क्रोध-गृह में राजा

श्लोक 1 (ayodhya.10.1)

विदर्शिता यदा देवी कुब्जया पापया भृशम् । तदा शेते स्म सा भूमौ दिग्धविद्धेव किंनरी ॥ 10.1 ॥

vidarśitā yadā devī kubjayā pāpayā bhṛśam | tadā śete sma sā bhūmau digdhaviddheva kiṃnarī

जब वह रानी उस पापिन कुबड़ी द्वारा भलीभाँति भड़का दी गई, तब वे विषबुझे बाण से बिंधी हुई किन्नरी के समान भूमि पर पड़ी रहीं।

श्लोक 2 (ayodhya.10.2)

निश्चित्य मनसा कृत्यं सा सम्यगिति भामिनी । मन्थरायै शनैः सर्वमाचचक्षे विचक्षणा ॥ 10.2 ॥

niścitya manasā kṛtyaṃ sā samyagiti bhāminī | mantharāyai śanaiḥ sarvamācacakṣe vicakṣaṇā

उस चतुर रानी ने मन ही मन भलीभाँति यह निश्चय करके, धीरे-धीरे अपनी सारी योजना मन्थरा को बता दी।

श्लोक 3 (ayodhya.10.3)

सा दीना निश्चयं कृत्वा मन्थरावाक्यमोहिता । नागकन्येव निःश्वस्य दीर्घमुष्णं च भामिनी ॥ 10.3 ॥

sā dīnā niścayaṃ kṛtvā mantharāvākyamohitā | nāgakanyeva niḥśvasya dīrghamuṣṇaṃ ca bhāminī

वह दीन रानी, मन्थरा के वचनों से मोहित होकर, अपना निश्चय कर चुकने पर, सर्पकन्या के समान लम्बी और गरम साँस भरने लगीं,

श्लोक 4 (ayodhya.10.4)

मुहूर्तं चिन्तयामास मार्गमात्मसुखावहम् । सा सुहृच्चार्थकामा च तं निशम्य विनिश्चयम् ॥ 10.4 ॥

muhūrtaṃ cintayāmāsa mārgamātmasukhāvaham | sā suhṛccārthakāmā ca taṃ niśamya viniścayam

और क्षण भर के लिए अपने सुख के मार्ग पर विचार करने लगीं। और वह हितैषी मन्थरा, जो स्वार्थ-कामना से युक्त थी, उस दृढ़ निश्चय को सुनकर —

श्लोक 5 (ayodhya.10.5)

बभूव परमप्रीता सिद्धिं प्राप्येव मन्थरा । अथ सा रुषिता देवी सम्यक् कृत्वा विनिश्चयम् ॥ 10.5 ॥

babhūva paramaprītā siddhiṃ prāpyeva mantharā | atha sā ruṣitā devī samyak kṛtvā viniścayam

— मानो सिद्धि पा चुकी हो, अत्यंत प्रसन्न हो उठी। तत्पश्चात् वह क्रुद्ध रानी अपना दृढ़ निश्चय कर चुकने पर,

श्लोक 6 (ayodhya.10.6)

संविवेशाबला भूमौ निवेश्य भ्रुकुटिं मुखे । ततश्चित्राणि माल्यानि दिव्यान्याभरणानि च ॥ 10.6 ॥

saṃviveśābalā bhūmau niveśya bhrukuṭiṃ mukhe | tataścitrāṇi mālyāni divyānyābharaṇāni ca

उस अबला ने भौंहें चढ़ाकर भूमि पर लेट रहीं; और तब उनकी विविध रंगों की मालाएँ तथा दिव्य आभूषण,

श्लोक 7 (ayodhya.10.7)

अपविद्धानि कैकेय्या तानि भूमिं प्रपेदिरे । तया तान्य् अपविद्धानि माल्यान्य् आभरणानि च ॥ 10.7 ॥

apaviddhāni kaikeyyā tāni bhūmiṃ prapedire | tayā tāny apaviddhāni mālyāny ābharaṇāni ca

कैकेयी द्वारा उतार फेंके जाने पर भूमि पर बिखर गए; और उनके द्वारा फेंकी गई वे मालाएँ और आभूषण,

