गंगा-तरण एवं जटाधारण

श्लोक 1 (ayodhya.52.1)

प्रभातायां तु शर्वर्यां पृथुवक्षा महायशाः। उवाच रामः सौमित्रिं लक्ष्मणं शुभलक्षणम्॥ २-५२-१ ॥

prabhātāyāṃ tu śarvaryāṃ pṛthuvakṣā mahāyaśāḥ | uvāca rāmaḥ saumitriṃ lakṣmaṇaṃ śubhalakṣaṇam

जब रात बीत गई और प्रातःकाल हुआ, तब विशाल वक्ष वाले महायशस्वी राम ने शुभलक्षणी सुमित्रा-पुत्र लक्ष्मण से कहा।

श्लोक 2 (ayodhya.52.2)

भास्करोदयकालोऽसौ गता भगवती निशा। असौ सुकृष्णो विहगः कोकिलस्तात कूजति॥ २-५२-२ ॥

bhāskarodayakālo'sau gatā bhagavatī niśā | asau sukṛṣṇo vihagaḥ kokilastāta kūjati

"यह सूर्योदय का समय है, पूज्य रात्रि बीत चुकी है; देखो, वह अत्यन्त श्याम पक्षी कोकिल बोल रहा है, हे तात!"

श्लोक 3 (ayodhya.52.3)

बर्हिणानां च निर्घोषः श्रूयते नदतां वने। तराम जाह्नवीं सौम्य शीघ्रगां सागरङ्गमाम्॥ २-५२-३ ॥

barhiṇānāṃ ca nirghoṣaḥ śrūyate nadatāṃ vane | tarāma jāhnavīṃ saumya śīghragāṃ sāgaraṅgamām

"वन में बोलते हुए मोरों की ध्वनि सुनाई देती है। हे सौम्य! अब हमें शीघ्रगामिनी, सागर की ओर बहने वाली गंगा को पार करना चाहिए।"

श्लोक 4 (ayodhya.52.4)

विज्ञाय रामस्य वचः सौमित्रिर्मित्रनन्दनः। गुहमामन्त्र्य सूतं च सोऽतिष्ठद् भ्रातुरग्रतः॥ २-५२-४ ॥

vijñāya rāmasya vacaḥ saumitrirmitranandanaḥ | guhamāmantrya sūtaṃ ca so'tiṣṭhad bhrāturagrataḥ

राम के वचन को समझकर, मित्रों को आनन्द देने वाले सुमित्रा-पुत्र लक्ष्मण ने गुह और सूत को बुलाकर, स्वयं अपने भाई के सामने जा खड़े हुए।

श्लोक 5 (ayodhya.52.5)

स तु रामस्य वचनं निशम्य प्रतिगृह्य च। स्थपतिस्तूर्णमाहूय सचिवानिदमब्रवीत्॥ २-५२-५ ॥

sa tu rāmasya vacanaṃ niśamya pratigṛhya ca | sthapatistūrṇamāhūya sacivānidamabravīt

राम का वचन सुनकर और उसे स्वीकार करके, निषादराज ने तुरन्त अपने मन्त्रियों को बुलाकर यह कहा।

श्लोक 6 (ayodhya.52.6)

अस्यवाहनसंयुक्तां कर्णग्राहवतीं शुभाम्। सुप्रतारां दृढां तीर्थे शीघ्रं नावमुपाहर॥ २-५२-६ ॥

asyavāhanasaṃyuktāṃ karṇagrāhavatīṃ śubhām | supratārāṃ dṛḍhāṃ tīrthe śīghraṃ nāvamupāhara

"वाहकों और कर्णधार सहित एक शुभ, दृढ़, सुखपूर्वक पार ले जाने वाली नौका शीघ्र घाट पर ले आओ।"

श्लोक 7 (ayodhya.52.7)

तं निशम्य गुहादेशं गुहामात्यो गतो महान्। उपोह्य रुचिरां नावं गुहाय प्रत्यवेदयत्॥ २-५२-७ ॥

taṃ niśamya guhādeśaṃ guhāmātyo gato mahān | upohya rucirāṃ nāvaṃ guhāya pratyavedayat

गुह की उस आज्ञा को सुनकर उसका महान् मन्त्री गया और एक सुन्दर नाव लाकर उसने गुह को सूचित किया।

श्लोक 8 (ayodhya.52.8)

ततः स प्राञ्जलिर्भूत्वा गुहो राघवमब्रवीत्। उपस्थितेयं नौर्देव भूयः किं करवाणि ते॥ २-५२-८ ॥

tataḥ sa prāñjalirbhūtvā guho rāghavamabravīt | upasthiteyaṃ naurdeva bhūyaḥ kiṃ karavāṇi te

तब गुह ने हाथ जोड़कर राघव से कहा, "हे देव! यह नाव उपस्थित है; अब मैं आपकी और क्या सेवा करूँ?"

श्लोक 9 (ayodhya.52.9)

तवामरसुतप्रख्य तर्तुं सागरगामिनीम्। नौरियं पुरुषव्याघ्र शीघ्रमारोह सुव्रत॥ २-५२-९ ॥

tavāmarasutaprakhya tartuṃ sāgaragāminīm | nauriyaṃ puruṣavyāghra śīghramāroha suvrata

"हे देवकुमार के समान तेजस्वी, उत्तम व्रतधारी पुरुषसिंह! समुद्रगामिनी गंगा को पार करने के लिए यह नाव प्रस्तुत है; शीघ्र इस पर आरूढ़ हों।"

श्लोक 10 (ayodhya.52.10)

अथोवाच महातेजा रामो गुहमिदं वचः। कृतकामोऽस्मि भवता शीघ्रमारोप्यतामिति॥ २-५२-१० ॥

athovāca mahātejā rāmo guhamidaṃ vacaḥ | kṛtakāmo'smi bhavatā śīghramāropyatāmiti

तब महातेजस्वी राम ने गुह से यह वचन कहा, "तुमने मेरा मनोरथ पूर्ण कर दिया; अब शीघ्र सामान चढ़ाओ।"

श्लोक 11 (ayodhya.52.11)

ततः कलापान् संनह्य खड्गौ बध्वा च धन्विनौ। जग्मतुर्येन तां गङ्गां सीतया सह राघवौ॥ २-५२-११ ॥

tataḥ kalāpān saṃnahya khaḍgau badhvā ca dhanvinau | jagmaturyena tāṃ gaṅgāṃ sītayā saha rāghavau

तब कवच धारण कर, तलवारें बाँधकर, धनुष लिए हुए वे दोनों राघव सीता सहित उसी मार्ग से गंगा की ओर गए।

श्लोक 12 (ayodhya.52.12)

राममेवं तु धर्मज्ञमुपागत्य विनीतवत्। किमहं करवाणीति सूतः प्राञ्जलिरब्रवीत्॥ २-५२-१२ ॥

rāmamevaṃ tu dharmajñamupāgatya vinītavat | kimahaṃ karavāṇīti sūtaḥ prāñjalirabravīt

इस प्रकार धर्मज्ञ राम के पास विनम्रतापूर्वक जाकर सूत ने हाथ जोड़कर पूछा, "अब मैं क्या करूँ?"

