लोकों का जलमग्न होना और प्राकृत प्रलय

श्लोक 1 (vishnu.6.4.1)

पराशर उवाच । सप्तर्षिस्थानमाक्रम्य स्थितेऽम्भसि महामुने । एकार्णवं भवत्येतत् त्रैलोक्यमखिलं ततः

parāśara uvāca saptarṣisthānam ākramya sthite 'mbhasi mahāmune ekārṇavaṁ bhavaty etat trailokyam akhilaṁ tataḥ

पराशर जी ने कहा — हे महामुने! जब जल सप्तर्षियों के स्थान तक पहुँचकर स्थित हो जाता है, तब यह सम्पूर्ण त्रिलोक एक ही महासागर बन जाता है।

श्लोक 2 (vishnu.6.4.2)

मुखनिश्वासजो विष्णोर् वायुस् ताञ् जलदांस् ततः । नाशयन् वाति मैत्रेय वर्षाणामपरं शतम्

mukhaniśvāsajo viṣṇor vāyus tāñ jaladāṁs tataḥ nāśayan vāti maitreya varṣāṇām aparaṁ śatam

तब, हे मैत्रेय! विष्णु के मुख के श्वास से उत्पन्न वायु उन मेघों को नष्ट करती हुई सौ वर्षों तक और चलती रहती है।

श्लोक 3 (vishnu.6.4.3)

सर्वभूतमयोऽचिन्त्यो भगवान् भूतभावनः । अनादिरादिर् विश्वस्य पीत्वा वायुमशेषतः

sarvabhūtamayo 'cintyo bhagavān bhūtabhāvanaḥ anādir ādir viśvasya pītvā vāyum aśeṣataḥ

सर्वभूतमय, अचिन्त्य, समस्त प्राणियों के उद्गम, स्वयं अनादि किन्तु विश्व के आदिकर्ता भगवान्, उस वायु को भी सम्पूर्ण रूप से पीकर —

श्लोक 4 (vishnu.6.4.4)

एकार्णवे ततस् तस्मिञ् शेषशय्यास्थितः प्रभुः । ब्रह्मरूपधरः शेते भगवानादिकृद् धरिः

ekārṇave tatas tasmiñ śeṣaśayyāsthitaḥ prabhuḥ brahmarūpadharaḥ śete bhagavān ādikṛd dhariḥ

तब उसी एकार्णव में शेषशय्या पर स्थित होकर, ब्रह्मा का रूप धारण किए हुए, समस्त सृष्टि के आदिकर्ता भगवान् हरि शयन करते हैं।

श्लोक 5 (vishnu.6.4.5)

जनलोकगतैः सिद्धैः सनकाद्यैरभिष्टुतः । ब्रह्मलोकगतैश् चैव चिन्त्यमानो मुमुक्षुभिः

janalokagataiḥ siddhaiḥ sanakādyair abhiṣṭutaḥ brahmalokagataiś caiva cintyamāno mumukṣubhiḥ

जनलोक में निवास करने वाले सनकादि सिद्ध पुरुषों द्वारा स्तुति किए जाते हुए, तथा ब्रह्मलोक में स्थित मुमुक्षुजनों द्वारा ध्यान किए जाते हुए,

श्लोक 6 (vishnu.6.4.6)

आत्ममायामयीं दिव्यां योगनिद्रां समास्थितः । आत्मानं वासुदेवाख्यं चिन्तयन् परमेश्वरः

ātmamāyāmayīṁ divyāṁ yoganidrāṁ samāsthitaḥ ātmānaṁ vāsudevākhyaṁ cintayan parameśvaraḥ

अपनी ही माया से बनी दिव्य योगनिद्रा में स्थित हुए वे परमेश्वर वासुदेव नामक अपने ही स्वरूप का चिंतन करते हैं।

श्लोक 7 (vishnu.6.4.7)

एष नैमित्तिको नाम मैत्रेय प्रतिसंचरः । निमित्तं तत्र यच् छेते ब्रह्मरूपधरो हरिः

eṣa naimittiko nāma maitreya pratisaṁcaraḥ nimittaṁ tatra yac chete brahmarūpadharo hariḥ

हे मैत्रेय! यही नैमित्तिक प्रलय कहलाता है — इसे नैमित्तिक इसलिए कहा जाता है क्योंकि इसमें ब्रह्मारूपधारी हरि उस कारण के रूप में शयन करते हैं।

