पुराण का फल और विष्णु-स्तवन

श्लोक 1 (vishnu.6.8.1)

पराशर उवाच । इत्येष कथितः सम्यक् तृतीयः प्रतिसंचरः । आत्यन्तिको विमुक्तिर् या लयो ब्रह्मणि शाश्वते

parāśara uvāca ity eṣa kathitaḥ samyak tṛtīyaḥ pratisaṁcaraḥ ātyantiko vimuktir yā layo brahmaṇi śāśvate

पराशर जी ने कहा — इस प्रकार यह तीसरा प्रलय भली-भाँति कह दिया गया — जो आत्यंतिक प्रलय ही मुक्ति है, अर्थात् शाश्वत ब्रह्म में लय।

श्लोक 2 (vishnu.6.8.2)

सर्गश् च प्रतिसर्गश् च वंशो मन्वन्तराणि च । वंशानुचरितं चैव भवतो गदितं मया

sargaś ca pratisargaś ca vaṁśo manvantarāṇi ca vaṁśānucaritaṁ caiva bhavato gaditaṁ mayā

सृष्टि, प्रतिसृष्टि, वंश, मन्वन्तर तथा वंशानुचरित — यह सब आपसे मेरे द्वारा कहा गया।

श्लोक 3 (vishnu.6.8.3)

पुराणं वैष्णवं त्वेतत् सर्वकिल्बिषनाशनम् । विशिष्टं सर्वशास्त्रेभ्यः पुरुषार्थोपपादकम्

purāṇaṁ vaiṣṇavaṁ tv etat sarvakilbiṣanāśanam viśiṣṭaṁ sarvaśāstrebhyaḥ puruṣārthopapādakam

यह वैष्णव पुराण समस्त पापों का नाश करने वाला है; यह समस्त शास्त्रों से विशिष्ट है, और पुरुषार्थों को सिद्ध करने वाला है।

श्लोक 4 (vishnu.6.8.4)

तुभ्यं यथावन् मैत्रेय प्रोक्तं शुश्रूषवेऽव्ययम् । यदन्यदपि वक्तव्यं तत् पृच्छाद्य वदामि ते

tubhyaṁ yathāvan maitreya proktaṁ śuśrūṣave 'vyayam yad anyad api vaktavyaṁ tat pṛcchādya vadāmi te

हे मैत्रेय! श्रवण के इच्छुक आपको यह अविनाशी पुराण यथावत् कह दिया गया; यदि और कुछ भी कहने योग्य हो, तो अब पूछिए, मैं आपको बताऊँगा।

श्लोक 5 (vishnu.6.8.5)

मैत्रेय उवाच । भगवन् कथितं सर्वं यत् पृष्टोऽसि मया मुने । श्रुतं चैतन् मया भक्त्या नान्यत् प्रष्टव्यमस्ति मे

maitreya uvāca bhagavan kathitaṁ sarvaṁ yat pṛṣṭo 'si mayā mune śrutaṁ caitan mayā bhaktyā nānyat praṣṭavyam asti me

मैत्रेय ने कहा — "हे भगवन्! हे मुने! मैंने आपसे जो कुछ भी पूछा, वह सब आपने बता दिया; और मैंने इसे भक्तिपूर्वक सुना है। मुझे और कुछ पूछना शेष नहीं है।

श्लोक 6 (vishnu.6.8.6)

विच्छिन्नाः सर्वसंदेहा वैमल्यं मनसः कृतम् । त्वत्प्रसादान् मया ज्ञाता उत्पत्तिस्थितिसंयमाः

vicchinnāḥ sarvasaṁdehā vaimalyaṁ manasaḥ kṛtam tvatprasādān mayā jñātā utpattisthitisaṁyamāḥ

मेरे समस्त संदेह छिन्न हो गए हैं, और मेरे मन की निर्मलता सिद्ध हो गई है; आपकी कृपा से मैंने उत्पत्ति, स्थिति तथा संयम (प्रलय) को जान लिया है।

श्लोक 7 (vishnu.6.8.7)

ज्ञातश् चतुर्विधो राशिः शक्तिश् च त्रिविधा गुरो । विज्ञाता चापि कार्त्स्न्येन त्रिविधा भावभावना

jñātaś caturvidho rāśiḥ śaktiś ca trividhā guro vijñātā cāpi kārtsnyena trividhā bhāvabhāvanā

हे गुरो! मैंने चतुर्विध राशि (समूह) तथा त्रिविध शक्ति को जान लिया है; और त्रिविध भाव-भावना को भी पूर्ण रूप से समझ लिया है।

श्लोक 8 (vishnu.6.8.8)

त्वत्प्रसादान् मया ज्ञातं ज्ञेयैरन्यैरलं द्विज । यथैतदखिलं विष्णोर् जगन् न व्यतिरिच्यते

tvatprasādān mayā jñātaṁ jñeyair anyair alaṁ dvija yathaitad akhilaṁ viṣṇor jagan na vyatiricyate

हे द्विज! आपकी कृपा से मैंने यह जान लिया है कि यह सम्पूर्ण जगत् विष्णु से भिन्न नहीं है — अब अन्य जो कुछ भी ज्ञातव्य हो, उसकी आवश्यकता नहीं।

श्लोक 9 (vishnu.6.8.9)

कृतार्थोऽस्म्यपसंदेहस् त्वत्प्रसादान् महामुने । वर्णधर्मादयो धर्मा विदिता यदशेषतः

kṛtārtho 'smy apasaṁdehas tvatprasādān mahāmune varṇadharmādayo dharmā viditā yad aśeṣataḥ

