दशरथ का विलाप

श्लोक 1 (ayodhya.59.1)

मम त्वश्वा निवृत्तस्य न प्रावर्तन्त वर्त्मनि। उष्णमश्रु विमुञ्चन्तो रामे संप्रस्थिते वनम्॥ २-५९-१ ॥

mama tvaśvā nivṛttasya na prāvartanta vartmani| uṣṇam aśru vimuñcanto rāme saṃprasthite vanam

"राम के वन को चले जाने पर, लौटते हुए मेरे घोड़े भी गर्म आँसू बहाते हुए मार्ग पर आगे नहीं बढ़ पा रहे थे।"

श्लोक 2 (ayodhya.59.2)

उभाभ्यां राजपुत्राभ्यामथ कृत्वाहमञ्जलिम्। प्रस्थितो रथमास्थाय तद्दुःखमपि धारयन्॥ २-५९-२ ॥

ubhābhyāṃ rājaputrābhyām atha kṛtvāham añjalim| prasthito ratham āsthāya tad duḥkham api dhārayan

"फिर मैं दोनों राजकुमारों को हाथ जोड़कर, उस दुःख को सहते हुए, रथ पर चढ़कर चल पड़ा।"

श्लोक 3 (ayodhya.59.3)

गुहेन सार्धं तत्रैव स्थितोऽस्मि दिवसान् बहून्। आशया यदि मां रामः पुनः शब्दापयेदिति॥ २-५९-३ ॥

guhena sārdhaṃ tatraiva sthito 'smi divasān bahūn| āśayā yadi māṃ rāmaḥ punaḥ śabdāpayed iti

"मैं वहीं गुह के साथ कई दिनों तक इस आशा में रुका रहा कि शायद राम मुझे फिर से बुला लें।"

श्लोक 4 (ayodhya.59.4)

विषये ते महाराज रामव्यसनकर्शिताः। अपि वृक्षाः परिम्लानाः सपुष्पाङ्कुरकोरकाः॥ २-५९-४ ॥

viṣaye te mahārāja rāmavyasanakarśitāḥ| api vṛkṣāḥ parimlānāḥ sapuṣpāṅkurakorakāḥ

"हे महाराज! आपके राज्य में वृक्ष भी राम के वियोग से क्षीण होकर मुरझा गए हैं - उनमें न फूल हैं, न अंकुर, न कलियाँ।"

श्लोक 5 (ayodhya.59.5)

उपतप्तोदका नद्यः पल्वलानि सरांसि च। परिशुष्कपलाशानि वनान्युपवनानि च॥ २-५९-५ ॥

upataptodakā nadyaḥ palvalāni sarāṃsi ca| pariśuṣkapalāśāni vanāny upavanāni ca

नदियाँ, तालाब और सरोवर सब गरम जल वाले हो गए हैं; वन और उपवन अपने पत्तों के मुरझा जाने से सूखे पड़े हैं।

श्लोक 6 (ayodhya.59.6)

न च सर्पन्ति सत्त्वानि व्याला न प्रसरन्ति च। रामशोकाभिभूतं तन्निष्कूजमभवद्वनम्॥ २-५९-६ ॥

na ca sarpanti sattvāni vyālā na prasaranti ca| rāmaśokābhibhūtaṃ tan niṣkūjam abhavad vanam

जीव-जन्तु चलते-फिरते नहीं दिखते, हिंसक पशु भी विचरण नहीं करते; राम के शोक से अभिभूत वह वन सर्वथा निःशब्द हो गया है।

श्लोक 7 (ayodhya.59.7)

लीनपुष्करपत्राश्च नरेन्द्र कलुषोदकाः। संतप्तपद्माः पद्मिन्यो लीनमीनविहंगमाः॥ २-५९-७ ॥

līnapuṣkarapatrāśca narendra kaluṣodakāḥ| saṃtaptapadmāḥ padminyo līnamīnavihaṃgamāḥ

हे नरेन्द्र! कमल-सरोवरों के पत्ते सिकुड़ गए हैं, जल गँदला हो गया है, कमल कुम्हला गए हैं, और मछलियाँ तथा जलपक्षी कहीं छिप गए हैं।

श्लोक 8 (ayodhya.59.8)

