तमसा तट की रात्रि

श्लोक 1 (ayodhya.46.1)

ततस्तु तमसातीरं रम्यमाश्रित्य राघवः। सीतामुद्वीक्ष्य सौमित्रिमिदं वचनमब्रवीत्॥ 46.1 ॥

tatastu tamasātīraṃ ramyamāśritya rāghavaḥ| sītāmudvīkṣya saumitrimidaṃ vacanamabravīt

तब राघव (राम) ने तमसा नदी के रमणीय तट पर पहुँचकर सीता की ओर देखा और लक्ष्मण से यह वचन कहा।

श्लोक 2 (ayodhya.46.2)

इयमद्य निशा पूर्वा सौमित्रे प्रहिता वनम्। वनवासस्य भद्रं ते न चोत्कण्ठितुमर्हसि॥ 46.2 ॥

iyamadya niśā pūrvā saumitre prahitā vanam| vanavāsasya bhadraṃ te na cotkaṇṭhitumarhasi

हे सौमित्रि, आज हमारे वनवास की पहली रात्रि है; हमें वन में भेज दिया गया है। तुम्हारा कल्याण हो, इसके लिए व्याकुल होना उचित नहीं है।

श्लोक 3 (ayodhya.46.3)

पश्य शून्यान्यरण्यानि रुदन्तीव समन्ततः। यथानिलयमायद्भिर्निलीनानि मृगद्विजैः॥ 46.3 ॥

paśya śūnyānyaraṇyāni rudantīva samantataḥ| yathānilayamāyadbhirnilīnāni mṛgadvijaiḥ

देखो, ये सूने वन मानो चारों ओर से रो रहे हैं, क्योंकि पशु-पक्षी अपने-अपने बसेरों में लौटकर छिप गए हैं।

श्लोक 4 (ayodhya.46.4)

अद्यायोध्या तु नगरी राजधानी पितुर्मम। सस्त्रीपुंसा गतानस्मान् शोचिष्यति न संशयः॥ 46.4 ॥

adyāyodhyā tu nagarī rājadhānī piturmama| sastrīpuṃsā gatānasmān śociṣyati na saṃśayaḥ

आज मेरे पिता की राजधानी अयोध्या नगरी निश्चय ही हम सबके चले जाने पर स्त्री-पुरुषों सहित शोक करेगी, इसमें कोई संदेह नहीं।

श्लोक 5 (ayodhya.46.5)

अनुरक्ता हि मनुजा राजानं बहुभिर्गुणैः। त्वां च मां च नरव्याघ्र शत्रुघ्नभरतौ तथा॥ 46.5 ॥

anuraktā hi manujā rājānaṃ bahubhirguṇaiḥ| tvāṃ ca māṃ ca naravyāghra śatrughnabharatau tathā

हे नरव्याघ्र, प्रजा अनेक गुणों के कारण राजा से जितना अनुराग रखती है, उतना ही तुमसे, मुझसे और शत्रुघ्न-भरत से भी रखती है।

श्लोक 6 (ayodhya.46.6)

पितरं चानुशोचामि मातरं च यशस्विनीम्। अपि वान्धौ भवेतां तौ रुदन्तावभीक्ष्णशः॥ 46.6 ॥

pitaraṃ cānuśocāmi mātaraṃ ca yaśasvinīm| api vāndhau bhavetāṃ tau rudantāvabhīkṣṇaśaḥ

मुझे अपने पिता और यशस्विनी माता का ही शोक सताता है; मुझे भय है कि निरंतर रोते-रोते वे दोनों कहीं अंधे न हो जाएँ।

श्लोक 7 (ayodhya.46.7)

भरतः खलु धर्मात्मा पितरं मातरं च मे। धर्मार्थकामसहितैर्वाक्यैराश्वासयिष्यति॥ 46.7 ॥

bharataḥ khalu dharmātmā pitaraṃ mātaraṃ ca me| dharmārthakāmasahitairvākyairāśvāsayiṣyati

किन्तु धर्मात्मा भरत अवश्य ही धर्म, अर्थ और काम से युक्त वचनों द्वारा मेरे माता-पिता को सांत्वना देगा।

श्लोक 8 (ayodhya.46.8)

