राम का राजधर्मोपदेश

श्लोक 1 (ayodhya.100.1)

जटिलं चीरवसनं प्राञ्जलिं पतितं भुवि। ददर्श रामो दुर्दर्शं युगान्ते भास्करं यथा॥ 100.1 ॥

jaṭilaṃ cīravasanaṃ prāñjaliṃ patitaṃ bhuvi| dadarśa rāmo durdarśaṃ yugānte bhāskaraṃ yathā

राम ने जटाधारी, वल्कल-वस्त्रधारी, हाथ जोड़े हुए, भूमि पर गिरे हुए भरत को देखा, जिन्हें देखना उतना ही दुष्कर लग रहा था जितना प्रलयकाल के सूर्य को देखना।

श्लोक 2 (ayodhya.100.2)

कथञ्चिदभिविज्ञाय विवर्णवदनं कृशम्। भ्रातरं भरतं रामः परिजग्राह बाहुना॥ 100.2 ॥

kathañcidabhivijñāya vivarṇavadanaṃ kṛśam| bhrātaraṃ bharataṃ rāmaḥ parijagrāha bāhunā

बड़ी कठिनाई से उस मलिन-मुख और दुर्बल हो चुके अपने भाई भरत को पहचानकर, राम ने उन्हें अपनी बाँहों में भर लिया।

श्लोक 3 (ayodhya.100.3)

आघ्राय रामस्तं मूर्ध्नि परिष्वज्य च राघवः। अङ्के भरतमारोप्य पर्यपृच्छत् समाहितः॥ 100.3 ॥

āghrāya rāmastaṃ mūrdhni pariṣvajya ca rāghavaḥ| aṅke bharatamāropya paryapṛcchat samāhitaḥ

राघव ने उनके सिर को चूमकर और आलिंगन करके, भरत को अपनी गोद में बिठाया और शान्तचित्त होकर उनसे पूछताछ की।

श्लोक 4 (ayodhya.100.4)

क्व नु ते ऽभूत् पिता तात यदरण्यं त्वमागतः। न हि त्वं जीवतस्तस्य वनमागन्तुमर्हसि॥ 100.4 ॥

kva nu te 'bhūt pitā tāta yadaraṇyaṃ tvamāgataḥ| na hi tvaṃ jīvatastasya vanamāgantumarhasi

"हे तात! तुम्हारे पिता कहाँ हैं कि तुम वन में आ गये? क्योंकि उनके जीवित रहते तुम्हें वन में आना उचित नहीं था।"

श्लोक 5 (ayodhya.100.5)

चिरस्य बत पश्यामि दूराद्भरतमागतम्। दुष्प्रतीकमरण्ये ऽस्मिन् किं तात वनमागतः॥ 100.5 ॥

cirasya bata paśyāmi dūrādbharatamāgatam| duṣpratīkamaraṇye 'smin kiṃ tāta vanamāgataḥ

"बहुत समय बाद आज दूर से आते हुए भरत को देख रहा हूँ, किन्तु इस वन में यह दृश्य अशुभ-सा प्रतीत होता है - हे तात! तुम वन में क्यों आये हो?"

श्लोक 6 (ayodhya.100.6)

कच्चिद्धारयते तात राजा यत्त्वमिहागतः। कच्चिन्न दीनः सहसा राजा लोकान्तरं गतः॥ 100.6 ॥

kacciddhārayate tāta rājā yattvamihāgataḥ| kaccinna dīnaḥ sahasā rājā lokāntaraṃ gataḥ

"हे तात! क्या पिता महाराज अभी जीवित हैं, जो तुम यहाँ आये हो? कहीं ऐसा तो नहीं कि वे अचानक दीन होकर परलोक सिधार गये हों?"

श्लोक 7 (ayodhya.100.7)

कच्चित्सौम्य न ते राज्यं भ्रष्टं बालस्य शाश्वतम्। कच्चिच्छुश्रूषसे तात पितरं सत्यविक्रमम्॥ 100.7 ॥

kaccitsaumya na te rājyaṃ bhraṣṭaṃ bālasya śāśvatam| kaccicchuśrūṣase tāta pitaraṃ satyavikramam

"हे सौम्य! कहीं तुम्हारा वह शाश्वत राज्य, जो अल्पवय होते हुए भी तुम्हें प्राप्त था, नष्ट तो नहीं हो गया? हे तात! क्या तुम सत्यपराक्रमी पिता की सेवा कर रहे हो?"

श्लोक 8 (ayodhya.100.8)

कच्चिद्दशरथो राजा कुशली सत्यसङ्गरः। राजसूयाश्वमेधानामाहर्ता धर्मनिश्चयः॥ 100.8 ॥

kacciddaśaratho rājā kuśalī satyasaṅgaraḥ| rājasūyāśvamedhānāmāhartā dharmaniścayaḥ

"क्या राजा दशरथ कुशल हैं - वे जो अपनी प्रतिज्ञा के सत्य पालक हैं, राजसूय और अश्वमेध यज्ञ करने वाले हैं तथा धर्म में दृढ़-निश्चय हैं?"

श्लोक 9 (ayodhya.100.9)

स कच्चिद्ब्राह्मणो विद्वान् धर्मनित्यो महाद्युतिः। इक्ष्वाकूणामुपाध्यायो यथावत्तात पूज्यते॥ 100.9 ॥

sa kaccidbrāhmaṇo vidvān dharmanityo mahādyutiḥ| ikṣvākūṇāmupādhyāyo yathāvattāta pūjyate

"हे तात! क्या वे विद्वान्, सदा धर्मपरायण और महातेजस्वी ब्राह्मण, जो इक्ष्वाकुओं के कुलगुरु हैं, यथोचित सम्मान पा रहे हैं?"

श्लोक 10 (ayodhya.100.10)

सा तात कच्चित्कौसल्या सुमित्रा च प्रजावती। सुखिनी कच्चिदार्या च देवी नन्दति कैकयी॥ 100.10 ॥

sā tāta kaccitkausalyā sumitrā ca prajāvatī| sukhinī kaccidāryā ca devī nandati kaikayī

"हे तात! क्या माता कौसल्या और सुपुत्रवती सुमित्रा सकुशल हैं? क्या आर्या कैकेयी देवी सुखपूर्वक आनन्दित हैं?"

