कृष्ण-निर्याण और पाण्डवों की महाप्रस्थान-तैयारी

श्लोक 1 (vishnu.5.38.1)

पराशर उवाच । अर्जुनोऽपि तदान्विष्य कृष्णरामकलेवरे । संस्कारं लम्भयाम् आस तथान्येषाम् अनुक्रमात्

parāśara uvāca arjuno'pi tadānviṣya kṛṣṇarāmakalevare saṁskāraṁ lambhayām āsa tathānyeṣām anukramāt

पराशर ने कहा — अर्जुन ने भी तब खोजकर कृष्ण और राम के शवों का संस्कार करवाया, तथा क्रमशः अन्य सबका भी।

श्लोक 2 (vishnu.5.38.2)

अष्टौ महिष्यः कथिता रुक्मिणीप्रमुखास्तु याः । उपगुह्य हरेर्देहं विविशुस्ता हुताशनम्

aṣṭau mahiṣyaḥ kathitā rukmiṇīpramukhāstu yāḥ upaguhya harerdehaṁ viviśustā hutāśanam

जिन आठ महारानियों का, रुक्मिणी-प्रमुख, वर्णन किया गया है, उन्होंने हरि के शरीर को आलिंगन कर अग्नि में प्रवेश किया।

श्लोक 3 (vishnu.5.38.3)

रेवती चैव रामस्य देहम् आश्लिष्य सत्तम । विवेश ज्वलितं वह्निं तत्सङ्गाह्लादशीतलम्

revatī caiva rāmasya deham āśliṣya sattama viveśa jvalitaṁ vahniṁ tatsaṅgāhlādaśītalam

हे सत्तम! रेवती ने भी राम के शरीर का आलिंगन कर, उसके संग के आनन्द से शीतल बनी हुई, प्रज्वलित अग्नि में प्रवेश किया।

श्लोक 4 (vishnu.5.38.4)

उग्रसेनस्तु तच्छ्रुत्वा तथैवानकदुन्दुभिः । देवकी रोहिणी चैव विविशुर्जातवेदसम्

ugrasenastu tacchrutvā tathaivānakadundubhiḥ devakī rohiṇī caiva viviśurjātavedasam

और उग्रसेन ने भी यह सुनकर, तथा आनकदुन्दुभि (वसुदेव), देवकी और रोहिणी ने भी अग्नि में प्रवेश किया।

श्लोक 5 (vishnu.5.38.5)

ततोऽर्जुनः प्रेतकार्यं कृत्वा तेषां यथाविधि । निश्चक्राम जनं सर्वं गृहीत्वा वज्रम् एव च

tato'rjunaḥ pretakāryaṁ kṛtvā teṣāṁ yathāvidhi niścakrāma janaṁ sarvaṁ gṛhītvā vajram eva ca

तब अर्जुन ने उनके लिए विधिपूर्वक अन्त्येष्टि सम्पन्न कर, समस्त प्रजा तथा वज्र को साथ लेकर प्रस्थान किया।

श्लोक 6 (vishnu.5.38.6)

द्वारवत्या विनिष्क्रान्ताः कृष्णपत्न्यः सहस्रशः । वज्रं जनं च कौन्तेयः पालयञ् छनकैर्ययौ

dvāravatyā viniṣkrāntāḥ kṛṣṇapatnyaḥ sahasraśaḥ vajraṁ janaṁ ca kaunteyaḥ pālayañ chanakairyayau

कृष्ण की सहस्रों पत्नियाँ द्वारवती से निकल पड़ीं; कुन्तीपुत्र वज्र तथा प्रजा की रक्षा करते हुए धीरे-धीरे आगे बढ़े।

श्लोक 7 (vishnu.5.38.7)

सभा सुधर्मा कृष्णेन मर्त्यलोके समुज्झिते । स्वर्गं जगाम मैत्रेय पारिजातश्च पादपः

sabhā sudharmā kṛṣṇena martyaloke samujjhite svargaṁ jagāma maitreya pārijātaśca pādapaḥ

हे मैत्रेय! कृष्ण के मर्त्यलोक त्यागने पर सुधर्मा सभा तथा पारिजात वृक्ष भी स्वर्ग को चले गए।

श्लोक 8 (vishnu.5.38.8)

यस्मिन् दिने हरिर्यातो दिवं संत्यज्य मेदिनीम् । तस्मिन्न् एवावतीर्णोऽयं कालकायो बली कलिः

yasmin dine hariryāto divaṁ saṁtyajya medinīm tasminn evāvatīrṇo'yaṁ kālakāyo balī kaliḥ

जिस दिन हरि पृथ्वी को त्यागकर स्वर्ग को गए, उसी दिन कालरूपी यह बलवान् कलियुग अवतरित हुआ।

श्लोक 9 (vishnu.5.38.9)

प्लावयाम् आस तां शून्यां द्वारकां च महोदधिः । यदुदेवगृहं त्व् एकं नाप्लावयत सागरः

plāvayām āsa tāṁ śūnyāṁ dvārakāṁ ca mahodadhiḥ yadudevagṛhaṁ tv ekaṁ nāplāvayata sāgaraḥ

महासागर ने उस शून्य हो चुकी द्वारका को जलमग्न कर दिया; परन्तु यदुदेव के एक घर को सागर ने जलमग्न नहीं किया।

श्लोक 10 (vishnu.5.38.10)

नातिक्रान्तुम् अलं ब्रह्मंस्तद् अद्यापि महोदधिः । नित्यं संनिहितस्तत्र भगवान् केशवो यतः

nātikrāntum alaṁ brahmaṁstad adyāpi mahodadhiḥ nityaṁ saṁnihitastatra bhagavān keśavo yataḥ

हे ब्रह्मन्! महासागर आज भी उसे लाँघने में समर्थ नहीं है, क्योंकि भगवान् केशव सदा वहाँ उपस्थित रहते हैं।

श्लोक 11 (vishnu.5.38.11)

तद् अतीव महापुण्यं सर्वपातकनाशनम् । विष्णुक्रीडान्वितं स्थानं दृष्ट्वा पापात् प्रमुच्यते

tad atīva mahāpuṇyaṁ sarvapātakanāśanam viṣṇukrīḍānvitaṁ sthānaṁ dṛṣṭvā pāpāt pramucyate

वह स्थान अत्यंत पुण्यमय, समस्त पापों का नाशक है; विष्णु की लीला से युक्त उस स्थान को देखने मात्र से मनुष्य पाप से मुक्त हो जाता है।

श्लोक 12 (vishnu.5.38.12)

पार्थः पञ्चनदे देशे बहुधान्यसमन्विते । चकार वासं सर्वस्य जनस्य मुनिसत्तम

pārthaḥ pañcanade deśe bahudhānyasamanvite cakāra vāsaṁ sarvasya janasya munisattama

हे मुनिसत्तम! पार्थ ने बहु-धान्य से समृद्ध पंचनद देश में समस्त प्रजा के साथ निवास किया।

श्लोक 13 (vishnu.5.38.13)

