राम का पितृ-शोक

श्लोक 1 (ayodhya.53.1)

स तं वृक्षं समासाद्य संध्यामन्वास्य पश्चिमाम्। रामो रमयतां श्रेष्ठ इति होवाच लक्ष्मणम्॥ २-५३-१ ॥

sa taṃ vṛkṣaṃ samāsādya saṃdhyāmanvāsya paścimām | rāmo ramayatāṃ śreṣṭha iti hovāca lakṣmaṇam

उस वृक्ष के पास पहुँचकर, पश्चिम दिशा में संध्योपासना करके, आनन्द देने वालों में श्रेष्ठ राम ने लक्ष्मण से यह कहा।

श्लोक 2 (ayodhya.53.2)

अद्येयं प्रथमा रात्रिर्याता जनपदाद् बहिः। या सुमन्त्रेण रहिता तां नोत्कण्ठितुमर्हसि॥ २-५३-२ ॥

adyeyaṃ prathamā rātriryātā janapadād bahiḥ | yā sumantreṇa rahitā tāṃ notkaṇṭhitumarhasi

"आज हमें अपने जनपद से बाहर यह पहली रात मिली है, जिसमें सुमन्त्र हमारे साथ नहीं हैं; इसके लिए तुम्हें उत्कंठित नहीं होना चाहिए।"

श्लोक 3 (ayodhya.53.3)

जागर्तव्यमतन्द्रिभ्यामद्यप्रभृति रात्रिषु। योगक्षेमौ हि सीताया वर्तेते लक्ष्मणावयोः॥ २-५३-३ ॥

jāgartavyamatandribhyāmadyaprabhṛti rātriṣu | yogakṣemau hi sītāyā vartete lakṣmaṇāvayoḥ

"आज से हम दोनों को रातों में बिना आलस्य के जागना होगा, क्योंकि सीता का योग-क्षेम हम दोनों भाइयों पर ही निर्भर है।"

श्लोक 4 (ayodhya.53.4)

रात्रिं कथंचिदेवेमां सौमित्रे वर्तयामहे। अपवर्तामहे भूमावास्तीर्य स्वयमर्जितैः॥ २-५३-४ ॥

rātriṃ kathaṃcidevemāṃ saumitre vartayāmahe | apavartāmahe bhūmāvāstīrya svayamarjitaiḥ

"हे सौमित्रे! यह रात हम किसी तरह बिता लेंगे; स्वयं इकट्ठा किए हुए पत्तों को भूमि पर बिछाकर उस पर लेट जाएँ।"

श्लोक 5 (ayodhya.53.5)

स तु संविश्य मेदिन्यां महार्हशयनोचितः। इमाः सौमित्रये रामो व्याजहार कथाः शुभाः॥ २-५३-५ ॥

sa tu saṃviśya medinyāṃ mahārhaśayanocitaḥ | imāḥ saumitraye rāmo vyājahāra kathāḥ śubhāḥ

बहुमूल्य शय्या के योग्य होते हुए भी भूमि पर लेटकर राम ने लक्ष्मण से ये शुभ बातें कहीं।

श्लोक 6 (ayodhya.53.6)

ध्रुवमद्य महाराजो दुःखं स्वपिति लक्ष्मण। कृतकामा तु कैकेयी तुष्टा भवितुमर्हति॥ २-५३-६ ॥

dhruvamadya mahārājo duḥkhaṃ svapiti lakṣmaṇa | kṛtakāmā tu kaikeyī tuṣṭā bhavitumarhati

"हे लक्ष्मण! आज निश्चय ही महाराज दुःख से सो रहे होंगे, जबकि कैकेयी अपनी कामना पूरी होने से संतुष्ट होगी।"

श्लोक 7 (ayodhya.53.7)

सा हि देवी महाराजं कैकेयी राज्यकारणात्। अपि न च्यावयेत् प्राणान् दृष्ट्वा भरतमागतम्॥ २-५३-७ ॥

sā hi devī mahārājaṃ kaikeyī rājyakāraṇāt | api na cyāvayet prāṇān dṛṣṭvā bharatamāgatam

"राज्य के लिए वह रानी कैकेयी भरत को आया देखकर कहीं महाराज के प्राण भी न ले ले।"

श्लोक 8 (ayodhya.53.8)

अनाथश्च हि वृद्धश्च मया चैव विनाकृतः। किं करिष्यति कामात्मा कैकेय्या वशमागतः॥ २-५३-८ ॥

anāthaśca hi vṛddhaśca mayā caiva vinākṛtaḥ | kiṃ kariṣyati kāmātmā kaikeyyā vaśamāgataḥ

"अनाथ और वृद्ध, और अब मुझसे रहित, कामनाओं के वशीभूत तथा कैकेयी के अधीन हुए वे क्या कर पाएँगे?"

