खाण्डिक्य-केशिध्वज संवाद

श्लोक 1 (vishnu.6.7.1)

केशिध्वज उवाच । न प्रार्थितं त्वया कस्मान् मम राज्यमकण्टकम् । राज्यलाभाद् विना नान्यत् क्षत्रियाणामतिप्रियम्

keśidhvaja uvāca na prārthitaṁ tvayā kasmān mama rājyam akaṇṭakam rājyalābhād vinā nānyat kṣatriyāṇām atipriyam

केशिध्वज ने कहा — "आपने मुझसे मेरा निष्कंटक राज्य क्यों नहीं माँगा? क्षत्रियों के लिए राज्य-प्राप्ति के अतिरिक्त और कुछ भी अधिक प्रिय नहीं होता।"

श्लोक 2 (vishnu.6.7.2)

खाण्डिक्य उवाच । केशिध्वज निबोध त्वं मया न प्रार्थितं यतः । राज्यमेतदशेषं ते यत्र गृध्नन्त्यपण्डिताः

khāṇḍikya uvāca keśidhvaja nibodha tvaṁ mayā na prārthitaṁ yataḥ rājyam etad aśeṣaṁ te yatra gṛdhnanty apaṇḍitāḥ

खाण्डिक्य ने कहा — "हे केशिध्वज! समझिए कि मैंने आपसे यह सम्पूर्ण राज्य क्यों नहीं माँगा — जिसकी लालसा केवल अज्ञानी ही करते हैं।

श्लोक 3 (vishnu.6.7.3)

क्षत्रियाणामयं धर्मो यत् प्रजापरिपालनम् । वधश् च धर्मयुद्धेन स्वराज्यपरिपन्थिनाम्

kṣatriyāṇām ayaṁ dharmo yat prajāparipālanam vadhaś ca dharmayuddhena svarājyaparipanthinām

क्षत्रियों का यह धर्म है कि वे प्रजा का पालन करें, तथा अपने राज्य में बाधा डालने वालों का धर्मयुद्ध द्वारा वध करें।

श्लोक 4 (vishnu.6.7.4)

यत्राशक्तस्य मे दोषो नैवास्त्यपहृते त्वया । बन्धायैव भवत्येषा अविद्याप्यक्रमोज्झिता

yatrāśaktasya me doṣo naivāsty apahṛte tvayā bandhāyaiva bhavaty eṣā avidyāpy akramojjhitā

जहाँ मैं असमर्थ था, वहाँ आपके द्वारा राज्य के छीने जाने में मेरा कोई दोष नहीं है; परंतु यदि इसे अनुचित क्रम से पुनः प्राप्त करूँ, तो यह अविद्या ही मेरे लिए बंधन का कारण बन जाएगी।

श्लोक 5 (vishnu.6.7.5)

जन्मोपभोगलिप्सार्थमियं राज्यस्पृहा मम । अन्येषां दोषजा नैव धर्ममेवानुरुध्यते

janmopabhogalipsārtham iyaṁ rājyaspṛhā mama anyeṣāṁ doṣajā naiva dharmam evānurudhyate

दूसरों में राज्य की यह लालसा जन्म और भोग की इच्छा के लिए ही उत्पन्न होती है; वह दोषजन्य है, धर्म का अनुसरण नहीं करती।

श्लोक 6 (vishnu.6.7.6)

न याच्ञा क्षत्रबन्धूनां धर्मायैतत् सतां मतम् । अतो न याचितं राज्यमविद्यान्तर्गतं तव

na yācñā kṣatrabandhūnāṁ dharmāyaitat satāṁ matam ato na yācitaṁ rājyam avidyāntargataṁ tava

सत्पुरुषों का यह मत है कि क्षत्रिय-बांधवों के लिए याचना धर्मानुकूल नहीं है; इसलिए मैंने आपके उस राज्य को नहीं माँगा, जो स्वयं अविद्या में डूबा हुआ है।

श्लोक 7 (vishnu.6.7.7)

राज्ये गृध्नन्त्यविद्वांसो ममत्वाहृतचेतसः । अहंमानमहापानमदमत्ता न मादृशाः

rājye gṛdhnanty avidvāṁso mamatvāhṛtacetasaḥ ahaṁmānamahāpānamadamattā na mādṛśāḥ

अज्ञानी लोग ही, ममत्व से हृत-चित्त होकर, अहंकार के महान् मद से उन्मत्त होकर राज्य की लालसा करते हैं; मुझ जैसे पुरुष ऐसे नहीं होते।"

श्लोक 8 (vishnu.6.7.8)

पराशर उवाच । ततः प्रहृष्टः साध्विति प्राह केशिध्वजो नृपः । खाण्डिक्यजनकं प्रीत्या श्रूयतां वचनं मम

parāśara uvāca tataḥ prahṛṣṭaḥ sādhv iti prāha keśidhvajo nṛpaḥ khāṇḍikyajanakaṁ prītyā śrūyatāṁ vacanaṁ mama

पराशर जी ने कहा — तब अत्यंत प्रसन्न होकर राजा केशिध्वज ने "साधु!" कहा और प्रेमपूर्वक खाण्डिक्य जनक से कहा — "मेरी बात सुनिए।

श्लोक 9 (vishnu.6.7.9)

अहमविद्यया मृत्युं तर्तुकामः करोमि वै । राज्यं यागांश् च विविधान् भोगैः पुण्यक्षयं तथा

aham avidyayā mṛtyuṁ tartukāmaḥ karomi vai rājyaṁ yāgāṁś ca vividhān bhogaiḥ puṇyakṣayaṁ tathā

मृत्यु को अविद्या (कर्म) के द्वारा पार करने की इच्छा से ही मैंने राज्य, विविध यज्ञ तथा भोगों द्वारा पुण्य का क्षय — यह सब किया है।

श्लोक 10 (vishnu.6.7.10)

तदिदं ते मनो दिष्ट्या विवेकैश्वर्यतां गतम् । श्रूयतां चाप्यविद्यायाः स्वरूपं कुलनन्दन

tad idaṁ te mano diṣṭyā vivekaiśvaryatāṁ gatam śrūyatāṁ cāpy avidyāyāḥ svarūpaṁ kulanandana

सौभाग्य से आपका मन विवेक के ऐश्वर्य को प्राप्त हो गया है। हे कुलनन्दन! अब अविद्या के स्वरूप को भी सुनिए।

श्लोक 11 (vishnu.6.7.11)

अनात्मन्यात्मबुद्धिर् या अस्वे स्वमिति या मतिः । अविद्यातरुसंभूतिबीजमेतद् द्विधा स्थितम्

anātmany ātmabuddhir yā asve svam iti yā matiḥ avidyātarusaṁbhūtibījam etad dvidhā sthitam

जो अनात्मा में आत्मबुद्धि है, और जो अपने से भिन्न वस्तु में "यह मेरा है" — यह बुद्धि है, यही अविद्या-वृक्ष की उत्पत्ति का बीज है, जो दो रूपों में स्थित है।

श्लोक 12 (vishnu.6.7.12)

पञ्चभूतात्मके देहे देही मोहतमोवृतः । अहमेतदितीत्युच्चैः कुरुते कुमतिर् मतिम्

pañcabhūtātmake dehe dehī mohatamovṛtaḥ aham etad itīty uccaiḥ kurute kumatir matim

पाँच भूतों से बने शरीर में देही, मोह के अंधकार से आवृत होकर, दुर्बुद्धि से यह प्रबल धारणा बना लेता है कि "मैं यह हूँ।"

श्लोक 13 (vishnu.6.7.13)

आकाशवाय्वग्निजलपृथिवीभ्यः पृथक् स्थिते । आत्मन्यात्ममयं भावं कः करोति कलेवरे

ākāśavāyvagnijalapṛthivībhyaḥ pṛthak sthite ātmany ātmamayaṁ bhāvaṁ kaḥ karoti kalevare

आत्मा आकाश, वायु, अग्नि, जल और पृथ्वी से पृथक् स्थित है — फिर कौन बुद्धिमान इस शरीर में आत्ममय भाव आरोपित करेगा?