ततो लोभः समभवत् पार्थेनैकेन धन्विना । दृष्ट्वा स्त्रियो नीयमाना दस्यूनां निहतेश्वराः

tato lobhaḥ samabhavat pārthenaikena dhanvinā dṛṣṭvā striyo nīyamānā dasyūnāṁ nihateśvarāḥ

तब लुटेरों में लोभ उत्पन्न हुआ यह देखकर कि पति-विहीन उन स्त्रियों को केवल एक अकेला धनुर्धर पार्थ ही ले जा रहा था।

श्लोक 14 (vishnu.5.38.14)

ततस्ते पापकर्माणो लोभोपहतचेतसः । आभीरा मन्त्रयाम् आसुः समेत्यात्यन्तदुर्मदाः

tataste pāpakarmāṇo lobhopahatacetasaḥ ābhīrā mantrayām āsuḥ sametyātyantadurmadāḥ

तब वे पापकर्मा, लोभ से मन आविष्ट, अत्यंत उन्मत्त आभीर एकत्र होकर परस्पर मन्त्रणा करने लगे।

श्लोक 15 (vishnu.5.38.15)

अयम् एकोऽर्जुनो धन्वी स्त्रीजनं निहतेश्वरम् । नयत्य् अस्मान् अतिक्रम्य धिग् एतद् भवतां बलम्

ayam eko'rjuno dhanvī strījanaṁ nihateśvaram nayaty asmān atikramya dhig etad bhavatāṁ balam

'यह एक अकेला धनुर्धर अर्जुन इन पति-विहीन स्त्रियों को हम पर से अवहेलना करता हुआ ले जा रहा है — धिक्कार है इस पर, धिक्कार है तुम्हारे बल पर!'

श्लोक 16 (vishnu.5.38.16)

हत्वा गर्वं समारूढो भीष्मद्रोणजयद्रथान् । कर्णादींश्च न जानाति बलं ग्रामनिवासिनाम्

hatvā garvaṁ samārūḍho bhīṣmadroṇajayadrathān karṇādīṁśca na jānāti balaṁ grāmanivāsinām

'भीष्म, द्रोण, जयद्रथ तथा कर्ण आदि का वध कर अभिमान से भरा हुआ यह ग्रामवासियों का बल नहीं जानता।'

श्लोक 17 (vishnu.5.38.17)

हे हे यष्टीर्महायामा गृह्णीतायं सुदुर्मतिः । सर्वान् एवावजानाति किं वो बाहुभिरुन्नतैः

he he yaṣṭīrmahāyāmā gṛhṇītāyaṁ sudurmatiḥ sarvān evāvajānāti kiṁ vo bāhubhirunnataiḥ

'अरे-अरे! विशालबाहु वीरो! अपनी लाठियाँ उठाओ! यह दुर्बुद्धि सबका अनादर कर रहा है — तुम्हारी उन्नत भुजाओं का क्या प्रयोजन?'

श्लोक 18 (vishnu.5.38.18)

पराशर उवाच । ततो यष्टिप्रहरणा दस्यवो लोप्त्रहारिणः । सहस्रशोऽभ्यधावन्त तं जनं निहतेश्वरम्

parāśara uvāca tato yaṣṭipraharaṇā dasyavo loptrahāriṇaḥ sahasraśo'bhyadhāvanta taṁ janaṁ nihateśvaram

पराशर ने कहा — तब लाठियों से लैस, लूटने के लिए आतुर वे लुटेरे उस स्वामी-विहीन जन-समूह पर हज़ारों की संख्या में टूट पड़े।

श्लोक 19 (vishnu.5.38.19)

ततो निवृत्य कौन्तेयः प्राहाभीरान् हसन्न् इव । निवर्तध्वम् अधर्मज्ञा यदि न स्थ मुमूर्षवः

tato nivṛtya kaunteyaḥ prāhābhīrān hasann iva nivartadhvam adharmajñā yadi na stha mumūrṣavaḥ

तब कुन्तीपुत्र मुड़कर, मानो हँसते हुए, आभीरों से बोले — 'हे अधर्मज्ञो! यदि मरना नहीं चाहते तो लौट जाओ।'

श्लोक 20 (vishnu.5.38.20)

अवज्ञाय वचस्तस्य जगृहुस्ते तदा धनम् । स्त्रीजनं चैव मैत्रेय विष्वक्सेनपरिग्रहम्

avajñāya vacastasya jagṛhuste tadā dhanam strījanaṁ caiva maitreya viṣvaksenaparigraham

हे मैत्रेय! उसके वचन की अवहेलना कर उन्होंने तब धन तथा विष्वक्सेन (कृष्ण) के परिवार की उन स्त्रियों को भी छीन लिया।

श्लोक 21 (vishnu.5.38.21)

ततोऽर्जुनो धनुर्दिव्यं गाण्डीवम् अजरं युधि । आरोपयितुम् आरेभे न शशाक च वीर्यवान्

tato'rjuno dhanurdivyaṁ gāṇḍīvam ajaraṁ yudhi āropayitum ārebhe na śaśāka ca vīryavān

तब अर्जुन ने युद्ध में सदा अजर रहने वाले दिव्य गाण्डीव धनुष को चढ़ाने का प्रयत्न किया, परन्तु वह पराक्रमी भी ऐसा न कर सका।

श्लोक 22 (vishnu.5.38.22)

चकार सज्जं कृच्छ्राच्च तच्चाभूच्छिथिलं पुनः । न सस्मार तथास्त्राणि चिन्तयन्न् अपि पाण्डवः

cakāra sajjaṁ kṛcchrācca taccābhūcchithilaṁ punaḥ na sasmāra tathāstrāṇi cintayann api pāṇḍavaḥ

बड़ी कठिनाई से उसे सज्जित किया, परन्तु वह पुनः ढीला पड़ गया; और अपने अस्त्रों का स्मरण करने का प्रयत्न करते हुए भी पाण्डव उन्हें स्मरण न कर सके।

श्लोक 23 (vishnu.5.38.23)

शरान् मुमोच चैतेषु पार्थो वैरिष्व् अमर्षितः । त्वग्भेदं ते परं चक्रुरस्ता गाण्डीवधन्वना

śarān mumoca caiteṣu pārtho vairiṣv amarṣitaḥ tvagbhedaṁ te paraṁ cakrurastā gāṇḍīvadhanvanā

क्रुद्ध पार्थ ने उन शत्रुओं पर बाण चलाए; परन्तु गाण्डीवधारी द्वारा छोड़े गए वे बाण उनकी त्वचा को खरोंचने भर से अधिक कुछ न कर सके।

श्लोक 24 (vishnu.5.38.24)

वह्निना येऽक्षया दत्ताः शरास्तेऽपि क्षयं ययुः । युध्यतः सह गोपालैरर्जुनस्य भवक्षये

vahninā ye'kṣayā dattāḥ śarāste'pi kṣayaṁ yayuḥ yudhyataḥ saha gopālairarjunasya bhavakṣaye

अग्नि द्वारा दिए गए, अक्षय कहे जाने वाले वे बाण भी उन ग्वालों से युद्ध करते हुए अर्जुन के पतन-काल में समाप्त हो गए।

