कौसल्या का आशीर्वाद और विदाई

श्लोक 1 (ayodhya.25.1)

सा विनीय तमायासमुपस्पृश्य जलं शुचि । चकार माता रामस्य मङ्गलानि मनस्विनी ॥ 25.1 ॥

sā vinīya tamāyāsamupaspṛśya jalaṃ śuci | cakāra mātā rāmasya maṅgalāni manasvinī

अपनी उस थकान को दूर करके और पवित्र जल का आचमन करके, राम की उस धैर्यवती माता ने मंगल-विधियाँ संपन्न कीं।

श्लोक 2 (ayodhya.25.2)

न शक्यसे वारयितुं गच्छेदानीं रघूत्तम । शीघ्रं च विनिवर्तस्व वर्तस्व च सतां क्रमे ॥ 25.2 ॥

na śakyase vārayituṃ gacchedānīṃ raghūttama | śīghraṃ ca vinivartasva vartasva ca satāṃ krame

"हे रघुश्रेष्ठ! अब तुम्हें रोका नहीं जा सकता; जाओ, किंतु शीघ्र लौट आना, और सदा सज्जनों के मार्ग पर चलना।

श्लोक 3 (ayodhya.25.3)

यं पालयसि धर्मं त्वं प्रीत्या च नियमेन च । स वै राघवशार्दूल धर्मस्त्वामभिरक्षतु ॥ 25.3 ॥

yaṃ pālayasi dharmaṃ tvaṃ prītyā ca niyamena ca | sa vai rāghavaśārdūla dharmastvāmabhirakṣatu

"हे राघव-शार्दूल! जिस धर्म का तुम प्रेम और नियम के साथ पालन करते हो, वही धर्म तुम्हारी रक्षा करे।

श्लोक 4 (ayodhya.25.4)

येभ्यः प्रणमसे पुत्र देवेष्वायतनेषु च । ते च त्वामभिरक्षन्तु वने सह महर्षिभिः ॥ 25.4 ॥

yebhyaḥ praṇamase putra deveṣvāyataneṣu ca | te ca tvāmabhirakṣantu vane saha maharṣibhiḥ

"हे पुत्र! जिन देवताओं को और मंदिरों में तुम प्रणाम करते हो, वे महर्षियों के साथ वन में तुम्हारी रक्षा करें।

श्लोक 5 (ayodhya.25.5)

यानि दत्तानि तेऽस्त्राणि विश्वामित्रेण धीमता । तानि त्वामभिरक्षन्तु गुणैः समुदितं सदा ॥ 25.5 ॥

yāni dattāni te'strāṇi viśvāmitreṇa dhīmatā | tāni tvāmabhirakṣantu guṇaiḥ samuditaṃ sadā

"बुद्धिमान विश्वामित्र द्वारा तुम्हें दिए गए वे अस्त्र, सद्गुणों से सदा युक्त तुम्हारी सदैव रक्षा करें।

श्लोक 6 (ayodhya.25.6)

पितृशुश्रूषया पुत्र मातृशुश्रूषया तथा । सत्येन च महाबाहो चिरं जीवाभिरक्षितः ॥ 25.6 ॥

pitṛśuśrūṣayā putra mātṛśuśrūṣayā tathā | satyena ca mahābāho ciraṃ jīvābhirakṣitaḥ

"हे महाबाहु पुत्र! पिता की सेवा से, माता की सेवा से और सत्य के प्रताप से रक्षित होकर तुम दीर्घायु हो।

श्लोक 7 (ayodhya.25.7)

समित्कुशपवित्राणि वेद्यश्चायतनानि च । स्थण्डिलानि च विप्राणां शैला वृक्षाः क्षुपा ह्रदाः । पतङ्गाः पन्नगाः सिंहास्त्वां रक्षन्तु नरोत्तम ॥ 25.7 ॥

samitkuśapavitrāṇi vedyaścāyatanāni ca | sthaṇḍilāni ca viprāṇāṃ śailā vṛkṣāḥ kṣupā hradāḥ | pataṅgāḥ pannagāḥ siṃhāstvāṃ rakṣantu narottama