श्लोक 13 (ayodhya.52.13)

ततोऽब्रवीद् दाशरथिः सुमन्त्रं स्पृशन् करेणोत्तमदक्षिणेन। सुमन्त्र शीघ्रं पुनरेव याहि राज्ञः सकाशे भव चाप्रमत्तः॥ २-५२-१३ ॥

tato'bravīd dāśarathiḥ sumantraṃ spṛśan kareṇottamadakṣiṇena | sumantra śīghraṃ punareva yāhi rājñaḥ sakāśe bhava cāpramattaḥ

तब दशरथ-पुत्र राम ने अपने उत्तम दाहिने हाथ से सुमन्त्र का स्पर्श करते हुए कहा, "हे सुमन्त्र! अब तुम शीघ्र लौट जाओ और महाराज के पास सावधान रहकर सेवा करो।"

श्लोक 14 (ayodhya.52.14)

निवर्तस्वेत्युवाचैनमेतावद्धि कृतं मम। रथं विहाय पद्भ्यां तु गमिष्यामो महावनम्॥ २-५२-१४ ॥

nivartasvetyuvācainametāvaddhi kṛtaṃ mama | rathaṃ vihāya padbhyāṃ tu gamiṣyāmo mahāvanam

"लौट जाओ - इतना ही मुझे तुमसे करवाना था। अब हम रथ छोड़कर पैदल ही महावन को जाएंगे।"

श्लोक 15 (ayodhya.52.15)

आत्मानं त्वभ्यनुज्ञातमवेक्ष्यार्तः स सारथिः। सुमन्त्रः पुरुषव्याघ्रमैक्ष्वाकमिदमब्रवीत्॥ २-५२-१५ ॥

ātmānaṃ tvabhyanujñātamavekṣyārtaḥ sa sārathiḥ | sumantraḥ puruṣavyāghramaikṣvākamidamabravīt

अपने लौटने की आज्ञा पाकर दुःखी सारथी सुमन्त्र ने पुरुषसिंह इक्ष्वाकुवंशी राम से यह कहा।

श्लोक 16 (ayodhya.52.16)

नातिक्रान्तमिदं लोके पुरुषेणेह केनचित्। तव सभ्रातृभार्यस्य वासः प्राकृतवद् वने॥ २-५२-१६ ॥

nātikrāntamidaṃ loke puruṣeṇeha kenacit | tava sabhrātṛbhāryasya vāsaḥ prākṛtavad vane

"इस लोक में किसी भी पुरुष ने अब तक ऐसा दैव नहीं टाला, जिसके कारण आपको भाई और पत्नी सहित साधारण जन की भाँति वन में रहना पड़े।"

श्लोक 17 (ayodhya.52.17)

न मन्ये ब्रह्मचर्ये वा स्वधीते वा फलोदयः। मार्दवार्जवयोऽपि त्वां चेद् व्यसनमागतम्॥ २-५२-१७ ॥

na manye brahmacarye vā svadhīte vā phalodayaḥ | mārdavārjavayo'pi tvāṃ ced vyasanamāgatam

"मुझे नहीं लगता कि ब्रह्मचर्य, वेदाध्ययन, कोमलता या सरलता का कोई फल है, जब कि आप-जैसे पर भी यह विपत्ति आ पड़ी।"

श्लोक 18 (ayodhya.52.18)

सह राघव वैदेह्या भ्रात्रा चैव वने वसन्। त्वं गतिं प्राप्स्यसे वीर त्रील्लोकांस्तु जयन्निव॥ २-५२-१८ ॥

saha rāghava vaidehyā bhrātrā caiva vane vasan | tvaṃ gatiṃ prāpsyase vīra trīllokāṃstu jayanniva

"हे वीर राघव! वैदेही और भाई के साथ वन में रहते हुए आप उसी प्रकार महान् गति प्राप्त करेंगे, मानो तीनों लोकों को जीत रहे हों।"

श्लोक 19 (ayodhya.52.19)

वयं खलु हता राम ये त्वया ह्युपवञ्चिताः। कैकेय्या वशमेष्यामः पापाया दुःखभागिनः॥ २-५२-१९ ॥

vayaṃ khalu hatā rāma ye tvayā hyupavañcitāḥ | kaikeyyā vaśameṣyāmaḥ pāpāyā duḥkhabhāginaḥ

"हे राम! निश्चय ही हम मारे गए, जिन्हें आपने वंचित कर दिया; अब हम पापिनी कैकेयी के वश में पड़कर दुःख भोगेंगे।"

श्लोक 20 (ayodhya.52.20)

इति ब्रुवन्नात्मसमं सुमन्त्रः सारथिस्तदा। दृष्ट्वा दूरगतं रामं दुःखार्तो रुरुदे चिरम्॥ २-५२-२० ॥

iti bruvannātmasamaṃ sumantraḥ sārathistadā | dṛṣṭvā dūragataṃ rāmaṃ duḥkhārto rurude ciram

आत्मा के समान प्रिय राम से ऐसा कहते हुए सारथी सुमन्त्र, उन्हें दूर जाते देखकर, दुःख से व्याकुल हो देर तक रोते रहे।

श्लोक 21 (ayodhya.52.21)

ततस्तु विगते बाष्पे सूतं स्पृष्ट्वोदकं शुचिम्। रामस्तु मधुरं वाक्यं पुनः पुनरुवाच तम्॥ २-५२-२१ ॥

tatastu vigate bāṣpe sūtaṃ spṛṣṭvodakaṃ śucim | rāmastu madhuraṃ vākyaṃ punaḥ punaruvāca tam

फिर आँसू थमने पर, पवित्र जल का स्पर्श कर, सारथी से राम ने बार-बार मधुर वचन कहा।

श्लोक 22 (ayodhya.52.22)

इक्ष्वाकूणां त्वया तुल्यं सुहृदं नोपलक्षये। यथा दशरथो राजा मां न शोचेत् तथा कुरु॥ २-५२-२२ ॥

ikṣvākūṇāṃ tvayā tulyaṃ suhṛdaṃ nopalakṣaye | yathā daśaratho rājā māṃ na śocet tathā kuru

"इक्ष्वाकुवंशियों में मुझे तुम्हारे समान हितैषी कोई नहीं दिखता; ऐसा करो कि राजा दशरथ मेरे लिए शोक न करें।"

श्लोक 23 (ayodhya.52.23)

शोकोपहतचेताश्च वृद्धश्च जगतीपतिः। कामभारावसन्नश्च तस्मादेतद् ब्रवीमि ते॥ २-५२-२३ ॥

śokopahatacetāśca vṛddhaśca jagatīpatiḥ | kāmabhārāvasannaśca tasmādetad bravīmi te

"शोक से आहत चित्त वाले, वृद्ध, और कामनाओं के भार से दबे हुए उस पृथ्वीपति के लिए ही मैं तुमसे यह कहता हूँ।"

श्लोक 24 (ayodhya.52.24)

यद् यथा ज्ञापयेत् किंचित् स महात्मा महीपतिः। कैकेय्याः प्रियकामार्थं कार्यं तदविकांक्षया॥ २-५२-२४ ॥

yad yathā jñāpayet kiṃcit sa mahātmā mahīpatiḥ | kaikeyyāḥ priyakāmārthaṃ kāryaṃ tadavikāṃkṣayā

"वे महात्मा राजा कैकेयी को प्रसन्न रखने के लिए तुम्हें जो भी आज्ञा दें, उसे बिना किसी आपत्ति के पूरा करना।"

श्लोक 25 (ayodhya.52.25)

एतदर्थं हि राज्यानि प्रशासति नराधिपाः। यदेषां सर्वकृत्येषु मनो न प्रतिहन्यते॥ २-५२-२५ ॥

etadarthaṃ hi rājyāni praśāsati narādhipāḥ | yadeṣāṃ sarvakṛtyeṣu mano na pratihanyate

"राजा इसीलिए राज्य का शासन करते हैं कि उनके सब कार्यों में उनकी इच्छा में कोई बाधा न पड़े।"

श्लोक 26 (ayodhya.52.26)

यद् यथा स महाराजो नालीकमधिगच्छति। न च ताम्यति शोकेन सुमन्त्र कुरु तत् तथा॥ २-५२-२६ ॥

yad yathā sa mahārājo nālīkamadhigacchati | na ca tāmyati śokena sumantra kuru tat tathā

