वनवास के कष्ट

श्लोक 1 (ayodhya.28.1)

सएवम् ब्रुवतीम् सीताम् धर्मज्ञो धर्म वत्सलः । निवर्तन अर्थे धर्म आत्मा वाक्यम् एतत् उवाच ह ॥ २८.१ ॥

saevam bruvatīm sītām dharmajño dharma vatsalaḥ | nivartana arthe dharma ātmā vākyam etat uvāca ha || 28.1 ||

धर्मज्ञ तथा धर्मवत्सल राम ने इस प्रकार कहती हुई सीता को लौटाने के उद्देश्य से यह वचन कहा।

श्लोक 2 (ayodhya.28.2)

सान्त्वयित्वा पुनस्ताम् तु बाष्पदूषितलोचनाम् । निवर्तनार्थे धर्मात्मा वाक्यमेतदुवाच ह ॥ २८.२ ॥

sāntvayitvā punastām tu bāṣpadūṣitalocanām | nivartanārthe dharmātmā vākyametaduvāca ha || 28.2 ||

उन आँसुओं से भरे नेत्रों वाली सीता को पुनः सांत्वना देते हुए, धर्मात्मा राम ने उन्हें लौटाने के लिए यह वचन कहा।

श्लोक 3 (ayodhya.28.3)

सीते महा कुलीना असि धर्मे च निरता सदा । इह आचर स्वधर्मम् त्वम् मा यथा मनसः सुखम् ॥ २८.३ ॥

sīte mahā kulīnā asi dharme ca niratā sadā | iha ācara svadharmam tvam mā yathā manasaḥ sukham || 28.3 ||

'हे सीते! तुम महान् कुल में जन्मी और सदा धर्मपरायण हो; यहीं अपने स्वधर्म का पालन करो, जैसा मेरे मन को सुखकर हो।'

श्लोक 4 (ayodhya.28.4)

सीते यथा त्वाम् वक्ष्यामि तथा कार्यम् त्वया अबले । वने दोषा हि बहवो वदतः तान् निबोध मे ॥ २८.४ ॥

sīte yathā tvām vakṣyāmi tathā kāryam tvayā abale | vane doṣā hi bahavo vadataḥ tān nibodha me || 28.4 ||

'हे अबले सीते! मैं जैसा कहूँ, वैसा ही तुम्हें करना चाहिए। वन में अनेक कष्ट हैं; मुझसे कहते हुए उन्हें सुनो।'

श्लोक 5 (ayodhya.28.5)

सीते विमुच्यताम् एषा वन वास कृता मतिः । बहु दोषम् हि कान्तारम् वनम् इति अभिधीयते ॥ २८.५ ॥

sīte vimucyatām eṣā vana vāsa kṛtā matiḥ | bahu doṣam hi kāntāram vanam iti abhidhīyate || 28.5 ||

'हे सीते! वनवास का यह विचार त्याग दो। वन नाम की वह अटवी अनेक दोषों से युक्त कही जाती है।'

श्लोक 6 (ayodhya.28.6)

हित बुद्ध्या खलु वचो मया एतत् अभिधीयते । सदा सुखम् न जानामि दुह्खम् एव सदा वनम् ॥ २८.६ ॥

hita buddhyā khalu vaco mayā etat abhidhīyate | sadā sukham na jānāmi duhkham eva sadā vanam || 28.6 ||

'यह बात मैं तुम्हारे हित की भावना से ही कह रहा हूँ। मैं वन को कभी सुखद नहीं मानता; वह सदा दुःखमय ही है।'

श्लोक 7 (ayodhya.28.7)

गिरि निर्झर सम्भूता गिरि कन्दर वासिनाम् । सिम्हानाम् निनदा दुह्खाः श्रोतुम् दुह्खम् अतः वनम् ॥ २८.७ ॥

giri nirjhara sambhūtā giri kandara vāsinām | simhānām ninadā duhkhāḥ śrotum duhkham ataḥ vanam || 28.7 ||

'पर्वतीय झरनों की ध्वनि तथा पर्वत-गुफाओं में रहने वाले सिंहों की गर्जना सुनना कष्टकर होता है; इसलिए भी वन दुःखमय है।'