जलजानि च पुष्पाणि माल्यानि स्थलजानि च। नाद्य भान्त्यल्पगन्धीनि फलानि च यथा पुरम्॥ २-५९-८ ॥

jalajāni ca puṣpāṇi mālyāni sthalajāni ca| nādya bhānty alpagandhīni phalāni ca yathā puram

जल में उगे और थल में उगे फूलों की मालाएँ अब पहले जैसी शोभा नहीं देतीं, उनकी सुगन्ध क्षीण हो गई है, और फल भी नगर में पहले जैसे नहीं दिखते।

श्लोक 9 (ayodhya.59.9)

अत्रोद्यानानि शून्यानि प्रलीनविहगानि च। न चाभिरामानारामान् पश्यामि मनुजर्षभ॥ २-५९-९ ॥

atrodyānāni śūnyāni pralīnavihagāni ca| na cābhirāmān ārāmān paśyāmi manujarṣabha

हे नरश्रेष्ठ! यहाँ के उद्यान सूने पड़े हैं, पक्षी कहीं छिप गए हैं, और मुझे अब कोई भी बगीचा पहले जैसा मनोहर नहीं लगता।

श्लोक 10 (ayodhya.59.10)

प्रविशन्तमयोध्यां मां न कश्चिदभिनन्दति। नरा राममपश्यन्तो निःश्वसन्ति मुहुर्मुहुः॥ २-५९-१० ॥

praviśantam ayodhyāṃ māṃ na kaścid abhinandati| narā rāmam apaśyanto niḥśvasanti muhur muhuḥ

अयोध्या में प्रवेश करते हुए मुझे किसी ने भी नहीं सराहा; राम को न देख पाने के कारण लोग बार-बार लम्बी साँसें लेते रहे।

श्लोक 11 (ayodhya.59.11)

देव राजरथं दृष्ट्वा विना राममिहागतम्। दुःखादश्रुमुखः सर्वो राजमार्गगतो जनः॥ २-५९-११ ॥

deva rājarathaṃ dṛṣṭvā vinā rāmam ihāgatam| duḥkhād aśrumukhaḥ sarvo rājamārgagato janaḥ

हे स्वामी! राम के बिना लौटे हुए उस राजरथ को देखकर, राजमार्ग पर चलने वाले सभी लोगों के मुख दुःख से आँसुओं से भर गए।

श्लोक 12 (ayodhya.59.12)

हर्म्यैर्विमानैः प्रासादैरवेक्ष्य रथमागतम्। हाहाकारकृता नार्यो रामादर्शनकर्शिताः॥ २-५९-१२ ॥

harmyair vimānaiḥ prāsādair avekṣya ratham āgatam| hāhākārakṛtā nāryo rāmādarśanakarśitāḥ

भवनों, अट्टालिकाओं और प्रासादों से रथ को आते देख, राम के दर्शन को तरसतीं स्त्रियाँ हाहाकार करने लगीं।

श्लोक 13 (ayodhya.59.13)

आयतैर्विमलैर्नेत्रैरश्रुवेगपरिप्लुतैः। अन्योन्यमभिवीक्षन्ते व्यक्तमार्ततराः स्त्रियः॥ २-५९-१३ ॥

āyatair vimalair netrair aśruvegapariplutaiḥ| anyonyam abhivīkṣante vyaktam ārtatarāḥ striyaḥ

व्याकुल स्त्रियाँ अपने विशाल, निर्मल, आँसुओं से भरे नेत्रों से एक-दूसरे को स्पष्ट रूप से देखने लगीं।

श्लोक 14 (ayodhya.59.14)

नामित्राणां न मित्राणामुदासीनजनस्य च। अहमार्ततया कंचिद्विशेषं नोपलक्षये॥ २-५९-१४ ॥

nāmitrāṇāṃ na mitrāṇām udāsīnajanasya ca| aham ārtatayā kaṃcid viśeṣaṃ nopalakṣaye

चाहे वे शत्रु हों, मित्र हों या उदासीन जन - इनके दुःख में मुझे कोई अन्तर नहीं दिखाई देता।

श्लोक 15 (ayodhya.59.15)

