कैकेयी के दो वर

श्लोक 1 (ayodhya.11.1)

तं मन्मथशरैर्विद्धं कामवेगवशानुगम् । उवाच पृथिवीपालं कैकेयी दारुणं वचः ।। ११.१ ।।

taṃ manmathaśarairviddhaṃ kāmavegavaśānugam | uvāca pṛthivīpālaṃ kaikeyī dāruṇaṃ vacaḥ || 11.1 ||

काम के बाणों से बिंधे और वासना के वेग के वशीभूत उस राजा से कैकेयी ने ये कठोर वचन कहे।

श्लोक 2 (ayodhya.11.2)

नास्मि विप्रकृता देव केनचिन्नावमानिता । अभिप्रायस्तु मे कश्चित्तमिच्छामि त्वया कृतम् ।। ११.२ ।।

nāsmi viprakṛtā deva kenacinnāvamānitā | abhiprāyastu me kaścittamicchāmi tvayā kṛtam || 11.2 ||

हे देव! न तो मुझे किसी ने सताया है और न अपमानित किया है। किंतु मेरी एक अभिलाषा है, जिसे मैं आपके द्वारा पूर्ण होते देखना चाहती हूँ।

श्लोक 3 (ayodhya.11.3)

प्रतिज्ञां प्रतिजानीष्व यदि त्वं कर्तुमिच्छसि । अथ तद्व्याहरिष्यामि यदभिप्रार्थितं मया ।। ११.३ ।।

pratijñāṃ pratijānīṣva yadi tvaṃ kartumicchasi | atha tadvyāhariṣyāmi yadabhiprārthitaṃ mayā || 11.3 ||

यदि आप उसे पूर्ण करना चाहते हैं, तो पहले प्रतिज्ञा कीजिए। तब मैं आपको बताऊँगी कि मैंने क्या माँगा है।

श्लोक 4 (ayodhya.11.4)

तामुवाच महातेजाः कैकेयीमीषदुत्स्मितः । कामी हस्तेन संगृह्य मूर्धजेषु शुचिस्मिताम् ।। ११.४ ।।

tāmuvāca mahātejāḥ kaikeyīmīṣadutsmitaḥ | kāmī hastena saṃgṛhya mūrdhajeṣu śucismitām || 11.4 ||

उस अत्यंत तेजस्वी और कामातुर राजा ने कुछ मुस्कराते हुए, उस मधुर हास वाली कैकेयी के केशों को हाथ से सहलाते हुए यह कहा।

श्लोक 5 (ayodhya.11.5)

अवलिप्ते न जानासि त्वत्तः प्रियतरो मम । मनुजो मनुजव्याघ्राद्रामादन्यो न विद्यते ।। ११.५ ।।

avalipte na jānāsi tvattaḥ priyataro mama | manujo manujavyāghrādrāmādanyo na vidyate || 11.5 ||

हे अभिमानिनी! क्या तुम नहीं जानतीं कि पुरुषसिंह राम को छोड़कर तुमसे अधिक प्रिय मुझे कोई नहीं है?

श्लोक 6 (ayodhya.11.6)

तेनाजय्येन मुख्येन राघवेण महात्मना । शपे ते जीवनार्हेण ब्रूहि यन्मनसेच्छसि ।। ११.६ ।।

tenājayyena mukhyena rāghaveṇa mahātmanā | śape te jīvanārheṇa brūhi yanmanasecchasi || 11.6 ||

उस अजेय, श्रेष्ठ, महात्मा राघव की शपथ लेकर—जिनके लिए ही जीना सार्थक है—कहता हूँ, तुम अपने मन की इच्छा कहो।

श्लोक 7 (ayodhya.11.7)

यं मुहूर्तमपश्यंस्तु न जीवेयमहं ध्रुवम् । तेन रामेण कैकेयि शपे ते वचनक्रियाम् ।। ११.७ ।।

yaṃ muhūrtamapaśyaṃstu na jīveyamahaṃ dhruvam | tena rāmeṇa kaikeyi śape te vacanakriyām || 11.7 ||

जिसे क्षणभर भी न देखकर मैं निश्चय ही जीवित न रह सकूँ, हे कैकेयी! उन्हीं राम की सौगंध खाकर मैं तुम्हारी बात पूरी करने की प्रतिज्ञा करता हूँ।

श्लोक 8 (ayodhya.11.8)

आत्मना चात्मजैश्चान्यैर्वृणे यं मनुजर्षभम् । तेन रामेण कैकेयि शपे ते वचनक्रियाम् ।। ११.८ ।।