श्लोक 25 (vishnu.5.38.25)

अचिन्तयच्च कौन्तेयः कृष्णस्यैव हि तद् बलम् । यन् मया शरसंघातैः सकला भूभृतो जिताः

acintayacca kaunteyaḥ kṛṣṇasyaiva hi tad balam yan mayā śarasaṁghātaiḥ sakalā bhūbhṛto jitāḥ

और कुन्तीपुत्र ने विचार किया — 'वह कृष्ण की ही शक्ति थी, जिससे मैंने बाणों के समूह से समस्त राजाओं को जीता था।'

श्लोक 26 (vishnu.5.38.26)

मिषतः पाण्डुपुत्रस्य ततस्ताः प्रमदोत्तमाः । आभीरैरपकृष्यन्त कामाच्चान्याः प्रवव्रजुः

miṣataḥ pāṇḍuputrasya tatastāḥ pramadottamāḥ ābhīrairapakṛṣyanta kāmāccānyāḥ pravavrajuḥ

तब पाण्डुपुत्र के देखते-देखते वे श्रेष्ठ स्त्रियाँ आभीरों द्वारा घसीटी गईं, और अन्य कुछ स्वयं ही इच्छा से चली गईं।

श्लोक 27 (vishnu.5.38.27)

ततः शरेषु क्षीणेषु धनुष्कोट्या धनंजयः । जघान दस्यूंस्ते चास्य प्रहाराञ् जहसुर्मुने

tataḥ śareṣu kṣīṇeṣu dhanuṣkoṭyā dhanaṁjayaḥ jaghāna dasyūṁste cāsya prahārāñ jahasurmune

हे मुने! तब बाण समाप्त हो जाने पर धनंजय ने धनुष के अग्रभाग से ही लुटेरों पर प्रहार किया; परन्तु उन्होंने उसके प्रहारों पर केवल हँसी उड़ाई।

श्लोक 28 (vishnu.5.38.28)

प्रेक्षतश्चैव पार्थस्य वृष्ण्यन्धकवरस्त्रियः । जग्मुरादाय ते म्लेच्छाः समस्ता मुनिसत्तम

prekṣataścaiva pārthasya vṛṣṇyandhakavarastriyaḥ jagmurādāya te mlecchāḥ samastā munisattama

हे मुनिसत्तम! पार्थ के देखते-देखते ही उन म्लेच्छों ने वृष्णि तथा अन्धकवंशी समस्त श्रेष्ठ स्त्रियों को ले जाकर हर लिया।

श्लोक 29 (vishnu.5.38.29)

ततः सुदुःखितो जिष्णुः कष्टं कष्टम् इति ब्रुवन् । अहो भगवता तेन मुक्तोऽस्मीति रुरोद वै

tataḥ suduḥkhito jiṣṇuḥ kaṣṭaṁ kaṣṭam iti bruvan aho bhagavatā tena mukto'smīti ruroda vai

तब अत्यंत दुःखी होकर जिष्णु (अर्जुन) 'हाय-हाय' कहते हुए रो पड़े — 'अहो! मैं उन भगवान् द्वारा त्याग दिया गया हूँ।'

श्लोक 30 (vishnu.5.38.30)

तद् धनुस्तानि शस्त्राणि स रथस्ते च वाजिनः । सर्वम् एकपदे नष्टं दानम् अश्रोत्रिये यथा

tad dhanustāni śastrāṇi sa rathaste ca vājinaḥ sarvam ekapade naṣṭaṁ dānam aśrotriye yathā

वह धनुष, वे शस्त्र, वह रथ तथा वे अश्व — सब एक ही क्षण में नष्ट हो गए, मानो किसी अश्रोत्रिय को दिया गया दान व्यर्थ हो गया हो।

श्लोक 31 (vishnu.5.38.31)

अहोऽतिबलवद् दैवं विना तेन महात्मना । यद् असामर्थ्ययुक्तेऽपि नीचवर्गे जयप्रदम्

aho'tibalavad daivaṁ vinā tena mahātmanā yad asāmarthyayukte'pi nīcavarge jayapradam

'अहो! भाग्य कितना अत्यंत बलवान् है, कि उस महात्मा के बिना यह असमर्थ, नीच जनसमूह को भी विजय प्रदान करता है!'

श्लोक 32 (vishnu.5.38.32)

तौ बाहू स च मे मुष्टिः स्थानं तत् सोऽस्मि चार्जुनः । पुण्येनैव विना तेन गतं सर्वम् असारताम्

tau bāhū sa ca me muṣṭiḥ sthānaṁ tat so'smi cārjunaḥ puṇyenaiva vinā tena gataṁ sarvam asāratām

'वे ही दोनों भुजाएँ मेरी हैं, वही मुट्ठी, वही स्थान — मैं वही अर्जुन हूँ; फिर भी उसके बिना सब कुछ, केवल पुण्य से, निःसार हो गया।'

श्लोक 33 (vishnu.5.38.33)

ममार्जुनत्वं भीमस्य भीमत्वं तत् कृतं ध्रुवम् । विना तेन यद् आभीरैर्जितोऽहं कथम् अन्यथा

mamārjunatvaṁ bhīmasya bhīmatvaṁ tat kṛtaṁ dhruvam vinā tena yad ābhīrairjito'haṁ katham anyathā

'मेरा अर्जुनत्व, भीम का भीमत्व — यह निश्चय ही उन्हीं का किया हुआ था; अन्यथा उनके बिना मैं आभीरों से कैसे पराजित हो जाता?'

श्लोक 34 (vishnu.5.38.34)

पराशर उवाच । इत्थं वदन् ययौ जिष्णुर्मथुराख्यं पुरोत्तमम् । चकार तत्र राजानं वज्रं यादवनन्दनम्

parāśara uvāca itthaṁ vadan yayau jiṣṇurmathurākhyaṁ purottamam cakāra tatra rājānaṁ vajraṁ yādavanandanam

पराशर ने कहा — इस प्रकार कहते हुए जिष्णु मथुरा नामक उस उत्तम नगर को गए, और वहाँ यादव-नन्दन वज्र को राजा बनाया।

श्लोक 35 (vishnu.5.38.35)

स ददर्श ततो व्यासं फाल्गुनः काननाश्रयम् । तम् उपेत्य महाभागं विनयेनाभ्यवादयत्

sa dadarśa tato vyāsaṁ phālgunaḥ kānanāśrayam tam upetya mahābhāgaṁ vinayenābhyavādayat

तब फाल्गुन ने वन-आश्रम में रहने वाले व्यास को देखा; उस महाभाग के समीप जाकर उन्होंने विनयपूर्वक उनका अभिवादन किया।

श्लोक 36 (vishnu.5.38.36)

तं वन्दमानं चरणाव् अवलोक्य मुनिश्चिरम् । उवाच पार्थं विच्छायः कथम् अत्यन्तम् ईदृशः

taṁ vandamānaṁ caraṇāv avalokya muniściram uvāca pārthaṁ vicchāyaḥ katham atyantam īdṛśaḥ

उनके चरणों में झुके हुए उसे देर तक निहारते हुए मुनि ने पार्थ से कहा — 'तुम इस प्रकार पूर्णतः निस्तेज क्यों दिखाई देते हो?'

