चित्रकूट में भरत-राम मिलन

श्लोक 1 (ayodhya.99.1)

निविष्टायां तु सेनायामुत्सुको भरतस्तदा। जगाम भ्रातरं द्रष्टुं शत्रुघ्नमनुदर्शयन्॥ 99.1 ॥

niviṣṭāyāṃ tu senāyāmutsuko bharatastadā| jagāma bhrātaraṃ draṣṭuṃ śatrughnamanudarśayan

जब सेना का पड़ाव पड़ चुका, तब उत्सुक भरत शत्रुघ्न को साथ लेकर अपने भाई को देखने के लिए चल पड़े।

श्लोक 2 (ayodhya.99.2)

ऋषिं वसिष्ठं सन्दिश्य मातरं मे शीघ्रमानय। इति त्वरितमग्रे स जगाम गुरुवत्सलः॥ 99.2 ॥

ṛṣiṃ vasiṣṭhaṃ sandiśya mātaraṃ me śīghramānaya| iti tvaritamagre sa jagāma guruvatsalaḥ

"शीघ्र मेरी माता को ले आना" - ऋषि वसिष्ठ को यह संदेश देकर, गुरुजनों के प्रति स्नेह रखने वाले भरत आगे-आगे तेज़ी से बढ़ चले।

श्लोक 3 (ayodhya.99.3)

सुमन्त्रस्त्वपि शत्रुघ्नमदूरादन्वपद्यत। रामदर्शनजस्तर्षो भरतस्येव तस्य च॥ 99.3 ॥

sumantrastvapi śatrughnamadūrādanvapadyata| rāmadarśanajastarṣo bharatasyeva tasya ca

सुमन्त्र भी शत्रुघ्न से थोड़ी ही दूरी पर चलते रहे; राम-दर्शन की वही उत्कण्ठा उनमें भी थी जो भरत में थी।

श्लोक 4 (ayodhya.99.4)

गच्छन्नेवाथ भरतस्तापसालयसंस्थिताम्। भ्रातुः पर्णकुटीं श्रीमानुटजं च ददर्श ह॥ 99.4 ॥

gacchannevātha bharatastāpasālayasaṃsthitām| bhrātuḥ parṇakuṭīṃ śrīmānuṭajaṃ ca dadarśa ha

इसी प्रकार चलते हुए श्रीमान् भरत ने तपस्वियों के आश्रम-जैसी बनी अपने भाई की पर्णकुटी और उटज देखा।

श्लोक 5 (ayodhya.99.5)

शालायास्त्वग्रतस्तस्या ददर्श भरतस्तदा। काष्ठानि चावभग्नानि पुष्पाण्युपचितानि च॥ 99.5 ॥

śālāyāstvagratastasyā dadarśa bharatastadā| kāṣṭhāni cāvabhagnāni puṣpāṇyupacitāni ca

उस कुटी के सामने भरत ने टूटी हुई लकड़ियाँ और बटोरे हुए फूल पड़े देखे।

श्लोक 6 (ayodhya.99.6)

सलक्ष्मणस्य रामस्य ददर्शाश्रममीयुषः। कृतं वृक्षेष्वभिज्ञानं कुशचीरैः क्वचित् क्वचित्॥ 99.6 ॥

salakṣmaṇasya rāmasya dadarśāśramamīyuṣaḥ| kṛtaṃ vṛkṣeṣvabhijñānaṃ kuśacīraiḥ kvacit kvacit

लक्ष्मण-सहित राम के उस आश्रम के निकट उन्होंने वृक्षों पर कहीं-कहीं कुश और वल्कल की पट्टियों से बनाए गए चिह्न देखे।

श्लोक 7 (ayodhya.99.7)

ददर्श च वने तस्मिन् महतः सञ्चयान् कृतान्। मृगाणां महिषाणां च करीषैः शीतकारणात्॥ 99.7 ॥

dadarśa ca vane tasmin mahataḥ sañcayān kṛtān| mṛgāṇāṃ mahiṣāṇāṃ ca karīṣaiḥ śītakāraṇāt

उस वन में उन्होंने ठंड से बचने के लिए इकट्ठा किए गए मृगों और भैंसों के गोबर के बड़े-बड़े ढेर भी देखे।

श्लोक 8 (ayodhya.99.8)

