnu.3.17.10)

क्षीरोदस्योत्तरं कूलं गत्वातप्यन्त वै तपः । विष्णोराराधनार्थाय जगुश्चेमं स्तवं तदा

kṣīrodasyottaraṁ kūlaṁ gatvātapyanta vai tapaḥ viṣṇorārādhanārthāya jaguścemaṁ stavaṁ tadā

वे क्षीरसागर के उत्तर तट पर जाकर तपस्या करने लगे; और विष्णु की आराधना के लिए तब उन्होंने यह स्तव गाया।

श्लोक 11 (vishnu.3.17.11)

देवा ऊचुः । आराधनाय लोकानां विष्णोरीशस्य यां गिरम् । वक्ष्यामो भगवानाद्यस्तया विष्णुः प्रसीदतु

devā ūcuḥ ārādhanāya lokānāṁ viṣṇorīśasya yāṁ giram vakṣyāmo bhagavānādyastayā viṣṇuḥ prasīdatu

देवगण बोले -- लोकों के ईश्वर विष्णु की आराधना के लिए जो वाणी हम अब कहेंगे, हे आद्य भगवान्, उससे विष्णु प्रसन्न हों।

श्लोक 12 (vishnu.3.17.12)

यतो भूतान्यशेषाणि प्रसूतानि महात्मनः । यस्मिंश्च लयमेष्यन्ति कस्तं संस्तोतुमीश्वरः

yato bhūtānyaśeṣāṇi prasūtāni mahātmanaḥ yasmiṁśca layameṣyanti kastaṁ saṁstotumīśvaraḥ

जिन महात्मा से समस्त प्राणी उत्पन्न हुए हैं, और जिनमें वे पुनः लय को प्राप्त होंगे -- उन ईश्वर की स्तुति करने में कौन समर्थ है?

श्लोक 13 (vishnu.3.17.13)

तथाप्यरातिविध्वंसध्वस्तवीर्या भवार्थिनः । त्वां स्तोष्यामस्तवोक्तीनां याथार्थ्यं नैव गोचरे

tathāpyarātividhvaṁsadhvastavīryā bhavārthinaḥ tvāṁ stoṣyāmastavoktīnāṁ yāthārthyaṁ naiva gocare

फिर भी, शत्रुओं के विनाश से जिनका बल नष्ट हो चुका है, ऐसे हम संसार से मुक्ति चाहने वाले, आपकी स्तुति करेंगे, यद्यपि हमारे इन स्तुति-वचनों की यथार्थता आपके विषय में सम्भव ही नहीं है।

श्लोक 14 (vishnu.3.17.14)

त्वमुर्वी सलिलं वह्निर्वायुराकाशमेव च । समस्तमन्तःकरणं प्रधानं तत्परः पुमान्

tvamurvī salilaṁ vahnirvāyurākāśameva ca samastamantaḥkaraṇaṁ pradhānaṁ tatparaḥ pumān

आप ही पृथ्वी, जल, अग्नि, वायु और आकाश हैं; आप ही सम्पूर्ण अन्तःकरण, प्रधान (मूल प्रकृति), और उससे परे तत्पर पुरुष भी हैं।

श्लोक 15 (vishnu.3.17.15)

एकं तवैतद्भूतात्मन् मूर्तामूर्तमयं वपुः । आब्रह्मस्तम्बपर्यन्तं स्थानकालविभेदवत्

ekaṁ tavaitadbhūtātman mūrtāmūrtamayaṁ vapuḥ ābrahmastambaparyantaṁ sthānakālavibhedavat

हे भूतात्मन्, आपका यह एक ही शरीर मूर्त और अमूर्त दोनों रूपों वाला है, जो ब्रह्मा से लेकर तृण-पर्यन्त, स्थान और काल के भेद से युक्त है।

श्लोक 16 (vishnu.3.17.16)

तत्रेश तव यत्पूर्वं त्वन्नाभिकमलोद्भवम् । रूपं सर्गोपकाराय तस्मै ब्रह्मात्मने नमः

tatreśa tava yatpūrvaṁ tvannābhikamalodbhavam rūpaṁ sargopakārāya tasmai brahmātmane namaḥ

हे ईश, आपकी नाभि-कमल से उत्पन्न वह जो पूर्व रूप है, सृष्टि के उपकार के लिए है -- उस ब्रह्मस्वरूप को नमस्कार है।

श्लोक 17 (vishnu.3.17.17)