श्लोक 8 (vishnu.6.4.8)

यदा जागर्ति सर्वात्मा स तदा चेष्टते जगत् । निमीलत्येतदखिलं मायाशय्याशयेऽच्युते

yadā jāgarti sarvātmā sa tadā ceṣṭate jagat nimīlaty etad akhilaṁ māyāśayyāśaye 'cyute

जब वह सर्वात्मा जागते हैं, तब जगत् चेष्टा करने लगता है; और जब वह अच्युत माया-शय्या पर शयन करते हैं, तब यह सम्पूर्ण जगत् निमीलित (सो) जाता है।

श्लोक 9 (vishnu.6.4.9)

पद्मयोनेर् दिनं यत् तु चतुर्युगसहस्रवत् । एकार्णवे कृते लोके तावती रात्रिरिष्यते

padmayoner dinaṁ yat tu caturyugasahasravat ekārṇave kṛte loke tāvatī rātrir iṣyate

कमल से उत्पन्न ब्रह्मा का जो दिन एक हजार चतुर्युगों के बराबर है, संसार के एकार्णव हो जाने पर उतनी ही अवधि उनकी रात्रि मानी जाती है।

श्लोक 10 (vishnu.6.4.10)

ततः प्रबुद्धो रात्र्यन्ते पुनः सृष्टिं करोत्यजः । ब्रह्मस्वरूपधृग् विष्णुर् यथा ते कथितं पुरा

tataḥ prabuddho rātryante punaḥ sṛṣṭiṁ karoty ajaḥ brahmasvarūpadhṛg viṣṇur yathā te kathitaṁ purā

तत्पश्चात् उस रात्रि के अंत में जागकर, ब्रह्मा का स्वरूप धारण किए हुए अजन्मा विष्णु पुनः सृष्टि की रचना करते हैं, जैसा कि मैंने आपसे पहले कहा था।

श्लोक 11 (vishnu.6.4.11)

इत्येष कल्पसंहारादन्तरप्रलयो द्विज । नैमित्तिकस् ते कथितः प्राकृतं शृण्वतः परम्

ity eṣa kalpasaṁhārād antarapralayo dvija naimittikas te kathitaḥ prākṛtaṁ śṛṇvataḥ param

हे द्विज! इस प्रकार कल्प-संहार से भिन्न वह अंतराल-प्रलय, अर्थात् नैमित्तिक प्रलय, आपसे कहा गया; अब आगे प्राकृत प्रलय को सुनिए।

श्लोक 12 (vishnu.6.4.12)

अनावृष्ट्यग्निसंपर्कात् कृते संक्षालने मुने । समस्तेष्वेव लोकेषु पातालेष्वखिलेषु च

anāvṛṣṭyagnisaṁparkāt kṛte saṁkṣālane mune samasteṣv eva lokeṣu pātāleṣv akhileṣu ca

हे मुने! अनावृष्टि और अग्नि के संयोग से समस्त लोकों तथा सम्पूर्ण पातालों में यह प्रक्षालन (शुद्धिकरण) हो जाने पर,

श्लोक 13 (vishnu.6.4.13)

महदादेर् विकारस्य विशेषान्तस्य संक्षये । कृष्णेच्छाकारिते तस्मिन् प्रवृत्ते प्रतिसंचरे

mahadāder vikārasya viśeṣāntasya saṁkṣaye kṛṣṇecchākārite tasmin pravṛtte pratisaṁcare

महत् आदि से लेकर विशेष (स्थूल भूतों) तक के विकारों का क्षय होने पर, कृष्ण की इच्छा से घटित उस प्रलय के प्रवृत्त होने पर,

श्लोक 14 (vishnu.6.4.14)

आपो ग्रसन्ति वै पूर्वं भूमेर् गन्धात्मकं गुणम् । आत्तगन्धा ततो भूमिः प्रलयत्वाय कल्पते

āpo grasanti vai pūrvaṁ bhūmer gandhātmakaṁ guṇam āttagandhā tato bhūmiḥ pralayatvāya kalpate

सबसे पहले जल पृथ्वी के गंध-गुण को ग्रस लेता है; गंध के छिन जाने पर पृथ्वी प्रलय के योग्य हो जाती है।

श्लोक 15 (vishnu.6.4.15)

