वेदश्रुति, गोमती और स्यन्दिका नदियों का पार होना

श्लोक 1 (ayodhya.49.1)

रामोऽपि रात्रिशेषेण तेनैव महदन्तरम्। जगाम पुरुषव्याघ्रः पितुराज्ञामनुस्मरन्॥ 49.1 ॥

rāmo'pi rātriśeṣeṇa tenaiva mahadantaram| jagāma puruṣavyāghraḥ piturājñāmanusmaran

पिता की आज्ञा का बार-बार स्मरण करते हुए पुरुषसिंह राम रात्रि के शेष भाग में ही बहुत दूर निकल गए।

श्लोक 2 (ayodhya.49.2)

तथैव गच्छतस्तस्य व्यपायाद्रजनी शिवा। उपास्य स शिवां सन्ध्यां विषयान्तं व्यगाहत॥ 49.2 ॥

tathaiva gacchatastasya vyapāyādrajanī śivā| upāsya sa śivāṃ sandhyāṃ viṣayāntaṃ vyagāhata

इसी प्रकार आगे बढ़ते हुए उनकी वह रात्रि बीत गई; मंगलमयी संध्या की उपासना करके वे उस देश की सीमा को पार कर गए।

श्लोक 3 (ayodhya.49.3)

ग्रामान्विकृष्टसीमांस्तान्पुष्पितानि वनानि च। पश्यन्नतिययौ शीघ्रं शरैरिव हयोत्तमैः॥ 49.3 ॥

grāmānvikṛṣṭasīmāṃstānpuṣpitāni vanāni ca| paśyannatiyayau śīghraṃ śarairiva hayottamaiḥ

जुते हुए खेतों वाले गाँवों और फूलों से लदे वनों को देखते हुए, तथा गाँव में बसने वालों के वचन सुनते हुए, वे उत्तम घोड़ों द्वारा वेग से किंतु मानो धीरे-धीरे आगे बढ़ते गए।

श्लोक 4 (ayodhya.49.4)

शृण्वन्वाचो मनुष्याणां ग्रामसंवासवासिनाम्। राजानं धिग्दशरथं कामस्य वशमागतम्॥ 49.4 ॥

śṛṇvanvāco manuṣyāṇāṃ grāmasaṃvāsavāsinām| rājānaṃ dhigdaśarathaṃ kāmasya vaśamāgatam

गाँव में रहने वालों के ये वचन सुनते हुए — धिक्कार है काम के वशीभूत राजा दशरथ को —

श्लोक 5 (ayodhya.49.5)

हा नृशंसाद्य कैकेयी पापा पापानुबन्धिनी। तीक्ष्णा सम्भिन्नमर्यादा तीक्ष्णे कर्मणि वर्तते॥ 49.5 ॥

hā nṛśaṃsādya kaikeyī pāpā pāpānubandhinī| tīkṣṇā sambhinnamaryādā tīkṣṇe karmaṇi vartate

हाय, यह निर्दयी, पापी और पाप का ही अनुसरण करने वाली कैकेयी आज मर्यादा तोड़कर कठोर कर्म में लगी है।

श्लोक 6 (ayodhya.49.6)

या पुत्रमीदृशं राज्ञः प्रवासयति धार्मिकम्। वनवासे महाप्राज्ञं सानुक्रोशमतन्द्रितम्॥ 49.6 ॥

yā putramīdṛśaṃ rājñaḥ pravāsayati dhārmikam| vanavāse mahāprājñaṃ sānukrośamatandritam

जो धर्मात्मा, महाप्राज्ञ, करुणामय और जितेन्द्रिय राजपुत्र को इस प्रकार वनवास भेज रही है।

श्लोक 7 (ayodhya.49.7)

कथं नाम महाभागा सीता जनकनन्दिनी। सदा सुखेष्वभिरता दुःखान्यनुभविष्यति॥ 49.7 ॥

kathaṃ nāma mahābhāgā sītā janakanandinī| sadā sukheṣvabhiratā duḥkhānyanubhaviṣyati

भला महाभागा जनकनन्दिनी सीता, जो सदा सुखों में ही रमी रहीं, अब वन में दुःखों को कैसे सहन करेंगी?

श्लोक 8 (ayodhya.49.8)

अहो दशरथो राजा निस्नेहः स्वसुतप्रियम्। प्रजानामनघं रामं परित्यक्तुमिहेच्छति॥ 49.8 ॥

aho daśaratho rājā nisnehaḥ svasutapriyam| prajānāmanaghaṃ rāmaṃ parityaktumihecchati

अहो, स्नेहरहित राजा दशरथ प्रजा के अत्यंत प्रिय और निष्पाप राम को यहाँ त्यागना चाहते हैं!

