अभिषेक की आज्ञा

श्लोक 1 (ayodhya.3.1)

तेषामञ्जलिपद्मानि प्रगृहीतानि सर्वशः | प्रतिगृह्याब्रवीद्राजा तेभ्यः प्रियहितं वचः ॥ 3.1 ॥

teṣāmañjalipadmāni pragṛhītāni sarvaśaḥ | pratigṛhyābravīdrājā tebhyaḥ priyahitaṃ vacaḥ

उन सबके कमल के समान जुड़े हुए हाथों की अंजलि को सर्वथा स्वीकार करके राजा ने उनसे यह प्रिय और हितकर वचन कहा।

श्लोक 2 (ayodhya.3.2)

अहोऽस्मि परमप्रीतः प्रभावश्चातुलो मम | यन्मे ज्येष्ठं प्रियं पुत्रं यौवराज्यस्थ मिच्छथ ॥ 3.2 ॥

aho'smi paramaprītaḥ prabhāvaścātulo mama | yanme jyeṣṭhaṃ priyaṃ putraṃ yauvarājyastha micchatha

"अहो! मैं परम प्रसन्न हूँ, और मेरा सौभाग्य अतुलनीय है कि आप सब मेरे ज्येष्ठ प्रिय पुत्र को युवराज पद पर देखना चाहते हैं।"

श्लोक 3 (ayodhya.3.3)

इति प्रत्यर्च्य तान् राजा ब्राह्मणानिद मब्रवीत् | वसिष्ठं वामदेवं च तेषामेवोपशृण्वताम् ॥ 3.3 ॥

iti pratyarcya tān rājā brāhmaṇānida mabravīt | vasiṣṭhaṃ vāmadevaṃ ca teṣāmevopaśṛṇvatām

इस प्रकार उनका आदर-सत्कार करके राजा ने, उन्हीं के सुनते हुए, ब्राह्मण वसिष्ठ और वामदेव से यह कहा —

श्लोक 4 (ayodhya.3.4)

चैत्रः श्रीमानयं मासः पुण्यः पुष्पितकाननः | यौवराज्याय रामस्य सर्वमेवोपकल्प्यताम् ॥ 3.4 ॥

caitraḥ śrīmānayaṃ māsaḥ puṇyaḥ puṣpitakānanaḥ | yauvarājyāya rāmasya sarvamevopakalpyatām

"यह श्रीमान् चैत्र मास पुण्य है, वनों में फूल खिले हुए हैं; राम के युवराज-अभिषेक के लिए सब कुछ तैयार किया जाए।"

श्लोक 5 (ayodhya.3.5)

राज्ञस्तूपरते वाक्ये जनघोषो महानभूत् | शनैस्तस्मिन् प्रशान्ते च जनघोषे जनाधिपः ॥ 3.5 ॥

rājñastūparate vākye janaghoṣo mahānabhūt | śanaistasmin praśānte ca janaghoṣe janādhipaḥ

राजा के वचन समाप्त होते ही जनता का महान् हर्षनाद उठ खड़ा हुआ; और जब वह जनकोलाहल धीरे-धीरे शान्त हुआ, तब उस जनाधिपति ने

श्लोक 6 (ayodhya.3.6)

वसिष्ठं मुनिशार्दूलं राजा वचनमब्रवीत् | अभिषेकाय रामस्य यत्कर्म सपरिच्छदम् ॥ 3.6 ॥

vasiṣṭhaṃ muniśārdūlaṃ rājā vacanamabravīt | abhiṣekāya rāmasya yatkarma saparicchadam

मुनिश्रेष्ठ वसिष्ठ से यह वचन कहा — "राम के अभिषेक के लिए जो भी विधि अपने सामग्री-सामान सहित आवश्यक हो —

श्लोक 7 (ayodhya.3.7)