श्लोक 11 (ayodhya.100.11)

कच्चिद्विनयसम्पन्नः कुलपुत्रो बहुश्रुतः। अनसूयुरनुद्रष्टा सत्कृतस्ते पुरोहितः॥ 100.11 ॥

kaccidvinayasampannaḥ kulaputro bahuśrutaḥ| anasūyuranudraṣṭā satkṛtaste purohitaḥ

"क्या तुम्हारे पुरोहित, जो विनयशील, कुलीन, बहुश्रुत, ईर्ष्यारहित और दूरदर्शी हैं, तुम्हारे द्वारा सम्मानित हैं?"

श्लोक 12 (ayodhya.100.12)

कच्चिदग्निषु ते युक्तो विधिज्ञो मतिमानृजुः। हुतं च होष्यमाणं च काले वेदयते सदा॥ 100.12 ॥

kaccidagniṣu te yukto vidhijño matimānṛjuḥ| hutaṃ ca hoṣyamāṇaṃ ca kāle vedayate sadā

"क्या तुम्हारे यहाँ अग्निहोत्र में नियुक्त, विधि का ज्ञाता, बुद्धिमान् और सरल-स्वभाव पुरोहित, समय पर सदा तुम्हें हवन किये और किये जाने वाले कर्मों की सूचना देता है?"

श्लोक 13 (ayodhya.100.13)

कच्चिद्देवान् पितॄन् भृत्यान् गुरून् पितृसमानपि। वृद्धांश्च तात वैद्यांश्च ब्राह्मणांश्चाभिमन्यसे॥ 100.13 ॥

kacciddevān pitṝn bhṛtyān gurūn pitṛsamānapi| vṛddhāṃśca tāta vaidyāṃśca brāhmaṇāṃścābhimanyase

"हे तात! क्या तुम देवताओं, पितरों, आश्रितजनों, गुरुजनों तथा पितातुल्य व्यक्तियों का, और वृद्धों, वैद्यों तथा ब्राह्मणों का सम्मान करते हो?"

श्लोक 14 (ayodhya.100.14)

इष्वस्त्रवरसम्पन्नमर्थशास्त्रविशारदम्। सुधन्वानमुपाध्यायं कच्चित्त्वं तात मन्यसे॥ 100.14 ॥

iṣvastravarasampannamarthaśāstraviśāradam| sudhanvānamupādhyāyaṃ kaccittvaṃ tāta manyase

"हे तात! क्या तुम धनुर्विद्या में निपुण और अर्थशास्त्र में पारंगत अपने गुरु सुधन्वा का सम्मान करते हो?"

श्लोक 15 (ayodhya.100.15)

कच्चिदात्मसमाः शूराः श्रुतवन्तो जितेन्द्रियाः। कुलीनाश्चेङ्गितज्ञाश्च कृतास्ते तात मन्त्रिणः॥ 100.15 ॥

kaccidātmasamāḥ śūrāḥ śrutavanto jitendriyāḥ| kulīnāśceṅgitajñāśca kṛtāste tāta mantriṇaḥ

"हे तात! क्या तुमने अपने समान ही शूरवीर, विद्वान्, जितेन्द्रिय, कुलीन तथा दूसरों के भावों को समझने में निपुण मंत्री नियुक्त किये हैं?"

श्लोक 16 (ayodhya.100.16)

मन्त्रो विजयमूलं हि राज्ञां भवति राघव। सुसंवृतो मन्त्रधरैरमात्यैः शास्त्रकोविदैः॥ 100.16 ॥

mantro vijayamūlaṃ hi rājñāṃ bhavati rāghava| susaṃvṛto mantradharairamātyaiḥ śāstrakovidaiḥ

"हे राघव! राजाओं के लिए विजय का मूल गुप्त मंत्रणा ही है, जो शास्त्रों में निपुण तथा भेद रखने वाले मंत्रियों द्वारा सुरक्षित रहनी चाहिए।"

श्लोक 17 (ayodhya.100.17)

कच्चिन्निद्रावशं नैषीः कच्चित्काले प्रबुध्यसे। कच्चिच्चापररात्रेषु चिन्तयस्यर्थनैपुणम्॥ 100.17 ॥

kaccinnidrāvaśaṃ naiṣīḥ kaccitkāle prabudhyase| kacciccāpararātreṣu cintayasyarthanaipuṇam

"क्या तुम स्वयं को सर्वथा निद्रा के वश में नहीं होने देते? क्या समय पर जाग जाते हो? क्या रात्रि के अंतिम प्रहर में अर्थ-सम्बन्धी विषयों पर कुशलतापूर्वक विचार करते हो?"

श्लोक 18 (ayodhya.100.18)

कच्चिन्मन्त्रयसे नैकः कच्चिन्न बहुभिः सह। कच्चित्ते मन्त्रितो मन्त्रो राष्ट्रं न परिधावति॥ 100.18 ॥

kaccinmantrayase naikaḥ kaccinna bahubhiḥ saha| kaccitte mantrito mantro rāṣṭraṃ na paridhāvati

"क्या तुम अकेले मंत्रणा नहीं करते, और न ही बहुत अधिक लोगों के साथ करते हो? क्या तुम्हारी की गई मंत्रणा राज्य में फैल तो नहीं जाती?"

श्लोक 19 (ayodhya.100.19)

कच्चिदर्थं विनिश्चित्य लघुमूलं महोदयम्। क्षिप्रमारभसे कर्तुं न दीर्घयसि राघव॥ 100.19 ॥

kaccidarthaṃ viniścitya laghumūlaṃ mahodayam| kṣipramārabhase kartuṃ na dīrghayasi rāghava

"हे राघव! जिस कार्य को कम प्रयास में करने से बड़ा लाभ हो, उसका निश्चय करके क्या तुम उसे शीघ्र ही आरम्भ कर देते हो, विलम्ब नहीं करते?"

श्लोक 20 (ayodhya.100.20)

कच्चित्ते सुकृतान्येव कृतरूपाणि वा पुनः। विदुस्ते सर्वकार्याणि न कर्तव्यानि पार्थिवाः॥ 100.20 ॥

kaccitte sukṛtānyeva kṛtarūpāṇi vā punaḥ| viduste sarvakāryāṇi na kartavyāni pārthivāḥ

"क्या अन्य राजाओं को तुम्हारे कार्यों का पता तभी चलता है जब वे भलीभाँति सम्पन्न हो चुके हों, न कि जब वे किये जाने शेष हों?"