शक्रार्करुद्रवस्वश्विमरुत्सोमादिभेदवत् । वयमेवं स्वरूपं ते तस्मै देवात्मने नमः

śakrārkarudravasvaśvimarutsomādibhedavat vayamevaṁ svarūpaṁ te tasmai devātmane namaḥ

इन्द्र, सूर्य, रुद्र, वसुगण, अश्विनीकुमार, मरुत्, सोम आदि भेदों वाला जो रूप है, जिसमें हम स्वयं स्थित हैं -- उस देवस्वरूप को नमस्कार है।

श्लोक 18 (vishnu.3.17.18)

दम्भप्रायमसंबोधि तितिक्षादमवर्जितम् । यद्रूपं तव गोविन्द तस्मै दैत्यात्मने नमः

dambhaprāyamasaṁbodhi titikṣādamavarjitam yadrūpaṁ tava govinda tasmai daityātmane namaḥ

हे गोविन्द, जो रूप प्रायः दम्भमय, अज्ञान से युक्त, सहनशीलता और संयम से रहित है -- उस दैत्यस्वरूप को नमस्कार है।

श्लोक 19 (vishnu.3.17.19)

नातिज्ञानवहा यस्मिन्नाड्यः स्तिमिततेजसि । शब्दादिलोभि यत्तस्मै तुभ्यं यक्षात्मने नमः

nātijñānavahā yasminnāḍyaḥ stimitatejasi śabdādilobhi yattasmai tubhyaṁ yakṣātmane namaḥ

जिसमें नाड़ियाँ अधिक ज्ञान का वहन नहीं करतीं, जिसका तेज मन्द पड़ गया है, और जो शब्दादि विषयों का लोभी है -- उस यक्षस्वरूप को आपको नमस्कार है।

श्लोक 20 (vishnu.3.17.20)

क्रौर्यमायामयं घोरं यच्च रूपं तवासितम् । निशाचरात्मने तस्मै नमस्ते पुरुषोत्तम

krauryamāyāmayaṁ ghoraṁ yacca rūpaṁ tavāsitam niśācarātmane tasmai namaste puruṣottama

हे पुरुषोत्तम, और जो आपका क्रूरता एवं माया से युक्त, घोर, काला रूप है -- उस निशाचर-स्वरूप को आपको नमस्कार है।

श्लोक 21 (vishnu.3.17.21)

स्वर्गस्थधर्मिसद्धर्मफलोपकरणं तव । धर्माख्यं च तथा रूपं नमस्तस्मै जनार्दन

svargasthadharmisaddharmaphalopakaraṇaṁ tava dharmākhyaṁ ca tathā rūpaṁ namastasmai janārdana

हे जनार्दन, स्वर्गस्थ सद्धर्मी जनों को धर्म-फल का साधन प्रदान करने वाला, तथा धर्म नामक जो रूप है, उसे नमस्कार है।

श्लोक 22 (vishnu.3.17.22)

हर्षप्रायमसंसर्गि गतिमद्गमनादिषु । सिद्धात्मंस्तव यद्रूपं तस्मै सिद्धात्मने नमः

harṣaprāyamasaṁsargi gatimadgamanādiṣu siddhātmaṁstava yadrūpaṁ tasmai siddhātmane namaḥ

हे सिद्धात्मन्, जो रूप प्रायः हर्षमय, असंसर्गी (अनासक्त), तथा गमन आदि में गति-शक्ति से युक्त है -- उस सिद्धस्वरूप को नमस्कार है।

श्लोक 23 (vishnu.3.17.23)

अतितिक्षाधनं क्रूरमुपभोगसहं हरे । द्विजिह्वं तव यद्रूपं तस्मै सर्पात्मने नमः

atitikṣādhanaṁ krūramupabhogasahaṁ hare dvijihvaṁ tava yadrūpaṁ tasmai sarpātmane namaḥ

हे हरे, जो रूप अल्प-सहनशील, क्रूर, [दुःख] सहने में समर्थ, तथा द्विजिह्व (दो-मुँहा) है -- उस सर्पस्वरूप को नमस्कार है।

श्लोक 24 (vishnu.3.17.24)

अवबोधि च यच्छान्तमदोषमपकल्मषम् । ऋषिरूपात्मने तस्मै विष्णो रूपाय ते नमः

avabodhi ca yacchāntamadoṣamapakalmaṣam ṛṣirūpātmane tasmai viṣṇo rūpāya te namaḥ

और जो रूप जागृत, शान्त, दोष-रहित तथा कल्मष-रहित है -- हे विष्णो, उस ऋषि-स्वरूप वाले आपके रूप को नमस्कार है।