हे महामुने! आपकी कृपा से मैं कृतार्थ हो गया हूँ और संदेह-रहित हो गया हूँ, क्योंकि वर्णधर्म आदि धर्म मुझे पूर्ण रूप से ज्ञात हो गए हैं।

श्लोक 10 (vishnu.6.8.10)

प्रवृत्तं च निवृत्तं च ज्ञातं कर्म मयाखिलम् । प्रसीद विप्रप्रवर नान्यत् प्रष्टव्यमस्ति मे

pravṛttaṁ ca nivṛttaṁ ca jñātaṁ karma mayākhilam prasīda viprapravara nānyat praṣṭavyam asti me

प्रवृत्ति और निवृत्ति — दोनों प्रकार के समस्त कर्मों को मैंने जान लिया है; हे विप्रप्रवर! प्रसन्न होइए, मुझे और कुछ पूछना शेष नहीं है।

श्लोक 11 (vishnu.6.8.11)

यदस्य कथनायासैर् योजितोऽसि मया गुरो । तत् क्षम्यतां विशेषोऽस्ति न सतां पुत्रशिष्ययोः

yad asya kathanāyāsair yojito 'si mayā guro tat kṣamyatāṁ viśeṣo 'sti na satāṁ putraśiṣyayoḥ

हे गुरो! इसके कथन के परिश्रम में मैंने आपको जो लगाया, वह क्षमा किया जाए; क्योंकि सत्पुरुषों में पुत्र और शिष्य में कोई विशेष भेद नहीं होता।

श्लोक 12 (vishnu.6.8.12)

पराशर उवाच । एतत् ते यन् मयाख्यातं पुराणं वेदसंमितम् । श्रुतेऽस्मिन् सर्वदोषोत्थः पापराशिः प्रणश्यति

parāśara uvāca etat te yan mayākhyātaṁ purāṇaṁ vedasaṁmitam śrute 'smin sarvadoṣotthaḥ pāparāśiḥ praṇaśyati

पराशर जी ने कहा — यह जो पुराण मैंने आपको बताया, वह वेद के समान प्रामाणिक है; इसे सुनने से समस्त दोषों से उत्पन्न पाप-राशि नष्ट हो जाती है।

श्लोक 13 (vishnu.6.8.13)

सर्गश् च प्रतिसर्गश् च वंशो मन्वन्तराणि च । वंशानुचरितं कृत्स्नं मयात्र तव कीर्तितम्

sargaś ca pratisargaś ca vaṁśo manvantarāṇi ca vaṁśānucaritaṁ kṛtsnaṁ mayātra tava kīrtitam

सृष्टि, प्रतिसृष्टि, वंश, मन्वन्तर तथा सम्पूर्ण वंशानुचरित — यह सब यहाँ मेरे द्वारा आपसे कहा गया है।

श्लोक 14 (vishnu.6.8.14)

अत्र देवास् तथा दैत्या गन्धर्वोरगराक्षसाः । यक्षा विद्याधराः सिद्धाः कथ्यन्तेऽप्सरसस् तथा

atra devās tathā daityā gandharvoragarākṣasāḥ yakṣā vidyādharāḥ siddhāḥ kathyante 'psarasas tathā

यहाँ देवता, दैत्य, गन्धर्व, नाग, राक्षस, यक्ष, विद्याधर, सिद्ध तथा अप्सराएँ भी कही गई हैं।

श्लोक 15 (vishnu.6.8.15)

मुनयो भावितात्मानः कथ्यन्ते तपसान्विताः । चातुर्वर्ण्यं तथा पुंसां विशिष्टचरिता नराः

munayo bhāvitātmānaḥ kathyante tapasānvitāḥ cāturvarṇyaṁ tathā puṁsāṁ viśiṣṭacaritā narāḥ

भावितात्मा तथा तपोयुक्त मुनिगण कहे गए हैं; तथा मनुष्यों का चातुर्वर्ण्य और विशिष्ट चरित्र वाले नर भी कहे गए हैं।

श्लोक 16 (vishnu.6.8.16)

पुण्याः प्रदेशा मेदिन्याः पुण्या नद्योऽथ सागराः । पर्वताश् च महापुण्याश् चरितानि च धीमताम्

puṇyāḥ pradeśā medinyāḥ puṇyā nadyo 'tha sāgarāḥ parvatāś ca mahāpuṇyāś caritāni ca dhīmatām

पृथ्वी के पुण्य प्रदेश, पुण्य नदियाँ, सागर, तथा महापुण्य पर्वत, और बुद्धिमान पुरुषों के चरित्र भी —

श्लोक 17 (vishnu.6.8.17)

वर्णधर्मादयो धर्मा वेदशाखाश् च कृत्स्नशः । येषां संश्रवणात् सद्यः सर्वपापैः प्रमुच्यते

varṇadharmādayo dharmā vedaśākhāś ca kṛtsnaśaḥ yeṣāṁ saṁśravaṇāt sadyaḥ sarvapāpaiḥ pramucyate

— वर्णधर्म आदि धर्म, तथा वेद की सम्पूर्ण शाखाएँ भी — इन सबके श्रवण से मनुष्य तत्काल समस्त पापों से मुक्त हो जाता है।

श्लोक 18 (vishnu.6.8.18)

