सभा में दशरथ का प्रस्ताव

श्लोक 1 (ayodhya.2.1)

ततः परिषदं सर्वामामन्त्र्य वसुधाधिपः | हितमुद्धर्षणं चैवमुवाच प्रथितं वचः ॥ 2.1 ॥

tataḥ pariṣadaṃ sarvāmāmantrya vasudhādhipaḥ | hitamuddharṣaṇaṃ caivamuvāca prathitaṃ vacaḥ

तब पृथ्वीपति दशरथ ने सम्पूर्ण सभा को संबोधित करके यह हितकर और आनन्दवर्धक प्रसिद्ध वचन कहा।

श्लोक 2 (ayodhya.2.2)

दुन्धुभिस्वनकल्पेन गम्भीरेणानुनादिना | स्वरेण महता राजा जीमूत इव नादयन् ॥ 2.2 ॥

dundhubhisvanakalpena gambhīreṇānunādinā | svareṇa mahatā rājā jīmūta iva nādayan

दुन्दुभि के समान गम्भीर, प्रतिध्वनित होने वाले महान् स्वर में, मानो गरजते हुए मेघ के समान ध्वनि करते हुए, राजा ने

श्लोक 3 (ayodhya.2.3)

राजलक्षणयुक्तेन कान्तेनानुपमेन च | उवाच रसयुक्तेन स्वरेण नृपतिर्नृपान् ॥ 2.3 ॥

rājalakṣaṇayuktena kāntenānupamena ca | uvāca rasayuktena svareṇa nṛpatirnṛpān

राजोचित लक्षणों से युक्त, मनोहर, अनुपम तथा रसयुक्त स्वर में उस नृपति ने राजाओं को संबोधित किया।

श्लोक 4 (ayodhya.2.4)

विदितं भवतामेतद्यथा मे राज्यमुत्तमम् | पूर्वकैर्मम राजेन्द्रैस्सुतवत् परिपालितम् ॥ 2.4 ॥

viditaṃ bhavatāmetadyathā me rājyamuttamam | pūrvakairmama rājendraissutavat paripālitam

"आप सबको यह ज्ञात है कि मेरा यह उत्तम राज्य मेरे पूर्वज राजाओं द्वारा पुत्र के समान पालित होता रहा है।

श्लोक 5 (ayodhya.2.5)

सोऽहमिक्ष्ह्वाकुभिः सर्वैर्नरेन्द्रैः परिपालितम् | श्रेयसा योक्तुकामोऽस्मि सुखार्हमखिलं जगत् ॥ 2.5 ॥

so'hamikṣhvākubhiḥ sarvairnarendraiḥ paripālitam | śreyasā yoktukāmo'smi sukhārhamakhilaṃ jagat

मैं भी इक्ष्वाकु वंश के समस्त राजाओं द्वारा पालित इस सम्पूर्ण, सुख के योग्य जगत् को और भी अधिक कल्याण से जोड़ना चाहता हूँ।

श्लोक 6 (ayodhya.2.6)

मयाप्याचरितं पूर्वैः पन्थानमनुगच्छता | प्रजा नित्यमनिद्रेण यथाशक्त्यभिरक्षिताः ॥ 2.6 ॥

mayāpyācaritaṃ pūrvaiḥ panthānamanugacchatā | prajā nityamanidreṇa yathāśaktyabhirakṣitāḥ

मैंने भी पूर्वजों द्वारा अनुसृत मार्ग का अनुगमन करते हुए, अनिद्र रहकर, यथाशक्ति सदा प्रजा की रक्षा की है।

श्लोक 7 (ayodhya.2.7)

इदं शरीरं कृत्स्नस्य लोकस्य चरता हितम् | पाण्डुरस्यातपत्रस्य च्छायायां जरितं मया ॥ 2.7 ॥

idaṃ śarīraṃ kṛtsnasya lokasya caratā hitam | pāṇḍurasyātapatrasya cchāyāyāṃ jaritaṃ mayā

समस्त प्रजा के हित का आचरण करते-करते यह मेरा शरीर श्वेत छत्र की छाया में ही जीर्ण हो गया है।

श्लोक 8 (ayodhya.2.8)

प्राप्य वर्षसहस्राणि बहू न्यायूंषि जीवतः | जीर्णस्यास्य शरीरस्य विश्रान्ति मभिरोचये ॥ 2.8 ॥

prāpya varṣasahasrāṇi bahū nyāyūṃṣi jīvataḥ | jīrṇasyāsya śarīrasya viśrānti mabhirocaye