"महाराज जिस किसी भी बात से खिन्न न हों और शोक से क्षीण न हों, हे सुमन्त्र! वैसा ही तुम करना।"

श्लोक 27 (ayodhya.52.27)

अदृष्टदुःखं राजानं वृद्धमार्यं जितेन्द्रियम्। ब्रूयास्त्वमभिवाद्यैव मम हेतोरिदं वचः॥ २-५२-२७ ॥

adṛṣṭaduḥkhaṃ rājānaṃ vṛddhamāryaṃ jitendriyam | brūyāstvamabhivādyaiva mama hetoridaṃ vacaḥ

"जिन्होंने कभी दुःख नहीं देखा, उन वृद्ध, आर्य, जितेन्द्रिय राजा को प्रणाम करके मेरी ओर से यह वचन कहना।"

श्लोक 28 (ayodhya.52.28)

न चाहमनुशोचामि लक्ष्मणो न च शोचति। अयोध्यायाश्च्युताश्चेति वने वत्स्यामहेति वा॥ २-५२-२८ ॥

na cāhamanuśocāmi lakṣmaṇo na ca śocati | ayodhyāyāścyutāśceti vane vatsyāmaheti vā

"अयोध्या से निकाले जाने अथवा वन में रहने को लेकर न तो मैं शोक करता हूँ और न लक्ष्मण करते हैं।"

श्लोक 29 (ayodhya.52.29)

चतुर्दशसु वर्षेषु निवृत्तेषु पुनः पुनः। लक्ष्मणं मां च सीतां च द्रक्ष्यसे शीघ्रमागतान्॥ २-५२-२९ ॥

caturdaśasu varṣeṣu nivṛtteṣu punaḥ punaḥ | lakṣmaṇaṃ māṃ ca sītāṃ ca drakṣyase śīghramāgatān

"चौदह वर्ष बीत जाने पर तुम शीघ्र ही लौटे हुए मुझे, लक्ष्मण और सीता को फिर देखोगे।"

श्लोक 30 (ayodhya.52.30)

एवमुक्त्वा तु राजानं मातरं च सुमन्त्र मे। अन्याश्च देवीः सहिताः कैकेयीं च पुनः पुनः॥ २-५२-३० ॥

evamuktvā tu rājānaṃ mātaraṃ ca sumantra me | anyāśca devīḥ sahitāḥ kaikeyīṃ ca punaḥ punaḥ

"हे सुमन्त्र! महाराज से ऐसा कहकर, मेरी माता से तथा उनके साथ बैठी अन्य माताओं से, और बार-बार कैकेयी से भी।"

श्लोक 31 (ayodhya.52.31)

आरोग्यं ब्रूहि कौसल्यामथ पादाभिवन्दनम्। सीताया मम चार्यस्य वचनाल्लक्ष्मणस्य च॥ २-५२-३१ ॥

ārogyaṃ brūhi kausalyāmatha pādābhivandanam | sītāyā mama cāryasya vacanāllakṣmaṇasya ca

"कौसल्या से मेरा कुशल-समाचार कहना, और मेरी, सीता की तथा आर्य लक्ष्मण की ओर से उनके चरणों की वन्दना करना।"

श्लोक 32 (ayodhya.52.32)

ब्रूयाश्चापि महाराजं भरतं क्षिप्रमानय। आगतश्चापि भरतः स्थाप्यो नृपमते पदे॥ २-५२-३२ ॥

brūyāścāpi mahārājaṃ bharataṃ kṣipramānaya | āgataścāpi bharataḥ sthāpyo nṛpamate pade

"महाराज से यह भी कहना कि वे भरत को शीघ्र बुला लें; और भरत के आने पर उन्हें राजा की इच्छानुसार पद पर प्रतिष्ठित कर दें।"

श्लोक 33 (ayodhya.52.33)

भरतं च परिष्वज्य यौवराज्येऽभिषिच्य च। अस्मत्संतापजं दुःखं न त्वामभिभविष्यति॥ २-५२-३३ ॥

bharataṃ ca pariṣvajya yauvarājye'bhiṣicya ca | asmatsaṃtāpajaṃ duḥkhaṃ na tvāmabhibhaviṣyati

"भरत को गले लगाकर और युवराज-पद पर अभिषिक्त कर देने से हमारे वियोग से उत्पन्न दुःख आपको पीड़ित नहीं करेगा।"

श्लोक 34 (ayodhya.52.34)

भरतश्चापि वक्तव्यो यथा राजनि वर्तसे। तथा मातृषु वर्तेथाः सर्वास्वेवाविशेषतः॥ २-५२-३४ ॥

bharataścāpi vaktavyo yathā rājani vartase | tathā mātṛṣu vartethāḥ sarvāsvevāviśeṣataḥ

"भरत से भी कहना कि जैसा व्यवहार तुम राजा के प्रति करते हो, वैसा ही समान रूप से सभी माताओं के प्रति करना।"

श्लोक 35 (ayodhya.52.35)

यथा च तव कैकेयी सुमित्रा चाविशेषतः। तथैव देवी कौसल्या मम माता विशेषतः॥ २-५२-३५ ॥

yathā ca tava kaikeyī sumitrā cāviśeṣataḥ | tathaiva devī kausalyā mama mātā viśeṣataḥ

"जैसे तुम्हारे लिए कैकेयी और सुमित्रा समान हैं, वैसे ही देवी कौसल्या, मेरी माता को, विशेष आदर देना।"

श्लोक 36 (ayodhya.52.36)

तातस्य प्रियकामेन यौवराज्यमवेक्षता। लोकयोरुभयोः शक्यं नित्यदा सुखमेधितुम्॥ २-५२-३६ ॥

tātasya priyakāmena yauvarājyamavekṣatā | lokayorubhayoḥ śakyaṃ nityadā sukhamedhitum

"पिता का प्रिय करने की इच्छा से युवराज-पद स्वीकार करने पर, इहलोक और परलोक दोनों में सदा सुख की वृद्धि सम्भव है।"

श्लोक 37 (ayodhya.52.37)

निवर्त्यमानो रामेण सुमन्त्रः प्रतिबोधितः। तत्सर्वं वचनं श्रुत्वा स्नेहात् काकुत्स्थमब्रवीत्॥ २-५२-३७ ॥

nivartyamāno rāmeṇa sumantraḥ pratibodhitaḥ | tatsarvaṃ vacanaṃ śrutvā snehāt kākutsthamabravīt

राम के द्वारा इस प्रकार समझाकर लौटाए जाते हुए सुमन्त्र ने वह सब वचन सुनकर स्नेहपूर्वक काकुत्स्थ से कहा।

श्लोक 38 (ayodhya.52.38)

यदहं नोपचारेण ब्रूयां स्नेहादविक्लवम्। भक्तिमानिति तत् तावद् वाक्यं त्वं क्षन्तुमर्हसि॥ २-५२-३८ ॥

yadahaṃ nopacāreṇa brūyāṃ snehādaviklavam | bhaktimāniti tat tāvad vākyaṃ tvaṃ kṣantumarhasi

"स्नेहवश यदि मैं अनुचित रीति से कोई निर्भीक बात कह दूँ, तो आप यह समझकर कि यह आपका भक्त है, वह वचन क्षमा करें।"

श्लोक 39 (ayodhya.52.39)

कथं हि त्वद्धिहीनोऽहं प्रतियास्यामि तां पुरीम्। तव तात वियोगेन पुत्रशोकातुरामिव॥ २-५२-३९ ॥

kathaṃ hi tvaddhihīno'haṃ pratiyāsyāmi tāṃ purīm | tava tāta viyogena putraśokāturāmiva

"हे तात! आपके वियोग से पुत्रशोक से आतुर माता के समान संतप्त उस नगरी में मैं आपके बिना कैसे लौट सकूँगा?"

