वैवस्वत मनु का वंश-वर्णन

श्लोक 1 (vishnu.4.1.1)

मैत्रेय उवाच। भगवन् यन्नरैः कार्यं साधुकर्मण्यवस्थितैः । तन्मह्यं गुरुणाख्यातं नित्यनैमित्तिकात्मकम्

maitreya uvāca| bhagavan yannaraiḥ kāryaṁ sādhukarmaṇyavasthitaiḥ | tanmahyaṁ guruṇākhyātaṁ nityanaimittikātmakam

मैत्रेय ने कहा — हे भगवन्! सत्कर्म में स्थित मनुष्यों के जो नित्य और नैमित्तिक कर्तव्य हैं, वे मुझे गुरुदेव द्वारा बताए जा चुके हैं।

श्लोक 2 (vishnu.4.1.2)

वर्णधर्मास्तथाख्याता धर्मा ये चाश्रमेषु च । श्रोतुमिच्छाम्यहं वंशं राज्ञां तद्ब्रूहि मे गुरो

varṇadharmāstathākhyātā dharmā ye cāśrameṣu ca | śrotumicchāmyahaṁ vaṁśaṁ rājñāṁ tadbrūhi me guro

वर्णों के धर्म और आश्रमों के धर्म भी इसी प्रकार बताए जा चुके हैं। अब मैं राजाओं का वंश सुनना चाहता हूँ, हे गुरो! वह मुझे कहिए।

श्लोक 3 (vishnu.4.1.3)

श्रीपराशर उवाच मैत्रेय श्रूयताम् अयम् अनेक-यज्व-शूर-वीर-धीर-भूपाल-अलङ्कृतो ब्रह्मादिः मानवो वंशः

śrīparāśara uvāca maitreya śrūyatām ayam aneka-yajva-śūra-vīra-dhīra-bhūpāla-alaṅkṛto brahmādiḥ mānavo vaṁśaḥ

श्री पराशर ने कहा — हे मैत्रेय! सुनो, यह ब्रह्मा से आरम्भ होने वाला मनु का वंश है, जो अनेक यज्ञकर्ता, शूरवीर, वीर और धीर राजाओं से अलंकृत है।

श्लोक 4 (vishnu.4.1.4)

तदस्य वंशस्य आनुपूर्वीम् अशेष-वंश-पाप-प्रणाशनाय मैत्रेयैतां कथां शृणु

tadasya vaṁśasya ānupūrvīm aśeṣa-vaṁśa-pāpa-praṇāśanāya maitreyaitāṁ kathāṁ śṛṇu

हे मैत्रेय! इस वंश का यह क्रमिक वृत्तान्त सुनो, जो अपने ही कुल के समस्त पापों का नाश करने वाला है।

श्लोक 5 (vishnu.4.1.5)

तद्यथा सकलजगताम् आदिः अनादिभूतः सः ऋग्यजुस्सामादिमयो भगवान् विष्णुः तस्य ब्रह्मणो मूर्तं रूपं हिरण्यगर्भो ब्रह्माण्डभूतो ब्रह्मा भगवान् प्राग्बभूव

tadyathā sakalajagatām ādiḥ anādibhūtaḥ saḥ ṛgyajussāmādimayo bhagavān viṣṇuḥ tasya brahmaṇo mūrtaṁ rūpaṁ hiraṇyagarbho brahmāṇḍabhūto brahmā bhagavān prāgbabhūva

यह इस प्रकार है — समस्त लोकों का बिना आदि वाला आदि-कारण वे ऋक्, यजुः, साम आदि स्वरूप भगवान् विष्णु हैं; उसी ब्रह्म का मूर्त रूप, ब्रह्माण्ड-स्वरूप हिरण्यगर्भ, भगवान् ब्रह्मा, सबसे पहले उत्पन्न हुए।

श्लोक 6 (vishnu.4.1.6)

ब्रह्मणश्च दक्षिण-अङ्गुष्ठ-जन्मा दक्षप्रजापतिः दक्षस्यापि अदितिः अदितेः विवस्वान् विवस्वतो मनुः

brahmaṇaśca dakṣiṇa-aṅguṣṭha-janmā dakṣaprajāpatiḥ dakṣasyāpi aditiḥ aditeḥ vivasvān vivasvato manuḥ

ब्रह्मा के दाहिने अंगूठे से दक्ष प्रजापति उत्पन्न हुए; दक्ष से अदिति, अदिति से विवस्वान् (सूर्य), और विवस्वान् से मनु उत्पन्न हुए।

श्लोक 7 (vishnu.4.1.7)

मनोः इक्ष्वाकु-नृग-धृष्ट-शर्याति-नरिष्यन्त-प्रांशु-नाभाग-दिष्ट-करूष-पृषध्र-आख्या दश पुत्रा बभूवुः

manoḥ ikṣvāku-nṛga-dhṛṣṭa-śaryāti-nariṣyanta-prāṁśu-nābhāga-diṣṭa-karūṣa-pṛṣadhra-ākhyā daśa putrā babhūvuḥ

मनु के इक्ष्वाकु, नृग, धृष्ट, शर्याति, नरिष्यन्त, प्रांशु, नाभाग, दिष्ट, करूष और पृषध्र नामक दस पुत्र हुए।

श्लोक 8 (vishnu.4.1.8)

