वसिष्ठ का संदेश और अयोध्या का हर्ष

श्लोक 1 (ayodhya.5.1)

सन्दिश्य रामं नृपतिः श्वोभाविन्यभिषेचने | पुरोहितं समाहूय वसिष्ठमिदमब्रवीत् ॥ 5.1 ॥

sandiśya rāmaṃ nṛpatiḥ śvobhāvinyabhiṣecane | purohitaṃ samāhūya vasiṣṭhamidamabravīt

कल होने वाले अभिषेक के विषय में राम को निर्देश देकर राजा ने अपने पुरोहित वसिष्ठ को बुलाकर यह कहा —

श्लोक 2 (ayodhya.5.2)

गच्छोपवासं काकुत्थ्सं कारयाद्य तपोधन | श्रीयशोराज्यलाभाय वध्वा सह यतव्रतम् ॥ 5.2 ॥

gacchopavāsaṃ kākutthsaṃ kārayādya tapodhana | śrīyaśorājyalābhāya vadhvā saha yatavratam

"हे तपोधन! जाइए और आज ही संयमशील राम को उनकी पत्नी सहित उपवास कराइए, जिससे उन्हें श्री, यश और राज्य की प्राप्ति हो।"

श्लोक 3 (ayodhya.5.3)

तथेति च स राजानमुक्त्वा वेदविदां वरः | स्वयं वसिष्ठो भगवान् ययौ रामनिवेशनम् ॥ 5.3 ॥

tatheti ca sa rājānamuktvā vedavidāṃ varaḥ | svayaṃ vasiṣṭho bhagavān yayau rāmaniveśanam

राजा से "ऐसा ही होगा" कहकर वेदज्ञों में श्रेष्ठ, भगवान् वसिष्ठ स्वयं राम के भवन को गए,

श्लोक 4 (ayodhya.5.4)

उपवासयितुं रामं मन्त्रवन्मन्त्रकोविदः | ब्राह्मं रथवरं युक्तमास्थाय सुदृधव्रतः ॥ 5.4 ॥

upavāsayituṃ rāmaṃ mantravanmantrakovidaḥ | brāhmaṃ rathavaraṃ yuktamāsthāya sudṛdhavrataḥ

ब्राह्मणोचित उत्तम रथ पर आरूढ़ होकर, मन्त्रविधि सहित मन्त्रज्ञ राम से उपवास करवाने के लिए — वे स्वयं दृढ़व्रती और मन्त्रकुशल थे।

श्लोक 5 (ayodhya.5.5)

स रामभवनं प्राप्य पाण्डुराभ्रघनप्रभम् | तिस्रः कक्ष्या रथेनैव विवेश मुनिसत्तमः ॥ 5.5 ॥

sa rāmabhavanaṃ prāpya pāṇḍurābhraghanaprabham | tisraḥ kakṣyā rathenaiva viveśa munisattamaḥ

श्वेत मेघों के समान देदीप्यमान राम के उस भवन में पहुँचकर उस मुनिश्रेष्ठ ने रथ पर बैठे-बैठे ही उसके तीनों प्रांगणों को पार किया।

श्लोक 6 (ayodhya.5.6)

तमागतमृषिं रामस्त्वरन्निव ससंभ्रमः | मानयिष्यन् स मानार्हं निश्चक्राम निवेशनात् ॥ 5.6 ॥

tamāgatamṛṣiṃ rāmastvaranniva sasaṃbhramaḥ | mānayiṣyan sa mānārhaṃ niścakrāma niveśanāt

उस आए हुए, सम्मान के योग्य ऋषि का आदर करने की इच्छा से राम शीघ्रतापूर्वक और उत्सुकतावश अपने भवन से बाहर निकल आए।

श्लोक 7 (ayodhya.5.7)

अभ्येत्य त्वरमाणश्च रथाभ्याशं मनीषिणः | ततोऽवतारयामास परिगृह्य रथात्स्वयम् ॥ 5.7 ॥

abhyetya tvaramāṇaśca rathābhyāśaṃ manīṣiṇaḥ | tato'vatārayāmāsa parigṛhya rathātsvayam

