शूर्पणखा की फटकार: राजधर्म का उपदेश

श्लोक 1 (aranya.33.1)

ततः शूर्पणखा दीना रावणं लोकरावणम् । अमात्यमध्ये संक्रुद्धा परुषं वाक्यमब्रवीत् ॥ 33.1 ॥

tataḥ śūrpaṇakhā dīnā rāvaṇaṃ lokarāvaṇam | amātyamadhye saṃkruddhā paruṣaṃ vākyamabravīt || 33.1 ||

तब वह दीन शूर्पणखा, मंत्रियों के बीच अत्यंत क्रुद्ध होकर, संसार को रुलाने वाले रावण से कठोर वचन बोली।

श्लोक 2 (aranya.33.2)

प्रमत्तः कामभोगेषु स्वैरवृत्तो निरङ्कुशः । समुत्पन्नं भयं घोरं बोद्धव्यं नावबुध्यसे ॥ 33.2 ॥

pramattaḥ kāmabhogeṣu svairavṛtto niraṅkuśaḥ | samutpannaṃ bhayaṃ ghoraṃ boddhavyaṃ nāvabudhyase || 33.2 ||

"काम-भोगों में लिप्त, स्वेच्छाचारी और निरंकुश होकर तुम उस भीषण भय को नहीं समझ पा रहे हो जो उठ खड़ा हुआ है, जबकि तुम्हें उसे अवश्य समझना चाहिए।

श्लोक 3 (aranya.33.3)

सक्तं ग्राम्येषु भोगेषु कामवृत्तं महीपतिम् । लुब्धं न बहु मन्यन्ते श्मशानाग्निमिव प्रजाः ॥ 33.3 ॥

saktaṃ grāmyeṣu bhogeṣu kāmavṛttaṃ mahīpatim | lubdhaṃ na bahu manyante śmaśānāgnimiva prajāḥ || 33.3 ||

जो राजा तुच्छ भोगों में आसक्त और कामासक्त रहकर स्वेच्छा से आचरण करता है, प्रजा उसे लोभी समझकर श्मशान की अग्नि के समान तिरस्कृत करती है।

श्लोक 4 (aranya.33.4)

स्वयं कार्याणि यः काले नानुतिष्ठति पार्थिवः । स तु वै सह राज्येन तैश्च कार्यैर्विनश्यति ॥ 33.4 ॥

svayaṃ kāryāṇi yaḥ kāle nānutiṣṭhati pārthivaḥ | sa tu vai saha rājyena taiśca kāryairvinaśyati || 33.4 ||

जो राजा अपने कर्तव्यों का पालन समय पर स्वयं नहीं करता, वह अपने राज्य और उन्हीं कर्तव्यों के साथ नष्ट हो जाता है।

श्लोक 5 (aranya.33.5)

अयुक्तचारं दुर्दर्शमस्वाधीनं नराधिपम् । वर्जयन्ति नरा दूरान्नदीपङ्कमिव द्विपाः ॥ 33.5 ॥

ayuktacāraṃ durdarśamasvādhīnaṃ narādhipam | varjayanti narā dūrānnadīpaṅkamiva dvipāḥ || 33.5 ||

जो राजा गुप्तचरों के लिए दुर्गम, दुर्दर्शनीय और असंयमी होता है, लोग उससे वैसे ही दूर रहते हैं जैसे हाथी नदी के दलदल से दूर रहते हैं।

श्लोक 6 (aranya.33.6)

ये न रक्षन्ति विषयमस्वाधीनं नराधिपाः । ते न वृद्ध्या प्रकाशन्ते गिरयः सागरे यथा ॥ 33.6 ॥

ye na rakṣanti viṣayamasvādhīnaṃ narādhipāḥ | te na vṛddhyā prakāśante girayaḥ sāgare yathā || 33.6 ||

जो राजा असंयमी होकर अपने राज्य की रक्षा नहीं करते, वे समुद्र में डूबे पर्वतों के समान अपनी उन्नति से कभी प्रकाशित नहीं होते।

श्लोक 7 (aranya.33.7)

आत्मवद्भिर्विगृह्य त्वं देवगन्धर्वदानवैः । अयुक्तचारश्चपलः कथं राजा भविष्यसि ॥ 33.7 ॥

ātmavadbhirvigṛhya tvaṃ devagandharvadānavaiḥ | ayuktacāraścapalaḥ kathaṃ rājā bhaviṣyasi || 33.7 ||

देवताओं, गन्धर्वों और दानवों से वैर मोल लेकर, गुप्तचरों से रहित, चंचल स्वभाव वाले तुम भला कैसे राजा बने रह सकोगे?

