नगर-नारियों का विलाप

श्लोक 1 (ayodhya.48.1)

तेषामेवं विषण्णानां पीडितानामतीव च। बाष्पविप्लुतनेत्राणां सशोकानां मुमूर्षया॥ 48.1 ॥

teṣāmevaṃ viṣaṇṇānāṃ pīḍitānāmatīva ca| bāṣpaviplutanetrāṇāṃ saśokānāṃ mumūrṣayā

इस प्रकार राम के साथ जाकर लौटे उन उदास और उत्साहहीन नगरवासियों के प्राण अत्यंत पीड़ित हो उठे; आँसुओं से भरी आँखों के साथ शोक-संतप्त होकर वे मानो जीवन त्यागने को उद्यत हो गए।

श्लोक 2 (ayodhya.48.2)

अनुगम्य निवृत्तानां रामं नगरवासिनाम्। उद्गतानीव सत्त्वानि बभूवुरमनस्विनाम्॥ 48.2 ॥

anugamya nivṛttānāṃ rāmaṃ nagaravāsinām| udgatānīva sattvāni babhūvuramanasvinām

राम का अनुसरण करके लौटे इन नगरवासियों के मन का उत्साह मानो जाता रहा; वे उदास होकर मानो प्राणहीन-से हो गए।

श्लोक 3 (ayodhya.48.3)

स्वं स्वं निलयमागम्य पुत्रदारैः समावृताः। अश्रूणि मुमुचुः सर्वे बाष्पेण पिहिताननाः॥ 48.3 ॥

svaṃ svaṃ nilayamāgamya putradāraiḥ samāvṛtāḥ| aśrūṇi mumucuḥ sarve bāṣpeṇa pihitānanāḥ

अपने-अपने घर पहुँचकर, पुत्र-पत्नी से घिरे हुए, वे सब आँसू बहाने लगे, और उनके मुख अश्रुओं से ढक गए।

श्लोक 4 (ayodhya.48.4)

न चाहृष्यन्न चामोदन्वणिजो न प्रसारयन्। न चाशोभन्त पण्यानि नापचन्गृहमेधिनः॥ 48.4 ॥

na cāhṛṣyanna cāmodanvaṇijo na prasārayan| na cāśobhanta paṇyāni nāpacangṛhamedhinaḥ

किसी को हर्ष या आनंद न हुआ; व्यापारियों ने अपना सामान नहीं फैलाया, न ही उनकी वस्तुएँ शोभा पा रही थीं; गृहस्थों ने भोजन तक बनाना छोड़ दिया।

श्लोक 5 (ayodhya.48.5)

नष्टं दृष्ट्वा नाभ्यनन्दन्विपुलं वा धनागमम्। पुत्रं प्रथमजं लब्ध्वा जननी नाभ्यनन्दत॥ 48.5 ॥

naṣṭaṃ dṛṣṭvā nābhyanandanvipulaṃ vā dhanāgamam| putraṃ prathamajaṃ labdhvā jananī nābhyanandata

खोया हुआ धन पाकर या प्रचुर संपत्ति मिलने पर भी किसी को आनंद न हुआ; पहलौठी संतान पाकर भी कोई माता प्रसन्न न हुई।

श्लोक 6 (ayodhya.48.6)

गृहे गृहे रुदन्त्यश्च भर्तारं गृहमागतम्। व्यगर्हयन्तो दुःखार्ता वाग्भिस्तोत्रैरिव द्विपान्॥ 48.6 ॥

gṛhe gṛhe rudantyaśca bhartāraṃ gṛhamāgatam| vyagarhayanto duḥkhārtā vāgbhistotrairiva dvipān

घर-घर में स्त्रियाँ रोती हुई घर लौटे अपने पतियों को दुःख से व्याकुल होकर वैसे ही कड़वे वचनों से धिक्कारती थीं, जैसे अंकुश हाथी को चुभता है।

श्लोक 7 (ayodhya.48.7)

किं नु तेषां गृहैः कार्यं किं दारैः किं धनेन वा। पुत्रैर्वा किं सुखैर्वापि ये न पश्यन्ति राघवम्॥ 48.7 ॥

kiṃ nu teṣāṃ gṛhaiḥ kāryaṃ kiṃ dāraiḥ kiṃ dhanena vā| putrairvā kiṃ sukhairvāpi ye na paśyanti rāghavam

जो राम को नहीं देख पाते, उनके लिए घर, पत्नी, धन, पुत्र या सुख-भोग से भला क्या प्रयोजन सिद्ध होगा?