श्लोक 21 (ayodhya.100.21)

कच्चिन्न तर्कैर्युक्त्या वा ये चाप्यपरिकीर्तिताः। त्वया वा तव वामात्यैर्बुध्यते तात मन्त्रितम्॥ 100.21 ॥

kaccinna tarkairyuktyā vā ye cāpyaparikīrtitāḥ| tvayā vā tava vāmātyairbudhyate tāta mantritam

"हे तात! जो बातें प्रकट नहीं की गयीं, क्या वे तर्क और युक्ति से केवल तुम्हें अथवा तुम्हारे मंत्रियों को ही ज्ञात होती हैं, अन्यत्र प्रकट नहीं होतीं?"

श्लोक 22 (ayodhya.100.22)

कच्चित्सहस्रान् मूर्खाणामेकमिच्छसि पण्डितम्। पण्डितो ह्यर्थकृच्छ्रेषु कुर्यान्निःश्रेयसं महत्॥ 100.22 ॥

kaccitsahasrān mūrkhāṇāmekamicchasi paṇḍitam| paṇḍito hyarthakṛcchreṣu kuryānniḥśreyasaṃ mahat

"क्या तुम हज़ार मूर्खों की अपेक्षा एक विद्वान् को अधिक चाहते हो? क्योंकि विद्वान् ही संकट के समय महान् कल्याण कर सकता है।"

श्लोक 23 (ayodhya.100.23)

सहस्राण्यपि मूर्खाणां यद्युपास्ते महीपतिः। अथवाप्ययुतान्येव नास्ति तेषु सहायता॥ 100.23 ॥

sahasrāṇyapi mūrkhāṇāṃ yadyupāste mahīpatiḥ| athavāpyayutānyeva nāsti teṣu sahāyatā

"यदि कोई राजा हज़ारों अथवा दस हज़ार मूर्खों को भी अपने पास रखे, तो उनसे कोई वास्तविक सहायता नहीं मिलती।"

श्लोक 24 (ayodhya.100.24)

एकोप्यमात्यो मेधावी शूरो दक्षो विचक्षणः। राजानं राजमात्रं वा प्रापयेन्महतीं श्रियम्॥ 100.24 ॥

ekopyamātyo medhāvī śūro dakṣo vicakṣaṇaḥ| rājānaṃ rājamātraṃ vā prāpayenmahatīṃ śriyam

"किन्तु एक भी बुद्धिमान्, शूर, कुशल और विचक्षण मंत्री राजा को अथवा राजकुमार को भी महान् ऐश्वर्य तक पहुँचा सकता है।"

श्लोक 25 (ayodhya.100.25)

कच्चिन्मुख्या महत्स्वेव मध्यमेषु च मध्यमाः। जघन्यास्तु जघन्येषु भृत्याः कर्मसु योजिताः॥ 100.25 ॥

kaccinmukhyā mahatsveva madhyameṣu ca madhyamāḥ| jaghanyāstu jaghanyeṣu bhṛtyāḥ karmasu yojitāḥ

"क्या तुम्हारे श्रेष्ठ सेवक बड़े कार्यों में, मध्यम सेवक मध्यम कार्यों में, तथा निम्न सेवक निम्न कार्यों में ही नियुक्त किये जाते हैं?"

श्लोक 26 (ayodhya.100.26)

अमात्यानुपधातीतान् पितृपैतामहाञ्छुचीन्। श्रेष्ठान् श्रेष्ठेषु कच्चित्त्वं नियोजयसि कर्मसु॥ 100.26 ॥

amātyānupadhātītān pitṛpaitāmahāñchucīn| śreṣṭhān śreṣṭheṣu kaccittvaṃ niyojayasi karmasu

"क्या तुम प्रलोभनों में भी अडिग रहे, पवित्र आचरण वाले तथा पिता-पितामह के समय से चले आ रहे श्रेष्ठ मंत्रियों को ही श्रेष्ठ पदों पर नियुक्त करते हो?"

श्लोक 27 (ayodhya.100.27)

कच्चिन्नोग्रेण दण्डेन भृशमुद्वेजितप्रजम्। राष्ट्रं तवानुजानन्ति मन्त्रिणः कैकयीसुत॥ 100.27 ॥

kaccinnogreṇa daṇḍena bhṛśamudvejitaprajam| rāṣṭraṃ tavānujānanti mantriṇaḥ kaikayīsuta

"हे कैकेयी-पुत्र! क्या तुम्हारे मंत्री यह अनुमति नहीं देते कि राज्य की प्रजा कठोर दण्ड से अत्यन्त पीड़ित हो?"

श्लोक 28 (ayodhya.100.28)

कच्चित्त्वां नावजानन्ति याजकाः पतितं यथा। उग्रप्रतिग्रहीतारं कामयानमिव स्त्रियः॥ 100.28 ॥

kaccittvāṃ nāvajānanti yājakāḥ patitaṃ yathā| ugrapratigrahītāraṃ kāmayānamiva striyaḥ

"क्या पुरोहित तुम्हें उस पतित व्यक्ति के समान तिरस्कार की दृष्टि से तो नहीं देखते, जो उग्रतापूर्वक अनुचित दान ग्रहण करने वाला हो, जैसे स्त्रियाँ किसी अयोग्य कामुक पुरुष को तुच्छ समझती हैं?"