तदद्य भगवन् सर्वमाज्ञापयितु मर्हसि | तच्छ्रुत्वा भूमिपालस्य वसिष्ठो द्विजसत्तमः ॥ 3.7 ॥

tadadya bhagavan sarvamājñāpayitu marhasi | tacchrutvā bhūmipālasya vasiṣṭho dvijasattamaḥ

हे भगवन्! आज उस सबकी आज्ञा देने की कृपा करें।" राजा की यह बात सुनकर द्विजश्रेष्ठ वसिष्ठ ने

श्लोक 8 (ayodhya.3.8)

आदिदेशाग्रतो राज्ञः स्थितान् युक्तान् कृताञ्जलीन् | सुवर्णादीनि रत्नानि बलीन् सर्वौषधीरपि ॥ 3.8 ॥

ādideśāgrato rājñaḥ sthitān yuktān kṛtāñjalīn | suvarṇādīni ratnāni balīn sarvauṣadhīrapi

राजा के सामने हाथ जोड़े खड़े योग्य अधिकारियों को आज्ञा दी — "सोना आदि, रत्न, पूजा-सामग्री तथा समस्त औषधियाँ,

श्लोक 9 (ayodhya.3.9)

शुक्लमाल्यांश्च लाजांश्च पृथक्च मधुसर्पिषी | अहतानि च वासांसि रथं सर्वायुधान्यपि ॥ 3.9 ॥

śuklamālyāṃśca lājāṃśca pṛthakca madhusarpiṣī | ahatāni ca vāsāṃsi rathaṃ sarvāyudhānyapi

श्वेत माला, लाजा (भुना हुआ अन्न), अलग-अलग रखे मधु और घृत, नए अनछुए वस्त्र, रथ तथा समस्त शस्त्र,

श्लोक 10 (ayodhya.3.10)

चतुरङ्गबलं चैव गजं च शुभलक्षणम् | चामरव्यजने श्वेते ध्वजं छत्रं च पाण्डुरम् ॥ 3.10 ॥

caturaṅgabalaṃ caiva gajaṃ ca śubhalakṣaṇam | cāmaravyajane śvete dhvajaṃ chatraṃ ca pāṇḍuram

चतुरंगिणी सेना, शुभ लक्षणों वाला गजराज, दो श्वेत चँवर, ध्वज तथा श्वेत छत्र,

श्लोक 11 (ayodhya.3.11)

शतं च शातकुम्भानां कुम्भानामग्निवर्चसाम् | हिरण्यशृङ्गमृषभं समग्रं व्याघ्रचर्म च ॥ 3.11 ॥

śataṃ ca śātakumbhānāṃ kumbhānāmagnivarcasām | hiraṇyaśṛṅgamṛṣabhaṃ samagraṃ vyāghracarma ca

अग्नि के समान चमकते सौ स्वर्ण-कलश, स्वर्णसिंगों वाला वृषभ तथा एक सम्पूर्ण व्याघ्रचर्म —

श्लोक 12 (ayodhya.3.12)

उपस्थापयत प्रातरग्न्यगारं महीपतेः | यच्चान्यत्किञ्चिदेष्टव्यं तत्सर्वमुपकल्प्यताम् ॥ 3.12 ॥

upasthāpayata prātaragnyagāraṃ mahīpateḥ | yaccānyatkiñcideṣṭavyaṃ tatsarvamupakalpyatām

इन सबको प्रातःकाल राजा के अग्निशाला में एकत्र करो; और इनके अतिरिक्त जो कुछ भी अन्य आवश्यक हो, वह सब भी तैयार किया जाए।

श्लोक 13 (ayodhya.3.13)

अस्तःपुरस्य द्वाराणि सर्वस्य नगरस्य च | चन्दनस्रग्भिरर्च्यन्तां धूपैश्च घ्राणहारिभिः ॥ 3.13 ॥

astaḥpurasya dvārāṇi sarvasya nagarasya ca | candanasragbhirarcyantāṃ dhūpaiśca ghrāṇahāribhiḥ