श्लोक 9 (ayodhya.53.9)

इदं व्यसनमालोक्य राज्ञश्च मतिविभ्रमम्। काम एवार्थधर्माभ्यां गरीयानिति मे मतिः॥ २-५३-९ ॥

idaṃ vyasanamālokya rājñaśca mativibhramam | kāma evārthadharmābhyāṃ garīyāniti me matiḥ

"इस विपत्ति और राजा की मतिभ्रान्ति को देखकर मुझे लगता है कि काम ही अर्थ और धर्म दोनों से बड़ा है।"

श्लोक 10 (ayodhya.53.10)

को ह्यविद्वानपि पुमान् प्रमदायाः कृते त्यजेत्। छन्दानुवर्तिनं पुत्रं तातो मामिव लक्ष्मण॥ २-५३-१० ॥

ko hyavidvānapi pumān pramadāyāḥ kṛte tyajet | chandānuvartinaṃ putraṃ tāto māmiva lakṣmaṇa

"हे लक्ष्मण! जैसे पिता ने अपने आज्ञाकारी पुत्र मुझको त्याग दिया, वैसा कौन-सा मूर्ख भी पुरुष किसी स्त्री के लिए करेगा?"

श्लोक 11 (ayodhya.53.11)

सुखी बत सुभार्यश्च भरतः केकयीसुतः। मुदितान् कोसलानेको यो भोक्ष्यत्यधिराजवत्॥ २-५३-११ ॥

sukhī bata subhāryaśca bharataḥ kekayīsutaḥ | muditān kosalāneko yo bhokṣyatyadhirājavat

"सुखी और सुपत्नीक है कैकेयी-पुत्र भरत, जो अकेला ही समृद्ध कोसल देश का सम्राट के समान भोग करेगा।"

श्लोक 12 (ayodhya.53.12)

स हि राज्यस्य सर्वस्य सुखमेकं भविष्यति। ताते तु वयसातीते मयि चारण्यमाश्रिते॥ २-५३-१२ ॥

sa hi rājyasya sarvasya sukhamekaṃ bhaviṣyati | tāte tu vayasātīte mayi cāraṇyamāśrite

"पिता वृद्ध हो चुके हैं और मैं वन का आश्रय ले चुका हूँ; ऐसे में वे ही अकेले समस्त राज्य के सुख का उपभोग करेंगे।"

श्लोक 13 (ayodhya.53.13)

अर्थधर्मौ परित्यज्य यः काममनुवर्तते। एवमापद्यते क्षिप्रं राजा दशरथो यथा॥ २-५३-१३ ॥

arthadharmau parityajya yaḥ kāmamanuvartate | evamāpadyate kṣipraṃ rājā daśaratho yathā

"जो अर्थ और धर्म दोनों को त्यागकर केवल काम का अनुसरण करता है, वह उसी प्रकार शीघ्र विपत्ति में पड़ता है, जैसे राजा दशरथ अब पड़े हैं।"

श्लोक 14 (ayodhya.53.14)

मन्ये दशरथान्ताय मम प्रव्राजनाय च। कैकेयी सौम्य सम्प्राप्ता राज्याय भरतस्य च॥ २-५३-१४ ॥

manye daśarathāntāya mama pravrājanāya ca | kaikeyī saumya samprāptā rājyāya bharatasya ca

"हे सौम्य! मुझे लगता है कि कैकेयी दशरथ के विनाश के लिए, मेरे वनवास के लिए, और भरत के राज्य के लिए ही अवतरित हुई है।"

श्लोक 15 (ayodhya.53.15)

