मारीच की ओर रावण की यात्रा और गरुड़-शाखा की कथा

श्लोक 1 (aranya.35.1)

ततः शूर्पणखावाक्यं तच्छ्रुत्वा रोमहर्षणम् । सचिवानभ्यनुज्ञाय कार्यं बुद्ध्वा जगाम ह ॥ 35.1 ॥

tataḥ śūrpaṇakhāvākyaṃ tacchrutvā romaharṣaṇam | sacivānabhyanujñāya kāryaṃ buddhvā jagāma ha || 35.1 ||

तब शूर्पणखा की वह रोमांचकारी बात सुनकर, रावण ने मंत्रियों से विदा ली और अपने कार्य का निश्चय करके वहाँ से चला गया।

श्लोक 2 (aranya.35.2)

तत् कार्यमनुगम्यान्तर्यथावदुपलभ्य च । दोषाणां च गुणानां च सम्प्रधार्य बलाबलम् ॥ 35.2 ॥

tat kāryamanugamyāntaryathāvadupalabhya ca | doṣāṇāṃ ca guṇānāṃ ca sampradhārya balābalam || 35.2 ||

उस कार्य का भलीभाँति अनुसरण करते हुए, तथा उसके दोषों और गुणों पर, शक्ति और दुर्बलता पर भलीभाँति विचार करके,

श्लोक 3 (aranya.35.3)

इति कर्तव्यमित्येव कृत्वा निश्चयमात्मनः । स्थिरबुद्धिस्ततो रम्यां यानशालां जगाम ह ॥ 35.3 ॥

iti kartavyamityeva kṛtvā niścayamātmanaḥ | sthirabuddhistato ramyāṃ yānaśālāṃ jagāma ha || 35.3 ||

"यह इसी प्रकार किया जाना चाहिए" — ऐसा मन में निश्चय करके, वह स्थिरबुद्धि रावण तत्पश्चात् अपनी सुन्दर रथशाला में गया।

श्लोक 4 (aranya.35.4)

यानशालां ततो गत्वा प्रच्छन्नं राक्षसाधिपः । सूतं संचोदयामास रथः संयुज्यतामिति ॥ 35.4 ॥

yānaśālāṃ tato gatvā pracchannaṃ rākṣasādhipaḥ | sūtaṃ saṃcodayāmāsa rathaḥ saṃyujyatāmiti || 35.4 ||

रथशाला में जाकर वह राक्षसराज गुप्त रूप से सारथी को प्रेरित करते हुए बोला, "रथ को जोत दिया जाए।"

श्लोक 5 (aranya.35.5)

एवमुक्तः क्षणेनैव सारथिर्लघुविक्रमः । रथं संयोजयामास तस्याभिमतमुत्तमम् ॥ 35.5 ॥

evamuktaḥ kṣaṇenaiva sārathirlaghuvikramaḥ | rathaṃ saṃyojayāmāsa tasyābhimatamuttamam || 35.5 ||

ऐसा कहे जाने पर वह फुर्तीला सारथी क्षणभर में ही रावण के उस प्रिय एवं उत्तम रथ को तैयार कर लाया।

श्लोक 6 (aranya.35.6)

कामगं रथमास्थाय काञ्चनं रत्नभूषितम् । पिशाचवदनैर्युक्तं खरैः कनकभूषणैः ॥ 35.6 ॥

kāmagaṃ rathamāsthāya kāñcanaṃ ratnabhūṣitam | piśācavadanairyuktaṃ kharaiḥ kanakabhūṣaṇaiḥ || 35.6 ||

वह इच्छानुसार चलने वाला, रत्नों से जड़ा हुआ सुवर्ण-रथ था, जो पिशाच-मुख वाले, सुवर्ण-आभूषणों से सज्जित खच्चरों से युक्त था।

श्लोक 7 (aranya.35.7)

मेघप्रतिमनादेन स तेन धनदानुजः । राक्षसाधिपतिः श्रीमान् ययौ नदनदीपतिम् ॥ 35.7 ॥

meghapratimanādena sa tena dhanadānujaḥ | rākṣasādhipatiḥ śrīmān yayau nadanadīpatim || 35.7 ||

उस रथ पर बैठकर, मेघ के समान गर्जना करते हुए, धनद के अनुज, श्रीमान् राक्षसराज नदियों और नदों के स्वामी समुद्र की ओर चल पड़े।