अनेक सहस्र वर्षों तक जीवित रहने के पश्चात्, अब जीर्ण हो चुके इस शरीर के लिए मैं विश्राम चाहता हूँ।

श्लोक 9 (ayodhya.2.9)

राजप्रभावजुष्टां हि दुर्वहामजितेन्द्रियैः | परिश्रान्तोऽस्मि लोकस्य गुर्वीं धर्मधुरं वहन् ॥ 2.9 ॥

rājaprabhāvajuṣṭāṃ hi durvahāmajitendriyaiḥ | pariśrānto'smi lokasya gurvīṃ dharmadhuraṃ vahan

प्रजा के धर्म का यह भारी जूआ, जो राजोचित प्रभाव से ही वहन किया जा सकता है और जिसे अजितेन्द्रिय पुरुष वहन नहीं कर सकते, ढोते-ढोते मैं थक गया हूँ।

श्लोक 10 (ayodhya.2.10)

सोऽहं विश्रममिच्छामि पुत्रं कृत्वा प्रजाहिते | सन्निकृष्टानिमान् सर्वाननुमान्य द्विजर्षभान् ॥ 2.10 ॥

so'haṃ viśramamicchāmi putraṃ kṛtvā prajāhite | sannikṛṣṭānimān sarvānanumānya dvijarṣabhān

अतः मैं यहाँ उपस्थित इन सभी श्रेष्ठ ब्राह्मणों की अनुमति लेकर, अपने पुत्र को प्रजा के हित में नियुक्त कर विश्राम चाहता हूँ।

श्लोक 11 (ayodhya.2.11)

अनुजातो हि मां सर्वैर्गुणैर्ज्येष्ठो ममात्मजः | पुरन्दरसमो वीर्ये रामः परपुरंजयः ॥ 2.11 ॥

anujāto hi māṃ sarvairguṇairjyeṣṭho mamātmajaḥ | purandarasamo vīrye rāmaḥ parapuraṃjayaḥ

मेरा ज्येष्ठ पुत्र राम समस्त गुणों में मुझसे बढ़कर है; वह पराक्रम में इन्द्र के समान और शत्रुओं की नगरियों का विजेता है।

श्लोक 12 (ayodhya.2.12)

तं चन्द्रमिव पुष्येण युक्तं धर्मभृतां वरम् | यौवराज्ये नियोक्तास्मि प्रीतः पुरुषपुंगवम् ॥ 2.12 ॥

taṃ candramiva puṣyeṇa yuktaṃ dharmabhṛtāṃ varam | yauvarājye niyoktāsmi prītaḥ puruṣapuṃgavam

पुष्य नक्षत्र से युक्त चन्द्रमा के समान, धर्मधारियों में श्रेष्ठ और पुरुषों में सर्वोत्तम उस राम को मैं प्रसन्नतापूर्वक युवराज पद पर नियुक्त करना चाहता हूँ।

श्लोक 13 (ayodhya.2.13)

अनुरूपः स वै नाथो लक्ष्मीवान् लक्ष्मणाग्रजः | त्रैलोक्यमपि नाथेन येन स्यान्नाथवत्तरम् ॥ 2.13 ॥

anurūpaḥ sa vai nātho lakṣmīvān lakṣmaṇāgrajaḥ | trailokyamapi nāthena yena syānnāthavattaram

लक्ष्मण के बड़े भाई, ऐश्वर्यसम्पन्न वह राम स्वामी होने के सर्वथा योग्य हैं; उनके स्वामी होने से तो तीनों लोक भी और अधिक सुरक्षित हो जाएँगे।

श्लोक 14 (ayodhya.2.14)

अनेन श्रेयसा सद्यः संयोक्ष्येऽहमिमां महीम् | गतक्लेशो भविष्यामि सुते तस्मिन्निवेश्य वै ॥ 2.14 ॥

anena śreyasā sadyaḥ saṃyokṣye'hamimāṃ mahīm | gatakleśo bhaviṣyāmi sute tasminniveśya vai

इस शुभ कार्य से मैं इस पृथ्वी को शीघ्र ही उसमें स्थापित कर दूँगा, और अपने उस पुत्र को इस पद पर बिठाकर मैं समस्त क्लेशों से मुक्त हो जाऊँगा।

