सीता की स्वर्ण मृग के प्रति लालसा

श्लोक 1 (aranya.43.1)

सा तम् संप्रेक्ष्य सुश्रोणी कुसुमानि विचिन्वती । हेम राजत वर्णाभ्याम् पार्श्वाभ्याम् उपशोभितम् ॥ 43.1 ॥

sā tam saṃprekṣya suśroṇī kusumāni vicinvatī | hema rājata varṇābhyām pārśvābhyām upaśobhitam || 43.1 ||

फूल चुनती हुई वह सुडौल कटि वाली सीता, सोने और चाँदी के रंग से सुशोभित दोनों पार्श्वों वाले उस मृग को देखकर,

श्लोक 2 (aranya.43.2)

प्रहृष्टा च अनवद्यान्गी मृष्ट हाटक वर्णिनी । भर्तारम् अपि च आक्रन्द लक्ष्मणम् चैव सायुधम् ॥ 43.2 ॥

prahṛṣṭā ca anavadyāngī mṛṣṭa hāṭaka varṇinī | bhartāram api ca ākranda lakṣmaṇam caiva sāyudham || 43.2 ||

निर्दोष अंगों वाली और शुद्ध स्वर्ण के समान रंग वाली वह अत्यंत प्रसन्न हो उठी, और अपने पति को तथा शस्त्रधारी लक्ष्मण को भी पुकारने लगी।

श्लोक 3 (aranya.43.3)

आहूय आहूय च पुनः तम् मृगम् साधु वीक्षते । आगच्छ आगच्छ शीघ्रम् वै आर्यपुत्र सह अनुज ॥ 43.3 ॥

āhūya āhūya ca punaḥ tam mṛgam sādhu vīkṣate | āgaccha āgaccha śīghram vai āryaputra saha anuja || 43.3 ||

बार-बार पुकारते हुए वह उस मृग को प्रेमपूर्वक निहारती रही - "आइए, आइए शीघ्र, हे आर्यपुत्र! अपने अनुज के साथ आइए।"

श्लोक 4 (aranya.43.4)

तया आहूतौ नरव्याघ्रौ वैदेह्या राम लक्ष्मणौ । वीक्षमाणौ तु तम् देशम् तदा ददृशतुः मृगम् ॥ 43.4 ॥

tayā āhūtau naravyāghrau vaidehyā rāma lakṣmaṇau | vīkṣamāṇau tu tam deśam tadā dadṛśatuḥ mṛgam || 43.4 ||

वैदेही द्वारा इस प्रकार बुलाए गए नरश्रेष्ठ राम और लक्ष्मण उस स्थान को देखते हुए वहाँ आए और तब उन्होंने उस मृग को देखा।

श्लोक 5 (aranya.43.5)

शंकमानः तु तम् दृष्ट्वा लक्ष्मणो रामम् अब्रवीत् । तम् एव एनम् अहम् मन्ये मारीचम् राक्षसम् मृगम् ॥ 43.5 ॥

śaṃkamānaḥ tu tam dṛṣṭvā lakṣmaṇo rāmam abravīt | tam eva enam aham manye mārīcam rākṣasam mṛgam || 43.5 ||

उसे देखकर शंकित हो लक्ष्मण ने राम से कहा - "मुझे तो यह मृग साक्षात् राक्षस मारीच ही प्रतीत होता है।

श्लोक 6 (aranya.43.6)

चरन्तो मृगयाम् हृष्टाः पापेन उपाधिना वने । अनेन निहता राम राजानः काम रूपिणा ॥ 43.6 ॥

caranto mṛgayām hṛṣṭāḥ pāpena upādhinā vane | anena nihatā rāma rājānaḥ kāma rūpiṇā || 43.6 ||

हे राम! वन में प्रसन्नतापूर्वक आखेट करते हुए जो राजा घूमते थे, उन्हें इस इच्छानुसार रूप बदलने वाले पापी ने अपने छद्मवेशों से मार डाला है।

श्लोक 7 (aranya.43.7)