श्लोक 14 (vishnu.6.7.14)

कलेवरोपभोग्यं हि गृहक्षेत्रादिकं च कः । अदेहे ह्यात्मनि प्राज्ञो ममेदमिति मन्यते

kalevaropabhogyaṁ hi gṛhakṣetrādikaṁ ca kaḥ adehe hy ātmani prājño mamedam iti manyate

और शरीर द्वारा भोगे जाने वाले घर, खेत आदि को, देहरहित आत्मा में स्थित होकर, कौन बुद्धिमान "यह मेरा है" ऐसा मानेगा?

श्लोक 15 (vishnu.6.7.15)

इत्थं च पुत्रपौत्रेषु तद्देहोत्पादितेषु कः । करोति पण्डितः स्वाम्यमनात्मनि कलेवरे

itthaṁ ca putrapautreṣu taddehotpāditeṣu kaḥ karoti paṇḍitaḥ svāmyam anātmani kalevare

और इसी प्रकार, उसी शरीर से उत्पन्न पुत्र-पौत्रों पर, जो स्वयं आत्मा नहीं है ऐसे शरीर में स्थित होकर, कौन विद्वान स्वामित्व का दावा करेगा?

श्लोक 16 (vishnu.6.7.16)

सर्वं देहोपभोगाय कुरुते कर्म मानवः । देहश् चान्यो यदा पुंसस् तदा बन्धाय तत्परम्

sarvaṁ dehopabhogāya kurute karma mānavaḥ dehaś cānyo yadā puṁsas tadā bandhāya tatparam

मनुष्य सारे कर्म शरीर के भोग के लिए करता है; परंतु जब शरीर पुरुष (आत्मा) से भिन्न ही है, तब वे कर्म ही उसके बंधन का मुख्य कारण बन जाते हैं।

श्लोक 17 (vishnu.6.7.17)

मृण्मयं हि यथा गेहं लिप्यते वै मृदम्भसा । पार्थिवोऽयं तथा देहो मृदम्भोलेपनस्थितिः

mṛṇmayaṁ hi yathā gehaṁ lipyate vai mṛdambhasā pārthivo 'yaṁ tathā deho mṛdambholepanasthitiḥ

जैसे मिट्टी का बना घर मिट्टी और जल से लीपा जाता है, वैसे ही यह पार्थिव शरीर भी मिट्टी-जल आदि के लेपन से ही स्थित रहता है।

श्लोक 18 (vishnu.6.7.18)

पञ्चभूतात्मकैर् भोगैः पञ्चभूतात्मकं वपुः । आप्यायते यदि ततः पुंसो गर्वोऽत्र किं कृतः

pañcabhūtātmakair bhogaiḥ pañcabhūtātmakaṁ vapuḥ āpyāyate yadi tataḥ puṁso garvo 'tra kiṁ kṛtaḥ

यदि पंचभूतात्मक शरीर पंचभूतात्मक भोगों से ही पुष्ट होता है, तो फिर पुरुष का इसमें अभिमान किस काम का?

श्लोक 19 (vishnu.6.7.19)

अनेकजन्मसाहस्रीं संसारपदवीं व्रजन् । मोहश्रमं प्रयातोऽसौ वासनारेणुगुण्ठितः

anekajanmasāhasrīṁ saṁsārapadavīṁ vrajan mohaśramaṁ prayāto 'sau vāsanāreṇuguṇṭhitaḥ

संसार के मार्ग पर हज़ारों जन्मों तक चलते हुए, वासनाओं की धूल से आच्छादित होकर, वह मोह की थकान को प्राप्त होता है।

श्लोक 20 (vishnu.6.7.20)

प्रक्षाल्यते यदा सोऽस्य रेणुर् ज्ञानोष्णवारिणा । तदा संसारपान्थस्य याति मोहश्रमः शमम्

prakṣālyate yadā so 'sya reṇur jñānoṣṇavāriṇā tadā saṁsārapānthasya yāti mohaśramaḥ śamam

जब उसकी वह धूल ज्ञान रूपी उष्ण जल से धुल जाती है, तब संसार के इस पथिक की मोह की वह थकान शांत हो जाती है।

श्लोक 21 (vishnu.6.7.21)

मोहश्रमे शमं याते स्वस्थान्तःकरणः पुमान् । अनन्यातिशयाबाधं परं निर्वाणमृच्छति

mohaśrame śamaṁ yāte svasthāntaḥkaraṇaḥ pumān ananyātiśayābādhaṁ paraṁ nirvāṇam ṛcchati

मोह की थकान के शांत हो जाने पर, स्वस्थ अंतःकरण वाला पुरुष उस परम निर्वाण को प्राप्त होता है, जिससे बढ़कर और कोई नहीं तथा जो किसी से बाधित नहीं होता।

श्लोक 22 (vishnu.6.7.22)

निर्वाणमय एवायमात्मा ज्ञानमयोऽमलः । दुःखाज्ञानमला धर्माः प्रकृतेस् ते तु नात्मनः

nirvāṇamaya evāyam ātmā jñānamayo 'malaḥ duḥkhājñānamalā dharmāḥ prakṛtes te tu nātmanaḥ

यह आत्मा स्वभाव से ही निर्वाणमय, ज्ञानमय तथा निर्मल है; दुःख, अज्ञान तथा मल — ये प्रकृति के धर्म हैं, आत्मा के नहीं।

श्लोक 23 (vishnu.6.7.23)

जलस्य नाग्निसंसर्गः स्थालीसङ्गात् तथापि हि । शब्दोद्रेकादिकान् धर्मांस् तत् करोति यथा मुने

jalasya nāgnisaṁsargaḥ sthālīsaṅgāt tathāpi hi śabdodrekādikān dharmāṁs tat karoti yathā mune

हे मुने! जल का अग्नि से सीधा सम्पर्क नहीं होता, फिर भी पात्र के सम्पर्क से वह बुदबुदाना आदि गुणों को धारण कर लेता है।

श्लोक 24 (vishnu.6.7.24)

तथात्मा प्रकृतेः सङ्गादहंमानादिदूषितः । भजते प्राकृतान् धर्मानन्यस् तेभ्यो हि सोऽव्ययः

tathātmā prakṛteḥ saṅgād ahaṁmānādidūṣitaḥ bhajate prākṛtān dharmān anyas tebhyo hi so 'vyayaḥ

उसी प्रकार आत्मा भी प्रकृति के संसर्ग से अहंकार आदि से दूषित होकर, प्रकृति के धर्मों का सेवन करने लगता है — जबकि वह अविनाशी आत्मा वस्तुतः उनसे सर्वथा भिन्न है।

श्लोक 25 (vishnu.6.7.25)

तदेतत् कथितं बीजमविद्याया मया तव । क्लेशानां च क्षयकरं योगादन्यन् न विद्यते

tad etat kathitaṁ bījam avidyāyā mayā tava kleśānāṁ ca kṣayakaraṁ yogād anyan na vidyate

इस प्रकार मैंने आपको अविद्या का बीज बता दिया; और क्लेशों का नाश करने वाला योग के अतिरिक्त और कुछ भी नहीं है।

श्लोक 26 (vishnu.6.7.26)

खाण्डिक्य उवाच । तं ब्रवीहि महाभाग योगं योगविदुत्तम । विज्ञातयोगशास्त्रार्थस् त्वमस्यां निमिसंततौ

khāṇḍikya uvāca taṁ bravīhi mahābhāga yogaṁ yogaviduttama vijñātayogaśāstrārthas tvam asyāṁ nimisaṁtatau