ātmanā cātmajaiścānyairvṛṇe yaṃ manujarṣabham | tena rāmeṇa kaikeyi śape te vacanakriyām || 11.8 ||

जिस पुरुषश्रेष्ठ राम की रक्षा के लिए मैं अपने प्राण और अपने अन्य पुत्रों तक को अर्पित कर सकता हूँ, हे कैकेयी! उन्हीं राम की शपथ लेकर मैं तुम्हारी बात पूरी करूँगा।

श्लोक 9 (ayodhya.11.9)

भद्रे हृदयमप्येतदनुमृश्योद्धरस्व मे । एतत्समीक्ष्य कैकेयि ब्रूहि यत्साधु मन्यसे ।। ११.९ ।।

bhadre hṛdayamapyetadanumṛśyoddharasva me | etatsamīkṣya kaikeyi brūhi yatsādhu manyase || 11.9 ||

हे कल्याणी! मेरे इस हृदय की दशा पर भी विचार करके इसे संभालो। हे कैकेयी! यह सब देखकर जो तुम्हें उचित लगे, वही कहो।

श्लोक 10 (ayodhya.11.10)

बलमात्मनि जानन्ती न मां शङ्कितुमर्हसि । करिष्यामि तव प्रीतिं सुकृतेनापि ते शपे ।। ११.१० ।।

balamātmani jānantī na māṃ śaṅkitumarhasi | kariṣyāmi tava prītiṃ sukṛtenāpi te śape || 11.10 ||

अपने ऊपर अपना प्रभाव जानते हुए तुम्हें मुझ पर संदेह करने की आवश्यकता नहीं। मैं तुम्हारी प्रसन्नता अवश्य पूर्ण करूँगा—अपने पुण्यकर्मों की शपथ लेकर कहता हूँ।

श्लोक 11 (ayodhya.11.11)

सा तदर्थमना देवी तमभिप्रायमागतम् । निर्माध्यस्थ्याच्च हर्षाच्च बभाषे दुर्वचं वचः ।। ११.११ ।।

sā tadarthamanā devī tamabhiprāyamāgatam | nirmādhyasthyācca harṣācca babhāṣe durvacaṃ vacaḥ || 11.11 ||

उस अभिप्राय में मन लगाए हुई देवी कैकेयी ने पक्षपात और हर्ष के वशीभूत होकर वह कठोर वचन कहा जो उसके मन में आया था।

श्लोक 12 (ayodhya.11.12)

तेन वाक्येन संहृष्टा तमभिप्रायमागतम् । व्याजहार महाघोरमभ्यागतमिवान्तकम् ।। ११.१२ ।।

tena vākyena saṃhṛṣṭā tamabhiprāyamāgatam | vyājahāra mahāghoramabhyāgatamivāntakam || 11.12 ||

उन वचनों से हर्षित होकर उसने अपने मन में उपजे उस अत्यंत भयंकर अभिप्राय को कह डाला, मानो साक्षात मृत्यु ही सामने आ खड़ी हुई हो।

श्लोक 13 (ayodhya.11.13)

यथा क्रमेण शपसे वरं मम ददासि च । तच्छृण्वन्तु त्रयस्त्रिंशद्देवाः साग्निपुरोगमाः ।। ११.१३ ।।

yathā krameṇa śapase varaṃ mama dadāsi ca | tacchṛṇvantu trayastriṃśaddevāḥ sāgnipurogamāḥ || 11.13 ||

जिस क्रम से तुमने शपथ ली है और मुझे वर दे रहे हो, उसे अग्निदेव के नेतृत्व में तैंतीस देवता सुनें।

श्लोक 14 (ayodhya.11.14)

चन्द्रादित्यौ नभश्चैव ग्रहा रात्र्यहनी दिशः । जगच्च पृथिवी चेयं सगन्धर्वाः सराक्षसाः ।। ११.१४ ।।

candrādityau nabhaścaiva grahā rātryahanī diśaḥ | jagacca pṛthivī ceyaṃ sagandharvāḥ sarākṣasāḥ || 11.14 ||

चंद्रमा और सूर्य, आकाश, ग्रह, रात्रि और दिन, दिशाएँ, यह संसार और पृथ्वी, गंधर्वों और राक्षसों सहित—

श्लोक 15 (ayodhya.11.15)

निशाचराणि भूतानि गृहेषु गृहदेवताः । यानि चान्यानि भूतानि जानीयुर्भाषितं तव ।। ११.१५ ।।

niśācarāṇi bhūtāni gṛheṣu gṛhadevatāḥ | yāni cānyāni bhūtāni jānīyurbhāṣitaṃ tava || 11.15 ||