श्लोक 8 (ayodhya.28.8)

क्रीडमानाश्च विस्रब्धा मत्ताह् शून्ये महामृगाः । दृष्ट्वा समभिवर्तन्ते सीते दुःखमतो वनम् ॥ २८.८ ॥

krīḍamānāśca visrabdhā mattāh śūnye mahāmṛgāḥ | dṛṣṭvā samabhivartante sīte duḥkhamato vanam || 28.8 ||

'सूने वन में निर्भय होकर क्रीड़ा करते हुए मदमत्त बड़े-बड़े हिंसक पशु, किसी को देखते ही सामने आ जाते हैं; हे सीते! इसलिए भी वन दुःखमय है।'

श्लोक 9 (ayodhya.28.9)

सग्राहाः सरितश्चैव पङ्कवत्यश्च दुस्तराः । मत्तैरपि गजैर्नित्यमतो दुःखतरम् वनम् ॥ २८.९ ॥

sagrāhāḥ saritaścaiva paṅkavatyaśca dustarāḥ | mattairapi gajairnityamato duḥkhataram vanam || 28.9 ||

'मगरमच्छों से भरी और कीचड़युक्त नदियाँ मदमत्त हाथियों के लिए भी सदा पार करना कठिन होती हैं; इसलिए वन और भी अधिक दुःखमय है।'

श्लोक 10 (ayodhya.28.10)

लताकण्टकसम्पूर्णाः कृकवाकूपनादिताः । निरपाश्च सुदुर्गाश्च मार्गा दुःखमतो वनम् ॥ २८.१० ॥

latākaṇṭakasampūrṇāḥ kṛkavākūpanāditāḥ | nirapāśca sudurgāśca mārgā duḥkhamato vanam || 28.10 ||

'लताओं और काँटों से भरे, जंगली मुर्गों की बोली से गूँजते, जलरहित तथा अत्यन्त दुर्गम मार्ग होते हैं; इसलिए भी वन दुःखमय है।'

श्लोक 11 (ayodhya.28.11)

सुप्यते पर्ण शय्यासु स्वयम् भग्नासु भू तले । रात्रिषु श्रम खिन्नेन तस्मात् दुह्खतरम् वनम् ॥ २८.११ ॥

supyate parṇa śayyāsu svayam bhagnāsu bhū tale | rātriṣu śrama khinnena tasmāt duhkhataram vanam || 28.11 ||

'परिश्रम से थका हुआ व्यक्ति रात्रि में भूमि पर बिखरे टूटे हुए पत्तों की शय्या पर ही सोता है; इसलिए वन और भी अधिक दुःखमय है।'

श्लोक 12 (ayodhya.28.12)

अहोरात्रम् च सन्तोषः कर्तव्यो नियतात्मना । फलैर्वृक्षावपतितैः सीते दुःखमतो वनम् ॥ २८.१२ ॥

ahorātram ca santoṣaḥ kartavyo niyatātmanā | phalairvṛkṣāvapatitaiḥ sīte duḥkhamato vanam || 28.12 ||

'नियमपूर्वक रहने वाले को रात-दिन वृक्षों से गिरे हुए फलों से ही सन्तोष करना पड़ता है; हे सीते! इसलिए भी वन दुःखमय है।'

श्लोक 13 (ayodhya.28.13)

उपवासः च कर्तव्या यथा प्राणेन मैथिलि । जटा भारः च कर्तव्यो वल्कल अम्बर धारिणा ॥ २८.१३ ॥

upavāsaḥ ca kartavyā yathā prāṇena maithili | jaṭā bhāraḥ ca kartavyo valkala ambara dhāriṇā || 28.13 ||

'हे मैथिली! शक्ति के अनुसार उपवास करना पड़ता है, और वल्कल-वस्त्र धारण करने वाले को जटाओं का भार भी वहन करना होता है।'

श्लोक 14 (ayodhya.28.14)