श्लोक 8 (ayodhya.10.8)

अशोभयन्त वसुधां नक्षत्राणि यथा नभः । क्रोधागारे च पतिता सा बभौ मलिनाम्बरा ॥ 10.8 ॥

aśobhayanta vasudhāṃ nakṣatrāṇi yathā nabhaḥ | krodhāgāre ca patitā sā babhau malināmbarā

पृथ्वी को उसी प्रकार शोभित करने लगे, जैसे तारे आकाश को शोभित करते हैं। और क्रोध-गृह में गिरी हुई, मैले वस्त्र पहने वह रानी भी विचित्र रूप से चमक रही थीं।

श्लोक 9 (ayodhya.10.9)

एकवेणीं दृढां बद्ध्वा गतसत्त्वेव किंनरी । आज्ञाप्य तु महाराजो राघवस्याभिषेचनम् ॥ 10.9 ॥

ekaveṇīṃ dṛḍhāṃ baddhvā gatasattveva kiṃnarī | ājñāpya tu mahārājo rāghavasyābhiṣecanam

बालों की एक कसी हुई वेणी बाँधे वे मानो प्राणहीन किन्नरी के समान पड़ी थीं। इधर महाराज ने राघव के अभिषेक की आज्ञा देकर,

श्लोक 10 (ayodhya.10.10)

उपस्थानमनुज्ञाप्य प्रविवेश निवेशनम् । अद्य रामाभिषेको वै प्रसिद्ध इति जज्ञिवान् ॥ 10.10 ॥

upasthānamanujñāpya praviveśa niveśanam | adya rāmābhiṣeko vai prasiddha iti jajñivān

सभा से विदा लेकर अपने अन्तःपुर में प्रवेश किया, यह जानते हुए कि आज राम का अभिषेक सर्वविदित घोषित हो चुका है।

श्लोक 11 (ayodhya.10.11)

प्रियार्हां प्रियमाख्यातुं विवेशान्तःपुरं वशी । स कैकेय्या गृहं श्रेष्ठं प्रविवेश महायशाः ॥ 10.11 ॥

priyārhāṃ priyamākhyātuṃ viveśāntaḥpuraṃ vaśī | sa kaikeyyā gṛhaṃ śreṣṭhaṃ praviveśa mahāyaśāḥ

संयमी राजा उस प्रिय समाचार को उस प्रियपात्रा को सुनाने के लिए अन्तःपुर में गए; उस महायशस्वी राजा ने कैकेयी के उस श्रेष्ठ भवन में प्रवेश किया,

श्लोक 12 (ayodhya.10.12)

पाण्डुराभ्रम् इवाकाशं राहुयुक्तं निशाकरः । शुक-बर्हिसमायुक्तं क्रौञ्चहंसरुतायुतम् ॥ 10.12 ॥

pāṇḍurābhram ivākāśaṃ rāhuyuktaṃ niśākaraḥ | śuka-barhisamāyuktaṃ krauñcahaṃsarutāyutam

— जैसे चन्द्रमा राहु से ग्रस्त, श्वेत मेघों से आच्छादित आकाश में प्रवेश करता है — वह भवन तोतों और मोरों से युक्त, क्रौंच और हंसों के कलरव से भरा हुआ था,

श्लोक 13 (ayodhya.10.13)

वादित्ररवसङ्घुष्टं कुब्जावामनिकायुतम् । लतागृहैश्चित्रगृहैश्चम्पकाशोकशोभितैः ॥ 10.13 ॥

vāditraravasaṅghuṣṭaṃ kubjāvāmanikāyutam | latāgṛhaiścitragṛhaiścampakāśokaśobhitaiḥ

वाद्य-यंत्रों की ध्वनि से गुंजायमान, कुबड़ी तथा बौनी दासियों से युक्त, लता-मण्डपों और चित्रित कक्षों से सुसज्जित, चम्पक और अशोक के वृक्षों से सुशोभित था,

श्लोक 14 (ayodhya.10.14)

दान्तराजतसौवर्णवेदिकाभिः समायुतम् । नित्यपुष्पफलैर्वृक्षैर्वापीभिरुपशोभितम् ॥ 10.14 ॥

dāntarājatasauvarṇavedikābhiḥ samāyutam | nityapuṣpaphalairvṛkṣairvāpībhirupaśobhitam