श्लोक 8 (ayodhya.48.8)

एकः सत्पुरुषो लोके लक्ष्मणः सह सीतया। योऽनुगच्छति काकुत्स्थं रामं परिचरन्वने॥ 48.8 ॥

ekaḥ satpuruṣo loke lakṣmaṇaḥ saha sītayā| yo'nugacchati kākutsthaṃ rāmaṃ paricaranvane

इस संसार में लक्ष्मण ही एक सच्चा पुरुष है, जो सीता सहित काकुत्स्थ राम का अनुसरण करके वन में उनकी सेवा में लगा है।

श्लोक 9 (ayodhya.48.9)

आपगाः कृतपुण्यास्ताः पद्मिन्यश्च सरांसि च। येषु स्नास्यति काकुत्स्थो विगाह्य सलिलं शुचि॥ 48.9 ॥

āpagāḥ kṛtapuṇyāstāḥ padminyaśca sarāṃsi ca| yeṣu snāsyati kākutstho vigāhya salilaṃ śuci

धन्य हैं वे नदियाँ, कमलों से भरे सरोवर और तालाब, जिनके पवित्र जल में उतरकर काकुत्स्थ स्नान करेंगे।

श्लोक 10 (ayodhya.48.10)

शोभयिष्यन्ति काकुत्स्थमटव्यो रम्यकाननाः। आपगाश्च महानूपाः सानुमन्तश्च पर्वताः॥ 48.10 ॥

śobhayiṣyanti kākutsthamaṭavyo ramyakānanāḥ| āpagāśca mahānūpāḥ sānumantaśca parvatāḥ

मनोहर वनों वाली अटवियाँ, जल से भरपूर नदियाँ और मनोरम शिखरों वाले पर्वत काकुत्स्थ की उपस्थिति से शोभा पाएँगे।

श्लोक 11 (ayodhya.48.11)

काननं वापि शैलं वा यं रामोऽभिगमिष्यति। प्रियातिथिमिव प्राप्तं नैनं शक्ष्यन्त्यनर्चितुम्॥ 48.11 ॥

kānanaṃ vāpi śailaṃ vā yaṃ rāmo'bhigamiṣyati| priyātithimiva prāptaṃ nainaṃ śakṣyantyanarcitum

राम जिस भी वन या पर्वत के पास जाएँगे, वह उनका ऐसा सत्कार करने में समर्थ होगा मानो कोई प्रिय अतिथि आ पहुँचा हो।

श्लोक 12 (ayodhya.48.12)

विचित्रकुसुमापीडा बहुमञ्जरिधारिणः। अकाले चापि मुख्यानि पुष्पाणि च फलानि च॥ 48.12 ॥

vicitrakusumāpīḍā bahumañjaridhāriṇaḥ| akāle cāpi mukhyāni puṣpāṇi ca phalāni ca

विचित्र फूलों की मालाओं और गुच्छों से सुशोभित वृक्ष, ऋतु के विपरीत भी उत्तम फल-फूल दिखाएँगे।

श्लोक 13 (ayodhya.48.13)

अकाले चापि मुख्यानि पुष्पाणि च फलानि च। दर्शयिष्यन्त्यनुक्रोशाद्गिरयो राममागतम्॥ 48.13 ॥

akāle cāpi mukhyāni puṣpāṇi ca phalāni ca| darśayiṣyantyanukrośādgirayo rāmamāgatam

ऋतु के विपरीत भी उत्तम फल-फूल दिखाकर पर्वत करुणावश राम के आगमन पर उन्हें अर्पित करेंगे।

श्लोक 14 (ayodhya.48.14)

प्रस्रविष्यन्ति तोयानि विमलानि महीधराः। विदर्शयन्तो विविधान्भूयश्चित्रांश्च निर्झरान्॥ 48.14 ॥

prasraviṣyanti toyāni vimalāni mahīdharāḥ| vidarśayanto vividhānbhūyaścitrāṃśca nirjharān

पर्वत निर्मल जल बहाते हुए बार-बार अनेक विचित्र झरने दिखाएँगे।

श्लोक 15 (ayodhya.48.15)

पादपाः पर्वताग्रेषु रमयिष्यन्ति राघवम्। यत्र रामो भयं नात्र नास्ति तत्र पराभवः॥ 48.15 ॥

pādapāḥ parvatāgreṣu ramayiṣyanti rāghavam| yatra rāmo bhayaṃ nātra nāsti tatra parābhavaḥ

पर्वत-शिखरों पर उगे वृक्ष राघव को आनंदित करेंगे; जहाँ राम हैं, वहाँ न भय है और न पराभव।

श्लोक 16 (ayodhya.48.16)