भरतस्यानृशंसत्वं संचिन्त्याहं पुनः पुनः। नानुशोचामि पितरं मातरं च महाभुज॥ 46.8 ॥

bharatasyānṛśaṃsatvaṃ saṃcintyāhaṃ punaḥ punaḥ| nānuśocāmi pitaraṃ mātaraṃ ca mahābhuja

हे महाभुज, भरत की सहृदयता का बार-बार स्मरण करके मैं अपने माता-पिता के लिए शोक नहीं करता।

श्लोक 9 (ayodhya.46.9)

त्वया कार्यं नरव्याघ्र मामनुव्रजता कृतम्। अन्वेष्टव्या हि वैदेह्या रक्षणार्थं सहायता॥ 46.9 ॥

tvayā kāryaṃ naravyāghra māmanuvrajatā kṛtam| anveṣṭavyā hi vaidehyā rakṣaṇārthaṃ sahāyatā

हे नरव्याघ्र, मेरे साथ आकर तुमने बड़ा उपकार किया है; अन्यथा वैदेही की रक्षा के लिए मुझे किसी अन्य सहायता की खोज करनी पड़ती।

श्लोक 10 (ayodhya.46.10)

अद्भिरेव हि सौमित्रे वत्स्याम्यद्य निशामिमाम्। एतद्धि रोचते मह्यं वन्येऽपि विविधे सति॥ 46.10 ॥

adbhireva hi saumitre vatsyāmyadya niśāmimām| etaddhi rocate mahyaṃ vanye'pi vividhe sati

हे सौमित्रि, आज रात्रि मैं केवल जल पीकर ही रहूँगा; यद्यपि वन में नाना प्रकार के फल-मूल उपलब्ध हैं, फिर भी मुझे यही रुचता है।

श्लोक 11 (ayodhya.46.11)

एवमुक्त्वा तु सौमित्रिं सुमन्त्रमपि राघवः। अप्रमत्तस्त्वमश्वेषु भव सौम्येत्युवाच ह॥ 46.11 ॥

evamuktvā tu saumitriṃ sumantramapi rāghavaḥ| apramattastvamaśveṣu bhava saumyetyuvāca ha

राघव ने लक्ष्मण से ऐसा कहकर सुमन्त्र से भी कहा, हे सौम्य, तुम सावधान होकर घोड़ों की देखभाल करो।

श्लोक 12 (ayodhya.46.12)

सोऽश्वान् सुमन्त्रः संयम्य सूर्येऽस्तं समुपागते। प्रभूतयवसान् कृत्वा बभूव प्रत्यनन्तरः॥ 46.12 ॥

so'śvān sumantraḥ saṃyamya sūrye'staṃ samupāgate| prabhūtayavasān kṛtvā babhūva pratyanantaraḥ

सूर्य के पूर्णतः अस्त हो जाने पर सुमन्त्र ने घोड़ों को बाँधकर उन्हें प्रचुर घास खिलाई और फिर समीप ही आ खड़े हुए।

श्लोक 13 (ayodhya.46.13)

उपास्य तु शिवां संध्यां दृष्ट्वा रात्रिमुपागताम्। रामस्य शयनं चक्रे सूतः सौमित्रिणा सह॥ 46.13 ॥

upāsya tu śivāṃ saṃdhyāṃ dṛṣṭvā rātrimupāgatām| rāmasya śayanaṃ cakre sūtaḥ saumitriṇā saha

सूत ने मंगलमयी संध्या की उपासना करके और रात्रि को निकट आते देखकर लक्ष्मण के साथ मिलकर राम की शय्या तैयार की।

श्लोक 14 (ayodhya.46.14)

तां शय्यां तमसातीरे वीक्ष्य वृक्षदलैर्वृताम्। रामः सौमित्रिणा सार्धं सभार्यः संविवेश ह॥ 46.14 ॥

tāṃ śayyāṃ tamasātīre vīkṣya vṛkṣadalairvṛtām| rāmaḥ saumitriṇā sārdhaṃ sabhāryaḥ saṃviveśa ha

तमसा के तट पर वृक्षों के पत्तों से ढकी उस शय्या को देखकर राम लक्ष्मण के साथ अपनी पत्नी सहित उस पर लेट गए।