श्लोक 8 (aranya.35.8)

स श्वेतवालव्यजनः श्वेतच्छत्रो दशाननः । स्निग्धवैदूर्यसंकाशस्तप्तकाञ्चनभूषणः ॥ 35.8 ॥

sa śvetavālavyajanaḥ śvetacchatro daśānanaḥ | snigdhavaidūryasaṃkāśastaptakāñcanabhūṣaṇaḥ || 35.8 ||

वह श्वेत चँवर और श्वेत छत्र से सुशोभित दशानन, वैडूर्यमणि के समान स्निग्ध कान्ति वाला और तपाए हुए सोने के आभूषणों से युक्त था।

श्लोक 9 (aranya.35.9)

दशग्रीवो विंशतिभुजो दर्शनीयपरिच्छदः । त्रिदशारिर्मुनीन्द्रघ्नो दशशीर्ष इवाद्रिराट् ॥ 35.9 ॥

daśagrīvo viṃśatibhujo darśanīyaparicchadaḥ | tridaśārirmunīndraghno daśaśīrṣa ivādrirāṭ || 35.9 ||

वह बीस भुजाओं वाला, दर्शनीय राजचिह्नों से युक्त, देवताओं का शत्रु, महर्षियों का संहारक, मानो दस शिखरों वाला पर्वतराज ही हो।

श्लोक 10 (aranya.35.10)

कामगं रथमास्थाय शुशुभे राक्षसाधिपः । विद्युन्मण्डलवान् मेघः सबलाक इवाम्बरे ॥ 35.10 ॥

kāmagaṃ rathamāsthāya śuśubhe rākṣasādhipaḥ | vidyunmaṇḍalavān meghaḥ sabalāka ivāmbare || 35.10 ||

उस इच्छानुगामी रथ पर आरूढ़ वह राक्षसराज, आकाश में बिजली की चमक और सारसों के झुण्ड से युक्त बादल के समान शोभायमान हो रहा था।

श्लोक 11 (aranya.35.11)

सशैलसागरानूपं वीर्यवानवलोकयन् । नानापुष्पफलैर्वृक्षैरनुकीर्णं सहस्रशः ॥ 35.11 ॥

saśailasāgarānūpaṃ vīryavānavalokayan | nānāpuṣpaphalairvṛkṣairanukīrṇaṃ sahasraśaḥ || 35.11 ||

वह पराक्रमी रावण पर्वतों और समुद्र-तटीय भूमि को निहारते हुए आगे बढ़ा, जो नाना प्रकार के फूलों और फलों वाले वृक्षों से हजारों की संख्या में व्याप्त थी।

श्लोक 12 (aranya.35.12)

शीतमङ्गलतोयाभिः पद्मिनीभिः समन्ततः । विशालैराश्रमपदैर्वेदिमद्भिरलंकृतम् ॥ 35.12 ॥

śītamaṅgalatoyābhiḥ padminībhiḥ samantataḥ | viśālairāśramapadairvedimadbhiralaṃkṛtam || 35.12 ||

वह भूमि सर्वत्र शीतल एवं शुभ जल वाले कमल-सरोवरों से, तथा वेदियों से युक्त विशाल आश्रम-स्थलों से सुशोभित थी।

श्लोक 13 (aranya.35.13)

कदल्यटविसंशोभं नारिकेलोपशोभितम् । सालैस्तालैस्तमालैश्च तरुभिश्च सुपुष्पितैः ॥ 35.13 ॥

kadalyaṭavisaṃśobhaṃ nārikelopaśobhitam | sālaistālaistamālaiśca tarubhiśca supuṣpitaiḥ || 35.13 ||

वह केले के वनों से शोभायमान और नारियल के वृक्षों से सुशोभित थी, तथा साल, ताल और तमाल वृक्षों तथा सुन्दर पुष्पित वृक्षों से युक्त थी।

श्लोक 14 (aranya.35.14)

अत्यन्तनियताहारैः शोभितं परमर्षिभिः । नागैः सुपर्णैर्गन्धर्वैः किंनरैश्च सहस्रशः ॥ 35.14 ॥

atyantaniyatāhāraiḥ śobhitaṃ paramarṣibhiḥ | nāgaiḥ suparṇairgandharvaiḥ kiṃnaraiśca sahasraśaḥ || 35.14 ||