अस्य मायाविदो माया मृग रूपम् इदम् कृतम् । भानुमत् पुरुषव्याघ्र गन्धर्व पुर संनिभम् ॥ 43.7 ॥

asya māyāvido māyā mṛga rūpam idam kṛtam | bhānumat puruṣavyāghra gandharva pura saṃnibham || 43.7 ||

हे पुरुषश्रेष्ठ! यह चमकीला मृगरूप उस मायावी की माया ही है, जो गंधर्वनगर के समान मिथ्या और छलपूर्ण है।

श्लोक 8 (aranya.43.8)

मृगो हि एवम् विधो रत्न विचित्रो न अस्ति राघव । जगत्याम् जगतीनाथ माया एषा हि न संशयः ॥ 43.8 ॥

mṛgo hi evam vidho ratna vicitro na asti rāghava | jagatyām jagatīnātha māyā eṣā hi na saṃśayaḥ || 43.8 ||

हे राघव! ऐसा रत्नों से चित्रित मृग इस संसार में कहीं नहीं होता; हे जगतीनाथ! यह निश्चय ही माया है, इसमें कोई संदेह नहीं।" ऐसा लक्ष्मण ने राम से कहा।

श्लोक 9 (aranya.43.9)

एवम् ब्रुवाणम् काकुत्स्थम् प्रतिवार्य शुचि स्मिता । उवाच सीता संहृष्टा चद्मना हृत चेतना ॥ 43.9 ॥

evam bruvāṇam kākutstham prativārya śuci smitā | uvāca sītā saṃhṛṣṭā cadmanā hṛta cetanā || 43.9 ||

इस प्रकार बोलते हुए लक्ष्मण को रोककर, उस छल से हरे गए हृदय वाली और अत्यंत प्रसन्न सीता ने उज्ज्वल मुस्कान के साथ कहा।

श्लोक 10 (aranya.43.10)

आर्यपुत्र अभिरामो असौ मृगो हरति मे मनः । आनय एनम् महाबाहो क्रीडार्थम् नः भविष्यति ॥ 43.10 ॥

āryaputra abhirāmo asau mṛgo harati me manaḥ | ānaya enam mahābāho krīḍārtham naḥ bhaviṣyati || 43.10 ||

"हे आर्यपुत्र! वह मनोहर मृग मेरा मन हर रहा है; हे महाबाहो! इसे ले आइए, यह हमारा खिलौना बन जाएगा।

श्लोक 11 (aranya.43.11)

इह आश्रम पदे अस्माकम् बहवः पुण्य दर्शनाः । मृगाः चरन्ति सहिताः चमराः सृमराः तथा ॥ 43.11 ॥

iha āśrama pade asmākam bahavaḥ puṇya darśanāḥ | mṛgāḥ caranti sahitāḥ camarāḥ sṛmarāḥ tathā || 43.11 ||

यहाँ हमारे आश्रम के आँगन में सुंदर दिखने वाले अनेक चमर और सृमर मृग झुंडों में विचरण करते हैं,

श्लोक 12 (aranya.43.12)

ऋक्षाः पृषत संघाः च वानराः किनराः तथा । विचरन्ति महाबाहो रूप श्रेष्ठा महाबलाः ॥ 43.12 ॥

ṛkṣāḥ pṛṣata saṃghāḥ ca vānarāḥ kinarāḥ tathā | vicaranti mahābāho rūpa śreṣṭhā mahābalāḥ || 43.12 ||

भालू, चित्तीदार मृगों के झुंड, वानर और किन्नर मृग भी - ये सब सुंदर रूप वाले और बलवान प्राणी यहाँ विचरण करते हैं, हे महाबाहो!