प्रणष्टे गन्धतन्मात्रे भवत्युर्वी जलात्मिका । आपस् तदा प्रवृद्धास् तु वेगवत्यो महास्वनाः

praṇaṣṭe gandhatanmātre bhavaty urvī jalātmikā āpas tadā pravṛddhās tu vegavatyo mahāsvanāḥ

गंध-तन्मात्रा के नष्ट हो जाने पर पृथ्वी जलमय हो जाती है; तब वे जल, अत्यंत बढ़े हुए, वेगवान् और महाघोष करते हुए,

श्लोक 16 (vishnu.6.4.16)

सर्वमापूरयन्तीदं तिष्ठन्ति विचरन्ति च । सलिलेनैवोर्मिमता लोकांस् तांस् तान् समन्ततः

sarvam āpūrayantīdaṁ tiṣṭhanti vicaranti ca salilenaivormimatā lokāṁs tāṁs tān samantataḥ

इस सम्पूर्ण जगत् को भरकर, उन-उन सभी लोकों को चारों ओर से लहरों से युक्त जल द्वारा डुबोते हुए, स्थित और संचरित रहते हैं।

श्लोक 17 (vishnu.6.4.17)

अपामपि गुणो यस् तु ज्योतिषा पीयते तु सः । नश्यन्त्यापस् ततस् ताश् च रसतन्मात्रसंक्षयात्

apām api guṇo yas tu jyotiṣā pīyate tu saḥ naśyanty āpas tatas tāś ca rasatanmātrasaṁkṣayāt

तत्पश्चात् जल का जो गुण है, वह तेज (अग्नि) द्वारा पी लिया जाता है; तब रस-तन्मात्रा के क्षय से वे सारे जल नष्ट हो जाते हैं।

श्लोक 18 (vishnu.6.4.18)

ततश् चापो हृतरसा ज्योतिषं प्राप्नुवन्ति वै । अग्न्यवस्थे तु सलिले तेजसा सर्वतो वृते

tataś cāpo hṛtarasā jyotiṣaṁ prāpnuvanti vai agnyavasthe tu salile tejasā sarvato vṛte

तब रस-हीन हुए जल तेज की अवस्था को प्राप्त कर लेते हैं; और जल के अग्निमय हो जाने पर, सर्वत्र तेज से व्याप्त होने पर,

श्लोक 19 (vishnu.6.4.19)

स चाग्निः सर्वतो व्याप्य आदत्ते तज् जलं तथा । सर्वमापूर्यतेऽर्चिभिस् तदा जगदिदं शनैः

sa cāgniḥ sarvato vyāpya ādatte taj jalaṁ tathā sarvam āpūryate 'rcibhis tadā jagad idaṁ śanaiḥ

वह अग्नि सर्वत्र व्याप्त होकर उस जल को इस प्रकार ग्रस लेती है; तब यह सम्पूर्ण जगत् धीरे-धीरे उन ज्वालाओं से भर जाता है।

श्लोक 20 (vishnu.6.4.20)

अर्चिर्भिः संवृते तस्मिंस् तिर्यगूर्ध्वमधस् तथा । ज्योतिषोऽपि परं रूपं वायुरत्ति प्रभाकरम्

arcirbhiḥ saṁvṛte tasmiṁs tiryag ūrdhvam adhas tathā jyotiṣo 'pi paraṁ rūpaṁ vāyur atti prabhākaram

उस जगत् के तिरछे, ऊपर और नीचे सर्वत्र ज्वालाओं से आवृत हो जाने पर, वायु उस तेज के भी परम प्रकाशमय रूप को ग्रस लेती है।

श्लोक 21 (vishnu.6.4.21)

प्रलीने च ततस् तस्मिन् वायुभूतेऽखिलात्मनि । प्रणष्टे रूपतन्मात्रे हृतरूपो विभावसुः

pralīne ca tatas tasmin vāyubhūte 'khilātmani praṇaṣṭe rūpatanmātre hṛtarūpo vibhāvasuḥ

तब उस सर्वात्मा के वायुमय हो जाने पर और रूप-तन्मात्रा के नष्ट हो जाने पर, रूपहीन हुई वह अग्नि —

श्लोक 22 (vishnu.6.4.22)