देवतानाम् पितृइणाम् चकर्तव्यम् विधिपूर्वकम् । प्राप्तानामतिथीनाम् च नित्यशः प्रतिपूजनम् ॥ २८.१४ ॥

devatānām pitṛiṇām cakartavyam vidhipūrvakam | prāptānāmatithīnām ca nityaśaḥ pratipūjanam || 28.14 ||

'देवताओं, पितरों तथा जो भी अतिथि आ जाएँ, उन सबका सदा विधिपूर्वक पूजन करना पड़ता है।'

श्लोक 15 (ayodhya.28.15)

कार्यस्त्रीरभिषेकश्च काले काले च नित्यशः । चरता नियमेनैव तस्माद्दुःखतरम् वनम् ॥ २८.१५ ॥

kāryastrīrabhiṣekaśca kāle kāle ca nityaśaḥ | caratā niyamenaiva tasmādduḥkhataram vanam || 28.15 ||

'वन में विचरण करने वाले को नियमपूर्वक प्रतिदिन तीन बार, उचित समय पर स्नान करना पड़ता है; इसलिए वन और अधिक दुःखमय है।'

श्लोक 16 (ayodhya.28.16)

उपहारश्च कर्तव्यः कुसुमैः स्वयमाहृतैः । आर्षेण विधिना वेद्याम् बाले दुःखमतो वनम् ॥ २८.१६ ॥

upahāraśca kartavyaḥ kusumaiḥ svayamāhṛtaiḥ | ārṣeṇa vidhinā vedyām bāle duḥkhamato vanam || 28.16 ||

'हे बाले! स्वयं लाये हुए फूलों से, ऋषियों की विधि के अनुसार वेदी पर उपहार चढ़ाना पड़ता है; इसलिए भी वन दुःखमय है।'

श्लोक 17 (ayodhya.28.17)

यथालब्धेन कर्तव्यः सन्तोष्स्तेन मैथिलि । यताहारैर्वनचरैः सीते दुःखमतो वनम् ॥ २८.१७ ॥

yathālabdhena kartavyaḥ santoṣstena maithili | yatāhārairvanacaraiḥ sīte duḥkhamato vanam || 28.17 ||

'हे मैथिली! वनवासियों को जो कुछ भी मिल जाए, उसी सीमित आहार से सन्तोष करना पड़ता है; हे सीते! इसलिए भी वन दुःखमय है।'

श्लोक 18 (ayodhya.28.18)

अतीव वातः तिमिरम् बुभुक्षा च अत्र नित्यशः । भयानि च महान्ति अत्र ततः दुह्खतरम् वनम् ॥ २८.१८ ॥

atīva vātaḥ timiram bubhukṣā ca atra nityaśaḥ | bhayāni ca mahānti atra tataḥ duhkhataram vanam || 28.18 ||

'वहाँ प्रचण्ड वायु, घना अन्धकार तथा निरन्तर भूख बनी रहती है, और बड़े-बड़े भय भी रहते हैं; इसलिए वन और अधिक दुःखमय है।'

श्लोक 19 (ayodhya.28.19)

सरी सृपाः च बहवो बहु रूपाः च भामिनि । चरन्ति पृथिवीम् दर्पात् अतः दुखतरम् वनम् ॥ २८.१९ ॥

sarī sṛpāḥ ca bahavo bahu rūpāḥ ca bhāmini | caranti pṛthivīm darpāt ataḥ dukhataram vanam || 28.19 ||

'हे भामिनि! अनेक प्रकार के रेंगने वाले जीव उद्दण्डतापूर्वक पृथ्वी पर सर्वत्र विचरते रहते हैं; इसलिए वन और अधिक दुःखमय है।'

श्लोक 20 (ayodhya.28.20)

नदी निलयनाः सर्पा नदी कुटिल गामिनः । तिष्ठन्ति आवृत्य पन्थानम् अतः दुह्खतरम् वनम् ॥ २८.२० ॥

nadī nilayanāḥ sarpā nadī kuṭila gāminaḥ | tiṣṭhanti āvṛtya panthānam ataḥ duhkhataram vanam || 28.20 ||

'नदियों में रहने वाले तथा नदी के समान टेढ़े चलने वाले सर्प मार्ग को घेरकर बैठे रहते हैं; इसलिए वन और अधिक दुःखमय है।'