अन्तःपुर और सम्पूर्ण नगर के द्वारों को चन्दन तथा मालाओं से और मन को हरने वाली सुगन्धित धूप से सुशोभित किया जाए।"

श्लोक 14 (ayodhya.3.14)

प्रशस्तमन्नं गुणवद्धधिक्षीरोपसेचनम् | द्विजानां शतसाहस्रे यत्प्रकाममलं भवेत् ॥ 3.14 ॥

praśastamannaṃ guṇavaddhadhikṣīropasecanam | dvijānāṃ śatasāhasre yatprakāmamalaṃ bhavet

"एक लाख ब्राह्मणों के लिए पर्याप्त, दही और दूध से सिंचित उत्तम गुणकारी अन्न तैयार किया जाए,

श्लोक 15 (ayodhya.3.15)

सत्कृत्य द्विजमुख्यानां श्वः प्रभाते प्रदीयताम् | घृतं दधि च लाजाश्च दक्षिणाश्चापि पुष्कलाः ॥ 3.15 ॥

satkṛtya dvijamukhyānāṃ śvaḥ prabhāte pradīyatām | ghṛtaṃ dadhi ca lājāśca dakṣiṇāścāpi puṣkalāḥ

और उसे घी, दही, लाजा तथा प्रचुर दक्षिणा के साथ श्रेष्ठ ब्राह्मणों को कल प्रातःकाल सम्मानपूर्वक दिया जाए।"

श्लोक 16 (ayodhya.3.16)

सूर्येऽभ्युदितमात्रे श्वो भविता स्वस्तिवाचनम् | ब्राह्मणाश्च निमन्त्र्यन्तां कल्प्यन्तामासनानि च ॥ 3.16 ॥

sūrye'bhyuditamātre śvo bhavitā svastivācanam | brāhmaṇāśca nimantryantāṃ kalpyantāmāsanāni ca

"सूर्योदय होते ही कल स्वस्तिवाचन होगा; ब्राह्मणों को आमन्त्रित किया जाए और उनके लिए आसन तैयार किए जाएँ।

श्लोक 17 (ayodhya.3.17)

आबध्यन्तां पताकाश्च राजमार्गश्च सिच्यताम् | सर्वे च ताळावचरा गणिकाश्च स्वलंकृताः ॥ 3.17 ॥

ābadhyantāṃ patākāśca rājamārgaśca sicyatām | sarve ca tāḷāvacarā gaṇikāśca svalaṃkṛtāḥ

पताकाएँ बाँधी जाएँ और राजमार्ग जल से सींचे जाएँ। सभी वादक तथा भली-भाँति अलंकृत नर्तकियाँ

श्लोक 18 (ayodhya.3.18)

कक्ष्यां द्वितीयामासाद्य तिष्ठन्तु नृपवेश्मनः | देवायतनचैत्येषु सान्नभक्षाः सदक्षिणाः ॥ 3.18 ॥

kakṣyāṃ dvitīyāmāsādya tiṣṭhantu nṛpaveśmanaḥ | devāyatanacaityeṣu sānnabhakṣāḥ sadakṣiṇāḥ

राजभवन के दूसरे प्रांगण में जाकर प्रतीक्षा करें। देवमन्दिरों और चैत्यों में योग्य जनों को अन्न, भक्ष्य पदार्थ तथा दक्षिणा सहित

श्लोक 19 (ayodhya.3.19)

उपस्थापयितव्याः स्युर्माल्ययोग्याः पृथक् पृथक् | दीर्घासिबद्धा योधाश्च सन्नद्धा मृष्टवाससः ॥ 3.19 ॥

upasthāpayitavyāḥ syurmālyayogyāḥ pṛthak pṛthak | dīrghāsibaddhā yodhāśca sannaddhā mṛṣṭavāsasaḥ