इष्टिं च मित्रावरुणयोर्मनुः पुत्रकामः चकार

iṣṭiṁ ca mitrāvaruṇayormanuḥ putrakāmaḥ cakāra

पुत्र की कामना करते हुए मनु ने मित्र और वरुण का यज्ञ किया।

श्लोक 9 (vishnu.4.1.9)

तत्र तावदपह्नुते होतुः अपचारात् इला नाम कन्या बभूव

tatra tāvadapahnute hotuḥ apacārāt ilā nāma kanyā babhūva

उस यज्ञ में होता के गुप्त प्रमाद के कारण इला नाम की एक कन्या उत्पन्न हुई।

श्लोक 10 (vishnu.4.1.10)

सैव च मित्रावरुणयोः प्रसादात् सुद्युम्नो नाम मनोः पुत्रो मैत्रेय आसीत्

saiva ca mitrāvaruṇayoḥ prasādāt sudyumno nāma manoḥ putro maitreya āsīt

हे मैत्रेय! मित्र और वरुण की ही कृपा से वही इला मनु के सुद्युम्न नामक पुत्र के रूप में परिणत हो गई।

श्लोक 11 (vishnu.4.1.11)

पुनश्च ईश्वरकोपात् स्त्री सती सा तु सोमसूनोः बुधस्याश्रमसमीपे बभ्राम

punaśca īśvarakopāt strī satī sā tu somasūnoḥ budhasyāśramasamīpe babhrāma

किन्तु ईश्वर (शिव) के कोप से पुनः स्त्री होकर वह सोमपुत्र बुध के आश्रम के समीप विचरण करने लगी।

श्लोक 12 (vishnu.4.1.12)

सानुरागाच्च तस्यां बुधः पुरूरवसम् आत्मजम् उत्पादयामास

sānurāgācca tasyāṁ budhaḥ purūravasam ātmajam utpādayāmāsa

अनुराग से बुध ने उसमें पुरूरवा नामक पुत्र उत्पन्न किया।

श्लोक 13 (vishnu.4.1.13)

जातेऽपि तस्मिन् अमिततेजोभिः परमर्षिभिः इष्टिमय ऋङ्मयो यजुर्मयः साममयोऽथर्वणमयः सर्ववेदमयो मनोमयो ज्ञानमयो न किञ्चिन्मयोऽन्नमयो भगवान् यज्ञपुरुषस्वरूपी सुद्युम्नस्य पुंस्त्वमभिलषद्भिर्यथावदिष्टः तत्प्रसादात् इला पुनरपि सुद्युम्नोऽभवत्

jāte'pi tasmin amitatejobhiḥ paramarṣibhiḥ iṣṭimaya ṛṅmayo yajurmayaḥ sāmamayo'tharvaṇamayaḥ sarvavedamayo manomayo jñānamayo na kiñcinmayo'nnamayo bhagavān yajñapuruṣasvarūpī sudyumnasya puṁstvamabhilaṣadbhiryathāvadiṣṭaḥ tatprasādāt ilā punarapi sudyumno'bhavat

उस पुत्र के जन्म लेने पर भी, अपार तेजस्वी महर्षियों ने सुद्युम्न के पुंस्त्व की कामना करते हुए ऋक्, यजुः, साम, अथर्व, सम्पूर्ण वेद, मन, ज्ञान — तथा भौतिक न होते हुए भी अन्नमय — यज्ञपुरुष-स्वरूप भगवान् की विधिपूर्वक आराधना की; उनकी कृपा से इला पुनः सुद्युम्न बन गई।

श्लोक 14 (vishnu.4.1.14)

तस्यापि उत्कल-गयत्-विनतसंज्ञाः त्रयः पुत्रा बभूवुः

tasyāpi utkala-gayat-vinatasaṁjñāḥ trayaḥ putrā babhūvuḥ

उसके भी उत्कल, गय और विनत नामक तीन पुत्र हुए।

श्लोक 15 (vishnu.4.1.15)

सुद्युम्नस्तु स्त्रीपूर्वकत्वात् राज्यभागं न लेभे

sudyumnastu strīpūrvakatvāt rājyabhāgaṁ na lebhe

सुद्युम्न को, पहले स्त्री रह चुकने के कारण, राज्य का भाग नहीं मिला।

श्लोक 16 (vishnu.4.1.16)

तत्पित्रा तु वसिष्ठवचनात् प्रतिष्ठानं नाम नगरं सुद्युम्नाय दत्तं तच्चासौ पुरूरवसे प्रादात्

tatpitrā tu vasiṣṭhavacanāt pratiṣṭhānaṁ nāma nagaraṁ sudyumnāya dattaṁ taccāsau purūravase prādāt

किन्तु उसके पिता ने वसिष्ठ के कहने से सुद्युम्न को प्रतिष्ठान नामक नगर दिया, और उसने उसे पुरूरवा को दे दिया।

श्लोक 17 (vishnu.4.1.17)

तदन्वयाश्च क्षत्त्रियास्सर्वे दिक्षु अभवन् । पृषध्रस्तु मनुपुत्रो गुरुगोवधात् शूद्रत्वम् अगमत्

tadanvayāśca kṣattriyāssarve dikṣu abhavan | pṛṣadhrastu manuputro gurugovadhāt śūdratvam agamat