श्लोक 29 (ayodhya.100.29)

उपायकुशलं वैद्यं भृत्यसन्दूषणे रतम्। शूरमैश्वर्यकामं च यो न हन्ति स वध्यते॥ 100.29 ॥

upāyakuśalaṃ vaidyaṃ bhṛtyasandūṣaṇe ratam| śūramaiśvaryakāmaṃ ca yo na hanti sa vadhyate

"जो व्यक्ति उपायों में कुशल, सेवकों को भ्रष्ट करने में तत्पर, शूर और स्वयं ऐश्वर्य पाने का इच्छुक हो, ऐसे व्यक्ति को जो नहीं मारता, वह स्वयं वध्य होता है।"

श्लोक 30 (ayodhya.100.30)

कच्चिद्धृष्टश्च शूरश्च मतिमान् धृतिमाञ्छुचिः। कुलीनश्चानुरक्तश्च दक्षः सेनापतिः कृतः॥ 100.30 ॥

kacciddhṛṣṭaśca śūraśca matimān dhṛtimāñchuciḥ| kulīnaścānuraktaśca dakṣaḥ senāpatiḥ kṛtaḥ

"क्या तुमने अपना सेनापति ऐसे व्यक्ति को बनाया है, जो साहसी, शूरवीर, बुद्धिमान्, धैर्यवान्, पवित्र, कुलीन, स्वामिभक्त तथा कुशल हो?"

श्लोक 31 (ayodhya.100.31)

बलवन्तश्च कच्चित्ते मुख्या युद्धविशारदाः। दृष्टापदाना विक्रान्तास्त्वया सत्कृत्य मानिताः॥ 100.31 ॥

balavantaśca kaccitte mukhyā yuddhaviśāradāḥ| dṛṣṭāpadānā vikrāntāstvayā satkṛtya mānitāḥ

"क्या तुम्हारे प्रमुख सेनानायक, जो बलवान्, युद्धकुशल, अपने पराक्रम के लिए विख्यात और वीर हैं, तुम्हारे द्वारा समुचित सम्मान पाते हैं?"

श्लोक 32 (ayodhya.100.32)

कच्चिद्बलस्य भक्तं च वेतनं च यथोचितम्। सम्प्राप्तकालं दातव्यं ददासि न विलम्बसे॥ 100.32 ॥

kaccidbalasya bhaktaṃ ca vetanaṃ ca yathocitam| samprāptakālaṃ dātavyaṃ dadāsi na vilambase

"क्या तुम अपनी सेना को उनका भोजन और उचित वेतन, जब उसका समय आता है, बिना विलम्ब किये दे देते हो?"

श्लोक 33 (ayodhya.100.33)

कालातिक्रमणाच्चैव भक्तवेतनयोर्भृताः। भर्तुः कुप्यन्ति दुष्यन्ति सो ऽनर्थः सुमहान् स्मृतः॥ 100.33 ॥

kālātikramaṇāccaiva bhaktavetanayorbhṛtāḥ| bhartuḥ kupyanti duṣyanti so 'narthaḥ sumahān smṛtaḥ

"क्योंकि भोजन और वेतन में विलम्ब होने पर सेवक अपने स्वामी से क्रुद्ध होकर उसके विरुद्ध हो जाते हैं - यह एक महान् अनर्थ माना गया है।"

श्लोक 34 (ayodhya.100.34)

कच्चित्सर्वेऽनुरक्तास्त्वां कुलपुत्राः प्रधानतः। कच्चित्प्राणांस्तवार्थेषु सन्त्यजन्ति समाहिताः॥ 100.34 ॥

kaccitsarve'nuraktāstvāṃ kulaputrāḥ pradhānataḥ| kaccitprāṇāṃstavārtheṣu santyajanti samāhitāḥ

"क्या सभी कुलीन पुरुष, विशेषकर श्रेष्ठ लोग, तुम्हारे प्रति अनुरक्त हैं? क्या वे तुम्हारे हित के लिए स्थिरचित्त होकर अपने प्राण भी त्याग सकते हैं?"

श्लोक 35 (ayodhya.100.35)

कच्चिज्जानपदो विद्वान् दक्षिणः प्रतिभानवान्। यथोक्तवादी दूतस्ते कृतो भरत पण्डितः॥ 100.35 ॥

kaccijjānapado vidvān dakṣiṇaḥ pratibhānavān| yathoktavādī dūtaste kṛto bharata paṇḍitaḥ

"हे भरत! क्या तुमने अपना दूत ऐसे विद्वान्, नम्र, प्रत्युत्पन्नमति और यथावत् कथन करने वाले बुद्धिमान् पुरुष को बनाया है?"

श्लोक 36 (ayodhya.100.36)

कच्चिदष्टादशान्येषु स्वपक्षे दश पञ्च च। त्रिभिस्त्रिभिरविज्ञातैर्वेत्सि तीर्थानि चारकैः॥ 100.36 ॥

kaccidaṣṭādaśānyeṣu svapakṣe daśa pañca ca| tribhistribhiravijñātairvetsi tīrthāni cārakaiḥ

"क्या तुम शत्रु-पक्ष के अठारह और अपने पक्ष के पंद्रह अधिकार-स्थानों की जानकारी, परस्पर अपरिचित गुप्तचरों द्वारा, तीन-तीन के समूह में प्राप्त करते रहते हो?"

श्लोक 37 (ayodhya.100.37)

कच्चिद्व्यपास्तानहितान् प्रतियातांश्च सर्वदा। दुर्बलाननवज्ञाय वर्तसे रिपुसूदन॥ 100.37 ॥

kaccidvyapāstānahitān pratiyātāṃśca sarvadā| durbalānanavajñāya vartase ripusūdana

"हे शत्रुनाशक! जो शत्रु परास्त होकर भाग गये हों या पुनः लौट आये हों, क्या तुम उन्हें दुर्बल समझकर उपेक्षा किये बिना ही उनके प्रति सतर्क व्यवहार करते हो?"