तथा मालाओं सहित अलग-अलग नियुक्त किया जाए। और लम्बी तलवारें बाँधे, कवच पहने, स्वच्छ वस्त्र धारण किए हुए सभी योद्धा

श्लोक 20 (ayodhya.3.20)

महाराजाङ्गणं सर्वे प्रविशन्तु महोदयम् | एवं व्यादिश्य विप्रौ तौ क्रियास्तत्र सुनिष्ठितौ ॥ 3.20 ॥

mahārājāṅgaṇaṃ sarve praviśantu mahodayam | evaṃ vyādiśya viprau tau kriyāstatra suniṣṭhitau

राजमहल के विशाल और शोभायमान प्रांगण में प्रवेश करें।" इस प्रकार आज्ञा देकर उन दोनों विद्वान् ब्राह्मणों ने वहाँ पूरी सावधानी से समस्त कार्यों को सम्पन्न कराया,

श्लोक 21 (ayodhya.3.21)

चक्रतुश्चैव यच्छेषं पार्थिवाय निवेद्य च | कृतमित्येव चाब्रूतामभिगम्य जगत्पतिम् ॥ 3.21 ॥

cakratuścaiva yaccheṣaṃ pārthivāya nivedya ca | kṛtamityeva cābrūtāmabhigamya jagatpatim

और शेष जो कार्य बचा था उसे भी पूरा किया, तथा राजा के पास जाकर उन्हें सब कुछ हो जाने की सूचना दी।

श्लोक 22 (ayodhya.3.22)

यथोक्तवचनं प्रीतौ हर्षयुक्तौ द्विजर्षभौ | ततः सुमन्त्रं द्युतिमान् राजा वचनमब्रवीत् ॥ 3.22 ॥

yathoktavacanaṃ prītau harṣayuktau dvijarṣabhau | tataḥ sumantraṃ dyutimān rājā vacanamabravīt

वे दोनों श्रेष्ठ ब्राह्मण प्रसन्न और हर्षित होकर यथोक्त वचन बोले। तब तेजस्वी राजा ने सुमन्त्र से यह वचन कहा —

श्लोक 23 (ayodhya.3.23)

रामः कृतात्मा भवता शीघ्रमानीयतामिति | स तथेति प्रतिज्ञाय सुमन्त्रो राजशासनात् ॥ 3.23 ॥

rāmaḥ kṛtātmā bhavatā śīghramānīyatāmiti | sa tatheti pratijñāya sumantro rājaśāsanāt

"आत्मसंयमी राम को आप शीघ्र यहाँ ले आइए।" "जैसी आज्ञा" कहकर सुमन्त्र ने राजा की आज्ञा से

श्लोक 24 (ayodhya.3.24)

रामं तत्रानयांचक्रे रथेन रथिनां वरम् | अथ तत्र समासीनास्तदा दशरथं नृपम् ॥ 3.24 ॥

rāmaṃ tatrānayāṃcakre rathena rathināṃ varam | atha tatra samāsīnāstadā daśarathaṃ nṛpam

उस रथियों में श्रेष्ठ राम को रथ द्वारा वहाँ ले आया। इस बीच वहाँ बैठे हुए राजा दशरथ की सेवा में उपस्थित थे —

श्लोक 25 (ayodhya.3.25)

प्राच्योदीच्याः प्रतीच्याश्च दाक्षिणात्याश्च भूमिपाः | म्लेच्छाश्चार्याश्च ये चान्ये वने शैलान्तवासिनः ॥ 3.25 ॥

prācyodīcyāḥ pratīcyāśca dākṣiṇātyāśca bhūmipāḥ | mlecchāścāryāśca ye cānye vane śailāntavāsinaḥ

पूर्व, उत्तर, पश्चिम और दक्षिण के भूपति, म्लेच्छ और आर्य राजा, तथा वन और पर्वतों की सीमाओं पर बसने वाले अन्य राजा भी।