रात्रिचर भूत-प्रेत, घरों में बसने वाले गृहदेवता, और जो भी अन्य प्राणी हैं—वे सब तुम्हारे इस कहे वचन को जानें।

श्लोक 16 (ayodhya.11.16)

सत्यसन्धो महातेजा धर्मज्ञः सुसमाहितः । वरं मम ददात्येष तन्मे शृण्वन्तु देवताः ।। ११.१६ ।।

satyasandho mahātejā dharmajñaḥ susamāhitaḥ | varaṃ mama dadātyeṣa tanme śṛṇvantu devatāḥ || 11.16 ||

यह सत्यप्रतिज्ञ, महातेजस्वी, धर्मज्ञ और सुसंयत राजा मुझे वर दे रहे हैं—देवतागण मेरी यह बात सुनें।

श्लोक 17 (ayodhya.11.17)

इति देवी महेष्वासं परिगृह्याभिशस्य च । ततः परमुवाचेदं वरदं काममोहितम् ।। ११.१७ ।।

iti devī maheṣvāsaṃ parigṛhyābhiśasya ca | tataḥ paramuvācedaṃ varadaṃ kāmamohitam || 11.17 ||

इस प्रकार महाधनुर्धर राजा को शपथ में बाँधकर और देवताओं को साक्षी बनाकर, देवी कैकेयी ने वर देने को उद्यत, उस कामासक्त राजा से आगे यह कहा।

श्लोक 18 (ayodhya.11.18)

स्मर राजन् पुरा वृत्तं तस्मिन् देवासुरे रणे । तत्र त्वां च्यावयच्छत्रुस्तव जीवितमन्तरा ।। ११.१८ ।।

smara rājan purā vṛttaṃ tasmin devāsure raṇe | tatra tvāṃ cyāvayacchatrustava jīvitamantarā || 11.18 ||

हे राजन्! स्मरण कीजिए उस देवासुर संग्राम की बात जो पहले हुई थी। वहाँ शत्रु ने आपको रथ से गिरा दिया था, केवल आपके प्राण ही शेष बचे थे।

श्लोक 19 (ayodhya.11.19)

तत्र चापि मया देव यत्त्वं समभिरक्षितः । जाग्रत्या यतमानायास्ततो मे प्रददौ वरौ ।। ११.१९ ।।

tatra cāpi mayā deva yattvaṃ samabhirakṣitaḥ | jāgratyā yatamānāyāstato me pradadau varau || 11.19 ||

हे देव! उस समय भी जागते हुए, प्रयत्नशील मैंने ही आपकी रक्षा की थी। तब आपने प्रसन्न होकर मुझे दो वर दिए थे।

श्लोक 20 (ayodhya.11.20)

तौ दत्तौ च वरौ देव निक्षेपौ मृगयाम्यहम् । तवैव पृथिवीपाल सकाशे रघुनन्दन ।। ११.२० ।।

tau dattau ca varau deva nikṣepau mṛgayāmyaham | tavaiva pṛthivīpāla sakāśe raghunandana || 11.20 ||

हे पृथ्वीपाल! हे रघुनंदन! वे ही दो दिए हुए वर मैं आपके पास धरोहर के रूप में रखे हुए अब माँग रही हूँ।

श्लोक 21 (ayodhya.11.21)

तत्प्रतिश्रुत्य धर्मेण न चेद्दास्यसि मे वरम् । अद्यैव हि प्रहास्यामि जीवितं त्वद्विमानिता ।। ११.२१ ।।

tatpratiśrutya dharmeṇa na ceddāsyasi me varam | adyaiva hi prahāsyāmi jīvitaṃ tvadvimānitā || 11.21 ||

उसे धर्मपूर्वक वचन देकर भी यदि आप मुझे वर नहीं देंगे, तो आपके द्वारा अपमानित होकर मैं आज ही अपने प्राण त्याग दूँगी।

श्लोक 22 (ayodhya.11.22)

वाङ्मात्रेण तदा राजा कैकेय्या स्ववशे कृतः । प्रचस्कन्द विनाशाय पाशं मृग इवात्मनः ।। ११.२२ ।।

vāṅmātreṇa tadā rājā kaikeyyā svavaśe kṛtaḥ | pracaskanda vināśāya pāśaṃ mṛga ivātmanaḥ || 11.22 ||

