कैकेयी द्वारा सीता को वल्कल वस्त्र

श्लोक 1 (ayodhya.37.1)

महामात्रवचः श्रुत्वा रामो दशरथं तदा। अभ्यभाषत वाक्यं तु विनयज्ञो विनीतवत्॥ 37.1 ॥

mahāmātravacaḥ śrutvā rāmo daśarathaṃ tadā| abhyabhāṣata vākyaṃ tu vinayajño vinītavat

महामात्र सिद्धार्थ के वचन सुनकर, विनय के ज्ञाता राम ने विनम्रतापूर्वक दशरथ से यह वचन कहा।

श्लोक 2 (ayodhya.37.2)

त्यक्तभोगस्य मे राजन् वने वन्येन जीवतः। किं कार्यमनुयात्रेण त्यक्तसङ्गस्य सर्वतः॥ 37.2 ॥

tyaktabhogasya me rājan vane vanyena jīvataḥ| kiṃ kāryamanuyātreṇa tyaktasaṅgasya sarvataḥ

"हे राजन्! जो मैं सब भोग त्यागकर वन में वन्य भोजन पर जीवन बिताने जा रहा हूँ और हर आसक्ति छोड़ चुका हूँ, उसे सेना के साथ जाने से क्या प्रयोजन?"

श्लोक 3 (ayodhya.37.3)

यो हि दत्त्वा द्विपश्रेष्ठं कक्ष्यायां कुरुते मनः। रज्जुस्नेहेन किं तस्य त्यजतः कुञ्जरोत्तमम्॥ 37.3 ॥

yo hi dattvā dvipaśreṣṭhaṃ kakṣyāyāṃ kurute manaḥ| rajjusnehena kiṃ tasya tyajataḥ kuñjarottamam

"जो श्रेष्ठ हाथी को ही दान कर चुका हो, वह उसे बाँधने वाली रस्सी में क्यों मन लगाएगा? हाथी त्याग देने वाले को रस्सी के मोह से क्या लाभ?"

श्लोक 4 (ayodhya.37.4)

तथा मम सतां श्रेष्ठ किं ध्वजिन्या जगत्पते। सर्वाण्येवानुजानामि चीराण्येवानयन्तु मे॥ 37.4 ॥

tathā mama satāṃ śreṣṭha kiṃ dhvajinyā jagatpate| sarvāṇyevānujānāmi cīrāṇyevānayantu me

"हे सज्जनों में श्रेष्ठ, हे जगत्पते! उसी प्रकार मुझे सेना से क्या प्रयोजन? मैं सब कुछ पूर्णतः त्याग रहा हूँ — मेरे लिए केवल वल्कल वस्त्र ही लाए जाएँ।"

श्लोक 5 (ayodhya.37.5)

खनित्रपिटके चोभे समानयत गच्छत। चतुर्दश वने वासं वर्षाणि वसतो मम॥ 37.5 ॥

khanitrapiṭake cobhe samānayata gacchata| caturdaśa vane vāsaṃ varṣāṇi vasato mama

"मेरे लिए एक फावड़ा और एक टोकरी भी ले आओ, क्योंकि मुझे चौदह वर्षों तक वन में निवास करना है।"

श्लोक 6 (ayodhya.37.6)

अथ चीराणि कैकेयी स्वयमाहृत्य राघवम्। उवाच परिधत्स्वेति जनौघे निरपत्रपा॥ 37.6 ॥

atha cīrāṇi kaikeyī svayamāhṛtya rāghavam| uvāca paridhatsveti janaughe nirapatrapā

तब कैकेयी स्वयं निर्लज्जतापूर्वक जन-समूह के बीच वल्कल वस्त्र ले आई और राघव से बोली, "इन्हें धारण करो।"

श्लोक 7 (ayodhya.37.7)