श्लोक 26 (ayodhya.3.26)

उपासाञ्चक्रिरे सर्वे तं देवा इव वासवम् | तेषां मध्ये स राजर्षिर्मरुतामिव वासवः ॥ 3.26 ॥

upāsāñcakrire sarve taṃ devā iva vāsavam | teṣāṃ madhye sa rājarṣirmarutāmiva vāsavaḥ

वे सब उनकी वैसे ही सेवा करते थे जैसे देवगण इन्द्र की करते हैं। उन सबके मध्य वह राजर्षि, मरुद्गणों के बीच इन्द्र के समान,

श्लोक 27 (ayodhya.3.27)

प्रासादस्थो रथगतं ददर्शायान्त मात्मजम् | गन्धर्वराजप्रतिमं लोके विख्यातपौरुषम् ॥ 3.27 ॥

prāsādastho rathagataṃ dadarśāyānta mātmajam | gandharvarājapratimaṃ loke vikhyātapauruṣam

राजभवन में बैठे हुए उन्होंने रथ पर आते हुए अपने पुत्र को देखा — जो गन्धर्वराज के समान थे, जिनका पौरुष संसार में विख्यात था,

श्लोक 28 (ayodhya.3.28)

दीर्घ बाहुं महसत्त्वं मत्तमातङ्गगामिनम् | चन्द्रकान्ताननं राममतीव प्रियदर्शनम् ॥ 3.28 ॥

dīrgha bāhuṃ mahasattvaṃ mattamātaṅgagāminam | candrakāntānanaṃ rāmamatīva priyadarśanam

दीर्घ भुजाओं वाले, महाबली, मत्त गजराज की चाल से चलने वाले, चन्द्रमा के समान मनोहर मुखवाले तथा अत्यन्त प्रियदर्शन राम को —

श्लोक 29 (ayodhya.3.29)

रूपौदार्यगुणैः पुंसां दृष्टिचित्तापहारिणम् | घर्माभितप्ताः पर्जन्यं ह्लादयन्तमिव प्रजाः ॥ 3.29 ॥

rūpaudāryaguṇaiḥ puṃsāṃ dṛṣṭicittāpahāriṇam | gharmābhitaptāḥ parjanyaṃ hlādayantamiva prajāḥ

राम, जो अपने रूप, औदार्य और गुणों से लोगों की दृष्टि और चित्त को हर लेते थे, मानो गर्मी से संतप्त प्रजा को आनन्दित करने वाला वर्षा-मेघ हों —

श्लोक 30 (ayodhya.3.30)

न ततर्प समायान्तं पश्यमानो नराधिपः | अवतार्य सुमन्त्रस्तं राघवं स्यन्दनोत्तमात् ॥ 3.30 ॥

na tatarpa samāyāntaṃ paśyamāno narādhipaḥ | avatārya sumantrastaṃ rāghavaṃ syandanottamāt

उन्हें आते देखकर राजा की दृष्टि तृप्त ही नहीं हो रही थी। सुमन्त्र ने उस राघव को उस उत्तम रथ से नीचे उतारा,

श्लोक 31 (ayodhya.3.31)

पितुः समीपं गच्छन्तं प्राञ्जलिः पृष्ठतोऽन्वगात् | स तं कैलासशृङ्गाभं प्रासादं नरपुङ्गवः ॥ 3.31 ॥

pituḥ samīpaṃ gacchantaṃ prāñjaliḥ pṛṣṭhato'nvagāt | sa taṃ kailāsaśṛṅgābhaṃ prāsādaṃ narapuṅgavaḥ

और जब राम अपने पिता के समीप जा रहे थे, तब हाथ जोड़े हुए उनके पीछे-पीछे चला। उस पुरुषश्रेष्ठ राम ने कैलास शिखर के समान उस राजभवन में

श्लोक 32 (ayodhya.3.32)

