लक्ष्मण की रात्रि-जागरण

श्लोक 1 (ayodhya.51.1)

तं जाग्रतमदम्भेन भ्रातुरर्थाय लक्ष्मणम्। गुहः संतापसंतप्तो राघवं वाक्यमब्रवीत्॥ २-५१-१ ॥

taṃ jāgratamadambhena bhrāturarthāya lakṣmaṇam | guhaḥ saṃtāpasaṃtapto rāghavaṃ vākyamabravīt

उस जागते हुए लक्ष्मण से, जो बिना किसी दिखावे के अपने भाई के लिए जाग रहे थे, संताप से व्याकुल गुह ने ये वचन कहे।

श्लोक 2 (ayodhya.51.2)

इयं तात सुखा शय्या त्वदर्थमुपकल्पिता। प्रत्याश्वसिहि साध्वस्यां राजपुत्र यथासुखम्॥ २-५१-२ ॥

iyaṃ tāta sukhā śayyā tvadarthamupakalpitā | pratyāśvasihi sādhvasyāṃ rājaputra yathāsukham

"हे तात! यह सुखद शय्या तुम्हारे लिए ही बनाई गई है; हे राजकुमार! इस पर भलीभाँति विश्राम करो, जैसे तुम्हें सुख मिले।"

श्लोक 3 (ayodhya.51.3)

उचितोऽयं जनः सर्वः क्लेशानां त्वं सुखोचितः। गुप्त्यर्थं जागरिष्यामः काकुत्स्थस्य वयं निशाम्॥ २-५१-३ ॥

ucito'yaṃ janaḥ sarvaḥ kleśānāṃ tvaṃ sukhocitaḥ | guptyarthaṃ jāgariṣyāmaḥ kākutsthasya vayaṃ niśām

"यह सारा जन कष्ट सहने का अभ्यस्त है, किन्तु तुम सुख के योग्य हो। हम काकुत्स्थ की रक्षा के लिए रातभर जागेंगे।"

श्लोक 4 (ayodhya.51.4)

न हि रामात् प्रियतरो ममास्ति भुवि कश्चन। ब्रवीम्येतदहं सत्यं सत्येनैव च ते शपे॥ २-५१-४ ॥

na hi rāmāt priyataro mamāsti bhuvi kaścana | bravīmyetadahaṃ satyaṃ satyenaiva ca te śape

"इस भूतल पर राम से बढ़कर मुझे कोई प्रिय नहीं है; यह सत्य मैं कहता हूँ, और सत्य की ही शपथ खाकर तुमसे कहता हूँ।"

श्लोक 5 (ayodhya.51.5)

अस्य प्रसादादाशंसे लोकेऽस्मिन् सुमहद्यशः। धर्मावाप्तिं च विपुलामर्थावाप्तिं च केवलाम्॥ २-५१-५ ॥

asya prasādādāśaṃse loke'smin sumahadyaśaḥ | dharmāvāptiṃ ca vipulāmarthāvāptiṃ ca kevalām

"इन्हीं के अनुग्रह से मैं इस लोक में महान् यश, विपुल धर्म-लाभ और पूर्ण अर्थ-प्राप्ति की आशा करता हूँ।"

श्लोक 6 (ayodhya.51.6)

सोऽहं प्रियसखं रामं शयानं सह सीतया। रक्षिष्यामि धनुष्पाणिः सर्वतो ज्ञातिभिः सह॥ २-५१-६ ॥

so'haṃ priyasakhaṃ rāmaṃ śayānaṃ saha sītayā | rakṣiṣyāmi dhanuṣpāṇiḥ sarvato jñātibhiḥ saha

"इसीलिए मैं धनुष हाथ में लेकर, अपने बन्धुओं सहित, सीता के साथ सोए हुए अपने प्रिय सखा राम की सब ओर से रक्षा करूँगा।"

श्लोक 7 (ayodhya.51.7)

न हि मेऽविदितं किंचिद्वनेऽस्मिंश्चरतः सदा। चतुरङ्गं ह्यपि बलं सुमहत् प्रसहेमहि॥ २-५१-७ ॥

na hi me'viditaṃ kiṃcidvane'smiṃścarataḥ sadā | caturaṅgaṃ hyapi balaṃ sumahat prasahemahi