गच्छन्नेव महाबाहुर्द्युतिमान् भरतस्तदा। शत्रुघ्नं चाब्रवीद्धृष्टस्तानमात्यांश्च सर्वशः॥ 99.8 ॥

gacchanneva mahābāhurdyutimān bharatastadā| śatrughnaṃ cābravīddhṛṣṭastānamātyāṃśca sarvaśaḥ

इस प्रकार चलते हुए महाबाहु और तेजस्वी भरत ने प्रसन्न होकर शत्रुघ्न से तथा सभी मंत्रियों से कहा।

श्लोक 9 (ayodhya.99.9)

मन्ये प्राप्ताः स्म तं देशं भरद्वाजो यमब्रवीत्। नातिदूरे हि मन्येऽहं नदीं मन्दाकिनीमितः॥ 99.9 ॥

manye prāptāḥ sma taṃ deśaṃ bharadvājo yamabravīt| nātidūre hi manye'haṃ nadīṃ mandākinīmitaḥ

"मुझे लगता है हम उसी स्थान पर पहुँच गए हैं जिसकी चर्चा भरद्वाज मुनि ने की थी; मुझे विश्वास है कि मन्दाकिनी नदी यहाँ से अधिक दूर नहीं है।"

श्लोक 10 (ayodhya.99.10)

उच्चैर्बद्धानि चीराणि लक्ष्मणेन भवेदयम्। अभिज्ञानकृतः पन्था विकाले गन्तुमिच्छता॥ 99.10 ॥

uccairbaddhāni cīrāṇi lakṣmaṇena bhavedayam| abhijñānakṛtaḥ panthā vikāle gantumicchatā

"ऊँचाई पर बँधी हुई ये वल्कल-पट्टियाँ अवश्य ही लक्ष्मण द्वारा बनाया गया वह चिह्न होंगी, जो देर के समय आने-जाने के लिए मार्ग सूचित करने हेतु बनाई गई हैं।"

श्लोक 11 (ayodhya.99.11)

इदं चोदात्तदन्तानां कुञ्जराणां तरस्विनाम्। शैलपार्श्वे परिक्रान्तमन्योन्यमभिगर्जताम्॥ 99.11 ॥

idaṃ codāttadantānāṃ kuñjarāṇāṃ tarasvinām| śailapārśve parikrāntamanyonyamabhigarjatām

"और यह प्रबल दाँतों वाले वेगवान् हाथियों का चिह्न है, जो पर्वत के किनारे परस्पर गरजते हुए विचरण करते हैं।"

श्लोक 12 (ayodhya.99.12)

यमेवाधातुमिच्छन्ति तापसाः सततं वने। तस्यासौ दृश्यते धूमः सङ्कुलः कृष्णवर्त्मनः॥ 99.12 ॥

yamevādhātumicchanti tāpasāḥ satataṃ vane| tasyāsau dṛśyate dhūmaḥ saṅkulaḥ kṛṣṇavartmanaḥ

"तपस्वी जिसे वन में सदा प्रज्वलित रखना चाहते हैं, उसी अग्नि का यह सघन धुआँ दिखाई दे रहा है।"

श्लोक 13 (ayodhya.99.13)

अत्राहं पुरुषव्याघ्रं गुरुसंस्कारकारिणम्। आर्यं द्रक्ष्यामि संहृष्टो महर्षिमिव राघवम्॥ 99.13 ॥

atrāhaṃ puruṣavyāghraṃ gurusaṃskārakāriṇam| āryaṃ drakṣyāmi saṃhṛṣṭo maharṣimiva rāghavam

"यहीं मैं प्रसन्नतापूर्वक अपने गुरुजनों का सत्कार करने वाले, महर्षि के समान पूज्य, पुरुषों में श्रेष्ठ आर्य राघव को देखूँगा।"

श्लोक 14 (ayodhya.99.14)

अथ गत्वा मुहूर्तं तु चित्रकूटं स राघवः। मन्दाकिनीमनुप्राप्तस्तं जनं चेदमब्रवीत्॥ 99.14 ॥

atha gatvā muhūrtaṃ tu citrakūṭaṃ sa rāghavaḥ| mandākinīmanuprāptastaṃ janaṃ cedamabravīt

फिर कुछ ही देर चलकर, चित्रकूट पहुँचकर और मन्दाकिनी नदी को पाकर, भरत ने अपने साथियों से यह कहा।

श्लोक 15 (ayodhya.99.15)

जगत्यां पुरुषव्याघ्र आस्ते वीरासने रतः। जनेन्द्रो निर्जनं प्राप्य धिङ्मे जन्म सजीवितम्॥ 99.15 ॥

jagatyāṃ puruṣavyāghra āste vīrāsane rataḥ| janendro nirjanaṃ prāpya dhiṅme janma sajīvitam

"जो पुरुषों में श्रेष्ठ, जन-नायक इस पृथ्वी पर वीरासन पर विराजमान रहते थे, वे आज निर्जन स्थान में हैं - धिक्कार है मेरे इस जीवन और जन्म को!"