प्रशाम्यति तदा ज्योतिर् वायुर् दोधूयते महान् । निरालोके तदा लोके वाय्ववस्थे च तेजसि

praśāmyati tadā jyotir vāyur dodhūyate mahān nirāloke tadā loke vāyvavasthe ca tejasi

वह तेज तब शांत हो जाता है, और वह महान् वायु प्रचंड वेग से बहने लगती है; अग्नि के वायु-अवस्था में पहुँच जाने पर तब लोक प्रकाशरहित हो जाता है।

श्लोक 23 (vishnu.6.4.23)

ततस् तु मूलमासाद्य वायुः संभवमात्मनः । ऊर्ध्वं चाधश् च तिर्यक् च दोधवीति दिशो दश

tatas tu mūlam āsādya vāyuḥ saṁbhavam ātmanaḥ ūrdhvaṁ cādhaś ca tiryak ca dodhavīti diśo daśa

तत्पश्चात् वह वायु अपने उद्गम-स्थान को प्राप्त कर, ऊपर, नीचे और तिरछे, दसों दिशाओं में प्रचंड वेग से बहने लगती है।

श्लोक 24 (vishnu.6.4.24)

वायोरपि गुणं स्पर्शमाकाशं ग्रसते ततः । प्रशाम्यति ततो वायुः खं तु तिष्ठत्यनावृतम्

vāyor api guṇaṁ sparśam ākāśaṁ grasate tataḥ praśāmyati tato vāyuḥ khaṁ tu tiṣṭhaty anāvṛtam

तब आकाश वायु के स्पर्श-गुण को ग्रस लेता है; इससे वायु शांत हो जाती है, और केवल आकाश ही अनावृत रह जाता है।

श्लोक 25 (vishnu.6.4.25)

अरूपमरसस्पर्शमगन्धं न च मूर्तिमत् । सर्वमापूरयच् चैव सुमहत् तत् प्रकाशते

arūpam arasasparśam agandhaṁ na ca mūrtimat sarvam āpūrayac caiva sumahat tat prakāśate

वह आकाश — रूपरहित, रस-स्पर्श-रहित, गंधरहित तथा आकाररहित होते हुए भी सब कुछ भरता हुआ — अत्यंत विशाल रूप में प्रकाशित होता है।

श्लोक 26 (vishnu.6.4.26)

परिमण्डलं तत् सुषिरमाकाशं शब्दलक्षणम् । शब्दमात्रं तदाकाशं सर्वमावृत्य तिष्ठति

parimaṇḍalaṁ tat suṣiram ākāśaṁ śabdalakṣaṇam śabdamātraṁ tadākāśaṁ sarvam āvṛtya tiṣṭhati

वह गोलाकार और सुषिर (छिद्रमय) आकाश शब्द-लक्षण वाला है; शब्दमात्र वह आकाश सब कुछ को आवृत कर के स्थित रहता है।

श्लोक 27 (vishnu.6.4.27)

ततः शब्दगुणं तस्य भूतादिर् ग्रसते पुनः । भूतेन्द्रियेषु युगपद् भूतादौ संस्थितेषु वै । अभिमानात्मको ह्येष भूतादिस् तामसः स्मृतः

tataḥ śabdaguṇaṁ tasya bhūtādir grasate punaḥ bhūtendriyeṣu yugapad bhūtādau saṁsthiteṣu vai abhimānātmako hy eṣa bhūtādis tāmasaḥ smṛtaḥ

तत्पश्चात् भूतादि (अहंकार) आकाश के शब्द-गुण को ग्रस लेता है; भूत और इन्द्रियों के एक साथ भूतादि में लीन हो जाने पर — यह भूतादि, जिसका स्वभाव अभिमानात्मक है, तामसिक कहा गया है।

श्लोक 28 (vishnu.6.4.28)

भूतादिं ग्रसते चापि महान् वै बुद्धिलक्षणः

bhūtādiṁ grasate cāpi mahān vai buddhilakṣaṇaḥ

और बुद्धि-स्वरूप महत् तत्त्व भी भूतादि को ग्रस लेता है।

श्लोक 29 (vishnu.6.4.29)

उर्वी महांश् च जगतः प्रान्तेऽन्तर् बाह्यतस् तथा

urvī mahāṁś ca jagataḥ prānte 'ntar bāhyatas tathā

इस प्रकार पृथ्वी और महत्तत्त्व, जगत् की सीमा के भीतर और बाहर दोनों ओर से इसी क्रम में सम्मिलित हैं।