खाण्डिक्य ने कहा — "हे महाभाग! हे योगविदुत्तम! मुझे वह योग बताइए; क्योंकि आपने इस युग-परम्परा में योगशास्त्र के अर्थ को भली-भाँति जान लिया है।"

श्लोक 27 (vishnu.6.7.27)

केशिध्वज उवाच । योगस्वरूपं खाण्डिक्य श्रूयतां गदतो मम । यत्र स्थितो न च्यवते प्राप्य ब्रह्मलयं मुनिः

keśidhvaja uvāca yogasvarūpaṁ khāṇḍikya śrūyatāṁ gadato mama yatra sthito na cyavate prāpya brahmalayaṁ muniḥ

केशिध्वज ने कहा — "हे खाण्डिक्य! मुझसे कहते हुए योग के स्वरूप को सुनिए — जिसमें स्थित होकर, ब्रह्मलय को प्राप्त कर, मुनि पुनः च्युत नहीं होता।

श्लोक 28 (vishnu.6.7.28)

मन एव मनुष्याणां कारणं बन्धमोक्षयोः । बन्धस्य विषयासङ्गि मुक्तेर् निर्विषयं तथा

mana eva manuṣyāṇāṁ kāraṇaṁ bandhamokṣayoḥ bandhasya viṣayāsaṅgi mukter nirviṣayaṁ tathā

मन ही मनुष्यों के लिए बंधन और मोक्ष दोनों का कारण है — विषयों में आसक्त मन बंधन का कारण है, और विषयरहित मन उसी प्रकार मुक्ति का कारण है।

श्लोक 29 (vishnu.6.7.29)

विषयेभ्यः समाहृत्य विज्ञानात्मा मनो मुनिः । चिन्तयेन् मुक्तये तेन ब्रह्मभूतं परेश्वरम्

viṣayebhyaḥ samāhṛtya vijñānātmā mano muniḥ cintayen muktaye tena brahmabhūtaṁ pareśvaram

विज्ञानस्वरूप मुनि विषयों से मन को समेटकर, मुक्ति के लिए उसी मन से ब्रह्मस्वरूप परमेश्वर का ध्यान करे।

श्लोक 30 (vishnu.6.7.30)

आत्मभावं नयत्येनं तद् ब्रह्मध्यायिनं मुने । विकार्यमात्मनः शक्त्या लोहमाकर्षको यथा

ātmabhāvaṁ nayaty enaṁ tad brahmadhyāyinaṁ mune vikāryam ātmanaḥ śaktyā loham ākarṣako yathā

हे मुने! जैसे चुम्बक अपनी शक्ति से आकर्षण योग्य लोहे को अपनी ओर खींच लेता है, वैसे ही वह ध्यान ब्रह्म का ध्यान करने वाले को उसी के भाव में ले जाता है।

श्लोक 31 (vishnu.6.7.31)

आत्मप्रयत्नसापेक्षा विशिष्टा या मनोगतिः । तस्या ब्रह्मणि संयोगो योग इत्यभिधीयते

ātmaprayatnasāpekṣā viśiṣṭā yā manogatiḥ tasyā brahmaṇi saṁyogo yoga ity abhidhīyate

आत्मा के प्रयत्न पर निर्भर मन की जो विशिष्ट गति है, उसका ब्रह्म के साथ संयोग ही योग कहलाता है।

श्लोक 32 (vishnu.6.7.32)

एवमत्यन्तवैशिष्ट्ययुक्तधर्मोपलक्षणः । यस्य योगः स वै योगी मुमुक्षुरभिधीयते

evam atyantavaiśiṣṭyayuktadharmopalakṣaṇaḥ yasya yogaḥ sa vai yogī mumukṣur abhidhīyate

इस प्रकार अत्यंत विशिष्ट गुण से युक्त यह लक्षण जिसके योग में हो, वही यथार्थतः योगी कहलाता है, और वह मुमुक्षु (मोक्षेच्छुक) कहलाता है।

श्लोक 33 (vishnu.6.7.33)

योगयुक् प्रथमं योगी युञ्जमानोऽभिधीयते । विनिष्पन्नसमाधिस् तु परब्रह्मोपलब्धिमान्

yogayuk prathamaṁ yogī yuñjamāno 'bhidhīyate viniṣpannasamādhis tu parabrahmopalabdhimān

योग में लगा हुआ योगी पहले "अभ्यासरत" कहलाता है; परंतु जिसकी समाधि सिद्ध हो चुकी है, वही परब्रह्म की प्राप्ति वाला कहलाता है।

श्लोक 34 (vishnu.6.7.34)

यद्यन्तरायदोषेण दूष्यते चास्य मानसम् । जन्मान्तरैरभ्यसतो मुक्तिः पूर्वस्य जायते

yady antarāyadoṣeṇa dūṣyate cāsya mānasam janmāntarair abhyasato muktiḥ pūrvasya jāyate

यदि उसका मन किसी विघ्न के दोष से दूषित हो जाए, तो पूर्व अभ्यास करने वाले को अगले जन्मों में ही मुक्ति प्राप्त होती है।

श्लोक 35 (vishnu.6.7.35)

विनिष्पन्नसमाधिस् तु मुक्तिं तत्रैव जन्मनि । प्राप्नोति योगी योगाग्निदग्धकर्मचयोऽचिरात्

viniṣpannasamādhis tu muktiṁ tatraiva janmani prāpnoti yogī yogāgnidagdhakarmacayo 'cirāt

परंतु जिस योगी की समाधि सिद्ध हो चुकी है, वह योगाग्नि से अपने संचित कर्मों को भस्म कर, उसी जन्म में शीघ्र ही मुक्ति प्राप्त कर लेता है।

श्लोक 36 (vishnu.6.7.36)

ब्रह्मचर्यमहिंसां च सत्यास्तेयापरिग्रहान् । सेवेत योगी निष्कामो योग्यतां स्वमनो नयन्

brahmacaryam ahiṁsāṁ ca satyāsteyāparigrahān seveta yogī niṣkāmo yogyatāṁ svamano nayan

निष्काम योगी, अपने मन को योग्यता की ओर ले जाते हुए, ब्रह्मचर्य, अहिंसा, सत्य, अस्तेय तथा अपरिग्रह का पालन करे।

श्लोक 37 (vishnu.6.7.37)

स्वाध्यायशौचसंतोषतपांसि नियतात्मवान् । कुर्वीत ब्रह्मणि तथा परस्मिन् प्रवणं मनः

svādhyāyaśaucasaṁtoṣatapāṁsi niyatātmavān kurvīta brahmaṇi tathā parasmin pravaṇaṁ manaḥ

संयमी आत्मा वाला वह स्वाध्याय, शौच, संतोष तथा तप का पालन करे, तथा अपने मन को परब्रह्म की ओर उन्मुख करे।

श्लोक 38 (vishnu.6.7.38)

एते यमाः सनियमाः पञ्च पञ्च प्रकीर्तिताः । विशिष्टफलदाः काम्या निष्कामानां विमुक्तिदाः

ete yamāḥ saniyamāḥ pañca pañca prakīrtitāḥ viśiṣṭaphaladāḥ kāmyā niṣkāmānāṁ vimuktidāḥ

ये पाँच यम तथा पाँच नियम कहे गए हैं; इच्छा रखने वालों के लिए ये विशिष्ट फल देने वाले हैं, और निष्काम पुरुषों के लिए ये मुक्तिदायक हैं।

श्लोक 39 (vishnu.6.7.39)

एकं भद्रासनादीनां समास्थाय गुणैर् युतः । यमाख्यैर् नियमाख्यैश् च युञ्जीत नियतो यतिः

ekaṁ bhadrāsanādīnāṁ samāsthāya guṇair yutaḥ yamākhyair niyamākhyaiś ca yuñjīta niyato yatiḥ

संयमी यति, यम और नियम नामक गुणों से युक्त होकर, भद्रासन आदि में से किसी एक आसन में स्थित होकर योगाभ्यास करे।