श्लोक 15 (ayodhya.46.15)

सभार्यं सम्प्रसुप्तं तु श्रान्तं सम्प्रेक्ष्य लक्ष्मणः। कथयामास सूताय रामस्य विविधान् गुणान्॥ 46.15 ॥

sabhāryaṃ samprasuptaṃ tu śrāntaṃ samprekṣya lakṣmaṇaḥ| kathayāmāsa sūtāya rāmasya vividhān guṇān

पत्नी सहित सोए हुए थके हुए भाई को देखकर लक्ष्मण ने सूत को राम के विविध गुणों की कथा सुनाई।

श्लोक 16 (ayodhya.46.16)

जाग्रतो ह्येव तां रात्रिं सौमित्रेरुदितो रविः। सूतस्य तमसातीरे रामस्य ब्रुवतो गुणान्॥ 46.16 ॥

jāgrato hyeva tāṃ rātriṃ saumitrerudito raviḥ| sūtasya tamasātīre rāmasya bruvato guṇān

जागते हुए ही उस रात्रि को सौमित्र के लिए सूर्य उदय हो गया, जब सूत तमसा के तट पर राम के गुणों का वर्णन कर रहा था।

श्लोक 17 (ayodhya.46.17)

गोकुलाकुलतीरायास्तमसाया विदूरतः। अवसत् तत्र तां रात्रिं रामः प्रकृतिभिः सह॥ 46.17 ॥

gokulākulatīrāyāstamasāyā vidūrataḥ| avasat tatra tāṃ rātriṃ rāmaḥ prakṛtibhiḥ saha

गौओं के झुंडों से भरे तमसा के तट से कुछ दूर हटकर राम ने वह रात्रि प्रजाजनों के साथ वहीं बिताई।

श्लोक 18 (ayodhya.46.18)

उत्थाय च महातेजाः प्रकृतीस्ता निशाम्य च। अब्रवीद् भ्रातरं रामो लक्ष्मणं पुण्यलक्षणम्॥ 46.18 ॥

utthāya ca mahātejāḥ prakṛtīstā niśāmya ca| abravīd bhrātaraṃ rāmo lakṣmaṇaṃ puṇyalakṣaṇam

उठकर और उन प्रजाजनों को देखकर महातेजस्वी राम ने पुण्यलक्षणों से युक्त अपने भाई लक्ष्मण से कहा।

श्लोक 19 (ayodhya.46.19)

अस्मद्व्यपेक्षान् सौमित्रे निर्व्यपेक्षान् गृहेष्वपि। वृक्षमूलेषु संसक्तान् पश्य लक्ष्मण साम्प्रतम्॥ 46.19 ॥

asmadvyapekṣān saumitre nirvyapekṣān gṛheṣvapi| vṛkṣamūleṣu saṃsaktān paśya lakṣmaṇa sāmpratam

हे सौमित्रि, देखो, हमारे मोह में पड़े ये लोग अपने घरों की भी परवाह छोड़कर अभी वृक्षों की जड़ों में सोए पड़े हैं।

श्लोक 20 (ayodhya.46.20)

यथैते नियमं पौराः कुर्वन्त्यस्मन्निवर्तने। अपि प्राणान् न्यसिष्यन्ति न तु त्यक्ष्यन्ति निश्चयम्॥ 46.20 ॥

yathaite niyamaṃ paurāḥ kurvantyasmannivartane| api prāṇān nyasiṣyanti na tu tyakṣyanti niścayam

जिस प्रकार हमें लौटाने का हठ ये नागरिक कर रहे हैं, उससे लगता है कि ये प्राण तो त्याग देंगे, पर अपना निश्चय कदापि नहीं छोड़ेंगे।

श्लोक 21 (ayodhya.46.21)

यावदेव तु संसुप्तास्तावदेव वयं लघु। रथमारुह्य गच्छामः पन्थानमकुतोभयम्॥ 46.21 ॥

yāvadeva tu saṃsuptāstāvadeva vayaṃ laghu| rathamāruhya gacchāmaḥ panthānamakutobhayam

अतः जब तक ये सब सोए हुए हैं, तभी तक हमें शीघ्रता से रथ पर चढ़कर निर्भय मार्ग से आगे बढ़ जाना चाहिए।