श्लोक 16 (ayodhya.99.16)

मत्कृते व्यसनं प्राप्तो लोकनाथो महाद्युतिः। सर्वान् कामान् परित्यज्य वने वसति राघवः॥ 99.16 ॥

matkṛte vyasanaṃ prāpto lokanātho mahādyutiḥ| sarvān kāmān parityajya vane vasati rāghavaḥ

"मेरे ही कारण महातेजस्वी लोकनाथ विपत्ति में पड़े और सारे सुख-भोग त्यागकर राघव वन में निवास कर रहे हैं।"

श्लोक 17 (ayodhya.99.17)

इति लोकसमाक्रुष्टः पादेष्वद्य प्रसादयन्। रामस्य निपतिष्यामि सीताया लक्ष्मणस्य च॥ 99.17 ॥

iti lokasamākruṣṭaḥ pādeṣvadya prasādayan| rāmasya nipatiṣyāmi sītāyā lakṣmaṇasya ca

"इस प्रकार समस्त जगत् द्वारा धिक्कारा गया मैं, आज क्षमा माँगते हुए राम, सीता और लक्ष्मण के चरणों में गिर पड़ूँगा।"

श्लोक 18 (ayodhya.99.18)

एवं स विलपंस्तस्मिन् वने दशरथात्मजः। ददर्श महतीं पुण्यां पर्णशालां मनोरमाम्॥ 99.18 ॥

evaṃ sa vilapaṃstasmin vane daśarathātmajaḥ| dadarśa mahatīṃ puṇyāṃ parṇaśālāṃ manoramām

इस प्रकार उस वन में विलाप करते हुए दशरथ-पुत्र भरत ने एक विशाल, पवित्र और मनोहर पर्णशाला देखी।

श्लोक 19 (ayodhya.99.19)

सालतालाश्वकर्णानां पर्णैर्बहुभिरावृताम्। विशालां मृदुभिस्तीर्णां कुशैर्वेदिमिवाध्वरे॥ 99.19 ॥

sālatālāśvakarṇānāṃ parṇairbahubhirāvṛtām| viśālāṃ mṛdubhistīrṇāṃ kuśairvedimivādhvare

वह शाल, ताल और अश्वकर्ण वृक्षों के अनेक पत्तों से ढकी हुई, विशाल तथा यज्ञ की वेदी के समान कोमल कुश से बिछी हुई थी।

श्लोक 20 (ayodhya.99.20)

शक्रायुधनिकाशैश्च कार्मुकैर्भारसाधनैः। रुक्मपृष्ठैर्महासारैः शोभितां शत्रुबाधकैः॥ 99.20 ॥

śakrāyudhanikāśaiśca kārmukairbhārasādhanaiḥ| rukmapṛṣṭhairmahāsāraiḥ śobhitāṃ śatrubādhakaiḥ

वह इन्द्रधनुष के समान भारी और शत्रु-नाशक स्वर्ण-जड़ित धनुषों से सुशोभित थी।

श्लोक 21 (ayodhya.99.21)

अर्करश्मिप्रतीकाशैर्घोरैस्तूणीगतैः शरैः। शोभितां दीप्तवदनैः सर्पैर्भोगवतीमिव॥ 99.21 ॥

arkaraśmipratīkāśairghoraistūṇīgataiḥ śaraiḥ| śobhitāṃ dīptavadanaiḥ sarpairbhogavatīmiva

सूर्य की किरणों के समान चमकते हुए तरकश में रखे भयंकर बाणों से सुशोभित वह कुटी मानो तेजस्वी सर्पों से सुशोभित भोगवती नगरी के समान थी।

श्लोक 22 (ayodhya.99.22)