"समिधाएँ, कुश और पवित्र वस्तुएँ, वेदियाँ और मंदिर, ब्राह्मणों के स्थंडिल, पर्वत, वृक्ष, झाड़ियाँ, जलाशय, पक्षी, सर्प और सिंह — हे नरश्रेष्ठ! ये सब तुम्हारी रक्षा करें।

श्लोक 8 (ayodhya.25.8)

स्वस्ति साध्याश्च विश्वे च मरुतश्च महर्षिभिः । स्वस्ति धाता विधाता च स्वस्ति पूषा भगोऽर्यमा ॥ 25.8 ॥

svasti sādhyāśca viśve ca marutaśca maharṣibhiḥ | svasti dhātā vidhātā ca svasti pūṣā bhago'ryamā

"साध्यगण, विश्वेदेव और महर्षियों सहित मरुद्गण तुम्हारा कल्याण करें; धाता और विधाता तुम्हारा कल्याण करें; पूषा, भग और अर्यमा तुम्हारा कल्याण करें।

श्लोक 9 (ayodhya.25.9)

लोकपालाश्च ते सर्वे वासवप्रमुखास्तथा । ऋतवः षट् च ते सर्वे मासाः संवत्सराः क्षपाः ॥ 25.9 ॥

lokapālāśca te sarve vāsavapramukhāstathā | ṛtavaḥ ṣaṭ ca te sarve māsāḥ saṃvatsarāḥ kṣapāḥ

"इंद्र के नेतृत्व में सभी लोकपाल, तथा छहों ऋतुएँ, सभी महीने, संवत्सर और रात्रियाँ —

श्लोक 10 (ayodhya.25.10)

दिनानि च मुहूर्ताश्च स्वस्ति कुर्वन्तु ते सदा । श्रुतिः स्मृतिश्च धर्मश्च पातु त्वां पुत्र सर्वतः ॥ 25.10 ॥

dināni ca muhūrtāśca svasti kurvantu te sadā | śrutiḥ smṛtiśca dharmaśca pātu tvāṃ putra sarvataḥ

— और सभी दिन तथा मुहूर्त सदा तुम्हारा कल्याण करें। श्रुति, स्मृति और धर्म, हे पुत्र, सब ओर से तुम्हारी रक्षा करें।

श्लोक 11 (ayodhya.25.11)

स्कन्दश्च भगवान् देवः सोमश्च सबृहस्पतिः । सप्तर्षयो नारदश्च ते त्वां रक्षन्तु सर्वतः ॥ 25.11 ॥

skandaśca bhagavān devaḥ somaśca sabṛhaspatiḥ | saptarṣayo nāradaśca te tvāṃ rakṣantu sarvataḥ

"भगवान स्कंद, बृहस्पति सहित चंद्रमा, सप्तर्षिगण और नारद — ये सब सब ओर से तुम्हारी रक्षा करें।

श्लोक 12 (ayodhya.25.12)

ते चापि सर्वतः सिद्धा दिशश्च सदिगीश्वराः । स्तुता मया वने तस्मिन् पान्तु त्वां पुत्र नित्यशः ॥ 25.12 ॥

te cāpi sarvataḥ siddhā diśaśca sadigīśvarāḥ | stutā mayā vane tasmin pāntu tvāṃ putra nityaśaḥ

"सब ओर के सिद्धगण तथा दिशाओं के स्वामियों सहित सभी दिशाएँ, जिनकी मैंने स्तुति की है, हे पुत्र, उस वन में सदा तुम्हारी रक्षा करें।

श्लोक 13 (ayodhya.25.13)

शैलाः सर्वे समुद्राश्च राजा वरुण एव च । द्यौरन्तरिक्षं पृथिवी वायुश्च सचराचरः ॥ 25.13 ॥

śailāḥ sarve samudrāśca rājā varuṇa eva ca | dyaurantarikṣaṃ pṛthivī vāyuśca sacarācaraḥ

"सभी पर्वत और सागर, तथा राजा वरुण, आकाश, अंतरिक्ष, पृथ्वी और चराचर सहित वायु —

श्लोक 14 (ayodhya.25.14)

नक्षत्राणि च सर्वाणि ग्रहाश्च सह दैवतैः । अहोरात्रे तथा संध्ये पान्तु त्वां वनमाश्रितम् ॥ 25.14 ॥

nakṣatrāṇi ca sarvāṇi grahāśca saha daivataiḥ | ahorātre tathā saṃdhye pāntu tvāṃ vanamāśritam

