कौसल्या का विलाप

श्लोक 1 (ayodhya.61.1)

वनं गते धर्मपरे रामे रमयतां वरे। कौसल्या रुदती स्वार्ता भर्तारमिदमब्रवीत् ॥ 61.1 ॥

vanaṃ gate dharmapare rāme ramayatāṃ vare| kausalyā rudatī svārtā bhartāramidamabravīt

जब धर्मपरायण और आनंद देने वालों में श्रेष्ठ राम वन को चले गए, तब स्वयं दुःखी कौसल्या रोते हुए अपने पति दशरथ से यह बोलीं।

श्लोक 2 (ayodhya.61.2)

यद्यपि त्रिषु लोकेषु प्रथितं ते महद्यशः। सानुक्रोशो वदान्यश्च प्रियवादी च राघवः ॥ 61.2 ॥

yadyapi triṣu lokeṣu prathitaṃ te mahadyaśaḥ| sānukrośo vadānyaśca priyavādī ca rāghavaḥ

यद्यपि तीनों लोकों में तुम्हारा यह महान यश फैला हुआ है कि राघव दयालु, उदार और प्रियभाषी हैं,

श्लोक 3 (ayodhya.61.3)

कथं नरवरश्रेष्ठ पुत्रौ तौ सह सीतया। दुःखितौ सुखसंवृद्धौ वने दुःखं सहिष्यतः ॥ 61.3 ॥

kathaṃ naravaraśreṣṭha putrau tau saha sītayā| duḥkhitau sukhasaṃvṛddhau vane duḥkhaṃ sahiṣyataḥ

हे नरश्रेष्ठ! सुख में पले वे दोनों पुत्र सीता के साथ वन में दुःखी होकर कष्ट कैसे सहन करेंगे?

श्लोक 4 (ayodhya.61.4)

सा नूनं तरुणी श्यामा सुकुमारी सुखोचिता। कथमुष्णं च शीतं च मैथिली प्रसहिष्यते ॥ 61.4 ॥

sā nūnaṃ taruṇī śyāmā sukumārī sukhocitā| kathamuṣṇaṃ ca śītaṃ ca maithilī prasahiṣyate

वह युवती, श्यामवर्णा, सुकुमारी और सुख की अभ्यस्त मैथिली गर्मी और सर्दी को कैसे सहन करेंगी?

श्लोक 5 (ayodhya.61.5)

भुक्त्वाशनं विशालाक्षी सूपदंशान्वितं शुभम्। वन्यं नैवारमाहारं कथं सीतोपभोक्ष्यते ॥ 61.5 ॥

bhuktvāśanaṃ viśālākṣī sūpadaṃśānvitaṃ śubham| vanyaṃ naivāramāhāraṃ kathaṃ sītopabhokṣyate

विशाल नेत्रों वाली सीता, जो सदा स्वादिष्ट भोजन और व्यंजनों सहित आहार करती रही हैं, वन में जंगली चावल का आहार कैसे ग्रहण करेंगी?

श्लोक 6 (ayodhya.61.6)

गीतवादित्रनिर्घोषं श्रुत्वा शुभमनिन्दिता। कथं क्रव्यादसिंहानां शब्दं श्रोष्यत्यशोभनम् ॥ 61.6 ॥

gītavāditranirghoṣaṃ śrutvā śubhamaninditā| kathaṃ kravyādasiṃhānāṃ śabdaṃ śroṣyatyaśobhanam

जो सदा संगीत और वाद्यों की मधुर ध्वनि सुनती रही हैं, वह निष्कलंक सीता अब मांसाहारी पशुओं और सिंहों की भयानक गर्जना कैसे सुनेंगी?

श्लोक 7 (ayodhya.61.7)

महेन्द्रध्वजसङ्काशः क्व नु शेते महाभुजः। भुजं परिघसङ्काशमुपधाय महाबलः ॥ 61.7 ॥

mahendradhvajasaṅkāśaḥ kva nu śete mahābhujaḥ| bhujaṃ parighasaṅkāśamupadhāya mahābalaḥ

इन्द्र की ध्वजा के समान तेजस्वी, महाबाहु और महाबली राम अपनी परिघ के समान भुजा का तकिया बनाकर अब कहाँ शयन कर रहे होंगे?