श्लोक 40 (vishnu.6.7.40)

प्राणाख्यमनिलं वश्यमभ्यासात् कुरुते तु यत् । प्राणायामः स विज्ञेयः सबीजोऽबीज एव च

prāṇākhyam anilaṁ vaśyam abhyāsāt kurute tu yat prāṇāyāmaḥ sa vijñeyaḥ sabījo 'bīja eva ca

जो अभ्यास से प्राणनामक वायु को वश में करता है, वही प्राणायाम जानने योग्य है, जो सबीज तथा निर्बीज दोनों प्रकार का होता है।

श्लोक 41 (vishnu.6.7.41)

परस्परेणाभिभवं प्राणापानौ यदानिलौ । कुरुतः स द्विधानेन तृतीयः संयमात् तयोः

paraspareṇābhibhavaṁ prāṇāpānau yadānilau kurutaḥ sa dvidhānena tṛtīyaḥ saṁyamāt tayoḥ

जब प्राण और अपान नामक दोनों वायु परस्पर एक-दूसरे को दबाते हैं, तब वह दो प्रकार का होता है; और उन दोनों के संयम से तीसरा प्रकार होता है।

श्लोक 42 (vishnu.6.7.42)

तस्य चालम्बनवतः स्थूलरूपं द्विजोत्तम । आलम्बनमनन्तस्य योगिनोऽभ्यसतः स्मृतम्

tasya cālambanavataḥ sthūlarūpaṁ dvijottama ālambanam anantasya yogino 'bhyasataḥ smṛtam

हे द्विजोत्तम! जब वह प्राणायाम सालम्बन होता है, तब अभ्यासरत योगी के लिए उस अनन्त के स्थूल रूप को ही आलम्बन (आधार) माना गया है।

श्लोक 43 (vishnu.6.7.43)

शब्दादिष्वनुरक्तानि निगृह्याक्षाणि योगवित् । कुर्याच् चित्तानुकारीणि प्रत्याहारपरायणः

śabdādiṣv anuraktāni nigṛhyākṣāṇi yogavit kuryāc cittānukārīṇi pratyāhāraparāyaṇaḥ

योगवेत्ता, प्रत्याहार में तत्पर रहते हुए, शब्द आदि विषयों में आसक्त इन्द्रियों को वश में कर, उन्हें चित्त के अनुकूल बना ले।

श्लोक 44 (vishnu.6.7.44)

वश्यता परमा तेन जायतेऽतिचलात्मनाम् । इन्द्रियाणामवश्यैस् तैर् न योगी योगसाधकः

vaśyatā paramā tena jāyate 'ticalātmanām indriyāṇām avaśyais tair na yogī yogasādhakaḥ

इससे अत्यंत चंचल स्वभाव वाली इन्द्रियों पर परम वशित्व प्राप्त होता है; अवश (अनियंत्रित) इन्द्रियों के रहते योगी योग-साधना में सफल नहीं हो सकता।

श्लोक 45 (vishnu.6.7.45)

प्राणायामेन पवनैः प्रत्याहारेण चेन्द्रियैः । वशीकृतैस् ततः कुर्यात् स्थितं चेतः शुभाश्रये

prāṇāyāmena pavanaiḥ pratyāhāreṇa cendriyaiḥ vaśīkṛtais tataḥ kuryāt sthitaṁ cetaḥ śubhāśraye

तब प्राणायाम से वायु को तथा प्रत्याहार से इन्द्रियों को वश में कर, चित्त को शुभ आश्रय में स्थिर करे।

श्लोक 46 (vishnu.6.7.46)

खाण्डिक्य उवाच । कथ्यतां मे महाभाग चेतसो यः शुभाश्रयः । यदाधारमशेषं तद् धन्ति दोषसमुद्भवम्

khāṇḍikya uvāca kathyatāṁ me mahābhāga cetaso yaḥ śubhāśrayaḥ yadādhāram aśeṣaṁ tad dhanti doṣasamudbhavam

खाण्डिक्य ने कहा — "हे महाभाग! मुझे बताइए कि चित्त का वह शुभ आश्रय क्या है, जिसके आधार पर वह दोष से उत्पन्न होने वाले समस्त विकारों को नष्ट कर देता है।"

श्लोक 47 (vishnu.6.7.47)

केशिध्वज उवाच । आश्रयश् चेतसो ब्रह्म द्विधा तच् च स्वरूपतः । भूप मूर्तममूर्तं च परं चापरमेव च

keśidhvaja uvāca āśrayaś cetaso brahma dvidhā tac ca svarūpataḥ bhūpa mūrtam amūrtaṁ ca paraṁ cāparam eva ca

केशिध्वज ने कहा — "हे राजन्! चित्त का आश्रय ब्रह्म है; और वह अपने स्वरूप से दो प्रकार का है — मूर्त और अमूर्त, तथा पर और अपर भी।

श्लोक 48 (vishnu.6.7.48)

त्रिविधा भावना भूप विश्वमेतन् निबोधताम् । ब्रह्माख्या कर्मसंज्ञा च तथा चैवोभयात्मिका

trividhā bhāvanā bhūpa viśvam etan nibodhatām brahmākhyā karmasaṁjñā ca tathā caivobhayātmikā

हे राजन्! समझिए कि यह विश्व त्रिविध भावना का विषय है — ब्रह्म-नामक, कर्म-नामक, तथा उभयात्मक।

श्लोक 49 (vishnu.6.7.49)

कर्मभावात्मिका ह्येका ब्रह्मभावात्मिकापरा । उभयात्मिका तथैवान्या त्रिविधा भावभावना

karmabhāvātmikā hy ekā brahmabhāvātmikāparā ubhayātmikā tathaivānyā trividhā bhāvabhāvanā

एक कर्मभावात्मक है, दूसरी ब्रह्मभावात्मक है, तथा तीसरी उभयात्मक है — इस प्रकार भाव की भावना तीन प्रकार की है।

श्लोक 50 (vishnu.6.7.50)

सनन्दनादयो ब्रह्मभावभावनया युताः । कर्मभावनया चान्ये देवाद्याः स्थावराश् चराः

sanandanādayo brahmabhāvabhāvanayā yutāḥ karmabhāvanayā cānye devādyāḥ sthāvarāś carāḥ

सनन्दन आदि ऋषि ब्रह्मभाव-भावना से युक्त हैं; और देवता आदि अन्य, स्थावर तथा जंगम सभी, कर्मभावना से युक्त हैं।

श्लोक 51 (vishnu.6.7.51)

हिरण्यगर्भादिषु च ब्रह्मकर्मात्मिका द्विधा । अधिकारबोधयुक्तेषु विद्यते भावभावना

hiraṇyagarbhādiṣu ca brahmakarmātmikā dvidhā adhikārabodhayukteṣu vidyate bhāvabhāvanā

और हिरण्यगर्भ आदि, जो अधिकार और बोध दोनों से युक्त हैं, उनमें ब्रह्म-कर्मात्मक द्विविध भाव-भावना पाई जाती है।

श्लोक 52 (vishnu.6.7.52)

अक्षीणेषु समस्तेषु विशेषज्ञानकर्मसु । विश्वमेतत् परं चान्यद् भेदभिन्नदृशां नृप

akṣīṇeṣu samasteṣu viśeṣajñānakarmasu viśvam etat paraṁ cānyad bhedabhinnadṛśāṁ nṛpa

हे राजन्! जब तक समस्त प्राणियों में विशिष्ट ज्ञान और कर्म क्षीण नहीं होते, तब तक भेददृष्टि वालों के लिए यह विश्व अन्य है और परब्रह्म अन्य प्रतीत होता है।

श्लोक 53 (vishnu.6.7.53)