"इस वन में सदा विचरते रहने के कारण यहाँ मुझसे कुछ भी अज्ञात नहीं है; हम तो चतुरंगिणी विशाल सेना को भी परास्त कर सकते हैं।"

श्लोक 8 (ayodhya.51.8)

लक्ष्मणस्तं तदोवाच रक्ष्यमाणास्त्वयानघ। नात्र भीता वयं सर्वे धर्ममेवानुपश्यता॥ २-५१-८ ॥

lakṣmaṇastaṃ tadovāca rakṣyamāṇāstvayānagha | nātra bhītā vayaṃ sarve dharmamevānupaśyatā

तब लक्ष्मण ने उससे कहा, "हे निष्पाप! धर्म को ही देखने वाले तुम्हारे द्वारा रक्षित होने पर हम सब यहाँ भयभीत नहीं हैं।"

श्लोक 9 (ayodhya.51.9)

कथं दाशरथौ भूमौ शयाने सह सीतया। शक्या निद्रा मया लब्धुं जीवितं वा सुखानि वा॥ २-५१-९ ॥

kathaṃ dāśarathau bhūmau śayāne saha sītayā | śakyā nidrā mayā labdhuṃ jīvitaṃ vā sukhāni vā

"किन्तु जब दशरथ-पुत्र राम सीता सहित भूमि पर सोए हैं, तो मुझे नींद, जीवन अथवा किसी सुख की प्राप्ति कैसे हो सकती है?"

श्लोक 10 (ayodhya.51.10)

यो न देवासुरैः सर्वैः शक्यः प्रसहितुं युधि। तं पश्य सुखसंविष्टं तृणेषु सह सीतया॥ २-५१-१० ॥

yo na devāsuraiḥ sarvaiḥ śakyaḥ prasahituṃ yudhi | taṃ paśya sukhasaṃviṣṭaṃ tṛṇeṣu saha sītayā

"जिन्हें युद्ध में समस्त देवता और असुर मिलकर भी नहीं जीत सकते, उन्हें ही देखो, वे सीता सहित तिनकों पर सुखपूर्वक लेटे हैं।"

श्लोक 11 (ayodhya.51.11)

यो मन्त्रतपसा लब्धो विविधैश्च परिश्रमैः। एको दशरथस्यैष पुत्रः सदृशलक्षणः॥ २-५१-११ ॥

yo mantratapasā labdho vividhaiśca pariśramaiḥ | eko daśarathasyaiṣa putraḥ sadṛśalakṣaṇaḥ

"मन्त्र-जप, तप और नाना प्रकार के परिश्रमों से प्राप्त, पिता के समान शुभ लक्षणों वाले, दशरथ के यही एकमात्र पुत्र हैं।"

श्लोक 12 (ayodhya.51.12)

अस्मिन् प्रव्रजिते राजा न चिरं वर्तयिष्यति। विधवा मेदिनी नूनं क्षिप्रमेव भविष्यति॥ २-५१-१२ ॥

asmin pravrajite rājā na ciraṃ vartayiṣyati | vidhavā medinī nūnaṃ kṣiprameva bhaviṣyati

"इनके वन चले जाने पर राजा अधिक समय तक जीवित नहीं रहेंगे; निश्चय ही यह पृथ्वी शीघ्र ही विधवा हो जाएगी।"

श्लोक 13 (ayodhya.51.13)

विनद्य सुमहानादं श्रमेणोपरताः स्त्रियः। निर्घोषोपरतं तात मन्ये राजनिवेशनम्॥ २-५१-१३ ॥

vinadya sumahānādaṃ śrameṇoparatāḥ striyaḥ | nirghoṣoparataṃ tāta manye rājaniveśanam

"बड़े जोर से चीत्कार करके थककर अब वे स्त्रियाँ चुप हो गई होंगी; हे तात! मैं समझता हूँ, राजभवन का कोलाहल अब शान्त हो चुका होगा।"

श्लोक 14 (ayodhya.51.14)

कौसल्या चैव राजा च तथैव जननी मम। नाशंसे यदि जीवन्ति सर्वे ते शर्वरीमिमाम्॥ २-५१-१४ ॥

kausalyā caiva rājā ca tathaiva jananī mama | nāśaṃse yadi jīvanti sarve te śarvarīmimām