श्लोक 40 (ayodhya.52.40)

सराममपि तावन्मे रथं दृष्ट्वा तदा जनः। विना रामं रथं दृष्ट्वा विदीर्येतापि सा पुरी॥ २-५२-४० ॥

sarāmamapi tāvanme rathaṃ dṛṣṭvā tadā janaḥ | vinā rāmaṃ rathaṃ dṛṣṭvā vidīryetāpi sā purī

"जिन लोगों ने आते समय मेरे रथ में राम को बैठा देखा था, राम-रहित इस रथ को देखकर वह नगरी भी विदीर्ण हो जाएगी।"

श्लोक 41 (ayodhya.52.41)

दैन्यं हि नगरी गच्छेद् दृष्ट्वा शून्यमिमं रथम्। सूतावशेषं स्वं सैन्यं हतवीरमिवाहवे॥ २-५२-४१ ॥

dainyaṃ hi nagarī gacched dṛṣṭvā śūnyamimaṃ ratham | sūtāvaśeṣaṃ svaṃ sainyaṃ hatavīramivāhave

"जैसे युद्ध में वीर के मारे जाने पर सारथी मात्र शेष रह गई सेना दीन हो जाती है, वैसे ही सूने रथ को देखकर नगरी दीनता को प्राप्त होगी।"

श्लोक 42 (ayodhya.52.42)

दूरेऽपि निवसन्तं त्वां मानसेनाग्रतः स्थितम्। चिन्तयन्तोऽद्य नूनं त्वां निराहाराः कृताः प्रजाः॥ २-५२-४२ ॥

dūre'pi nivasantaṃ tvāṃ mānasenāgrataḥ sthitam | cintayanto'dya nūnaṃ tvāṃ nirāhārāḥ kṛtāḥ prajāḥ

"दूर रहते हुए भी, मन में सदा अपने सामने खड़ा जानकर, आपका ही चिन्तन करती हुई प्रजा ने आज निश्चय ही अन्न-जल त्याग दिया होगा।"

श्लोक 43 (ayodhya.52.43)

दृष्टं तद् वै त्वया राम यादृशं त्वत्प्रवासने। प्रजानां संकुलं वृत्तं त्वच्छोकक्लान्तचेतसाम्॥ २-५२-४३ ॥

dṛṣṭaṃ tad vai tvayā rāma yādṛśaṃ tvatpravāsane | prajānāṃ saṃkulaṃ vṛttaṃ tvacchokaklāntacetasām

"हे राम! आपने स्वयं देखा है कि आपके प्रवास के समय आपके शोक से क्लान्त-चित्त प्रजा में कैसा कोलाहल उठा था।"

श्लोक 44 (ayodhya.52.44)

आर्तनादो हि यः पौरैरुन्मुक्तस्त्वत्प्रवासने। सरथं मां निशाम्यैव कुर्युः शतगुणं ततः॥ २-५२-४४ ॥

ārtanādo hi yaḥ paurairunmuktastvatpravāsane | sarathaṃ māṃ niśāmyaiva kuryuḥ śataguṇaṃ tataḥ

"आपके प्रस्थान के समय नगरवासियों ने जो आर्तनाद किया था, मुझे रथ सहित अकेला लौटा देखकर वे उससे सौगुना करेंगे।"

श्लोक 45 (ayodhya.52.45)

अहं किं चापि वक्ष्यामि देवीं तव सुतो मया। नीतोऽसौ मातुलकुलं संतापं मा कृथा इति॥ २-५२-४५ ॥

ahaṃ kiṃ cāpi vakṣyāmi devīṃ tava suto mayā | nīto'sau mātulakulaṃ saṃtāpaṃ mā kṛthā iti

"क्या मैं महारानी से यह भी कह दूँ कि मैं आपके पुत्र को मामा के घर पहुँचा आया हूँ, आप संताप न करें?"

श्लोक 46 (ayodhya.52.46)

असत्यमपि नैवाहं ब्रूयां वचनमीदृशम्। कथमप्रियमेवाहं ब्रूयां सत्यमिदं वचः॥ २-५२-४६ ॥

asatyamapi naivāhaṃ brūyāṃ vacanamīdṛśam | kathamapriyamevāhaṃ brūyāṃ satyamidaṃ vacaḥ

"किन्तु ऐसा असत्य वचन मैं कभी नहीं कहूँगा; फिर यह प्रिय किन्तु सत्य बात भी मैं कैसे कहूँ, कि मैं आपके पुत्र को वन में छोड़ आया हूँ?"

श्लोक 47 (ayodhya.52.47)

मम तावन्नियोगस्थास्त्वबन्धुजनवाहिनः। कथं रथं त्वया हीनं प्रवाह्यन्ति हयोत्तमाः॥ २-५२-४७ ॥

mama tāvanniyogasthāstvabandhujanavāhinaḥ | kathaṃ rathaṃ tvayā hīnaṃ pravāhyanti hayottamāḥ

"ये उत्तम घोड़े मेरी आज्ञा से आपके बन्धुजनों को ही ढोते हैं; आपसे रहित इस रथ को ये कैसे खींच सकेंगे?"

श्लोक 48 (ayodhya.52.48)

तन्न शक्ष्याम्यहं गन्तुमयोध्यां त्वदृतेऽनघ। वनवासानुयानाय मामनुज्ञातुमर्हसि॥ २-५२-४८ ॥

tanna śakṣyāmyahaṃ gantumayodhyāṃ tvadṛte'nagha | vanavāsānuyānāya māmanujñātumarhasi

"हे निष्पाप! अतः मैं आपके बिना अयोध्या नहीं जा सकूँगा; मुझे भी वनवास में आपके साथ चलने की आज्ञा दीजिए।"

श्लोक 49 (ayodhya.52.49)

यदि मे याचमानस्य त्यागमेव करिष्यसि। सरथोऽग्निं प्रवेक्ष्यामि त्यक्तमात्र इह त्वया॥ २-५२-४९ ॥

yadi me yācamānasya tyāgameva kariṣyasi | saratho'gniṃ pravekṣyāmi tyaktamātra iha tvayā

"यदि इस प्रकार याचना करने पर भी आप मुझे त्याग ही देंगे, तो आपके द्वारा त्यक्त हुआ मैं यहीं रथ सहित अग्नि में प्रवेश कर जाऊँगा।"

श्लोक 50 (ayodhya.52.50)

भविष्यन्ति वने यानि तपोविघ्नकराणि ते। रथेन प्रतिबाधिष्ये तानि सर्वाणि राघव॥ २-५२-५० ॥

bhaviṣyanti vane yāni tapovighnakarāṇi te | rathena pratibādhiṣye tāni sarvāṇi rāghava

"हे राघव! वन में आपकी तपस्या में विघ्न डालने वाले जो भी जीव-जन्तु होंगे, मैं इस रथ के द्वारा उन सबको दूर कर दूँगा।"

श्लोक 51 (ayodhya.52.51)

त्वत्कृतेन मया प्राप्तं रथचर्याकृतं सुखम्। आशंसे त्वत्कृतेनाहं वनवासकृतं सुखम्॥ २-५२-५१ ॥

tvatkṛtena mayā prāptaṃ rathacaryākṛtaṃ sukham | āśaṃse tvatkṛtenāhaṃ vanavāsakṛtaṃ sukham

"आपकी कृपा से मुझे रथ-संचालन का सुख मिला; अब आपकी ही कृपा से वनवास का सुख भी पाने की आशा करता हूँ।"

श्लोक 52 (ayodhya.52.52)