श्लोक 37 (vishnu.5.38.37)

अवीरजोऽनुगमनं ब्रह्महत्याथवा कृता । दृढाशाभङ्गदुःखीव भ्रष्टच्छायोऽसि साम्प्रतम्

avīrajo'nugamanaṁ brahmahatyāthavā kṛtā dṛḍhāśābhaṅgaduḥkhīva bhraṣṭacchāyo'si sāmpratam

'क्या तुमने किसी अवीरमृत्यु प्राप्त व्यक्ति के पीछे अनुगमन किया है, अथवा ब्रह्महत्या की है? दृढ़ आशा के भंग होने से दुःखी-सा तुम अभी तेजहीन दिखाई देते हो।'

श्लोक 38 (vishnu.5.38.38)

सान्तानिकादयो वा ते याचमाना निराकृताः । अगम्यस्त्रीरतिर्वा त्वं तेनासि विगतप्रभः

sāntānikādayo vā te yācamānā nirākṛtāḥ agamyastrīratirvā tvaṁ tenāsi vigataprabhaḥ

'अथवा क्या सान्तानिक आदि याचकों को तुमने निराश करके लौटाया है? अथवा किसी अगम्य स्त्री के साथ रमण किया है, जिससे तुम्हारा तेज लुप्त हो गया है?'

श्लोक 39 (vishnu.5.38.39)

भुङ्क्तेऽप्रदाय विप्रेभ्यो एको मिष्टम् अथो भवान् । किं वा कृपणवित्तानि हृतानि भवतार्जुन

bhuṅkte'pradāya viprebhyo eko miṣṭam atho bhavān kiṁ vā kṛpaṇavittāni hṛtāni bhavatārjuna

'अथवा हे अर्जुन! क्या तुमने विप्रों को दिए बिना अकेले ही मिष्ठान्न खा लिया है? या दीन-दुखियों का धन तुमने छीन लिया है?'

श्लोक 40 (vishnu.5.38.40)

कच्चित् त्वं शूर्पवातस्य गोचरत्वं गतोऽर्जुन । दुष्टचक्षुर्हतो वापि निःश्रीकः कथम् अन्यथा

kaccit tvaṁ śūrpavātasya gocaratvaṁ gato'rjuna duṣṭacakṣurhato vāpi niḥśrīkaḥ katham anyathā

'हे अर्जुन! क्या तुम कहीं सूप की हवा की चपेट में आ गए हो? अथवा किसी दुष्ट दृष्टि से आहत हुए हो? अन्यथा तुम इस प्रकार श्रीहीन कैसे हो सकते हो?'

श्लोक 41 (vishnu.5.38.41)

स्पृष्टो नखाम्भसा वाथ घटवार्युक्षितोऽपि वा । तेनातीवासि विच्छायो न्यूनैर्वा युधि निर्जितः

spṛṣṭo nakhāmbhasā vātha ghaṭavāryukṣito'pi vā tenātīvāsi vicchāyo nyūnairvā yudhi nirjitaḥ

'अथवा क्या तुम नख धोए हुए जल से स्पर्शित हुए हो, या घड़े के जल से सिंचित हुए हो? इसीलिए क्या तुम इतने निस्तेज हो? अथवा क्या तुम युद्ध में तुच्छजनों से पराजित हुए हो?'

श्लोक 42 (vishnu.5.38.42)

पराशर उवाच । ततः पार्थो विनिश्वस्य श्रूयतां भगवन्न् इति । प्रोक्तो यथावद् आचष्टे व्यासायात्मपराभवम्

parāśara uvāca tataḥ pārtho viniśvasya śrūyatāṁ bhagavann iti prokto yathāvad ācaṣṭe vyāsāyātmaparābhavam

पराशर ने कहा — तब पार्थ ने लम्बी साँस लेकर कहा — 'हे भगवन्! सुनिए' — इस प्रकार कहकर उन्होंने व्यास को अपनी पराजय का यथावत वृत्तान्त सुनाया।

श्लोक 43 (vishnu.5.38.43)

अर्जुन उवाच । यद् बलं यच्च नस्तेजो यद् वीर्यं यः पराक्रमः । या श्रीश्छाया च नः सोऽस्मान् परित्यज्य हरिर्गतः

arjuna uvāca yad balaṁ yacca nastejo yad vīryaṁ yaḥ parākramaḥ yā śrīśchāyā ca naḥ so'smān parityajya harirgataḥ

अर्जुन ने कहा — 'जो बल, जो तेज, जो वीर्य, जो पराक्रम, जो श्री और छाया हमारी थी — वह सब हरि ही थे, जो हमें त्यागकर चले गए।'

श्लोक 44 (vishnu.5.38.44)

इतरेणेव महता स्मितपूर्वाभिभाषिणा । हीना वयं मुने तेन जातास्तृणमया इव

itareṇeva mahatā smitapūrvābhibhāṣiṇā hīnā vayaṁ mune tena jātāstṛṇamayā iva

'हे मुने! सदा मुस्कुराकर पहले बात करने वाले उस महापुरुष से रहित होकर हम मानो तृण के समान तुच्छ हो गए हैं।'

श्लोक 45 (vishnu.5.38.45)

अस्त्राणां सायकानां च गाण्डीवस्य तथा मम । सारता याभवन् मूर्ता स गतः पुरुषोत्तमः

astrāṇāṁ sāyakānāṁ ca gāṇḍīvasya tathā mama sāratā yābhavan mūrtā sa gataḥ puruṣottamaḥ

'मेरे अस्त्रों, बाणों, गाण्डीव तथा मेरी स्वयं की जो सार-शक्ति साकार रूप में थी, वे पुरुषोत्तम अब चले गए हैं।'

श्लोक 46 (vishnu.5.38.46)

यस्यावलोकनाद् अस्माञ् श्रीर्जयः संपद् उन्नतिः । न तत्याज स गोविन्दस्त्यक्त्वास्मान् भगवान् गतः

yasyāvalokanād asmāñ śrīrjayaḥ saṁpad unnatiḥ na tatyāja sa govindastyaktvāsmān bhagavān gataḥ

'जिनके अवलोकन मात्र से हमें श्री, विजय, सम्पत्ति तथा उन्नति कभी नहीं छोड़ती थी — वे ही गोविन्द, भगवान्, हमें त्यागकर चले गए।'

श्लोक 47 (vishnu.5.38.47)

भीष्मद्रोणाङ्गराजाद्यास्तथा दुर्योधनादयः । यत्प्रभावेन निर्दग्धाः स कृष्णस्त्यक्तवान् भुवम्

bhīṣmadroṇāṅgarājādyāstathā duryodhanādayaḥ yatprabhāvena nirdagdhāḥ sa kṛṣṇastyaktavān bhuvam

'जिनके प्रभाव से भीष्म, द्रोण, अंगराज (कर्ण) तथा दुर्योधन आदि भस्म हो गए — वे ही कृष्ण भूमि को त्यागकर चले गए।'