इस प्रकार मात्र वचनों से ही राजा कैकेयी के वश में हो गए, और मृग के समान अपने ही विनाश के फंदे में जा फँसे।

श्लोक 23 (ayodhya.11.23)

ततः परमुवाचेदं वरदं काममोहितम् । वरौ यौ मे त्वया देव तदा दत्तौ महीपते ।। ११.२३ ।।

tataḥ paramuvācedaṃ varadaṃ kāmamohitam | varau yau me tvayā deva tadā dattau mahīpate || 11.23 ||

तब उसने वर देने को उद्यत, कामासक्त राजा से आगे कहा—'हे देव! हे महीपते! जो दो वर आपने उस समय मुझे दिए थे—'

श्लोक 24 (ayodhya.11.24)

तौ तावदहमद्यैव वक्ष्यामि शृणु मे वचः । अभिषेकसमारम्भो राघवस्योपकल्पितः ।। ११.२४ ।।

tau tāvadahamadyaiva vakṣyāmi śṛṇu me vacaḥ | abhiṣekasamārambho rāghavasyopakalpitaḥ || 11.24 ||

'—उन्हीं दोनों को अब मैं आज ही कहूँगी, मेरी बात सुनिए। राघव के अभिषेक की तैयारी हो चुकी है।'

श्लोक 25 (ayodhya.11.25)

अनेनैवाभिषेकेण भरतो मेऽभिषिच्यताम् । यो द्वितीयो वरो देव दत्तः प्रीतेन मे त्वया ।। ११.२५ ।।

anenaivābhiṣekeṇa bharato me'bhiṣicyatām | yo dvitīyo varo deva dattaḥ prītena me tvayā || 11.25 ||

'इसी अभिषेक-सामग्री से मेरे भरत का अभिषेक कर दिया जाए। हे देव! यही वह दूसरा वर है जो आपने प्रसन्न होकर मुझे दिया था।'

श्लोक 26 (ayodhya.11.26)

तदा देवासुरे युद्धे तस्य कालोऽयमागतः । नव पञ्च च वर्षाणि दण्डकारण्यमाश्रितः ।। ११.२६ ।।

tadā devāsure yuddhe tasya kālo'yamāgataḥ | nava pañca ca varṣāṇi daṇḍakāraṇyamāśritaḥ || 11.26 ||

'देवासुर संग्राम के समय दिया गया वह वर—उसका समय अब आ गया है। चौदह वर्षों तक राम दंडकारण्य में निवास करें—'

श्लोक 27 (ayodhya.11.27)

चीराजिनजटाधारी रामो भवतु तापसः । भरतो भजतामद्य यौवराज्यमकण्टकम् ।। ११.२७ ।।

cīrājinajaṭādhārī rāmo bhavatu tāpasaḥ | bharato bhajatāmadya yauvarājyamakaṇṭakam || 11.27 ||

'—वल्कल, मृगचर्म और जटा धारण करके राम तपस्वी बनें, और आज ही भरत निष्कंटक युवराज-पद ग्रहण करें।'

श्लोक 28 (ayodhya.11.28)

एष मे परमः कामो दत्तमेव वरं वृणे । अद्य चैव हि पश्येयं प्रयान्तं राघवं वनम् ।। ११.२८ ।।

eṣa me paramaḥ kāmo dattameva varaṃ vṛṇe | adya caiva hi paśyeyaṃ prayāntaṃ rāghavaṃ vanam || 11.28 ||

'यही मेरी सबसे बड़ी अभिलाषा है; मैं तो केवल वही वर माँग रही हूँ जो पहले ही दिया जा चुका है। और आज ही मैं राघव को वन जाते हुए देखना चाहती हूँ।'

श्लोक 29 (ayodhya.11.29)

स राजराजो भव सत्यसंगरः कुलं च शीलं च हि रक्ष जन्म च । परत्र वासे हि वदन्त्यनुत्तमं तपोधनाः सत्यवचो हितं नृणाम् ।। ११.२९ ।।

sa rājarājo bhava satyasaṃgaraḥ kulaṃ ca śīlaṃ ca hi rakṣa janma ca | paratra vāse hi vadantyanuttamaṃ tapodhanāḥ satyavaco hitaṃ nṛṇām || 11.29 ||

'आप सत्यप्रतिज्ञ राजाधिराज बनिए और अपने कुल, शील तथा जन्म की रक्षा कीजिए। क्योंकि तपोधन मुनि कहते हैं कि परलोक में निवास के लिए सत्यवचन ही मनुष्यों का सर्वोत्तम हित है।'