उत्पत्तिस्थितिनाशानां हेतुर् यो जगतोऽव्ययः । स सर्वभूतः सर्वात्मा कथ्यते भगवान् हरिः

utpattisthitināśānāṁ hetur yo jagato 'vyayaḥ sa sarvabhūtaḥ sarvātmā kathyate bhagavān hariḥ

जो जगत् की उत्पत्ति, स्थिति और नाश का अविनाशी कारण है, जो सर्वभूतस्वरूप तथा सर्वात्मा है — वही भगवान् हरि कहलाता है।

श्लोक 19 (vishnu.6.8.19)

अवशेनापि यन् नाम्नि कीर्तिते सर्वपातकैः । पुमान् विमुच्यते सद्यः सिंहत्रस्तैर् मृगैरिव

avaśenāpi yan nāmni kīrtite sarvapātakaiḥ pumān vimucyate sadyaḥ siṁhatrastair mṛgair iva

जिसका नाम अनजाने में भी कीर्तित होने पर मनुष्य समस्त पापों से तत्काल मुक्त हो जाता है, जैसे सिंह से भयभीत मृग तुरंत भाग जाते हैं।

श्लोक 20 (vishnu.6.8.20)

यन् नामकीर्तनं भक्त्या विलायनमनुत्तमम् । मैत्रेयाशेषपापानां धातूनामिव पावकः

yan nāmakīrtanaṁ bhaktyā vilāyanam anuttamam maitreyāśeṣapāpānāṁ dhātūnām iva pāvakaḥ

हे मैत्रेय! उसके नाम का भक्तिपूर्वक कीर्तन समस्त पापों को उसी प्रकार गला देने वाला सर्वोत्तम साधन है, जैसे अग्नि धातुओं को गला देती है।

श्लोक 21 (vishnu.6.8.21)

कलिकल्मषमत्युग्रं नरकार्तिप्रदं नृणाम् । प्रयाति विलयं सद्यः सकृद् यत्र च संस्मृते

kalikalmaṣam atyugraṁ narakārtipradaṁ nṛṇām prayāti vilayaṁ sadyaḥ sakṛd yatra ca saṁsmṛte

कलियुग का अत्यंत भीषण पाप भी, जो मनुष्यों को नरक की पीड़ा देता है, उसके एक बार भी स्मरण किए जाने पर तत्काल विलीन हो जाता है।

श्लोक 22 (vishnu.6.8.22)

हिरण्यगर्भदेवेन्द्ररुद्रादित्याश्विवायुभिः । पावकैर् वसुभिः साध्यैर् विश्वेदेवादिभिः सुरैः

hiraṇyagarbhadevendrarudrādityāśvivāyubhiḥ pāvakair vasubhiḥ sādhyair viśvedevādibhiḥ suraiḥ

हिरण्यगर्भ, देवेन्द्र, रुद्र, आदित्यगण, अश्विनीकुमार, वायुगण, अग्निगण, वसुगण, साध्यगण, विश्वेदेव आदि देवताओं द्वारा,

श्लोक 23 (vishnu.6.8.23)

यक्षरक्षोरगैः सिद्धैर् दैत्यगन्धर्वदानवैः । अप्सरोभिस् तथा तारानक्षत्रैः सकलैर् ग्रहैः

yakṣarakṣoragaiḥ siddhair daityagandharvadānavaiḥ apsarobhis tathā tārānakṣatraiḥ sakalair grahaiḥ

यक्ष, राक्षस, नाग, सिद्ध, दैत्य, गन्धर्व, दानव, अप्सराएँ, तथा तारागण, नक्षत्र और समस्त ग्रहों द्वारा,

श्लोक 24 (vishnu.6.8.24)

सप्तर्षिभिस् तथा धिष्ण्यैर् धिष्ण्याधिपतिभिस् तथा । ब्राह्मणाद्यैर् मनुष्यैश् च तथैव पशुभिर् मृगैः

saptarṣibhis tathā dhiṣṇyair dhiṣṇyādhipatibhis tathā brāhmaṇādyair manuṣyaiś ca tathaiva paśubhir mṛgaiḥ

तथा सप्तर्षियों द्वारा, स्वर्गिक मंडलों तथा उनके अधिपतियों द्वारा, ब्राह्मण आदि मनुष्यों द्वारा, तथा पशु-मृगों द्वारा भी,

श्लोक 25 (vishnu.6.8.25)

सरीसृपैर् विहंगैश् च पलाशाद्यैर् महीरुहैः । वनाद्रिसागरसरित्पातालैः सधरादिभिः

sarīsṛpair vihaṁgaiś ca palāśādyair mahīruhaiḥ vanādrisāgarasaritpātālaiḥ sadharādibhiḥ

सरीसृपों और पक्षियों द्वारा, पलाश आदि वृक्षों द्वारा, वन, पर्वत, सागर, नदी तथा पातालों सहित पृथ्वी आदि द्वारा,

श्लोक 26 (vishnu.6.8.26)

शब्दादिभिश् च सहितं ब्रह्माण्डमखिलं द्विज । मेरोरिवाणुर् यस्यैतद् यन्मयं च द्विजोत्तम

śabdādibhiś ca sahitaṁ brahmāṇḍam akhilaṁ dvija meror ivāṇur yasyaitad yanmayaṁ ca dvijottama

हे द्विज! तथा शब्द आदि सहित यह सम्पूर्ण ब्रह्माण्ड — हे द्विजोत्तम! उसकी तुलना में मेरु पर्वत के आगे एक अणु के समान है, और यह उसी से बना है —