श्लोक 13 (aranya.43.13)

न च अस्य सदृशो राजन् दृष्ट पूर्वो मृगः मया । तेजसा क्षमया दीप्त्या यथा अयम् मृग सत्तमः ॥ 43.13 ॥

na ca asya sadṛśo rājan dṛṣṭa pūrvo mṛgaḥ mayā | tejasā kṣamayā dīptyā yathā ayam mṛga sattamaḥ || 43.13 ||

किन्तु हे राजन्! तेज, सौम्यता और कांति में इस श्रेष्ठ मृग के समान कोई मृग मैंने पहले कभी नहीं देखा।

श्लोक 14 (aranya.43.14)

नाना वर्ण विचित्र अंगो रत्न भूतो मम अग्रतः । द्योतयन् वनम् अव्यग्रम् शोभते शशि संनिभः ॥ 43.14 ॥

nānā varṇa vicitra aṃgo ratna bhūto mama agrataḥ | dyotayan vanam avyagram śobhate śaśi saṃnibhaḥ || 43.14 ||

अनेक रंगों से विचित्र अंगों वाला, मानो सर्वांग रत्नमय, वह मेरे सामने चंद्रमा के समान शांतिपूर्वक वन को आलोकित करता हुआ शोभायमान हो रहा है।

श्लोक 15 (aranya.43.15)

अहो रूपम् अहो लक्ष्मीः स्वर संपत् च शोभना । मृगो अद्भुतो विचित्रांगो हृदयम् हरति इव मे ॥ 43.15 ॥

aho rūpam aho lakṣmīḥ svara saṃpat ca śobhanā | mṛgo adbhuto vicitrāṃgo hṛdayam harati iva me || 43.15 ||

अहो! क्या रूप है, अहो! क्या शोभा है, और इसका स्वर भी कितना मधुर है! यह अद्भुत और विचित्र अंगों वाला मृग मानो मेरा हृदय ही हर लेता है।

श्लोक 16 (aranya.43.16)

यदि ग्रहणम् अभ्येति जीवन् एव मृगः तव । आश्चर्य भूतम् भवति विस्मयम् जनयिष्यति ॥ 43.16 ॥

yadi grahaṇam abhyeti jīvan eva mṛgaḥ tava | āścarya bhūtam bhavati vismayam janayiṣyati || 43.16 ||

यदि यह मृग जीवित ही तुम्हारे हाथ लग जाए, तो यह एक आश्चर्यजनक बात होगी और सबको विस्मित कर देगी।

श्लोक 17 (aranya.43.17)

समाप्त वन वासानाम् राज्य स्थानाम् च नः पुनः । अंतःपुरे विभूषार्थो मृग एष भविष्यति ॥ 43.17 ॥

samāpta vana vāsānām rājya sthānām ca naḥ punaḥ | aṃtaḥpure vibhūṣārtho mṛga eṣa bhaviṣyati || 43.17 ||

जब हमारा यह वनवास पूर्ण हो जाएगा और हम पुनः राज्य में प्रतिष्ठित होंगे, तब यह मृग अंतःपुर की शोभा बनेगा।

श्लोक 18 (aranya.43.18)

भरतस्य आर्यपुत्रस्य श्वश्रूणाम् मम च प्रभो । मृग रूपम् इदम् दिव्यम् विस्मयम् जनयिष्यति ॥ 43.18 ॥

bharatasya āryaputrasya śvaśrūṇām mama ca prabho | mṛga rūpam idam divyam vismayam janayiṣyati || 43.18 ||

हे प्रभु! इस मृग का यह दिव्य रूप भरत को, आपको - मेरे आर्यपुत्र को, मेरी सासों को और मुझे भी विस्मित कर देगा।

श्लोक 19 (aranya.43.19)

जीवन् न यदि ते अभ्येति ग्रहणम् मृग सत्तमः । अजिनम् नरशार्दूल रुचिरम् तु भविष्यति ॥ 43.19 ॥

jīvan na yadi te abhyeti grahaṇam mṛga sattamaḥ | ajinam naraśārdūla ruciram tu bhaviṣyati || 43.19 ||

और यदि यह श्रेष्ठ मृग जीवित न पकड़ा जाए, हे नरश्रेष्ठ! तो कम से कम इसकी सुंदर खाल तो हमें प्राप्त हो जाएगी।

श्लोक 20 (aranya.43.20)

निहतस्य अस्य सत्त्वस्य जांबूनदमय त्वचि । शष्प बृस्याम् विनीतायाम् इच्छामि अहम् उपासितुम् ॥ 43.20 ॥

nihatasya asya sattvasya jāṃbūnadamaya tvaci | śaṣpa bṛsyām vinītāyām icchāmi aham upāsitum || 43.20 ||