स चीरे पुरुषव्याघ्रः कैकेय्याः प्रतिगृह्य ते। सूक्ष्मवस्त्रमवक्षिप्य मुनिवस्त्राण्यवस्त ह॥ 37.7 ॥

sa cīre puruṣavyāghraḥ kaikeyyāḥ pratigṛhya te| sūkṣmavastramavakṣipya munivastrāṇyavasta ha

पुरुषों में व्याघ्र के समान राम ने कैकेयी से वे दो वल्कल वस्त्र लेकर, अपने सूक्ष्म वस्त्रों को उतारकर, मुनि-वस्त्र धारण कर लिए।

श्लोक 8 (ayodhya.37.8)

लक्ष्मणश्चापि तत्रैव विहाय वसने शुभे। तापसाच्छादने चैव जग्राह पितुरग्रतः॥ 37.8 ॥

lakṣmaṇaścāpi tatraiva vihāya vasane śubhe| tāpasācchādane caiva jagrāha pituragrataḥ

लक्ष्मण ने भी वहीं, पिता के समक्ष, अपने सुंदर वस्त्रों को त्यागकर तापस-वस्त्र धारण कर लिए।

श्लोक 9 (ayodhya.37.9)

अथात्मपरिधानार्थं सीता कौशेयवासिनी। सम्प्रेक्ष्य चीरं संत्रस्ता पृषती वागुरामिव॥ 37.9 ॥

athātmaparidhānārthaṃ sītā kauśeyavāsinī| samprekṣya cīraṃ saṃtrastā pṛṣatī vāgurāmiva

तब रेशमी वस्त्र पहने सीता, अपने लिए लाए गए उस वल्कल वस्त्र को देखकर, फंदा देखने वाली हिरणी के समान भयभीत हो गईं।

श्लोक 10 (ayodhya.37.10)

सा व्यपत्रपमाणेव प्रगृह्य च सुदुर्मनाः। कैकेय्याः कुशचीरे ते जानकी शुभलक्षणा॥ 37.10 ॥

sā vyapatrapamāṇeva pragṛhya ca sudurmanāḥ| kaikeyyāḥ kuśacīre te jānakī śubhalakṣaṇā

वह मानो लज्जा से व्याकुल होकर, कैकेयी से वे कुश के दो वस्त्र ग्रहण करती हुई, अत्यंत उद्विग्न मन वाली, शुभलक्षणा जानकी —

श्लोक 11 (ayodhya.37.11)

अश्रुसम्पूर्णनेत्रा च धर्मज्ञा धर्मदर्शिनी। गन्धर्वराजप्रतिमं भर्तारमिदमब्रवीत्॥ 37.11 ॥

aśrusampūrṇanetrā ca dharmajñā dharmadarśinī| gandharvarājapratimaṃ bhartāramidamabravīt

— आँसुओं से भरे नेत्रों वाली, धर्म को जानने वाली और धर्म की साक्षात् प्रतिमूर्ति सीता ने, गंधर्वराज के समान तेजस्वी अपने पति से यह कहा।

श्लोक 12 (ayodhya.37.12)

कथं नु चीरं बध्नन्ति मुनयो वनवासिनः। इति ह्यकुशला सीता सा मुमोह मुहुर्मुहुः॥ 37.12 ॥

kathaṃ nu cīraṃ badhnanti munayo vanavāsinaḥ| iti hyakuśalā sītā sā mumoha muhurmuhuḥ

"वन में रहने वाले मुनि यह वल्कल वस्त्र कैसे बाँधते हैं?" ऐसा कहते हुए, इसमें अनभ्यस्त सीता बार-बार असमंजस में पड़ गईं।

श्लोक 13 (ayodhya.37.13)

कृत्वा कण्ठे स्म सा चीरमेकमादाय पाणिना। तस्थौ ह्यकुशला तत्र व्रीडिता जनकात्मजा॥ 37.13 ॥

kṛtvā kaṇṭhe sma sā cīramekamādāya pāṇinā| tasthau hyakuśalā tatra vrīḍitā janakātmajā