उस बुद्धिमान् ऋषि के रथ के निकट शीघ्रता से पहुँचकर, राम ने स्वयं अपने हाथों से उन्हें रथ से नीचे उतारा।

श्लोक 8 (ayodhya.5.8)

सचैनं प्रश्रितं दृष्ट्वा सं भाष्याभिप्रसाद्य च | प्रियार्हं हर्षयन् राममित्युवाच पुरोहितः ॥ 5.8 ॥

sacainaṃ praśritaṃ dṛṣṭvā saṃ bhāṣyābhiprasādya ca | priyārhaṃ harṣayan rāmamityuvāca purohitaḥ

पुरोहित ने उन्हें इतना विनम्र देखकर, स्नेहपूर्वक बातचीत करते हुए और प्रसन्न होकर, प्रिय राम को हर्षित करते हुए यह कहा —

श्लोक 9 (ayodhya.5.9)

प्रसन्नस्ते पिता राम यौवराज्यमवाप्स्यसि | उपवासं भवानद्य करोतु सह सीतया ॥ 5.9 ॥

prasannaste pitā rāma yauvarājyamavāpsyasi | upavāsaṃ bhavānadya karotu saha sītayā

"हे राम! तुम्हारे पिता तुमसे प्रसन्न हैं; तुम्हें युवराज पद प्राप्त होगा। आज सीता सहित उपवास करो।"

श्लोक 10 (ayodhya.5.10)

प्रातस्त्वामभिषेक्ता हि यौवराज्ये नराधिपः | पिता दशरथः प्रीत्या ययातिं नहुषो यथा ॥ 5.10 ॥

prātastvāmabhiṣektā hi yauvarājye narādhipaḥ | pitā daśarathaḥ prītyā yayātiṃ nahuṣo yathā

"क्योंकि कल प्रातःकाल तुम्हारे पिता राजा दशरथ तुम्हें प्रेमपूर्वक युवराज पद पर अभिषिक्त करेंगे, जैसे राजा नहुष ने ययाति को किया था।"

श्लोक 11 (ayodhya.5.11)

इत्युक्त्वा स तदा राम मुपवासं यतव्रतम् | मन्त्रवत् कारयामास वैदेह्या सहितं मुनिः ॥ 5.11 ॥

ityuktvā sa tadā rāma mupavāsaṃ yatavratam | mantravat kārayāmāsa vaidehyā sahitaṃ muniḥ

यह कहकर उस मुनि ने संयमशील राम को वैदेही (सीता) सहित मन्त्रोक्त विधि से उपवास करवाया।

श्लोक 12 (ayodhya.5.12)

ततो यथावद्रामेण स राज्ञो गुरुरर्चितः | अभ्यनुज्ञाप्य काकुत्थ्सं ययौ रामनिवेशनात् ॥ 5.12 ॥

tato yathāvadrāmeṇa sa rājño gururarcitaḥ | abhyanujñāpya kākutthsaṃ yayau rāmaniveśanāt

तत्पश्चात् राम द्वारा यथाविधि सम्मानित होकर राजगुरु वसिष्ठ ने काकुत्स्थ (राम) से विदा लेकर उनके भवन से प्रस्थान किया।

श्लोक 13 (ayodhya.5.13)

सुहृद्भिस्तत्र रामोऽपि सहासीनः प्रियंवदैः | सभाजितो विवेशाथ ताननुज्ञाप्य सर्वशः ॥ 5.13 ॥

suhṛdbhistatra rāmo'pi sahāsīnaḥ priyaṃvadaiḥ | sabhājito viveśātha tānanujñāpya sarvaśaḥ

राम भी वहाँ अपने मधुरभाषी सुहृदों के साथ बैठे रहे, और उनसे सब प्रकार से बधाई पाकर, उनसे विदा लेकर भीतर चले गए।

श्लोक 14 (ayodhya.5.14)