इस प्राणी के मारे जाने पर उसकी स्वर्णाभ त्वचा को कोमल दूब के आसन पर बिछाकर, मैं आपके साथ बैठना चाहती हूँ।

श्लोक 21 (aranya.43.21)

कामवृत्तम् इदम् रौद्रम् स्त्रीणाम् असदृशम् मतम् । वपुषा तु अस्य सत्त्वस्य विस्मयो जनितो मम ॥ 43.21 ॥

kāmavṛttam idam raudram strīṇām asadṛśam matam | vapuṣā tu asya sattvasya vismayo janito mama || 43.21 ||

इस प्रकार की हठीली और स्वच्छंद इच्छा स्त्रियों के लिए उचित नहीं मानी जाती, फिर भी इस प्राणी के सुंदर रूप ने मेरे मन में विस्मय जगा दिया है।" ऐसा कहकर सीता राम के उत्तर की प्रतीक्षा करने लगी।

श्लोक 22 (aranya.43.22)

तेन कांचन रोम्णा तु मणि प्रवर शृंगिणा । तरुण आदित्य वर्णेन नक्षत्र पथ वर्चसा ॥ 43.22 ॥

tena kāṃcana romṇā tu maṇi pravara śṛṃgiṇā | taruṇa āditya varṇena nakṣatra patha varcasā || 43.22 ||

उसके स्वर्णिम रोमों से, श्रेष्ठ नीलमणि के समान सींगों से, उदीयमान सूर्य के समान वर्ण से और नक्षत्र-पथ के समान कांति से,

श्लोक 23 (aranya.43.23)

बभूव राघवस्य अपि मनो विस्मयम् आगतम् । एवम् सीता वचः श्रुत्वा दृष्ट्वा च मृगम् अद्भुतम् ॥ 43.23 ॥

babhūva rāghavasya api mano vismayam āgatam | evam sītā vacaḥ śrutvā dṛṣṭvā ca mṛgam adbhutam || 43.23 ||

स्वयं राघव का मन भी विस्मय से भर उठा। इस प्रकार सीता के वचन सुनकर और उस अद्भुत मृग को देखकर,

श्लोक 24 (aranya.43.24)

लोबितः तेन रूपेण सीताया च प्रचोदितः । उवाच राघवो हृष्टो भ्रातरम् लक्ष्मणम् वचः ॥ 43.24 ॥

lobitaḥ tena rūpeṇa sītāyā ca pracoditaḥ | uvāca rāghavo hṛṣṭo bhrātaram lakṣmaṇam vacaḥ || 43.24 ||

उसके रूप से आकर्षित और सीता द्वारा प्रेरित होकर, राघव ने प्रसन्नतापूर्वक अपने भाई लक्ष्मण से यह वचन कहा।

श्लोक 25 (aranya.43.25)

पश्य लक्ष्मण वैदेह्याः स्पृहाम् उल्लसिताम् इमाम् । रूप श्रेष्ठतया हि एष मृगो अद्य न भविष्यति ॥ 43.25 ॥

paśya lakṣmaṇa vaidehyāḥ spṛhām ullasitām imām | rūpa śreṣṭhatayā hi eṣa mṛgo adya na bhaviṣyati || 43.25 ||

"हे लक्ष्मण! वैदेही की इस उल्लसित लालसा को देखो। सचमुच रूप-श्रेष्ठता में ऐसा मृग आज कहीं भी विद्यमान नहीं है -

श्लोक 26 (aranya.43.26)

न वने नंदनोद्देशे न चैत्ररथ संश्रये । कुतः पृथिव्याम् सौमित्रे यो अस्य कश्चित् समो मृगः ॥ 43.26 ॥

na vane naṃdanoddeśe na caitraratha saṃśraye | kutaḥ pṛthivyām saumitre yo asya kaścit samo mṛgaḥ || 43.26 ||

न इस वन में, न नंदन वन में, न चैत्ररथ वन के आसपास; हे सौमित्र! फिर पृथ्वी पर इसके समान मृग कहाँ हो सकता है?