प्रत्यस्तमितभेदं यत् सत्तामात्रमगोचरम् । वचसामात्मसंवेद्यं तज् ज्ञानं ब्रह्मसंज्ञितम्

pratyastamitabhedaṁ yat sattāmātram agocaram vacasām ātmasaṁvedyaṁ taj jñānaṁ brahmasaṁjñitam

जिसमें समस्त भेद अस्त हो चुके हैं, जो वाणी के विषय से परे केवल सत्तामात्र है, जो आत्मा द्वारा ही जाना जा सकता है — वही ज्ञान 'ब्रह्म' कहलाता है।

श्लोक 54 (vishnu.6.7.54)

तच् च विष्णोः परं रूपमरूपस्याजमक्षरम् । विश्वस्वरूपवैरूप्यलक्षणं परमात्मनः

tac ca viṣṇoḥ paraṁ rūpam arūpasyājam akṣaram viśvasvarūpavairūpyalakṣaṇaṁ paramātmanaḥ

और वही विष्णु का परम रूप है — जो अरूप, अजन्मा तथा अविनाशी है — जो उस परमात्मा का लक्षण है, जो विश्व-स्वरूप भी है और विश्व-रूप से रहित भी है।

श्लोक 55 (vishnu.6.7.55)

न तद् योगयुजा शक्यं नृप चिन्तयितुं यतः । ततः स्थूलं हरे रूपं चिन्तयेद् विश्वगोचरम्

na tad yogayujā śakyaṁ nṛpa cintayituṁ yataḥ tataḥ sthūlaṁ hare rūpaṁ cintayed viśvagocaram

हे राजन्! चूँकि योगयुक्त पुरुष के लिए भी उसका ध्यान करना संभव नहीं है, इसलिए उसे हरि के उस स्थूल रूप का ध्यान करना चाहिए, जो विश्व की दृष्टि के लिए सुगम है।

श्लोक 56 (vishnu.6.7.56)

हिरण्यगर्भो भगवान् वासवोऽथ प्रजापतिः । मरुतो वसवो रुद्रा भास्करास् तारका ग्रहाः

hiraṇyagarbho bhagavān vāsavo 'tha prajāpatiḥ maruto vasavo rudrā bhāskarās tārakā grahāḥ

हिरण्यगर्भ, भगवान् इन्द्र, प्रजापति, मरुद्गण, वसुगण, रुद्रगण, सूर्यगण, तारागण, ग्रहगण —

श्लोक 57 (vishnu.6.7.57)

गन्धर्वयक्षदैत्याद्याः सकला देवयोनयः । मनुष्याः पशवः शैलाः समुद्राः सरितो द्रुमाः

gandharvayakṣadaityādyāḥ sakalā devayonayaḥ manuṣyāḥ paśavaḥ śailāḥ samudrāḥ sarito drumāḥ

गन्धर्व, यक्ष, दैत्य आदि समस्त देवयोनियाँ, मनुष्य, पशु, पर्वत, समुद्र, नदियाँ, वृक्ष —

श्लोक 58 (vishnu.6.7.58)

भूप भूतान्यशेषाणि भूतानां ये च हेतवः । प्रधानादिविशेषान्तं चेतनाचेतनात्मकम्

bhūpa bhūtāny aśeṣāṇi bhūtānāṁ ye ca hetavaḥ pradhānādiviśeṣāntaṁ cetanācetanātmakam

हे राजन्! समस्त प्राणी, तथा प्राणियों के जो भी कारण हैं, प्रधान (प्रकृति) से लेकर विशेष (स्थूल भूतों) तक, चेतन और अचेतन दोनों स्वरूप में —

श्लोक 59 (vishnu.6.7.59)

एकपादं द्विपादं च बहुपादमपादकम् । मूर्तमेतद् धरे रूपं भावनात्रितयात्मकम्

ekapādaṁ dvipādaṁ ca bahupādam apādakam mūrtam etad dhare rūpaṁ bhāvanātritayātmakam

— एक पैर वाले, दो पैर वाले, अनेक पैर वाले तथा पैर-रहित — यह सब हरि का मूर्त रूप है, जो त्रिविध भावना से युक्त है।

श्लोक 60 (vishnu.6.7.60)

एतत् सर्वमिदं विश्वं जगदेतच् चराचरम् । परब्रह्मस्वरूपस्य विष्णोः शक्तिसमन्वितम्

etat sarvam idaṁ viśvaṁ jagad etac carācaram parabrahmasvarūpasya viṣṇoḥ śaktisamanvitam

यह सम्पूर्ण विश्व, यह चराचर जगत् — यह सब परब्रह्मस्वरूप विष्णु की शक्ति से युक्त है।

श्लोक 61 (vishnu.6.7.61)

विष्णुशक्तिः परा प्रोक्ता क्षेत्रज्ञाख्या तथापरा । अविद्या कर्मसंज्ञान्या तृतीया शक्तिरिष्यते

viṣṇuśaktiḥ parā proktā kṣetrajñākhyā tathāparā avidyā karmasaṁjñānyā tṛtīyā śaktir iṣyate

विष्णु की शक्ति परा कही गई है, और दूसरी क्षेत्रज्ञ नामक है; तथा तीसरी शक्ति अविद्या है, जो कर्म-संज्ञा से जानी जाती है।

श्लोक 62 (vishnu.6.7.62)

यया क्षेत्रज्ञशक्तिः सा वेष्टिता नृप सर्वगा । संसारतापानखिलानवाप्नोत्यतिसंततान्

yayā kṣetrajñaśaktiḥ sā veṣṭitā nṛpa sarvagā saṁsāratāpān akhilān avāpnoty atisaṁtatān

हे राजन्! उस तीसरी शक्ति से आवृत होकर, वह सर्वव्यापी क्षेत्रज्ञ-शक्ति संसार के समस्त अत्यंत विस्तृत तापों को भोगती है।

श्लोक 63 (vishnu.6.7.63)

तया तिरोहितत्वाच् च शक्तिः क्षेत्रज्ञसंज्ञिता । सर्वभूतेषु भूपाल तारतम्येन लक्ष्यते

tayā tirohitatvāc ca śaktiḥ kṣetrajñasaṁjñitā sarvabhūteṣu bhūpāla tāratamyena lakṣyate

हे भूपाल! और उस अविद्या से आच्छादित होने के कारण ही क्षेत्रज्ञ नामक वह शक्ति समस्त प्राणियों में न्यूनाधिक रूप में दिखाई देती है।

श्लोक 64 (vishnu.6.7.64)

अप्राणवत्सु स्वल्पाल्पा स्थावरेषु ततोऽधिका । सरीसृपेषु तेभ्योऽन्याप्यतिशक्त्या पतत्त्रिषु

aprāṇavatsu svalpālpā sthāvareṣu tato 'dhikā sarīsṛpeṣu tebhyo 'nyāpy atiśaktyā patattriṣu

प्राणरहित वस्तुओं में यह अत्यंत अल्प है, स्थावरों में उससे अधिक है, सरीसृपों में उनसे भी अधिक है, और पक्षियों में अत्यंत अधिक शक्ति से युक्त है।

श्लोक 65 (vishnu.6.7.65)

पतत्त्रिभ्यो मृगास् तेभ्यस् तच्छक्त्या पशवोऽधिकाः । पशुभ्यो मनुजाश् चापि शक्त्या पुंसः प्रभाविताः

patattribhyo mṛgās tebhyas tacchaktyā paśavo 'dhikāḥ paśubhyo manujāś cāpi śaktyā puṁsaḥ prabhāvitāḥ

पक्षियों से मृग अधिक शक्तिशाली हैं, उनसे भी अधिक शक्ति पशुओं में है, और पशुओं से भी अधिक शक्ति मनुष्यों में है, जो पुरुष-शक्ति से युक्त हैं।

श्लोक 66 (vishnu.6.7.66)