श्लोक 48 (vishnu.5.38.48)

निर्यौवना हतश्रीका भ्रष्टच्छायेव मे मही । विभाति तात नैकोऽहं विरहे तस्य चक्रिणः

niryauvanā hataśrīkā bhraṣṭacchāyeva me mahī vibhāti tāta naiko'haṁ virahe tasya cakriṇaḥ

'हे तात! मुझे यह पृथ्वी मानो यौवनविहीन, श्रीहीन, छायाहीन-सी दिखाई देती है; उस चक्रधारी के विरह में मैं जैसे अकेला भी नहीं रहा।'

श्लोक 49 (vishnu.5.38.49)

यस्यानुभावाद् भीष्माद्यैर्मय्य् अग्नौ शलभायितम् । विना तेनाद्य कृष्णेन गोपालैरस्मि निर्जितः

yasyānubhāvād bhīṣmādyairmayy agnau śalabhāyitam vinā tenādya kṛṣṇena gopālairasmi nirjitaḥ

'जिनके प्रभाव से भीष्म आदि मुझ रूपी अग्नि में पतंगों के समान भस्म हो गए थे — आज उन्हीं कृष्ण के बिना मैं ग्वालों से पराजित हो गया।'

श्लोक 50 (vishnu.5.38.50)

गाण्डीवं त्रिषु लोकेषु ख्यातिं यदनुभावतः । गतं तेन विनाभीरैर्लगुडैस्तन्निराकृतम्

gāṇḍīvaṁ triṣu lokeṣu khyātiṁ yadanubhāvataḥ gataṁ tena vinābhīrairlaguḍaistannirākṛtam

'जिनके प्रभाव से त्रिलोक में गाण्डीव की ख्याति हुई थी, उनके बिना आज आभीरों की मात्र लाठियों से ही वह निष्फल हो गया।'

श्लोक 51 (vishnu.5.38.51)

स्त्रीसहस्राण्य् अनेकानि मन्नाथानि महामुने । यततो मम नीतानि दस्युभिर्लगुडायुधैः

strīsahasrāṇy anekāni mannāthāni mahāmune yatato mama nītāni dasyubhirlaguḍāyudhaiḥ

'हे महामुने! मेरे संरक्षण में रही अनेक सहस्र स्त्रियाँ, मेरे प्रयत्न करते हुए भी, लाठीधारी लुटेरों द्वारा हर ली गईं।'

श्लोक 52 (vishnu.5.38.52)

आनीयमानम् आभीरैः कृष्ण कृष्णावरोधनम् । हृतं यष्टिप्रहरणैः परिभूय बलं मम

ānīyamānam ābhīraiḥ kṛṣṇa kṛṣṇāvarodhanam hṛtaṁ yaṣṭipraharaṇaiḥ paribhūya balaṁ mama

'कृष्ण के अन्तःपुर की उन स्त्रियों को, आभीरों द्वारा ले जाया जाता हुआ, लाठीधारियों ने मेरे बल का तिरस्कार कर हर लिया।'

श्लोक 53 (vishnu.5.38.53)

निःश्रीकता न मे चित्रं यज्जीवामि तद् अद्भुतम् । नीचावमानपङ्काङ्की निर्लज्जोऽस्मि पितामह

niḥśrīkatā na me citraṁ yajjīvāmi tad adbhutam nīcāvamānapaṅkāṅkī nirlajjo'smi pitāmaha

'मेरा श्रीहीन होना कोई आश्चर्य नहीं, आश्चर्य तो यह है कि मैं अभी जीवित हूँ। हे पितामह! नीच के अपमान के कीचड़ से चिह्नित होकर भी मैं निर्लज्ज बना हुआ हूँ।'

श्लोक 54 (vishnu.5.38.54)

व्यास उवाच । अलं ते व्रीडया पार्थ न त्वं शोचितुम् अर्हसि । अवेहि सर्वभूतेषु कालस्य गतिरीदृशी

vyāsa uvāca alaṁ te vrīḍayā pārtha na tvaṁ śocitum arhasi avehi sarvabhūteṣu kālasya gatirīdṛśī

व्यास ने कहा — 'हे पार्थ! अब लज्जा त्यागो, तुम्हें शोक करना उचित नहीं। जानो कि समस्त प्राणियों में काल की गति ऐसी ही होती है।'

श्लोक 55 (vishnu.5.38.55)

कालो भवाय भूतानाम् अभावाय च पाण्डव । कालमूलम् इदं ज्ञात्वा भव स्थैर्यधनोऽर्जुन

kālo bhavāya bhūtānām abhāvāya ca pāṇḍava kālamūlam idaṁ jñātvā bhava sthairyadhano'rjuna

'हे पाण्डव! काल ही प्राणियों के अस्तित्व का तथा उनके अनस्तित्व का कारण है; हे अर्जुन! यह जानकर कि यह सब काल-मूलक है, स्थिरता को ही अपना धन बनाओ।'

श्लोक 56 (vishnu.5.38.56)

नद्यः समुद्रा गिरयः सकला च वसुंधरा । देवा मनुष्याः पशवस्तरवः ससरीसृपाः

nadyaḥ samudrā girayaḥ sakalā ca vasuṁdharā devā manuṣyāḥ paśavastaravaḥ sasarīsṛpāḥ

'नदियाँ, समुद्र, पर्वत तथा सम्पूर्ण वसुंधरा; देव, मनुष्य, पशु, वृक्ष तथा सरीसृप —'

श्लोक 57 (vishnu.5.38.57)

सृष्टाः कालेन कालेन पुनर्यास्यन्ति संक्षयम् । कालात्मकम् इदं सर्वं ज्ञात्वा शमम् अवाप्नुहि

sṛṣṭāḥ kālena kālena punaryāsyanti saṁkṣayam kālātmakam idaṁ sarvaṁ jñātvā śamam avāpnuhi

'— काल द्वारा उत्पन्न हुए, काल द्वारा ही पुनः विनाश को प्राप्त होंगे। यह सब कालस्वरूप है, यह जानकर शान्ति प्राप्त करो।'

श्लोक 58 (vishnu.5.38.58)

यच्चात्थ कृष्णमाहात्म्यं तत् तथैव धनंजय । भारावतारकार्यार्थम् अवतीर्णः स मेदिनीम्

yaccāttha kṛṣṇamāhātmyaṁ tat tathaiva dhanaṁjaya bhārāvatārakāryārtham avatīrṇaḥ sa medinīm

'और कृष्ण की जो महिमा तुमने कही, वह वैसी ही है, हे धनंजय; वे भार उतारने के कार्य हेतु ही पृथ्वी पर अवतरित हुए थे।'

श्लोक 59 (vishnu.5.38.59)

भाराक्रान्ता धरा याता देवानां समितिं पुरा । तदर्थम् अवतीर्णोऽसौ कालरूपी जनार्दनः

bhārākrāntā dharā yātā devānāṁ samitiṁ purā tadartham avatīrṇo'sau kālarūpī janārdanaḥ