श्लोक 15 (ayodhya.2.15)

यदीदम् मेऽनुरुपार्थं मया साधु सुमन्त्रितम् | भवन्तो मेऽनुमन्यन्तां कथं वा करवाण्यहम् ॥ 2.15 ॥

yadīdam me'nurupārthaṃ mayā sādhu sumantritam | bhavanto me'numanyantāṃ kathaṃ vā karavāṇyaham

यदि मेरा यह भली-भाँति विचारा हुआ प्रस्ताव आपको उचित लगे, तो आप सब मुझे अपनी सम्मति दें; अन्यथा मुझे बताइए कि मैं और क्या करूँ।

श्लोक 16 (ayodhya.2.16)

यद्यप्येषा मम प्रीतिर्हितमन्यद्विचिन्त्यताम् | अन्या मद्यस्थचिन्ता हि विमर्दाभ्यधिकोदया ॥ 2.16 ॥

yadyapyeṣā mama prītirhitamanyadvicintyatām | anyā madyasthacintā hi vimardābhyadhikodayā

यद्यपि यह मेरी अपनी इच्छा है, फिर भी इसके अतिरिक्त किसी अन्य हितकर उपाय पर भी विचार किया जाए; क्योंकि निष्पक्ष मनों का विचार, परस्पर मंथन से और भी उत्कृष्ट रूप से विकसित होता है।"

श्लोक 17 (ayodhya.2.17)

इति ब्रुवन्तं मुदिताः प्रत्यनन्दन् नृपा नृपम् | वृष्टिमन्तं महामेघं नर्दन्त इव बर्हिणः ॥ 2.17 ॥

iti bruvantaṃ muditāḥ pratyanandan nṛpā nṛpam | vṛṣṭimantaṃ mahāmeghaṃ nardanta iva barhiṇaḥ

इस प्रकार कहते हुए राजा दशरथ का हर्षित राजाओं ने वैसे ही जयजयकार किया, जैसे मोर वर्षा से भरे हुए महामेघ को देखकर हर्षनाद करते हैं।

श्लोक 18 (ayodhya.2.18)

स्निग्धोऽनुनादी संजज्ञे तत्र हर्षसमीरितः | जनौघोद्घुष्टसन्नादो विमानं कम्पयन्निव ॥ 2.18 ॥

snigdho'nunādī saṃjajñe tatra harṣasamīritaḥ | janaughodghuṣṭasannādo vimānaṃ kampayanniva

वहाँ हर्ष से उत्पन्न वह मधुर, प्रतिध्वनित जनसमूह का महानाद इतना गूँजा मानो वह भवन को कम्पित कर रहा हो।

श्लोक 19 (ayodhya.2.19)

तस्य धर्मार्थविदुषो भावमाज्ञाय सर्वशः | ब्राह्मणा जनमुख्याश्च पौरजानपदैः सह ॥ 2.19 ॥

tasya dharmārthaviduṣo bhāvamājñāya sarvaśaḥ | brāhmaṇā janamukhyāśca paurajānapadaiḥ saha

धर्म और अर्थ के मर्मज्ञ उस राजा के अभिप्राय को भली-भाँति समझकर, ब्राह्मणों और प्रमुख नागरिकों ने नगर तथा जनपद के लोगों के साथ मिलकर,

श्लोक 20 (ayodhya.2.20)

समेत्य मन्त्रयित्वा तु समतागतबुद्धयः | ऊचुश्च मनसा ज्ञात्वा वृद्धं दशरथं नृपम् ॥ 2.20 ॥

sametya mantrayitvā tu samatāgatabuddhayaḥ | ūcuśca manasā jñātvā vṛddhaṃ daśarathaṃ nṛpam

एक साथ मिलकर विचार-विमर्श किया और एकमत होकर, भली-भाँति समझ-बूझकर वृद्ध राजा दशरथ से इस प्रकार कहा —

श्लोक 21 (ayodhya.2.21)

अनेकवर्षसाहस्रो वृद्धस्त्त्वमसि पार्थिव | स रामं युवराजानमभिषिञ्चस्व पार्थिवम् ॥ 2.21 ॥

anekavarṣasāhasro vṛddhasttvamasi pārthiva | sa rāmaṃ yuvarājānamabhiṣiñcasva pārthivam

"हे राजन्! आप अनेक सहस्र वर्षों के अनुभवी वृद्ध हैं; अतः राम को युवराज पद पर अभिषिक्त कीजिए।"