आरुरोह नृपं द्रष्टुं सह सूतेन राघवः | स प्राञ्^जलिरभिप्रेत्य प्रणतः पितुरन्तिके ॥ 3.32 ॥

āruroha nṛpaṃ draṣṭuṃ saha sūtena rāghavaḥ | sa prāñ^jalirabhipretya praṇataḥ piturantike

सारथी के साथ राजा को देखने के लिए प्रवेश किया। हाथ जोड़े, पिता के समीप जाकर, नतमस्तक होकर उन्होंने

श्लोक 33 (ayodhya.3.33)

नाम स्वं श्रावयन् रामो ववन्धे चरणौ पितुः | तं दृष्ट्वा प्रणतं पार्श्वे कृताञ्जलिपुटं नृपः ॥ 3.33 ॥

nāma svaṃ śrāvayan rāmo vavandhe caraṇau pituḥ | taṃ dṛṣṭvā praṇataṃ pārśve kṛtāñjalipuṭaṃ nṛpaḥ

अपना नाम बताते हुए राम ने पिता के चरणों का स्पर्श किया। अपने पास हाथ जोड़े नतमस्तक राम को देखकर राजा ने

श्लोक 34 (ayodhya.3.34)

गृह्याञ्जलौ समाकृष्य सस्वजे प्रियमात्मजम् | तस्मै चाभ्युदितं दिव्यं मणिकाञ्चनभूषितं ॥ 3.34 ॥

gṛhyāñjalau samākṛṣya sasvaje priyamātmajam | tasmai cābhyuditaṃ divyaṃ maṇikāñcanabhūṣitaṃ

उनके जुड़े हुए हाथों को पकड़कर अपने प्रिय पुत्र को समीप खींचकर आलिंगन किया, और उसे मणि तथा स्वर्ण से विभूषित एक उन्नत, दिव्य आसन प्रदान किया।

श्लोक 35 (ayodhya.3.35)

दिदेश राजा रुचिरं रामाय परमासनम् | तदासनवरं प्राप्य व्यदीपयत राघवः ॥ 3.35 ॥

dideśa rājā ruciraṃ rāmāya paramāsanam | tadāsanavaraṃ prāpya vyadīpayata rāghavaḥ

राजा ने राम को वह सुन्दर और सर्वोत्तम आसन प्रदान किया; उस श्रेष्ठ आसन को पाकर राघव ने उसे अपने तेज से देदीप्यमान कर दिया,

श्लोक 36 (ayodhya.3.36)

स्वयेव प्रभया मेरुमुदये विमलो रविः | तेन विभ्राजता तत्र सा सभाभिव्यरोचत ॥ 3.36 ॥

svayeva prabhayā merumudaye vimalo raviḥ | tena vibhrājatā tatra sā sabhābhivyarocata

जैसे उदयकालीन निर्मल सूर्य अपनी ही आभा से मेरु पर्वत को प्रकाशित कर देता है। उस देदीप्यमान राम से सुशोभित होकर वह सभा वैसे ही चमक उठी,

श्लोक 37 (ayodhya.3.37)

विमलग्रहनक्षत्रा शारदी द्यौरिवेन्दुना | तं पश्यमानो नृपति स्तुतोओष प्रियमात्मजम् ॥ 3.37 ॥

vimalagrahanakṣatrā śāradī dyaurivendunā | taṃ paśyamāno nṛpati stutooṣa priyamātmajam

जैसे निर्मल ग्रह-नक्षत्रों वाला शरद-आकाश चन्द्रमा से सुशोभित होता है। अपने उस प्रिय पुत्र को देखते हुए राजा प्रसन्नता से तृप्त हो गए,

श्लोक 38 (ayodhya.3.38)

अलङ्कृतमिवात्मानमादर्शतलसंस्थितम् | स तं सस्मितमाभाष्य पुत्रं पुत्रवतां वरः ॥ 3.38 ॥

alaṅkṛtamivātmānamādarśatalasaṃsthitam | sa taṃ sasmitamābhāṣya putraṃ putravatāṃ varaḥ