— और समस्त नक्षत्र तथा ग्रह अपने अधिष्ठाता देवताओं सहित, दिन-रात और दोनों संध्याएँ, वन का आश्रय लिए हुए तुम्हारी रक्षा करें।

श्लोक 15 (ayodhya.25.15)

ऋतवश्चापि षट् चान्ये मासाः संवत्सरास्तथा । कलाश्च काष्ठाश्च तथा तव शर्म दिशन्तु ते ॥ 25.15 ॥

ṛtavaścāpi ṣaṭ cānye māsāḥ saṃvatsarāstathā | kalāśca kāṣṭhāśca tathā tava śarma diśantu te

"छहों ऋतुएँ, महीने, संवत्सर तथा काल और काष्ठा नामक कालमान भी तुम्हें सुख प्रदान करें।

श्लोक 16 (ayodhya.25.16)

महावनेऽपि चरतो मुनिवेषस्य धीमतः । तथा देवाश्च दैत्याश्च भवन्तु सुखदाः सदा ॥ 25.16 ॥

mahāvane'pi carato muniveṣasya dhīmataḥ | tathā devāśca daityāśca bhavantu sukhadāḥ sadā

"और, हे बुद्धिमान, मुनि-वेष धारण किए महावन में विचरण करते हुए तुम्हें, देवगण और दैत्यगण दोनों ही सदा सुख देने वाले हों।

श्लोक 17 (ayodhya.25.17)

राक्षसानां पिशाचानां रौद्राणां क्रूरकर्मणाम् । क्रव्यादानां च सर्वेषां मा भूत् पुत्रक ते भयम् ॥ 25.17 ॥

rākṣasānāṃ piśācānāṃ raudrāṇāṃ krūrakarmaṇām | kravyādānāṃ ca sarveṣāṃ mā bhūt putraka te bhayam

"हे पुत्र! राक्षसों, पिशाचों, भीषण एवं क्रूरकर्मी प्राणियों तथा समस्त मांसाहारी जीवों से तुम्हें कोई भय न हो।

श्लोक 18 (ayodhya.25.18)

प्लवगा वृश्चिका दंशा मशकाश्चैव कानने । सरीसृपाश्च कीटाश्च मा भूवन् गहने तव ॥ 25.18 ॥

plavagā vṛścikā daṃśā maśakāścaiva kānane | sarīsṛpāśca kīṭāśca mā bhūvan gahane tava

"उस सघन वन में तुम्हें बंदर, बिच्छू, डांस, मच्छर, रेंगने वाले जीव अथवा कीट-पतंग कष्ट न दें।

श्लोक 19 (ayodhya.25.19)

महाद्विपाश्च सिंहाश्च व्याघ्रा ऋक्षाश्च दंष्ट्रिणः । महिषाः शृङ्गिणो रौद्रा न ते द्रुह्यन्तु पुत्रक ॥ 25.19 ॥

mahādvipāśca siṃhāśca vyāghrā ṛkṣāśca daṃṣṭriṇaḥ | mahiṣāḥ śṛṅgiṇo raudrā na te druhyantu putraka

"हे पुत्र! विशाल हाथी, सिंह, व्याघ्र, दाढ़ वाले भालू और भयंकर सींग वाले भैंसे तुम्हें कभी क्षति न पहुँचाएँ।

श्लोक 20 (ayodhya.25.20)

नृमांसभोजना रौद्रा ये चान्ये सर्वजातयः । मा च त्वां हिंसिषुः पुत्र मया सम्पूजितास्त्विह ॥ 25.20 ॥

nṛmāṃsabhojanā raudrā ye cānye sarvajātayaḥ | mā ca tvāṃ hiṃsiṣuḥ putra mayā sampūjitāstviha

"और मनुष्य-मांस भक्षण करने वाले अन्य समस्त भीषण जीव भी, हे पुत्र, तुम्हें हानि न पहुँचाएँ — क्योंकि मैंने यहाँ उन सबका सम्मान किया है।

श्लोक 21 (ayodhya.25.21)

आगमास्ते शिवाः सन्तु सिध्यन्तु च पराक्रमाः । सर्वसम्पत्तयो राम स्वस्तिमान् गच्छ पुत्रक ॥ 25.21 ॥