उसी वंश के क्षत्रिय सब दिशाओं में फैल गए। मनु का पुत्र पृषध्र, गुरु की गौ का वध करने के कारण, शूद्रत्व को प्राप्त हुआ।

श्लोक 18 (vishnu.4.1.18)

मनोः पुत्रः करूषः, करूषात् कारूषाः क्षत्रिया महाबलपराक्रमा बभूवुः

manoḥ putraḥ karūṣaḥ, karūṣāt kārūṣāḥ kṣatriyā mahābalaparākramā babhūvuḥ

मनु का पुत्र करूष था; करूष से महान् बल-पराक्रम वाले कारूष क्षत्रिय उत्पन्न हुए।

श्लोक 19 (vishnu.4.1.19)

दिष्टपुत्रस्तु नाभागो वैश्यतामगमत् तस्मात् बलन्धनः पुत्रोऽभवत्

diṣṭaputrastu nābhāgo vaiśyatāmagamat tasmāt balandhanaḥ putro'bhavat

दिष्ट के पुत्र नाभाग वैश्यत्व को प्राप्त हुए; उनसे बलन्धन नामक पुत्र हुआ।

श्लोक 20 (vishnu.4.1.20)

बलन्धनात् वत्सप्रीतिः उदारकीर्त्तिः

balandhanāt vatsaprītiḥ udārakīrttiḥ

बलन्धन से उदार कीर्ति वाले वत्सप्रीति उत्पन्न हुए।

श्लोक 21 (vishnu.4.1.21)

वत्सप्रीतेः प्रांशुरभवत्

vatsaprīteḥ prāṁśurabhavat

वत्सप्रीति से प्रांशु उत्पन्न हुआ।

श्लोक 22 (vishnu.4.1.22)

प्रजापतिश्च प्रांशोरेकोऽभवत्

prajāpatiśca prāṁśoreko'bhavat

प्रांशु का एक पुत्र प्रजापति नामक हुआ।

श्लोक 23 (vishnu.4.1.23)

ततश्च खनित्रः

tataśca khanitraḥ

उससे खनित्र हुआ।

श्लोक 24 (vishnu.4.1.24)

तस्माच्चक्षुषः

tasmāccakṣuṣaḥ

उससे चक्षुष हुआ।

श्लोक 25 (vishnu.4.1.25)

चक्षुषाच्च अतिबलपराक्रमो विंशोऽभवत्

cakṣuṣācca atibalaparākramo viṁśo'bhavat

चक्षुष से अति बल-पराक्रम वाला विंश उत्पन्न हुआ।

श्लोक 26 (vishnu.4.1.26)

ततो विविंशकः

tato viviṁśakaḥ

उससे विविंशक हुआ।

श्लोक 27 (vishnu.4.1.27)

तस्माच्च खनिनेत्रः

tasmācca khaninetraḥ

उससे खनिनेत्र हुआ।

श्लोक 28 (vishnu.4.1.28)

ततश्चातिविभूतिः

tataścātivibhūtiḥ

उससे अतिविभूति हुआ।

श्लोक 29 (vishnu.4.1.29)

अतिविभूतेः अतिबलपराक्रमः करन्धमः पुत्रोऽभवत्

ativibhūteḥ atibalaparākramaḥ karandhamaḥ putro'bhavat

अतिविभूति से अति बल-पराक्रमी करन्धम पुत्र हुआ।

श्लोक 30 (vishnu.4.1.30)

तस्मादपि अविक्षित्

tasmādapi avikṣit

उससे भी अविक्षित् हुआ।

श्लोक 31 (vishnu.4.1.31)

अविक्षितोऽपि अतिबलपराक्रमः पुत्रो मरुत्तो नामा अभवत् । यस्य इमौ अद्यापि श्लोकौ गीयेत्

avikṣito'pi atibalaparākramaḥ putro marutto nāmā abhavat | yasya imau adyāpi ślokau gīyet

अविक्षित् के भी अति बल-पराक्रमी मरुत्त नामक पुत्र हुआ, जिसके विषय में ये दो श्लोक आज भी गाए जाते हैं —

श्लोक 32 (vishnu.4.1.32)

मरुत्तस्य यथा यज्ञस्तथा कस्याभवद्भुवि । सर्वं हिरण्मयं यस्य यज्ञवस्त्वतिशोभनम्

maruttasya yathā yajñastathā kasyābhavadbhuvi | sarvaṁ hiraṇmayaṁ yasya yajñavastvatiśobhanam

पृथ्वी पर मरुत्त के यज्ञ के समान यज्ञ और किसका हुआ, जिसके सम्पूर्ण यज्ञ-उपकरण अत्यन्त शोभायमान स्वर्णमय थे?