अप्रहृष्टमनुष्या च दीननागतुरंगमा। आर्तस्वरपरिम्लाना विनिःश्वसितनिःस्वना॥ २-५९-१५ ॥

aprahṛṣṭamanuṣyā ca dīnanāgaturaṃgamā| ārtasvaraparimlānā viniḥśvasitaniḥsvanā

प्रजा में कोई प्रसन्नता नहीं, हाथी-घोड़े भी उदास दिखते हैं, चारों ओर पीड़ा भरे स्वर और लम्बी साँसों की ध्वनि गूँज रही है।

श्लोक 16 (ayodhya.59.16)

निरानन्दा महाराज रामप्रव्राजनातुला। कौसल्यापुत्रहीनेवायोध्या प्रतिभाति मा॥ २-५९-१६ ॥

nirānandā mahārāja rāmapravrājanātulā| kausalyāputrahīnevāyodhyā pratibhāti mā

हे महाराज! राम के निर्वासन से आनन्दहीन हुई यह अयोध्या मुझे ऐसी प्रतीत होती है, मानो कौसल्या अपने पुत्र से वंचित हो गई हों।

श्लोक 17 (ayodhya.59.17)

सूतस्य वचनं श्रुत्वा वाचा परमदीनया। बाष्पोपहतया राजा तं सूतमिदमब्रवीत्॥ २-५९-१७ ॥

sūtasya vacanaṃ śrutvā vācā paramadīnayā| bāṣpopahatayā rājā taṃ sūtam idam abravīt

सारथि के इन वचनों को सुनकर, आँसुओं से रुँधे, अत्यन्त दीन स्वर में राजा ने उस सारथि से यह कहा।

श्लोक 18 (ayodhya.59.18)

कैकेय्या विनियुक्तेन पापाभिजनभावया। मया न मन्त्रकुशलैर्वृद्धैः सह समर्थितम्॥ २-५९-१८ ॥

kaikeyyā viniyuktena pāpābhijanabhāvayā| mayā na mantrakuśalair vṛddhaiḥ saha samarthitam

"कैकेयी की उस दुष्ट अभिप्राय वाली आज्ञा से बाध्य होकर मैंने इसे मंत्र-कुशल वृद्धजनों के साथ विचार-विमर्श करके नहीं किया।"

श्लोक 19 (ayodhya.59.19)

न सुहृद्भिर्न चामात्यैर्मन्त्रयित्वा न नैगमैः। मयायमर्थः संमोहात्स्त्रीहेतोः सहसा कृतः॥ २-५९-१९ ॥

na suhṛdbhir na cāmātyair mantrayitvā na naigamaiḥ| mayāyam arthaḥ saṃmohāt strīhetoḥ sahasā kṛtaḥ

"न मित्रों से, न मंत्रियों से, न नगर के प्रतिनिधियों से सलाह लेकर - यह कार्य मैंने मोहवश एक स्त्री के कारण अचानक कर डाला।"

श्लोक 20 (ayodhya.59.20)

भवितव्यतया नूनमिदं वा व्यसनं महत्। कुलस्यास्य विनाशाय प्राप्तं सूत यदृच्छया॥ २-५९-२० ॥

bhavitavyatayā nūnam idaṃ vā vyasanam mahat| kulasyāsya vināśāya prāptaṃ sūta yadṛcchayā

"हे सूत! यह महान संकट निश्चय ही भवितव्यता के कारण आया है, या फिर इस कुल के विनाश के लिए संयोगवश यह आ पड़ा है।"

श्लोक 21 (ayodhya.59.21)

सूत यद्यस्ति ते किंचिन्मयापि सुकृतं कृतम्। त्वं प्रापयाशु मां रामं प्राणाः संत्वरयन्ति माम्॥ २-५९-२१ ॥

sūta yady asti te kiṃcin mayāpi sukṛtaṃ kṛtam| tvaṃ prāpayāśu māṃ rāmaṃ prāṇāḥ saṃtvarayanti mām

"हे सूत! यदि मैंने तुम्हारा कभी कुछ भला किया हो, तो शीघ्र मुझे राम के पास पहुँचा दो - मेरे प्राण मुझे व्याकुल किए दे रहे हैं।"

श्लोक 22 (ayodhya.59.22)