'भार से आक्रान्त पृथ्वी पूर्वकाल में देवताओं की सभा में गई थी; उसी हेतु कालरूपी जनार्दन अवतरित हुए थे।'

श्लोक 60 (vishnu.5.38.60)

तच्च निष्पादितं कार्यम् अशेषा भूभृतो हताः । वृष्ण्यन्धककुलं सर्वं तथा पार्थोपसंहृतम्

tacca niṣpāditaṁ kāryam aśeṣā bhūbhṛto hatāḥ vṛṣṇyandhakakulaṁ sarvaṁ tathā pārthopasaṁhṛtam

'और वह कार्य सम्पन्न हो चुका है — समस्त राजा मारे जा चुके हैं, तथा हे पार्थ! वृष्णि-अन्धक कुल भी पूर्णतः संहृत हो चुका है।'

श्लोक 61 (vishnu.5.38.61)

न किंचिद् अन्यत् कर्तव्यम् अस्य भूमितले प्रभोः । अतो गतः स भगवान् कृतकृत्यो यथेच्छया

na kiṁcid anyat kartavyam asya bhūmitale prabhoḥ ato gataḥ sa bhagavān kṛtakṛtyo yathecchayā

'उस प्रभु के लिए इस पृथ्वी पर अब कुछ और करणीय शेष नहीं था; अतः कृतकृत्य होकर वे भगवान् अपनी इच्छानुसार चले गए।'

श्लोक 62 (vishnu.5.38.62)

सृष्टिं सर्गे करोत्य् एष देवदेवः स्थितौ स्थितिम् । अन्तेऽन्ताय समर्थोऽयं साम्प्रतं वै यथा कृतम्

sṛṣṭiṁ sarge karoty eṣa devadevaḥ sthitau sthitim ante'ntāya samartho'yaṁ sāmprataṁ vai yathā kṛtam

'यह देवाधिदेव सृष्टि के समय सृष्टि करते हैं, स्थिति के समय स्थिति करते हैं; अन्त के समय अन्त करने में समर्थ इन्होंने अभी वैसा ही किया है, जैसा उचित था।'

श्लोक 63 (vishnu.5.38.63)

तस्मात् पार्थ न संतापस्त्वया कार्यः पराभवात् । भवन्ति भवकालेषु पुरुषाणां पराक्रमाः

tasmāt pārtha na saṁtāpastvayā kāryaḥ parābhavāt bhavanti bhavakāleṣu puruṣāṇāṁ parākramāḥ

'अतः हे पार्थ! अपनी पराजय पर संताप मत करो; मनुष्यों का पराक्रम अपने-अपने काल के अनुसार ही होता है।'

श्लोक 64 (vishnu.5.38.64)

त्वयैकेन हता भीष्मद्रोणकर्णादयो नृपाः । तेषाम् अर्जुन कालोत्थः किं न्यूनाभिभवो न सः

tvayaikena hatā bhīṣmadroṇakarṇādayo nṛpāḥ teṣām arjuna kālotthaḥ kiṁ nyūnābhibhavo na saḥ

'तुमने अकेले ही भीष्म, द्रोण, कर्ण आदि राजाओं का वध किया था; हे अर्जुन! क्या उनकी वह पराजय भी कालजनित नहीं थी, क्या वह इससे कुछ कम थी?'

श्लोक 65 (vishnu.5.38.65)

विष्णोस्तस्यानुभावेन यथा तेषां पराभवः । त्वत्तस्तथैव भवतो दस्युभ्योऽन्ते तदुद्भवः

viṣṇostasyānubhāvena yathā teṣāṁ parābhavaḥ tvattastathaiva bhavato dasyubhyo'nte tadudbhavaḥ

'जिस प्रकार उनकी पराजय विष्णु के ही प्रभाव से तुम्हारे द्वारा हुई थी, उसी प्रकार अन्त में लुटेरों से तुम्हारी यह पराजय भी उसी के उद्भव से हुई है।'

श्लोक 66 (vishnu.5.38.66)

स देवोऽन्यशरीराणि समाविश्य जगत्स्थितिम् । करोति सर्वभूतानां नाशं चान्ते जगत्पतिः

sa devo'nyaśarīrāṇi samāviśya jagatsthitim karoti sarvabhūtānāṁ nāśaṁ cānte jagatpatiḥ

'वह देव अन्य शरीरों में प्रविष्ट होकर जगत की स्थिति बनाए रखता है; और वह जगत्पति अन्त में समस्त प्राणियों का विनाश भी करता है।'

श्लोक 67 (vishnu.5.38.67)

तवोद्भवे स कौन्तेय सहायोऽभूज्जनार्दनः । भवान्ते त्वद्विपक्षास्ते केशवेनावलोकिताः

tavodbhave sa kaunteya sahāyo'bhūjjanārdanaḥ bhavānte tvadvipakṣāste keśavenāvalokitāḥ

'हे कौन्तेय! तुम्हारे उदय-काल में जनार्दन तुम्हारे सहायक बने थे; तुम्हारे उस काल के अन्त में तुम्हारे विपक्षी वे ही केशव द्वारा दृष्टिगत हुए।'

श्लोक 68 (vishnu.5.38.68)

कः श्रद्दध्यात् सगाङ्गेयान् हन्यास्त्वं सर्वकौरवान् । आभीरेभ्यश्च भवतः कः श्रद्दध्यात् पराभवम्

kaḥ śraddadhyāt sagāṅgeyān hanyāstvaṁ sarvakauravān ābhīrebhyaśca bhavataḥ kaḥ śraddadhyāt parābhavam

'यह किसने विश्वास किया होता कि तुम गांगेय (भीष्म) सहित समस्त कौरवों का वध कर दोगे? और अब आभीरों से तुम्हारी पराजय पर भला कौन विश्वास करे?'

श्लोक 69 (vishnu.5.38.69)

पार्थैतत् सर्वभूतस्य हरेर्लीलाविचेष्टितम् । त्वया यत् कौरवा ध्वस्ता यद् आभीरैर्भवाञ् जितः

pārthaitat sarvabhūtasya harerlīlāviceṣṭitam tvayā yat kauravā dhvastā yad ābhīrairbhavāñ jitaḥ

'हे पार्थ! यह सब उन सर्वभूतस्वरूप हरि की ही लीला-क्रीड़ा है — कि कौरव तुम्हारे द्वारा नष्ट हुए, और तुम आभीरों द्वारा पराजित हुए।'

श्लोक 70 (vishnu.5.38.70)

गृहीता दस्युभिर्यच्च भवता शोचिताः स्त्रियः । तद् अप्य् अहं यथावृत्तं कथयामि तवार्जुन

gṛhītā dasyubhiryacca bhavatā śocitāḥ striyaḥ tad apy ahaṁ yathāvṛttaṁ kathayāmi tavārjuna

'और लुटेरों द्वारा हरी गई जिन स्त्रियों के लिए तुम शोक कर रहे हो — हे अर्जुन! उसका भी यथावृत्तांत मैं तुम्हें बताता हूँ।'

श्लोक 71 (vishnu.5.38.71)