श्लोक 27 (aranya.43.27)

प्रतिलोम अनुलोमाः च रुचिरा रोम राजयः । शोभन्ते मृगम् आश्रित्य चित्राः कनक बिन्दुभिः ॥ 43.27 ॥

pratiloma anulomāḥ ca rucirā roma rājayaḥ | śobhante mṛgam āśritya citrāḥ kanaka bindubhiḥ || 43.27 ||

इसके रोमों की रेखाएँ कहीं अनुकूल तो कहीं प्रतिकूल दिशा में बड़ी सुंदर लगती हैं; स्वर्णिम बिंदुओं से चित्रित होकर वे मृग को शोभा दे रही हैं।

श्लोक 28 (aranya.43.28)

पश्य अस्य जृंभमाणस्य दीप्ताम् अग्नि शिखोपमाम् । जिह्वाम् मुखात् निःसरंतीम् मेघात् इव शत ह्रदाम् ॥ 43.28 ॥

paśya asya jṛṃbhamāṇasya dīptām agni śikhopamām | jihvām mukhāt niḥsaraṃtīm meghāt iva śata hradām || 43.28 ||

देखो, जँभाई लेते समय इसके मुख से निकलती हुई जिह्वा अग्निशिखा के समान चमकती है, मानो बादल से बिजली कौंध रही हो।

श्लोक 29 (aranya.43.29)

मसार गल्वर्क मुखः शंख मुक्ता निभ उदरः । कस्य नाम अनिरूप्यः असौ न मनो लोभयेत् मृगः ॥ 43.29 ॥

masāra galvarka mukhaḥ śaṃkha muktā nibha udaraḥ | kasya nāma anirūpyaḥ asau na mano lobhayet mṛgaḥ || 43.29 ||

नीलमणि के प्याले जैसा मुख और शंख-मोती के समान चमकता पेट - इस अवर्णनीय सौंदर्य वाले मृग को देखकर किसका मन आकर्षित न होगा?

श्लोक 30 (aranya.43.30)

कस्य रूपम् इदम् दृष्ट्वा जांबूनदमय प्रभम् । नाना रत्नमयम् दिव्यम् न मनो विस्मयम् व्रजेत् ॥ 43.30 ॥

kasya rūpam idam dṛṣṭvā jāṃbūnadamaya prabham | nānā ratnamayam divyam na mano vismayam vrajet || 43.30 ||

स्वर्ण के समान चमकते हुए, मानो अनेक रत्नों से बने इस दिव्य रूप को देखकर किसका मन विस्मय में न पड़ जाए?

श्लोक 31 (aranya.43.31)

मांस हेतोः अपि मृगान् विहारार्थम् च धन्विनः । घ्नन्ति लक्ष्मण राजानो मृगयायाम् महावने ॥ 43.31 ॥

māṃsa hetoḥ api mṛgān vihārārtham ca dhanvinaḥ | ghnanti lakṣmaṇa rājāno mṛgayāyām mahāvane || 43.31 ||

हे लक्ष्मण! राजा लोग महावनों में शिकार करते समय धनुर्धारी बनकर मांस के लिए अथवा केवल क्रीड़ा के लिए मृगों का वध करते हैं।

श्लोक 32 (aranya.43.32)

धनानि व्यवसायेन विचीयन्ते महावने । धातवो विविधाः च अपि मणि रत्न सुवर्णिनः ॥ 43.32 ॥

dhanāni vyavasāyena vicīyante mahāvane | dhātavo vividhāḥ ca api maṇi ratna suvarṇinaḥ || 43.32 ||

महावनों में लोग अपने परिश्रम से धन भी बटोरते हैं - विविध प्रकार की धातुएँ, मणि, रत्न और स्वर्णमय बालू भी।

श्लोक 33 (aranya.43.33)

तत् सारम् अखिलम् नॄणाम् धनम् निचय वर्धनम् । मनसा चिन्तितम् सर्वम् यथा शुक्रस्य लक्ष्मण ॥ 43.33 ॥

tat sāram akhilam nṝṇām dhanam nicaya vardhanam | manasā cintitam sarvam yathā śukrasya lakṣmaṇa || 43.33 ||