श्लोक 27 (vishnu.6.8.27)

स सर्वः सर्ववित् सर्वस्वरूपो रूपवर्जितः । भगवान् कीर्तितो विष्णुरत्र पापप्रणाशनः

sa sarvaḥ sarvavit sarvasvarūpo rūpavarjitaḥ bhagavān kīrtito viṣṇur atra pāpapraṇāśanaḥ

— वही भगवान् विष्णु, जो सर्वस्वरूप, सर्वज्ञ, सर्वस्वरूप होते हुए भी रूपरहित है, यहाँ पापों का नाश करने वाले के रूप में कीर्तित किया गया है।

श्लोक 28 (vishnu.6.8.28)

यदश्वमेधावभृथे स्नातः प्राप्नोति वै फलम् । सकलं तदवाप्नोति श्रुत्वैतन् मुनिसत्तम

yad aśvamedhāvabhṛthe snātaḥ prāpnoti vai phalam sakalaṁ tad avāpnoti śrutvaitan munisattama

हे मुनिसत्तम! अश्वमेध यज्ञ के अवभृथ-स्नान से जो फल प्राप्त होता है, वह सम्पूर्ण फल इसे सुनने मात्र से प्राप्त हो जाता है।

श्लोक 29 (vishnu.6.8.29)

प्रयागे पुष्करे चैव कुरुक्षेत्रे तथार्बुदे । कृतोपवासः प्राप्नोति तदस्य श्रवणान् नरः

prayāge puṣkare caiva kurukṣetre tathārbude kṛtopavāsaḥ prāpnoti tad asya śravaṇān naraḥ

प्रयाग, पुष्कर, कुरुक्षेत्र तथा अर्बुद में उपवास करके जो प्राप्त होता है, वह मनुष्य इसके श्रवण मात्र से प्राप्त कर लेता है।

श्लोक 30 (vishnu.6.8.30)

यदग्निहोत्रे सुहुते वर्षेणाप्नोति वै फलम् । महापुण्यमयं विप्र तदस्य श्रवणात् सकृत्

yad agnihotre suhute varṣeṇāpnoti vai phalam mahāpuṇyamayaṁ vipra tad asya śravaṇāt sakṛt

हे विप्र! एक वर्ष तक सम्यक् रूप से किए गए अग्निहोत्र से जो महान् पुण्यमय फल प्राप्त होता है, वह इसके एक बार सुनने मात्र से प्राप्त हो जाता है।

श्लोक 31 (vishnu.6.8.31)

यज् ज्येष्ठशुक्लद्वादश्यां स्नात्वा वै यमुनाजले । मथुरायां हरिं दृष्ट्वा प्राप्नोति परमां गतिम्

yaj jyeṣṭhaśukladvādaśyāṁ snātvā vai yamunājale mathurāyāṁ hariṁ dṛṣṭvā prāpnoti paramāṁ gatim

ज्येष्ठ मास के शुक्ल पक्ष की द्वादशी को यमुना जल में स्नान कर, मथुरा में हरि का दर्शन कर, जो परम गति प्राप्त होती है —

श्लोक 32 (vishnu.6.8.32)

तदाप्नोति फलं सम्यक् समाधानेन कीर्तनात् । पुराणस्यास्य विप्रर्षे केशवार्पितमानसः

tad āpnoti phalaṁ samyak samādhānena kīrtanāt purāṇasyāsya viprarṣe keśavārpitamānasaḥ

— वही फल, हे विप्रर्षे! इस पुराण के एकाग्रतापूर्वक कीर्तन से, केशव में अर्पित मन वाले पुरुष को, पूर्ण रूप से प्राप्त होता है।

श्लोक 33 (vishnu.6.8.33)

यमुनासलिले स्नातः पुरुषो मुनिसत्तम । ज्येष्ठामूलेऽमले पक्षे द्वादश्यामुपवासकृत्

yamunāsalile snātaḥ puruṣo munisattama jyeṣṭhāmūle 'male pakṣe dvādaśyām upavāsakṛt

हे मुनिसत्तम! ज्येष्ठा नक्षत्र में, निर्मल पक्ष की द्वादशी को उपवास करके, यमुना जल में स्नान करने वाला पुरुष,

श्लोक 34 (vishnu.6.8.34)

समभ्यर्च्याच्युतं सम्यङ् मथुरायां समाहितः । अश्वमेधस्य यज्ञस्य प्राप्नोत्यविकलं फलम्

samabhyarcyācyutaṁ samyaṅ mathurāyāṁ samāhitaḥ aśvamedhasya yajñasya prāpnoty avikalaṁ phalam

तथा मथुरा में एकाग्रचित्त होकर अच्युत की भली-भाँति पूजा करने वाला पुरुष, अश्वमेध यज्ञ का सम्पूर्ण फल प्राप्त करता है।

श्लोक 35 (vishnu.6.8.35)

आलोक्यर्द्धिमथान्येषामुन्नीतानां स्ववंशजैः । एतत् किलोचुरन्येषाम् पितरः सपितामहाः

ālokyarddhim athānyeṣām unnītānāṁ svavaṁśajaiḥ etat kilocur anyeṣām pitaraḥ sapitāmahāḥ

दूसरों की समृद्धि को देखकर, जो अपने वंशजों द्वारा ऊँचा उठाए गए थे, अन्य लोगों के पितर और पितामह कहते हैं —