महारजतवासोभ्यामसिभ्यां च विराजिताम्। रुक्मबिन्दुविचित्राभ्यां चर्मभ्यां चापि शोभिताम्॥ 99.22 ॥

mahārajatavāsobhyāmasibhyāṃ ca virājitām| rukmabinduvicitrābhyāṃ carmabhyāṃ cāpi śobhitām

वह चाँदी जैसी उज्ज्वल म्यानों वाली दो तलवारों से तथा स्वर्ण-बिन्दुओं से चित्रित दो ढालों से भी सुशोभित थी।

श्लोक 23 (ayodhya.99.23)

गोधाङ्गुलित्रैरासक्तैश्चित्रैः काञ्चनभूषितैः। अरिसङ्घैरनाधृष्यां मृगैः सिंहगुहामिव॥ 99.23 ॥

godhāṅgulitrairāsaktaiścitraiḥ kāñcanabhūṣitaiḥ| arisaṅghairanādhṛṣyāṃ mṛgaiḥ siṃhaguhāmiva

स्वर्ण से सुसज्जित अद्भुत गोधा-चर्म के अंगुलित्राणों से युक्त वह कुटी, शत्रु-समूहों के लिए वैसे ही अजेय थी जैसे सिंह की गुफा मृगों के लिए।

श्लोक 24 (ayodhya.99.24)

प्रागुदक्प्रवणां वेदिं विशालां दीप्तपावकाम्। ददर्श भरतस्तत्र पुण्यां रामनिवेशने॥ 99.24 ॥

prāgudakpravaṇāṃ vediṃ viśālāṃ dīptapāvakām| dadarśa bharatastatra puṇyāṃ rāmaniveśane

वहाँ राम के निवास-स्थान में भरत ने उत्तर-पूर्व की ओर ढलान वाली, विशाल और प्रज्वलित अग्नि से युक्त पवित्र वेदी देखी।

श्लोक 25 (ayodhya.99.25)

निरीक्ष्य स मुहूर्तं तु ददर्श भरतो गुरुम्। उटजे राममासीनं जटामण्डलधारिणम्॥ 99.25 ॥

nirīkṣya sa muhūrtaṃ tu dadarśa bharato gurum| uṭaje rāmamāsīnaṃ jaṭāmaṇḍaladhāriṇam

कुछ क्षण देखते रहने के बाद भरत ने अपने बड़े भाई राम को उटज में जटाओं का मुकुट धारण किए हुए बैठा देखा।

श्लोक 26 (ayodhya.99.26)

तं तु कृष्णाजिनधरं चीरवल्कलवाससम्। ददर्श राममासीनमभितः पावकोपमम्॥ 99.26 ॥

taṃ tu kṛṣṇājinadharaṃ cīravalkalavāsasam| dadarśa rāmamāsīnamabhitaḥ pāvakopamam

उन्होंने राम को कृष्णमृगचर्म और वल्कल वस्त्र धारण किए हुए, चारों ओर अग्नि के समान तेजस्वी दिखते हुए बैठा देखा।

श्लोक 27 (ayodhya.99.27)

सिंहस्कन्धं महाबाहुं पुण्डरीकनिभेक्षणम्। पृथिव्याः सागरान्तायाः भर्तारं धर्मचारिणम्॥ 99.27 ॥

siṃhaskandhaṃ mahābāhuṃ puṇḍarīkanibhekṣaṇam| pṛthivyāḥ sāgarāntāyāḥ bhartāraṃ dharmacāriṇam

सिंह के समान कंधों वाले, महाबाहु, श्वेत कमल जैसे नेत्रों वाले, समुद्र-पर्यन्त पृथ्वी के धर्मपरायण स्वामी राम को उन्होंने देखा।

श्लोक 28 (ayodhya.99.28)

उपविष्टं महाबाहुं ब्रह्माणमिव शाश्वतम्। स्थण्डिले दर्भसंस्तीर्णे सीतया लक्ष्मणेन च॥ 99.28 ॥

upaviṣṭaṃ mahābāhuṃ brahmāṇamiva śāśvatam| sthaṇḍile darbhasaṃstīrṇe sītayā lakṣmaṇena ca

वे महाबाहु राम कुश से बिछे हुए स्थण्डिल पर सीता और लक्ष्मण के साथ, मानो साक्षात् शाश्वत ब्रह्मा के समान विराजमान थे।

श्लोक 29 (ayodhya.99.29)