स हि शूरो महाबाहुः पुत्रो दशरथस्य च। पुरा भवति नो दूरादनुगच्छाम राघवम्॥ 48.16 ॥

sa hi śūro mahābāhuḥ putro daśarathasya ca| purā bhavati no dūrādanugacchāma rāghavam

दशरथ का वह शूरवीर, महाबाहु पुत्र शीघ्र ही हमें दूर से दिखाई देगा; आओ, हम राघव के पीछे-पीछे चलें।

श्लोक 17 (ayodhya.48.17)

पादच्छाया सुखा भर्तुस्तादृशस्य महात्मनः। स हि नाथो जनस्यास्य स गतिः स परायणम्॥ 48.17 ॥

pādacchāyā sukhā bhartustādṛśasya mahātmanaḥ| sa hi nātho janasyāsya sa gatiḥ sa parāyaṇam

उन महात्मा स्वामी के चरणों की छाया में रहना ही सुख है; वे ही इस प्रजा के नाथ हैं, वे ही गति हैं, वे ही परम आश्रय हैं।

श्लोक 18 (ayodhya.48.18)

वयं परिचरिष्यामः सीतां यूयं तु राघवम्। इति पौरस्त्रियो भर्तॄन्दुःखार्तास्तत्तदब्रुवन्॥ 48.18 ॥

vayaṃ paricariṣyāmaḥ sītāṃ yūyaṃ tu rāghavam| iti paurastriyo bhartṝnduḥkhārtāstattadabruvan

हम सीता की सेवा करेंगी, तुम राघव की सेवा करना — इस प्रकार दुःख से पीड़ित नगर-नारियाँ अपने पतियों से बार-बार कहती थीं।

श्लोक 19 (ayodhya.48.19)

युष्माकं राघवोऽरण्ये योगक्षेमं विधास्यति। सीता नारीजनस्यास्य योगक्षेमं करिष्यति॥ 48.19 ॥

yuṣmākaṃ rāghavo'raṇye yogakṣemaṃ vidhāsyati| sītā nārījanasyāsya yogakṣemaṃ kariṣyati

वन में राघव तुम्हारा योगक्षेम वहन करेंगे, और सीता यहाँ हम स्त्रियों का योगक्षेम वहन करेंगी।

श्लोक 20 (ayodhya.48.20)

को न्वनेनाप्रतीतेन सोत्कण्ठितजनेन च। सम्प्रीयेतामनोज्ञेन वासेन हृतचेतसा॥ 48.20 ॥

ko nvanenāpratītena sotkaṇṭhitajanena ca| samprīyetāmanojñena vāsena hṛtacetasā

इस अविश्वसनीय, उत्कंठित लोगों से भरे, हृदयहीन और अप्रिय निवास से भला कौन सुख पा सकेगा?

श्लोक 21 (ayodhya.48.21)

कैकेय्या यदि चेद्राज्यं स्यादधर्म्यमनाथवत्। न हि नो जीवितेनार्थः कुतः पुत्रैः कुतो धनैः॥ 48.21 ॥

kaikeyyā yadi cedrājyaṃ syādadharmyamanāthavat| na hi no jīvitenārthaḥ kutaḥ putraiḥ kuto dhanaiḥ

यदि कैकेयी का राज्य हो, तो वह अधर्मपूर्ण और अनाथ जैसा ही होगा; तब हमारे जीवन का, पुत्रों का या धन का भला क्या प्रयोजन रह जाएगा?

श्लोक 22 (ayodhya.48.22)

यया पुत्रश्च भर्ता च त्यक्तावैश्वर्यकारणात्। कं सा परिहरेदन्यं कैकेयी कुलपांसनी॥ 48.22 ॥

yayā putraśca bhartā ca tyaktāvaiśvaryakāraṇāt| kaṃ sā pariharedanyaṃ kaikeyī kulapāṃsanī

जिस कैकेयी ने ऐश्वर्य के लोभ में अपने पुत्र और पति दोनों को त्याग दिया और अपने कुल को कलंकित किया, वह भला किसे नहीं त्यागेगी?