श्लोक 8 (aranya.33.8)

त्वं तु बालस्वभावश्च बुद्धिहीनश्च राक्षस । ज्ञातव्यं तन्न जानीषे कथं राजा भविष्यसि ॥ 33.8 ॥

tvaṃ tu bālasvabhāvaśca buddhihīnaśca rākṣasa | jñātavyaṃ tanna jānīṣe kathaṃ rājā bhaviṣyasi || 33.8 ||

हे राक्षस! तुम तो बालस्वभाव के और बुद्धिहीन हो; जो जानने योग्य है उसे भी नहीं जानते — भला कैसे राजा बने रहोगे?

श्लोक 9 (aranya.33.9)

येषां चाराश्च कोशश्च नयश्च जयतां वर । अस्वाधीना नरेन्द्राणां प्राकृतैस्ते जनैः समाः ॥ 33.9 ॥

yeṣāṃ cārāśca kośaśca nayaśca jayatāṃ vara | asvādhīnā narendrāṇāṃ prākṛtaiste janaiḥ samāḥ || 33.9 ||

हे विजयियों में श्रेष्ठ! जिन राजाओं के गुप्तचर, कोष और नीति उनके अपने वश में नहीं होते, वे साधारण लोगों के ही समान हैं।

श्लोक 10 (aranya.33.10)

यस्मात् पश्यन्ति दूरस्थान् सर्वानर्थान् नराधिपाः । चारेण तस्मादुच्यन्ते राजानो दीर्घचक्षुषः ॥ 33.10 ॥

yasmāt paśyanti dūrasthān sarvānarthān narādhipāḥ | cāreṇa tasmāducyante rājāno dīrghacakṣuṣaḥ || 33.10 ||

चूँकि राजा गुप्तचरों के द्वारा दूरस्थ सभी विषयों को देख लेते हैं, इसीलिए राजा दूरदर्शी कहलाते हैं।

श्लोक 11 (aranya.33.11)

अयुक्तचारं मन्ये त्वां प्राकृतैः सचिवैर्युतः । स्वजनं च जनस्थानं निहतं नावबुध्यसे ॥ 33.11 ॥

ayuktacāraṃ manye tvāṃ prākṛtaiḥ sacivairyutaḥ | svajanaṃ ca janasthānaṃ nihataṃ nāvabudhyase || 33.11 ||

मैं तो यही मानती हूँ कि तुम गुप्तचरों के मामले में अयोग्य हो और तुच्छ मंत्रियों से घिरे हुए हो, इसीलिए तुम्हें अपने ही जनस्थान और अपनी प्रजा के विनाश का भी बोध नहीं हुआ।

श्लोक 12 (aranya.33.12)

चतुर्दश सहस्राणि रक्षसां भीमकर्मणाम् । हतान्येकेन रामेण खरश्च सहदूषणः ॥ 33.12 ॥

caturdaśa sahasrāṇi rakṣasāṃ bhīmakarmaṇām | hatānyekena rāmeṇa kharaśca sahadūṣaṇaḥ || 33.12 ||

भीषण कर्म करने वाले चौदह हजार राक्षस अकेले राम के द्वारा मारे गए, और खर तथा दूषण भी उसी के साथ मारे गए।

श्लोक 13 (aranya.33.13)

ऋषीणामभयं दत्तं कृतक्षेमाश्च दण्डकाः । धर्षितं च जनस्थानं रामेणाक्लिष्टकारिणा ॥ 33.13 ॥

ṛṣīṇāmabhayaṃ dattaṃ kṛtakṣemāśca daṇḍakāḥ | dharṣitaṃ ca janasthānaṃ rāmeṇākliṣṭakāriṇā || 33.13 ||