श्लोक 30 (vishnu.6.4.30)

एवं सप्त महाबुद्धेः क्रमात् प्रकृतयस् तु वै । प्रत्याहारे तु ताः सर्वाः प्रविशन्ति परस्परम्

evaṁ sapta mahābuddheḥ kramāt prakṛtayas tu vai pratyāhāre tu tāḥ sarvāḥ praviśanti parasparam

इस प्रकार महत् से लेकर क्रमशः सात प्रकृतियाँ हैं; और प्रलय-काल के प्रत्याहार (संकोच) में वे सभी एक-दूसरे में प्रवेश कर जाती हैं।

श्लोक 31 (vishnu.6.4.31)

येनेदमावृतं सर्वमण्डमप्सु प्रलीयते । सप्तद्वीपसमुद्रान्तं सप्तलोकं सपर्वतम्

yenedam āvṛtaṁ sarvam aṇḍam apsu pralīyate saptadvīpasamudrāntaṁ saptalokaṁ saparvatam

जिससे यह सम्पूर्ण ब्रह्माण्ड आवृत है, वह सप्तद्वीप, समुद्रों, सात लोकों तथा पर्वतों सहित यह सम्पूर्ण जगत् जल में लीन हो जाता है।

श्लोक 32 (vishnu.6.4.32)

उदकावरणं यत् तु ज्योतिषा पीयते तु तत् । ज्योतिर् वायौ लयं याति यात्याकाशे समीरणः

udakāvaraṇaṁ yat tu jyotiṣā pīyate tu tat jyotir vāyau layaṁ yāti yāty ākāśe samīraṇaḥ

और वह जल का आवरण तेज द्वारा पी लिया जाता है; तेज वायु में लीन हो जाता है, और वायु आकाश में लीन हो जाती है।

श्लोक 33 (vishnu.6.4.33)

आकाशं चैव भूतादिर् ग्रसते तं तथा महान् । महान्तमेभिः सहितं प्रकृतिर् ग्रसते द्विज

ākāśaṁ caiva bhūtādir grasate taṁ tathā mahān mahāntam ebhiḥ sahitaṁ prakṛtir grasate dvija

और भूतादि आकाश को ग्रस लेता है, तथा महत् उसी प्रकार भूतादि को ग्रस लेता है; और हे द्विज! प्रकृति इन सबके सहित महत् को भी ग्रस लेती है।

श्लोक 34 (vishnu.6.4.34)

गुणसाम्यमनुद्रिक्तमन्यूनं च महामुने । प्रोच्यते प्रकृतिर् हेतुः प्रधानं कारणं परम्

guṇasāmyam anudriktam anyūnaṁ ca mahāmune procyate prakṛtir hetuḥ pradhānaṁ kāraṇaṁ param

हे महामुने! गुणों की वह साम्यावस्था, जो न बढ़ी हुई है न घटी हुई, वही प्रकृति कहलाती है — वह हेतु, प्रधान, तथा परम कारण है।

श्लोक 35 (vishnu.6.4.35)

इत्येषा प्रकृतिः सर्वा व्यक्ताव्यक्तस्वरूपिणी । व्यक्तस्वरूपमव्यक्ते तस्मिन् मैत्रेय लीयते

ity eṣā prakṛtiḥ sarvā vyaktāvyaktasvarūpiṇī vyaktasvarūpam avyakte tasmin maitreya līyate

इस प्रकार यह सम्पूर्ण प्रकृति व्यक्त और अव्यक्त दोनों स्वरूपों वाली है; और हे मैत्रेय! इसका व्यक्त स्वरूप उसी अव्यक्त में लीन हो जाता है।

श्लोक 36 (vishnu.6.4.36)

एकः शुद्धोऽक्षरो नित्यः सर्वव्यापी तथा पुमान् । सोऽप्यंशः सर्वभूतस्य मैत्रेय परमात्मनः

ekaḥ śuddho 'kṣaro nityaḥ sarvavyāpī tathā pumān so 'py aṁśaḥ sarvabhūtasya maitreya paramātmanaḥ

और पुरुष — जो एक, शुद्ध, अक्षर, नित्य तथा सर्वव्यापी है — हे मैत्रेय! वह भी सम्पूर्ण भूतस्वरूप उस परमात्मा का ही एक अंश है।