तेभ्योऽपि नागगन्धर्वयक्षाद्या देवता नृप

tebhyo 'pi nāgagandharvayakṣādyā devatā nṛpa

हे राजन्! और उनसे भी अधिक नाग, गन्धर्व, यक्ष आदि देवयोनियाँ हैं।

श्लोक 67 (vishnu.6.7.67)

शक्रः समस्तदेवेभ्यस् ततश् चापि प्रजापतिः । हिरण्यगर्भोऽपि ततः पुंसः शक्त्युपलक्षितः

śakraḥ samastadevebhyas tataś cāpi prajāpatiḥ hiraṇyagarbho 'pi tataḥ puṁsaḥ śaktyupalakṣitaḥ

इन्द्र समस्त देवताओं से बढ़कर हैं, और उनसे भी बढ़कर प्रजापति हैं, और उनसे भी बढ़कर हिरण्यगर्भ हैं, जो पुरुष की शक्ति से चिह्नित हैं।

श्लोक 68 (vishnu.6.7.68)

एतान्यशेषरूपाणि तस्य रूपाणि पार्थिव । यतस् तच्छक्तियोगेन युक्तानि नभसा यथा

etāny aśeṣarūpāṇi tasya rūpāṇi pārthiva yatas tacchaktiyogena yuktāni nabhasā yathā

हे राजन्! ये समस्त रूप उसी के रूप हैं, क्योंकि ये सब उसी की शक्ति के योग से युक्त हैं, जैसे सब कुछ आकाश से युक्त होता है।

श्लोक 69 (vishnu.6.7.69)

द्वितीयं विष्णुसंज्ञस्य योगिध्येयं महामते । अमूर्तं ब्रह्मणो रूपं यत् सदित्युच्यते बुधैः

dvitīyaṁ viṣṇusaṁjñasya yogidhyeyaṁ mahāmate amūrtaṁ brahmaṇo rūpaṁ yat sad ity ucyate budhaiḥ

हे महामते! उस विष्णु-नामक का दूसरा, योगियों द्वारा ध्यान करने योग्य रूप वह अमूर्त ब्रह्म-रूप है, जिसे विद्वान 'सत्' कहते हैं।

श्लोक 70 (vishnu.6.7.70)

समस्ताः शक्तयश् चैता नृप यत्र प्रतिष्ठिताः । तद् विश्वरूपरूपं वै रूपमन्यद् धरेर् महत्

samastāḥ śaktayaś caitā nṛpa yatra pratiṣṭhitāḥ tad viśvarūparūpaṁ vai rūpam anyad dharer mahat

हे राजन्! जिसमें ये समस्त शक्तियाँ प्रतिष्ठित हैं, वही विश्वरूप है; और हरि का एक अन्य महान् रूप भी है।

श्लोक 71 (vishnu.6.7.71)

समस्तशक्तिरूपाणि तत् करोति जनेश्वर । देवतिर्यङ्मनुष्यादिचेष्टावन्ति स्वलीलया

samastaśaktirūpāṇi tat karoti janeśvara devatiryaṅmanuṣyādiceṣṭāvanti svalīlayā

हे जनेश्वर! वह अपनी लीला से समस्त शक्ति-रूपों को, देव-तिर्यक्-मनुष्य आदि की चेष्टाओं से युक्त करके, उत्पन्न करता है।

श्लोक 72 (vishnu.6.7.72)

जगतामुपकाराय न सा कर्मनिमित्तजा । चेष्टा तस्याप्रमेयस्य व्यापिन्यव्याहतात्मिका

jagatām upakārāya na sā karmanimittajā ceṣṭā tasyāprameyasya vyāpiny avyāhatātmikā

लोकों के उपकार के लिए की गई उस अप्रमेय की वह चेष्टा किसी कर्म-कारण से उत्पन्न नहीं है; वह व्यापक तथा अबाधित स्वभाव वाली है।

श्लोक 73 (vishnu.6.7.73)

तद् रूपं विश्वरूपस्य तस्य योगयुजा नृप । चिन्त्यमात्मविशुद्ध्यर्थं सर्वकिल्बिषनाशनम्

tad rūpaṁ viśvarūpasya tasya yogayujā nṛpa cintyam ātmaviśuddhyarthaṁ sarvakilbiṣanāśanam

हे राजन्! उस विश्वरूप के उस रूप का चिंतन योगयुक्त पुरुष को अपनी आत्मशुद्धि के लिए करना चाहिए, जो समस्त पापों का नाश करने वाला है।

श्लोक 74 (vishnu.6.7.74)

यथाग्निरुद्धतशिखः कक्षं दहति सानिलः । तथा चित्तस्थितो विष्णुर् योगिनां सर्वकिल्बिषम्

yathāgnir uddhataśikhaḥ kakṣaṁ dahati sānilaḥ tathā cittasthito viṣṇur yogināṁ sarvakilbiṣam

जैसे वायु से प्रेरित, ऊँची उठती लपटों वाली अग्नि सूखी घास को जला देती है, वैसे ही चित्त में स्थित विष्णु योगियों के समस्त पापों को जला देते हैं।

श्लोक 75 (vishnu.6.7.75)

तस्मात् समस्तशक्तीनामाधारे तत्र चेतसः । कुर्वीत संस्थितिं सा तु विज्ञेया शुद्धधारणा

tasmāt samastaśaktīnām ādhāre tatra cetasaḥ kurvīta saṁsthitiṁ sā tu vijñeyā śuddhadhāraṇā

इसलिए समस्त शक्तियों के उस आधार में चित्त को दृढ़तापूर्वक स्थापित करना चाहिए; और उसी स्थिति को शुद्ध धारणा जानना चाहिए।

श्लोक 76 (vishnu.6.7.76)

शुभाश्रयः स चित्तस्य सर्वगस्य तथात्मनः । त्रिभावभावनातीतो मुक्तये योगिनां नृप

śubhāśrayaḥ sa cittasya sarvagasya tathātmanaḥ tribhāvabhāvanātīto muktaye yogināṁ nṛpa

हे राजन्! वह सर्वव्यापी रूप चित्त का तथा आत्मा का शुभ आश्रय है; और वह त्रिविध भावना से अतीत है, जो योगियों को मुक्ति की ओर ले जाता है।

श्लोक 77 (vishnu.6.7.77)

अन्ये तु पुरुषव्याघ्र चेतसो ये व्यपाश्रयाः । अशुद्धास् ते समस्तास् तु देवाद्याः कर्मयोनयः

anye tu puruṣavyāghra cetaso ye vyapāśrayāḥ aśuddhās te samastās tu devādyāḥ karmayonayaḥ

परंतु हे पुरुषव्याघ्र! चित्त के अन्य जो भी आश्रय हैं — देवता आदि, जो कर्म से उत्पन्न हैं — वे सभी अशुद्ध हैं।

श्लोक 78 (vishnu.6.7.78)

मूर्तं भगवतो रूपं सर्वापाश्रयनिःस्पृहम् । एषा वै धारणा प्रोक्ता यच् चित्तं तत्र धार्यते

mūrtaṁ bhagavato rūpaṁ sarvāpāśrayaniḥspṛham eṣā vai dhāraṇā proktā yac cittaṁ tatra dhāryate

भगवान् का मूर्त रूप, जो अन्य समस्त आश्रयों की कामना से रहित है — इसी में चित्त को स्थिर रखना धारणा कही गई है।

श्लोक 79 (vishnu.6.7.79)

तच् च मूर्तं हरे रूपं यादृक् चिन्त्यं नराधिप । तच् छ्रूयतामनाधारे धारणा नोपपद्यते

tac ca mūrtaṁ hare rūpaṁ yādṛk cintyaṁ narādhipa tac chrūyatām anādhāre dhāraṇā nopapadyate

हे नराधिप! हरि का वह मूर्त रूप जिस प्रकार का ध्यान करने योग्य है, उसे सुनिए; क्योंकि आधार के बिना धारणा सिद्ध नहीं हो सकती।