āgamāste śivāḥ santu sidhyantu ca parākramāḥ | sarvasampattayo rāma svastimān gaccha putraka

"तुम्हारे मार्ग शुभ हों, तुम्हारे पराक्रम सफल हों; हे राम, तुम्हें सारी संपत्तियाँ प्राप्त हों — हे पुत्र, कुशलपूर्वक जाओ।

श्लोक 22 (ayodhya.25.22)

स्वस्ति तेऽस्त्वान्तरिक्षेभ्यः पार्थिवेभ्यः पुनः पुनः । सर्वेभ्यश्चैव देवेभ्यो ये च ते परिपन्थिनः ॥ 25.22 ॥

svasti te'stvāntarikṣebhyaḥ pārthivebhyaḥ punaḥ punaḥ | sarvebhyaścaiva devebhyo ye ca te paripanthinaḥ

"आकाशचारी और पृथ्वीचारी प्राणियों से, तथा समस्त देवताओं से एवं जो भी तुम्हारे विरोधी हैं उन सबसे भी, तुम्हारा बार-बार कल्याण हो।

श्लोक 23 (ayodhya.25.23)

शुक्रः सोमश्च सूर्यश्च धनदोऽथ यमस्तथा । पान्तु त्वामर्चिता राम दण्डकारण्यवासिनम् ॥ 25.23 ॥

śukraḥ somaśca sūryaśca dhanado'tha yamastathā | pāntu tvāmarcitā rāma daṇḍakāraṇyavāsinam

"शुक्र, चंद्रमा, सूर्य, कुबेर और यम — मेरे द्वारा पूजित ये सभी, हे राम, दंडकारण्य में निवास करते हुए तुम्हारी रक्षा करें।

श्लोक 24 (ayodhya.25.24)

अग्निर्वायुस्तथा धूमो मन्त्राश्चर्षिमुखच्युताः । उपस्पर्शनकाले तु पान्तु त्वां रघुनन्दन ॥ 25.24 ॥

agnirvāyustathā dhūmo mantrāścarṣimukhacyutāḥ | upasparśanakāle tu pāntu tvāṃ raghunandana

"अग्नि, वायु और धूम, तथा ऋषियों के मुख से उच्चरित मंत्र, हे रघुनंदन, स्नान-संध्या के समय तुम्हारी रक्षा करें।

श्लोक 25 (ayodhya.25.25)

सर्वलोकप्रभुर्ब्रह्मा भूतकर्तृ तथर्षयः । ये च शेषाः सुरास्ते तु रक्षन्तु वनवासिनम् ॥ 25.25 ॥

sarvalokaprabhurbrahmā bhūtakartṛ tatharṣayaḥ | ye ca śeṣāḥ surāste tu rakṣantu vanavāsinam

"सर्वलोकों के स्वामी ब्रह्मा, प्राणियों के सृष्टिकर्ता, ऋषिगण, तथा शेष सभी देवगण, वन में निवास करते हुए तुम्हारी रक्षा करें।

श्लोक 26 (ayodhya.25.26)

इति माल्यैः सुरगणान् गन्धैश्चापि यशस्विनी । स्तुतिभिश्चानुरूपाभिरानर्चायतलोचना ॥ 25.26 ॥

iti mālyaiḥ suragaṇān gandhaiścāpi yaśasvinī | stutibhiścānurūpābhirānarcāyatalocanā

इस प्रकार माला और सुगंधित द्रव्यों से, तथा उपयुक्त स्तुतियों से, विशाल नेत्रों वाली यशस्विनी कौसलया ने देवगणों की पूजा की।

श्लोक 27 (ayodhya.25.27)

ज्वलनं समुपादाय ब्राह्मणेन महात्मना । हावयामास विधिना राममङ्गलकारणात् ॥ 25.27 ॥

jvalanaṃ samupādāya brāhmaṇena mahātmanā | hāvayāmāsa vidhinā rāmamaṅgalakāraṇāt

एक महात्मा ब्राह्मण द्वारा प्रज्वलित अग्नि को लेकर, राम के मंगल हेतु उन्होंने विधिपूर्वक उसमें आहुतियाँ डलवाईं।

श्लोक 28 (ayodhya.25.28)