मानो दर्पण में स्थित अपने अलंकृत प्रतिबिम्ब को देखकर स्वयं ही प्रसन्न हो रहे हों। पुत्रवानों में श्रेष्ठ राजा ने मुस्कुराते हुए अपने पुत्र को सम्बोधित करते हुए

श्लोक 39 (ayodhya.3.39)

उवाचेदं वचो राजा देवेन्द्रमिव काश्यपः | ज्येष्ठायामसि मे पत्न्यां सदृश्यां सदृशः सुतः ॥ 3.39 ॥

uvācedaṃ vaco rājā devendramiva kāśyapaḥ | jyeṣṭhāyāmasi me patnyāṃ sadṛśyāṃ sadṛśaḥ sutaḥ

यह वचन कहा, जैसे काश्यप ने देवेन्द्र से कहा था — "तुम मेरी योग्य ज्येष्ठा पत्नी से उत्पन्न एक योग्य पुत्र हो;

श्लोक 40 (ayodhya.3.40)

उत्पन्नस्त्वं गुणश्रेष्ठो मम रामात्मजः प्रियः | यतस्त्वया प्रजाश्चेमाः स्वगुणैरनुरञ्जिताः ॥ 3.40 ॥

utpannastvaṃ guṇaśreṣṭho mama rāmātmajaḥ priyaḥ | yatastvayā prajāścemāḥ svaguṇairanurañjitāḥ

गुणों में सर्वश्रेष्ठ, हे राम! तुम मेरे प्रिय पुत्र हो। चूँकि तुमने अपने गुणों से इस समस्त प्रजा को अनुरक्त कर लिया है,

श्लोक 41 (ayodhya.3.41)

तस्मात्त्वं पुष्ययोगेन यौवराज्यमवाप्नुहि | कामतस्त्वं प्रकृत्यैव विनीतो गुणवानसि ॥ 3.41 ॥

tasmāttvaṃ puṣyayogena yauvarājyamavāpnuhi | kāmatastvaṃ prakṛtyaiva vinīto guṇavānasi

अतः पुष्य-योग में तुम युवराज पद प्राप्त करो। तुम स्वभाव से ही विनम्र और गुणवान् हो;

श्लोक 42 (ayodhya.3.42)

गुणवत्यपि तु स्नेहात्पुत्र वक्ष्यामि ते हितम् | भूयो विनयमास्थाय भव नित्यं जितेन्द्रियः ॥ 3.42 ॥

guṇavatyapi tu snehātputra vakṣyāmi te hitam | bhūyo vinayamāsthāya bhava nityaṃ jitendriyaḥ

फिर भी, हे पुत्र, स्नेहवश मैं तुम्हें हितकारी बात कहता हूँ, यद्यपि तुम पहले से ही गुणवान् हो। और अधिक विनम्रता धारण कर सदा जितेन्द्रिय रहो;

श्लोक 43 (ayodhya.3.43)

कामक्रोधसमुत्थानि त्यजेथा व्यसनानि च | परोक्षया वर्तमानो वृत्त्या प्रत्यक्षया तथा ॥ 3.43 ॥

kāmakrodhasamutthāni tyajethā vyasanāni ca | parokṣayā vartamāno vṛttyā pratyakṣayā tathā

काम और क्रोध से उत्पन्न होने वाले व्यसनों का त्याग करो; तथा परोक्ष और प्रत्यक्ष दोनों प्रकार के आचरण से

श्लोक 44 (ayodhya.3.44)

अमात्यप्रभृतीः सर्वाः प्रकृतीश्चानुरञ्जय | कोष्ठागारायुधागारैः कृत्वा सन्नि चयान् बहून् ॥ 3.44 ॥

amātyaprabhṛtīḥ sarvāḥ prakṛtīścānurañjaya | koṣṭhāgārāyudhāgāraiḥ kṛtvā sanni cayān bahūn