श्लोक 33 (vishnu.4.1.33)

अमाद्यदिन्द्रस्सोमेन दक्षिणाभिर्द्विजातयः । मरुतः परिवेष्टारस्सदस्याश्च दिवौकसः

amādyadindrassomena dakṣiṇābhirdvijātayaḥ | marutaḥ pariveṣṭārassadasyāśca divaukasaḥ

उसमें इन्द्र सोमरस से और द्विजगण दक्षिणाओं से उन्मत्त हो गए थे; मरुद्गण परोसने वाले थे और सभासद् साक्षात् देवगण थे।

श्लोक 34 (vishnu.4.1.34)

स मरुत्तश्चक्रवर्त्ती नरिष्यन्तनामानं पुत्रमवाप

sa maruttaścakravarttī nariṣyantanāmānaṁ putramavāpa

उस चक्रवर्ती मरुत्त ने नरिष्यन्त नामक पुत्र प्राप्त किया।

श्लोक 35 (vishnu.4.1.35)

तस्माच्च दमः

tasmācca damaḥ

उससे दम हुआ।

श्लोक 36 (vishnu.4.1.36)

दमस्य पुत्रो राजवर्द्धनो जज्ञे

damasya putro rājavarddhano jajñe

दम के पुत्र राजवर्धन उत्पन्न हुए।

श्लोक 37 (vishnu.4.1.37)

राजवर्द्धनात् सुवृद्धिः

rājavarddhanāt suvṛddhiḥ

राजवर्धन से सुवृद्धि हुआ।

श्लोक 38 (vishnu.4.1.38)

सुवृद्धेः केवलः

suvṛddheḥ kevalaḥ

सुवृद्धि से केवल हुआ।

श्लोक 39 (vishnu.4.1.39)

केवलात् सुधृतिरभूत्

kevalāt sudhṛtirabhūt

केवल से सुधृति हुआ।

श्लोक 40 (vishnu.4.1.40)

ततश्च नरः

tataśca naraḥ

उससे नर हुआ।

श्लोक 41 (vishnu.4.1.41)

तस्माच्चन्द्रः

tasmāccandraḥ

उससे चन्द्र हुआ।

श्लोक 42 (vishnu.4.1.42)

ततः केवलोऽभूत्

tataḥ kevalo'bhūt

उससे (एक और) केवल हुआ।

श्लोक 43 (vishnu.4.1.43)

केवलाद्बन्धुमान्

kevalādbandhumān

केवल से बन्धुमान् हुआ।

श्लोक 44 (vishnu.4.1.44)

बन्धुमतो वेगवान्

bandhumato vegavān

बन्धुमान् से वेगवान् हुआ।

श्लोक 45 (vishnu.4.1.45)

वेगवतो बुधः

vegavato budhaḥ

वेगवान् से बुध हुआ।

श्लोक 46 (vishnu.4.1.46)

ततश्च तृणबिन्दुः

tataśca tṛṇabinduḥ

उससे तृणबिन्दु हुआ।

श्लोक 47 (vishnu.4.1.47)

तस्याप्येका कन्या इलविला नाम

tasyāpyekā kanyā ilavilā nāma

उसकी भी इलविला नामक एक कन्या हुई।

श्लोक 48 (vishnu.4.1.48)

ततश्चालम्बुषा नाम वराप्सरास्तृणबिन्दुं भेजे

tataścālambuṣā nāma varāpsarāstṛṇabinduṁ bheje

अलम्बुषा नामक श्रेष्ठ अप्सरा ने तृणबिन्दु का सेवन किया।

श्लोक 49 (vishnu.4.1.49)

तस्यामप्यस्य विशालो जज्ञे यः पुरीं विशालं निर्ममे

tasyāmapyasya viśālo jajñe yaḥ purīṁ viśālaṁ nirmame

उससे उसका विशाल नामक पुत्र उत्पन्न हुआ, जिसने विशाला नगरी बनाई।

श्लोक 50 (vishnu.4.1.50)

हेमचन्द्रश्च विशालस्य पुत्रोऽभवत्

hemacandraśca viśālasya putro'bhavat

हेमचन्द्र विशाल का पुत्र हुआ।

श्लोक 51 (vishnu.4.1.51)

ततश्चन्द्रः

tataścandraḥ

उससे चन्द्र हुआ।

श्लोक 52 (vishnu.4.1.52)

तत्तनयो धूम्राक्षः

tattanayo dhūmrākṣaḥ

उसका पुत्र धूम्राक्ष हुआ।

श्लोक 53 (vishnu.4.1.53)

तस्यापि सृञ्जयोऽभूत्

tasyāpi sṛñjayo'bhūt

उसका भी पुत्र सृञ्जय हुआ।

श्लोक 54 (vishnu.4.1.54)

सृञ्जयात् सहदेवः

sṛñjayāt sahadevaḥ

सृञ्जय से सहदेव हुआ।

श्लोक 55 (vishnu.4.1.55)

ततश्च कृशाश्वो नाम पुत्रोऽभवत्

tataśca kṛśāśvo nāma putro'bhavat

उससे कृशाश्व नामक पुत्र हुआ।

श्लोक 56 (vishnu.4.1.56)

सोमदत्तः कृशाश्वाज्जज्ञे योऽश्वमेधानां शतमाजहार

somadattaḥ kṛśāśvājjajñe yo'śvamedhānāṁ śatamājahāra

कृशाश्व से सोमदत्त उत्पन्न हुआ, जिसने सौ अश्वमेध यज्ञ किए।

श्लोक 57 (vishnu.4.1.57)

तत्पुत्रो जनमेजयः

tatputro janamejayaḥ

उसका पुत्र जनमेजय हुआ।

श्लोक 58 (vishnu.4.1.58)

जनमेजयात् सुमतिः

janamejayāt sumatiḥ

जनमेजय से सुमति हुआ।

श्लोक 59 (vishnu.4.1.59)