एक वल्कल को गले में डालकर और दूसरे को हाथ में लिए हुए, अनभ्यस्त जानकी वहाँ लज्जित होकर खड़ी रह गईं।

श्लोक 14 (ayodhya.37.14)

तस्यास्तत् क्षिप्रमागत्य रामो धर्मभृतां वरः। चीरं बबन्ध सीतायाः कौशेयस्योपरि स्वयम्॥ 37.14 ॥

tasyāstat kṣipramāgatya rāmo dharmabhṛtāṃ varaḥ| cīraṃ babandha sītāyāḥ kauśeyasyopari svayam

धर्मधारियों में श्रेष्ठ राम शीघ्र ही वहाँ आए और स्वयं ही सीता के रेशमी वस्त्र के ऊपर वह वल्कल वस्त्र बाँध दिया।

श्लोक 15 (ayodhya.37.15)

रामं प्रेक्ष्य तु सीताया बध्नन्तं चीरमुत्तमम्। अन्तःपुरचरा नार्यो मुमुचुर्वारि नेत्रजम्॥ 37.15 ॥

rāmaṃ prekṣya tu sītāyā badhnantaṃ cīramuttamam| antaḥpuracarā nāryo mumucurvāri netrajam

सीता पर वह उत्तम वल्कल वस्त्र बाँधते हुए राम को देखकर, अंतःपुर की स्त्रियाँ नेत्रों से अश्रु बहाने लगीं।

श्लोक 16 (ayodhya.37.16)

ऊचुश्च परमायत्ता रामं ज्वलिततेजसम्। वत्स नैवं नियुक्तेयं वनवासे मनस्विनी॥ 37.16 ॥

ūcuśca paramāyattā rāmaṃ jvalitatejasam| vatsa naivaṃ niyukteyaṃ vanavāse manasvinī

और अत्यंत व्याकुल होकर उन्होंने तेजस्वी राम से कहा: "वत्स! इस मनस्विनी सीता को तो इस प्रकार वनवास की आज्ञा नहीं दी गई थी।"

श्लोक 17 (ayodhya.37.17)

पितुर्वाक्यानुरोधेन गतस्य विजनं वनम्। तावद् दर्शनमस्या नः सफलं भवतु प्रभो॥ 37.17 ॥

piturvākyānurodhena gatasya vijanaṃ vanam| tāvad darśanamasyā naḥ saphalaṃ bhavatu prabho

"हे प्रभो! जब आप पिता के वचन के पालन हेतु निर्जन वन को जा रहे हैं, तब कम से कम आपके लौटने तक इनके दर्शन का सुफल हमें मिलता रहे।"

श्लोक 18 (ayodhya.37.18)

लक्ष्मणेन सहायेन वनं गच्छस्व पुत्रक। नेयमर्हति कल्याणि वस्तुं तापसवद् वने॥ 37.18 ॥

lakṣmaṇena sahāyena vanaṃ gacchasva putraka| neyamarhati kalyāṇi vastuṃ tāpasavad vane

"हे पुत्र! लक्ष्मण को सहायक बनाकर तुम वन को जाओ; परंतु यह कल्याणी सीता वन में तपस्विनी की भाँति रहने योग्य नहीं है।"

श्लोक 19 (ayodhya.37.19)

कुरु नो याचनां पुत्र सीता तिष्ठतु भामिनी। धर्मनित्यः स्वयं स्थातुं न हीदानीं त्वमिच्छसि॥ 37.19 ॥

kuru no yācanāṃ putra sītā tiṣṭhatu bhāminī| dharmanityaḥ svayaṃ sthātuṃ na hīdānīṃ tvamicchasi

"हे पुत्र! हमारी यह प्रार्थना स्वीकार करो — भामिनी सीता यहीं रह जाएँ। तुम तो सदा धर्मपरायण होने के कारण स्वयं रुकना नहीं चाहोगे।"