हे लक्ष्मण! वह सारा सर्वोत्तम धन मनुष्यों के कोष को उसी प्रकार बढ़ाता है, जैसे शुक्राचार्य का कोष केवल मन में सोचने मात्र से भर जाता है।

श्लोक 34 (aranya.43.34)

अर्थी येन अर्थ कृत्येन संव्रजति अविचारयन् । तम् अर्थम् अर्थ शास्त्रज्ञः प्राहुः अर्थ्याः च लक्ष्मण ॥ 43.34 ॥

arthī yena artha kṛtyena saṃvrajati avicārayan | tam artham artha śāstrajñaḥ prāhuḥ arthyāḥ ca lakṣmaṇa || 43.34 ||

हे लक्ष्मण! जिस लक्ष्य के लिए अर्थ का इच्छुक व्यक्ति बिना विचारे सार्थक प्रयास करता हुआ दौड़ पड़ता है, अर्थशास्त्र के ज्ञाता और सम्पन्न पुरुष उसी को सच्चा अर्थ कहते हैं।

श्लोक 35 (aranya.43.35)

एतस्य मृग रत्नस्य परार्ध्ये कांचन त्वचि । उपवेक्ष्यति वैदेही मया सह सुमध्यमा ॥ 43.35 ॥

etasya mṛga ratnasya parārdhye kāṃcana tvaci | upavekṣyati vaidehī mayā saha sumadhyamā || 43.35 ||

इस रत्न-तुल्य मृग की अमूल्य स्वर्णिम त्वचा पर सुमध्यमा वैदेही मेरे साथ बैठेगी।

श्लोक 36 (aranya.43.36)

न कादली न प्रियकी न प्रवेणी न च अविकी । भवेत् एतस्य सदृशी स्पर्शनेन इति मे मतिः ॥ 43.36 ॥

na kādalī na priyakī na praveṇī na ca avikī | bhavet etasya sadṛśī sparśanena iti me matiḥ || 43.36 ||

न कादली मृग की, न प्रियकी की, न प्रवेणी की, न ही भेड़ की खाल इसके स्पर्श की समता कर सकती है, ऐसा मेरा विचार है।

श्लोक 37 (aranya.43.37)

एष चैव मृगः श्रीमान् यः च दिव्यो नभः चरः । उभौ एतौ मृगौ दिव्यौ तारामृग महीमृगौ ॥ 43.37 ॥

eṣa caiva mṛgaḥ śrīmān yaḥ ca divyo nabhaḥ caraḥ | ubhau etau mṛgau divyau tārāmṛga mahīmṛgau || 43.37 ||

यह शोभासंपन्न मृग और वह जो आकाश में गति करने वाला दिव्य मृग है - ये दोनों ही दिव्य मृग हैं, एक तारामंडल में और एक पृथ्वी पर।

श्लोक 38 (aranya.43.38)

यदि वा अयम् तथा यत् माम् भवेत् वदसि लक्ष्मण । माया एषा राक्षसस्य इति कर्तव्यो अस्य वधो मया ॥ 43.38 ॥

yadi vā ayam tathā yat mām bhavet vadasi lakṣmaṇa | māyā eṣā rākṣasasya iti kartavyo asya vadho mayā || 43.38 ||

"किन्तु हे लक्ष्मण! यदि ऐसा ही हो, जैसा तुम मुझसे कहते हो, कि यह किसी राक्षस की माया है, तो भी इसका वध करना मेरा कर्तव्य हो जाता है।

श्लोक 39 (aranya.43.39)

एतेन हि नृशंसेन मारीचेन अकृत आत्मना । वने विचरता पूर्वम् हिंसिता मुनि पुंगवाः ॥ 43.39 ॥

etena hi nṛśaṃsena mārīcena akṛta ātmanā | vane vicaratā pūrvam hiṃsitā muni puṃgavāḥ || 43.39 ||

