श्राद्ध के योग्य-अयोग्य भोजन और गया का माहात्म्य

श्लोक 1 (vishnu.3.16.1)

और्व उवाच हविष्यमत्स्यमांसैस्तु शशस्य नकुलस्य च । सौकरच्छागलैणेयरौरवैर्गवयेन च

aurva uvāca haviṣyamatsyamāṁsaistu śaśasya nakulasya ca saukaracchāgalaiṇeyarauravairgavayena ca

और्व बोले -- हविष्य, मछली और मांस से, तथा खरगोश, नकुल (या पक्षी), शूकर, बकरा, कृष्णमृग, रुरु मृग और गवय के मांस से,

श्लोक 2 (vishnu.3.16.2)

औरभ्रगव्यैश्च तथा मासवृद्ध्या पितामहाः । प्रयान्ति तृप्तिं मांसैस्तु नित्यं वाध्रीणसामिषैः

aurabhragavyaiśca tathā māsavṛddhyā pitāmahāḥ prayānti tṛptiṁ māṁsaistu nityaṁ vādhrīṇasāmiṣaiḥ

तथा भेड़ और गाय के मांस से भी, महीने-दर-महीने बढ़ती हुई अवधि के साथ, पितामह तृप्ति को प्राप्त होते हैं; तथा वार्ध्रीणस-मांस से सदा ही [तृप्त होते हैं]।

श्लोक 3 (vishnu.3.16.3)

खड्गमांसमतीवात्र कालशाकं तथा मधु । शस्तानि कर्मण्यत्यन्ततृप्तिदानि नरेश्वर

khaḍgamāṁsamatīvātra kālaśākaṁ tathā madhu śastāni karmaṇyatyantatṛptidāni nareśvara

हे नरेश्वर, गैंडे का मांस, कालशाक (एक विशेष साग), तथा मधु -- ये इस कर्म में विशेष रूप से प्रशस्त हैं, और अत्यन्त तृप्तिदायक हैं।

श्लोक 4 (vishnu.3.16.4)

गयामुपेत्य यः श्राद्धं करोति पृथिवीपते । सफलं तस्य तज्जन्म जायते पितृतुष्टिदम्

gayāmupetya yaḥ śrāddhaṁ karoti pṛthivīpate saphalaṁ tasya tajjanma jāyate pitṛtuṣṭidam

हे पृथ्वीपते, जो व्यक्ति गया जाकर श्राद्ध करता है, उसका वह जन्म सफल हो जाता है, और वह पितरों को सन्तुष्ट करने वाला बनता है।

श्लोक 5 (vishnu.3.16.5)

प्रशान्तिकास्सनीवाराः श्यामाका द्विविधास्तथा । वन्यौषधीप्रधानास्तु श्राद्धार्हाः पुरुषर्षभ

praśāntikāssanīvārāḥ śyāmākā dvividhāstathā vanyauṣadhīpradhānāstu śrāddhārhāḥ puruṣarṣabha

प्रशातिका, सांवा चावल, तथा दो प्रकार के श्यामाक धान्य -- हे पुरुषर्षभ, वन्य ओषधियों में प्रमुख ये सब श्राद्ध के योग्य हैं।

श्लोक 6 (vishnu.3.16.6)

यवाः प्रियङ्गवो मुद्गा गोधूमा व्रीहयस्तिलाः । निष्पावाः कोविदाराश्च सर्षपाश्चात्र शोभनाः

yavāḥ priyaṅgavo mudgā godhūmā vrīhayastilāḥ niṣpāvāḥ kovidārāśca sarṣapāścātra śobhanāḥ

जौ, प्रियंगु (काकुन), मूँग, गेहूँ, चावल, तिल, निष्पाव (सेम), कोविदार (कचनार) -- और यहाँ सरसों भी शुभ हैं।

श्लोक 7 (vishnu.3.16.7)

अकृताग्रयणं यच्च धान्यजातं नरेश्वर । राजमाषानणूंश्चैव मसूरांश्च विसर्जयेत्

akṛtāgrayaṇaṁ yacca dhānyajātaṁ nareśvara rājamāṣānaṇūṁścaiva masūrāṁśca visarjayet