यद्यदा वाप्यहमेवाज्ञा निवर्तयतु राघवम्। न शक्ष्यामि विना राम मुहूर्तमपि जीवितुम्॥ २-५९-२२ ॥

yadyadā vāpy aham evājñā nivartayatu rāghavam| na śakṣyāmi vinā rāma muhūrtam api jīvitum

"यदि मेरी वही अधिकार-शक्ति अब भी बनी हो, तो उसी से राघव को वापस बुला लिया जाए; क्योंकि राम के बिना मैं एक क्षण भी जीवित नहीं रह सकता।"

श्लोक 23 (ayodhya.59.23)

अथवापि महाबाहुर्गतो दूरं भविष्यति। मामेव रथमारोप्य शीघ्रं रामाय दर्शय॥ २-५९-२३ ॥

athavāpi mahābāhur gato dūraṃ bhaviṣyati| mām eva ratham āropya śīghraṃ rāmāya darśaya

"अथवा शायद वह महाबाहु राम बहुत दूर जा चुका हो - तो मुझे ही रथ पर बिठाकर शीघ्र राम के सम्मुख ले चलो।"

श्लोक 24 (ayodhya.59.24)

वृत्तदंष्ट्रो महेष्वासः क्वासौ लक्ष्मणपूर्वजः। यदि जीवामि साध्वेनं पश्येयं सह सीतया॥ २-५९-२४ ॥

vṛttadaṃṣṭro maheṣvāsaḥ kvāsau lakṣmaṇapūrvajaḥ| yadi jīvāmi sādhv enaṃ paśyeyaṃ saha sītayā

"वह गोल दाढ़ों वाला, महाधनुर्धर, लक्ष्मण का ज्येष्ठ भ्राता कहाँ है? यदि मैं जीवित हूँ, तो उसे सीता सहित भली-भाँति देख सकूँ।"

श्लोक 25 (ayodhya.59.25)

लोहिताक्षं महाबाहुमामुक्तमणिकुण्डलम्। रामं यदि न पश्यामि गमिष्यामि यमक्षयम्॥ २-५९-२५ ॥

lohitākṣaṃ mahābāhum āmuktamaṇikuṇḍalam| rāmaṃ yadi na paśyāmi gamiṣyāmi yamakṣayam

"यदि मैं उस लाल नेत्रों वाले, विशाल भुजाओं वाले, मणि-जड़ित कुण्डल धारण करने वाले राम को नहीं देख पाया, तो मैं यमलोक चला जाऊँगा।"

श्लोक 26 (ayodhya.59.26)

अतो नु किं दुःखतरं योऽहमिक्ष्वाकुनन्दनम्। इमामवस्थामापन्नो नेह पश्यामि राघवम्॥ २-५९-२६ ॥

ato nu kiṃ duḥkhataraṃ yo 'ham ikṣvākunandanam| imām avasthām āpanno neha paśyāmi rāghavam

"इससे अधिक दुःख और क्या हो सकता है कि मैं, इस दशा को प्राप्त होकर भी, इक्ष्वाकु-वंश के आनन्दवर्धक राघव को यहाँ नहीं देख पा रहा हूँ?"

श्लोक 27 (ayodhya.59.27)

हा राम रामानुज हा हा वैदेहि तपस्विनि। न मां जानीत दुःखेन म्रियमाणमनाथवत्॥ २-५९-२७ ॥

hā rāma rāmānuja hā hā vaidehi tapasvini| na māṃ jānīta duḥkhena mriyamāṇam anāthavat

"हा राम! हा राम के छोटे भाई! हा तपस्विनी वैदेही! तुम लोग यह नहीं जानते कि मैं दुःख से किसी अनाथ के समान मर रहा हूँ।"

श्लोक 28 (ayodhya.59.28)

स तेन राजा दुःखेन भृशमर्पितचेतनः। अवगाढः सुदुष्पारं शोकसागरमब्रवीत्॥ २-५९-२८ ॥

sa tena rājā duḥkhena bhṛśam arpitacetanaḥ| avagāḍhaḥ suduṣpāraṃ śokasāgaram abravīt

उस दुःख से राजा का मन बुरी तरह टूट गया, और उस दुस्तर शोक-सागर में डूबते हुए वे यह कहने लगे।

श्लोक 29 (ayodhya.59.29)