घृतं श्वेतानि माल्यानि समिधश्चैव सर्षपान् । उपसम्पादयामास कौसल्या परमाङ्गना ॥ 25.28 ॥

ghṛtaṃ śvetāni mālyāni samidhaścaiva sarṣapān | upasampādayāmāsa kausalyā paramāṅganā

उत्तम स्त्री कौसलया ने घी, श्वेत मालाएँ, समिधाएँ और सरसों — सब एकत्र करवाईं।

श्लोक 29 (ayodhya.25.29)

उपाध्यायः स विधिना हुत्वा शान्तिमनामयम् । हुतहव्यावशेषेण बाह्यं बलिमकल्पयत् ॥ 25.29 ॥

upādhyāyaḥ sa vidhinā hutvā śāntimanāmayam | hutahavyāvaśeṣeṇa bāhyaṃ balimakalpayat

उन उपाध्याय पुरोहित ने विधिपूर्वक निर्विघ्न शांति-हवन करके, हवन-शेष सामग्री से बाहर की ओर बलि भी अर्पित की।

श्लोक 30 (ayodhya.25.30)

मधुदध्यक्षतघृतैः स्वस्तिवाच्यं द्विजांस्ततः । वाचयामास रामस्य वने स्वस्त्ययनक्रियाम् ॥ 25.30 ॥

madhudadhyakṣataghṛtaiḥ svastivācyaṃ dvijāṃstataḥ | vācayāmāsa rāmasya vane svastyayanakriyām

तत्पश्चात मधु, दही, अक्षत और घी के साथ उन्होंने ब्राह्मणों से राम के वनवास हेतु स्वस्त्ययन-विधि का पाठ करवाया।

श्लोक 31 (ayodhya.25.31)

ततस्तस्मै द्विजेन्द्राय राममाता यशस्विनी । दक्षिणां प्रददौ काम्यां राघवं चेदमब्रवीत् ॥ 25.31 ॥

tatastasmai dvijendrāya rāmamātā yaśasvinī | dakṣiṇāṃ pradadau kāmyāṃ rāghavaṃ cedamabravīt

तत्पश्चात यशस्विनी राममाता ने उस श्रेष्ठ ब्राह्मण को अभीष्ट दक्षिणा प्रदान की, और राघव से यह कहा।

श्लोक 32 (ayodhya.25.32)

यन्मङ्गलं सहस्राक्षे सर्वदेवनमस्कृते । वृत्रनाशे समभवत् तत् ते भवतु मङ्गलम् ॥ 25.32 ॥

yanmaṅgalaṃ sahasrākṣe sarvadevanamaskṛte | vṛtranāśe samabhavat tat te bhavatu maṅgalam

"सहस्राक्ष इंद्र को, जो सभी देवताओं द्वारा वंदित हैं, वृत्रासुर-वध के समय जो मंगल प्राप्त हुआ था, वही मंगल तुम्हें प्राप्त हो।

श्लोक 33 (ayodhya.25.33)

यन्मङ्गलं सुपर्णस्य विनताकल्पयत् पुरा । अमृतं प्रार्थयानस्य तत् ते भवतु मङ्गलम् ॥ 25.33 ॥

yanmaṅgalaṃ suparṇasya vinatākalpayat purā | amṛtaṃ prārthayānasya tat te bhavatu maṅgalam

"गरुड़ के लिए, जब वे अमृत लाने चले थे, विनता ने पूर्वकाल में जो मंगल-कामना की थी, वही मंगल तुम्हें प्राप्त हो।

श्लोक 34 (ayodhya.25.34)

अमृतोत्पादने दैत्यान् घ्नतो वज्रधरस्य यत् । अदितिर्मङ्गलं प्रादात् तत् ते भवतु मङ्गलम् ॥ 25.34 ॥

amṛtotpādane daityān ghnato vajradharasya yat | aditirmaṅgalaṃ prādāt tat te bhavatu maṅgalam

"अमृत-मंथन के समय दैत्यों का संहार करते हुए वज्रधारी इंद्र को अदिति ने जो मंगल प्रदान किया था, वही मंगल तुम्हें प्राप्त हो।

श्लोक 35 (ayodhya.25.35)