अपीदानीं तु कैकेयी सौभाग्यमदमोहिता। कौसल्यां च सुमित्रां च सा प्रबाधेत मत्कृते॥ २-५३-१५ ॥

apīdānīṃ tu kaikeyī saubhāgyamadamohitā | kausalyāṃ ca sumitrāṃ ca sā prabādheta matkṛte

"इस समय भी सौभाग्य के मद से मोहित कैकेयी मेरे कारण कौसल्या और सुमित्रा को कष्ट पहुँचा सकती है।"

श्लोक 16 (ayodhya.53.16)

मातास्मत्कारणाद् देवी सुमित्रा दुःखमावसेत्। अयोध्यामित एव त्वं काले प्रविश लक्ष्मण॥ २-५३-१६ ॥

mātāsmatkāraṇād devī sumitrā duḥkhamāvaset | ayodhyāmita eva tvaṃ kāle praviśa lakṣmaṇa

"हे लक्ष्मण! हमारे कारण देवी सुमित्रा को दुःख न उठाना पड़े, इसलिए तुम अभी से समय पर अयोध्या लौट जाओ।"

श्लोक 17 (ayodhya.53.17)

अहमेको गमिष्यामि सीतया सह दण्डकान्। अनाथाया हि नाथस्त्वं कौसल्याया भविष्यसि॥ २-५३-१७ ॥

ahameko gamiṣyāmi sītayā saha daṇḍakān | anāthāyā hi nāthastvaṃ kausalyāyā bhaviṣyasi

"मैं अकेला ही सीता के साथ दण्डक वन जाऊँगा; तुम अनाथ हुई कौसल्या के सहारे बनोगे।"

श्लोक 18 (ayodhya.53.18)

क्षुद्रकर्मा हि कैकेयी द्वेषादन्यायमाचरेत्। परिदद्याद्धि धर्मज्ञ गरं ते मम मातरम्॥ २-५३-१८ ॥

kṣudrakarmā hi kaikeyī dveṣādanyāyamācaret | paridadyāddhi dharmajña garaṃ te mama mātaram

"हे धर्मज्ञ! नीच कर्म वाली कैकेयी द्वेषवश अन्याय भी कर सकती है, वह मेरी माता को विष तक दे सकती है।"

श्लोक 19 (ayodhya.53.19)

नूनं जात्यन्तरे तात स्त्रियः पुत्रैर्वियोजिताः। जनन्या मम सौमित्रे तदद्यैतदुपस्थितम्॥ २-५३-१९ ॥

nūnaṃ jātyantare tāta striyaḥ putrairviyojitāḥ | jananyā mama saumitre tadadyaitadupasthitam

"हे तात सौमित्रे! निश्चय ही पूर्वजन्म में मेरी माता ने किन्हीं स्त्रियों को उनके पुत्रों से बिछोड़ा होगा; वही आज उन पर आ पड़ा है।"

श्लोक 20 (ayodhya.53.20)

मया हि चिरपुष्टेन दुःखसंवर्धितेन च। विप्रयुज्यत कौसल्या फलकाले धिगस्तु माम्॥ २-५३-२० ॥

mayā hi cirapuṣṭena duḥkhasaṃvardhitena ca | viprayujyata kausalyā phalakāle dhigastu mām

"जिस माता ने चिरकाल तक मेरा पालन किया, स्वयं दुःख सहकर मुझे बड़ा किया, वही कौसल्या फल मिलने के समय मुझसे बिछड़ गई - धिक्कार है मुझे!"

श्लोक 21 (ayodhya.53.21)

मा स्म सीमन्तिनी काचिज्जनयेत् पुत्रमीदृशम्। सौमित्रे योऽहमम्बाया दद्मि शोकमनन्तकम्॥ २-५३-२१ ॥

mā sma sīmantinī kācijjanayet putramīdṛśam | saumitre yo'hamambāyā dadmi śokamanantakam

"हे सौमित्रे! कोई भी सुहागिन स्त्री मेरे जैसे पुत्र को जन्म न दे, जो अपनी माता को इस प्रकार अनन्त शोक देता है।"

श्लोक 22 (ayodhya.53.22)

मन्ये प्रीतिविशिष्टा सा मत्तो लक्ष्मण सारिका। यत्तस्याः श्रूयते वाक्यं शुकपादमरेर्दश॥ २-५३-२२ ॥

manye prītiviśiṣṭā sā matto lakṣmaṇa sārikā | yattasyāḥ śrūyate vākyaṃ śukapādamarerdaśa

"हे लक्ष्मण! मुझे तो लगता है कि माता की पाली हुई वह सारिका मुझसे भी अधिक उन्हें प्रेम करती है, क्योंकि वह सदा यही बोलती सुनाई देती है - शत्रु के पैर को काट, हे शुक!"