श्लोक 21 (ayodhya.28.21)

पतम्गा वृश्चिकाः कीटा दंशाः च मशकैः सह । बाधन्ते नित्यम् अबले सर्वम् दुह्खम् अतः वनम् ॥ २८.२१ ॥

patamgā vṛścikāḥ kīṭā daṃśāḥ ca maśakaiḥ saha | bādhante nityam abale sarvam duhkham ataḥ vanam || 28.21 ||

'हे अबले! उड़ने वाले कीड़े, बिच्छू, कीट, डाँस तथा मच्छर सदा सताते रहते हैं; सब कुछ कष्टमय है, इसलिए वन दुःखमय है।'

श्लोक 22 (ayodhya.28.22)

द्रुमाः कण्टकिनः चैव कुश काशाः च भामिनि । वने व्याकुल शाखा अग्राः तेन दुह्खतरम् वनम् ॥ २८.२२ ॥

drumāḥ kaṇṭakinaḥ caiva kuśa kāśāḥ ca bhāmini | vane vyākula śākhā agrāḥ tena duhkhataram vanam || 28.22 ||

'हे भामिनि! काँटेदार वृक्ष तथा कुश और काश की झाड़ियाँ वन में उलझी हुई शाखाओं के साथ फैली रहती हैं; इसलिए वन और अधिक दुःखमय है।'

श्लोक 23 (ayodhya.28.23)

कायक्लेशाश्च बहवो भयानि विविधानि च । अरण्यवासे वसतो क्धुःखमेव ततो वनम् ॥ २८.२३ ॥

kāyakleśāśca bahavo bhayāni vividhāni ca | araṇyavāse vasato kdhuḥkhameva tato vanam || 28.23 ||

'वन में रहने वाले को अनेक शारीरिक कष्ट और नाना प्रकार के भय सहने पड़ते हैं; अतः वन-निवास वस्तुतः दुःखमय ही है।'

श्लोक 24 (ayodhya.28.24)

क्रोधलोभे विमोक्तव्यौ कर्तव्या तपसे मतिः । न भेतव्यम् च भेतव्ये नित्यम् दुःखमतो वनम् ॥ २८.२४ ॥

krodhalobhe vimoktavyau kartavyā tapase matiḥ | na bhetavyam ca bhetavye nityam duḥkhamato vanam || 28.24 ||

'क्रोध और लोभ का त्याग करना पड़ता है, मन को तपस्या में लगाना पड़ता है, तथा जहाँ भय होना स्वाभाविक हो वहाँ भी भयभीत नहीं होना चाहिए; इसलिए भी वन सदा दुःखमय है।'

श्लोक 25 (ayodhya.28.25)

तत् अलम् ते वनम् गत्वा क्षमम् न हि वनम् तव । विमृशन्न् इह पश्यामि बहु दोषतरम् वनम् ॥ २८.२५ ॥

tat alam te vanam gatvā kṣamam na hi vanam tava | vimṛśann iha paśyāmi bahu doṣataram vanam || 28.25 ||

'अतः तुम्हारा वन जाना ठीक नहीं; वन तुम्हारे योग्य नहीं है। भलीभाँति विचार करने पर मुझे वन बहुत ही दोषों से भरा हुआ जान पड़ता है।'

श्लोक 26 (ayodhya.28.26)

वनम् तु नेतुम् न कृता मतिस् तदा । बभूव रामेण यदा महात्मना । न तस्य सीता वचनम् चकार तत् । ततः अब्रवीद् रामम् इदम् सुदुह्खिता ॥ २८.२६ ॥

vanam tu netum na kṛtā matis tadā | babhūva rāmeṇa yadā mahātmanā | na tasya sītā vacanam cakāra tat | tataḥ abravīd rāmam idam suduhkhitā || 28.26 ||

जब महात्मा राम का मन उन्हें वन में साथ न ले जाने का ही निश्चय कर चुका था, तब सीता ने उनकी उस बात को स्वीकार नहीं किया; तत्पश्चात् अत्यन्त दुःखी होकर उन्होंने राम से यह कहा।