हाथीदाँत, चाँदी और सोने की वेदियों से युक्त तथा सदा फल-फूलों से लदे वृक्षों और बावड़ियों से सुशोभित था,

श्लोक 15 (ayodhya.10.15)

दान्तराजतसौवर्णैः संवृतं परमासनैः । विविधैरन्नपानैश्च भक्ष्यैश्च विविधैरपि ॥ 10.15 ॥

dāntarājatasauvarṇaiḥ saṃvṛtaṃ paramāsanaiḥ | vividhairannapānaiśca bhakṣyaiśca vividhairapi

हाथीदाँत, चाँदी और सोने के उत्तम आसनों से युक्त, तथा विविध प्रकार के अन्न-पान और विविध व्यंजनों से भरा हुआ था,

श्लोक 16 (ayodhya.10.16)

उपपन्नं महार्हैश्च भूषणैस्त्रिदिवोपमम् । स प्रविश्य महाराजः स्वमन्तःपुरमृद्धिमत् ॥ 10.16 ॥

upapannaṃ mahārhaiśca bhūṣaṇaistridivopamam | sa praviśya mahārājaḥ svamantaḥpuramṛddhimat

बहुमूल्य आभूषणों से सुसज्जित, मानो स्वर्ग के समान था। उस समृद्धिशाली अन्तःपुर में प्रवेश करके महाराज,

श्लोक 17 (ayodhya.10.17)

न ददर्श स्त्रियं राजा कैकेयीं शयनोत्तमे । स कामबलसंयुक्तो रत्यर्थी मनुजाधिपः ॥ 10.17 ॥

na dadarśa striyaṃ rājā kaikeyīṃ śayanottame | sa kāmabalasaṃyukto ratyarthī manujādhipaḥ

शय्या पर उस स्त्री कैकेयी को न पा सके — प्रेम-वश आए हुए वे नरेश,

श्लोक 18 (ayodhya.10.18)

अपश्यन् दयितां भार्यां पप्रच्छ विषसाद च । नहि तस्य पुरा देवी तां वेलामत्यवर्तत ॥ 10.18 ॥

apaśyan dayitāṃ bhāryāṃ papraccha viṣasāda ca | nahi tasya purā devī tāṃ velāmatyavartata

अपनी प्रिय पत्नी को न देखकर उसके विषय में पूछने लगे और व्याकुल हो उठे — क्योंकि पहले कभी भी रानी उस समय उपस्थित रहने में चूक नहीं करती थीं,

श्लोक 19 (ayodhya.10.19)

न च राजा गृहं शून्यं प्रविवेश कदाचन । ततो गृहगतो राजा कैकेयीं पर्यपृच्छत ॥ 10.19 ॥

na ca rājā gṛhaṃ śūnyaṃ praviveśa kadācana | tato gṛhagato rājā kaikeyīṃ paryapṛcchata

और न ही राजा को कभी उनके भवन में प्रवेश करने पर वह सूना मिला था। तब उन कक्षों में जाकर राजा ने कैकेयी के विषय में पूछा,

श्लोक 20 (ayodhya.10.20)

यथापुरम् अविज्ञाय स्वार्थलिप्सुम् अपण्डिताम् । प्रतिहारी त्वथोवाच संत्रस्ता तु कृताञ्जलिः ॥ 10.20 ॥

yathāpuram avijñāya svārthalipsum apaṇḍitām | pratihārī tvathovāca saṃtrastā tu kṛtāñjaliḥ

जैसे वे पहले पूछा करते थे, बिना यह जाने कि वह अबुद्धिमती स्वार्थ-सिद्धि में लगी हुई है। तब भयभीत द्वारपालिका ने हाथ जोड़कर कहा —

श्लोक 21 (ayodhya.10.21)

देव देवी भृशं क्रुद्धा क्रोधागारमभिद्रुता । प्रतीहार्या वचः श्रुत्वा राजा परमदुर्मनाः ॥ 10.21 ॥

deva devī bhṛśaṃ kruddhā krodhāgāramabhidrutā | pratīhāryā vacaḥ śrutvā rājā paramadurmanāḥ