श्लोक 38 (ayodhya.100.38)

कच्चिन्न लोकायतिकान् ब्राह्मणांस्तात सेवसे। अनर्थकुशला ह्येते बालाः पण्डितमानिनः॥ 100.38 ॥

kaccinna lokāyatikān brāhmaṇāṃstāta sevase| anarthakuśalā hyete bālāḥ paṇḍitamāninaḥ

"हे तात! तुम लोकायत मतवादी ब्राह्मणों की सेवा तो नहीं करते? क्योंकि ऐसे मूर्ख, पंडित होने का अभिमान रखते हुए भी, वास्तव में अनर्थ में ही कुशल होते हैं।"

श्लोक 39 (ayodhya.100.39)

धर्मशास्त्रेषु मुख्येषु विद्यमानेषु दुर्बुधाः। बुद्धिमान्वीक्षिकीं प्राप्य निरर्थं प्रवदन्ति ते॥ 100.39 ॥

dharmaśāstreṣu mukhyeṣu vidyamāneṣu durbudhāḥ| buddhimānvīkṣikīṃ prāpya nirarthaṃ pravadanti te

"धर्मशास्त्रों के प्रमुख ग्रन्थों के विद्यमान रहते हुए भी, वे दुर्बुद्धि लोग केवल तर्कशास्त्र (कुतर्क) का सहारा लेकर निरर्थक बातें ही करते हैं।"

श्लोक 40 (ayodhya.100.40)

वीरैरध्युषितां पूर्वमस्माकं तात पूर्वकैः। सत्यनामां दृढद्वारां हस्त्यश्वरथसङ्कुलाम्॥ 100.40 ॥

vīrairadhyuṣitāṃ pūrvamasmākaṃ tāta pūrvakaiḥ| satyanāmāṃ dṛḍhadvārāṃ hastyaśvarathasaṅkulām

"हे तात! जो नगरी पहले हमारे वीर पूर्वजों द्वारा बसायी गयी थी, जो अपने नाम को सार्थक करने वाली, सुदृढ़ द्वारों वाली तथा हाथी-घोड़े-रथों से भरी हुई है,"

श्लोक 41 (ayodhya.100.41)

ब्राह्मणैः क्षत्रियैर्वैश्यैः स्वकर्मनिरतैः सदा। जितेन्द्रियैर्महोत्साहैर्वृतामार्यैः सहस्रशः॥ 100.41 ॥

brāhmaṇaiḥ kṣatriyairvaiśyaiḥ svakarmanirataiḥ sadā| jitendriyairmahotsāhairvṛtāmāryaiḥ sahasraśaḥ

"जो सदा अपने-अपने कर्तव्य में तत्पर, जितेन्द्रिय और महान् उत्साही हजारों श्रेष्ठ ब्राह्मणों, क्षत्रियों तथा वैश्यों से घिरी हुई है,"

श्लोक 42 (ayodhya.100.42)

प्रासादैर्विविधाकारैर्वृतां वैद्यजनाकुलाम्। कच्चित्सुमुदितां स्फीतामयोध्यां परिरक्षसि॥ 100.42 ॥

prāsādairvividhākārairvṛtāṃ vaidyajanākulām| kaccitsumuditāṃ sphītāmayodhyāṃ parirakṣasi

"अनेक प्रकार के भवनों से घिरी और वैद्यों से भरी हुई उस समृद्ध और आनन्दित अयोध्या की क्या तुम भलीभाँति रक्षा कर रहे हो?"

श्लोक 43 (ayodhya.100.43)

कच्चिच्चित्यशतैर्जुष्टः सुनिविष्टजनाकुलः। देवस्थानैः प्रपाभिश्च तटाकैश्चोपशोभितः॥ 100.43 ॥

kacciccityaśatairjuṣṭaḥ suniviṣṭajanākulaḥ| devasthānaiḥ prapābhiśca taṭākaiścopaśobhitaḥ

"क्या वह सैकड़ों चैत्यों से सुशोभित, सुव्यवस्थित बसे हुए लोगों से भरी हुई, तथा देवालयों, प्याऊओं और तालाबों से सुशोभित है?"

श्लोक 44 (ayodhya.100.44)

प्रहृष्टनरनारीकः समाजोत्सवशोभितः। सुकृष्टसीमा पशुमान् हिंसाभिः परिवर्जितः॥ 100.44 ॥

prahṛṣṭanaranārīkaḥ samājotsavaśobhitaḥ| sukṛṣṭasīmā paśumān hiṃsābhiḥ parivarjitaḥ

"क्या वह हर्षित नर-नारियों वाला, उत्सव-समारोहों से सुशोभित, सुकर्षित सीमाओं वाला, पशुधन से युक्त तथा हिंसा से रहित है?"

श्लोक 45 (ayodhya.100.45)

अदेवमातृको रम्यः श्वापदैः परिवर्जितः। परित्यक्तो भयैः सर्वैः खनिभिश्चोपशोभितः॥ 100.45 ॥

adevamātṛko ramyaḥ śvāpadaiḥ parivarjitaḥ| parityakto bhayaiḥ sarvaiḥ khanibhiścopaśobhitaḥ

"क्या वह जनपद केवल वर्षा पर निर्भर न रहकर, हिंसक पशुओं से मुक्त, समस्त भयों से रहित तथा खानों से सुशोभित है?"

श्लोक 46 (ayodhya.100.46)

विवर्जितो नरैः पापैर्मम पूर्वैः सुरक्षितः। कच्चिज्जनपदः स्फीतः सुखं वसति राघव॥ 100.46 ॥

vivarjito naraiḥ pāpairmama pūrvaiḥ surakṣitaḥ| kaccijjanapadaḥ sphītaḥ sukhaṃ vasati rāghava

"पापी पुरुषों से रहित तथा मेरे पूर्वजों द्वारा सुरक्षित वह जनपद - हे राघव! क्या समृद्ध होकर सुखपूर्वक बसा हुआ है?"

श्लोक 47 (ayodhya.100.47)

कच्चित्ते दयिताः सर्वे कृषिगोरक्षजीविनः। वार्तायां संश्रितस्तात लोको हि सुखमेधते॥ 100.47 ॥

kaccitte dayitāḥ sarve kṛṣigorakṣajīvinaḥ| vārtāyāṃ saṃśritastāta loko hi sukhamedhate

"क्या कृषि और गोरक्षा से जीविका चलाने वाले सभी लोग तुम्हें प्रिय हैं? हे तात! क्योंकि आजीविका पर निर्भर वही जनता सुखपूर्वक फलती-फूलती है।"

श्लोक 48 (ayodhya.100.48)

तेषां गुप्तिपरीहारैः कच्चित्ते भरणं कृतम्। रक्ष्या हि राज्ञा धर्मेण सर्वे विषयवासिनः॥ 100.48 ॥

teṣāṃ guptiparīhāraiḥ kaccitte bharaṇaṃ kṛtam| rakṣyā hi rājñā dharmeṇa sarve viṣayavāsinaḥ

"क्या तुमने उनकी सुरक्षा और सुविधाओं का समुचित प्रबंध किया है? क्योंकि राज्य के समस्त निवासियों की रक्षा राजा को धर्मपूर्वक करनी चाहिए।"

श्लोक 49 (ayodhya.100.49)

कच्चित्स्त्रियः सान्त्वयसि कच्चित्ताश्च सुरक्षिताः। कच्चिन्न श्रद्दधास्यासां कच्चिद्गुह्यं न भाषसे॥ 100.49 ॥

kaccitstriyaḥ sāntvayasi kaccittāśca surakṣitāḥ| kaccinna śraddadhāsyāsāṃ kaccidguhyaṃ na bhāṣase

"क्या तुम अपनी स्त्रियों के साथ सौम्य व्यवहार करते हो? क्या वे सुरक्षित हैं? कहीं तुम उन पर अत्यधिक विश्वास तो नहीं करते, और कोई गुप्त बात तो नहीं बताते?"