श्लोक 23 (ayodhya.53.23)

शोचन्त्याश्चाल्पभाग्याया न किंचिदुपकुर्वता। पुत्रेण किमपुत्राया मया कार्यमरिंदम॥ २-५३-२३ ॥

śocantyāścālpabhāgyāyā na kiṃcidupakurvatā | putreṇa kimaputrāyā mayā kāryamariṃdama

"हे शत्रुदमन! जो शोकमग्न, मन्दभागिनी और अब निपूती-सी हो गई है, उस मेरी माता को मुझ जैसे निरुपकारी पुत्र से क्या प्रयोजन?"

श्लोक 24 (ayodhya.53.24)

अल्पभाग्या हि मे माता कौसल्या रहिता मया। शेते परमदुःखार्ता पतिता शोकसागरे॥ २-५३-२४ ॥

alpabhāgyā hi me mātā kausalyā rahitā mayā | śete paramaduḥkhārtā patitā śokasāgare

"मुझसे बिछड़कर मन्दभागिनी मेरी माता कौसल्या अत्यन्त दुःख से पीड़ित होकर शोक के सागर में डूबी हुई सोती है।"

श्लोक 25 (ayodhya.53.25)

एको ह्यहमयोध्यां च पृथिवीं चापि लक्ष्मण। तरेयमिषुभिः क्रुद्धो ननु वीर्यमकारणम्॥ २-५३-२५ ॥

eko hyahamayodhyāṃ ca pṛthivīṃ cāpi lakṣmaṇa | tareyamiṣubhiḥ kruddho nanu vīryamakāraṇam

"हे लक्ष्मण! क्रुद्ध होने पर मैं अकेला ही अपने बाणों से अयोध्या और समूची पृथ्वी को भी जीत सकता हूँ, परंतु पराक्रम पारलौकिक हित का कारण नहीं है।"

श्लोक 26 (ayodhya.53.26)

अधर्मभयभीतश्च परलोकस्य चानघ। तेन लक्ष्मण नाद्याहमात्मानमभिषेचये॥ २-५३-२६ ॥

adharmabhayabhītaśca paralokasya cānagha | tena lakṣmaṇa nādyāhamātmānamabhiṣecaye

"हे निष्पाप! अधर्म के भय से और परलोक के भय से ही मैं आज अपना अभिषेक स्वयं नहीं करता।"

श्लोक 27 (ayodhya.53.27)

एतदन्यच्च करुणं विलप्य विजने बहु। अश्रुपूर्णमुखो दीनो निशि तूष्णीमुपाविशत्॥ २-५३-२७ ॥

etadanyacca karuṇaṃ vilapya vijane bahu | aśrupūrṇamukho dīno niśi tūṣṇīmupāviśat

इस प्रकार उस निर्जन स्थान में बहुत करुण विलाप करके, आँसुओं से भरे मुख वाले दीन राम रात में चुपचाप बैठ गए।

श्लोक 28 (ayodhya.53.28)

विलापोपरतं रामं गतार्चिषमिवानलम्। समुद्रमिव निर्वेगमाश्वासयत लक्ष्मणः॥ २-५३-२८ ॥

vilāpoparataṃ rāmaṃ gatārciṣamivānalam | samudramiva nirvegamāśvāsayata lakṣmaṇaḥ

ज्वालारहित अग्नि और वेगहीन समुद्र के समान शान्त हो गए विलाप-रहित राम को लक्ष्मण ने आश्वासन दिया।

श्लोक 29 (ayodhya.53.29)

ध्रुवमद्य पुरी राम अयोध्यायुधिनां वर। निष्प्रभा त्वयि निष्क्रान्ते गतचन्द्रेव शर्वरी॥ २-५३-२९ ॥

dhruvamadya purī rāma ayodhyāyudhināṃ vara | niṣprabhā tvayi niṣkrānte gatacandreva śarvarī