प्रसीदेच्छामि तेऽरण्ये भवितुं प्रत्यनन्तरः। प्रीत्याभिहितमिच्छामि भव मे प्रत्यनन्तरः॥ २-५२-५२ ॥

prasīdecchāmi te'raṇye bhavituṃ pratyanantaraḥ | prītyābhihitamicchāmi bhava me pratyanantaraḥ

"प्रसन्न होकर आज्ञा दीजिए कि मैं वन में आपके निकट ही रहूँ; स्नेहपूर्वक कहिए कि तुम मेरे साथ ही रहो।"

श्लोक 53 (ayodhya.52.53)

इमेऽपि च हया वीर यदि ते वनवासिनः। परिचर्यां करिष्यन्ति प्राप्स्यन्ति परमां गतिम्॥ २-५२-५३ ॥

ime'pi ca hayā vīra yadi te vanavāsinaḥ | paricaryāṃ kariṣyanti prāpsyanti paramāṃ gatim

"हे वीर! वन में रहते हुए ये घोड़े भी यदि आपकी सेवा करेंगे, तो वे भी परम गति को प्राप्त होंगे।"

श्लोक 54 (ayodhya.52.54)

तव शुश्रूषणं मूर्ना करिष्यामि वने वसन्। अयोध्यां देवलोकं वा सर्वथा प्रजहाम्यहम्॥ २-५२-५४ ॥

tava śuśrūṣaṇaṃ mūrnā kariṣyāmi vane vasan | ayodhyāṃ devalokaṃ vā sarvathā prajahāmyaham

"वन में रहकर मैं सिर झुकाकर आपकी सेवा करूँगा; इसके लिए मैं अयोध्या और देवलोक दोनों का सर्वथा परित्याग कर दूँगा।"

श्लोक 55 (ayodhya.52.55)

नहि शक्या प्रवेष्टं सा मयायोध्या त्वया विना। राजधानी महेन्द्रस्य यथा दुष्कृतकर्मणा॥ २-५२-५५ ॥

nahi śakyā praveṣṭaṃ sā mayāyodhyā tvayā vinā | rājadhānī mahendrasya yathā duṣkṛtakarmaṇā

"दुराचारी जैसे इन्द्र की राजधानी में प्रवेश नहीं कर सकता, वैसे ही मैं आपके बिना उस अयोध्या में प्रवेश नहीं कर सकता।"

श्लोक 56 (ayodhya.52.56)

वनवासे क्षयं प्राप्ते ममैष हि मनोरथः। यदनेन रथेनैव त्वां वहेयं पुरी पुनः॥ २-५२-५६ ॥

vanavāse kṣayaṃ prāpte mamaiṣa hi manorathaḥ | yadanena rathenaiva tvāṃ vaheyaṃ purī punaḥ

"वनवास समाप्त होने पर मेरी यही अभिलाषा है कि इसी रथ पर आपको पुनः नगरी में ले चलूँ।"

श्लोक 57 (ayodhya.52.57)

चतुर्दश हि वर्षाणि सहितस्य त्वया वने। क्षणभूतानि यास्यन्ति शतसंख्यानि चान्यथा॥ २-५२-५७ ॥

caturdaśa hi varṣāṇi sahitasya tvayā vane | kṣaṇabhūtāni yāsyanti śatasaṃkhyāni cānyathā

"आपके साथ वन में रहते हुए ये चौदह वर्ष मुझे क्षणभर के समान बीतेंगे; अन्यथा वे सौ वर्ष के समान भारी होंगे।"

श्लोक 58 (ayodhya.52.58)

भृत्यवत्सल तिष्ठन्तं भर्तृपुत्रगते पथि। भक्तं भृत्यं स्थितं स्थित्या न मा त्वं हातुमर्हसि॥ २-५२-५८ ॥

bhṛtyavatsala tiṣṭhantaṃ bhartṛputragate pathi | bhaktaṃ bhṛtyaṃ sthitaṃ sthityā na mā tvaṃ hātumarhasi

"हे सेवकवत्सल! अपने स्वामी के पुत्र के मार्ग में खड़े, आपकी भक्ति रखने वाले इस सेवक को त्यागना आपको उचित नहीं है।"

श्लोक 59 (ayodhya.52.59)

एवं बहुविधं दीनं याचमानं पुनः पुनः। रामो भृत्यानुकम्पी तु सुमन्त्रमिदमब्रवीत्॥ २-५२-५९ ॥

evaṃ bahuvidhaṃ dīnaṃ yācamānaṃ punaḥ punaḥ | rāmo bhṛtyānukampī tu sumantramidamabravīt

इस प्रकार बार-बार दीनतापूर्वक अनेक प्रकार से याचना करते हुए सुमन्त्र से, सेवकों पर दया करने वाले राम ने यह कहा।

श्लोक 60 (ayodhya.52.60)

जानामि परमां भक्तिमहं ते भर्तृवत्सल। शृणु चापि यदर्थं त्वां प्रेषयामि पुरीमितः॥ २-५२-६० ॥

jānāmi paramāṃ bhaktimahaṃ te bhartṛvatsala | śṛṇu cāpi yadarthaṃ tvāṃ preṣayāmi purīmitaḥ

"हे भर्तृवत्सल! मैं तुम्हारी परम भक्ति जानता हूँ; किन्तु सुनो कि किस कारण से मैं तुम्हें यहाँ से नगरी भेज रहा हूँ।"

श्लोक 61 (ayodhya.52.61)

नगरीं त्वां गतं दृष्ट्वा जननी मे यवीयसी। कैकेयी प्रत्ययं गच्छेदिति रामो वनं गतः॥ २-५२-६१ ॥

nagarīṃ tvāṃ gataṃ dṛṣṭvā jananī me yavīyasī | kaikeyī pratyayaṃ gacchediti rāmo vanaṃ gataḥ

"तुम्हें नगरी लौटा हुआ देखकर मेरी छोटी माता कैकेयी को यह विश्वास हो जाएगा कि राम सचमुच वन को चले गए।"

श्लोक 62 (ayodhya.52.62)

विपरीते तुष्टिहीना वनवासं गते मयि। राजानं नातिशङ्केत मिथ्यावादीति धार्मिकम्॥ २-५२-६२ ॥

viparīte tuṣṭihīnā vanavāsaṃ gate mayi | rājānaṃ nātiśaṅketa mithyāvādīti dhārmikam

"इसके विपरीत यदि तुम न लौटो तो उसे संतोष नहीं होगा, और वह धर्मात्मा महाराज को मिथ्यावादी समझने की शंका करेगी।"

श्लोक 63 (ayodhya.52.63)

एष मे प्रथमः कल्पो यदम्बा मे यवीयसी। भरतारक्षितं स्फीतं पुत्रराज्यमवाप्स्यते॥ २-५२-६३ ॥

eṣa me prathamaḥ kalpo yadambā me yavīyasī | bharatārakṣitaṃ sphītaṃ putrarājyamavāpsyate

"मेरा यही मुख्य उद्देश्य है कि मेरी छोटी माता भरत द्वारा सुरक्षित समृद्ध राज्य को शीघ्र प्राप्त कर ले।"

श्लोक 64 (ayodhya.52.64)

मम प्रियार्थं राज्ञश्च सुमन्त्र त्वं पुरीं व्रज। संदिष्टश्चापि यानर्थांस्तांस्तान् ब्रूयास्तथा तथा॥ २-५२-६४ ॥

mama priyārthaṃ rājñaśca sumantra tvaṃ purīṃ vraja | saṃdiṣṭaścāpi yānarthāṃstāṃstān brūyāstathā tathā