श्लोक 23 (ayodhya.48.23)

कैकेय्या न वयं राज्ये भृतका निवसेमहि। जीवन्त्या जातु जीवन्त्यः पुत्रैरपि शपामहे॥ 48.23 ॥

kaikeyyā na vayaṃ rājye bhṛtakā nivasemahi| jīvantyā jātu jīvantyaḥ putrairapi śapāmahe

हम अपने पुत्रों की सौगंध खाकर कहती हैं कि जब तक कैकेयी जीवित है और हम भी जीवित हैं, हम उसकी दासी बनकर इस राज्य में कभी नहीं रहेंगी।

श्लोक 24 (ayodhya.48.24)

या पुत्रं पार्थिवेन्द्रस्य प्रवासयति निर्घृणा। कस्तां प्राप्य सुखं जीवेदधर्म्यां दुष्टचारिणीम्॥ 48.24 ॥

yā putraṃ pārthivendrasya pravāsayati nirghṛṇā| kastāṃ prāpya sukhaṃ jīvedadharmyāṃ duṣṭacāriṇīm

जिस निर्दयी स्त्री ने राजा के पुत्र को बिना किसी दया के वनवास भेज दिया, उस दुष्टचारिणी, अधर्मी को स्वामिनी पाकर भला कौन सुख से जी सकेगा?

श्लोक 25 (ayodhya.48.25)

उपद्रुतमिदं सर्वमनालम्बमनायकम्। कैकेय्या हि कृते सर्वं विनाशमुपयास्यति॥ 48.25 ॥

upadrutamidaṃ sarvamanālambamanāyakam| kaikeyyā hi kṛte sarvaṃ vināśamupayāsyati

यह सारा राज्य अब आश्रयहीन, नायकहीन और विपत्तिग्रस्त हो चुका है; कैकेयी के ही कारण यह सब विनाश को प्राप्त होगा।

श्लोक 26 (ayodhya.48.26)

न हि प्रव्रजिते रामे जीविष्यति महीपतिः। मृते दशरथे व्यक्तं विलोपस्तदनन्तरम्॥ 48.26 ॥

na hi pravrajite rāme jīviṣyati mahīpatiḥ| mṛte daśarathe vyaktaṃ vilopastadanantaram

राम के वनवास चले जाने पर राजा जीवित नहीं रह सकेंगे; और दशरथ की मृत्यु होते ही निश्चय ही सब कुछ नष्ट हो जाएगा।

श्लोक 27 (ayodhya.48.27)

ते विषं पिबतालोड्य क्षीणपुण्याः सुदुर्गताः। राघवं वानुगच्छध्वमश्रुतिं वापि गच्छत॥ 48.27 ॥

te viṣaṃ pibatāloḍya kṣīṇapuṇyāḥ sudurgatāḥ| rāghavaṃ vānugacchadhvamaśrutiṃ vāpi gacchata

हे पुण्यहीन, दुर्भाग्यशाली कैकेयी, तू विष घोलकर पी ले; अथवा राघव के पीछे वन को चली जा, या ऐसे स्थान को चली जा जहाँ तेरा नाम भी सुनाई न पड़े।

श्लोक 28 (ayodhya.48.28)

मिथ्या प्रव्राजितो रामः सभार्यः सहलक्ष्मणः। भरते संनिषृष्टाः स्मः सौनिके पशवो यथा॥ 48.28 ॥

mithyā pravrājito rāmaḥ sabhāryaḥ sahalakṣmaṇaḥ| bharate saṃniṣṛṣṭāḥ smaḥ saunike paśavo yathā

राम को सीता और लक्ष्मण सहित छल से वनवास भेज दिया गया; अब हमें भरत के हाथों वैसे ही सौंप दिया गया है, जैसे कसाई के हाथों पशु सौंपे जाते हैं।

श्लोक 29 (ayodhya.48.29)

पूर्णचन्द्राननः श्यामो गूढजत्रुररिन्दमः। आजानुबाहुः पद्माक्षो रामो लक्ष्मणपूर्वजः॥ 48.29 ॥

pūrṇacandrānanaḥ śyāmo gūḍhajatrurarindamaḥ| ājānubāhuḥ padmākṣo rāmo lakṣmaṇapūrvajaḥ

पूर्ण चंद्रमा के समान मुखवाले, श्याम वर्ण, गूढ़ जत्रु वाले, शत्रुओं के दमनकर्ता, घुटनों तक लंबी भुजाओं वाले, कमल-नेत्र राम, जो लक्ष्मण के बड़े भाई हैं —

श्लोक 30 (ayodhya.48.30)

पूर्वाभिभाषी मधुरः सत्यवादी महाबलः। सौम्यः सर्वस्य लोकस्य चन्द्रवत्प्रियदर्शनः॥ 48.30 ॥

pūrvābhibhāṣī madhuraḥ satyavādī mahābalaḥ| saumyaḥ sarvasya lokasya candravatpriyadarśanaḥ

जो सबसे पहले बोलते हैं, मधुरभाषी, सत्यवादी, महाबली, सौम्य और सारे संसार को चंद्रमा के समान प्रिय दर्शन देने वाले हैं —

श्लोक 31 (ayodhya.48.31)