श्लोक 22 (ayodhya.2.22)

इच्छामो हि महाबाहुं रघुवीरं महाबलम् | गजेन महता यान्तं रामं छत्रावृताननम् ॥ 2.22 ॥

icchāmo hi mahābāhuṃ raghuvīraṃ mahābalam | gajena mahatā yāntaṃ rāmaṃ chatrāvṛtānanam

"हम महाबाहु, रघुकुल के वीर, महाबली राम को छत्र से आच्छादित मुख किए विशाल गजराज पर आरूढ़ देखना चाहते हैं।"

श्लोक 23 (ayodhya.2.23)

इति तद्वचनं श्रुत्वा राजा तेषां मनःप्रियम् | अजानन्निव जिज्ञासुरिदं वचनमब्रवीत् ॥ 2.23 ॥

iti tadvacanaṃ śrutvā rājā teṣāṃ manaḥpriyam | ajānanniva jijñāsuridaṃ vacanamabravīt

उनके ये मन को अत्यन्त प्रिय लगने वाले वचन सुनकर राजा ने, मानो कुछ जानते ही न हों, उनका मन टटोलने के लिए यह वचन कहा —

श्लोक 24 (ayodhya.2.24)

श्रुत्वैव वचनं यन्मे राघवं पतिमिच्छथ | राजानः संशयोऽयं मे तदिदं ब्रूत तत्त्वतः ॥ 2.24 ॥

śrutvaiva vacanaṃ yanme rāghavaṃ patimicchatha | rājānaḥ saṃśayo'yaṃ me tadidaṃ brūta tattvataḥ

"हे राजाओ! मेरे वचन सुनते ही आप सबने राघव को अपना स्वामी बनाने की इच्छा प्रकट की — इससे मेरे मन में एक शंका उठी है; कृपया मुझे सत्य-सत्य बताइए कि इसका कारण क्या है।"

श्लोक 25 (ayodhya.2.25)

कथं नु मयि धर्मेण पृथिवीमनुशासति | भवन्तो द्रष्टुमिच्छन्ति युवराजं ममात्मजम् ॥ 2.25 ॥

kathaṃ nu mayi dharmeṇa pṛthivīmanuśāsati | bhavanto draṣṭumicchanti yuvarājaṃ mamātmajam

"जब मैं धर्मपूर्वक इस पृथ्वी का शासन कर ही रहा हूँ, तो आप लोग मेरे पुत्र को युवराज के रूप में क्यों देखना चाहते हैं?"

श्लोक 26 (ayodhya.2.26)

ते तमूचुर्महात्मानं पौरजानपदैः सह | बहवो नृप कल्याणा गुणाः पुत्रस्य सन्ति ते ॥ 2.26 ॥

te tamūcurmahātmānaṃ paurajānapadaiḥ saha | bahavo nṛpa kalyāṇā guṇāḥ putrasya santi te

उन्होंने नगर और जनपद के लोगों सहित उस महात्मा राजा से कहा — "हे राजन्! आपके पुत्र में अनेक कल्याणकारी गुण विद्यमान हैं।

श्लोक 27 (ayodhya.2.27)

गुणान् गुणवतो देव देवकल्पस्य धीमतः | प्रियानानन्ददान् कृत्स्नान् प्रवक्ष्यामोऽद्यतान् शृणु ॥ 2.27 ॥

guṇān guṇavato deva devakalpasya dhīmataḥ | priyānānandadān kṛtsnān pravakṣyāmo'dyatān śṛṇu

हे देव! अब हम आपके उन गुणवान्, बुद्धिमान्, देवतुल्य पुत्र के समस्त प्रिय और आनन्ददायक गुणों का वर्णन करते हैं, सुनिए।

श्लोक 28 (ayodhya.2.28)

दिव्यैर्गुणैः शक्रसमो रामः सत्यपराक्रमः | इक्ष्वाकुभ्योऽपि सर्वेभ्यो ह्यतिरिक्तो विशांपते ॥ 2.28 ॥

divyairguṇaiḥ śakrasamo rāmaḥ satyaparākramaḥ | ikṣvākubhyo'pi sarvebhyo hyatirikto viśāṃpate

"हे प्रजापते! राम अपने दिव्य गुणों में इन्द्र के समान, सत्यपराक्रमी हैं, और इक्ष्वाकु वंश के समस्त पूर्वज राजाओं से भी बढ़कर हैं।