"हे देव, रानी अत्यंत क्रुद्ध होकर क्रोध-गृह की ओर दौड़ गई हैं।" द्वारपालिका के इस वचन को सुनकर राजा का मन अत्यंत व्याकुल हो उठा,

श्लोक 22 (ayodhya.10.22)

विषसाद पुनर्भूयो लुलितव्याकुलेन्द्रियः । तत्र तां पतितां भूमौ शयानामतथोचिताम् ॥ 10.22 ॥

viṣasāda punarbhūyo lulitavyākulendriyaḥ | tatra tāṃ patitāṃ bhūmau śayānāmatathocitām

और उनकी इन्द्रियाँ विचलित तथा व्याकुल हो उठीं; और वहाँ उन्होंने उन्हें भूमि पर गिरी हुई, इस प्रकार अनुचित रूप से पड़ी हुई देखा,

श्लोक 23 (ayodhya.10.23)

प्रतप्त इव दुःखेन सोऽपश्यज्जगतीपतिः । स वृद्धस्तरुणीं भार्यां प्राणेभ्योऽपि गरीयसीम् ॥ 10.23 ॥

pratapta iva duḥkhena so'paśyajjagatīpatiḥ | sa vṛddhastaruṇīṃ bhāryāṃ prāṇebhyo'pi garīyasīm

मानो दुःख से सन्तप्त होते हुए उस पृथ्वीपति ने यह देखा। उस वृद्ध राजा ने अपनी उस युवा पत्नी को देखा, जो उन्हें प्राणों से भी अधिक प्रिय थीं,

श्लोक 24 (ayodhya.10.24)

अपापः पापसंकल्पां ददर्श धरणीतले । लतामिव विनिष्कृत्तां पतितां देवतामिव ॥ 10.24 ॥

apāpaḥ pāpasaṃkalpāṃ dadarśa dharaṇītale | latāmiva viniṣkṛttāṃ patitāṃ devatāmiva

— निष्पाप राजा ने पापपूर्ण संकल्प लिए हुए उस रानी को धरती पर पड़ा देखा — मानो कटी हुई लता हो, मानो गिरी हुई देवी हो,

श्लोक 25 (ayodhya.10.25)

किन्नरीमिव निर्धूतां च्युताम् अप्सरसं यथा । मायाम् इव परिभ्रष्टां हरिणीम् इव संयताम् ॥ 10.25 ॥

kinnarīmiva nirdhūtāṃ cyutām apsarasaṃ yathā | māyām iva paribhraṣṭāṃ hariṇīm iva saṃyatām

मानो झकझोरी गई किन्नरी हो, मानो पतित अप्सरा हो, मानो विफल हुई माया हो, मानो बंधन में बँधी हरिणी हो।

श्लोक 26 (ayodhya.10.26)

करेणुम् इव दिग्धेन विद्धां मृगयुना वने । महागज इवारण्ये स्नेहात् परमदुःखिताम् ॥ 10.26 ॥

kareṇum iva digdhena viddhāṃ mṛgayunā vane | mahāgaja ivāraṇye snehāt paramaduḥkhitām

जैसे वन में कोई विशाल हाथी शिकारी के विषबुझे बाण से घायल हथिनी को स्नेहवश छू ले, तीव्र दुःख से पीड़ित होकर,

श्लोक 27 (ayodhya.10.27)

परिमृज्य च पाणिभ्यामभिसंत्रस्तचेतनः । कामी कमलपत्राक्षीमुवाच वनितामिदम् ॥ 10.27 ॥

parimṛjya ca pāṇibhyāmabhisaṃtrastacetanaḥ | kāmī kamalapatrākṣīmuvāca vanitāmidam

— उसी प्रकार राजा ने अपने हाथों से उन्हें सहलाया, उनका मन आशंका से भर उठा था; और कामासक्त उस राजा ने उस कमल-नयनी स्त्री से यह कहा —

श्लोक 28 (ayodhya.10.28)

न तेऽहमभिजानामि क्रोधमात्मनि संश्रितम् । देवि केनाभियुक्तासि केन वासि विमानिता ॥ 10.28 ॥

na te'hamabhijānāmi krodhamātmani saṃśritam | devi kenābhiyuktāsi kena vāsi vimānitā

"हे देवी, तुम्हारे इस क्रोध का कारण मुझे समझ में नहीं आ रहा। बताओ, किसने तुम्हारा अपमान किया है, या किसने तुम्हें अपयश दिया है?