श्लोक 36 (vishnu.6.8.36)

कच्चिदस्मत्कुले जातः कालिन्दीसलिलाप्लुतः । अर्चयिष्यति गोविन्दं मथुरायामुपोषितः

kaccid asmatkule jātaḥ kālindīsalilāplutaḥ arcayiṣyati govindaṁ mathurāyām upoṣitaḥ

"क्या हमारे कुल में उत्पन्न कोई जन कालिन्दी के जल में स्नान कर, उपवास करके मथुरा में गोविंद का पूजन करेगा,

श्लोक 37 (vishnu.6.8.37)

ज्येष्ठामूले सिते पक्षे येनैवं वयमप्युत । परामृद्धिमवाप्स्यामस् तारिताः स्वकुलोद्भवैः

jyeṣṭhāmūle site pakṣe yenaivaṁ vayam apy uta parām ṛddhim avāpsyāmas tāritāḥ svakulodbhavaiḥ

ज्येष्ठा नक्षत्र में, शुक्ल पक्ष में — जिससे हम भी अपने ही कुल में उत्पन्न उस पुरुष द्वारा तार दिए जाकर परम समृद्धि को प्राप्त हो सकें?"

श्लोक 38 (vishnu.6.8.38)

ज्येष्ठामूले सिते पक्षे समभ्यर्च्य जनार्दनम् । धन्यानां कुलजः पिण्डान् यमुनायां प्रदास्यति

jyeṣṭhāmūle site pakṣe samabhyarcya janārdanam dhanyānāṁ kulajaḥ piṇḍān yamunāyāṁ pradāsyati

"क्या धन्य पुरुषों में उत्पन्न कोई जन ज्येष्ठा नक्षत्र में, शुक्ल पक्ष में जनार्दन का पूजन कर, यमुना में पिण्डदान करेगा,

श्लोक 39 (vishnu.6.8.39)

तस्मिन् काले समभ्यर्च्य तत्र कृष्णं समाहितः । दत्त्वा पिण्डं पितृभ्यश् च यमुनासलिलाप्लुतः

tasmin kāle samabhyarcya tatra kṛṣṇaṁ samāhitaḥ dattvā piṇḍaṁ pitṛbhyaś ca yamunāsalilāplutaḥ

उस समय एकाग्रचित्त होकर वहाँ कृष्ण का पूजन कर, यमुना जल में स्नान कर, पितरों को पिण्डदान देकर —

श्लोक 40 (vishnu.6.8.40)

यदाप्नोति नरः पुण्यं तारयन् स्वपितामहान् । श्रुत्वाध्यायं तदाप्नोति पुराणस्यास्य भक्तिमान्

yad āpnoti naraḥ puṇyaṁ tārayan svapitāmahān śrutvādhyāyaṁ tad āpnoti purāṇasyāsya bhaktimān

— मनुष्य अपने पितामहों को तार कर जो पुण्य प्राप्त करता है, वही पुण्य भक्तिमान पुरुष इस पुराण के इस अध्याय को सुनकर प्राप्त कर लेता है।

श्लोक 41 (vishnu.6.8.41)

एतत् संसारभीरूणां परित्राणमनुत्तमम् । दुःस्वप्ननाशनं नॄणां सर्वदुष्टनिबर्हणम्

etat saṁsārabhīrūṇāṁ paritrāṇam anuttamam duḥsvapnanāśanaṁ nṝṇāṁ sarvaduṣṭanibarhaṇam

यह संसार से भयभीत जनों के लिए सर्वोत्तम रक्षा है, मनुष्यों के दुःस्वप्नों का नाशक है, तथा समस्त दुष्टता का उन्मूलन करने वाला है।

श्लोक 42 (vishnu.6.8.42)

इदमार्षं पुरा प्राह ऋभवे कमलोद्भवः । ऋभुः प्रियव्रतायाह स च भागुरयेऽब्रवीत्

idam ārṣaṁ purā prāha ṛbhave kamalodbhavaḥ ṛbhuḥ priyavratāyāha sa ca bhāguraye 'bravīt

पूर्वकाल में कमल से उत्पन्न ब्रह्मा ने यह प्राचीन उपदेश ऋभु से कहा; ऋभु ने प्रियव्रत से कहा; और उन्होंने भागुरि से कहा।

श्लोक 43 (vishnu.6.8.43)

भागुरिः स्तम्भमित्राय दधीचाय स चोक्तवान् । सारस्वताय तेनोक्तं भृगुः सारस्वतादपि

bhāguriḥ stambhamitrāya dadhīcāya sa coktavān sārasvatāya tenoktaṁ bhṛguḥ sārasvatād api

भागुरि ने स्तम्भमित्र से कहा; उन्होंने दधीचि से कहा; उनके द्वारा सारस्वत से कहा गया; और भृगु ने भी सारस्वत से ही प्राप्त किया।

श्लोक 44 (vishnu.6.8.44)

भृगुणा पुरुकुत्साय नर्मदायै स चोक्तवान् । नर्मदा धृतराष्ट्राय नागायापूरणाय च

bhṛguṇā purukutsāya narmadāyai sa coktavān narmadā dhṛtarāṣṭrāya nāgāyāpūraṇāya ca

भृगु ने पुरुकुत्स से कहा; उन्होंने नर्मदा से कहा; नर्मदा ने नाग धृतराष्ट्र से तथा अपूरण से कहा।