श्लोक 29 (ayodhya.2.29)

रामः सत्पुरुषो लोके सत्यधर्मपरायणः | साक्षाद्रामाद्विनिर्वृत्तो धर्मश्चापि श्रिया सह ॥ 2.29 ॥

rāmaḥ satpuruṣo loke satyadharmaparāyaṇaḥ | sākṣādrāmādvinirvṛtto dharmaścāpi śriyā saha

राम इस संसार में सत्पुरुष हैं, सत्य और धर्म में परायण हैं; मानो राम से ही धर्म, लक्ष्मी के साथ मिलकर, साक्षात् प्रकट हुआ हो।

श्लोक 30 (ayodhya.2.30)

प्रजासुखत्वे चन्द्रस्य वसुधायाः क्ष्हमागुणैः | बुध्या बृहस्पतेस्तुल्यो वीर्ये साक्षाच्छचीपतेः ॥ 2.30 ॥

prajāsukhatve candrasya vasudhāyāḥ kṣhamāguṇaiḥ | budhyā bṛhaspatestulyo vīrye sākṣācchacīpateḥ

प्रजा को सुख देने में वे चन्द्रमा के समान हैं, क्षमा के गुण में पृथ्वी के समान हैं, बुद्धि में बृहस्पति के समान और पराक्रम में साक्षात् इन्द्र के समान हैं।

श्लोक 31 (ayodhya.2.31)

धर्मज्ञः सत्यसन्धश्च शीलवाननसूयकः | क्षान्तः सान्त्वयिता श्लक्ष्ह्णः कृतज्ञो विजितेन्द्रियः ॥ 2.31 ॥

dharmajñaḥ satyasandhaśca śīlavānanasūyakaḥ | kṣāntaḥ sāntvayitā ślakṣhṇaḥ kṛtajño vijitendriyaḥ

वे धर्मज्ञ, सत्यप्रतिज्ञ, सुशील और द्वेषरहित हैं; क्षमाशील, सांत्वना देने वाले, मृदुभाषी, कृतज्ञ और जितेन्द्रिय हैं।

श्लोक 32 (ayodhya.2.32)

मृदुश्च स्थिरचित्तश्च सदा भव्योऽनसूयकः | प्रियवादी च भूतानां सत्यवादी च राघवः ॥ 2.32 ॥

mṛduśca sthiracittaśca sadā bhavyo'nasūyakaḥ | priyavādī ca bhūtānāṃ satyavādī ca rāghavaḥ

राघव कोमल स्वभाव, स्थिरचित्त, सदा शुभ और द्वेषरहित हैं; वे समस्त प्राणियों के प्रति प्रियवादी और सत्यवादी हैं;

श्लोक 33 (ayodhya.2.33)

बहुश्रुतानां वृद्धानां ब्राह्मणानामुपासिता | तेना स्येहातुला कीर्तिर्यशस्तेजश्च वर्धते ॥ 2.33 ॥

bahuśrutānāṃ vṛddhānāṃ brāhmaṇānāmupāsitā | tenā syehātulā kīrtiryaśastejaśca vardhate

वे बहुश्रुत, वृद्ध ब्राह्मणों की उपासना करते हैं, और इसी से उनकी अतुलनीय कीर्ति, यश और तेज इस लोक में निरन्तर बढ़ते जाते हैं।

श्लोक 34 (ayodhya.2.34)

देवासुरमनुष्याणां सर्वास्त्रेषु विशारदः | सम्यग्विद्याव्रतस्नातो यथावत्साङ्गेवेदवित् ॥ 2.34 ॥

devāsuramanuṣyāṇāṃ sarvāstreṣu viśāradaḥ | samyagvidyāvratasnāto yathāvatsāṅgevedavit

वे देवताओं, असुरों और मनुष्यों के समस्त अस्त्रों में निपुण हैं; विद्या के व्रत में भली-भाँति स्नातक होकर उन्होंने वेदों को अंगों सहित यथाविधि जाना है;

श्लोक 35 (ayodhya.2.35)

गान्धर्वे च भुवि श्रेष्ठो बभूव भरताग्रजः | कल्याणाभिजनः साधुरदीनात्मा महामतिः ॥ 2.35 ॥

gāndharve ca bhuvi śreṣṭho babhūva bharatāgrajaḥ | kalyāṇābhijanaḥ sādhuradīnātmā mahāmatiḥ