त्रिविक्रमान् प्रक्रमतो विष्णोरतुलतेजसः । यदासीन्मङ्गलं राम तत् ते भवतु मङ्गलम् ॥ 25.35 ॥

trivikramān prakramato viṣṇoratulatejasaḥ | yadāsīnmaṅgalaṃ rāma tat te bhavatu maṅgalam

"हे राम! अतुलनीय तेजस्वी विष्णु को त्रिविक्रम (तीन पग) धारण करते समय जो मंगल प्राप्त हुआ था, वही मंगल तुम्हें प्राप्त हो।

श्लोक 36 (ayodhya.25.36)

ऋषयः सागरा द्वीपा वेदा लोका दिशश्च ते । मङ्गलानि महाबाहो दिशन्तु शुभमङ्गलम् ॥ 25.36 ॥

ṛṣayaḥ sāgarā dvīpā vedā lokā diśaśca te | maṅgalāni mahābāho diśantu śubhamaṅgalam

"हे महाबाहु! ऋषिगण, सागर, द्वीप, वेद, लोक और दिशाएँ — ये सब तुम्हें शुभ मंगल प्रदान करें।

श्लोक 37 (ayodhya.25.37)

इति पुत्रस्य शेषाश्च कृत्वा शिरसि भामिनी । गन्धैश्चापि समालभ्य राममायतलोचना ॥ 25.37 ॥

iti putrasya śeṣāśca kṛtvā śirasi bhāminī | gandhaiścāpi samālabhya rāmamāyatalocanā

इस प्रकार कहकर, उस तेजस्विनी और विशाल नेत्रों वाली माता ने पुत्र के सिर पर बचे हुए अक्षत रखे, और राम को सुगंधित लेपों से अभ्यंजित किया,

श्लोक 38 (ayodhya.25.38)

औषधीं च सुसिद्धार्थां विशल्यकरणीं शुभाम् । चकार रक्षां कौसल्या मन्त्रैरभिजजाप च ॥ 25.38 ॥

auṣadhīṃ ca susiddhārthāṃ viśalyakaraṇīṃ śubhām | cakāra rakṣāṃ kausalyā mantrairabhijajāpa ca

— और सुप्रभावी, शुभ विशल्यकरणी नामक औषधि से कौसलया ने एक रक्षा-कवच बनाया, तथा उस पर मंत्रों का जप किया।

श्लोक 39 (ayodhya.25.39)

उवाचापि प्रहृष्टेव सा दुःखवशवर्तिनी । वाङ्मात्रेण न भावेन वाचा संसज्जमानया ॥ 25.39 ॥

uvācāpi prahṛṣṭeva sā duḥkhavaśavartinī | vāṅmātreṇa na bhāvena vācā saṃsajjamānayā

दुःख से पूर्णतः अभिभूत होते हुए भी, वे मानो अत्यंत हर्षित होकर बोलीं — उनकी वाणी में ही, हृदय में नहीं, कुछ अवरोध प्रतीत हो रहा था।

श्लोक 40 (ayodhya.25.40)

आनम्य मूर्ध्नि चाघ्राय परिष्वज्य यशस्विनी । अवदत् पुत्रमिष्टार्थो गच्छ राम यथासुखम् ॥ 25.40 ॥

ānamya mūrdhni cāghrāya pariṣvajya yaśasvinī | avadat putramiṣṭārtho gaccha rāma yathāsukham

उस यशस्विनी माता ने झुककर पुत्र के सिर को सूँघा, उसे गले लगाया, और कहा: 'जाओ राम, अपना प्रयोजन सिद्ध करके सुखपूर्वक जाओ।'

श्लोक 41 (ayodhya.25.41)

अरोगं सर्वसिद्धार्थमयोध्यां पुनरागतम् । पश्यामि त्वां सुखं वत्स संधितं राजवर्त्मसु ॥ 25.41 ॥

arogaṃ sarvasiddhārthamayodhyāṃ punarāgatam | paśyāmi tvāṃ sukhaṃ vatsa saṃdhitaṃ rājavartmasu

"हे वत्स! मैं तुम्हें नीरोग, सभी प्रयोजन सिद्ध किए हुए, अयोध्या को पुनः लौटा हुआ, और राजमार्ग पर सुखपूर्वक प्रतिष्ठित देखूँ।

श्लोक 42 (ayodhya.25.42)