श्लोक 45 (vishnu.6.8.45)

ताभ्यां च नागराजाय प्रोक्तं वासुकये द्विज । वासुकिः प्राह वत्साय वत्सश् चाश्वतराय वै

tābhyāṁ ca nāgarājāya proktaṁ vāsukaye dvija vāsukiḥ prāha vatsāya vatsaś cāśvatarāya vai

हे द्विज! उन दोनों के द्वारा यह नागराज वासुकि से कहा गया; वासुकि ने वत्स से कहा; और वत्स ने अश्वतर से कहा।

श्लोक 46 (vishnu.6.8.46)

कम्बलाय च तेनोक्तमेलापत्राय तेन वै

kambalāya ca tenoktam elāpatrāya tena vai

और उनके द्वारा यह कम्बल से कहा गया, और उनके द्वारा एलापत्र से कहा गया।

श्लोक 47 (vishnu.6.8.47)

पातालं समनुप्राप्तस् ततो वेदशिरा मुनिः । प्राप्तवानेतदखिलं स वै प्रमतये ददौ

pātālaṁ samanuprāptas tato vedaśirā muniḥ prāptavān etad akhilaṁ sa vai pramataye dadau

तत्पश्चात् पाताल में पहुँचे हुए वेदशिरा मुनि ने इसे सम्पूर्ण रूप से प्राप्त किया, और उन्होंने इसे प्रमति को दिया।

श्लोक 48 (vishnu.6.8.48)

दत्तं प्रमतिना चैव जातूकर्णाय धीमते । जातूकर्णेन चैवोक्तमन्येषां पुण्यशालिनाम्

dattaṁ pramatinā caiva jātūkarṇāya dhīmate jātūkarṇena caivoktam anyeṣāṁ puṇyaśālinām

और प्रमति के द्वारा यह बुद्धिमान जातूकर्ण को दिया गया; और जातूकर्ण के द्वारा यह अन्य पुण्यशाली पुरुषों से कहा गया।

श्लोक 49 (vishnu.6.8.49)

पुलस्त्यवरदानेन ममाप्येतत् स्मृतिं गतम् । मयापि तुभ्यं मैत्रेय यथावत् कथितं त्विदम्

pulastyavaradānena mamāpy etat smṛtiṁ gatam mayāpi tubhyaṁ maitreya yathāvat kathitaṁ tv idam

पुलस्त्य के वरदान से यह मुझे भी स्मृति में प्राप्त हुआ; और हे मैत्रेय! मेरे द्वारा भी यह आपको यथावत् कहा गया है।

श्लोक 50 (vishnu.6.8.50)

त्वमप्येतच् छिनीकाय कलेरन्ते वदिष्यसि

tvam apy etac chinīkāya kaler ante vadiṣyasi

और आप भी इसे कलियुग के अंत में शिनीक को बताएँगे।

श्लोक 51 (vishnu.6.8.51)

इत्येतत् परमं गुह्यं कलिकल्मषनाशनम् । यः शृणोति नरः पापैः स सर्वैर् द्विज मुच्यते

ity etat paramaṁ guhyaṁ kalikalmaṣanāśanam yaḥ śṛṇoti naraḥ pāpaiḥ sa sarvair dvija mucyate

हे द्विज! इस प्रकार यह परम गुह्य है, जो कलियुग के पाप का नाश करने वाला है; जो मनुष्य इसे सुनता है, वह समस्त पापों से मुक्त हो जाता है।

श्लोक 52 (vishnu.6.8.52)

पितृयक्षमनुष्येभ्यः समस्तामरसंस्तुतिः । कृता तेन भवेदेतद् यः शृणोति दिने दिने

pitṛyakṣamanuṣyebhyaḥ samastāmarasaṁstutiḥ kṛtā tena bhaved etad yaḥ śṛṇoti dine dine

जो मनुष्य प्रतिदिन इसे सुनता है, उसके द्वारा पितरों, यक्षों, मनुष्यों तथा समस्त देवताओं की स्तुति कर दी गई मानी जाती है।

श्लोक 53 (vishnu.6.8.53)

कपिलादानजनितं पुण्यमत्यन्तदुर्लभम् । श्रुत्वा त्वस्य दशाध्यायानवाप्नोति न संशयः

kapilādānajanitaṁ puṇyam atyantadurlabham śrutvā tv asya daśādhyāyān avāpnoti na saṁśayaḥ

इस पुराण के दस अध्यायों को सुनकर, निःसंदेह, मनुष्य कपिला गौ के दान से उत्पन्न होने वाला अत्यंत दुर्लभ पुण्य प्राप्त कर लेता है।

श्लोक 54 (vishnu.6.8.54)

यस् त्वैतत् सकलं शृणोति पुरुषः कृत्वा मनस्यच्युतं सर्वं सर्वमयं समस्तजगतामाधारमात्माश्रयम् । ज्ञानं ज्ञेयमनन्तमादिरहितं सर्वामराणां हितं स प्राप्नोति न संशयोऽस्त्यविकलं यद् वाजिमेधे फलम्

yas tvaitat sakalaṁ śṛṇoti puruṣaḥ kṛtvā manasy acyutaṁ sarvaṁ sarvamayaṁ samastajagatām ādhāram ātmāśrayam jñānaṁ jñeyam anantam ādirahitaṁ sarvāmarāṇāṁ hitaṁ sa prāpnoti na saṁśayo 'sty avikalaṁ yad vājimedhe phalam