और भरत के बड़े भाई इस पृथ्वी पर गन्धर्व-कला (संगीत) में भी श्रेष्ठ हैं; वे शुभ कुल में जन्मे, सज्जन, अदीन-हृदय और महाबुद्धिमान हैं।

श्लोक 36 (ayodhya.2.36)

द्विजैरभिविनीतश्च श्रेष्ठैर्धर्मार्थनैपुणैः | यदा व्रजति संग्रामं ग्रामार्थे नगरस्य वा ॥ 2.36 ॥

dvijairabhivinītaśca śreṣṭhairdharmārthanaipuṇaiḥ | yadā vrajati saṃgrāmaṃ grāmārthe nagarasya vā

धर्म और अर्थ में निपुण श्रेष्ठ ब्राह्मणों द्वारा भली-भाँति शिक्षित राम जब किसी ग्राम या नगर की रक्षा के लिए युद्ध में जाते हैं —

श्लोक 37 (ayodhya.2.37)

गत्वा सौमित्रिसहितो नाविजित्य निवर्तते | संग्रामात्पुनरागम्य कुञ्जरेण रथेन वा ॥ 2.37 ॥

gatvā saumitrisahito nāvijitya nivartate | saṃgrāmātpunarāgamya kuñjareṇa rathena vā

तो सौमित्र (लक्ष्मण) के साथ जाकर वे विजय प्राप्त किए बिना लौटते ही नहीं। और युद्ध से लौटकर, गजराज या रथ पर आरूढ़ होकर,

श्लोक 38 (ayodhya.2.38)

पौरान् स्वजनवन्नित्यं कुशलं परिपृच्छति | पुत्रेष्वग्निषु दारेषु प्रेष्यशिष्यगणेषु च ॥ 2.38 ॥

paurān svajanavannityaṃ kuśalaṃ paripṛcchati | putreṣvagniṣu dāreṣu preṣyaśiṣyagaṇeṣu ca

वे नागरिकों से अपने ही जनों के समान सदा कुशलक्षेम पूछते हैं — उनके पुत्रों, अग्निहोत्र, पत्नियों तथा सेवकों और शिष्यों के विषय में,

श्लोक 39 (ayodhya.2.39)

निखिलेनानुपूर्व्याच्च पिता पुत्रानिवौरसान् | शुश्रूषन्ते च वः शिष्याः कच्चित्कर्मसु दंशिताः ॥ 2.39 ॥

nikhilenānupūrvyācca pitā putrānivaurasān | śuśrūṣante ca vaḥ śiṣyāḥ kaccitkarmasu daṃśitāḥ

पूर्ण रूप से और यथाक्रम, ठीक वैसे ही जैसे पिता अपने सगे पुत्रों से पूछता है। वे हमसे भी पूछते हैं — "क्या तुम्हारे शिष्य अपने कार्यों में तत्परता से तुम्हारी सेवा कर रहे हैं?"

श्लोक 40 (ayodhya.2.40)

इति नः पुरुषव्याघ्रः सदा रामोऽभिभाषते | व्यसनेषु मनुष्याणां भृशं भवति दुःखितः ॥ 2.40 ॥

iti naḥ puruṣavyāghraḥ sadā rāmo'bhibhāṣate | vyasaneṣu manuṣyāṇāṃ bhṛśaṃ bhavati duḥkhitaḥ

इस प्रकार पुरुषों में श्रेष्ठ वह राम हमसे सदा बात करते हैं। वे मनुष्यों के दुःखों में अत्यन्त दुःखी हो जाते हैं,

श्लोक 41 (ayodhya.2.41)

उत्सवेषु च सर्वेषु पितेव परितुष्यति | सत्यवादी महेष्वासो वृद्धसेवी जितेन्द्रियः ॥ 2.41 ॥

utsaveṣu ca sarveṣu piteva parituṣyati | satyavādī maheṣvāso vṛddhasevī jitendriyaḥ

और सभी उत्सवों में पिता के समान प्रसन्न होते हैं। वे सत्यवादी, महान् धनुर्धर, वृद्धों की सेवा करने वाले और जितेन्द्रिय हैं;

श्लोक 42 (ayodhya.2.42)