श्लोक 8 (ayodhya.61.8)

पद्मवर्णं सुकेशान्तं पद्मनिःश्वासमुत्तमम्। कदा द्रक्ष्यामि रामस्य वदनं पुष्करेक्षणम् ॥ 61.8 ॥

padmavarṇaṃ sukeśāntaṃ padmaniḥśvāsamuttamam| kadā drakṣyāmi rāmasya vadanaṃ puṣkarekṣaṇam

कमल के समान वर्ण वाले, सुंदर केशों से सुशोभित, कमल जैसी सुगंधित श्वास वाले, कमल-सम नेत्रों वाले राम के उस श्रेष्ठ मुख को मैं कब देखूँगी?

श्लोक 9 (ayodhya.61.9)

वज्रसारमयं नूनं हृदयं मे न संशयः। अपश्यन्त्या न तं यद्वै फलतीदं सहस्रधा ॥ 61.9 ॥

vajrasāramayaṃ nūnaṃ hṛdayaṃ me na saṃśayaḥ| apaśyantyā na taṃ yadvai phalatīdaṃ sahasradhā

निःसंदेह मेरा हृदय वज्र के समान कठोर बना है, तभी तो उन्हें न देखते हुए भी यह सहस्र टुकड़ों में विदीर्ण नहीं होता।

श्लोक 10 (ayodhya.61.10)

यत्त्वया करुणं कर्म व्यपोह्य मम बान्धवाः। निरस्ताः परिधावन्ति सुखार्हाः कृपणा वने ॥ 61.10 ॥

yattvayā karuṇaṃ karma vyapohya mama bāndhavāḥ| nirastāḥ paridhāvanti sukhārhāḥ kṛpaṇā vane

यह तुम्हारा दयापूर्ण कर्म नहीं था कि सुख के योग्य मेरे स्वजन तुम्हारे द्वारा त्यागे जाकर वन में दीन होकर भटक रहे हैं।

श्लोक 11 (ayodhya.61.11)

यदि पञ्चदशे वर्षे राघवः पुनरेष्यति। जह्याद्राज्यं च कोशं च भरतो नोपलक्ष्यते ॥ 61.11 ॥

yadi pañcadaśe varṣe rāghavaḥ punareṣyati| jahyādrājyaṃ ca kośaṃ ca bharato nopalakṣyate

यदि राघव पन्द्रहवें वर्ष में लौट भी आएँ, तो यह आशा नहीं की जा सकती कि भरत राज्य और कोष को त्याग देंगे।

श्लोक 12 (ayodhya.61.12)

भोजयन्ति किल श्राद्धे केचित्स्वानेव बान्धवान्। ततः पश्चात्समीक्षन्ते कृतकार्या द्विजर्षभान् ॥ 61.12 ॥

bhojayanti kila śrāddhe kecitsvāneva bāndhavān| tataḥ paścātsamīkṣante kṛtakāryā dvijarṣabhān

कुछ लोग श्राद्ध में पहले अपने ही बंधुओं को भोजन कराते हैं, और अपना प्रयोजन सिद्ध हो जाने पर ही बाद में श्रेष्ठ ब्राह्मणों की सुध लेते हैं।

श्लोक 13 (ayodhya.61.13)

तत्र ये गुणवन्तश्च विद्वांसश्च द्विजातयः। न पश्चात्तेऽभिमन्यन्ते सुधामपि सुरोपमाः ॥ 61.13 ॥

tatra ye guṇavantaśca vidvāṃsaśca dvijātayaḥ| na paścātte'bhimanyante sudhāmapi suropamāḥ

उनमें से जो गुणवान और विद्वान ब्राह्मण देवताओं के समान हैं, वे बाद में दिए जाने पर अमृत को भी सहर्ष स्वीकार नहीं करते।

श्लोक 14 (ayodhya.61.14)

ब्राह्मणेष्वपि तृप्तेषु पश्चाद्भोक्तुं द्विजर्षभाः। नाभ्युपैतुमलं प्राज्ञाः शृङ्गच्छेदमिवर्षभाः ॥ 61.14 ॥

brāhmaṇeṣvapi tṛpteṣu paścādbhoktuṃ dvijarṣabhāḥ| nābhyupaitumalaṃ prājñāḥ śṛṅgacchedamivarṣabhāḥ

अन्य ब्राह्मणों के तृप्त हो जाने पर भी, बुद्धिमान श्रेष्ठ ब्राह्मण पीछे से भोजन करने को उद्यत नहीं होते, मानो वृषभ अपने सींग कटने से बचते हों।