श्लोक 20 (ayodhya.37.20)

तासामेवंविधा वाचः शृण्वन् दशरथात्मजः। बबन्धैव तथा चीरं सीतया तुल्यशीलया॥ 37.20 ॥

tāsāmevaṃvidhā vācaḥ śṛṇvan daśarathātmajaḥ| babandhaiva tathā cīraṃ sītayā tulyaśīlayā

उनके इस प्रकार के वचन सुनकर भी दशरथनंदन राम ने अपने समान स्वभाव वाली सीता को वही वल्कल वस्त्र बाँध दिया।

श्लोक 21 (ayodhya.37.21)

चीरे गृहीते तु तया समीक्ष्य नृपतेर्गुरुः। निवार्य सीतां कैकेयीं वसिष्ठो वाक्यमब्रवीत्॥ 37.21 ॥

cīre gṛhīte tu tayā samīkṣya nṛpaterguruḥ| nivārya sītāṃ kaikeyīṃ vasiṣṭho vākyamabravīt

उसके द्वारा वह वल्कल वस्त्र ग्रहण किया जाता देखकर, राजा के गुरु वसिष्ठ ने सीता को रोककर कैकेयी से यह कहा।

श्लोक 22 (ayodhya.37.22)

अतिप्रवृत्ते दुर्मेधे कैकेयि कुलपांसनि। वञ्चयित्वा तु राजानं न प्रमाणेऽवतिष्ठसि॥ 37.22 ॥

atipravṛtte durmedhe kaikeyi kulapāṃsani| vañcayitvā tu rājānaṃ na pramāṇe'vatiṣṭhasi

"हे कुलकलंकिनी दुर्बुद्धि कैकेयी! तूने अपनी सीमाएँ लांघ दी हैं। राजा को छलकर तू औचित्य की मर्यादा में स्थित नहीं है।"

श्लोक 23 (ayodhya.37.23)

न गन्तव्यं वनं देव्या सीतया शीलवर्जिते। अनुष्ठास्यति रामस्य सीता प्रकृतमासनम्॥ 37.23 ॥

na gantavyaṃ vanaṃ devyā sītayā śīlavarjite| anuṣṭhāsyati rāmasya sītā prakṛtamāsanam

"हे शीलहीना! राजकुमारी सीता को वन जाने की आवश्यकता नहीं है। सीता ही राम के लिए नियत उस आसन का पालन करेंगी।"

श्लोक 24 (ayodhya.37.24)

आत्मा हि दाराः सर्वेषां दारसंग्रहवर्तिनाम्। आत्मेयमिति रामस्य पालयिष्यति मेदिनीम्॥ 37.24 ॥

ātmā hi dārāḥ sarveṣāṃ dārasaṃgrahavartinām| ātmeyamiti rāmasya pālayiṣyati medinīm

"जो पत्नी को संजोकर रखते हैं, उन सबके लिए पत्नी ही उनका आत्मा होती है; यह सीता राम की आत्मा है, अतः यही पृथ्वी का पालन करेंगी।"

श्लोक 25 (ayodhya.37.25)

अथ यास्यति वैदेही वनं रामेण संगता। वयमत्रानुयास्यामः पुरं चेदं गमिष्यति॥ 37.25 ॥

atha yāsyati vaidehī vanaṃ rāmeṇa saṃgatā| vayamatrānuyāsyāmaḥ puraṃ cedaṃ gamiṣyati

"अथवा यदि वैदेही राम के साथ वन को जाएँगी, तो हम भी उनके पीछे चलेंगे — और यह नगर भी वहीं चला जाएगा।"

श्लोक 26 (ayodhya.37.26)

अन्तपालाश्च यास्यन्ति सदारो यत्र राघवः। सहोपजीव्यं राष्ट्रं च पुरं च सपरिच्छदम्॥ 37.26 ॥

antapālāśca yāsyanti sadāro yatra rāghavaḥ| sahopajīvyaṃ rāṣṭraṃ ca puraṃ ca saparicchadam