हे नरेश्वर, जिस धान्य-जाति का अग्रयण (नए अन्न का प्रथम अर्पण) न किया गया हो, उसे वर्जित करे; तथा राजमाष, अणु और मसूर को भी वर्जित करे।

श्लोक 8 (vishnu.3.16.8)

अलाबुं गृञ्जनं चैव पलाण्डुं पिण्डमूलकम् । गान्धारककरम्बादिलवणान्यौषराणि च

alābuṁ gṛñjanaṁ caiva palāṇḍuṁ piṇḍamūlakam gāndhārakakarambādilavaṇānyauṣarāṇi ca

लौकी, गाजर, प्याज, पिण्डमूलक (एक कन्द), गन्धारक, कराम्ब (एक व्यंजन), साधारण नमक तथा ऊषर-भूमि का नमक,

श्लोक 9 (vishnu.3.16.9)

आरक्ताश्चैव निर्यासाः प्रत्यक्षलवणानि च । वर्ज्यान्येतानि वै श्राद्धे यच्च वाचा न शस्यते

āraktāścaiva niryāsāḥ pratyakṣalavaṇāni ca varjyānyetāni vai śrāddhe yacca vācā na śasyate

तथा लाल रंग के गोंद-रस, तथा जो नमक साक्षात् दिखाई दे -- ये सब श्राद्ध में वर्जित हैं, तथा जो कुछ भी वाणी से अप्रशस्त कहा गया हो, वह भी।

श्लोक 10 (vishnu.3.16.10)

नक्ताहृतमनुच्छिन्नं तृप्यते न च यत्र गौः । दुर्गन्धि फेनिलं चाम्बु श्राद्धयोग्यं न पार्थिव

naktāhṛtamanucchinnaṁ tṛpyate na ca yatra gauḥ durgandhi phenilaṁ cāmbu śrāddhayogyaṁ na pārthiva

हे पार्थिव, जो रात में लाया गया हो और खोला न गया हो, जिससे गाय भी तृप्त न हो, तथा दुर्गन्धित और झागदार जल -- ये श्राद्ध के योग्य नहीं हैं।

श्लोक 11 (vishnu.3.16.11)

क्षीरमेकशफानां यदौष्ट्रमाविकमेव च । मार्गं च माहिषं चैव वर्जयेच्छ्राद्धकर्मणि

kṣīramekaśaphānāṁ yadauṣṭramāvikameva ca mārgaṁ ca māhiṣaṁ caiva varjayecchrāddhakarmaṇi

एक खुर वाले पशुओं का दूध, तथा ऊँटनी और भेड़ का दूध भी, हिरणी का तथा भैंस का दूध भी -- इन्हें श्राद्ध-कर्म में वर्जित करे।

श्लोक 12 (vishnu.3.16.12)

षण्ढापविद्धचाण्डालपापिपाषण्डिरोगिभिः । कृकवाकुश्वननग्नैश्च वानरग्रामसूकरैः

ṣaṇḍhāpaviddhacāṇḍālapāpipāṣaṇḍirogibhiḥ kṛkavākuśvananagnaiśca vānaragrāmasūkaraiḥ

नपुंसक, बहिष्कृत, चाण्डाल, पापी, पाषण्डी, रोगी, मुर्गा, कुत्ता, नग्न व्यक्ति, बन्दर, ग्राम्य शूकर,

श्लोक 13 (vishnu.3.16.13)

उदक्यासूतकाशौचिमृतहारैश्च वीक्षिते । श्राद्धे सुरा न पितरो भुञ्जते पुरुषर्षभ

udakyāsūtakāśaucimṛtahāraiśca vīkṣite śrāddhe surā na pitaro bhuñjate puruṣarṣabha

रजस्वला स्त्री, सूतक और अशौच से युक्त व्यक्ति, तथा शव उठाने वाले -- हे पुरुषर्षभ, इनके द्वारा देखे गए श्राद्ध का पितृगण भोजन नहीं करते।

श्लोक 14 (vishnu.3.16.14)