श्लोक 37 (vishnu.6.4.37)

न सन्ति यत्र सर्वेशे नामजात्यादिकल्पनाः । सत्तामात्रात्मके ज्ञेये ज्ञानात्मन्यात्मनः परे

na santi yatra sarveśe nāmajātyādikalpanāḥ sattāmātrātmake jñeye jñānātmany ātmanaḥ pare

उस सर्वेश्वर में, जिसमें नाम, जाति आदि की कोई कल्पना नहीं है, जो केवल सत्तामात्र स्वरूप ज्ञेय है, जिसका स्वभाव ज्ञानस्वरूप है, जो आत्मा से भी परे है —

श्लोक 38 (vishnu.6.4.38)

तद् ब्रह्म तत् परं धाम परमात्मा स चेश्वरः । स विष्णुः सर्वमेवेदं यतो नावर्तते यतिः

tad brahma tat paraṁ dhāma paramātmā sa ceśvaraḥ sa viṣṇuḥ sarvam evedaṁ yato nāvartate yatiḥ

— वही ब्रह्म है, वही परम धाम है, वही परमात्मा और ईश्वर है; वही विष्णु है, जो यह सब कुछ है, जिसे प्राप्त कर संन्यासी पुनः नहीं लौटता।

श्लोक 39 (vishnu.6.4.39)

प्रकृतिर् या मया ख्याता व्यक्ताव्यक्तस्वरूपिणी । पुरुषश् चाप्युभावेतौ लीयेते परमात्मनि

prakṛtir yā mayā khyātā vyaktāvyaktasvarūpiṇī puruṣaś cāpy ubhāv etau līyete paramātmani

जो प्रकृति मैंने आपको व्यक्त-अव्यक्त स्वरूप वाली बताई, और पुरुष भी — ये दोनों ही परमात्मा में लीन हो जाते हैं।

श्लोक 40 (vishnu.6.4.40)

परमात्मा च सर्वेषामाधारः परमेश्वरः । विष्णुर् नाम्ना स वेदेषु वेदान्तेषु च गीयते

paramātmā ca sarveṣām ādhāraḥ parameśvaraḥ viṣṇur nāmnā sa vedeṣu vedānteṣu ca gīyate

और वह परमात्मा, समस्त जगत् का आधार, परमेश्वर, वेदों और वेदान्त में विष्णु नाम से गाया गया है।

श्लोक 41 (vishnu.6.4.41)

प्रवृत्तं च निवृत्तं च द्विविधं कर्म वैदिकम् । ताभ्यामुभाभ्यां पुरुषैः सर्वमूर्तिः स इज्यते

pravṛttaṁ ca nivṛttaṁ ca dvividhaṁ karma vaidikam tābhyām ubhābhyāṁ puruṣaiḥ sarvamūrtiḥ sa ijyate

वैदिक कर्म दो प्रकार का है — प्रवृत्तिमार्ग और निवृत्तिमार्ग; इन दोनों के द्वारा ही मनुष्य उस सर्वमूर्ति की उपासना करते हैं।

श्लोक 42 (vishnu.6.4.42)

ऋग्यजुःसामभिर् मार्गैः प्रवृत्तैरिज्यते ह्यसौ । यज्ञेश्वरो यज्ञपुमान् पुरुषैः पुरुषोत्तमः

ṛgyajuḥsāmabhir mārgaiḥ pravṛttair ijyate hy asau yajñeśvaro yajñapumān puruṣaiḥ puruṣottamaḥ

प्रवृत्तिमार्ग के ऋक्, यजुष् और साम मार्गों द्वारा मनुष्य उस यज्ञेश्वर, यज्ञपुरुष, पुरुषोत्तम की उपासना करते हैं।

श्लोक 43 (vishnu.6.4.43)

ज्ञानात्मा ज्ञानयोगेन ज्ञानमूर्तिः स चेज्यते । निवृत्ते योगिभिर् मार्गे विष्णुर् मुक्तिफलप्रदः

jñānātmā jñānayogena jñānamūrtiḥ sa cejyate nivṛtte yogibhir mārge viṣṇur muktiphalapradaḥ

और ज्ञानस्वरूप, ज्ञानमूर्ति वह विष्णु निवृत्तिमार्ग में योगियों द्वारा ज्ञानयोग से पूजित होते हैं, तथा वे मुक्ति-रूपी फल प्रदान करने वाले हैं।