जहाँ भी राघव अपनी पत्नी सहित रहेंगे, वहीं सीमा-रक्षक भी चले जाएँगे — प्रजा सहित राज्य और सामग्री सहित नगर भी वहीं चला जाएगा।

श्लोक 27 (ayodhya.37.27)

भरतश्च सशत्रुघ्नश्चीरवासा वनेचरः। वने वसन्तं काकुत्स्थमनुवत्स्यति पूर्वजम्॥ 37.27 ॥

bharataśca saśatrughnaścīravāsā vanecaraḥ| vane vasantaṃ kākutsthamanuvatsyati pūrvajam

और भरत भी शत्रुघ्न के साथ वल्कल धारण कर वनचर बनकर, वन में निवास करने वाले अपने ज्येष्ठ भ्राता काकुत्स्थ की सेवा में वहीं रहेंगे।

श्लोक 28 (ayodhya.37.28)

ततः शून्यां गतजनां वसुधां पादपैः सह। त्वमेका शाधि दुर्वृत्ता प्रजानामहिते स्थिता॥ 37.28 ॥

tataḥ śūnyāṃ gatajanāṃ vasudhāṃ pādapaiḥ saha| tvamekā śādhi durvṛttā prajānāmahite sthitā

"तब तू अकेली ही, दुराचारिणी और प्रजा के अहित में तत्पर होकर, इस जनशून्य और उजाड़ पृथ्वी पर, जिसमें केवल वृक्ष ही शेष रह जाएँगे, राज्य करती रहना।"

श्लोक 29 (ayodhya.37.29)

न हि तद् भविता राष्ट्रं यत्र रामो न भूपतिः। तद् वनं भविता राष्ट्रं यत्र रामो निवत्स्यति॥ 37.29 ॥

na hi tad bhavitā rāṣṭraṃ yatra rāmo na bhūpatiḥ| tad vanaṃ bhavitā rāṣṭraṃ yatra rāmo nivatsyati

"क्योंकि जिस स्थान का राजा राम नहीं, वह वस्तुतः राज्य नहीं होगा; और जिस वन में राम निवास करेंगे, वही वन राज्य बन जाएगा।"

श्लोक 30 (ayodhya.37.30)

न ह्यदत्तां महीं पित्रा भरतः शास्तुमिच्छति। त्वयि वा पुत्रवद् वस्तुं यदि जातो महीपतेः॥ 37.30 ॥

na hyadattāṃ mahīṃ pitrā bharataḥ śāstumicchati| tvayi vā putravad vastuṃ yadi jāto mahīpateḥ

"पिता द्वारा न दी गई इस पृथ्वी पर शासन करना भरत नहीं चाहेंगे, और न ही तेरे साथ पुत्र के समान रहना — चाहे वे राजा के ही पुत्र क्यों न हों।"

श्लोक 31 (ayodhya.37.31)

यद्यपि त्वं क्षितितलाद् गगनं चोत्पतिष्यसि। पितृवंशचरित्रज्ञः सोऽन्यथा न करिष्यति॥ 37.31 ॥

yadyapi tvaṃ kṣititalād gaganaṃ cotpatiṣyasi| pitṛvaṃśacaritrajñaḥ so'nyathā na kariṣyati

"यदि तू पृथ्वी से आकाश में भी उड़ जाए, तब भी अपने पितृवंश की मर्यादा के ज्ञाता भरत इससे भिन्न कुछ नहीं करेंगे।"

श्लोक 32 (ayodhya.37.32)

तत् त्वया पुत्रगर्धिन्या पुत्रस्य कृतमप्रियम्। लोके नहि स विद्येत यो न राममनुव्रतः॥ 37.32 ॥

tat tvayā putragardhinyā putrasya kṛtamapriyam| loke nahi sa vidyeta yo na rāmamanuvrataḥ