तं दृष्ट्वा भरतः श्रीमान् दुःखशोकपरिप्लुतः। अभ्यधावत धर्मात्मा भरतः कैकयीसुतः॥ 99.29 ॥

taṃ dṛṣṭvā bharataḥ śrīmān duḥkhaśokapariplutaḥ| abhyadhāvata dharmātmā bharataḥ kaikayīsutaḥ

उन्हें देखते ही दुःख और शोक से अभिभूत श्रीमान् धर्मात्मा कैकेयी-पुत्र भरत उनकी ओर दौड़ पड़े।

श्लोक 30 (ayodhya.99.30)

दृष्ट्वैव विललापार्त्तो बाष्पसन्दिग्धया गिरा। अशक्नुवन् धारयितुं धैर्याद्वचनमब्रवीत्॥ 99.30 ॥

dṛṣṭvaiva vilalāpārtto bāṣpasandigdhayā girā| aśaknuvan dhārayituṃ dhairyādvacanamabravīt

उन्हें देखते ही भरत आर्तभाव से विलाप करने लगे, उनका स्वर आँसुओं से रुँधा हुआ था; धैर्य धारण न कर सकते हुए भी उन्होंने किसी तरह वचन कहा।

श्लोक 31 (ayodhya.99.31)

यः संसदि प्रकृतिभिर्भवेद्युक्त उपासितुम्। वन्यैर्मृगैरुपासीनः सोऽयमास्ते ममाग्रजः॥ 99.31 ॥

yaḥ saṃsadi prakṛtibhirbhavedyukta upāsitum| vanyairmṛgairupāsīnaḥ so'yamāste mamāgrajaḥ

"जो सभा में प्रजाजनों द्वारा सेवा के योग्य माने जाते थे, वे ही मेरे बड़े भाई आज यहाँ वन्य मृगों से घिरे बैठे हैं।"

श्लोक 32 (ayodhya.99.32)

वासोभिर्बहुसाहस्रैर्यो महात्मा पुरोचितः। मृगाजिने सोऽयमिह प्रवस्ते धर्ममाचरन्॥ 99.32 ॥

vāsobhirbahusāhasrairyo mahātmā purocitaḥ| mṛgājine so'yamiha pravaste dharmamācaran

"जो महात्मा नगर में हज़ारों बहुमूल्य वस्त्र धारण करते थे, वे ही आज यहाँ मृगचर्म पहनकर धर्माचरण करते हुए वास कर रहे हैं।"

श्लोक 33 (ayodhya.99.33)

अधारयद्यो विविधाश्चित्राः सुमनसस्तदा। सोऽयं जटाभारमिमं वहते राघवः कथम्॥ 99.33 ॥

adhārayadyo vividhāścitrāḥ sumanasastadā| so'yaṃ jaṭābhāramimaṃ vahate rāghavaḥ katham

"जो कभी नाना प्रकार के अद्भुत सुन्दर पुष्प धारण करते थे, वे राघव आज जटाओं का यह भार कैसे वहन कर रहे हैं?"

श्लोक 34 (ayodhya.99.34)

यस्य यज्ञैर्यथोद्दिष्टैर्युक्तो धर्मस्य सञ्चयः। शरीरक्लेशसम्भूतं स धर्मं परिमार्गते॥ 99.34 ॥

yasya yajñairyathoddiṣṭairyukto dharmasya sañcayaḥ| śarīrakleśasambhūtaṃ sa dharmaṃ parimārgate

"जिनका विधिवत् यज्ञों द्वारा धर्म-संचय पहले ही पूर्ण हो चुका था, वे ही अब शरीर-क्लेश से उत्पन्न होने वाले धर्म की खोज में लगे हैं।"

श्लोक 35 (ayodhya.99.35)

चन्दनेन महार्हेण यस्याङ्गमुपसेवितम्। मलेन तस्याङ्गमिदं कथमार्यस्य सेव्यते॥ 99.35 ॥

candanena mahārheṇa yasyāṅgamupasevitam| malena tasyāṅgamidaṃ kathamāryasya sevyate

"जिनका शरीर बहुमूल्य चन्दन से सेवित रहता था, आर्य का वही शरीर आज मैल से कैसे युक्त हो गया है?"