वह अत्यंत नियमित आहार वाले श्रेष्ठ ऋषियों से, तथा हजारों नागों, गरुड़ों, गन्धर्वों और किन्नरों से सुशोभित थी।

श्लोक 15 (aranya.35.15)

जितकामैश्च सिद्धैश्च चारणैश्चोपशोभितम् । आजैर्वैखानसैर्माषैर्वालखिल्यैर्मरीचिपैः ॥ 35.15 ॥

jitakāmaiśca siddhaiśca cāraṇaiścopaśobhitam | ājairvaikhānasairmāṣairvālakhilyairmarīcipaiḥ || 35.15 ||

वह इन्द्रियजयी सिद्धों और चारणों से भी सुशोभित थी, तथा आज, वैखानस, माष, वालखिल्य और मरीचिप नामक तपस्वियों से युक्त थी।

श्लोक 16 (aranya.35.16)

दिव्याभरणमाल्याभिर्दिव्यरूपाभिरावृतम् । क्रीडारतविधिज्ञाभिरप्सरोभिः सहस्रशः ॥ 35.16 ॥

divyābharaṇamālyābhirdivyarūpābhirāvṛtam | krīḍāratavidhijñābhirapsarobhiḥ sahasraśaḥ || 35.16 ||

वह दिव्य आभूषणों और मालाओं से युक्त, दिव्य रूप वाली, क्रीड़ा और रति-विधि में निपुण हजारों अप्सराओं से व्याप्त थी।

श्लोक 17 (aranya.35.17)

सेवितं देवपत्नीभिः श्रीमतीभिरुपासितम् । देवदानवसङ्घैश्च चरितं त्वमृताशिभिः ॥ 35.17 ॥

sevitaṃ devapatnībhiḥ śrīmatībhirupāsitam | devadānavasaṅghaiśca caritaṃ tvamṛtāśibhiḥ || 35.17 ||

वह देवताओं की श्रीमती पत्नियों द्वारा सेवित थी, और अमृतपान करने वाले देवताओं तथा असुरों के समूहों द्वारा भी विचरित थी।

श्लोक 18 (aranya.35.18)

हंसक्रौञ्चप्लवाकीर्णं सारसैः सम्प्रसादितम् । वैदूर्यप्रस्तरं स्निग्धं सान्द्रं सागरतेजसा ॥ 35.18 ॥

haṃsakrauñcaplavākīrṇaṃ sārasaiḥ samprasāditam | vaidūryaprastaraṃ snigdhaṃ sāndraṃ sāgaratejasā || 35.18 ||

वह हंस, क्रौंच और जलचरों से व्याप्त, सारसों की ध्वनि से गुंजायमान, तथा समुद्र के तेज से चिकनी और सघन वैडूर्यमणि जैसी शिलाओं वाली थी।

श्लोक 19 (aranya.35.19)

पाण्डुराणि विशालानि दिव्यमाल्ययुतानि च । तूर्यगीताभिजुष्टानि विमानानि समन्ततः ॥ 35.19 ॥

pāṇḍurāṇi viśālāni divyamālyayutāni ca | tūryagītābhijuṣṭāni vimānāni samantataḥ || 35.19 ||

वहाँ सर्वत्र श्वेत, विशाल, दिव्य मालाओं से युक्त, वाद्य और गीत से गुंजायमान विमान दिखाई दे रहे थे,

श्लोक 20 (aranya.35.20)

तपसा जितलोकानां कामगान्यभिसम्पतन् । गन्धर्वाप्सरसश्चैव ददर्श धनदानुजः ॥ 35.20 ॥

tapasā jitalokānāṃ kāmagānyabhisampatan | gandharvāpsarasaścaiva dadarśa dhanadānujaḥ || 35.20 ||

जो तपस्या से उच्च लोकों को जीतने वालों के, इच्छानुसार चलने वाले विमान थे। धनद के अनुज रावण ने वहाँ शीघ्रता से जाते हुए गन्धर्वों और अप्सराओं को भी देखा।

श्लोक 21 (aranya.35.21)

निर्यासरसमूलानां चन्दनानां सहस्रशः । वनानि पश्यन् सौम्यानि घ्राणतृप्तिकराणि च ॥ 35.21 ॥

niryāsarasamūlānāṃ candanānāṃ sahasraśaḥ | vanāni paśyan saumyāni ghrāṇatṛptikarāṇi ca || 35.21 ||