"अतः अपने पुत्र के प्रति लोभवश तूने ही उसका अहित किया है; क्योंकि इस लोक में ऐसा कोई नहीं जो राम का अनुरागी न हो।"

श्लोक 33 (ayodhya.37.33)

द्रक्ष्यस्यद्यैव कैकेयि पशुव्यालमृगद्विजान्। गच्छतः सह रामेण पादपांश्च तदुन्मुखान्॥ 37.33 ॥

drakṣyasyadyaiva kaikeyi paśuvyālamṛgadvijān| gacchataḥ saha rāmeṇa pādapāṃśca tadunmukhān

"हे कैकेयी! आज ही तू पशु, सर्प, मृग और पक्षियों को, तथा वृक्षों तक को, राम के साथ जाते हुए और उनकी ओर मुख किए हुए देखेगी।"

श्लोक 34 (ayodhya.37.34)

अथोत्तमान्याभरणानि देवि देहि स्नुषायै व्यपनीय चीरम्। न चीरमस्याः प्रविधीयतेति न्यवारयत् तद् वसनं वसिष्ठः॥ 37.34 ॥

athottamānyābharaṇāni devi dehi snuṣāyai vyapanīya cīram| na cīramasyāḥ pravidhīyateti nyavārayat tad vasanaṃ vasiṣṭhaḥ

"हे देवी! वल्कल हटाकर अपनी पुत्रवधू को उत्तम आभूषण दीजिए — इनके लिए वल्कल विहित नहीं है।" इस प्रकार कहकर वसिष्ठ ने उस वस्त्र को धारण करने से रोक दिया।

श्लोक 35 (ayodhya.37.35)

एकस्य रामस्य वने निवासस् त्वया वृतः केकयराजपुत्रि। विभूषितेयं प्रतिकर्मनित्या वसत्वरण्ये सह राघवेण॥ 37.35 ॥

ekasya rāmasya vane nivāsas tvayā vṛtaḥ kekayarājaputri| vibhūṣiteyaṃ pratikarmanityā vasatvaraṇye saha rāghaveṇa

"हे केकयराजपुत्रि! तूने तो केवल राम के अकेले वनवास का ही वर माँगा था। यह सीता तो सदा शृंगार योग्य हैं — ये आभूषणों से सुसज्जित होकर ही राघव के साथ वन में निवास करें।"

श्लोक 36 (ayodhya.37.36)

यानैश्च मुख्यैः परिचारकैश्च सुसंवृता गच्छतु राजपुत्री। वस्त्रैश्च सर्वैः सहितैर्विधानै- र्नेयं वृता ते वरसम्प्रदाने॥ 37.36 ॥

yānaiśca mukhyaiḥ paricārakaiśca susaṃvṛtā gacchatu rājaputrī| vastraiśca sarvaiḥ sahitairvidhānai- rneyaṃ vṛtā te varasampradāne

"राजकुमारी उत्तम वाहनों और परिचारकों सहित, तथा सब वस्त्रों और आवश्यक सामग्री सहित प्रस्थान करें — वर माँगते समय तूने तो उन्हें भेजने की बात ही नहीं माँगी थी।"

श्लोक 37 (ayodhya.37.37)

तस्मिंस्तथा जल्पति विप्रमुख्ये गुरौ नृपस्याप्रतिमप्रभावे। नैव स्म सीता विनिवृत्तभावा प्रियस्य भर्तुः प्रतिकारकामा॥ 37.37 ॥

tasmiṃstathā jalpati vipramukhye gurau nṛpasyāpratimaprabhāve| naiva sma sītā vinivṛttabhāvā priyasya bhartuḥ pratikārakāmā

ब्राह्मणों में श्रेष्ठ, राजा के अनुपम प्रभावशाली गुरु वसिष्ठ जब इस प्रकार कह रहे थे, तब भी सीता अपने प्रिय पति की सेवा करने के संकल्प से तनिक भी विचलित नहीं हुईं।