श्लोक 44 (vishnu.6.4.44)

ह्रस्वदीर्घप्लुतैर् यत् तु किंचिद् वस्त्वभिधीयते । यच् च वाचामविषये तत् सर्वं विष्णुरव्ययः

hrasvadīrghaplutair yat tu kiṁcid vastv abhidhīyate yac ca vācām aviṣaye tat sarvaṁ viṣṇur avyayaḥ

ह्रस्व, दीर्घ और प्लुत ध्वनियों द्वारा जो कुछ भी वस्तु कही जाती है, तथा जो वाणी के विषय से परे है — वह सब कुछ अविनाशी विष्णु ही है।

श्लोक 45 (vishnu.6.4.45)

व्यक्तं स एव चाव्यक्तं स एव पुरुषोऽव्ययः । परमात्मा च विश्वात्मा विश्वरूपधरो हरिः

vyaktaṁ sa eva cāvyaktaṁ sa eva puruṣo 'vyayaḥ paramātmā ca viśvātmā viśvarūpadharo hariḥ

वही व्यक्त है, और वही अव्यक्त है; वही अविनाशी पुरुष, परमात्मा, विश्वात्मा तथा विश्वरूपधारी हरि है।

श्लोक 46 (vishnu.6.4.46)

व्यक्ताव्यक्तात्मिका तस्मिन् प्रकृतिः संप्रलीयते । पुरुषश् चापि मैत्रेय व्यापिन्यव्याहतात्मनि

vyaktāvyaktātmikā tasmin prakṛtiḥ saṁpralīyate puruṣaś cāpi maitreya vyāpiny avyāhatātmani

हे मैत्रेय! उसी में व्यक्त-अव्यक्त स्वरूपिणी प्रकृति सम्पूर्ण रूप से लीन हो जाती है, और पुरुष भी उस व्यापक, अबाधित सत्ता में लीन हो जाता है।

श्लोक 47 (vishnu.6.4.47)

द्विपरार्धात्मकः कालः कथितो यो मया तव । तदहस् तस्य मैत्रेय विष्णोरीशस्य कथ्यते

dviparārdhātmakaḥ kālaḥ kathito yo mayā tava tad ahas tasya maitreya viṣṇor īśasya kathyate

दो पराधों वाला जो काल मैंने आपको बताया, हे मैत्रेय! वह विष्णु भगवान् का एक दिन कहलाता है।

श्लोक 48 (vishnu.6.4.48)

व्यक्ते च प्रकृतौ लीने प्रकृत्यां पुरुषे तथा । तत्र स्थिते निशा चान्या तत्प्रमाणा महामुने

vyakte ca prakṛtau līne prakṛtyāṁ puruṣe tathā tatra sthite niśā cānyā tatpramāṇā mahāmune

हे महामुने! और जब व्यक्त सृष्टि प्रकृति में लीन हो जाती है, तथा पुरुष भी उसी प्रकार प्रकृति में स्थित रहता है, तब वह अवस्था उन्हीं की अन्य रात्रि कहलाती है, जो उसी परिमाण की होती है।

श्लोक 49 (vishnu.6.4.49)

नैवाहस् तस्य न निशा नित्यस्य परमात्मनः । उपचारस् तथाप्येष तस्येशस्य द्विजोच्यते

naivāhas tasya na niśā nityasya paramātmanaḥ upacāras tathāpy eṣa tasyeśasya dvijocyate

उस नित्य परमात्मा के लिए वास्तव में न कोई दिन है और न रात्रि; तथापि हे द्विज! उस ईश्वर के लिए यह दिन-रात्रि की उपचार-भाषा प्रयुक्त की जाती है।

श्लोक 50 (vishnu.6.4.50)

इत्येष तव मैत्रेय कथितः प्राकृतो लयः । आत्यन्तिकमथो ब्रह्मन् निबोध प्रतिसंचरम्

ity eṣa tava maitreya kathitaḥ prākṛto layaḥ ātyantikam atho brahman nibodha pratisaṁcaram

हे मैत्रेय! इस प्रकार आपसे प्राकृत प्रलय का वर्णन किया गया; अब हे ब्रह्मन्! आत्यन्तिक प्रलय को भी समझिए।