एते वैशालिका भूभृतः

ete vaiśālikā bhūbhṛtaḥ

ये सब वैशालिक राजा हुए।

श्लोक 60 (vishnu.4.1.60)

श्लोकोऽप्यत्र गीयते

śloko'pyatra gīyate

इस विषय में यह श्लोक भी गाया जाता है —

श्लोक 61 (vishnu.4.1.61)

तृणबिन्दोः प्रसादेन सर्वे वैशालिका नृपाः । दीर्घायुषो महात्मानो वीर्यवन्तोऽतिधार्मिकाः

tṛṇabindoḥ prasādena sarve vaiśālikā nṛpāḥ | dīrghāyuṣo mahātmāno vīryavanto'tidhārmikāḥ

तृणबिन्दु की कृपा से समस्त वैशालिक राजा दीर्घायु, महान् आत्मा वाले, पराक्रमी और अत्यन्त धर्मात्मा हुए।

श्लोक 62 (vishnu.4.1.62)

शर्यातेः कन्या सुकन्या नामाभवत् यामुपयेमे च्यवनः

śaryāteḥ kanyā sukanyā nāmābhavat yāmupayeme cyavanaḥ

शर्याति की सुकन्या नामक कन्या हुई, जिसे च्यवन ऋषि ने विवाहा।

श्लोक 63 (vishnu.4.1.63)

आनर्तनामा परमधार्मिकः शर्यातिपुत्रोऽभवत्

ānartanāmā paramadhārmikaḥ śaryātiputro'bhavat

शर्याति का पुत्र आनर्त नामक परम धार्मिक हुआ।

श्लोक 64 (vishnu.4.1.64)

आनर्तस्यापि रेवतनामा पुत्रो जज्ञे योऽसौ आनर्तविषयं बुभुजे पुरीं च कुशस्थलीमध्युवास

ānartasyāpi revatanāmā putro jajñe yo'sau ānartaviṣayaṁ bubhuje purīṁ ca kuśasthalīmadhyuvāsa

आनर्त के भी रेवत नामक पुत्र उत्पन्न हुआ, जिसने आनर्त देश का भोग किया और कुशस्थली नगरी में निवास किया।

श्लोक 65 (vishnu.4.1.65)

रेवतस्यापि रैवतः पुत्रः ककुद्मिनामा धर्मात्मा भ्रातृशतस्य ज्योष्ठोऽभवत्

revatasyāpi raivataḥ putraḥ kakudmināmā dharmātmā bhrātṛśatasya jyoṣṭho'bhavat

रेवत का भी रैवत नामक पुत्र हुआ, जो ककुद्मी भी कहलाता था, धर्मात्मा और सौ भाइयों में ज्येष्ठ था।

श्लोक 66 (vishnu.4.1.66)

तस्य रेवती नाम कन्याभवत्

tasya revatī nāma kanyābhavat

उसकी रेवती नामक कन्या हुई।

श्लोक 67 (vishnu.4.1.67)

स तामादाय कस्येयमर्हतीति भगवन्तमब्जयोनिं प्रष्टुं ब्रह्मलोकं जगाम

sa tāmādāya kasyeyamarhatīti bhagavantamabjayoniṁ praṣṭuṁ brahmalokaṁ jagāma

'यह किसके योग्य है' — यह पूछने के लिए वह उसे साथ लेकर कमल से उत्पन्न भगवान् (ब्रह्मा) से मिलने ब्रह्मलोक को गया।

श्लोक 68 (vishnu.4.1.68)

तावच्च ब्रह्मणोऽन्तिके हाहाहूहूसंज्ञाभ्यां गन्धर्वाभ्यामतितानं नाम दिव्यं गान्धर्वमगीयत

tāvacca brahmaṇo'ntike hāhāhūhūsaṁjñābhyāṁ gandharvābhyāmatitānaṁ nāma divyaṁ gāndharvamagīyata

उस समय ब्रह्मा के समीप हाहा और हूहू नामक गन्धर्वों द्वारा अतितान नामक दिव्य गान्धर्व-संगीत गाया जा रहा था।

श्लोक 69 (vishnu.4.1.69)

तच्च त्रिमार्गपरिवृत्तैरनेकयुगपरिवृत्तिं तिष्ठन्नपि रैवतः शृण्वन् मुहूर्तमिव मेने

tacca trimārgaparivṛttairanekayugaparivṛttiṁ tiṣṭhannapi raivataḥ śṛṇvan muhūrtamiva mene

यद्यपि उस गान में तीन मार्गों की अनेक युग-परिवृत्तियाँ बीत गईं, तथापि उसे सुनते हुए रैवत को वह मानो एक क्षण-भर लगा।

श्लोक 70 (vishnu.4.1.70)

गीतावसाने च भगवन्तमब्जयोनिं प्रणम्य रैवतः कन्यायोग्यं वरमपृच्छत्

gītāvasāne ca bhagavantamabjayoniṁ praṇamya raivataḥ kanyāyogyaṁ varamapṛcchat

गीत समाप्त होने पर रैवत ने कमल-योनि भगवान् को प्रणाम कर कन्या के योग्य वर के विषय में पूछा।

श्लोक 71 (vishnu.4.1.71)

ततश्चासौ भगवानकथयत् कथय योऽभिमतस्ते वर इति

tataścāsau bhagavānakathayat kathaya yo'bhimataste vara iti

तब उन भगवान् ने कहा — 'बताओ, तुम्हें कौन-सा वर पसन्द है?'