अष्टावक्रः पुरा विप्रो जलवासरतोऽभवत् । बहून् वर्षगणान् पार्थ गृणन् ब्रह्म सनातनम्

aṣṭāvakraḥ purā vipro jalavāsarato'bhavat bahūn varṣagaṇān pārtha gṛṇan brahma sanātanam

'हे पार्थ! प्राचीन काल में अष्टावक्र नामक ब्राह्मण जल में निवास करने में रत होकर अनेक वर्षों तक सनातन ब्रह्म का जप करता रहा।'

श्लोक 72 (vishnu.5.38.72)

जितेष्व् असुरसंघेषु मेरुपृष्ठे महोत्सवः । बभूव तत्र गच्छन्त्यो ददृशुस्तं सुरस्त्रियः

jiteṣv asurasaṁgheṣu merupṛṣṭhe mahotsavaḥ babhūva tatra gacchantyo dadṛśustaṁ surastriyaḥ

'असुर-समूहों के जीत लिए जाने पर मेरु के शिखर पर महोत्सव हुआ; वहाँ जाती हुई देव-स्त्रियों ने उसे देखा।'

श्लोक 73 (vishnu.5.38.73)

रम्भातिलोत्तमाद्याश्च शतशोऽथ सहस्रशः । तुष्टुवुस्तं महात्मानं प्रशशंसुश्च पाण्डव

rambhātilottamādyāśca śataśo'tha sahasraśaḥ tuṣṭuvustaṁ mahātmānaṁ praśaśaṁsuśca pāṇḍava

'हे पाण्डव! रम्भा, तिलोत्तमा आदि सैकड़ों-हज़ारों अप्सराओं ने उस महात्मा की स्तुति और प्रशंसा की।'

श्लोक 74 (vishnu.5.38.74)

आकण्ठमग्नं सलिले जटाभारधरं मुनिम् । विनयावनताश्चैनं प्रणेमुः स्तोत्रतत्पराः

ākaṇṭhamagnaṁ salile jaṭābhāradharaṁ munim vinayāvanatāścainaṁ praṇemuḥ stotratatparāḥ

'गले तक जल में डूबे हुए, जटाभार धारण किए हुए उस मुनि के समक्ष विनयपूर्वक झुककर, स्तुतिपरायण वे उन्हें प्रणाम करने लगीं।'

श्लोक 75 (vishnu.5.38.75)

यथा यथा प्रसन्नोऽसौ तुष्टुवुस्तं तथा तथा । सर्वास्ताः कौरवश्रेष्ठ वरिष्ठं तं द्विजन्मनाम्

yathā yathā prasanno'sau tuṣṭuvustaṁ tathā tathā sarvāstāḥ kauravaśreṣṭha variṣṭhaṁ taṁ dvijanmanām

'हे कौरवश्रेष्ठ! वे जिस-जिस प्रकार से उन्हें प्रसन्न देखतीं, उसी प्रकार से उन द्विजश्रेष्ठ की स्तुति करती गईं।'

श्लोक 76 (vishnu.5.38.76)

अष्टावक्र उवाच । प्रसन्नोऽहं महाभागा भवतीनां यद् इष्यते । मत्तस्तद् व्रियतां सर्वं प्रदास्याम्य् अतिदुर्लभम्

aṣṭāvakra uvāca prasanno'haṁ mahābhāgā bhavatīnāṁ yad iṣyate mattastad vriyatāṁ sarvaṁ pradāsyāmy atidurlabham

अष्टावक्र ने कहा — 'हे महाभागाओ! मैं प्रसन्न हूँ; तुम्हें जो अभीष्ट हो, वह सब मुझसे माँग लो; मैं अत्यंत दुर्लभ वस्तु भी प्रदान करूँगा।'

श्लोक 77 (vishnu.5.38.77)

रम्भातिलोत्तमाद्यास्तं वैदिक्योऽप्सरसोऽब्रुवन् । प्रसन्ने त्वय्य् अपर्याप्तं किम् अस्माकम् इति द्विज

rambhātilottamādyāstaṁ vaidikyo'psaraso'bruvan prasanne tvayy aparyāptaṁ kim asmākam iti dvija

वेदज्ञ रम्भा, तिलोत्तमा आदि अप्सराओं ने उससे कहा — 'हे द्विज! आपके प्रसन्न होने पर हमें भला क्या दुर्लभ हो सकता है?'

श्लोक 78 (vishnu.5.38.78)

इतरास्त्व् अब्रुवन् विप्र प्रसन्नो भगवान् यदि । तद् इच्छामः पतिं प्राप्तुं विप्रेन्द्र पुरुषोत्तमम्

itarāstv abruvan vipra prasanno bhagavān yadi tad icchāmaḥ patiṁ prāptuṁ viprendra puruṣottamam

किन्तु अन्य अप्सराओं ने कहा — 'हे विप्र! यदि भगवान् प्रसन्न हैं, तो हे विप्रेन्द्र! हम पुरुषों में श्रेष्ठ पति पाना चाहती हैं।'

श्लोक 79 (vishnu.5.38.79)

व्यास उवाच । एवं भविष्यतीत्य् उक्त्वा उत्ततार जलान् मुनिः । तम् उत्तीर्णं च ददृशुर्विरूपं वक्रम् अष्टधा

vyāsa uvāca evaṁ bhaviṣyatīty uktvā uttatāra jalān muniḥ tam uttīrṇaṁ ca dadṛśurvirūpaṁ vakram aṣṭadhā

व्यास ने कहा — 'ऐसा ही होगा' कहकर मुनि जल से बाहर निकले; और बाहर निकले हुए उन्हें उन्होंने विरूप, आठ स्थानों पर टेढ़े रूप में देखा।

श्लोक 80 (vishnu.5.38.80)

तं दृष्ट्वा गूहमानानां यासां हासः स्फुटोऽभवत् । ताः शशाप मुनिः कोपम् अवाप्य कुरुनन्दन

taṁ dṛṣṭvā gūhamānānāṁ yāsāṁ hāsaḥ sphuṭo'bhavat tāḥ śaśāpa muniḥ kopam avāpya kurunandana

हे कुरुनन्दन! उसे देखकर छिपाने का प्रयत्न करते हुए भी जिनकी हँसी खुलकर फूट पड़ी, उन्हें मुनि ने क्रुद्ध होकर शाप दे दिया।

श्लोक 81 (vishnu.5.38.81)

यस्माद् विरूपरूपं मां मत्वा हासावमानना । भवतीभिः कृता तस्माद् एषं शापं ददामि वः

yasmād virūparūpaṁ māṁ matvā hāsāvamānanā bhavatībhiḥ kṛtā tasmād eṣaṁ śāpaṁ dadāmi vaḥ

'चूँकि मुझे विरूप-रूप समझकर तुमने हँसी से मेरा अपमान किया है, अतः मैं तुम्हें यह शाप देता हूँ —'

श्लोक 82 (vishnu.5.38.82)