उस अथक कर्मी राम ने ऋषियों को अभय प्रदान किया, दण्डकारण्य को सुरक्षित बना दिया, और जनस्थान को पूर्णतः रौंद डाला।

श्लोक 14 (aranya.33.14)

त्वं तु लुब्धः प्रमत्तश्च पराधीनश्च राक्षस । विषये स्वे समुत्पन्नं यद् भयं नावबुध्यसे ॥ 33.14 ॥

tvaṃ tu lubdhaḥ pramattaśca parādhīnaśca rākṣasa | viṣaye sve samutpannaṃ yad bhayaṃ nāvabudhyase || 33.14 ||

हे राक्षस, तुम तो लोभी, प्रमादी और दूसरों के वश में रहने वाले हो; इसीलिए अपने ही राज्य में उठे हुए इस भय को भी नहीं समझ पा रहे हो।

श्लोक 15 (aranya.33.15)

तीक्ष्णमल्पप्रदातारं प्रमत्तं गर्वितं शठम् । व्यसने सर्वभूतानि नाभिधावन्ति पार्थिवम् ॥ 33.15 ॥

tīkṣṇamalpapradātāraṃ pramattaṃ garvitaṃ śaṭham | vyasane sarvabhūtāni nābhidhāvanti pārthivam || 33.15 ||

जो राजा उग्र, कृपण, प्रमादी, घमण्डी और कपटी होता है, संकट के समय समस्त प्राणी उसकी ओर दौड़कर नहीं आते।

श्लोक 16 (aranya.33.16)

अतिमानिनमग्राह्यमात्मसम्भावितं नरम् । क्रोधनं व्यसने हन्ति स्वजनोऽपि नराधिपम् ॥ 33.16 ॥

atimāninamagrāhyamātmasambhāvitaṃ naram | krodhanaṃ vyasane hanti svajano'pi narādhipam || 33.16 ||

जो पुरुष अत्यंत अभिमानी, असाध्य, आत्मश्लाघी और क्रोधी होता है, संकट के समय उसके अपने ही लोग उस राजा का नाश कर देते हैं।

श्लोक 17 (aranya.33.17)

नानुतिष्ठति कार्याणि भयेषु न बिभेति च । क्षिप्रं राज्याच्च्युतो दीनस्तृणैस्तुल्यो भवेदिह ॥ 33.17 ॥

nānutiṣṭhati kāryāṇi bhayeṣu na bibheti ca | kṣipraṃ rājyāccyuto dīnastṛṇaistulyo bhavediha || 33.17 ||

जो राजा अपने कर्तव्यों का पालन नहीं करता और भयजनक परिस्थितियों में भी नहीं डरता, वह शीघ्र ही राज्य से च्युत होकर दीन दशा में तिनके के समान तुच्छ हो जाता है।

श्लोक 18 (aranya.33.18)

शुष्ककाष्ठैर्भवेत् कार्यं लोष्ठैरपि च पांसुभिः । न तु स्थानात् परिभ्रष्टैः कार्यं स्याद् वसुधाधिपैः ॥ 33.18 ॥

śuṣkakāṣṭhairbhavet kāryaṃ loṣṭhairapi ca pāṃsubhiḥ | na tu sthānāt paribhraṣṭaiḥ kāryaṃ syād vasudhādhipaiḥ || 33.18 ||

सूखी लकड़ियों, मिट्टी के ढेलों और धूलि-कणों से भी कोई-न-कोई काम निकल आता है, परन्तु अपने स्थान से च्युत हुए राजाओं से कोई प्रयोजन सिद्ध नहीं होता।

श्लोक 19 (aranya.33.19)

उपभुक्तं यथा वासः स्रजो वा मृदिता यथा । एवं राज्यात् परिभ्रष्टः समर्थोऽपि निरर्थकः ॥ 33.19 ॥

upabhuktaṃ yathā vāsaḥ srajo vā mṛditā yathā | evaṃ rājyāt paribhraṣṭaḥ samartho'pi nirarthakaḥ || 33.19 ||