श्लोक 72 (vishnu.4.1.72)

पुनश्च प्रणम्य भगवते तस्मै यथाभिमतानात्मनस्स वरान् कथयामास । क एषां भगवतोऽभिमत इति यस्मै कन्यामिमां प्रयच्छामीति

punaśca praṇamya bhagavate tasmai yathābhimatānātmanassa varān kathayāmāsa | ka eṣāṁ bhagavato'bhimata iti yasmai kanyāmimāṁ prayacchāmīti

पुनः उन भगवान् को प्रणाम कर उसने अपने मन-चाहे वरों के नाम बताए — 'इनमें से भगवान् को कौन अभीष्ट है, जिसे मैं यह कन्या दूँ?'

श्लोक 73 (vishnu.4.1.73)

ततः किञ्चिदवनतशिराः सस्मितं भगवानब्जयोनिराह

tataḥ kiñcidavanataśirāḥ sasmitaṁ bhagavānabjayonirāha

तब सिर कुछ झुकाए हुए, मुस्कुराते हुए कमल-योनि भगवान् ने कहा —

श्लोक 74 (vishnu.4.1.74)

य एते भवतोऽभिमता नैतेषां साम्प्रतं पुत्रपौत्रापत्यापत्यसन्तति अस्त्यवनीतले

ya ete bhavato'bhimatā naiteṣāṁ sāmprataṁ putrapautrāpatyāpatyasantati astyavanītale

जिनको तुम पसन्द करते हो, अब उनकी पुत्र-पौत्र आदि कोई भी सन्तति पृथ्वी पर शेष नहीं रही।

श्लोक 75 (vishnu.4.1.75)

बहूनि तवात्रैव गान्धर्वं शृण्वतश्चतुर्यगान्यतीतानि

bahūni tavātraiva gāndharvaṁ śṛṇvataścaturyagānyatītāni

यहीं गान्धर्व-संगीत सुनते हुए तुम्हारे अनेक चतुर्युग बीत चुके हैं।

श्लोक 76 (vishnu.4.1.76)

साम्प्रतं महीतलेऽष्टाविंशतितममनोश्चतुर्युगमतीतप्रायं वर्तते

sāmprataṁ mahītale'ṣṭāviṁśatitamamanoścaturyugamatītaprāyaṁ vartate

इस समय पृथ्वी पर अट्ठाईसवें मन्वन्तर का चतुर्युग लगभग बीत चुका है।

श्लोक 77 (vishnu.4.1.77)

आसन्नो हि कलिः

āsanno hi kaliḥ

कलियुग निकट ही है।

श्लोक 78 (vishnu.4.1.78)

अन्यस्मै कन्यारत्नमिदं भवतैकाकिनाभिमताय देयम्

anyasmai kanyāratnamidaṁ bhavataikākinābhimatāya deyam

इसलिए यह रत्न-सी कन्या अब तुम्हें अकेले ही किसी अन्य अभीष्ट वर को देनी होगी।

श्लोक 79 (vishnu.4.1.79)

भवतोऽपि पुत्र-मित्र-कलत्र-मन्त्रि-भृत्य-बन्धु-बल-कोशादयः समस्ताः कालेनैतेन अत्यन्तमतीताः

bhavato'pi putra-mitra-kalatra-mantri-bhṛtya-bandhu-bala-kośādayaḥ samastāḥ kālenaitena atyantamatītāḥ

तुम्हारे भी पुत्र, मित्र, पत्नी, मन्त्री, सेवक, बन्धु, सेना, कोश आदि सब कुछ इस बीते हुए काल में सर्वथा नष्ट हो चुके हैं।

श्लोक 80 (vishnu.4.1.80)

ततः पुनरप्युत्पन्नसाध्वसो राजा भगवन्तं प्रणम्य पप्रच्छ

tataḥ punarapyutpannasādhvaso rājā bhagavantaṁ praṇamya papraccha

तब पुनः भयभीत हुए उस राजा ने भगवान् को प्रणाम कर पूछा —

श्लोक 81 (vishnu.4.1.81)

भगवन्नेवमवस्थिते मयेयं कस्मै देयेति

bhagavannevamavasthite mayeyaṁ kasmai deyeti

'हे भगवन्! ऐसी स्थिति में मुझे यह कन्या किसे देनी चाहिए?'

श्लोक 82 (vishnu.4.1.82)

ततस्स भगवान् किञ्चिदवनम्रकन्धरः कृताञ्जलिर्भूत्वा सर्वलोकगुरुरम्भोजयोनिराह

tatassa bhagavān kiñcidavanamrakandharaḥ kṛtāñjalirbhūtvā sarvalokagururambhojayonirāha

तब सम्पूर्ण लोकों के गुरु, कमल से उत्पन्न भगवान्, गर्दन कुछ झुकाकर और हाथ जोड़कर बोले —

श्लोक 83 (vishnu.4.1.83)

ब्रह्मोवाच न ह्यादिमध्यान्तमजस्य यस्य विद्मो वयं सर्वमयस्य धातुः । न च स्वरूपं न परं स्वभावं न चैव सारं परमेश्वरस्य

brahmovāca na hyādimadhyāntamajasya yasya vidmo vayaṁ sarvamayasya dhātuḥ | na ca svarūpaṁ na paraṁ svabhāvaṁ na caiva sāraṁ parameśvarasya