वह चंदन के वृक्षों के, जिनके मूल से सुगन्धित रस झरता है, हजारों वनों को देखता हुआ आगे बढ़ा, जो मन को शान्ति देने वाले और घ्राण-इन्द्रिय को तृप्त करने वाले थे।

श्लोक 22 (aranya.35.22)

अगुरूणां च मुख्यानां वनान्युपवनानि च । तक्कोलानां च जात्यानां फलिनां च सुगन्धिनाम् ॥ 35.22 ॥

agurūṇāṃ ca mukhyānāṃ vanānyupavanāni ca | takkolānāṃ ca jātyānāṃ phalināṃ ca sugandhinām || 35.22 ||

उसने उत्तम अगरु के वनों और उपवनों को, तथा तक्कोल वृक्षों और सुगन्धित फलों वाले जायफल के वृक्षों को भी देखा।

श्लोक 23 (aranya.35.23)

पुष्पाणि च तमालस्य गुल्मानि मरिचस्य च । मुक्तानां च समूहानि शुष्यमाणानि तीरतः ॥ 35.23 ॥

puṣpāṇi ca tamālasya gulmāni maricasya ca | muktānāṃ ca samūhāni śuṣyamāṇāni tīrataḥ || 35.23 ||

उसने तमाल वृक्ष के पुष्पों को, मिर्च की झाड़ियों को, और तट पर सूखते हुए मोतियों के ढेरों को भी देखा।

श्लोक 24 (aranya.35.24)

शैलानि प्रवरांश्चैव प्रवालनिचयांस्तथा । काञ्चनानि च शृङ्गाणि राजतानि तथैव च ॥ 35.24 ॥

śailāni pravarāṃścaiva pravālanicayāṃstathā | kāñcanāni ca śṛṅgāṇi rājatāni tathaiva ca || 35.24 ||

उसने उत्तम पर्वत-शिखरों को, मूँगे के ढेरों को, तथा सोने और चाँदी की चोटियों वाले पर्वतों को भी उसी प्रकार देखा।

श्लोक 25 (aranya.35.25)

प्रस्रवाणि मनोज्ञानि प्रसन्नान्यद्भुतानि च । धनधान्योपपन्नानि स्त्रीरत्नैरावृतानि च ॥ 35.25 ॥

prasravāṇi manojñāni prasannānyadbhutāni ca | dhanadhānyopapannāni strīratnairāvṛtāni ca || 35.25 ||

उसने मनोहर, स्वच्छ और अद्भुत झरनों को, तथा धन-धान्य से सम्पन्न एवं रत्नतुल्य स्त्रियों से भरे नगरों को देखा,

श्लोक 26 (aranya.35.26)

हस्त्यश्वरथगाढानि नगराणि विलोकयन् । तं समं सर्वतः स्निग्धं मृदुसंस्पर्शमारुतम् ॥ 35.26 ॥

hastyaśvarathagāḍhāni nagarāṇi vilokayan | taṃ samaṃ sarvataḥ snigdhaṃ mṛdusaṃsparśamārutam || 35.26 ||

जो हाथी, घोड़े और रथों से भरे-पूरे थे। उसने उस स्थान को, जो सर्वत्र समतल, स्निग्ध और मृदु स्पर्श वाले वायु से युक्त था,

श्लोक 27 (aranya.35.27)

अनूपे सिन्धुराजस्य ददर्श त्रिदिवोपमम् । तत्रापश्यत् स मेघाभं न्यग्रोधं मुनिभिर्वृतम् ॥ 35.27 ॥

anūpe sindhurājasya dadarśa tridivopamam | tatrāpaśyat sa meghābhaṃ nyagrodhaṃ munibhirvṛtam || 35.27 ||

समुद्र के तटवर्ती भाग में, स्वर्गलोक के समान देखा। वहीं उसने एक मेघ के समान श्याम, ऋषियों से घिरे हुए विशाल न्यग्रोध वृक्ष को देखा,

श्लोक 28 (aranya.35.28)

समन्ताद् यस्य ताः शाखाः शतयोजनमायताः । यस्य हस्तिनमादाय महाकायं च कच्छपम् ॥ 35.28 ॥

samantād yasya tāḥ śākhāḥ śatayojanamāyatāḥ | yasya hastinamādāya mahākāyaṃ ca kacchapam || 35.28 ||