जैसे पहना हुआ वस्त्र या मसली हुई पुष्पमाला निरर्थक हो जाती है, वैसे ही राज्य से च्युत हुआ पुरुष, समर्थ होते हुए भी, निरर्थक हो जाता है।

श्लोक 20 (aranya.33.20)

अप्रमत्तश्च यो राजा सर्वज्ञो विजितेन्द्रियः । कृतज्ञो धर्मशीलश्च स राजा तिष्ठते चिरम् ॥ 33.20 ॥

apramattaśca yo rājā sarvajño vijitendriyaḥ | kṛtajño dharmaśīlaśca sa rājā tiṣṭhate ciram || 33.20 ||

जो राजा सावधान, सर्वज्ञ, जितेन्द्रिय, कृतज्ञ और धर्मपरायण होता है, वह राजा दीर्घकाल तक टिका रहता है।

श्लोक 21 (aranya.33.21)

नयनाभ्यां प्रसुप्तो वा जागर्ति नयचक्षुषा । व्यक्तक्रोधप्रसादश्च स राजा पूज्यते जनैः ॥ 33.21 ॥

nayanābhyāṃ prasupto vā jāgarti nayacakṣuṣā | vyaktakrodhaprasādaśca sa rājā pūjyate janaiḥ || 33.21 ||

जो सोते हुए भी नीति की आँखों से जागृत रहता है, और जिसका क्रोध तथा अनुग्रह स्पष्ट रूप से प्रकट होता है, ऐसा राजा प्रजा द्वारा पूजित होता है।

श्लोक 22 (aranya.33.22)

त्वं तु रावण दुर्बुद्धिर्गुणैरेतैर्विवर्जितः । यस्य तेऽविदितश्चारै रक्षसां सुमहान् वधः ॥ 33.22 ॥

tvaṃ tu rāvaṇa durbuddhirguṇairetairvivarjitaḥ | yasya te'viditaścārai rakṣasāṃ sumahān vadhaḥ || 33.22 ||

परन्तु हे रावण, तुम दुर्बुद्धि हो और इन सब गुणों से रहित हो, इसीलिए गुप्तचरों के द्वारा भी तुम्हें राक्षसों के इस महान संहार का पता नहीं चला।

श्लोक 23 (aranya.33.23)

परावमन्ता विषयेषु सङ्गवान् न देशकालप्रविभागतत्त्ववित् । अयुक्तबुद्धिर्गुणदोषनिश्चये विपन्नराज्यो न चिराद् विपत्स्यसे ॥ 33.23 ॥

parāvamantā viṣayeṣu saṅgavān na deśakālapravibhāgatattvavit | ayuktabuddhirguṇadoṣaniścaye vipannarājyo na cirād vipatsyase || 33.23 ||

तुम दूसरों का अपमान करने वाले और विलासिता में आसक्त हो; देश और काल का उचित विभाजन करने के तत्त्व को नहीं जानते; गुण-दोष के निश्चय में तुम्हारी बुद्धि सुस्थिर नहीं है — अतः तुम्हारा राज्य शीघ्र ही विपत्तिग्रस्त होकर तुम्हें भी विनाश में डाल देगा।" इस प्रकार शूर्पणखा ने रावण को उसकी राजोचित अयोग्यताओं पर फटकारा।

श्लोक 24 (aranya.33.24)

इति स्वदोषान् परिकीर्तितांस्तथा समीक्ष्य बुद्ध्या क्षणदाचरेश्वरः । धनेन दर्पेण बलेन चान्वितो विचिन्तयामास चिरं स रावणः ॥ 33.24 ॥

iti svadoṣān parikīrtitāṃstathā samīkṣya buddhyā kṣaṇadācareśvaraḥ | dhanena darpeṇa balena cānvito vicintayāmāsa ciraṃ sa rāvaṇaḥ || 33.24 ||

शूर्पणखा द्वारा इस प्रकार अपने दोषों का वर्णन सुनकर, धन, अहंकार और बल से युक्त वह रात्रिचरों का स्वामी रावण अपनी बुद्धि से उन दोषों पर विचार करके देर तक चिन्तन में डूबा रहा।