परंतु जो मनुष्य अच्युत को मन में धारण कर — जो सर्वस्वरूप, सर्वमय, समस्त जगत् का आधार, स्वयं ही अपना आश्रय, ज्ञान, ज्ञेय, अनन्त, आदिरहित तथा समस्त देवताओं के लिए हितकर हैं — इस सम्पूर्ण पुराण को सुनता है, वह निःसंदेह अश्वमेध यज्ञ का सम्पूर्ण और अखंडित फल प्राप्त करता है।

श्लोक 55 (vishnu.6.8.55)

यत्रादौ भगवांश् चराचरगुरुर् मध्ये तथान्ते च स ब्रह्मज्ञानमयोऽच्युतोऽखिलजगन्मध्यान्तसर्गप्रभुः । तच् छृण्वन् पुरुषः पवित्रपरमं भक्त्या पठन् धारयन् प्राप्नोत्यस्ति न तत् समस्तभुवनेष्वेकान्तसिद्धिर् हरिः

yatrādau bhagavāṁś carācaragurur madhye tathānte ca sa brahmajñānamayo 'cyuto 'khilajaganmadhyāntasargaprabhuḥ tac chṛṇvan puruṣaḥ pavitraparamaṁ bhaktyā paṭhan dhārayan prāpnoty asti na tat samastabhuvaneṣv ekāntasiddhir hariḥ

जो भगवान् आदि में, चराचर के गुरु के रूप में, तथा मध्य और अंत में भी विद्यमान हैं, जो ब्रह्मज्ञानमय, अच्युत, सम्पूर्ण जगत् के आदि-मध्य-अंत तथा सृष्टि के स्वामी हैं — उस परम पवित्र पुराण को सुनने वाला, भक्तिपूर्वक पढ़ने वाला तथा धारण करने वाला पुरुष उन्हीं हरि को प्राप्त कर लेता है; समस्त लोकों में ऐसा कुछ भी नहीं है जो उसे प्राप्त न हो — क्योंकि यही उनकी एकांतिक सिद्धि है।

श्लोक 56 (vishnu.6.8.56)

यस्मिन् न्यस्तमतिर् न याति नरकं स्वर्गोऽपि यच् चिन्तने विघ्नो यत्र निवेशितात्ममनसो ब्राह्मोऽपि लोकोऽल्पकः । मुक्तिं चेतसि यः स्थितोऽमलधियां पुंसां ददात्यव्ययः किं चित्रं यदघं प्रयाति विलयं तत्राच्युते कीर्तिते

yasmin nyastamatir na yāti narakaṁ svargo 'pi yac cintane vighno yatra niveśitātmamanaso brāhmo 'pi loko 'lpakaḥ muktiṁ cetasi yaḥ sthito 'maladhiyāṁ puṁsāṁ dadāty avyayaḥ kiṁ citraṁ yad aghaṁ prayāti vilayaṁ tatrācyute kīrtite

जिस पर मन स्थिर हो जाने पर मनुष्य नरक को प्राप्त नहीं होता; जिसके चिंतन में स्वर्ग भी बाधा बन जाता है; जिसके लिए आत्मा और मन को अर्पित कर देने वाले पुरुष को ब्रह्मलोक भी तुच्छ प्रतीत होता है; वह अविनाशी, निर्मल बुद्धि वाले पुरुषों के हृदय में स्थित होकर मुक्ति प्रदान करता है — फिर इसमें क्या आश्चर्य है कि उस अच्युत के कीर्तित होते ही पाप विलीन हो जाए?

श्लोक 57 (vishnu.6.8.57)

यज्ञैर् यज्ञविदो यजन्ति सततं यज्ञेश्वरं कर्मिणो यं यं ब्रह्ममयं परापरपरं ध्यायन्ति च ज्ञानिनः । यं संप्राप्य न जायते न म्रियते नो वर्धते हीयते नैवासन् न च सद् भवत्यति ततः किं वा हरेः श्रूयताम्

yajñair yajñavido yajanti satataṁ yajñeśvaraṁ karmiṇo yaṁ yaṁ brahmamayaṁ parāparaparaṁ dhyāyanti ca jñāninaḥ yaṁ saṁprāpya na jāyate na mriyate no vardhate hīyate naivāsan na ca sad bhavaty ati tataḥ kiṁ vā hareḥ śrūyatām

जिसे यज्ञवेत्ता कर्मी सतत यज्ञों द्वारा यज्ञेश्वर के रूप में पूजते हैं, जिसे ब्रह्मज्ञानी विद्वान परात्पर ब्रह्मस्वरूप मानकर ध्यान करते हैं, जिसे प्राप्त कर मनुष्य न जन्म लेता है, न मरता है, न बढ़ता है, न घटता है, न असत् है और न सत् होता है — फिर हरि के विषय में और क्या सुना जाए?