श्लोक 50 (ayodhya.100.50)

कच्चिन्नागवनं गुप्तं कच्चित्ते सन्ति धेनुकाः। कच्चिन्न गणिकाश्वानां कुञ्जराणां च तृप्यसि॥ 100.50 ॥

kaccinnāgavanaṃ guptaṃ kaccitte santi dhenukāḥ| kaccinna gaṇikāśvānāṃ kuñjarāṇāṃ ca tṛpyasi

"क्या तुम्हारा गजवन सुरक्षित है? क्या तुम्हारे पास पर्याप्त दुधारू गौएँ हैं? कहीं तुम गणिकाओं, अश्वों और गजों में इतने आसक्त तो नहीं हो कि तृप्ति ही न हो?"

श्लोक 51 (ayodhya.100.51)

कच्चिद्दर्शयसे नित्यं मनुष्याणां विभूषितम्। उत्थायोत्थाय पूर्वाह्णे राजपुत्र महापथे॥ 100.51 ॥

kacciddarśayase nityaṃ manuṣyāṇāṃ vibhūṣitam| utthāyotthāya pūrvāhṇe rājaputra mahāpathe

"हे राजकुमार! क्या तुम प्रतिदिन प्रातःकाल उठकर, सुसज्जित होकर, राजमार्ग पर लोगों को अपना दर्शन देते हो?"

श्लोक 52 (ayodhya.100.52)

कच्चिन्न सर्वे कर्मान्ताः प्रत्यक्षास्तेऽविशङ्कया। सर्वे वा पुनरुत्सृष्टा मध्यमेवात्र कारणम्॥ 100.52 ॥

kaccinna sarve karmāntāḥ pratyakṣāste'viśaṅkayā| sarve vā punarutsṛṣṭā madhyamevātra kāraṇam

"क्या तुम्हारे सारे कार्य केवल तुम्हारे प्रत्यक्ष निरीक्षण में ही निर्विश्वास होकर होते हैं, अथवा सर्वथा दूसरों पर छोड़ दिये जाते हैं? इसमें मध्यम मार्ग ही उचित है।"

श्लोक 53 (ayodhya.100.53)

कच्चित्सर्वाणि दुर्गाणि धनधान्यायुधोदकैः। यन्त्रैश्च परिपूर्णानि तथा शिल्पिधनुर्धरैः॥ 100.53 ॥

kaccitsarvāṇi durgāṇi dhanadhānyāyudhodakaiḥ| yantraiśca paripūrṇāni tathā śilpidhanurdharaiḥ

"क्या तुम्हारे सभी दुर्ग धन, धान्य, शस्त्र, जल तथा यंत्रों से, और शिल्पियों तथा धनुर्धारियों से पूर्ण रूप से सुसज्जित हैं?"

श्लोक 54 (ayodhya.100.54)

आयस्ते विपुलः कच्चित्कच्चिदल्पतरो व्ययः। अपात्रेषु न ते कच्चित्कोशो गच्छति राघव॥ 100.54 ॥

āyaste vipulaḥ kaccitkaccidalpataro vyayaḥ| apātreṣu na te kaccitkośo gacchati rāghava

"क्या तुम्हारी आय पर्याप्त है और व्यय अपेक्षाकृत कम है? हे राघव! कहीं तुम्हारा कोष अपात्र व्यक्तियों में तो व्यय नहीं होता?"

श्लोक 55 (ayodhya.100.55)

देवतार्थे च पित्रर्थे ब्राह्मणाभ्यागतेषु च। योधेषु मित्रवर्गेषु कच्चिद्गच्छति ते व्ययः॥ 100.55 ॥

devatārthe ca pitrarthe brāhmaṇābhyāgateṣu ca| yodheṣu mitravargeṣu kaccidgacchati te vyayaḥ

"क्या तुम्हारा व्यय देवकार्य, पितृकार्य, ब्राह्मणों और अतिथियों, योद्धाओं तथा मित्र-वर्ग के लिए होता है?"

श्लोक 56 (ayodhya.100.56)

कच्चिदार्यो विशुद्धात्मा आक्षारितश्चोरकर्मणा। अपृष्टः शास्त्रकुशलैर्न लोभाद्वध्यते शुचिः॥ 100.56 ॥

kaccidāryo viśuddhātmā ākṣāritaścorakarmaṇā| apṛṣṭaḥ śāstrakuśalairna lobhādvadhyate śuciḥ

"क्या पवित्रात्मा किसी निर्दोष आर्य पुरुष को, जो चोरी के आरोप में फँसाया गया हो, शास्त्रज्ञों द्वारा बिना जाँचे-परखे ही लोभवश मृत्युदंड तो नहीं दिया जाता?"

श्लोक 57 (ayodhya.100.57)

गृहीतश्चैव पृष्टश्च काले दृष्टः सकारणः। कच्चिन्न मुच्यते चोरो धनलोभान्नरर्षभ॥ 100.57 ॥

gṛhītaścaiva pṛṣṭaśca kāle dṛṣṭaḥ sakāraṇaḥ| kaccinna mucyate coro dhanalobhānnararṣabha

"हे नरश्रेष्ठ! पकड़े जाने, पूछताछ किये जाने तथा उचित समय पर कारण-सहित दोषी सिद्ध होने पर भी, कहीं कोई चोर धन के लोभ में छोड़ तो नहीं दिया जाता?"