हृष्टनारीनरयुतं रामवेश्म तदा बबौ | यथा मत्तद्विजगणं प्रपुल्लनलिनं सरः ॥ 5.14 ॥

hṛṣṭanārīnarayutaṃ rāmaveśma tadā babau | yathā mattadvijagaṇaṃ prapullanalinaṃ saraḥ

उस समय हर्षित नर-नारियों से भरा हुआ राम का भवन वैसे ही सुशोभित हो रहा था जैसे खिले हुए कमलों और मस्त पक्षियों के झुंडों से भरा हुआ कोई सरोवर।

श्लोक 15 (ayodhya.5.15)

स राजभवनप्रख्यात्तस्माद्रामनिवेशनात् | निर्गत्य ददृशे मार्गं वसिष्ठो जनसंवृतम् ॥ 5.15 ॥

sa rājabhavanaprakhyāttasmādrāmaniveśanāt | nirgatya dadṛśe mārgaṃ vasiṣṭho janasaṃvṛtam

राजभवन के समान उस राम के भवन से निकलकर वसिष्ठ ने मार्ग को जनसमूह से भरा हुआ देखा।

श्लोक 16 (ayodhya.5.16)

बृन्दबृन्दैरयोध्यायां राजमार्गाः समन्ततः | बभूवुरभिसंबाधाः कुतूहलजनैर्वृताः ॥ 5.16 ॥

bṛndabṛndairayodhyāyāṃ rājamārgāḥ samantataḥ | babhūvurabhisaṃbādhāḥ kutūhalajanairvṛtāḥ

अयोध्या में चारों ओर के राजमार्ग कौतूहलवश एकत्र हुए जनसमूहों की भीड़ से खचाखच भर गए थे।

श्लोक 17 (ayodhya.5.17)

जनबृन्दोर्मिसंघर्षहर्षस्वनवतस्तदा | बभूव राजमार्गस्य सागरस्येव निस्वनः ॥ 5.17 ॥

janabṛndormisaṃgharṣaharṣasvanavatastadā | babhūva rājamārgasya sāgarasyeva nisvanaḥ

उस समय हर्ष से भरे जनसमूह की लहरों के परस्पर टकराने से राजमार्ग की ध्वनि समुद्र की गर्जना के समान हो गई।

श्लोक 18 (ayodhya.5.18)

सिक्तसंमृष्टरथ्या हि तदहर्वनमालिनी | आसीदयोध्या नगरी समुच्छ्रितगृहध्वजा ॥ 5.18 ॥

siktasaṃmṛṣṭarathyā hi tadaharvanamālinī | āsīdayodhyā nagarī samucchritagṛhadhvajā

उस दिन अयोध्या नगरी की गलियाँ सींची और साफ की गई थीं, वृक्षों की मालाओं से सुशोभित थी, और घर-घर पर ऊँची ध्वजाएँ फहरा रही थीं।

श्लोक 19 (ayodhya.5.19)

तदा ह्ययोध्यानिलयः सस्त्रीबालाबलो जनः | रामाभिषेकमाकाञ्क्षन्नाकाण्क्षदुदयं रवेः ॥ 5.19 ॥

tadā hyayodhyānilayaḥ sastrībālābalo janaḥ | rāmābhiṣekamākāñkṣannākāṇkṣadudayaṃ raveḥ

उस समय अयोध्या-निवासी जन, स्त्री, बालक और वृद्ध सभी, राम के अभिषेक की कामना करते हुए सूर्योदय की प्रतीक्षा कर रहे थे।

श्लोक 20 (ayodhya.5.20)

प्रजालङ्कारभूतं च जनस्यानन्दवर्धनम् | उत्सुकोऽभूज्जनो द्रष्टुं तमयोध्यामहोत्सवम् ॥ 5.20 ॥

prajālaṅkārabhūtaṃ ca janasyānandavardhanam | utsuko'bhūjjano draṣṭuṃ tamayodhyāmahotsavam

प्रजा उस अयोध्या के महोत्सव को देखने के लिए उत्सुक थी, जो नागरिकों के लिए आभूषण-स्वरूप और सबके आनन्द को बढ़ाने वाला था।