रामशोकमहाभोगः सीताविरहपारगः। श्वसितोर्मिमहावर्तो बाष्पफेनजलाविलः॥ २-५९-२९ ॥

rāmaśokamahābhogaḥ sītāvirahapāragaḥ| śvasitormimahāvarto bāṣpaphenajalāvilaḥ

"इसका विशाल क्षेत्र राम-वियोग है, जिसका दूसरा तट सीता का वियोग है; इसकी लहरें और भँवरें मेरी लम्बी साँसें हैं; यह आँसुओं के फेन और जल से मैला है।

श्लोक 30 (ayodhya.59.30)

बाहुविक्षेपमीनौघो विक्रन्दितमहास्वनः। प्रकीर्णकेशशैवालः कैकेयीबडवामुखः॥ २-५९-३० ॥

bāhuvikṣepamīnaugho vikranditamahāsvanaḥ| prakīrṇakeśaśaivālaḥ kaikeyībaḍavāmukhaḥ

भुजाओं का फेंकना ही इसमें मछलियों के झुंड हैं; मेरी ऊँची चीत्कारें ही इसकी गर्जना हैं; बिखरे केश ही इसकी काई हैं; कैकेयी ही इसमें की बड़वाग्नि है।

श्लोक 31 (ayodhya.59.31)

ममाश्रुवेगप्रभवः कुब्जावाक्यमहाग्रहः। वरवेलो नृशंसायाः रामप्रव्राजनायतः॥ २-५९-३१ ॥

mamāśruvegaprabhavaḥ kubjāvākyamahāgrahaḥ| varavelo nṛśaṃsāyāḥ rāmapravrājanāyataḥ

मेरे अश्रुओं का वेग ही इसका उद्गम-स्रोत है; कुबरी (मन्थरा) के वचन ही इसके भयंकर मगरमच्छ हैं; उस निर्दयी कैकेयी द्वारा माँगे गए वरदान ही इसके तट हैं; और राम के निर्वासन के कारण ही यह इतना विस्तृत हो गया है।

श्लोक 32 (ayodhya.59.32)

यस्मिन् बत निमग्नोऽहं कौसल्ये राघवं विना। दुस्तरो जीवता देवि मयायं शोकसागरः॥ २-५९-३२ ॥

yasmin bata nimagno 'haṃ kausalye rāghavaṃ vinā| dustaro jīvatā devi mayāyaṃ śokasāgaraḥ

हे देवि कौसल्ये! मैं जिस शोक-रूपी सागर में डूबा हुआ हूँ, राघव के बिना, जीवित रहते हुए, उसे पार करना मेरे लिए असम्भव है।"

श्लोक 33 (ayodhya.59.33)

अशोभनं योऽहमिहाद्य राघवं दिदृक्षमाणो न लभे सलक्ष्मणम्। इतीव राजा विलपन्महायशाः पपात तूर्णं शयने स मूर्च्छितः॥ २-५९-३३ ॥

aśobhanaṃ yo 'ham ihādya rāghavaṃ didṛkṣamāṇo na labhe salakṣmaṇam| itīva rājā vilapan mahāyaśāḥ papāta tūrṇaṃ śayane sa mūrcchitaḥ

"कितना दुर्भाग्य है कि मैं आज यहाँ राघव को, लक्ष्मण सहित, देखना चाहते हुए भी नहीं देख पा रहा हूँ" - ऐसा विलाप करते हुए वह महायशस्वी राजा तुरन्त मूर्च्छित होकर शय्या पर गिर पड़े।

श्लोक 34 (ayodhya.59.34)

इति विलपति पार्थिवे प्रनष्टे करुणतरं द्विगुणं च रामहेतोः। वचनमनुनिशम्य तस्य देवी भयमगमत् पुनरेव राममाता॥ २-५९-३४ ॥

iti vilapati pārthive pranaṣṭe karuṇataraṃ dviguṇaṃ ca rāmahetoḥ| vacanam anuniśamya tasya devī bhayam agamat punareva rāmamātā

राजा के इस प्रकार विलाप करते हुए मूर्च्छित हो जाने पर, राम के कारण उनके और भी दुगने करुण विलाप को सुनकर, राम की माता कौसल्या पुनः भय से व्याकुल हो उठीं।