श्लोक 58 (ayodhya.100.58)

व्यसने कच्चिदाढ्यस्य दुर्गतस्य च राघव। अर्थं विरागाः पश्यन्ति तवामात्या बहुश्रुताः॥ 100.58 ॥

vyasane kaccidāḍhyasya durgatasya ca rāghava| arthaṃ virāgāḥ paśyanti tavāmātyā bahuśrutāḥ

"हे राघव! धनी और निर्धन के बीच किसी विवाद में, क्या तुम्हारे बहुश्रुत मंत्री निष्पक्ष भाव से ही मामले पर विचार करते हैं?"

श्लोक 59 (ayodhya.100.59)

यानि मिथ्याभिशस्तानां पतन्त्यस्राणि राघव। तानि पुत्रपशून् घ्नन्ति प्रीत्यर्थमनुशासतः॥ 100.59 ॥

yāni mithyābhiśastānāṃ patantyasrāṇi rāghava| tāni putrapaśūn ghnanti prītyarthamanuśāsataḥ

"हे राघव! झूठे आरोप में फँसाये गये लोगों के जो आँसू गिरते हैं, वे उस शासक के पुत्रों और पशुओं का नाश कर देते हैं, जो केवल प्रसन्नता के लिए शासन करता है।"

श्लोक 60 (ayodhya.100.60)

कच्चिद्वृद्धांश्च बालांश्च वैद्यमुख्यांश्च राघव। दानेन मनसा वाचा त्रिभिरेतैर्बुभूषसे॥ 100.60 ॥

kaccidvṛddhāṃśca bālāṃśca vaidyamukhyāṃśca rāghava| dānena manasā vācā tribhiretairbubhūṣase

"हे राघव! क्या तुम वृद्धों, बालकों तथा श्रेष्ठ वैद्यों को दान, मन और वाणी - इन तीनों के द्वारा अपने अनुकूल बनाने का प्रयत्न करते हो?"

श्लोक 61 (ayodhya.100.61)

कच्चिद्गुरूंश्च वृद्धांश्च तापसान् देवतातिथीन्। चैत्यांश्च सर्वान् सिद्धार्थान् ब्राह्मणांश्च नमस्यसि॥ 100.61 ॥

kaccidgurūṃśca vṛddhāṃśca tāpasān devatātithīn| caityāṃśca sarvān siddhārthān brāhmaṇāṃśca namasyasi

"क्या तुम गुरुजनों, वृद्धों, तपस्वियों, देवताओं तथा अतिथियों को, समस्त सिद्ध चैत्यों को और ब्राह्मणों को प्रणाम करते हो?"

श्लोक 62 (ayodhya.100.62)

कच्चिदर्थेन वा धर्ममर्थं धर्मेण वा पुनः। उभौ वा प्रीतिलोभेन कामेन च न बाधसे॥ 100.62 ॥

kaccidarthena vā dharmamarthaṃ dharmeṇa vā punaḥ| ubhau vā prītilobhena kāmena ca na bādhase

"कहीं तुम धर्म को अर्थ के लिए, अथवा अर्थ को धर्म के लिए बाधित तो नहीं करते? अथवा दोनों को ही स्नेह, लोभ या काम-वासना के कारण बाधित तो नहीं करते?"

श्लोक 63 (ayodhya.100.63)

कच्चिदर्थं च धर्मं च कामं च जयतां वर। विभज्य काले कालज्ञ सर्वान् वरद सेवसे॥ 100.63 ॥

kaccidarthaṃ ca dharmaṃ ca kāmaṃ ca jayatāṃ vara| vibhajya kāle kālajña sarvān varada sevase

"हे विजयियों में श्रेष्ठ, काल के ज्ञाता, वरदायक! क्या तुम अर्थ, धर्म और काम - तीनों का उचित समय बाँटकर समुचित सेवन करते हो?"

श्लोक 64 (ayodhya.100.64)

कच्चित्ते ब्राह्मणाः शर्म सर्वशास्त्रार्थकोविदाः। आशंसन्ते महाप्राज्ञ पौरजानपदैः सह॥ 100.64 ॥

kaccitte brāhmaṇāḥ śarma sarvaśāstrārthakovidāḥ| āśaṃsante mahāprājña paurajānapadaiḥ saha

"हे महाप्राज्ञ! क्या समस्त शास्त्रों के अर्थ में निपुण ब्राह्मणगण, नगरवासियों और जनपदवासियों के साथ मिलकर तुम्हारे कल्याण की कामना करते हैं?"

श्लोक 65 (ayodhya.100.65)

नास्तिक्यमनृतं क्रोधं प्रमादं दीर्घसूत्रताम्। अदर्शनं ज्ञानवतामालस्यं पञ्चवृत्तिताम्॥ 100.65 ॥

nāstikyamanṛtaṃ krodhaṃ pramādaṃ dīrghasūtratām| adarśanaṃ jñānavatāmālasyaṃ pañcavṛttitām

"नास्तिकता, असत्य, क्रोध, प्रमाद, कार्य में विलम्ब करना, ज्ञानीजनों का दर्शन न करना, आलस्य, पाँचों इन्द्रियों की तृप्ति में लिप्त रहना,"

श्लोक 66 (ayodhya.100.66)

एकचिन्तनमर्थानामनर्थज्ञैश्च मन्त्रणम्। निश्चितानामनारम्भं मन्त्रस्यापरिरक्षणम्॥ 100.66 ॥

ekacintanamarthānāmanarthajñaiśca mantraṇam| niścitānāmanārambhaṃ mantrasyāparirakṣaṇam

"राज्य-कार्यों पर अकेले ही विचार करना, अनर्थ जानने वालों से मंत्रणा करना, निश्चित किये गये कार्यों को आरम्भ न करना, तथा मंत्रणा की गोपनीयता की रक्षा न करना -"

श्लोक 67 (ayodhya.100.67)

मङ्गलस्याप्रयोगं च प्रत्युत्थानं च सर्वतः। कच्चित्त्वं वर्जयस्येतान् राजदोषांश्चतुर्दश॥ 100.67 ॥

maṅgalasyāprayogaṃ ca pratyutthānaṃ ca sarvataḥ| kaccittvaṃ varjayasyetān rājadoṣāṃścaturdaśa

"तथा मंगल-कार्यों का न करना और सब पर बिना विचार आक्रमण कर देना - क्या तुम राजाओं के इन चौदह दोषों से बचते हो?"