श्लोक 25 (vishnu.3.17.25)

भक्षयत्यथ कल्पान्ते भूतानि यदवारितम् । त्वद्रूपं पुण्डरीकाक्ष तस्मै कालात्मने नमः

bhakṣayatyatha kalpānte bhūtāni yadavāritam tvadrūpaṁ puṇḍarīkākṣa tasmai kālātmane namaḥ

हे पुण्डरीकाक्ष, कल्प के अन्त में जो अनियन्त्रित होकर समस्त प्राणियों को निगल जाता है, वह आपका रूप -- उस कालस्वरूप को नमस्कार है।

श्लोक 26 (vishnu.3.17.26)

सम्भक्ष्य सर्वभूतानि देवादीन्यविशेषतः । नृत्यत्यन्ते च यद्रूपं तस्मै रुद्रात्मने नमः

sambhakṣya sarvabhūtāni devādīnyaviśeṣataḥ nṛtyatyante ca yadrūpaṁ tasmai rudrātmane namaḥ

देवों सहित समस्त प्राणियों को बिना भेदभाव के निगलकर, अन्त में जो नृत्य करता है, वह रूप -- उस रुद्रस्वरूप को नमस्कार है।

श्लोक 27 (vishnu.3.17.27)

प्रवृत्त्या रजसो यच्च कर्मणां कारणात्मकम् । जनार्दन नमस्तस्मै त्वद्रूपाय नरात्मने

pravṛttyā rajaso yacca karmaṇāṁ kāraṇātmakam janārdana namastasmai tvadrūpāya narātmane

हे जनार्दन, रजोगुण की प्रवृत्ति से जो कर्मों का कारणस्वरूप है, आपके उस नरस्वरूप को नमस्कार है।

श्लोक 28 (vishnu.3.17.28)

अष्टाविंशद्वधोपेतं यद्रूपं तामसं तव । उन्मार्गगामि सर्वात्मंस्तस्मै पश्वात्मने नमः

aṣṭāviṁśadvadhopetaṁ yadrūpaṁ tāmasaṁ tava unmārgagāmi sarvātmaṁstasmai paśvātmane namaḥ

हे सर्वात्मन्, अट्ठाईस प्रकार के बन्धनों से युक्त, कुमार्गगामी, आपका जो तामसिक रूप है -- उस पशु-स्वरूप को नमस्कार है।

श्लोक 29 (vishnu.3.17.29)

यज्ञाङ्गभूतं यद्रूपं जगतः सिद्धिसाधनम् । वृक्षादिभेदैर्यद्भेदि तस्मै मुख्यात्मने नमः

yajñāṅgabhūtaṁ yadrūpaṁ jagataḥ siddhisādhanam vṛkṣādibhedairyadbhedi tasmai mukhyātmane namaḥ

यज्ञ के अंगस्वरूप, जगत् की सिद्धि का साधन, तथा वृक्षादि के भेदों से विभक्त जो रूप है -- उस मुख्य-स्वरूप को नमस्कार है।

श्लोक 30 (vishnu.3.17.30)

तिर्यङ्मनुष्यदेवादिव्योमशब्दादिकं च यत् । रूपं तवादेः सर्वस्य तस्मै सर्वात्मने नमः

tiryaṅmanuṣyadevādivyomaśabdādikaṁ ca yat rūpaṁ tavādeḥ sarvasya tasmai sarvātmane namaḥ

तिर्यक्, मनुष्य, देव आदि, आकाश, शब्द आदि -- इन सबका जो आदिस्वरूप रूप है, उस सर्वात्मस्वरूप को नमस्कार है।

श्लोक 31 (vishnu.3.17.31)

प्रधानबुद्ध्यादिमयादशेषाद्यदन्यदस्मात्परमं परात्मन् । रूपं तवाद्यं न यदन्यतुल्यं तस्मै नमः कारणकारणाय

pradhānabuddhyādimayādaśeṣādyadanyadasmātparamaṁ parātman rūpaṁ tavādyaṁ na yadanyatulyaṁ tasmai namaḥ kāraṇakāraṇāya

हे परात्मन्, प्रधान-बुद्धि आदि से युक्त इस सम्पूर्ण [जगत्] से जो भिन्न, इससे परे, अद्वितीय आद्य रूप है -- उस कारणों के भी कारणस्वरूप को नमस्कार है।

श्लोक 32 (vishnu.3.17.32)

शुक्लादिदीर्घादिघनादिहीनमगोचरे यच्च विशेषणानाम् । शुद्धातिशुद्धं परमर्षिदृश्यं रूपाय तस्मै भगवन्नताः स्मः