श्लोक 9 (ayodhya.49.9)

एता वाचो मनुष्याणां ग्रामसंवासवासिनाम्। शृण्वन्नतिययौ वीरः कोसलान्कोसलेश्वरः॥ 49.9 ॥

etā vāco manuṣyāṇāṃ grāmasaṃvāsavāsinām| śṛṇvannatiyayau vīraḥ kosalānkosaleśvaraḥ

गाँव में बसने वालों के ये वचन सुनते हुए वीर कोसलेश्वर राम कोसल देश को पार कर आगे बढ़ गए।

श्लोक 10 (ayodhya.49.10)

ततो वेदश्रुतिं नाम शिववारिवहां नदीम्। उत्तीर्याभिमुखः प्रायादगस्त्याध्युषितां दिशम्॥ 49.10 ॥

tato vedaśrutiṃ nāma śivavārivahāṃ nadīm| uttīryābhimukhaḥ prāyādagastyādhyuṣitāṃ diśam

फिर वेदश्रुति नामक पवित्र जलवाही नदी को पार कर वे अगस्त्य ऋषि के निवास वाली दिशा की ओर मुड़ गए।

श्लोक 11 (ayodhya.49.11)

गत्वा तु सुचिरं कालं ततः शीतजलां नदीम्। गोमतीं गोयुतानूपामतरत्सागरङ्गमाम्॥ 49.11 ॥

gatvā tu suciraṃ kālaṃ tataḥ śītajalāṃ nadīm| gomatīṃ goyutānūpāmataratsāgaraṅgamām

बहुत देर तक चलकर उन्होंने शीतल जल वाली, गौओं से घिरी और समुद्र की ओर जाने वाली गोमती नदी को पार किया।

श्लोक 12 (ayodhya.49.12)

गोमतीं चाप्यतिक्रम्य राघवः शीघ्रगैर्हयैः। मयूरहंसाभिरुतां ततार स्यन्दिकां नदीम्॥ 49.12 ॥

gomatīṃ cāpyatikramya rāghavaḥ śīghragairhayaiḥ| mayūrahaṃsābhirutāṃ tatāra syandikāṃ nadīm

गोमती को भी पार करके राघव ने वेगवान घोड़ों से मयूर और हंसों की ध्वनि से गूँजती स्यन्दिका नदी को भी पार कर लिया।

श्लोक 13 (ayodhya.49.13)

स महीं मनुना राज्ञा दत्तामिक्ष्वाकवे पुरा। स्फीतां राष्ट्रावृतां रामो वैदेहीमन्वदर्शयत्॥ 49.13 ॥

sa mahīṃ manunā rājñā dattāmikṣvākave purā| sphītāṃ rāṣṭrāvṛtāṃ rāmo vaidehīmanvadarśayat

उस भूमि को, जो प्राचीन काल में मनु महाराज ने इक्ष्वाकु को दी थी और जो समृद्ध राष्ट्रों से घिरी थी, राम ने वैदेही को दिखाया।

श्लोक 14 (ayodhya.49.14)

सूत इत्येव चाभाष्य सारथिं तमभीक्ष्णशः। हंसमत्तस्वरः श्रीमानुवाच पुरुषर्षभः॥ 49.14 ॥

sūta ityeva cābhāṣya sārathiṃ tamabhīkṣṇaśaḥ| haṃsamattasvaraḥ śrīmānuvāca puruṣarṣabhaḥ

हंस के समान मत्त स्वर वाले श्रीमान पुरुषश्रेष्ठ राम ने बार-बार सूत को सूत कहकर मधुर वाणी में संबोधित किया।

श्लोक 15 (ayodhya.49.15)

कदाहं पुनरागम्य सरय्वाः पुष्पिते वने। मृगयां पर्यटिष्यामि मात्रा पित्रा च सङ्गतः॥ 49.15 ॥

kadāhaṃ punarāgamya sarayvāḥ puṣpite vane| mṛgayāṃ paryaṭiṣyāmi mātrā pitrā ca saṅgataḥ

कब मैं फिर लौटकर, माता-पिता से मिलकर, सरयू के पुष्पित वन में शिकार खेलने जाऊँगा?

श्लोक 16 (ayodhya.49.16)

नात्यर्थमभिकाङ्क्षामि मृगयां सरयूवने। रतिर्ह्येषातुला लोके राजर्षिगणसंमता॥ 49.16 ॥

nātyarthamabhikāṅkṣāmi mṛgayāṃ sarayūvane| ratirhyeṣātulā loke rājarṣigaṇasaṃmatā

सरयू वन में शिकार खेलने की मुझे अधिक लालसा नहीं है; यह तो केवल वह अनुपम आनंद है जिसे संसार में राजर्षियों का समुदाय सम्मानित मानता है।

श्लोक 17 (ayodhya.49.17)

राजर्षीणां हि लोकेऽस्मिन् रत्यर्थं मृगया वने। काले कृतां तां मनुजैर्धन्विनामभिकाङ्क्षिताम्॥ 49.17 ॥

rājarṣīṇāṃ hi loke'smin ratyarthaṃ mṛgayā vane| kāle kṛtāṃ tāṃ manujairdhanvināmabhikāṅkṣitām

इस लोक में राजर्षियों के लिए वन में की गई यह मृगया आनंद के लिए ही होती है, जिसे धनुर्धर पुरुष उचित समय पर करना चाहते हैं।

श्लोक 18 (ayodhya.49.18)

स तमध्वानमैक्ष्वाकः सूतं मधुरया गिरा। तं तमर्थमभिप्रेत्य ययौ वाक्यमुदीरयन्॥ 49.18 ॥

sa tamadhvānamaikṣvākaḥ sūtaṃ madhurayā girā| taṃ tamarthamabhipretya yayau vākyamudīrayan

इस प्रकार उस मार्ग पर चलते हुए इक्ष्वाकुवंशी राम सूत से मधुर वाणी में उस विषय को समझते हुए बात कहते गए।