श्लोक 68 (ayodhya.100.68)

दश पञ्च चतुर्वर्गान् सप्तवर्गं च तत्त्वतः। अष्टवर्गं त्रिवर्गं च विद्यास्तिस्रश्च राघव॥ 100.68 ॥

daśa pañca caturvargān saptavargaṃ ca tattvataḥ| aṣṭavargaṃ trivargaṃ ca vidyāstisraśca rāghava

"हे राघव! पंद्रह अंगों को, साधन-चतुष्टय को, राज्य के सप्तांगों को, अष्टवर्ग को, त्रिवर्ग को तथा तीनों विद्याओं को,"

श्लोक 69 (ayodhya.100.69)

इन्द्रियाणां जयं बुद्ध्वा षाड्गुण्यं दैवमानुषम्। कृत्यं विंशतिवर्गं च तथा प्रकृतिमण्डलम्॥ 100.69 ॥

indriyāṇāṃ jayaṃ buddhvā ṣāḍguṇyaṃ daivamānuṣam| kṛtyaṃ viṃśativargaṃ ca tathā prakṛtimaṇḍalam

"इन्द्रिय-विजय को समझकर, दैवी और मानवी षाड्गुण्य नीति को, बीस प्रकार के कर्तव्यों को तथा प्रकृति-मण्डल को,"

श्लोक 70 (ayodhya.100.70)

यात्रादण्डविधानं च द्वियोनी सन्धिविग्रहौ। कच्चिदेतान् महाप्राज्ञ यथावदनुमन्यसे॥ 100.70 ॥

yātrādaṇḍavidhānaṃ ca dviyonī sandhivigrahau| kaccidetān mahāprājña yathāvadanumanyase

"तथा यात्रा और दण्ड की विधि, तथा संधि और विग्रह इन दोनों को - हे महाप्राज्ञ! क्या तुम इन सबको यथोचित रूप से समझते हो?"

श्लोक 71 (ayodhya.100.71)

मन्त्रिभिस्त्वं यथोद्दिष्टैश्चतुर्भिस्त्रिभिरेव वा। कच्चित्समस्तैर्व्यस्तैश्च मन्त्रं मन्त्रयसे मिथः॥ 100.71 ॥

mantribhistvaṃ yathoddiṣṭaiścaturbhistribhireva vā| kaccitsamastairvyastaiśca mantraṃ mantrayase mithaḥ

"क्या तुम इसी हेतु नियुक्त चार अथवा तीन मंत्रियों के साथ, कभी सामूहिक रूप से और कभी पृथक्-पृथक् रूप से मंत्रणा करते हो?"

श्लोक 72 (ayodhya.100.72)

कच्चित्ते सफला वेदाः कच्चित्ते सफलाः क्रियाः। कच्चित्ते सफला दाराः कच्चित्ते सफलं श्रुतम्॥ 100.72 ॥

kaccitte saphalā vedāḥ kaccitte saphalāḥ kriyāḥ| kaccitte saphalā dārāḥ kaccitte saphalaṃ śrutam

"क्या तुम्हारा वेदाध्ययन सफल हुआ है? क्या तुम्हारे कर्म सफल हुए हैं? क्या तुम्हारा दाम्पत्य जीवन सफल हुआ है? क्या तुम्हारा शास्त्र-श्रवण सफल हुआ है?"

श्लोक 73 (ayodhya.100.73)

कच्चिदेषैव ते बुद्धिर्यथोक्ता मम राघव। आयुष्या च यशस्या च धर्मकामार्थसंहिता॥ 100.73 ॥

kaccideṣaiva te buddhiryathoktā mama rāghava| āyuṣyā ca yaśasyā ca dharmakāmārthasaṃhitā

"हे राघव! क्या तुम्हारी बुद्धि अब भी वैसी ही है जैसी मैंने यहाँ बतायी - जो दीर्घायु और यश देने वाली तथा धर्म, अर्थ और काम से युक्त हो?"

श्लोक 74 (ayodhya.100.74)

यां वृत्तिं वर्तते तातो यां च नः प्रपितामहाः। तां वृत्तिं वर्तसे कच्चिद्या च सत्पथगा शुभा॥ 100.74 ॥

yāṃ vṛttiṃ vartate tāto yāṃ ca naḥ prapitāmahāḥ| tāṃ vṛttiṃ vartase kaccidyā ca satpathagā śubhā

"जिस आचरण-मार्ग का पालन हमारे पिता ने और हमारे पूर्वजों ने किया, क्या तुम भी उसी शुभ और सत्पथगामी आचरण-मार्ग का पालन करते हो?"

श्लोक 75 (ayodhya.100.75)

कच्चित्स्वादु कृतं भोज्यमेको नाश्नासि राघव। कच्चिदाशंसमानेभ्यो मित्रेभ्यः सम्प्रयच्छसि॥ 100.75 ॥

kaccitsvādu kṛtaṃ bhojyameko nāśnāsi rāghava| kaccidāśaṃsamānebhyo mitrebhyaḥ samprayacchasi

"हे राघव! स्वादिष्ट भोजन बनने पर कहीं तुम उसे अकेले तो नहीं खा लेते? क्या तुम आशा भरी दृष्टि से देखने वाले मित्रों को भी उसमें सम्मिलित करते हो?"

श्लोक 76 (ayodhya.100.76)

राजा तु धर्मेण हि पालयित्वा महामतिर्दण्डधरः प्रजानाम्। अवाप्य कृत्स्नां वसुधां यथावदितश्च्युतः स्वर्गमुपैति विद्वान्॥ 100.76 ॥

rājā tu dharmeṇa hi pālayitvā mahāmatirdaṇḍadharaḥ prajānām| avāpya kṛtsnāṃ vasudhāṃ yathāvaditaścyutaḥ svargamupaiti vidvān

क्योंकि महाबुद्धिमान् और दण्डधारी राजा, इस प्रकार धर्मपूर्वक प्रजा का पालन करके तथा सम्पूर्ण पृथ्वी को यथाविधि प्राप्त करके, यहाँ से जाने पर वह विद्वान् स्वर्ग को प्राप्त होता है।