ब्रह्मा ने कहा — हम उस अजन्मा, सर्वमय विधाता के न आदि, न मध्य, न अन्त को जानते हैं; न उस परमेश्वर के स्वरूप को, न उसकी परम प्रकृति को, न उसके सार को ही।

श्लोक 84 (vishnu.4.1.84)

कलामुहूर्तादिमयश्च कालो न यद्विभूतेः परिणामहेतुः । अजन्मनाशस्य सदैकमूर्तेरनामरूपस्य सनातनस्य

kalāmuhūrtādimayaśca kālo na yadvibhūteḥ pariṇāmahetuḥ | ajanmanāśasya sadaikamūrteranāmarūpasya sanātanasya

कला-मुहूर्त आदि से बना काल भी उस अजन्मा-अविनाशी, सदा एक-रूप, नाम-रूप से रहित, सनातन की विभूति के परिणाम का कारण नहीं है।

श्लोक 85 (vishnu.4.1.85)

यस्य प्रसादादहमच्युतस्य भूतः प्रजासृष्टिकरोऽन्तकारी । क्रोधाच्च रुद्रः स्थितिहेतुभूतो यस्माच्च मध्ये पुरुषः परस्मात्

yasya prasādādahamacyutasya bhūtaḥ prajāsṛṣṭikaro'ntakārī | krodhācca rudraḥ sthitihetubhūto yasmācca madhye puruṣaḥ parasmāt

जिस अच्युत की कृपा से मैं प्रजाओं का सृष्टिकर्ता और संहारकर्ता दोनों होकर प्रकट हुआ, जिसके क्रोध से स्थिति के हेतुभूत रुद्र प्रकट हुए, और जिस परम पुरुष से बीच में पुरुष प्रकट हुआ —

श्लोक 86 (vishnu.4.1.86)

तद्रूपमास्थाय सृजत्यजो यः स्थितौ च योऽसौ पुरुषस्वरूपी । रुद्रस्वरूपेण च योऽत्ति विश्वं धत्ते तथानन्तवपुस्समस्तम्

tadrūpamāsthāya sṛjatyajo yaḥ sthitau ca yo'sau puruṣasvarūpī | rudrasvarūpeṇa ca yo'tti viśvaṁ dhatte tathānantavapussamastam

वही अजन्मा उस रूप को धारण कर सृष्टि करता है, स्थिति के समय पुरुष-रूप धारण करता है, और रुद्र-रूप से विश्व को ग्रस लेता है; इस प्रकार अपने अनन्त शरीर से वह समस्त जगत् को धारण करता है।

श्लोक 87 (vishnu.4.1.87)

पाकाय योऽग्नित्वमुपैति लोकान् बिभर्ति पृथ्वीवपुरव्ययात्मा । शक्रादिरूपी परिपाति विश्वमर्केन्दुरूपश्च तमो हिनस्ति

pākāya yo'gnitvamupaiti lokān bibharti pṛthvīvapuravyayātmā | śakrādirūpī paripāti viśvamarkendurūpaśca tamo hinasti

पाक के लिए जो अग्नि-रूप धारण करता है, अविनाशी आत्मा जो पृथ्वी-रूप से लोकों को धारण करता है, इन्द्र आदि के रूप में जो विश्व की रक्षा करता है, और सूर्य-चन्द्र के रूप में जो अन्धकार का नाश करता है —

श्लोक 88 (vishnu.4.1.88)

करोति चेष्टाश्श्वसनस्वरूपी लोकस्य तृप्तिं च जलान्नरूपी । ददाति विश्वस्थितिसंस्थितस्तु सर्वावकाशं च नभस्स्वरूपी

karoti ceṣṭāśśvasanasvarūpī lokasya tṛptiṁ ca jalānnarūpī | dadāti viśvasthitisaṁsthitastu sarvāvakāśaṁ ca nabhassvarūpī

वायु-रूप से जो समस्त चेष्टाएँ करता है, जल और अन्न के रूप में जो लोक को तृप्ति देता है, और विश्व की स्थिति में स्थित हुआ आकाश-रूप से जो सबको अवकाश देता है —

श्लोक 89 (vishnu.4.1.89)

यस्सृज्यते सर्गकृदात्मनैव यः पाल्यते पालयिता च देवः । विश्वात्मकस्संह्रियतेऽन्तकारी पृथक् त्रयस्यास्य च योऽव्ययात्मा

yassṛjyate sargakṛdātmanaiva yaḥ pālyate pālayitā ca devaḥ | viśvātmakassaṁhriyate'ntakārī pṛthak trayasyāsya ca yo'vyayātmā

जो स्वयं सृष्टिकर्ता होते हुए भी अपने ही द्वारा सृजा जाता है, जो पालक देव होते हुए भी स्वयं पाला जाता है, जो संहारकर्ता विश्वात्मा होते हुए भी स्वयं संहृत होता है — और फिर भी इन तीनों से भिन्न वह अविनाशी आत्मा बना रहता है।

श्लोक 90 (vishnu.4.1.90)