श्लोक 22 (ayodhya.46.22)

अतो भूयोऽपि नेदानीमिक्ष्वाकुपुरवासिनः। स्वपेयुरनुरक्ता मां वृक्षमूलानि संश्रिताः॥ 46.22 ॥

ato bhūyo'pi nedānīmikṣvākupuravāsinaḥ| svapeyuranuraktā māṃ vṛkṣamūlāni saṃśritāḥ

इससे इक्ष्वाकु की इस नगरी अयोध्या के मुझ पर अनुरक्त प्रजाजन बार-बार वृक्षों की जड़ों में शरण लेकर अब न सोएँ।

श्लोक 23 (ayodhya.46.23)

पौरा ह्यात्मकृताद् दुःखाद् विप्रमोच्या नृपात्मजैः। न तु खल्वात्मना योज्या दुःखेन पुरवासिनः॥ 46.23 ॥

paurā hyātmakṛtād duḥkhād vipramocyā nṛpātmajaiḥ| na tu khalvātmanā yojyā duḥkhena puravāsinaḥ

राजपुत्रों को चाहिए कि प्रजा को उनके ही किए दुःख से मुक्त कराएँ, न कि अपने कारण उन्हें दुःख में डालें, जैसा अभी हमारे कारण हो रहा है।

श्लोक 24 (ayodhya.46.24)

अब्रवील्लक्ष्मणो रामं साक्षाद् धर्ममिव स्थितम्। रोचते मे तथा प्राज्ञ क्षिप्रमारुह्यतामिति॥ 46.24 ॥

abravīllakṣmaṇo rāmaṃ sākṣād dharmamiva sthitam| rocate me tathā prājña kṣipramāruhyatāmiti

साक्षात् धर्म के समान स्थित राम से लक्ष्मण ने कहा, हे प्राज्ञ, मुझे यह उचित प्रतीत होता है; शीघ्र ही रथ पर चढ़ा जाए।

श्लोक 25 (ayodhya.46.25)

अथ रामोऽब्रवीच्छ्रीमान् सुमन्त्रं युज्यतां रथः। गमिष्यामि ततोऽरण्यं गच्छ शीघ्रमितः प्रभो॥ 46.25 ॥

atha rāmo'bravīcchrīmān sumantraṃ yujyatāṃ rathaḥ| gamiṣyāmi tato'raṇyaṃ gaccha śīghramitaḥ prabho

तब श्रीमान् राम ने सुमन्त्र से कहा, रथ जोता जाए; मैं वन की ओर जाऊँगा, हे स्वामी, शीघ्र यहाँ से चलो।

श्लोक 26 (ayodhya.46.26)

सूतस्ततः संत्वरितः स्यन्दनं तैर्हयोत्तमैः। योजयित्वा तु रामस्य प्राञ्जलिः प्रत्यवेदयत्॥ 46.26 ॥

sūtastataḥ saṃtvaritaḥ syandanaṃ tairhayottamaiḥ| yojayitvā tu rāmasya prāñjaliḥ pratyavedayat

इसके बाद सूत ने तुरंत उत्तम घोड़ों को रथ में जोतकर हाथ जोड़कर राम को सूचित किया।

श्लोक 27 (ayodhya.46.27)

अयं युक्तो महाबाहो रथस्ते रथिनां वर। त्वमारोहस्व भद्रं ते ससीतः सहलक्ष्मणः॥ 46.27 ॥

ayaṃ yukto mahābāho rathaste rathināṃ vara| tvamārohasva bhadraṃ te sasītaḥ sahalakṣmaṇaḥ

हे महाबाहो, रथियों में श्रेष्ठ, तुम्हारा यह रथ जुत चुका है; सीता और लक्ष्मण सहित तुम इस पर चढ़ो, तुम्हारा कल्याण हो।

श्लोक 28 (ayodhya.46.28)

तं स्यन्दनमधिष्ठाय राघवः सपरिच्छदः। शीघ्रगामाकुलावर्तां तमसामतरन्नदीम्॥ 46.28 ॥

taṃ syandanamadhiṣṭhāya rāghavaḥ saparicchadaḥ| śīghragāmākulāvartāṃ tamasāmatarannadīm