क्योंकि इस क्रूर और नीच स्वभाव वाले मारीच ने पहले वन में विचरण करते हुए श्रेष्ठ मुनियों को सताया है।

श्लोक 40 (aranya.43.40)

उत्थाय बहवो अनेन मृगयायाम् जनाधिपाः । निहताः परम इष्वासाः तस्मात् वध्यः तु अयम् मृगः ॥ 43.40 ॥

utthāya bahavo anena mṛgayāyām janādhipāḥ | nihatāḥ parama iṣvāsāḥ tasmāt vadhyaḥ tu ayam mṛgaḥ || 43.40 ||

इसने विद्रोह करके आखेट में लगे हुए अनेक श्रेष्ठ धनुर्धारी राजाओं को मार डाला है; इसी कारण यह मृग वध के योग्य है।

श्लोक 41 (aranya.43.41)

पुरस्तात् इह वातापिः परिभूय तपस्विनः । उदरस्थो द्विजान् हन्ति स्व गर्भो अश्वतरीम् इव ॥ 43.41 ॥

purastāt iha vātāpiḥ paribhūya tapasvinaḥ | udarastho dvijān hanti sva garbho aśvatarīm iva || 43.41 ||

बहुत पहले यहाँ वातापि नामक राक्षस तपस्वियों का तिरस्कार करते हुए ब्राह्मणों के उदर में रहकर उन्हें मार डालता था, जैसे खच्चरी का बच्चा जन्म के समय अपनी ही माँ के गर्भ को फाड़ डालता है।

श्लोक 42 (aranya.43.42)

स कदाचित् चिरात् लोभात् आससाद महामुनिम् । अगस्त्यम् तेजसा युक्तम् भक्ष्यः तस्य बभूव ह ॥ 43.42 ॥

sa kadācit cirāt lobhāt āsasāda mahāmunim | agastyam tejasā yuktam bhakṣyaḥ tasya babhūva ha || 43.42 ||

एक बार बहुत समय बाद लोभवश वह तेजस्वी महामुनि अगस्त्य के पास जा पहुँचा, और अंततः वह स्वयं ही उनका भक्ष्य बन गया।

श्लोक 43 (aranya.43.43)

समुत्थाने च तत् रूपम् कर्तु कामम् समीक्ष्य तम् । उत्स्मयित्वा तु भगवान् वातापिम् इदम् अब्रवीत् ॥ 43.43 ॥

samutthāne ca tat rūpam kartu kāmam samīkṣya tam | utsmayitvā tu bhagavān vātāpim idam abravīt || 43.43 ||

जब वातापि अपने वास्तविक रूप में प्रकट होकर बाहर निकलना चाहता था, तब भगवान अगस्त्य ने यह देखकर मुस्कुराते हुए वातापि से यह कहा।

श्लोक 44 (aranya.43.44)

त्वया अविगण्य वातापे परिभूताः च तेजसा । जीव लोके द्विज श्रेष्ठाः तस्मात् असि जराम् गतः ॥ 43.44 ॥

tvayā avigaṇya vātāpe paribhūtāḥ ca tejasā | jīva loke dvija śreṣṭhāḥ tasmāt asi jarām gataḥ || 43.44 ||

"हे वातापि! तूने बिना कुछ सोचे-समझे अपने बल से इस लोक के श्रेष्ठ ब्राह्मणों का नाश किया है, इसलिए अब तू पच चुका है।"

श्लोक 45 (aranya.43.45)

तत् एतत् न भवेत् रक्षो वातापिः इव लक्ष्मण । मत् विधम् यो अतिमन्येत धर्म नित्यम् जितेन्द्रियम् ॥ 43.45 ॥

tat etat na bhavet rakṣo vātāpiḥ iva lakṣmaṇa | mat vidham yo atimanyeta dharma nityam jitendriyam || 43.45 ||

"हे लक्ष्मण! यह राक्षस भी वातापि की भाँति नष्ट हो जाएगा, यदि यह मेरे जैसे सदा धर्मपरायण और जितेन्द्रिय व्यक्ति का अपमान करने का साहस करे।

श्लोक 46 (aranya.43.46)