"मुझे आशा नहीं है कि कौसल्या, महाराज और मेरी माता भी - ये सब इस रातभर जीवित रह पाएँगे।"

श्लोक 15 (ayodhya.51.15)

जीवेदपि हि मे माता शत्रुघ्नस्यान्ववेक्षया। तद्दुःखं यत्तु कौसल्या वीरसूर्विनशिष्यति॥ २-५१-१५ ॥

jīvedapi hi me mātā śatrughnasyānvavekṣayā | tadduḥkhaṃ yattu kausalyā vīrasūrvinaśiṣyati

"शत्रुघ्न की प्रतीक्षा के कारण संभव है मेरी माता जीवित रह जाएँ, किन्तु दुःख की बात तो यह होगी कि वीर-जननी कौसल्या नष्ट हो जाएँगी।"

श्लोक 16 (ayodhya.51.16)

अनुरक्तजनाकीर्णा सुखालोकप्रियावहा। राजव्यसनसंसृष्टा सा पुरी विनशिष्यति॥ २-५१-१६ ॥

anuraktajanākīrṇā sukhālokapriyāvahā | rājavyasanasaṃsṛṣṭā sā purī vinaśiṣyati

"अनुरागी लोगों से भरी हुई, जिसका दर्शन ही सुख और प्रिय अनुभूति देता था, वह नगरी राजा की विपत्ति से जुड़कर नष्ट हो जाएगी।"

श्लोक 17 (ayodhya.51.17)

कथं पुत्रं महात्मानं ज्येष्ठं प्रियमपश्यतः। शरीरं धारयिष्यन्ति प्राणा राज्ञो महात्मनः॥ २-५१-१७ ॥

kathaṃ putraṃ mahātmānaṃ jyeṣṭhaṃ priyamapaśyataḥ | śarīraṃ dhārayiṣyanti prāṇā rājño mahātmanaḥ

"अपने महात्मा, ज्येष्ठ और प्रिय पुत्र को न देखते हुए, उस महात्मा राजा के शरीर में प्राण कैसे टिक सकेंगे?"

श्लोक 18 (ayodhya.51.18)

विनष्टे नृपतौ पश्चात्कौसल्या विनशिष्यति। अनन्तरं च मातापि मम नाशमुपैष्यति॥ २-५१-१८ ॥

vinaṣṭe nṛpatau paścātkausalyā vinaśiṣyati | anantaraṃ ca mātāpi mama nāśamupaiṣyati

"राजा के नष्ट हो जाने पर उसके बाद कौसल्या भी नष्ट हो जाएँगी, और उसके पश्चात् मेरी माता भी विनाश को प्राप्त होंगी।"

श्लोक 19 (ayodhya.51.19)

अतिक्रान्तमतिक्रान्तमनवाप्य मनोरथम्। राज्ये राममनिक्षिप्य पिता मे विनशिष्यति॥ २-५१-१९ ॥

atikrāntamatikrāntamanavāpya manoratham | rājye rāmamanikṣipya pitā me vinaśiṣyati

"अपनी वह अभिलाषा पूरी न कर पाने पर, राम को राज्य पर प्रतिष्ठित किए बिना ही, 'बीत गया, सब बीत गया' कहते हुए मेरे पिता प्राण त्याग देंगे।"

श्लोक 20 (ayodhya.51.20)

सिद्धार्थाः पितरं वृत्तं तस्मिन् काले ह्युपस्थिते। प्रेतकार्येषु सर्वेषु संस्करिष्यन्ति भूमिपम्॥ २-५१-२० ॥

siddhārthāḥ pitaraṃ vṛttaṃ tasmin kāle hyupasthite | pretakāryeṣu sarveṣu saṃskariṣyanti bhūmipam

"जब वह समय आ उपस्थित होगा, तब जो लोग वहाँ रहेंगे, वे सब अन्त्येष्टि-कार्यों में मेरे दिवंगत पिता, उस राजा का संस्कार करेंगे - वे ही सफल-मनोरथ होंगे।"

श्लोक 21 (ayodhya.51.21)