"हे सुमन्त्र! मेरे और महाराज के प्रिय के लिए तुम नगरी को जाओ, और जिन-जिन बातों का संदेश दिया गया है, वे सब वैसे ही कह देना।"

श्लोक 65 (ayodhya.52.65)

इत्युक्त्वा वचनं सूतं सान्त्वयित्वा पुनः पुनः। गुहं वचनमक्लीबो रामो हेतुमदब्रवीत्॥ २-५२-६५ ॥

ityuktvā vacanaṃ sūtaṃ sāntvayitvā punaḥ punaḥ | guhaṃ vacanamaklībo rāmo hetumadabravīt

ऐसा कहकर सूत को बार-बार सान्त्वना देकर, दृढ़चित्त राम ने गुह से भी युक्तिसंगत वचन कहा।

श्लोक 66 (ayodhya.52.66)

नेदानीं गुह योग्योऽयं वासो मे सजने वने। अवश्यमाश्रमे वासः कर्तव्यस्तद्गतो विधिः॥ २-५२-६६ ॥

nedānīṃ guha yogyo'yaṃ vāso me sajane vane | avaśyamāśrame vāsaḥ kartavyastadgato vidhiḥ

"हे गुह! अब जनसंकुल वन में रहना मेरे लिए उचित नहीं; अवश्य ही मुझे आश्रम में रहकर उससे सम्बन्धित विधि का पालन करना होगा।"

श्लोक 67 (ayodhya.52.67)

सोऽहं गृहीत्वा नियमं तपस्विजनभूषणम्। हितकामः पितुर्भूयः सीताया लक्ष्मणस्य च॥ २-५२-६७ ॥

so'haṃ gṛhītvā niyamaṃ tapasvijanabhūṣaṇam | hitakāmaḥ piturbhūyaḥ sītāyā lakṣmaṇasya ca

"तपस्वियों के भूषणस्वरूप नियम ग्रहण करके, पिता, सीता और लक्ष्मण के हित की कामना से, मैं जटा बनाकर जाऊँगा; न्यग्रोध का दूध ले आओ।"

श्लोक 68 (ayodhya.52.68)

जटाः कृत्वा गमिष्यामि न्यग्रोधक्षीरमानय। तत्क्षीरं राजपुत्राय गुहः क्षिप्रमुपाहरत्॥ २-५२-६८ ॥

jaṭāḥ kṛtvā gamiṣyāmi nyagrodhakṣīramānaya | tatkṣīraṃ rājaputrāya guhaḥ kṣipramupāharat

गुह ने वह दूध राजकुमार के लिए शीघ्र ला दिया।

श्लोक 69 (ayodhya.52.69)

लक्ष्मणस्यात्मनश्चैव रामस्तेनाकरोज्जटाः। दीर्घबाहुर्नरव्याघ्रो जटिलत्वमधारयत्॥ २-५२-६९ ॥

lakṣmaṇasyātmanaścaiva rāmastenākarojjaṭāḥ | dīrghabāhurnaravyāghro jaṭilatvamadhārayat

उससे राम ने लक्ष्मण की और अपनी जटाएँ बनाईं; महाबाहु पुरुषसिंह जटाधारी हो गए।

श्लोक 70 (ayodhya.52.70)

तौ तदा चीरसम्पन्नौ जटामण्डलधारिणौ। अशोभेतामृषिसमौ भ्रातरौ रामलक्ष्मणौ॥ २-५२-७० ॥

tau tadā cīrasampannau jaṭāmaṇḍaladhāriṇau | aśobhetāmṛṣisamau bhrātarau rāmalakṣmaṇau

वल्कल वस्त्र और जटामण्डल धारण किए हुए राम-लक्ष्मण दोनों भाई ऋषियों के समान शोभित हुए।

श्लोक 71 (ayodhya.52.71)

ततो वैखानसं मार्गमास्थितः सहलक्ष्मणः। व्रतमादिष्टवान् रामः सहायं गुहमब्रवीत्॥ २-५२-७१ ॥

tato vaikhānasaṃ mārgamāsthitaḥ sahalakṣmaṇaḥ | vratamādiṣṭavān rāmaḥ sahāyaṃ guhamabravīt

तब लक्ष्मण सहित वानप्रस्थ मार्ग को अपनाकर, व्रत ग्रहण करने के बाद राम ने अपने सहायक गुह से कहा।

श्लोक 72 (ayodhya.52.72)

अप्रमत्तो बले कोशे दुर्गे जनपदे तथा। भवेथा गुह राज्यं हि दुरारक्षतमं मतम्॥ २-५२-७२ ॥

apramatto bale kośe durge janapade tathā | bhavethā guha rājyaṃ hi durārakṣatamaṃ matam

"हे गुह! सेना, कोष, दुर्ग और जनपद के विषय में सदा सावधान रहना; क्योंकि राज्य की रक्षा अत्यन्त कठिन मानी गई है।"

श्लोक 73 (ayodhya.52.73)

ततस्तं समनुज्ञाप्य गुहमिक्ष्वाकुनन्दनः। जगाम तूर्णमव्यग्रः सभार्यः सहलक्ष्मणः॥ २-५२-७३ ॥

tatastaṃ samanujñāpya guhamikṣvākunandanaḥ | jagāma tūrṇamavyagraḥ sabhāryaḥ sahalakṣmaṇaḥ

गुह से इस प्रकार विदा लेकर इक्ष्वाकुनन्दन राम पत्नी और लक्ष्मण सहित निर्विकार होकर शीघ्र चल पड़े।

श्लोक 74 (ayodhya.52.74)

स तु दृष्ट्वा नदीतीरे नावमिक्ष्वाकुनन्दनः। तितीर्षुः शीघ्रगां गङ्गामिदं वचनमब्रवीत्॥ २-५२-७४ ॥

sa tu dṛṣṭvā nadītīre nāvamikṣvākunandanaḥ | titīrṣuḥ śīghragāṃ gaṅgāmidaṃ vacanamabravīt

नदी के तट पर नाव देखकर इक्ष्वाकुनन्दन ने शीघ्रगामिनी गंगा को पार करने की इच्छा से यह वचन कहा।

श्लोक 75 (ayodhya.52.75)

आरोह त्वं नरव्याघ्र स्थितां नावमिमां शनैः। सीतां चारोपयान्वक्षं परिगृह्य मनस्विनीम्॥ २-५२-७५ ॥

āroha tvaṃ naravyāghra sthitāṃ nāvamimāṃ śanaiḥ | sītāṃ cāropayānvakṣaṃ parigṛhya manasvinīm

"हे नरश्रेष्ठ! खड़ी इस नाव पर धीरे से चढ़ो, और मनस्विनी सीता को सहारा देकर उन्हें भी चढ़ा लो।"

श्लोक 76 (ayodhya.52.76)

स भ्रातुः शासनं श्रुत्वा सर्वमप्रतिकूलयन्। आरोप्य मैथिलीं पूर्वमारुरोहात्मवांस्ततः॥ २-५२-७६ ॥

sa bhrātuḥ śāsanaṃ śrutvā sarvamapratikūlayan | āropya maithilīṃ pūrvamārurohātmavāṃstataḥ

भाई की आज्ञा सुनकर, बिना किसी विरोध के, लक्ष्मण ने पहले मैथिली को चढ़ाया, फिर स्वयं आत्मसंयमी होकर आरूढ़ हुए।

श्लोक 77 (ayodhya.52.77)

अथारुरोह तेजस्वी स्वयं लक्ष्मणपूर्वजः। ततो निषादाधिपतिर्गुहो ज्ञातीनचोदयत्॥ २-५२-७७ ॥

athāruroha tejasvī svayaṃ lakṣmaṇapūrvajaḥ | tato niṣādādhipatirguho jñātīnacodayat