यस्मिञ्जगद्यो जगदेतदाद्यो यश्चाश्रितोऽस्मिञ्जगति स्वयम्भूः । स सर्वभूतप्रभवो धरित्र्यां स्वांशेन विष्णुर्नृपतेऽवतीर्णः

yasmiñjagadyo jagadetadādyo yaścāśrito'smiñjagati svayambhūḥ | sa sarvabhūtaprabhavo dharitryāṁ svāṁśena viṣṇurnṛpate'vatīrṇaḥ

जिसमें यह जगत् है, जो स्वयं इस जगत् का आदि-कारण है, और जो स्वयम्भू होकर भी इसी जगत् में आश्रित है — वही समस्त भूतों का उद्गम, विष्णु, हे राजन्! अपने अंश से पृथ्वी पर अवतरित हुआ है।

श्लोक 91 (vishnu.4.1.91)

कुशस्थली या तव भूप रम्या पुरी पुराभूदमरावतीव । सा द्वारका सम्प्रति तत्र चास्ते स केशवांशो बलदेवनामा

kuśasthalī yā tava bhūpa ramyā purī purābhūdamarāvatīva | sā dvārakā samprati tatra cāste sa keśavāṁśo baladevanāmā

हे राजन्! तुम्हारी वह रमणीय कुशस्थली नगरी, जो पहले अमरावती के समान थी, अब द्वारका कहलाती है; और वहाँ केशव का वह अंश, जिसका नाम बलदेव है, निवास करता है।

श्लोक 92 (vishnu.4.1.92)

तस्मै त्वमेनां तनयां नरेन्द्र प्रयच्छ मायामनुजाय जायाम् । श्लाघ्यो वरोऽसौ तनया तवेयं स्त्रीरत्नभूता सदृशो हि योगः

tasmai tvamenāṁ tanayāṁ narendra prayaccha māyāmanujāya jāyām | ślāghyo varo'sau tanayā taveyaṁ strīratnabhūtā sadṛśo hi yogaḥ

हे नरेन्द्र! अपनी इस पुत्री को तुम उसी माया से मनुष्य बने हुए वर को पत्नी रूप में दे दो। वह वर प्रशंसनीय है, तुम्हारी यह पुत्री स्त्री-रत्न है — यह मेल सर्वथा उपयुक्त है।

श्लोक 93 (vishnu.4.1.93)

पराशर उवाच इतीरितोऽसौ कमलोद्भवेन भुवं समासाद्य पतिः प्रजानाम् । ददर्श ह्रस्वान् पुरुषान् विरूपानल्पौजसस्स्वल्पविवेकवीर्यान्

parāśara uvāca itīrito'sau kamalodbhavena bhuvaṁ samāsādya patiḥ prajānām | dadarśa hrasvān puruṣān virūpānalpaujasassvalpavivekavīryān

पराशर ने कहा — कमल से उत्पन्न भगवान् द्वारा इस प्रकार कहे जाने पर, प्रजाओं के उस स्वामी ने पृथ्वी पर आकर देखा कि मनुष्य नाटे, कुरूप, अल्प-तेज वाले और अल्प विवेक-बल वाले हो गए हैं।

श्लोक 94 (vishnu.4.1.94)

कुशस्थलीं तां च पुरीमुपेत्य दृष्ट्वान्यरूपां प्रददौ स कन्याम् । सीरायुधाय स्फटिकाचलाभवक्षःस्थलायातुलधीर्नरेन्द्रः

kuśasthalīṁ tāṁ ca purīmupetya dṛṣṭvānyarūpāṁ pradadau sa kanyām | sīrāyudhāya sphaṭikācalābhavakṣaḥsthalāyātuladhīrnarendraḥ

और उस कुशस्थली नगरी में पहुँचकर, उसे बदला हुआ रूप देखकर, उस अतुल बुद्धि वाले राजा ने अपनी कन्या स्फटिक-पर्वत के समान वक्षःस्थल वाले हलधारी (बलराम) को दे दी।

श्लोक 95 (vishnu.4.1.95)

उच्चप्रमाणामिति तामवेक्ष्य स्वलाङ्गलाग्रेण च तालकेतुः । विनम्रयामास ततश्च सापि बभूव सद्यो वनिता यथान्या

uccapramāṇāmiti tāmavekṣya svalāṅgalāgreṇa ca tālaketuḥ | vinamrayāmāsa tataśca sāpi babhūva sadyo vanitā yathānyā

उसे अत्यन्त ऊँचे कद की देखकर, ताल-ध्वज बलराम ने अपने हल की नोक से उसे झुका दिया, और वह तत्काल अन्य स्त्रियों के समान (सामान्य ऊँचाई की) नारी बन गई।

श्लोक 96 (vishnu.4.1.96)

तां रेवतीं रैवतभूपकन्यां सीरायुधोऽसौ विधिनोपयेमे । दत्त्वाथ कन्यां स नृपो जगाम हेमालयं वै तपसे धृतात्मा

tāṁ revatīṁ raivatabhūpakanyāṁ sīrāyudho'sau vidhinopayeme | dattvātha kanyāṁ sa nṛpo jagāma hemālayaṁ vai tapase dhṛtātmā

राजा रैवत की उस कन्या रेवती को हलधारी बलराम ने विधिपूर्वक विवाहा। और कन्या को देकर वह दृढ़-आत्मा राजा तप करने के लिए हिमालय को चला गया।