मन्त्रियों से लेकर समस्त प्रजा को प्रसन्न रखो। भण्डारगृहों और शस्त्रागारों में प्रचुर संग्रह करके,

श्लोक 45 (ayodhya.3.45)

तुष्टानुरक्तप्रकृतिर्यः पालयति मेदिनीम् | तस्य नन्दन्ति मित्राणि लब्ध्वाऽमृतमिवाऽमराः ॥ 3.45 ॥

tuṣṭānuraktaprakṛtiryaḥ pālayati medinīm | tasya nandanti mitrāṇi labdhvā'mṛtamivā'marāḥ

जो प्रजा को संतुष्ट और अनुरक्त रखते हुए पृथ्वी का पालन करता है, उसके मित्र वैसे ही आनन्दित होते हैं जैसे अमृत पाकर देवता। अतः तुम भी अपने को संयमित रखते हुए इसी प्रकार आचरण करो।"

श्लोक 46 (ayodhya.3.46)

तस्मात्त्वमपि चात्मानं नियम्यैवं समाचर | तच्छ्रुत्वा सुहृदस्तस्य रामस्य प्रियकारिणः ॥ 3.46 ॥

tasmāttvamapi cātmānaṃ niyamyaivaṃ samācara | tacchrutvā suhṛdastasya rāmasya priyakāriṇaḥ

यह सुनकर राम के हितैषी सुहृद, जो उनका प्रिय करने वाले थे,

श्लोक 47 (ayodhya.3.47)

त्वरिताः शीघ्रमभ्येत्य कौसल्यायै न्यवेदयन् | सा हिरण्यं च गाश्चैव रत्नानि विविधानि च ॥ 3.47 ॥

tvaritāḥ śīghramabhyetya kausalyāyai nyavedayan | sā hiraṇyaṃ ca gāścaiva ratnāni vividhāni ca

शीघ्रता से कौसल्या के पास जाकर उन्हें यह समाचार सुनाया। उन्होंने सोना, गायें और विविध प्रकार के रत्न

श्लोक 48 (ayodhya.3.48)

व्यादिदेश प्रियाख्येभ्यः कौसल्या प्रमदोत्तमा | अथाभिवाद्य राजानं रथमारुह्य राघवः ॥ 3.48 ॥

vyādideśa priyākhyebhyaḥ kausalyā pramadottamā | athābhivādya rājānaṃ rathamāruhya rāghavaḥ

उन शुभ समाचार लाने वालों को प्रदान किए, स्त्रियों में श्रेष्ठ कौसल्या ने। तत्पश्चात् राघव राजा को प्रणाम कर रथ पर आरूढ़ हुए

श्लोक 49 (ayodhya.3.49)

ययौ स्वं द्युतिमद्वेश्म जनौघैः प्रतिपूजितः | ते चापि पौरा नृपतेर्वचस्त | च्छ्रुत्वा तदा लाभमिवेष्टमाशु | नरेन्द्रमामन्त्र्य गृहाणि गत्वा | देवान् समानर्चुरतिप्रहृष्टाः ॥ 3.49 ॥

yayau svaṃ dyutimadveśma janaughaiḥ pratipūjitaḥ | te cāpi paurā nṛpatervacasta | cchrutvā tadā lābhamiveṣṭamāśu | narendramāmantrya gṛhāṇi gatvā | devān samānarcuratiprahṛṣṭāḥ

और जनसमूह द्वारा सम्मानित होते हुए अपने तेजस्वी भवन को गए। नगरवासी भी राजा के उन वचनों को सुनकर, मानो तुरन्त अपनी अभीष्ट वस्तु पा गए हों, अत्यन्त हर्षित होकर राजा से विदा लेकर अपने-अपने घर गए और देवताओं की पूजा-अर्चना की।