फिर तेजस्वी लक्ष्मण के अग्रज स्वयं आरूढ़ हुए; तब निषादराज गुह ने अपने बन्धुओं को नाव खेने का आदेश दिया।

श्लोक 78 (ayodhya.52.78)

राघवोऽपि महातेजा नावमारुह्य तां ततः। ब्रह्मवत्क्षत्रवच्चैव जजाप हितमात्मनः॥ २-५२-७८ ॥

rāghavo'pi mahātejā nāvamāruhya tāṃ tataḥ | brahmavatkṣatravaccaiva jajāpa hitamātmanaḥ

महातेजस्वी राघव भी उस नाव पर चढ़कर, ब्राह्मण और क्षत्रिय दोनों के लिए उपयुक्त, अपने हित के मन्त्र का जप करने लगे।

श्लोक 79 (ayodhya.52.79)

आचम्य च यथाशास्त्रं नदीं तां सह सीतया। प्रणमत्प्रीतिसंतुष्टो लक्ष्मणश्च महारथः॥ २-५२-७९ ॥

ācamya ca yathāśāstraṃ nadīṃ tāṃ saha sītayā | praṇamatprītisaṃtuṣṭo lakṣmaṇaśca mahārathaḥ

फिर शास्त्रविधि के अनुसार आचमन कर, सीता सहित उन्होंने प्रसन्नचित्त होकर नदी को प्रणाम किया; महारथी लक्ष्मण ने भी वैसा ही किया।

श्लोक 80 (ayodhya.52.80)

अनुज्ञाय सुमन्त्रं च सबलं चैव तं गुहम्। आस्थाय नावं रामस्तु चोदयामास नाविकान्॥ २-५२-८० ॥

anujñāya sumantraṃ ca sabalaṃ caiva taṃ guham | āsthāya nāvaṃ rāmastu codayāmāsa nāvikān

सुमन्त्र को और सेना सहित गुह को विदा देकर, नाव पर आरूढ़ राम ने मल्लाहों को चलने का आदेश दिया।

श्लोक 81 (ayodhya.52.81)

ततस्तैश्चालिता नौका कर्णधारसमाहिता। शुभस्फ्यवेगाभिहता शीघ्रं सलिलमत्यगात्॥ २-५२-८१ ॥

tatastaiścālitā naukā karṇadhārasamāhitā | śubhasphyavegābhihatā śīghraṃ salilamatyagāt

तब मल्लाहों द्वारा चलाई गई, कर्णधार द्वारा संचालित वह नाव, चप्पुओं के तीव्र वेग से आहत होकर शीघ्र जल को पार करने लगी।

श्लोक 82 (ayodhya.52.82)

मध्यं तु समनुप्राप्य भागीरथ्यास्त्वनिन्दिता। वैदेही प्राञ्जलिर्भूत्वा तां नदीमिदमब्रवीत्॥ २-५२-८२ ॥

madhyaṃ tu samanuprāpya bhāgīrathyāstvaninditā | vaidehī prāñjalirbhūtvā tāṃ nadīmidamabravīt

भागीरथी की बीच धारा में पहुँचकर निष्पाप वैदेही ने हाथ जोड़कर उस नदी से यह कहा।

श्लोक 83 (ayodhya.52.83)

पुत्रो दशरथस्यायं महाराजस्य धीमतः। निदेशं पालयत्वेनं गले त्वदभिरक्षितः॥ २-५२-८३ ॥

putro daśarathasyāyaṃ mahārājasya dhīmataḥ | nideśaṃ pālayatvenaṃ gale tvadabhirakṣitaḥ

"ये बुद्धिमान महाराज दशरथ के पुत्र हैं; आपसे रक्षित होकर ये उनकी आज्ञा का पालन करें।"

श्लोक 84 (ayodhya.52.84)

चतुर्दश हि वर्षाणि समग्राण्युष्य कानने। भ्रात्रा सह मया चैव पुनः प्रत्यागमिष्यति॥ २-५२-८४ ॥

caturdaśa hi varṣāṇi samagrāṇyuṣya kānane | bhrātrā saha mayā caiva punaḥ pratyāgamiṣyati

"वन में पूरे चौदह वर्ष बिताकर ये अपने भाई और मेरे साथ पुनः लौट आएंगे।"

श्लोक 85 (ayodhya.52.85)

ततस्त्वां देवि सुभगे क्षेमेण पुनरागता। यक्ष्ये प्रमुदिता गङ्गे सर्वकामसमृद्धिनी॥ २-५२-८५ ॥

tatastvāṃ devi subhage kṣemeṇa punarāgatā | yakṣye pramuditā gaṅge sarvakāmasamṛddhinī

"हे सौभाग्यशालिनी देवि गंगे! तब कुशलपूर्वक लौटकर, सब कामनाओं से समृद्ध होकर, मैं प्रसन्न होकर आपकी पूजा करूँगी।"

श्लोक 86 (ayodhya.52.86)

त्वं हि त्रिपथगे देवि ब्रह्मलोकं समक्षसे। भार्या चोदधिराजस्य लोकेऽस्मिन् सम्प्रदृश्यसे॥ २-५२-८६ ॥

tvaṃ hi tripathage devi brahmalokaṃ samakṣase | bhāryā codadhirājasya loke'smin sampradṛśyase

"हे देवि! तुम तीनों मार्गों में बहने वाली हो, ब्रह्मलोक तक व्याप्त हो, और इस लोक में समुद्र-राज की पत्नी के रूप में दिखाई देती हो।"

श्लोक 87 (ayodhya.52.87)

सा त्वां देवि नमस्यामि प्रशंसामि च शोभने। प्राप्तराज्ये नरव्याघ्र शिवेन पुनरागते॥ २-५२-८७ ॥

sā tvāṃ devi namasyāmi praśaṃsāmi ca śobhane | prāptarājye naravyāghra śivena punarāgate

"हे शोभाशालिनी देवि! पुरुषसिंह राम के मंगलपूर्वक राज्य पाकर पुनः लौटने पर, मैं तुम्हें नमस्कार करूँगी और तुम्हारी स्तुति करूँगी।"

श्लोक 88 (ayodhya.52.88)

गवां शतसहस्रं च वस्त्राण्यन्नं च पेशलम्। ब्राह्मणेभ्यः प्रदास्यामि तव प्रियचिकीर्षया॥ २-५२-८८ ॥

gavāṃ śatasahasraṃ ca vastrāṇyannaṃ ca peśalam | brāhmaṇebhyaḥ pradāsyāmi tava priyacikīrṣayā

"तुम्हारा प्रिय करने की इच्छा से मैं ब्राह्मणों को एक लाख गौएँ, वस्त्र और उत्तम अन्न प्रदान करूँगी।"

श्लोक 89 (ayodhya.52.89)

सुराघटसहस्रेण मांसभूतौदनेन च। यक्ष्ये त्वां प्रीयतां देवि पुरीं पुनरुपागता॥ २-५२-८९ ॥

surāghaṭasahasreṇa māṃsabhūtaudanena ca | yakṣye tvāṃ prīyatāṃ devi purīṃ punarupāgatā

"नगरी में पुनः लौटकर, हजारों घड़े उत्तम पेय और मांस-भात से मैं तुम्हारी पूजा करूँगी; हे देवि! प्रसन्न हो जाओ।"

श्लोक 90 (ayodhya.52.90)

यानि त्वत्तीरवासीनि दैवतानि च सन्ति हि। तानि सर्वाणि यक्ष्यामि तीर्थान्यायतनानि च॥ २-५२-९० ॥

yāni tvattīravāsīni daivatāni ca santi hi | tāni sarvāṇi yakṣyāmi tīrthānyāyatanāni ca