śuklādidīrghādighanādihīnamagocare yacca viśeṣaṇānām śuddhātiśuddhaṁ paramarṣidṛśyaṁ rūpāya tasmai bhagavannatāḥ smaḥ

जो शुक्ल आदि वर्ण, दीर्घ आदि आकार, तथा घनत्व आदि विशेषणों से रहित और उनकी पहुँच से परे है, जो शुद्ध से भी अति शुद्ध है, तथा केवल परम ऋषियों को ही दृष्टिगोचर होता है -- हे भगवन्, उस रूप को हम नमस्कार करते हैं।

श्लोक 33 (vishnu.3.17.33)

यन्नः शरीरेषु यदन्यदेहेष्वशेषवस्तुष्वजमव्ययं यत् । यस्माच्च नान्यद्व्यतिरिक्तमस्ति ब्रह्मस्वरूपाय नताः स्म तस्मै

yannaḥ śarīreṣu yadanyadeheṣvaśeṣavastuṣvajamavyayaṁ yat yasmācca nānyadvyatiriktamasti brahmasvarūpāya natāḥ sma tasmai

जो हमारे शरीरों में, तथा अन्य समस्त शरीरों में, समस्त वस्तुओं में विद्यमान है, जो अजन्मा और अविनाशी है, तथा जिससे भिन्न अन्य कुछ भी नहीं है -- उस ब्रह्मस्वरूप को हम नमस्कार करते हैं।

श्लोक 34 (vishnu.3.17.34)

सकलमिदमजस्य यस्य रूपं परमपदात्मवतः सनातनस्य । तमनिधनमशेषबीजभूतं प्रभुममलं प्रणताः स्म वासुदेवम्

sakalamidamajasya yasya rūpaṁ paramapadātmavataḥ sanātanasya tamanidhanamaśeṣabījabhūtaṁ prabhumamalaṁ praṇatāḥ sma vāsudevam

यह सम्पूर्ण जगत् जिनका रूप है, जो अजन्मा, परम पद स्वरूप, सनातन हैं -- उन अविनाशी, समस्त बीजों के मूलस्वरूप, निर्मल प्रभु वासुदेव को हम प्रणाम करते हैं।

श्लोक 35 (vishnu.3.17.35)

पराशर उवाच । स्तोत्रस्यास्यावसाने तु ददृशुः परमेश्वरम् । शङ्खचक्रगदापाणिं गरुडस्थं सुरा हरिम्

parāśara uvāca stotrasyāsyāvasāne tu dadṛśuḥ parameśvaram śaṅkhacakragadāpāṇiṁ garuḍasthaṁ surā harim

पराशर बोले -- इस स्तोत्र के समाप्त होने पर, देवताओं ने शंख, चक्र और गदा हाथों में लिए, गरुड़ पर आरूढ़ परमेश्वर हरि के दर्शन किए।

श्लोक 36 (vishnu.3.17.36)

तमूचुः सकला देवाः प्रणिपातपुरःसरम् । प्रसीद देव दैत्येभ्यस्त्राहीति शरणार्थिनः

tamūcuḥ sakalā devāḥ praṇipātapuraḥsaram prasīda deva daityebhyastrāhīti śaraṇārthinaḥ

समस्त देवताओं ने प्रणाम करते हुए उनसे कहा -- 'हे देव, प्रसन्न हों; शरणार्थी हम पर दैत्यों से रक्षा करें।'

श्लोक 37 (vishnu.3.17.37)

त्रैलोक्यं यज्ञभागाश्च दैत्यैर्ह्रादपुरोगमैः । हृतं नो ब्रह्मणोऽप्याज्ञामुल्लङ्घ्य परमेश्वर

trailokyaṁ yajñabhāgāśca daityairhrādapurogamaiḥ hṛtaṁ no brahmaṇo'pyājñāmullaṅghya parameśvara

'हे परमेश्वर, ह्राद-प्रमुख दैत्यों द्वारा त्रिलोक और यज्ञ-भाग, ब्रह्मा की आज्ञा का भी उल्लंघन करके, हमसे छीन लिए गए हैं।'

श्लोक 38 (vishnu.3.17.38)

यद्यप्यशेषभूतस्य वयं ते च तवांशकाः । तथाप्यविद्याभेदेन भिन्नं पश्यामहे जगत्

yadyapyaśeṣabhūtasya vayaṁ te ca tavāṁśakāḥ tathāpyavidyābhedena bhinnaṁ paśyāmahe jagat