श्लोक 58 (vishnu.6.8.58)

कव्यं यः पितृरूपधृग् विधिहुतं हव्यं च भुङ्क्ते विभुर् देवत्वे भगवाननादिनिधनः स्वाहास्वधासंज्ञितः । यस्मिन् ब्रह्मणि सर्वशक्तिनिलये मानानि नो मानिनां निष्ठायै प्रभवन्ति हन्ति कलुषं श्रोत्रं स यातो हरिः

kavyaṁ yaḥ pitṛrūpadhṛg vidhihutaṁ havyaṁ ca bhuṅkte vibhur devatve bhagavān anādinidhanaḥ svāhāsvadhāsaṁjñitaḥ yasmin brahmaṇi sarvaśaktinilaye mānāni no mānināṁ niṣṭhāyai prabhavanti hanti kaluṣaṁ śrotraṁ sa yāto hariḥ

जो पितृरूप धारण कर कव्य को ग्रहण करता है, और जो देवत्व में स्वयं भगवान् — अनादि, अनन्त, स्वाहा-स्वधा नामधारी — विधिवत् हवन किए गए हव्य को भी ग्रहण करता है; वह ब्रह्म, जो समस्त शक्तियों का आश्रय है, जिसमें अभिमानियों का अभिमान उनकी सिद्धि के लिए कुछ भी नहीं कर पाता — वही हरि, कान तक पहुँचते ही, उसकी मलिनता को नष्ट कर देता है।

श्लोक 59 (vishnu.6.8.59)

नान्तोऽस्ति यस्य न च यस्य समुद्भवोऽस्ति वृद्धिर् न यस्य परिणामविवर्जितस्य । नापक्षयं च समुपैत्यविकल्पवस्तु यस् तं नतोऽस्मि पुरुषोत्तममीशमीड्यम्

nānto 'sti yasya na ca yasya samudbhavo 'sti vṛddhir na yasya pariṇāmavivarjitasya nāpakṣayaṁ ca samupaity avikalpavastu yas taṁ nato 'smi puruṣottamam īśam īḍyam

जिसका न कोई अंत है और न उद्भव है, जो परिणाम से रहित होने के कारण न बढ़ता है और न ही ह्रास को प्राप्त होता है, जो अविकल्प (अखंड) वस्तु है — उस पुरुषोत्तम, ईश्वर, स्तुत्य को मैं नमस्कार करता हूँ।

श्लोक 60 (vishnu.6.8.60)

तस्यैव योऽनुगुणभुग् बहुधैक एव शुद्धोऽप्यशुद्ध इव मूर्तिविभागभेदैः । ज्ञानान्वितः सकलतत्त्वविभूतिकर्ता तस्मै नतोऽस्मि पुरुषाय सदाव्ययाय

tasyaiva yo 'nuguṇabhug bahudhaika eva śuddho 'py aśuddha iva mūrtivibhāgabhedaiḥ jñānānvitaḥ sakalatattvavibhūtikartā tasmai nato 'smi puruṣāya sadāvyayāya

उसी को — जो एक होते हुए भी अनेक रूपों में गुणों का भोक्ता बनता है, जो शुद्ध होते हुए भी मूर्ति-विभाग के भेदों से अशुद्ध-सा प्रतीत होता है, जो ज्ञानयुक्त होकर समस्त तत्त्वों की विभूति का कर्ता है — उस सदा अविनाशी पुरुष को मैं नमस्कार करता हूँ।

श्लोक 61 (vishnu.6.8.61)

ज्ञानप्रवृत्तिनियमैक्यमयाय पुंसो भोगप्रदानपटवे त्रिगुणात्मकाय । अव्याकृताय भवभावनकारणाय वन्दे स्वरूपभवनाय सदाजराय

jñānapravṛttiniyamaikyamayāya puṁso bhogapradānapaṭave triguṇātmakāya avyākṛtāya bhavabhāvanakāraṇāya vande svarūpabhavanāya sadājarāya

मैं उस पुरुष की वंदना करता हूँ, जो ज्ञान, प्रवृत्ति तथा नियम की एकता से युक्त है, जो भोग प्रदान करने में कुशल है, जो त्रिगुणात्मक है, जो अव्याकृत है, जो संसार-भावना का कारण है, जो स्वरूप का ही निवास-स्थान है, तथा जो सदा अजर है।

श्लोक 62 (vishnu.6.8.62)

व्योमानिलाग्निजलभूरचनामयाय शब्दादिभोग्यविषयोपनयक्षमाय । पुंसः समस्तकरणैरुपकारकाय व्यक्ताय सूक्ष्मविमलाय सदा नतोऽस्मि

vyomānilāgnijalabhūracanāmayāya śabdādibhogyaviṣayopanayakṣamāya puṁsaḥ samastakaraṇair upakārakāya vyaktāya sūkṣmavimalāya sadā nato 'smi

मैं सदा उसे नमस्कार करता हूँ, जो आकाश, वायु, अग्नि, जल तथा पृथ्वी की रचना से युक्त है, जो शब्द आदि भोग्य विषयों को प्राप्त कराने में समर्थ है, जो पुरुष का समस्त इंद्रियों द्वारा उपकार करने वाला है, जो व्यक्त, सूक्ष्म तथा निर्मल है।

श्लोक 63 (vishnu.6.8.63)

इति विविधमजस्य यस्य रूपं प्रकृतिपरात्ममयं सनातनस्य । प्रदिशतु भगवानशेषपुंसां हरिरपजन्मजरादिकां स सिद्धिम्

iti vividham ajasya yasya rūpaṁ prakṛtiparātmamayaṁ sanātanasya pradiśatu bhagavān aśeṣapuṁsāṁ harir apajanmajarādikāṁ sa siddhim

इस प्रकार उस अजन्मा, सनातन, प्रकृति-परात्म-स्वरूप के विविध रूप का वर्णन किया गया; भगवान् हरि समस्त मनुष्यों को जन्म-जरा आदि से रहित उस सिद्धि को प्रदान करें।