नूनं पुरुषशार्दूलो मत्तमातङ्गविक्रमः। शोभयिष्यत्यरण्यानि विचरन् स महारथः॥ 48.31 ॥

nūnaṃ puruṣaśārdūlo mattamātaṅgavikramaḥ| śobhayiṣyatyaraṇyāni vicaran sa mahārathaḥ

पुरुषों में श्रेष्ठ वह महारथी निश्चय ही मदमस्त गजराज की भाँति विचरण करते हुए वनों को अपनी शोभा से भर देंगे।

श्लोक 32 (ayodhya.48.32)

तास्तथा विलपन्त्यस्तु नगरे नागरस्त्रियः। चुक्रुशुर्भृशसन्तप्ता मृत्योरिव भयागमे॥ 48.32 ॥

tāstathā vilapantyastu nagare nāgarastriyaḥ| cukruśurbhṛśasantaptā mṛtyoriva bhayāgame

इस प्रकार विलाप करती हुई नगर की वे स्त्रियाँ ऐसे चीख उठीं मानो किसी की मृत्यु का भय आ पहुँचा हो, दुःख से अत्यंत संतप्त होकर।

श्लोक 33 (ayodhya.48.33)

इत्येव विलपन्तीनां स्त्रीणां वेश्मसु राघवम्। जगामास्तं दिनकरो रजनी चाभ्यवर्तत॥ 48.33 ॥

ityeva vilapantīnāṃ strīṇāṃ veśmasu rāghavam| jagāmāstaṃ dinakaro rajanī cābhyavartata

इस प्रकार घरों में विलाप करती स्त्रियों के बीच राघव की चर्चा होते-होते सूर्य अस्त हो गया और रात्रि आ पहुँची।

श्लोक 34 (ayodhya.48.34)

नष्टज्वलनसंपाता प्रशान्ताध्यायसत्कथा। तिमिरेणाभिलिप्तेव तदा सा नगरी बभौ॥ 48.34 ॥

naṣṭajvalanasaṃpātā praśāntādhyāyasatkathā| timireṇābhilipteva tadā sā nagarī babhau

जिसमें अग्नि जलाना बंद हो गया, वेदपाठ और सत्कथाओं का सुनाना थम गया, वह नगरी उस समय मानो अंधकार से लीप दी गई हो, ऐसी दिखाई देने लगी।

श्लोक 35 (ayodhya.48.35)

उपशान्तवणिक्पण्या नष्टहर्षा निराश्रया। अयोध्या नगरी चासीन्नष्टतारमिवाम्बरम्॥ 48.35 ॥

upaśāntavaṇikpaṇyā naṣṭaharṣā nirāśrayā| ayodhyā nagarī cāsīnnaṣṭatāramivāmbaram

जिसमें व्यापारियों का व्यापार ठप हो गया, हर्ष जाता रहा और जो सहारे-रहित हो गई, वह अयोध्या नगरी आकाश से तारे लुप्त हो जाने के समान निष्प्रभ दिखाई देने लगी।

श्लोक 36 (ayodhya.48.36)

तथा स्त्रियो रामनिमित्तमातुरा। यथा सुते भ्रातरि वा विवासिते। विलप्य दीना रुरुदुर्विचेतसः। सुतैर्हि तासामधिको हि सोऽभवत्॥ 48.36 ॥

tathā striyo rāmanimittamāturā| yathā sute bhrātari vā vivāsite| vilapya dīnā rurudurvicetasaḥ| sutairhi tāsāmadhiko hi so'bhavat

राम के कारण व्याकुल वे स्त्रियाँ ऐसे विलाप करती थीं जैसे कोई पुत्र या भाई निर्वासित कर दिया गया हो; इस प्रकार दुःखिनी होकर वे नाना प्रकार से रोईं, क्योंकि उन्हें राम अपने पुत्रों से भी अधिक प्रिय थे।

श्लोक 37 (ayodhya.48.37)

प्रशान्तगीतोत्सवनृत्तवादना। व्यपास्तहर्षा पिहितापणोदया। तदा ह्ययोध्या नगरी बभूव सा। महार्णवः संक्षपितोदको यथा॥ 48.37 ॥

praśāntagītotsavanṛttavādanā| vyapāstaharṣā pihitāpaṇodayā| tadā hyayodhyā nagarī babhūva sā| mahārṇavaḥ saṃkṣapitodako yathā

जिसमें गीत, उत्सव, नृत्य और वाद्य सर्वथा थम गए, जिसका हर्ष जाता रहा और जिसकी दुकानें बंद हो गईं, वह अयोध्या नगरी उस समय ऐसी हो गई मानो जल सूख गया विशाल समुद्र हो।