श्लोक 29 (ayodhya.10.29)

यदिदं मम दुःखाय शेषे कल्याणि पांसुषु । भूमौ शेषे किमर्थं त्वं मयि कल्याणचेतसि ॥ 10.29 ॥

yadidaṃ mama duḥkhāya śeṣe kalyāṇi pāṃsuṣu | bhūmau śeṣe kimarthaṃ tvaṃ mayi kalyāṇacetasi

तुम्हारा इस धूल में यों पड़े रहना मेरे लिए घोर दुःख का कारण है; मेरा मन तुम्हारे प्रति सदा कल्याणकारी रहा है, फिर तुम इस प्रकार भूमि पर क्यों पड़ी हो?

श्लोक 30 (ayodhya.10.30)

भूतोपहतचित्तेव मम चित्तप्रमाथिनि । सन्ति मे कुशला वैद्यास्त्वभितुष्टाश्च सर्वशः ॥ 10.30 ॥

bhūtopahatacitteva mama cittapramāthini | santi me kuśalā vaidyāstvabhituṣṭāśca sarvaśaḥ

तुम, जो मेरे हृदय को इस प्रकार मथ रही हो, मानो किसी दुष्ट-शक्ति से ग्रस्त हो — मेरे पास सर्वत्र सम्मानित कुशल वैद्य हैं,

श्लोक 31 (ayodhya.10.31)

सुखितां त्वां करिष्यन्ति व्याधिमाचक्ष्व भामिनि । कस्य वापि प्रियं कार्यं केन वा विप्रियं कृतम् ॥ 10.31 ॥

sukhitāṃ tvāṃ kariṣyanti vyādhimācakṣva bhāmini | kasya vāpi priyaṃ kāryaṃ kena vā vipriyaṃ kṛtam

जो तुम्हें स्वस्थ कर देंगे — केवल अपनी बीमारी तो बताओ, हे भामिनि। किसके साथ भलाई करनी है, अथवा किसने तुम्हारे साथ बुरा किया है?

श्लोक 32 (ayodhya.10.32)

कः प्रियं लभतामद्य को वा सुमहदप्रियम् । मा रौत्सीर्मा च कार्षीस्त्वं देवि सम्परिशोषणम् ॥ 10.32 ॥

kaḥ priyaṃ labhatāmadya ko vā sumahadapriyam | mā rautsīrmā ca kārṣīstvaṃ devi sampariśoṣaṇam

आज किसे प्रसन्नता मिलनी चाहिए, और किसे बड़ा दण्ड? रोओ मत, हे देवी, और अपने शरीर को इस प्रकार शोक में सुखा मत डालो।

श्लोक 33 (ayodhya.10.33)

अवध्यो वध्यतां को वा वध्यः को वा विमुच्यताम् । दरिद्रः को भवेदाढ्यो द्रव्यवान् वाप्यकिंचनः ॥ 10.33 ॥

avadhyo vadhyatāṃ ko vā vadhyaḥ ko vā vimucyatām | daridraḥ ko bhavedāḍhyo dravyavān vāpyakiṃcanaḥ

क्या किसी निर्दोष का वध कर दिया जाए, या किसी दण्डनीय को मुक्त कर दिया जाए? क्या किसी निर्धन को धनवान् बना दिया जाए, या किसी धनी को निर्धन?