श्लोक 80 (vishnu.6.7.80)

प्रसन्नचारुवदनं पद्मपत्त्रोपमेक्षणम् । सुकपोलं सुविस्तीर्णललाटफलकोज्ज्वलम्

prasannacāruvadanaṁ padmapattropamekṣaṇam sukapolaṁ suvistīrṇalalāṭaphalakojjvalam

प्रसन्न और सुंदर मुख वाला, कमल-दल के समान नेत्रों वाला, सुंदर कपोलों वाला, विस्तृत और उज्ज्वल ललाट-पट्टिका वाला —

श्लोक 81 (vishnu.6.7.81)

समकर्णान्तविन्यस्तचारुकर्णविभूषणम् । कम्बुग्रीवं सुविस्तीर्णश्रीवत्साङ्कितवक्षसम्

samakarṇāntavinyastacārukarṇavibhūṣaṇam kambugrīvaṁ suvistīrṇaśrīvatsāṅkitavakṣasam

दोनों कानों के छोरों पर समान रूप से सुंदर कर्णभूषण धारण किए, शंख के समान ग्रीवा वाला, श्रीवत्स के चिह्न से अंकित विस्तृत वक्षस्थल वाला,

श्लोक 82 (vishnu.6.7.82)

वलीत्रिभङ्गिना मग्ननाभिना चोदरेण वै । प्रलम्बाष्टभुजं विष्णुमथवापि चतुर्भुजम्

valītribhaṅginā magnanābhinā codareṇa vai pralambāṣṭabhujaṁ viṣṇum athavāpi caturbhujam

त्रिवली से युक्त तथा गहरी नाभि वाले उदर से युक्त — इस प्रकार आठ लंबी भुजाओं वाले, अथवा चार भुजाओं वाले विष्णु का ध्यान करे,

श्लोक 83 (vishnu.6.7.83)

समस्थितोरुजङ्घं च सुस्थिताङ्घ्रिकराम्बुजम् । चिन्तयेद् ब्रह्मभूतं तं पीतनिर्मलवाससम्

samasthitorujaṅghaṁ ca susthitāṅghrikarāmbujam cintayed brahmabhūtaṁ taṁ pītanirmalavāsasam

सम स्थिति वाली जंघाओं तथा सुस्थिर कमल-सदृश हाथों-पैरों वाले, पीले निर्मल वस्त्र धारण किए हुए, उस ब्रह्मस्वरूप का ध्यान करे,

श्लोक 84 (vishnu.6.7.84)

किरीटचारुकेयूरकटकादिविभूषितम्

kirīṭacārukeyūrakaṭakādivibhūṣitam

मुकुट, सुंदर बाजूबंद, कंकण आदि आभूषणों से अलंकृत।

श्लोक 85 (vishnu.6.7.85)

शार्ङ्गशङ्खगदाखड्गचक्राक्षवलयान्वितम् । चिन्तयेत् तन्मयो योगी समाधायात्ममानसम्

śārṅgaśaṅkhagadākhaḍgacakrākṣavalayānvitam cintayet tanmayo yogī samādhāyātmamānasam

शार्ङ्ग धनुष, शंख, गदा, खड्ग, चक्र तथा अक्षमाला से युक्त उस रूप में तन्मय होकर, अपने मन को समाहित कर, योगी ध्यान करे।

श्लोक 86 (vishnu.6.7.86)

तावद् यावद् दृढीभूता तत्रैव नृप धारणा । व्रजतस् तिष्ठतोऽन्यद् वा स्वेच्छया कर्म कुर्वतः । नापयाति यदा चित्तात् सिद्धां मन्येत तां तदा

tāvad yāvad dṛḍhībhūtā tatraiva nṛpa dhāraṇā vrajatas tiṣṭhato 'nyad vā svecchayā karma kurvataḥ nāpayāti yadā cittāt siddhāṁ manyeta tāṁ tadā

हे राजन्! तब तक अभ्यास करे जब तक उसी में धारणा दृढ़ न हो जाए; चलते, खड़े रहते अथवा इच्छानुसार अन्य कोई कर्म करते हुए भी जब वह चित्त से नहीं हटती, तभी उस धारणा को सिद्ध मानना चाहिए।

श्लोक 87 (vishnu.6.7.87)

ततः शङ्खगदाचक्रशार्ङ्गादिरहितं बुधः । चिन्तयेद् भगवद्रूपं प्रशान्तं साक्षसूत्रकम्

tataḥ śaṅkhagadācakraśārṅgādirahitaṁ budhaḥ cintayed bhagavadrūpaṁ praśāntaṁ sākṣasūtrakam

तत्पश्चात् विद्वान पुरुष शंख, गदा, चक्र, शार्ङ्ग आदि से रहित, शांत तथा केवल अक्षसूत्र सहित भगवान् के उस रूप का ध्यान करे।

श्लोक 88 (vishnu.6.7.88)

सा यदा धारणा तद्वदवस्थानवती ततः । किरीटकेयूरमुखैर् भूषणै रहितं स्मरेत्

sā yadā dhāraṇā tadvad avasthānavatī tataḥ kirīṭakeyūramukhair bhūṣaṇai rahitaṁ smaret

जब वह धारणा उसी प्रकार स्थिर हो जाए, तब मुकुट, बाजूबंद आदि आभूषणों से भी रहित उस रूप का स्मरण करे।

श्लोक 89 (vishnu.6.7.89)

तदेकावयवं देवं चेतसा हि पुनर् बुधः । कुर्यात् ततोऽवयविनि प्रणिधानपरो भवेत्

tad ekāvayavaṁ devaṁ cetasā hi punar budhaḥ kuryāt tato 'vayavini praṇidhānaparo bhavet

तत्पश्चात् विद्वान पुनः मन से उस देव के एक-एक अंग का चिंतन करे, और फिर उस अंगी (समग्र स्वरूप) में गहन ध्यान में तत्पर हो जाए।

श्लोक 90 (vishnu.6.7.90)

तद्रूपप्रत्यया चैका संततिश् चान्यनिःस्पृहा । तद्ध्यानं प्रथमैरङ्गैः षड्भिर् निष्पाद्यते नृप

tadrūpapratyayā caikā saṁtatiś cānyaniḥspṛhā taddhyānaṁ prathamair aṅgaiḥ ṣaḍbhir niṣpādyate nṛpa

हे राजन्! उसी के रूप में स्थित एकतान, अन्य किसी की स्पृहा से रहित चित्त-प्रवाह — वही ध्यान है, जो योग के प्रथम छह अंगों द्वारा सिद्ध होता है।

श्लोक 91 (vishnu.6.7.91)

तस्यैव कल्पनाहीनं स्वरूपग्रहणं हि यत् । मनसा ध्याननिष्पाद्यं समाधिः सोऽभिधीयते

tasyaiva kalpanāhīnaṁ svarūpagrahaṇaṁ hi yat manasā dhyānaniṣpādyaṁ samādhiḥ so 'bhidhīyate

उसी के स्वरूप का कल्पना-रहित ग्रहण, जो मन द्वारा ध्यान से सम्पन्न होता है — वही समाधि कहलाती है।

श्लोक 92 (vishnu.6.7.92)

विज्ञानं प्रापकं प्राप्ये परे ब्रह्मणि पार्थिव । प्रापणीयस् तथैवात्मा प्रक्षीणाशेषभावनः

vijñānaṁ prāpakaṁ prāpye pare brahmaṇi pārthiva prāpaṇīyas tathaivātmā prakṣīṇāśeṣabhāvanaḥ

हे राजन्! जिस परब्रह्म को प्राप्त किया जाना है, उसका प्राप्तिसाधन विज्ञान है; और वह आत्मा भी उसी प्रकार प्राप्तव्य है, जब समस्त मिथ्या भावना पूर्णतः क्षीण हो जाती है।

श्लोक 93 (vishnu.6.7.93)