"जो भी देवता, तीर्थ और मन्दिर तुम्हारे तट पर हैं, उन सबकी मैं पूजा करूँगी।"

श्लोक 91 (ayodhya.52.91)

पुनरेव महाबाहुर्मया भ्रात्रा च संगतः। अयोध्यां वनवासात् तु प्रविशत्वनघोऽनघे॥ २-५२-९१ ॥

punareva mahābāhurmayā bhrātrā ca saṃgataḥ | ayodhyāṃ vanavāsāt tu praviśatvanagho'naghe

"हे निष्पाप देवि! ये महाबाहु मेरे तथा अपने भाई के साथ वनवास से लौटकर पुनः अयोध्या में प्रवेश करें।"

श्लोक 92 (ayodhya.52.92)

तथा सम्भाषमाणा सा सीता गङ्गामनिन्दिता। दक्षिणा दक्षिणं तीरं क्षिप्रमेवाभ्युपागमत्॥ २-५२-९२ ॥

tathā sambhāṣamāṇā sā sītā gaṅgāmaninditā | dakṣiṇā dakṣiṇaṃ tīraṃ kṣipramevābhyupāgamat

इस प्रकार गंगा से प्रार्थना करती हुई निष्पाप सीता शीघ्र ही दक्षिण तट पर जा पहुँचीं।

श्लोक 93 (ayodhya.52.93)

तीरं तु समनुप्राप्य नावं हित्वा नरर्षभः। प्रातिष्ठत सह भ्रात्रा वैदेह्या च परंतपः॥ २-५२-९३ ॥

tīraṃ tu samanuprāpya nāvaṃ hitvā nararṣabhaḥ | prātiṣṭhata saha bhrātrā vaidehyā ca paraṃtapaḥ

तट पर पहुँचकर, नाव छोड़कर, शत्रुओं को संताप देने वाले नरश्रेष्ठ राम भाई और वैदेही के साथ आगे बढ़े।

श्लोक 94 (ayodhya.52.94)

अथाब्रवीन्महाबाहुः सुमित्रानन्दवर्धनम्। भव संरक्षणार्थाय सजने विजनेऽपि वा॥ २-५२-९४ ॥

athābravīnmahābāhuḥ sumitrānandavardhanam | bhava saṃrakṣaṇārthāya sajane vijane'pi vā

तब महाबाहु राम ने सुमित्रा के आनन्दवर्धक पुत्र लक्ष्मण से कहा, "सजन हो या निर्जन, तुम रक्षा के लिए सावधान रहो।"

श्लोक 95 (ayodhya.52.95)

अवश्यं रक्षणं कार्यं मद्विधैर्विजने वने। अग्रतो गच्छ सौमित्रे सीता त्वामनुगच्छतु॥ २-५२-९५ ॥

avaśyaṃ rakṣaṇaṃ kāryaṃ madvidhairvijane vane | agrato gaccha saumitre sītā tvāmanugacchatu

"निर्जन वन में हम-जैसों को अवश्य ही रक्षा करनी चाहिए; हे सौमित्रे! तुम आगे चलो, सीता तुम्हारे पीछे चलें।"

श्लोक 96 (ayodhya.52.96)

पृष्ठतोऽनुगमिष्यामि सीतां त्वां चानुपालयन्। अन्योन्यस्य हि नो रक्षा कर्तव्या पुरुषर्षभ॥ २-५२-९६ ॥

pṛṣṭhato'nugamiṣyāmi sītāṃ tvāṃ cānupālayan | anyonyasya hi no rakṣā kartavyā puruṣarṣabha

"मैं पीछे से सीता की रक्षा करता हुआ चलूँगा; हे पुरुषश्रेष्ठ! हमें एक-दूसरे की रक्षा करनी चाहिए।"

श्लोक 97 (ayodhya.52.97)

न हि तावदतिक्रान्तासुकरा काचन क्रिया। अद्य दुःखं तु वैदेही वनवासस्य वेत्स्यति॥ २-५२-९७ ॥

na hi tāvadatikrāntāsukarā kācana kriyā | adya duḥkhaṃ tu vaidehī vanavāsasya vetsyati

"अभी तक कोई भी कठिन कार्य समाप्त नहीं हुआ है; आज ही वैदेही वनवास के वास्तविक दुःख को जानेंगी।"

श्लोक 98 (ayodhya.52.98)

प्रणष्टजनसम्बाधं क्षेत्रारामविवर्जितम्। विषमं च प्रपातं च वनमद्य प्रवेक्ष्यति॥ २-५२-९८ ॥

praṇaṣṭajanasambādhaṃ kṣetrārāmavivarjitam | viṣamaṃ ca prapātaṃ ca vanamadya pravekṣyati

"वे आज ऐसे वन में प्रवेश करेंगी, जहाँ मनुष्यों का चिह्न मिट चुका है, न खेत हैं न उद्यान, जहाँ ऊँची-नीची व खड्डों वाली भूमि है।"

श्लोक 99 (ayodhya.52.99)

श्रुत्वा रामस्य वचनं प्रतस्थे लक्ष्मणोऽग्रतः। अनन्तरं च सीताया राघवो रघुनन्दनः॥ २-५२-९९ ॥

śrutvā rāmasya vacanaṃ pratasthe lakṣmaṇo'grataḥ | anantaraṃ ca sītāyā rāghavo raghunandanaḥ

राम का यह वचन सुनकर लक्ष्मण आगे चले, उनके पीछे सीता, और सीता के पीछे रघुकुल-नन्दन राघव।

श्लोक 100 (ayodhya.52.100)

गतं तु गङ्गापरपारमाशु रामं सुमन्त्रः सततं निरीक्ष्य। अध्वप्रकर्षाद् विनिवृत्तदृष्टिमुमोच बाष्पं व्यथितस्तपस्वी॥ २-५२-१०० ॥

gataṃ tu gaṅgāparapāramāśu rāmaṃ sumantraḥ satataṃ nirīkṣya | adhvaprakarṣād vinivṛttadṛṣṭimumoca bāṣpaṃ vyathitastapasvī

गंगा के उस पार जाते हुए राम को निरन्तर निहारते हुए सुमन्त्र, जब मार्ग की दूरी के कारण दृष्टि लौट आई, तब तपस्वी व्यथित होकर आँसू बहाने लगे।

श्लोक 101 (ayodhya.52.101)

स लोकपालप्रतिमप्रभावस्तीर्त्वा महात्मा वरदो महानदीम्। ततः समृद्धान् शुभसस्यमालिनः क्रमेण वत्सान् मुदितानुपागमत्॥ २-५२-१०१ ॥

sa lokapālapratimaprabhāvastīrtvā mahātmā varado mahānadīm | tataḥ samṛddhān śubhasasyamālinaḥ krameṇa vatsān muditānupāgamat

लोकपालों के समान प्रभावशाली, वरदायक महात्मा राम उस महानदी को पार कर, क्रमशः शुभ फसलों से सुशोभित समृद्ध वत्स देश में पहुँचे।

श्लोक 102 (ayodhya.52.102)

तौ तत्र हत्वा चतुरो महामृगान् वराहमृश्यं पृषतं महारुरुम्। आदाय मेध्यं त्वरितं बुभुक्षितौ वासाय काले ययतुर्वनस्पतिम्॥ २-५२-१०२ ॥

tau tatra hatvā caturo mahāmṛgān varāhamṛśyaṃ pṛṣataṃ mahārurum | ādāya medhyaṃ tvaritaṃ bubhukṣitau vāsāya kāle yayaturvanaspatim

वहाँ उन दोनों ने वराह, ऋष्य, पृषत और महारुरु - इन चार महामृगों का वध किया, और भूख लगने पर पवित्र मांस लेकर, ठहरने के समय एक वृक्ष के नीचे गए।