भवेत् हतो अयम् वातापिः अगस्त्येन इव मा गतः । इह त्वम् भव संनद्धो यंत्रितो रक्ष मैथिलीम् ॥ 43.46 ॥

bhavet hato ayam vātāpiḥ agastyena iva mā gataḥ | iha tvam bhava saṃnaddho yaṃtrito rakṣa maithilīm || 43.46 ||

यह भी वातापि की तरह ही नष्ट हो जाएगा, यदि यह मुझसे टकराए। अब तुम यहाँ सन्नद्ध होकर सावधानीपूर्वक मैथिली की रक्षा करो।

श्लोक 47 (aranya.43.47)

अस्याम् आयत्तम् अस्माकम् यत् कृत्यम् रघुनंदन । अहम् एनम् वधिष्यामि ग्रहीष्यामि अथवा मृगम् ॥ 43.47 ॥

asyām āyattam asmākam yat kṛtyam raghunaṃdana | aham enam vadhiṣyāmi grahīṣyāmi athavā mṛgam || 43.47 ||

हे रघुनंदन! हमारा जो भी प्रयोजन है, वह इसी - सीता - पर निर्भर है। मैं इस मृग को पकड़ूँगा अथवा मार डालूँगा।

श्लोक 48 (aranya.43.48)

यावत् गच्छामि सौमित्रे मृगम् आनयितुम् द्रुतम् । पश्य लक्ष्मण वैदेहीम् मृग त्वचि गताम् स्पृहाम् ॥ 43.48 ॥

yāvat gacchāmi saumitre mṛgam ānayitum drutam | paśya lakṣmaṇa vaidehīm mṛga tvaci gatām spṛhām || 43.48 ||

हे सौमित्र! मैं शीघ्र ही उस मृग को लाने के लिए जाता हूँ। देखो लक्ष्मण, वैदेही की सारी लालसा उसकी त्वचा पर ही टिकी हुई है।

श्लोक 49 (aranya.43.49)

त्वचा प्रधानया हि एष मृगो अद्य न भविष्यति । अप्रमत्तेन ते भाव्यम् आश्रमस्थेन सीतया ॥ 43.49 ॥

tvacā pradhānayā hi eṣa mṛgo adya na bhaviṣyati | apramattena te bhāvyam āśramasthena sītayā || 43.49 ||

वस्तुतः इस असाधारण त्वचा के कारण यह मृग आज जीवित नहीं बचेगा। तुम आश्रम में सीता के साथ रहकर सावधान रहना।

श्लोक 50 (aranya.43.50)

यावत् पृषतम् एकेन सायकेन निहन्मि अहम् । हत्वा एतत् चर्म च आदाय शीघ्रम् एष्यामि लक्ष्मण ॥ 43.50 ॥

yāvat pṛṣatam ekena sāyakena nihanmi aham | hatvā etat carma ca ādāya śīghram eṣyāmi lakṣmaṇa || 43.50 ||

जैसे ही मैं इस चित्तीदार मृग को एक ही बाण से मार गिराऊँगा, उसे मारकर उसकी खाल लेकर मैं शीघ्र ही लौट आऊँगा, हे लक्ष्मण।

श्लोक 51 (aranya.43.51)

प्रदक्षिणेन अतिबलेन पक्षिणा । जटायुषा बुद्धिमता च लक्ष्मण । भव अप्रमत्तः प्रतिगृह्य मैथिलीम् । प्रति क्षणम् सर्वत एव शन्कितः ॥ 43.51 ॥

pradakṣiṇena atibalena pakṣiṇā | jaṭāyuṣā buddhimatā ca lakṣmaṇa | bhava apramattaḥ pratigṛhya maithilīm | prati kṣaṇam sarvata eva śankitaḥ || 43.51 ||

"हे लक्ष्मण! सदा साथ रहने वाले, अत्यंत बलवान और बुद्धिमान पक्षी जटायु के साथ मैथिली की देखरेख करते हुए, प्रतिक्षण सब ओर से सशंक और सावधान रहना।" ऐसा कहकर राम मृग के पीछे चल पड़े।