जिसकी शाखाएँ चारों ओर सौ योजन तक फैली हुई थीं। यह वही वृक्ष था जिसकी एक शाखा पर, एक हाथी और विशालकाय कछुए को लेकर,

श्लोक 29 (aranya.35.29)

भक्षार्थं गरुडः शाखामाजगाम महाबलः । तस्य तां सहसा शाखां भारेण पतगोत्तमः ॥ 35.29 ॥

bhakṣārthaṃ garuḍaḥ śākhāmājagāma mahābalaḥ | tasya tāṃ sahasā śākhāṃ bhāreṇa patagottamaḥ || 35.29 ||

उन्हें खाने के लिए महाबली गरुड़ आ बैठे थे। उस पक्षिश्रेष्ठ, महाबली गरुड़ ने अपने भार के वेग से उसकी उस शाखा को,

श्लोक 30 (aranya.35.30)

सुपर्णः पर्णबहुलां बभञ्जाथ महाबलः । तत्र वैखानसा माषा वालखिल्या मरीचिपाः ॥ 35.30 ॥

suparṇaḥ parṇabahulāṃ babhañjātha mahābalaḥ | tatra vaikhānasā māṣā vālakhilyā marīcipāḥ || 35.30 ||

जो पत्तों से घनी थी, अचानक तोड़ दिया था। उसी शाखा पर वैखानस, माष, वालखिल्य और मरीचिप नामक तपस्वी,

श्लोक 31 (aranya.35.31)

आजा बभूवुर्धूम्राश्च संगताः परमर्षयः । तेषां दयार्थं गरुडस्तां शाखां शतयोजनाम् ॥ 35.31 ॥

ājā babhūvurdhūmrāśca saṃgatāḥ paramarṣayaḥ | teṣāṃ dayārthaṃ garuḍastāṃ śākhāṃ śatayojanām || 35.31 ||

तथा अज और धूम्र नामक श्रेष्ठ ऋषि भी एकत्र निवास कर रहे थे। उन ऋषियों पर दया करके गरुड़ उस सौ योजन लम्बी,

श्लोक 32 (aranya.35.32)

भग्नामादाय वेगेन तौ चोभौ गजकच्छपौ । एकपादेन धर्मात्मा भक्षयित्वा तदामिषम् ॥ 35.32 ॥

bhagnāmādāya vegena tau cobhau gajakacchapau | ekapādena dharmātmā bhakṣayitvā tadāmiṣam || 35.32 ||

टूटी हुई शाखा को, तथा उन दोनों हाथी और कछुए को भी वेगपूर्वक साथ ले उड़ा। उस धर्मात्मा, पक्षियों में श्रेष्ठ गरुड़ ने एक ही पंजे से उस मांस को खा लिया,

श्लोक 33 (aranya.35.33)

निषादविषयं हत्वा शाखया पतगोत्तमः । प्रहर्षमतुलं लेभे मोक्षयित्वा महामुनीन् ॥ 35.33 ॥

niṣādaviṣayaṃ hatvā śākhayā patagottamaḥ | praharṣamatulaṃ lebhe mokṣayitvā mahāmunīn || 35.33 ||

और उसी शाखा से निषादों के प्रदेश को नष्ट करके, उन महामुनियों को सुरक्षित उतारकर अतुलनीय हर्ष प्राप्त किया।

श्लोक 34 (aranya.35.34)

स तु तेन प्रहर्षेण द्विगुणीकृतविक्रमः । अमृतानयनार्थं वै चकार मतिमान् मतिम् ॥ 35.34 ॥

sa tu tena praharṣeṇa dviguṇīkṛtavikramaḥ | amṛtānayanārthaṃ vai cakāra matimān matim || 35.34 ||

उस हर्ष से उसका पराक्रम दुगुना हो गया, और उस बुद्धिमान गरुड़ ने स्वर्ग से अमृत लाने का निश्चय कर लिया।

श्लोक 35 (aranya.35.35)

अयोजालानि निर्मथ्य भित्त्वा रत्नगृहं वरम् । महेन्द्रभवनाद् गुप्तमाजहारामृतं ततः ॥ 35.35 ॥

ayojālāni nirmathya bhittvā ratnagṛhaṃ varam | mahendrabhavanād guptamājahārāmṛtaṃ tataḥ || 35.35 ||