श्लोक 15 (ayodhya.61.15)

एवं कनीयसा भ्रात्रा भुक्तं राज्यं विशां पते। भ्राता ज्येष्ठा वरिष्ठाश्च किमर्थं नावमंस्यते ॥ 61.15 ॥

evaṃ kanīyasā bhrātrā bhuktaṃ rājyaṃ viśāṃ pate| bhrātā jyeṣṭhā variṣṭhāśca kimarthaṃ nāvamaṃsyate

हे प्रजापते! इस प्रकार जब राज्य छोटे भाई द्वारा भोगा जा चुका हो, तो बड़ा और श्रेष्ठ भाई उसे अस्वीकार क्यों न करे?

श्लोक 16 (ayodhya.61.16)

न परेणाहृतं भक्ष्यं व्याघ्रः खादितुमिच्छति। एवमेव नरव्याघ्रः परलीढं न मंस्यते ॥ 61.16 ॥

na pareṇāhṛtaṃ bhakṣyaṃ vyāghraḥ khāditumicchati| evameva naravyāghraḥ paralīḍhaṃ na maṃsyate

जैसे व्याघ्र दूसरे के द्वारा लाए गए भक्ष्य को खाना नहीं चाहता, वैसे ही नरव्याघ्र राम भी दूसरे के भोगे हुए राज्य को स्वीकार नहीं करेंगे।

श्लोक 17 (ayodhya.61.17)

हविराज्यं पुरोडाशाः कुशा यूपाश्च खादिराः। नैतानि यातयामानि कुर्वन्ति पुनरध्वरे ॥ 61.17 ॥

havirājyaṃ puroḍāśāḥ kuśā yūpāśca khādirāḥ| naitāni yātayāmāni kurvanti punaradhvare

हवि, घृत, पुरोडाश, कुश और खदिर के यूप - इनका जब एक बार उपयोग हो चुकता है, तो इन्हें फिर से यज्ञ में काम में नहीं लाया जाता।

श्लोक 18 (ayodhya.61.18)

तथा ह्यात्तमिदं राज्यं हृतसारां सुरामिव। नाभिमन्तुमलं रामो नष्टसोममिवाध्वरम् ॥ 61.18 ॥

tathā hyāttamidaṃ rājyaṃ hṛtasārāṃ surāmiva| nābhimantumalaṃ rāmo naṣṭasomamivādhvaram

इसी प्रकार यह राज्य, जो दूसरे के हाथ में जा चुका है, मानो सत्त्वहीन हो चुकी सुरा के समान है; राम इसे उसी तरह स्वीकार नहीं करेंगे जैसे सोमरहित यज्ञ को कोई स्वीकार नहीं करता।

श्लोक 19 (ayodhya.61.19)

नैवंविधमसत्कारं राघवो मर्षयिष्यति। बलवानिव शार्दूलो बालधेरभिमर्शनम् ॥ 61.19 ॥

naivaṃvidhamasatkāraṃ rāghavo marṣayiṣyati| balavāniva śārdūlo bāladherabhimarśanam

राघव इस प्रकार के अपमान को कभी सहन नहीं करेंगे, जैसे बलवान व्याघ्र अपनी पूँछ का स्पर्श भी सहन नहीं करता।

श्लोक 20 (ayodhya.61.20)

नैतस्य सहिता लोका भयं कुर्युर्महामृधे। अधर्मं त्विह धर्मात्मा लोकं धर्मेण योजयेत् ॥ 61.20 ॥

naitasya sahitā lokā bhayaṃ kuryurmahāmṛdhe| adharmaṃ tviha dharmātmā lokaṃ dharmeṇa yojayet

समस्त लोक मिलकर भी महासमर में उन्हें भयभीत नहीं कर सकते; तथापि यहाँ धर्मात्मा राम अधर्म का सामना भी धर्म से ही करेंगे।

श्लोक 21 (ayodhya.61.21)

नन्वसौ काञ्चनैर्बाणैर्महावीर्यो महाभुजः। युगान्त इव भूतानि सागरानपि निर्दहेत् ॥ 61.21 ॥

nanvasau kāñcanairbāṇairmahāvīryo mahābhujaḥ| yugānta iva bhūtāni sāgarānapi nirdahet