मत्प्रसादेन भर्तारं लब्ध्वा तु पुरुषोत्तमम् । मच्छापोपहताः सर्वा दस्युहस्तं गमिष्यथ

matprasādena bhartāraṁ labdhvā tu puruṣottamam macchāpopahatāḥ sarvā dasyuhastaṁ gamiṣyatha

'मेरी कृपा से तुम्हें पुरुषोत्तम पति तो मिलेगा ही, किन्तु मेरे शाप से आहत होकर तुम सब बाद में लुटेरों के हाथ पड़ोगी।'

श्लोक 83 (vishnu.5.38.83)

व्यास उवाच । इत्य् उदीरितम् आकर्ण्य मुनिस्ताभिः प्रसादितः । पुनः सुरेन्द्रलोकं वै प्राह भूयो गमिष्यथ

vyāsa uvāca ity udīritam ākarṇya munistābhiḥ prasāditaḥ punaḥ surendralokaṁ vai prāha bhūyo gamiṣyatha

व्यास ने कहा — यह सुनकर उनके द्वारा प्रसन्न किए जाने पर मुनि ने कहा — 'तुम पुनः देवराज के लोक को अवश्य लौट जाओगी।'

श्लोक 84 (vishnu.5.38.84)

एवं तस्य मुनेः शापाद् अष्टावक्रस्य केशवम् । भर्तारं प्राप्य ता याता दस्युहस्तं वराङ्गनाः

evaṁ tasya muneḥ śāpād aṣṭāvakrasya keśavam bhartāraṁ prāpya tā yātā dasyuhastaṁ varāṅganāḥ

इस प्रकार उस मुनि अष्टावक्र के शाप से, केशव को पति रूप में प्राप्त कर, वे श्रेष्ठ स्त्रियाँ अन्ततः लुटेरों के हाथ में चली गईं।

श्लोक 85 (vishnu.5.38.85)

तत् त्वया नात्र कर्तव्यः शोकोऽल्पोऽपि हि पाण्डव । तेनैवाखिलनाथेन सर्वं तद् उपसंहृतम्

tat tvayā nātra kartavyaḥ śoko'lpo'pi hi pāṇḍava tenaivākhilanāthena sarvaṁ tad upasaṁhṛtam

'अतः हे पाण्डव! इसके लिए तुम्हें रत्ती भर भी शोक नहीं करना चाहिए; उन्हीं अखिलनाथ द्वारा यह सब समेट लिया गया है।'

श्लोक 86 (vishnu.5.38.86)

भवतां चोपसंहारम् आसन्नं तेन कुर्वता । बलं तेजस्तथा वीर्यं माहात्म्यं चोपसंहृतम्

bhavatāṁ copasaṁhāram āsannaṁ tena kurvatā balaṁ tejastathā vīryaṁ māhātmyaṁ copasaṁhṛtam

'और तुम्हारे भी संहार को समीप लाते हुए, उन्होंने तुम्हारे बल, तेज, वीर्य तथा महानता को भी समेट लिया है।'

श्लोक 87 (vishnu.5.38.87)

जातस्य नियतो मृत्युः पतनं च तथोन्नतेः । विप्रयोगावसानश्च संयोगः संचयात् क्षयः

jātasya niyato mṛtyuḥ patanaṁ ca tathonnateḥ viprayogāvasānaśca saṁyogaḥ saṁcayāt kṣayaḥ

'जो जन्मा है उसकी मृत्यु निश्चित है, तथा उन्नति के पश्चात् पतन भी निश्चित है; संयोग का अन्त वियोग में होता है, और संचय का क्षय में।'

श्लोक 88 (vishnu.5.38.88)

विज्ञाय न बुधाः शोकं न हर्षम् उपयान्ति ये । तेषाम् एवेतरे चेष्टां शिक्षन्तः सन्ति तादृशाः

vijñāya na budhāḥ śokaṁ na harṣam upayānti ye teṣām evetare ceṣṭāṁ śikṣantaḥ santi tādṛśāḥ

'यह जानकर बुद्धिमान् लोग न तो शोक करते हैं और न हर्ष; और अन्य लोग भी उनकी चेष्टा से शिक्षा पाकर वैसे ही बन जाते हैं।'

श्लोक 89 (vishnu.5.38.89)

तस्मात् त्वया नरश्रेष्ठ ज्ञात्वैतद् भ्रातृभिः सह । परित्यज्याखिलं तन्त्रं गन्तव्यं तपसे वनम्

tasmāt tvayā naraśreṣṭha jñātvaitad bhrātṛbhiḥ saha parityajyākhilaṁ tantraṁ gantavyaṁ tapase vanam

'अतः हे नरश्रेष्ठ! यह जानकर, अपने भाइयों सहित, समस्त राज-कार्य त्यागकर तुम्हें तप हेतु वन में जाना चाहिए।'

श्लोक 90 (vishnu.5.38.90)

तद् गच्छ धर्मराजाय निवेद्यैतद् वचो मम । परश्वो भ्रातृभिः सार्धं यथा यासि तथा कुरु

tad gaccha dharmarājāya nivedyaitad vaco mama paraśvo bhrātṛbhiḥ sārdhaṁ yathā yāsi tathā kuru

'अतः जाओ, और धर्मराज को मेरा यह वचन सुनाकर, परसों भाइयों सहित जिस प्रकार प्रस्थान करो, वैसा ही करो।'

श्लोक 91 (vishnu.5.38.91)

पराशर उवाच । इत्य् उक्तोऽभ्येत्य पार्थाभ्यां यमाभ्यां च सहार्जुनः । दृष्टं चैवानुभूतं च कथितं तद् विशेषतः

parāśara uvāca ity ukto'bhyetya pārthābhyāṁ yamābhyāṁ ca sahārjunaḥ dṛṣṭaṁ caivānubhūtaṁ ca kathitaṁ tad viśeṣataḥ

पराशर ने कहा — यह सुनकर अर्जुन ने भीम तथा यमज (नकुल-सहदेव) के पास आकर जो कुछ देखा और अनुभव किया था, वह सब विस्तार से कह सुनाया।

श्लोक 92 (vishnu.5.38.92)

व्यासवाक्यं च ते सर्वे श्रुत्वार्जुनसमीरितम् । राज्ये परीक्षितं कृत्वा ययुः पाण्डुसुता वनम्

vyāsavākyaṁ ca te sarve śrutvārjunasamīritam rājye parīkṣitaṁ kṛtvā yayuḥ pāṇḍusutā vanam

और अर्जुन द्वारा कहे गए व्यास के वचन सुनकर, परीक्षित को राज्य में स्थापित कर, समस्त पाण्डुपुत्र वन को चले गए।

श्लोक 93 (vishnu.5.38.93)

इत्य् एतत् तव मैत्रेय विस्तरेण मयोदितम् । जातस्य यद् यदोर्वंशे वासुदेवस्य चेष्टितम्

ity etat tava maitreya vistareṇa mayoditam jātasya yad yadorvaṁśe vāsudevasya ceṣṭitam

हे मैत्रेय! इस प्रकार यह मैंने तुम्हें विस्तार से कह सुनाया — यदुवंश में जन्मे वासुदेव का यह चरित्र।