प्रणष्टदुःखसंकल्पा हर्षविद्योतितानना । द्रक्ष्यामि त्वां वनात् प्राप्तं पूर्णचन्द्रमिवोदितम् ॥ 25.42 ॥

praṇaṣṭaduḥkhasaṃkalpā harṣavidyotitānanā | drakṣyāmi tvāṃ vanāt prāptaṃ pūrṇacandramivoditam

"मेरा दुःख और संशय पूर्णतः नष्ट होकर, हर्ष से दीप्त मुख से, मैं तुम्हें वन से लौटते हुए उदित पूर्णचंद्र के समान देखूँ।

श्लोक 43 (ayodhya.25.43)

भद्रासनगतं राम वनवासादिहागतम् । द्रक्ष्यामि च पुनस्त्वां तु तीर्णवन्तं पितुर्वचः ॥ 25.43 ॥

bhadrāsanagataṃ rāma vanavāsādihāgatam | drakṣyāmi ca punastvāṃ tu tīrṇavantaṃ piturvacaḥ

"हे राम! मैं तुम्हें वनवास से यहाँ लौटा हुआ, पिता के वचन को पूर्ण किए हुए, और भद्रासन पर विराजमान पुनः देखूँ।

श्लोक 44 (ayodhya.25.44)

मङ्गलैरुपसम्पन्नो वनवासादिहागतः । वध्वाश्च मम नित्यं त्वं कामान् संवर्ध याहि भोः ॥ 25.44 ॥

maṅgalairupasampanno vanavāsādihāgataḥ | vadhvāśca mama nityaṃ tvaṃ kāmān saṃvardha yāhi bhoḥ

"वनवास से यहाँ मंगलों से युक्त होकर लौटो; और अपनी वधू की तथा मेरी कामनाओं को सदा बढ़ाते रहो। अब जाओ, हे प्रिय।

श्लोक 45 (ayodhya.25.45)

मयार्चिता देवगणाः शिवादयो महर्षयो भूतगणाः सुरोरगाः । अभिप्रयातस्य वनं चिराय ते हितानि कांक्षन्तु दिशश्च राघव ॥ 25.45 ॥

mayārcitā devagaṇāḥ śivādayo maharṣayo bhūtagaṇāḥ suroragāḥ | abhiprayātasya vanaṃ cirāya te hitāni kāṃkṣantu diśaśca rāghava

"मेरे द्वारा पूजित शिव आदि देवगण, महर्षिगण, भूतगण, सुर और नागगण, तथा समस्त दिशाएँ — हे राघव, वन को प्रस्थान करते हुए तुम्हारे दीर्घकालिक हित की कामना करें।

श्लोक 46 (ayodhya.25.46)

अतीव चाश्रुप्रतिपूर्णलोचना समाप्य च स्वस्त्ययनं यथाविधि । प्रदक्षिणं चापि चकार राघवं पुनः पुनश्चापि निरीक्ष्य सस्वजे ॥ 25.46 ॥

atīva cāśrupratipūrṇalocanā samāpya ca svastyayanaṃ yathāvidhi | pradakṣiṇaṃ cāpi cakāra rāghavaṃ punaḥ punaścāpi nirīkṣya sasvaje

आँसुओं से भरे नेत्रों वाली उस माता ने विधिपूर्वक स्वस्त्ययन-कर्म संपन्न करने के बाद राघव की प्रदक्षिणा की, और बार-बार उन्हें निहारते हुए उन्हें गले लगाया।

श्लोक 47 (ayodhya.25.47)

तया हि देव्या च कृतप्रदक्षिणो निपीड्य मातुश्चरणौ पुनः पुनः । जगाम सीतानिलयं महायशाः स राघवः प्रज्वलितस्तया श्रिया ॥ 25.47 ॥

tayā hi devyā ca kṛtapradakṣiṇo nipīḍya mātuścaraṇau punaḥ punaḥ | jagāma sītānilayaṃ mahāyaśāḥ sa rāghavaḥ prajvalitastayā śriyā

उस देवी द्वारा इस प्रकार प्रदक्षिणा किए जाने पर, तथा माता के चरणों को बार-बार स्पर्श करके, वह परम यशस्वी राघव, अपनी ही आभा से देदीप्यमान होकर, सीता के भवन की ओर चल पड़े।