स्मितपूर्वाभिभाषी च धर्मं सर्वात्मना श्रितः | सम्यग्योक्ता श्रेयसां च न विगृह्य कथारुचिः ॥ 2.42 ॥

smitapūrvābhibhāṣī ca dharmaṃ sarvātmanā śritaḥ | samyagyoktā śreyasāṃ ca na vigṛhya kathāruciḥ

वे सदा मुस्कुराकर बोलते हैं, और सम्पूर्ण हृदय से धर्म का ही आश्रय लिए हुए हैं; वे कल्याणकारी कार्यों को भली-भाँति सम्पन्न करते हैं और वाद-विवाद में उन्हें कोई रुचि नहीं है।

श्लोक 43 (ayodhya.2.43)

उत्तरोत्तरयुक्तौ च वक्ता वाचस्पतिर्यथा | सुभ्रूरायतताम्राक्षः साक्षाद् विष्णुरिव स्वयम् ॥ 2.43 ॥

uttarottarayuktau ca vaktā vācaspatiryathā | subhrūrāyatatāmrākṣaḥ sākṣād viṣṇuriva svayam

उत्तरोत्तर युक्तियुक्त वचन बोलने में वे साक्षात् बृहस्पति के समान हैं; सुन्दर भौंहों और विशाल ताम्रवर्ण नेत्रों वाले वे मानो साक्षात् विष्णु ही हैं।

श्लोक 44 (ayodhya.2.44)

रामो लोकाभिरामोऽयं शौर्यवीर्यपराक्रमैः | प्रजापालनतत्त्वज्ञो न रागोपहतेन्द्रियः ॥ 2.44 ॥

rāmo lokābhirāmo'yaṃ śauryavīryaparākramaiḥ | prajāpālanatattvajño na rāgopahatendriyaḥ

शौर्य, वीर्य और पराक्रम से संसार को आनन्दित करने वाले ये राम प्रजापालन के तत्त्व के ज्ञाता हैं, और उनकी इन्द्रियाँ कभी राग से पराजित नहीं होतीं।

श्लोक 45 (ayodhya.2.45)

शक्तस्त्रैलोक्यमप्येको भोक्तुं किं नु महीमिमाम् | नाऽस्य क्रोधः प्रसादश्च निरर्थोऽस्ति कदाचन ॥ 2.45 ॥

śaktastrailokyamapyeko bhoktuṃ kiṃ nu mahīmimām | nā'sya krodhaḥ prasādaśca nirartho'sti kadācana

वे अकेले ही तीनों लोकों पर शासन करने में समर्थ हैं — फिर इस पृथ्वी की तो बात ही क्या! उनका क्रोध और अनुग्रह कभी भी निरर्थक नहीं होते —

श्लोक 46 (ayodhya.2.46)

हन्त्येव नियमाद्वध्यानवध्ये च न कुप्यति | युनक्त्यर्थैः प्रहृष्टश्च तमसौ यत्र तुष्यति ॥ 2.46 ॥

hantyeva niyamādvadhyānavadhye ca na kupyati | yunaktyarthaiḥ prahṛṣṭaśca tamasau yatra tuṣyati

वे नियमानुसार वध्य को ही दण्ड देते हैं और निर्दोष पर कभी क्रुद्ध नहीं होते; और जिससे वे संतुष्ट होते हैं, उसे प्रसन्नतापूर्वक धन से उपकृत करते हैं।

श्लोक 47 (ayodhya.2.47)

शान्तैः सर्वप्रजाकान्तैः प्रीतिसंजननैर्नृणाम् | गुणैर्विरुरुचे रामो दीप्तः सूर्य इवांशुभिः ॥ 2.47 ॥

śāntaiḥ sarvaprajākāntaiḥ prītisaṃjananairnṛṇām | guṇairviruruce rāmo dīptaḥ sūrya ivāṃśubhiḥ

अपने शान्त, समस्त प्रजा को प्रिय और मनुष्यों में आनन्द उत्पन्न करने वाले गुणों से राम वैसे ही देदीप्यमान होते हैं जैसे तेजस्वी सूर्य अपनी किरणों से।

श्लोक 48 (ayodhya.2.48)

तमेवंगुणसम्पन्नं रामं सत्यपराक्रमम् | लोकपालोपमं नाथमकामयत मेदिनी ॥ 2.48 ॥

tamevaṃguṇasampannaṃ rāmaṃ satyaparākramam | lokapālopamaṃ nāthamakāmayata medinī