सारे साज-सामान सहित राघव उस रथ पर आरूढ़ होकर वेगवती और भँवरों से भरी तमसा नदी को पार कर गए।

श्लोक 29 (ayodhya.46.29)

स संतीर्य महाबाहुः श्रीमान् शिवमकण्टकम्। प्रापद्यत महामार्गमभयं भयदर्शिनाम्॥ 46.29 ॥

sa saṃtīrya mahābāhuḥ śrīmān śivamakaṇṭakam| prāpadyata mahāmārgamabhayaṃ bhayadarśinām

उस नदी को भली-भाँति पार करके श्रीमान् महाबाहु राम उस विशाल, निष्कण्टक और भय देखने वालों के लिए भी निर्भय मार्ग पर आ पहुँचे।

श्लोक 30 (ayodhya.46.30)

मोहनार्थं तु पौराणां सूतं रामोऽब्रवीद् वचः। उदङ्मुखः प्रयाहि त्वं रथमारुह्य सारथे॥ 46.30 ॥

mohanārthaṃ tu paurāṇāṃ sūtaṃ rāmo'bravīd vacaḥ| udaṅmukhaḥ prayāhi tvaṃ rathamāruhya sārathe

प्रजाजनों को भ्रम में डालने के लिए राम ने सूत से कहा, हे सारथे, तुम रथ पर चढ़कर उत्तर दिशा की ओर जाओ।

श्लोक 31 (ayodhya.46.31)

मुहूर्तं त्वरितं गत्वा निवर्तय रथं पुनः। यथा न विद्युः पौरा मां तथा कुरु समाहितः॥ 46.31 ॥

muhūrtaṃ tvaritaṃ gatvā nivartaya rathaṃ punaḥ| yathā na vidyuḥ paurā māṃ tathā kuru samāhitaḥ

मुहूर्त भर शीघ्रता से जाकर फिर रथ को लौटा लाओ; ऐसा सावधानी से करो कि प्रजाजन मेरा पता न पा सकें।

श्लोक 32 (ayodhya.46.32)

रामस्य तु वचः श्रुत्वा तथा चक्रे च सारथिः। प्रत्यागम्य च रामस्य स्यन्दनं प्रत्यवेदयत्॥ 46.32 ॥

rāmasya tu vacaḥ śrutvā tathā cakre ca sārathiḥ| pratyāgamya ca rāmasya syandanaṃ pratyavedayat

राम का यह वचन सुनकर सारथी ने वैसा ही किया, और लौटकर राम को रथ के आ जाने की सूचना दी।

श्लोक 33 (ayodhya.46.33)

तौ सम्प्रयुक्तं तु रथं समास्थितौ। तदा ससीतौ रघुवंशवर्धनौ। प्रचोदयामास ततस्तुरंगमान्। स सारथिर्येन पथा तपोवनम्॥ 46.33 ॥

tau samprayuktaṃ tu rathaṃ samāsthitau| tadā sasītau raghuvaṃśavardhanau| pracodayāmāsa tatasturaṃgamān| sa sārathiryena pathā tapovanam

तब रघुवंश को बढ़ाने वाले वे दोनों सीता सहित उस जुते हुए रथ पर आरूढ़ हुए, और सारथी ने घोड़ों को उस मार्ग की ओर हाँका जिससे वे तपोवन पहुँच सकें।

श्लोक 34 (ayodhya.46.34)

ततः समास्थाय रथं महारथः। ससारथिर्दाशरथिर्वनं ययौ। उदङ्मुखं तं तु रथं चकार। प्रयाणमाङ्गल्यनिमित्तदर्शनात्॥ 46.34 ॥

tataḥ samāsthāya rathaṃ mahārathaḥ| sasārathirdāśarathirvanaṃ yayau| udaṅmukhaṃ taṃ tu rathaṃ cakāra| prayāṇamāṅgalyanimittadarśanāt

इसके बाद महारथी दाशरथि सारथी सहित उस रथ पर बैठकर वन की ओर चले, और शुभ यात्रा के शकुन देखकर उन्होंने रथ का मुख उत्तर दिशा की ओर करवा दिया।