तस्मात्परिश्रिते कुर्याच्छ्राद्धं श्रद्धासमन्वितः । उर्व्यां च तिलविक्षेपाद्यातुधानान्निवारयेत्

tasmātpariśrite kuryācchrāddhaṁ śraddhāsamanvitaḥ urvyāṁ ca tilavikṣepādyātudhānānnivārayet

इसलिए श्रद्धायुक्त होकर घिरे हुए (आच्छादित) स्थान में ही श्राद्ध करे, तथा भूमि पर तिल बिखेरकर राक्षसों को दूर रखे।

श्लोक 15 (vishnu.3.16.15)

न पूतिना चोपपन्नं केशकीटादिभिर्नृप । न चैवाभिषवैर्मिश्रमन्नं पर्युषितं तथा

na pūtinā copapannaṁ keśakīṭādibhirnṛpa na caivābhiṣavairmiśramannaṁ paryuṣitaṁ tathā

हे राजन्, जो सड़ा-गला न हो, तथा बाल-कीड़े आदि से युक्त न हो, और जो मादक पेय से मिश्रित न हो, और बासी भी न हो [ऐसा अन्न ही श्राद्ध में उपयुक्त है]।

श्लोक 16 (vishnu.3.16.16)

श्रद्धासमन्वितैर्दत्तं पितृभ्यो नामगोत्रतः । यदाहारास्तु ते जातास्तदाहारत्वमेति तत्

śraddhāsamanvitairdattaṁ pitṛbhyo nāmagotrataḥ yadāhārāstu te jātāstadāhāratvameti tat

श्रद्धापूर्वक नाम और गोत्र लेकर पितरों को जो दिया जाता है, वे जिस भी रूप में उत्पन्न हुए हों, वह अन्न उन्हीं के अनुरूप आहार बन जाता है।

श्लोक 17 (vishnu.3.16.17)

श्रूयते चापि पितृभिर्गीता गाथा महीपते । इक्ष्वाकोर्मनुपुत्रस्य कलापोपवने पुरा

śrūyate cāpi pitṛbhirgītā gāthā mahīpate ikṣvākormanuputrasya kalāpopavane purā

हे महीपते, यह भी सुना जाता है कि प्राचीन काल में मनु के पुत्र इक्ष्वाकु के कलाप-उपवन में पितरों द्वारा एक गाथा गाई गई थी।

श्लोक 18 (vishnu.3.16.18)

अपि नस्ते भविष्यन्ति कुले सन्मार्गशीलिनः । गयामुपेत्य ये पिण्डान् दास्यन्त्यस्माकमादरात्

api naste bhaviṣyanti kule sanmārgaśīlinaḥ gayāmupetya ye piṇḍān dāsyantyasmākamādarāt

'क्या हमारे कुल में सन्मार्गी लोग होंगे, जो गया जाकर आदरपूर्वक हमारे लिए पिण्ड अर्पित करेंगे?

श्लोक 19 (vishnu.3.16.19)

अपि नः स कुले जायाद्यो नो दद्यात् त्रयोदशीम् । पायसं मधुसर्पिर्भ्यां वर्षासु च मघासु च

api naḥ sa kule jāyādyo no dadyāt trayodaśīm pāyasaṁ madhusarpirbhyāṁ varṣāsu ca maghāsu ca

क्या हमारे कुल में वह उत्पन्न होगा, जो हमें त्रयोदशी को, वर्षा ऋतु में और मघा नक्षत्र में, मधु और घृत सहित खीर अर्पित करेगा?

श्लोक 20 (vishnu.3.16.20)

गौरीं वाप्युद्वहेत् कन्यां नीलं वा वृषमुत्सृजेत् । यजेत वाश्वमेधेन विधिवद्दक्षिणावता

gaurīṁ vāpyudvahet kanyāṁ nīlaṁ vā vṛṣamutsṛjet yajeta vāśvamedhena vidhivaddakṣiṇāvatā

अथवा जो गौरी (कुँवारी) कन्या का विवाह कराएगा, या नीले वृष (बैल) को [शिव के निमित्त] मुक्त करेगा, अथवा विधिपूर्वक दक्षिणा-सहित अश्वमेध यज्ञ करेगा?'