'यद्यपि हम और वे [दैत्य] भी, सम्पूर्ण भूतों के स्वरूप आप ही के अंश हैं, फिर भी अविद्या के भेद से हम इस जगत् को विभाजित हुआ देखते हैं।'

श्लोक 39 (vishnu.3.17.39)

स्ववर्णधर्माभिरता वेदमार्गानुसारिणः । न शक्यास्तेऽरयो हन्तुमस्माभिस्तपसान्विताः

svavarṇadharmābhiratā vedamārgānusāriṇaḥ na śakyāste'rayo hantumasmābhistapasānvitāḥ

'वे अपने-अपने वर्ण-धर्म में तत्पर, वेद-मार्ग के अनुयायी, तपस्या से युक्त शत्रु हमारे द्वारा मारे नहीं जा सकते।'

श्लोक 40 (vishnu.3.17.40)

तमुपायमशेषात्मन्नस्माकं दातुमर्हसि । येन तानसुरान् हन्तुं भवेम भगवन् क्षमाः

tamupāyamaśeṣātmannasmākaṁ dātumarhasi yena tānasurān hantuṁ bhavema bhagavan kṣamāḥ

'हे सर्वात्मन्, वह उपाय आप हमें प्रदान करने योग्य हैं, जिससे हम उन असुरों को मारने में समर्थ हो सकें, हे भगवन्।'

श्लोक 41 (vishnu.3.17.41)

पराशर उवाच । इत्युक्तो भगवांस्तेभ्यो मायामोहं शरीरतः । समुत्पाद्य ददौ विष्णुः प्राह चेदं सुरोत्तमान्

parāśara uvāca ityukto bhagavāṁstebhyo māyāmohaṁ śarīrataḥ samutpādya dadau viṣṇuḥ prāha cedaṁ surottamān

पराशर बोले -- इस प्रकार कहे जाने पर, भगवान् विष्णु ने अपने ही शरीर से मायामोह को उत्पन्न कर उन्हें दिया, और श्रेष्ठ देवताओं से यह कहा --

श्लोक 42 (vishnu.3.17.42)

मायामोहोऽयमखिलान् दैत्यांस्तान् मोहयिष्यति । ततो वध्या भविष्यन्ति वेदमार्गबहिष्कृताः

māyāmoho'yamakhilān daityāṁstān mohayiṣyati tato vadhyā bhaviṣyanti vedamārgabahiṣkṛtāḥ

'यह मायामोह समस्त उन दैत्यों को मोहित कर देगा; फिर वेद-मार्ग से बहिष्कृत होकर वे वध के योग्य हो जाएँगे।'

श्लोक 43 (vishnu.3.17.43)

स्थितौ स्थितस्य मे वध्या यावन्तः परिपन्थिनः । ब्रह्मणो ह्यधिकारस्य देवा दैत्यादिकाः सुराः

sthitau sthitasya me vadhyā yāvantaḥ paripanthinaḥ brahmaṇo hyadhikārasya devā daityādikāḥ surāḥ

'स्थिति-कार्य में स्थित मेरे लिए, ब्रह्मा के अधिकार के जितने भी बाधक हैं -- चाहे देव हों, दैत्य हों, या अन्य कोई सुर हों -- वे सब वध्य हैं।'

श्लोक 44 (vishnu.3.17.44)

तद्गच्छत न भीः कार्या मायामोहोऽयमग्रतः । गच्छत्वद्योपकाराय भवतां भविता सुराः

tadgacchata na bhīḥ kāryā māyāmoho'yamagrataḥ gacchatvadyopakārāya bhavatāṁ bhavitā surāḥ

'इसलिए जाओ, भय मत करो; यह मायामोह तुम्हारे आगे-आगे जाएगा। आज तुम्हारे उपकार के लिए ही यह जाएगा, हे देवगण।'

श्लोक 45 (vishnu.3.17.45)

पराशर उवाच । इत्युक्ताः प्रणिपत्यैनं ययुर्देवा यथागतम् । मायामोहोऽपि तैः सार्धं ययौ यत्र महासुराः

parāśara uvāca ityuktāḥ praṇipatyainaṁ yayurdevā yathāgatam māyāmoho'pi taiḥ sārdhaṁ yayau yatra mahāsurāḥ

पराशर बोले -- इस प्रकार कहे जाने पर देवगण उन्हें प्रणाम करके जिस मार्ग से आए थे, उसी मार्ग से लौट गए; और मायामोह भी उनके साथ ही वहाँ गया, जहाँ महाअसुर थे।