रम्यचत्वरसंस्थानां सुविभक्तमहापथाम्। हर्म्यप्रासादसम्पन्नां गणिकावरशोभिताम्॥ २-५१-२१ ॥

ramyacatvarasaṃsthānāṃ suvibhaktamahāpathām | harmyaprāsādasampannāṃ gaṇikāvaraśobhitām

"सुन्दर चौराहों वाली, सुविभक्त राजमार्गों वाली, अट्टालिकाओं और राजभवनों से सम्पन्न, श्रेष्ठ गणिकाओं से सुशोभित,

श्लोक 22 (ayodhya.51.22)

रथाश्वगजसम्बाधां तूर्यनादविनादिताम्। सर्वकल्याणसम्पूर्णां हृष्टपुष्टजनाकुलाम्॥ २-५१-२२ ॥

rathāśvagajasambādhāṃ tūryanādavināditām | sarvakalyāṇasampūrṇāṃ hṛṣṭapuṣṭajanākulām

रथ, अश्व और हाथियों से भरी, वाद्यों की ध्वनि से गूँजती, समस्त मंगलों से परिपूर्ण, हृष्ट-पुष्ट लोगों से भरी,

श्लोक 23 (ayodhya.51.23)

आरामोद्यानसम्पन्नां समाजोत्सवशालिनीम्। सुखिता विचरिष्यन्ति राजधानीं पितुर्मम॥ २-५१-२३ ॥

ārāmodyānasampannāṃ samājotsavaśālinīm | sukhitā vicariṣyanti rājadhānīṃ piturmama

उद्यानों और बगीचों से सम्पन्न, उत्सवों से शोभायमान - मेरे पिता की उस राजधानी में लोग सुखपूर्वक विचरण करेंगे।"

श्लोक 24 (ayodhya.51.24)

अपि जीवेद्दशरथो वनवासात्पुनर्वयम्। प्रत्यागम्य महात्मानमपि पश्येम सुव्रतम्॥ २-५१-२४ ॥

api jīveddaśaratho vanavāsātpunarvayam | pratyāgamya mahātmānamapi paśyema suvratam

"क्या दशरथ जीवित रहेंगे, जब तक हम वनवास से लौटकर आएँ? क्या हम पुनः लौटकर उन उत्तम व्रतधारी महात्मा को देख पाएँगे?"

श्लोक 25 (ayodhya.51.25)

अपि सत्यप्रतिज्ञेन सार्धं कुशलिना वयम्। निवृत्ते वनवासेऽस्मिन्नयोध्यां प्रविशेमहि॥ २-५१-२५ ॥

api satyapratijñena sārdhaṃ kuśalinā vayam | nivṛtte vanavāse'sminnayodhyāṃ praviśemahi

"क्या सत्यप्रतिज्ञ राम के साथ हम कुशलपूर्वक, इस वनवास के समाप्त होने पर, अयोध्या में प्रवेश कर सकेंगे?"

श्लोक 26 (ayodhya.51.26)

परिदेवयमानस्य दुःखार्तस्य महात्मनः। तिष्ठतो राजपुत्रस्य शर्वरी सात्यवर्तत॥ २-५१-२६ ॥

paridevayamānasya duḥkhārtasya mahātmanaḥ | tiṣṭhato rājaputrasya śarvarī sātyavartata

इस प्रकार दुःख से पीड़ित, विलाप करते हुए, खड़े रहे उन महात्मा राजकुमार लक्ष्मण की वह रात इसी तरह बीत गई।

श्लोक 27 (ayodhya.51.27)

तथा हि सत्यं ब्रुवति प्रजाहिते नरेन्द्रपुत्रे गुरुसौहृदाद्गुहः। मुमोच बाष्पं व्यसनाभिपीडितो ज्वरातुरो नाग इव व्यथातुरः॥ २-५१-२७ ॥

tathā hi satyaṃ bruvati prajāhite narendraputre gurusauhṛdādguhaḥ | mumoca bāṣpaṃ vyasanābhipīḍito jvarāturo nāga iva vyathāturaḥ

प्रजा के हित में तत्पर रहने वाले उस राजकुमार लक्ष्मण के इस प्रकार सत्य कहते समय, अपने बड़े भाई के प्रति स्नेह के कारण गुह भी विषाद से पीड़ित हो गए, और ज्वर से आतुर हाथी के समान व्यथा से व्याकुल होकर आँसू बहाने लगे।