"हे अस्त्रधारियों में श्रेष्ठ राम! आपके निकल जाने से निश्चय ही आज अयोध्यापुरी चन्द्रहीन रात्रि के समान निस्तेज हो गई है।"

श्लोक 30 (ayodhya.53.30)

नैतदौपयिकं राम यदिदं परितप्यसे। विषादयसि सीतां च मां चैव पुरुषर्षभ॥ २-५३-३० ॥

naitadaupayikaṃ rāma yadidaṃ paritapyase | viṣādayasi sītāṃ ca māṃ caiva puruṣarṣabha

"हे पुरुषश्रेष्ठ! आपका इस प्रकार संतप्त होना उचित नहीं है; आप ऐसा करके सीता को और मुझको भी दुःखी कर रहे हैं।"

श्लोक 31 (ayodhya.53.31)

न च सीता त्वया हीना न चाहमपि राघव। मुहूर्तमपि जीवावो जलान्मत्स्याविवोद्धृतौ॥ २-५३-३१ ॥

na ca sītā tvayā hīnā na cāhamapi rāghava | muhūrtamapi jīvāvo jalānmatsyāvivoddhṛtau

"हे राघव! आपके बिना न सीता और न मैं भी, हम दोनों एक क्षण भी जीवित रह सकते, जैसे जल से निकाली गई मछलियाँ नहीं जी पातीं।"

श्लोक 32 (ayodhya.53.32)

नहि तातं न शत्रुघ्नं न सुमित्रां परंतप। द्रष्टमिच्छेयमद्याहं स्वर्गं चापि त्वया विना॥ २-५३-३२ ॥

nahi tātaṃ na śatrughnaṃ na sumitrāṃ paraṃtapa | draṣṭamiccheyamadyāhaṃ svargaṃ cāpi tvayā vinā

"हे परंतप! आपके बिना आज मुझे न पिताजी को, न शत्रुघ्न को, न सुमित्रा को, और न स्वर्ग को भी देखने की इच्छा है।"

श्लोक 33 (ayodhya.53.33)

ततस्तत्र समासीनौ नातिदूरे निरीक्ष्य ताम्। न्यग्रोधे सुकृतां शय्यां भेजाते धर्मवत्सलौ॥ २-५३-३३ ॥

tatastatra samāsīnau nātidūre nirīkṣya tām | nyagrodhe sukṛtāṃ śayyāṃ bhejāte dharmavatsalau

तब वहाँ बैठे हुए, थोड़ी दूर पर देखकर, धर्मवत्सल उन दोनों ने न्यग्रोध वृक्ष के नीचे बनी सुन्दर शय्या का आश्रय लिया।

श्लोक 34 (ayodhya.53.34)

स लक्ष्मणस्योत्तमपुष्कलं वचो निशम्य चैवं वनवासमादरात्। समाः समस्ता विदधे परंतपः प्रपद्य धर्मं सुचिराय राघवः॥ २-५३-३४ ॥

sa lakṣmaṇasyottamapuṣkalaṃ vaco niśamya caivaṃ vanavāsamādarāt | samāḥ samastā vidadhe paraṃtapaḥ prapadya dharmaṃ sucirāya rāghavaḥ

लक्ष्मण के इन उत्तम और वनवास के प्रति आदरपूर्ण वचनों को सुनकर, परंतप राघव ने धर्म को स्वीकार कर सम्पूर्ण वर्षों तक उसका पालन करने का निश्चय किया।

श्लोक 35 (ayodhya.53.35)

ततस्तु तस्मिन् विजने महावने महाबलौ राघववंशवर्धनौ। न तौ भयं सम्भ्रममभ्युपेयतुर्यथैव सिंहौ गिरिसानुगोचरौ॥ २-५३-३५ ॥

tatastu tasmin vijane mahāvane mahābalau rāghavavaṃśavardhanau | na tau bhayaṃ sambhramamabhyupeyaturyathaiva siṃhau girisānugocarau

तदनन्तर उस निर्जन महावन में, रघुवंश को बढ़ाने वाले वे दोनों महाबली भाई भय और उद्वेग को कभी प्राप्त नहीं हुए, जैसे पर्वत-शिखरों पर विचरने वाले दो सिंह।