श्लोक 36 (ayodhya.99.36)

मन्निमित्तमिदं दुःखं प्राप्तो रामः सुखोचितः। धिग्जीवितं नृशंसस्य मम लोकविगर्हितम्॥ 99.36 ॥

mannimittamidaṃ duḥkhaṃ prāpto rāmaḥ sukhocitaḥ| dhigjīvitaṃ nṛśaṃsasya mama lokavigarhitam

"मेरे ही कारण सुख के योग्य राम को यह दुःख प्राप्त हुआ है। धिक्कार है इस निर्दयी, संसार-निन्दित मेरे जीवन को!"

श्लोक 37 (ayodhya.99.37)

इत्येवं विलपन् दीनः प्रस्विन्नमुखपङ्कजः। पादावप्राप्य रामस्य पपात भरतो रुदन्॥ 99.37 ॥

ityevaṃ vilapan dīnaḥ prasvinnamukhapaṅkajaḥ| pādāvaprāpya rāmasya papāta bharato rudan

इस प्रकार विलाप करते हुए, दीन और पसीने से भीगे कमल-जैसे मुख वाले भरत, राम के चरणों तक पहुँचने से पहले ही रोते हुए भूमि पर गिर पड़े।

श्लोक 38 (ayodhya.99.38)

दुःखाभितप्तो भरतो राजपुत्रो महाबलः। उक्त्वार्येति सकृद्दीनं पुनर्नोवाच किञ्चन॥ 99.38 ॥

duḥkhābhitapto bharato rājaputro mahābalaḥ| uktvāryeti sakṛddīnaṃ punarnovāca kiñcana

दुःख से संतप्त महाबली राजकुमार भरत ने एक बार दीन भाव से केवल "आर्य!" कहकर फिर कुछ भी नहीं कह सके।

श्लोक 39 (ayodhya.99.39)

बाष्पापिहितकण्ठश्च प्रेक्ष्य रामं यशस्विनम्। आर्येत्येवाथ संक्रुश्य व्याहर्तुं नाशकत्तदा॥ 99.39 ॥

bāṣpāpihitakaṇṭhaśca prekṣya rāmaṃ yaśasvinam| āryetyevātha saṃkruśya vyāhartuṃ nāśakattadā

आँसुओं से रुँधे कण्ठ के साथ यशस्वी राम को देखते हुए, वे केवल "आर्य!" पुकारकर ही रह गए, आगे कुछ भी कह पाने में असमर्थ रहे।

श्लोक 40 (ayodhya.99.40)

शत्रुघ्नश्चापि रामस्य ववन्दे चरणौ रुदन्। तावुभौ स समालिङ्ग्य रामश्चाश्रूण्यवर्त्तयत्॥ 99.40 ॥

śatrughnaścāpi rāmasya vavande caraṇau rudan| tāvubhau sa samāliṅgya rāmaścāśrūṇyavarttayat

शत्रुघ्न ने भी रोते हुए राम के चरणों की वन्दना की। राम ने उन दोनों को गले लगाकर स्वयं भी आँसू बहाए।

श्लोक 41 (ayodhya.99.41)

ततः सुमन्त्रेण गुहेन चैव समीयतू राजसुतावरण्ये। दिवाकरश्चैव निशाकरश्च यथाम्बरे शुक्रबृहस्पतिभ्याम्॥ 99.41 ॥

tataḥ sumantreṇa guhena caiva samīyatū rājasutāvaraṇye| divākaraścaiva niśākaraśca yathāmbare śukrabṛhaspatibhyām

फिर सुमन्त्र और गुह के साथ दोनों राजकुमार उस वन में इस प्रकार मिले, जैसे आकाश में शुक्र और बृहस्पति के साथ सूर्य और चन्द्रमा मिलते हों।

श्लोक 42 (ayodhya.99.42)

तान् पार्थिवान् वारणयूथपाभान् समागतांस्तत्र महत्यरण्ये। वनौकसस्तेऽपि समीक्ष्य सर्वेप्यश्रूण्यमुञ्चन् प्रविहाय हर्षम्॥ 99.42 ॥

tān pārthivān vāraṇayūthapābhān samāgatāṃstatra mahatyaraṇye| vanaukasaste'pi samīkṣya sarvepyaśrūṇyamuñcan pravihāya harṣam

उन गजराज-सम राजकुमारों को उस विशाल वन में इस प्रकार मिला हुआ देखकर, वन में रहने वाले सभी प्राणी भी अपने हर्ष को भूलकर आँसू बहाने लगे।