लोहे के जालों को तोड़कर और उत्तम रत्नमय भवन को भेदकर, उसने इन्द्र के भवन से सुरक्षित रखे हुए अमृत का अपहरण कर लिया।

श्लोक 36 (aranya.35.36)

तं महर्षिगणैर्जुष्टं सुपर्णकृतलक्षणम् । नाम्ना सुभद्रं न्यग्रोधं ददर्श धनदानुजः ॥ 35.36 ॥

taṃ maharṣigaṇairjuṣṭaṃ suparṇakṛtalakṣaṇam | nāmnā subhadraṃ nyagrodhaṃ dadarśa dhanadānujaḥ || 35.36 ||

उस महर्षियों द्वारा सेवित, गरुड़ के कर्मों से चिह्नित, सुभद्र नामक न्यग्रोध वृक्ष को धनद के अनुज रावण ने देखा।

श्लोक 37 (aranya.35.37)

तं तु गत्वा परं पारं समुद्रस्य नदीपतेः । ददर्शाश्रममेकान्ते पुण्ये रम्ये वनान्तरे ॥ 35.37 ॥

taṃ tu gatvā paraṃ pāraṃ samudrasya nadīpateḥ | dadarśāśramamekānte puṇye ramye vanāntare || 35.37 ||

उससे आगे बढ़कर, नदियों के स्वामी समुद्र के उस पार जाकर, उसने वन के भीतर एक एकान्त, पवित्र और रमणीय आश्रम को देखा।

श्लोक 38 (aranya.35.38)

तत्र कृष्णाजिनधरं जटामण्डलधारिणम् । ददर्श नियताहारं मारीचं नाम राक्षसम् ॥ 35.38 ॥

tatra kṛṣṇājinadharaṃ jaṭāmaṇḍaladhāriṇam | dadarśa niyatāhāraṃ mārīcaṃ nāma rākṣasam || 35.38 ||

वहाँ उसने काले मृगचर्म को धारण किए हुए, जटाओं का मण्डल धारण किए हुए, नियमित आहार वाले मारीच नामक राक्षस को देखा।

श्लोक 39 (aranya.35.39)

स रावणः समागम्य विधिवत् तेन रक्षसा । मारीचेनार्चितो राजा सर्वकामैरमानुषैः ॥ 35.39 ॥

sa rāvaṇaḥ samāgamya vidhivat tena rakṣasā | mārīcenārcito rājā sarvakāmairamānuṣaiḥ || 35.39 ||

राजा रावण उस राक्षस मारीच के पास गया, और मारीच ने उसे विधिपूर्वक मनुष्यों के लिए दुर्लभ सभी वांछित वस्तुओं से सत्कारित किया।

श्लोक 40 (aranya.35.40)

तं स्वयं पूजयित्वा च भोजनेनोदकेन च । अर्थोपहितया वाचा मारीचो वाक्यमब्रवीत् ॥ 35.40 ॥

taṃ svayaṃ pūjayitvā ca bhojanenodakena ca | arthopahitayā vācā mārīco vākyamabravīt || 35.40 ||

स्वयं भोजन और जल अर्पित कर उसका सत्कार करके, मारीच ने अर्थपूर्ण वाणी में यह वचन कहा —

श्लोक 41 (aranya.35.41)

कच्चित्ते कुशलं राजन् लङ्कायां राक्षसेश्वर । केनार्थेन पुनस्त्वं वै तूर्णमेव इहागतः ॥ 35.41 ॥

kaccitte kuśalaṃ rājan laṅkāyāṃ rākṣaseśvara | kenārthena punastvaṃ vai tūrṇameva ihāgataḥ || 35.41 ||

"हे राजन्, हे राक्षसेश्वर! क्या आपकी लंका में सब कुशल है? आप किस प्रयोजन से पुनः इतनी शीघ्रता से यहाँ पधारे हैं?"

श्लोक 42 (aranya.35.42)

एवमुक्तो महातेजा मारीचेन स रावणः । ततः पश्चादिदं वाक्यमब्रवीद् वाक्यकोविदः ॥ 35.42 ॥

evamukto mahātejā mārīcena sa rāvaṇaḥ | tataḥ paścādidaṃ vākyamabravīd vākyakovidaḥ || 35.42 ||

मारीच द्वारा इस प्रकार कहे जाने पर, वह महातेजस्वी और वाक्पटु रावण तत्पश्चात् यह वचन बोला।