श्लोक 34 (ayodhya.10.34)

अहं च हि मदीयाश्च सर्वे तव वशानुगाः । न ते कंचिदभिप्रायं व्याहन्तुमहमुत्सहे ॥ 10.34 ॥

ahaṃ ca hi madīyāśca sarve tava vaśānugāḥ | na te kaṃcidabhiprāyaṃ vyāhantumahamutsahe

क्योंकि मैं और मेरा सब कुछ सर्वथा तुम्हारे अधीन है; मैं तुम्हारी किसी भी इच्छा को टालने का साहस कभी नहीं करूँगा।

श्लोक 35 (ayodhya.10.35)

आत्मनो जीवितेनापि ब्रूहि यन्मनसि स्थितम् । बलमात्मनि जानन्ती न मां शङ्कितुमर्हसि ॥ 10.35 ॥

ātmano jīvitenāpi brūhi yanmanasi sthitam | balamātmani jānantī na māṃ śaṅkitumarhasi

तुम अपने मन में जो कुछ भी ठाना हो, वह कह डालो, चाहे उसके लिए मेरे प्राण ही क्यों न लगें। मुझ पर अपने बल को जानते हुए तुम्हें मुझ पर शंका करने की कोई आवश्यकता नहीं।"

श्लोक 36 (ayodhya.10.36)

करिष्यामि तव प्रीतिं सुकृतेनापि ते शपे । यावदावर्तते चक्रं तावती मे वसुंधरा ॥ 10.36 ॥

kariṣyāmi tava prītiṃ sukṛtenāpi te śape | yāvadāvartate cakraṃ tāvatī me vasuṃdharā

"मैं तुम्हें प्रसन्न करूँगा — यह मैं अपने सुकृतों की शपथ लेकर कहता हूँ। मेरा राज्य वहाँ तक फैला है जहाँ तक मेरे रथ का चक्र घूमा है —

श्लोक 37 (ayodhya.10.37)

द्राविडाः सिन्धुसौवीराः सौराष्ट्रा दक्षिणापथाः । वङ्गाङ्गमगधा मत्स्याः समृद्धाः काशिकोसलाः ॥ 10.37 ॥

drāviḍāḥ sindhusauvīrāḥ saurāṣṭrā dakṣiṇāpathāḥ | vaṅgāṅgamagadhā matsyāḥ samṛddhāḥ kāśikosalāḥ

— द्रविड़, सिन्धु-सौवीर, सौराष्ट्र, दक्षिणापथ के देश, वंग, अंग, मगध, मत्स्य, तथा समृद्ध काशी और कोसल भी।

श्लोक 38 (ayodhya.10.38)

तत्र जातं बहु द्रव्यं धनधान्यमजाविकम् । ततो वृणीष्व कैकेयि यद् यत् त्वं मनसेच्छसि ॥ 10.38 ॥

tatra jātaṃ bahu dravyaṃ dhanadhānyamajāvikam | tato vṛṇīṣva kaikeyi yad yat tvaṃ manasecchasi

उनमें अपार धन, अन्न, बकरी-भेड़ आदि पशु-सम्पदा उत्पन्न होती है — हे कैकेयी, उनमें से जो कुछ भी तुम्हारे मन को भाए, वह माँग लो।"

श्लोक 39 (ayodhya.10.39)

किमायासेन ते भीरु उत्तिष्ठोत्तिष्ठ शोभने । तत्त्वं मे ब्रूहि कैकेयि यतस्ते भयमागतम् । तत् ते व्यपनयिष्यामि नीहारमिव रश्मिवान् ॥ 10.39 ॥

kimāyāsena te bhīru uttiṣṭhottiṣṭha śobhane | tattvaṃ me brūhi kaikeyi yataste bhayamāgatam | tat te vyapanayiṣyāmi nīhāramiva raśmivān

"हे भीरु, इतना कष्ट क्यों उठा रही हो? उठो, उठो, हे सुन्दरी! हे कैकेयी, मुझे बताओ कि तुम्हारा यह भय कहाँ से आया है — मैं उसे उसी प्रकार दूर कर दूँगा जैसे सूर्य कुहासे को दूर कर देता है।"

श्लोक 40 (ayodhya.10.40)

तथोक्ता सा समाश्वस्ता वक्तुकामा तदप्रियम् । परिपीडयितुं भूयो भर्तारमुपचक्रमे ॥ 10.40 ॥

tathoktā sā samāśvastā vaktukāmā tadapriyam | paripīḍayituṃ bhūyo bhartāramupacakrame

इस प्रकार समझाई और आश्वस्त की गई वह रानी, अब वह अप्रिय बात कहने के लिए उद्यत होकर, अपने पति को और अधिक व्यथित करने लगीं।