क्षेत्रज्ञः करणी ज्ञानं करणं तेन तस्य तत् । निष्पाद्य मुक्तिकार्यं वै कृतकृत्यं निवर्तते

kṣetrajñaḥ karaṇī jñānaṁ karaṇaṁ tena tasya tat niṣpādya muktikāryaṁ vai kṛtakṛtyaṁ nivartate

क्षेत्रज्ञ कर्ता है, और ज्ञान उसका करण (साधन) है; उसी करण से वह मुक्ति के कार्य को सम्पन्न कर, कृतकृत्य होकर निवृत्त हो जाता है।

श्लोक 94 (vishnu.6.7.94)

तद्भावभावमापन्नस् ततोऽसौ परमात्मना । भवत्यभेदी भेदश् च तस्याज्ञानकृतो भवेत्

tadbhāvabhāvam āpannas tato 'sau paramātmanā bhavaty abhedī bhedaś ca tasyājñānakṛto bhavet

उसी भाव के भाव को प्राप्त होकर, वह तब परमात्मा से अभिन्न हो जाता है; और उसका जो भेद प्रतीत होता है, वह केवल अज्ञान से उत्पन्न होता है।

श्लोक 95 (vishnu.6.7.95)

विभेदजनकेऽज्ञाने नाशमात्यन्तिकं गते । आत्मनो ब्रह्मणो भेदमसन्तं कः करिष्यति

vibhedajanake 'jñāne nāśam ātyantikaṁ gate ātmano brahmaṇo bhedam asantaṁ kaḥ kariṣyati

भेद उत्पन्न करने वाले उस अज्ञान के आत्यंतिक रूप से नष्ट हो जाने पर, आत्मा और ब्रह्म के उस भेद को, जो वस्तुतः है ही नहीं, कौन उत्पन्न कर सकता है?

श्लोक 96 (vishnu.6.7.96)

इत्युक्तस् ते मया योगः खाण्डिक्य परिपृच्छतः । संक्षेपविस्तराभ्यां तु किमन्यत् क्रियतां तव

ity uktas te mayā yogaḥ khāṇḍikya paripṛcchataḥ saṁkṣepavistarābhyāṁ tu kim anyat kriyatāṁ tava

हे खाण्डिक्य! इस प्रकार आपके पूछने पर मैंने आपको योग संक्षेप और विस्तार दोनों रूपों में बता दिया; अब आपके लिए और क्या करूँ?"

श्लोक 97 (vishnu.6.7.97)

खाण्डिक्य उवाच । कथिते योगसद्भावे सर्वमेव कृतं मम । तवोपदेशेनाशेषो नष्टश् चित्तमलो यतः

khāṇḍikya uvāca kathite yogasadbhāve sarvam eva kṛtaṁ mama tavopadeśenāśeṣo naṣṭaś cittamalo yataḥ

खाण्डिक्य ने कहा — "योग का यथार्थ स्वरूप कहे जाने पर मेरे लिए सब कुछ कर दिया गया; क्योंकि आपके उपदेश से मेरे चित्त का समस्त मल नष्ट हो गया है।

श्लोक 98 (vishnu.6.7.98)

ममेति यन् मया चोक्तमसदेतन् न चान्यथा । नरेन्द्र गदितुं शक्यमपि विज्ञेयवेदिभिः

mameti yan mayā coktam asad etan na cānyathā narendra gadituṁ śakyam api vijñeyavedibhiḥ

हे नरेन्द्र! मैंने जो 'मेरा' कहा था, वह असत् ही था, अन्यथा नहीं; यह बात ज्ञेय के ज्ञाताओं द्वारा भी कही जा सकती है।

श्लोक 99 (vishnu.6.7.99)

अहं ममेत्यविद्येयं व्यवहारस् तथानया । परमार्थस् त्वसंलाप्यो गोचरे वचसां न सः

ahaṁ mamety avidyeyaṁ vyavahāras tathānayā paramārthas tv asaṁlāpyo gocare vacasāṁ na saḥ

'मैं' और 'मेरा' — यह अविद्या है, और इसी के द्वारा व्यवहार चलता है; परंतु परमार्थ अकथनीय है, वह वाणी के विषय में नहीं आता।

श्लोक 100 (vishnu.6.7.100)

तद् गच्छ श्रेयसे सर्वं ममैतद् भवता कृतम् । यद् विमुक्तिप्रदो योगः प्रोक्तः केशिध्वजाव्ययः

tad gaccha śreyase sarvaṁ mamaitad bhavatā kṛtam yad vimuktiprado yogaḥ proktaḥ keśidhvajāvyayaḥ

अब आप अपने कल्याण के लिए प्रस्थान करें; आपने मेरे लिए सब कुछ कर दिया है, क्योंकि हे केशिध्वज! आपने मुझे मुक्तिदायक, अविनाशी योग बता दिया है।"

श्लोक 101 (vishnu.6.7.101)

पराशर उवाच । यथार्हं पूजया तेन खाण्डिक्येन स पूजितः । आजगाम पुरं ब्रह्मंस् ततः केशिध्वजो नृपः

parāśara uvāca yathārhaṁ pūjayā tena khāṇḍikyena sa pūjitaḥ ājagāma puraṁ brahmaṁs tataḥ keśidhvajo nṛpaḥ

पराशर जी ने कहा — हे ब्रह्मन्! उस खाण्डिक्य द्वारा यथोचित पूजा से सम्मानित होकर, राजा केशिध्वज तब अपने नगर को लौट गए।

श्लोक 102 (vishnu.6.7.102)

खाण्डिक्योऽपि सुतं कृत्वा राजानं योगसिद्धये । वनं जगाम गोविन्दे विनिवेशितमानसः

khāṇḍikyo 'pi sutaṁ kṛtvā rājānaṁ yogasiddhaye vanaṁ jagāma govinde viniveśitamānasaḥ

और खाण्डिक्य ने भी अपने पुत्र को राजा बनाकर, योग-सिद्धि के लिए वन में प्रस्थान किया, अपने मन को गोविंद में स्थिर करते हुए।

श्लोक 103 (vishnu.6.7.103)

तत्रैकान्तरतिर् भूत्वा यमादिगुणशोधितः । विष्ण्वाख्ये निर्मले ब्रह्मण्यवाप नृपतिर् लयम्

tatraikāntaratir bhūtvā yamādiguṇaśodhitaḥ viṣṇvākhye nirmale brahmaṇy avāpa nṛpatir layam

वहाँ एकांत में रत होकर, यम आदि गुणों से शुद्ध होकर, वह राजा विष्णु नामक निर्मल ब्रह्म में लीन हो गया।

श्लोक 104 (vishnu.6.7.104)

केशिध्वजोऽपि मुक्त्यर्थं स्वकर्मक्षपणोन्मुखः । बुभुजे विषयान् कर्म चक्रे चानभिसंधितम्

keśidhvajo 'pi muktyarthaṁ svakarmakṣapaṇonmukhaḥ bubhuje viṣayān karma cakre cānabhisaṁdhitam

केशिध्वज भी मुक्ति के लिए, अपने कर्मों के क्षय की ओर उन्मुख होकर, विषयों का भोग करते रहे तथा कर्म भी करते रहे, परंतु बिना किसी बंधनकारी संकल्प के।

श्लोक 105 (vishnu.6.7.105)

अकल्याणोपभोगैश् च क्षीणपापोऽमलस् ततः । अवाप सिद्धिमत्यन्ततापक्षयफलां द्विज

akalyāṇopabhogaiś ca kṣīṇapāpo 'malas tataḥ avāpa siddhim atyantatāpakṣayaphalāṁ dvija

और हे द्विज! अकल्याणरहित भोगों के द्वारा पाप-क्षीण तथा निर्मल होकर, उसने अंततः वह सिद्धि प्राप्त की, जिसका फल समस्त ताप का अत्यंत क्षय है।