इस प्रकार गुणों से सम्पन्न, सत्यपराक्रमी और लोकपालों के समान उस राम को स्वयं पृथ्वी अपने स्वामी के रूप में चाहती है।

श्लोक 49 (ayodhya.2.49)

वत्सः श्रेयसि जातस्ते दिष्ट्यासौ तव राघव | दिष्ट्या पुत्रगुणैर्युक्तो मारीच इव काश्यपः ॥ 2.49 ॥

vatsaḥ śreyasi jātaste diṣṭyāsau tava rāghava | diṣṭyā putraguṇairyukto mārīca iva kāśyapaḥ

हे राघव! सौभाग्य से आपका यह प्रिय पुत्र संसार के कल्याण के लिए उत्पन्न हुआ है; सौभाग्य से वह पुत्रोचित गुणों से सम्पन्न है, जैसे काश्यप के पुत्र मारीच।

श्लोक 50 (ayodhya.2.50)

बलमारोग्यमायुश्च रामस्य विदितात्मनः | देवासुरमनुष्येषु सगन्धर्वोरगेषु च ॥ 2.50 ॥

balamārogyamāyuśca rāmasya viditātmanaḥ | devāsuramanuṣyeṣu sagandharvorageṣu ca

सर्वत्र प्रसिद्ध स्वभाव वाले राम के बल, आरोग्य और आयु के लिए — देवताओं, असुरों, मनुष्यों तथा गन्धर्वों और नागों में भी —

श्लोक 51 (ayodhya.2.51)

आशंसते जनः सर्वो राष्ट्रे पुरवरे तथा | आभ्यन्तरश्च बाह्यश्च पौरजानपदो जनः ॥ 2.51 ॥

āśaṃsate janaḥ sarvo rāṣṭre puravare tathā | ābhyantaraśca bāhyaśca paurajānapado janaḥ

राज्य में तथा श्रेष्ठ नगर में, भीतर और बाहर के, नगरवासी और जनपदवासी — सभी लोग यह कामना करते हैं।

श्लोक 52 (ayodhya.2.52)

स्त्रियो वृद्धास्तरुण्यश्च सायं प्रातः समाहिताः | सर्वान् देवान् नमस्यन्ति रामस्यार्थे यशस्विनः ॥ 2.52 ॥

striyo vṛddhāstaruṇyaśca sāyaṃ prātaḥ samāhitāḥ | sarvān devān namasyanti rāmasyārthe yaśasvinaḥ

वृद्धा और युवती स्त्रियाँ भी सायं-प्रातः एकाग्रचित्त होकर यशस्वी राम के हित के लिए समस्त देवताओं को नमस्कार करती हैं।

श्लोक 53 (ayodhya.2.53)

तेषामायाचितं देव त्वत्प्रसादा त्समृद्ध्यताम् | राममिन्दीवरश्यामं सर्वशत्रुनिबर्हणम् ॥ 2.53 ॥

teṣāmāyācitaṃ deva tvatprasādā tsamṛddhyatām | rāmamindīvaraśyāmaṃ sarvaśatrunibarhaṇam

हे देव! आपकी कृपा से उन सबकी यह प्रार्थना सफल हो — कि नीलकमल के समान श्याम वर्ण, समस्त शत्रुओं का नाश करने वाले राम को

श्लोक 54 (ayodhya.2.54)

पश्यामो यौवराज्यस्थं तव राजोत्तमाऽअत्मजम् | तं देवदेवोपममात्मजं ते | सर्वस्य लोकस्य हिते निविष्टम् | हिताय नः क्ष्हिप्रमुदारजुष्टं | मुदाभिषेक्तुं वरद त्व मर्हसि ॥ 2.54 ॥

paśyāmo yauvarājyasthaṃ tava rājottamā'atmajam | taṃ devadevopamamātmajaṃ te | sarvasya lokasya hite niviṣṭam | hitāya naḥ kṣhipramudārajuṣṭaṃ | mudābhiṣektuṃ varada tva marhasi

हे राजोत्तम! हम आपके पुत्र को युवराज-पद पर प्रतिष्ठित देखें। हे वरद! देवाधिदेव के समान, सम्पूर्ण लोक के हित में सदा तत्पर, उदार गुणों से सम्पन्न अपने उस पुत्र को हमारे कल्याण के लिए आप शीघ्र और प्रसन्नतापूर्वक अभिषिक्त करने के योग्य हैं।"