निश्चय ही महापराक्रमी और महाबाहु राम अपने स्वर्णिम बाणों से युगांत के समान समस्त प्राणियों को और समुद्रों तक को भी भस्म कर सकते हैं।

श्लोक 22 (ayodhya.61.22)

स तादृशः सिंहबलो वृषभाक्षो नरर्षभः। स्वयमेव हतः पित्रा जलजेनात्मजो यथा ॥ 61.22 ॥

sa tādṛśaḥ siṃhabalo vṛṣabhākṣo nararṣabhaḥ| svayameva hataḥ pitrā jalajenātmajo yathā

सिंह के समान बलशाली और वृषभ के समान नेत्रों वाला वह नरश्रेष्ठ राम अपने ही पिता के हाथों उसी प्रकार मारा गया, जैसे कोई मत्स्य अपनी ही संतान को नष्ट कर दे।

श्लोक 23 (ayodhya.61.23)

द्विजातिचरितो धर्मः शास्त्रदृष्टः सनातनः। यदि ते धर्मनिरते त्वया पुत्रे विवासिते ॥ 61.23 ॥

dvijāticarito dharmaḥ śāstradṛṣṭaḥ sanātanaḥ| yadi te dharmanirate tvayā putre vivāsite

क्या यही वह शास्त्रोक्त, सनातन और द्विजों द्वारा आचरित धर्म है, कि तुमने धर्मपरायण पुत्र को वनवास दे दिया?

श्लोक 24 (ayodhya.61.24)

गतिरेवाक्पतिर्नार्या द्वितीया गतिरात्मजः। तृतीया ज्ञातयो राजंश्चतुर्थी नेह विद्यते ॥ 61.24 ॥

gatirevākpatirnāryā dvitīyā gatirātmajaḥ| tṛtīyā jñātayo rājaṃścaturthī neha vidyate

हे राजन्! स्त्री का पहला आश्रय पति ही होता है, दूसरा आश्रय पुत्र और तीसरा आश्रय स्वजन हैं; इसके अतिरिक्त चौथा कोई आश्रय यहाँ नहीं होता।

श्लोक 25 (ayodhya.61.25)

तत्र त्वं चैव मे नास्ति रामश्च वनमाश्रितः। न वनं गन्तुमिच्छामि सर्वथा हि हता त्वया ॥ 61.25 ॥

tatra tvaṃ caiva me nāsti rāmaśca vanamāśritaḥ| na vanaṃ gantumicchāmi sarvathā hi hatā tvayā

इन तीनों में से तुम अब मेरे लिए नहीं रहे, राम वन में जा चुके हैं, और मैं वन जाना भी नहीं चाहती - तुमने मुझे सब प्रकार से नष्ट कर दिया है।

श्लोक 26 (ayodhya.61.26)

हतं त्वया राज्यमिदं सराष्ट्रं हतस्तथात्मा सह मन्त्रिभिश्च। हता सपुत्रास्मि हताश्च पौराः सुतश्च भार्या च तव प्रहृष्टौ ॥ 61.26 ॥

hataṃ tvayā rājyamidaṃ sarāṣṭraṃ hatastathātmā saha mantribhiśca| hatā saputrāsmi hatāśca paurāḥ sutaśca bhāryā ca tava prahṛṣṭau

तुमने इस राष्ट्र सहित राज्य को नष्ट कर दिया; तुम स्वयं भी मंत्रियों सहित नष्ट हो गए; मैं अपने पुत्र सहित नष्ट हुई और नगरवासी भी नष्ट हुए - केवल तुम्हारा पुत्र और तुम्हारी पत्नी ही प्रसन्न हैं।

श्लोक 27 (ayodhya.61.27)

इमां गिरं दारुणशब्दसंश्रितां निशम्य राजापि मुमोह दुःखितः। ततः स शोकं प्रविवेश पार्थिवः स्वदुष्कृतं चापि पुनस्तदास्मरत् ॥ 61.27 ॥

imāṃ giraṃ dāruṇaśabdasaṃśritāṃ niśamya rājāpi mumoha duḥkhitaḥ| tataḥ sa śokaṃ praviveśa pārthivaḥ svaduṣkṛtaṃ cāpi punastadāsmarat

इन कठोर शब्दों से भरी वाणी को सुनकर राजा भी दुःखी होकर मूर्च्छित हो गए; फिर वे शोक में डूब गए और अपने पूर्वकृत दुष्कर्म का पुनः स्मरण करने लगे।