श्लोक 21 (ayodhya.5.21)

एवं तं जनसंबाधं राजमार्गं पुरोहितः | व्यूहन्निव जनौघं तं शनैराजकुलं ययौ ॥ 5.21 ॥

evaṃ taṃ janasaṃbādhaṃ rājamārgaṃ purohitaḥ | vyūhanniva janaughaṃ taṃ śanairājakulaṃ yayau

इस प्रकार पुरोहित वसिष्ठ उस जन-भीड़ से भरे राजमार्ग में, मानो उस जनसमूह को चीरते हुए, धीरे-धीरे राजभवन की ओर बढ़े।

श्लोक 22 (ayodhya.5.22)

सिताभ्रशिखरप्रख्यं प्रासादमधिरुह्य सः | समीयाय नरेन्द्रेण शक्रेणेव बृहस्पतिः ॥ 5.22 ॥

sitābhraśikharaprakhyaṃ prāsādamadhiruhya saḥ | samīyāya narendreṇa śakreṇeva bṛhaspatiḥ

श्वेत मेघ के शिखर के समान उस राजभवन में जाकर वे राजा से मिले, ठीक वैसे ही जैसे बृहस्पति इन्द्र से मिलते हैं।

श्लोक 23 (ayodhya.5.23)

तमागतमभिप्रेक्ष्य हित्वा राजासनं नृपः | पप्रच्छ स च तस्मै तत्कृतमित्यभ्यवेदयत् ॥ 5.23 ॥

tamāgatamabhiprekṣya hitvā rājāsanaṃ nṛpaḥ | papraccha sa ca tasmai tatkṛtamityabhyavedayat

उन्हें आया देखकर राजा अपने राजसिंहासन से उठ खड़े हुए और उनसे पूछा; और वसिष्ठ ने उन्हें बताया कि सब कार्य सम्पन्न हो गया है।

श्लोक 24 (ayodhya.5.24)

तेन चैव तदा तुल्यं सहासीनाः सभासदः | आसनेभ्यः समुत्तस्थुः पूजयन्तः पुरोहितम् ॥ 5.24 ॥

tena caiva tadā tulyaṃ sahāsīnāḥ sabhāsadaḥ | āsanebhyaḥ samuttasthuḥ pūjayantaḥ purohitam

वहाँ बैठे सभासद भी राजा के ही समान अपने-अपने आसनों से उठकर पुरोहित का सम्मान करने लगे।

श्लोक 25 (ayodhya.5.25)

गुरुणा त्वभ्यनुज्ञातो मनिजौघं विसृज्य तम् | विवेशान्तःपुरं राजा सिंहो गिरिगुहामिव ॥ 5.25 ॥

guruṇā tvabhyanujñāto manijaughaṃ visṛjya tam | viveśāntaḥpuraṃ rājā siṃho giriguhāmiva

गुरु वसिष्ठ से अनुमति पाकर राजा ने उस जनसमूह को विदा किया और अन्तःपुर में इस प्रकार प्रवेश किया जैसे सिंह पर्वत की गुफा में प्रवेश करता है।

श्लोक 26 (ayodhya.5.26)

तमग्र्यवेष्प्रमदाजनाकुलं | महेन्द्रवेश्मप्रतिमं निवेशनम् | विदीपयंश्चारु विवेश पार्थिवः | शशीव तारागणसंकुलं नभः ॥ 5.26 ॥

tamagryaveṣpramadājanākulaṃ | mahendraveśmapratimaṃ niveśanam | vidīpayaṃścāru viveśa pārthivaḥ | śaśīva tārāgaṇasaṃkulaṃ nabhaḥ

राजा ने उत्तम वेशभूषा वाली रमणियों से भरे, इन्द्र के भवन के समान उस निवास में प्रवेश किया, और उसे उसी प्रकार देदीप्यमान कर दिया जैसे चन्द्रमा तारागणों से भरे सुन्दर आकाश को प्रकाशित करता है।