कौसल्या का पश्चाताप

श्लोक 1 (ayodhya.62.1)

एवं तु क्रुद्धया राजा राममात्रा सशोकया। श्रावितः परुषं वाक्यं चिन्तयामास दुःखितः ॥ 62.1 ॥

evaṃ tu kruddhayā rājā rāmamātrā saśokayā| śrāvitaḥ paruṣaṃ vākyaṃ cintayāmāsa duḥkhitaḥ

इस प्रकार क्रोधित और शोकाकुल राम की माता कौसल्या के कठोर वचन सुनकर राजा दशरथ दुःखी होकर चिंतामग्न हो गए।

श्लोक 2 (ayodhya.62.2)

चिन्तयित्वा स च नृपो मुमोह व्याकुलेन्द्रियः। अथ दीर्घेण कालेन संज्ञामाप परन्तपः ॥ 62.2 ॥

cintayitvā sa ca nṛpo mumoha vyākulendriyaḥ| atha dīrgheṇa kālena saṃjñāmāpa parantapaḥ

इस प्रकार चिंतन करते हुए वे व्याकुल-इन्द्रिय राजा मूर्च्छित हो गए, और बहुत देर बाद ही वह शत्रुतापन राजा पुनः चेतना में आए।

श्लोक 3 (ayodhya.62.3)

स संज्ञामुपलभ्यैव दीर्घमुष्णं च निःश्वसन्। कौसल्यां पार्श्वतो दृष्ट्वा ततश्चिन्तामुपागमत् ॥ 62.3 ॥

sa saṃjñāmupalabhyaiva dīrghamuṣṇaṃ ca niḥśvasan| kausalyāṃ pārśvato dṛṣṭvā tataścintāmupāgamat

चेतना पाते ही वे लंबी और गरम साँस लेते हुए, अपने पास बैठी कौसल्या को देखकर पुनः चिंता में डूब गए।

श्लोक 4 (ayodhya.62.4)

तस्य चिन्तयमानस्य प्रत्यभात्कर्म दुष्कृतम्। यदनेन कृतं पूर्वमज्ञानाच्छब्दवेधिना ॥ 62.4 ॥

tasya cintayamānasya pratyabhātkarma duṣkṛtam| yadanena kṛtaṃ pūrvamajñānācchabdavedhinā

इस प्रकार चिंतन करते हुए उनके सामने वह दुष्कर्म पुनः साकार हो उठा, जो उन्होंने पूर्वकाल में अज्ञानवश शब्दभेदी बाण चलाकर किया था।

श्लोक 5 (ayodhya.62.5)

अमनास्तेन शोकेन रामशोकेन च प्रभुः। द्वाभ्यामपि महाराजः शोकाभ्यामन्वतप्यत ॥ 62.5 ॥

amanāstena śokena rāmaśokena ca prabhuḥ| dvābhyāmapi mahārājaḥ śokābhyāmanvatapyata

उस पुराने शोक से और राम के वियोग के शोक से - इन दोनों शोकों से वह महाप्रभावशाली सम्राट एक साथ संतप्त हो उठे।

श्लोक 6 (ayodhya.62.6)

दह्यमानस्तु शोकाभ्यां कौसल्यामाह भूपतिः। वेपमानोऽञ्जलिं कृत्वा प्रसादार्थमवाङ्मुखः ॥ 62.6 ॥

dahyamānastu śokābhyāṃ kausalyāmāha bhūpatiḥ| vepamāno'ñjaliṃ kṛtvā prasādārthamavāṅmukhaḥ

उन दोनों शोकों से जलते हुए राजा काँपते हुए, मुख नीचा किए हाथ जोड़कर, क्षमा माँगने के लिए कौसल्या से बोले।

श्लोक 7 (ayodhya.62.7)

प्रसादये त्वां कौसल्ये रचितोऽयं मयाञ्जलिः। वत्सला चानृशंसा च त्वं हि नित्यं परेष्वपि ॥ 62.7 ॥

prasādaye tvāṃ kausalye racito'yaṃ mayāñjaliḥ| vatsalā cānṛśaṃsā ca tvaṃ hi nityaṃ pareṣvapi

"हे कौसल्या! मैं तुमसे क्षमा माँगता हूँ, यह अंजलि मैंने इसीलिए जोड़ी है; तुम तो सदा दूसरों के प्रति भी वत्सल और निष्ठुरता-रहित रही हो।"

श्लोक 8 (ayodhya.62.8)

भर्ता तु खलु नारीणां गुणवान्निर्गुणोऽपि वा। धर्मं विमृशमानानां प्रत्यक्षं देवि दैवतम् ॥ 62.8 ॥

bhartā tu khalu nārīṇāṃ guṇavānnirguṇo'pi vā| dharmaṃ vimṛśamānānāṃ pratyakṣaṃ devi daivatam

"हे देवी! जो स्त्रियाँ धर्म का विचार करती हैं, उनके लिए पति - चाहे गुणवान हो या निर्गुण - साक्षात् देवता के समान होता है।"

श्लोक 9 (ayodhya.62.9)

सा त्वं धर्मपरा नित्यं दृष्टलोकपरावर। नार्हसे विप्रियं वक्तुं दुःखितापि सुदुःखितम् ॥ 62.9 ॥

sā tvaṃ dharmaparā nityaṃ dṛṣṭalokaparāvara| nārhase vipriyaṃ vaktuṃ duḥkhitāpi suduḥkhitam

"तुम, जो सदा धर्मपरायणा हो और संसार के शुभ-अशुभ को भलीभाँति जानती हो, स्वयं दुःखी होते हुए भी मुझ अत्यंत दुःखी को ऐसे अप्रिय वचन कहने योग्य नहीं हो।"

श्लोक 10 (ayodhya.62.10)

तद्वाक्यं करुणं राज्ञः श्रुत्वा दीनस्य भाषितम्। कौसल्या व्यसृजद्बाष्पं प्रणालीव नवोदकम् ॥ 62.10 ॥

tadvākyaṃ karuṇaṃ rājñaḥ śrutvā dīnasya bhāṣitam| kausalyā vyasṛjadbāṣpaṃ praṇālīva navodakam

उस दीन राजा के करुण वचन सुनकर कौसल्या की आँखों से आँसू उसी प्रकार बह चले जैसे नाली से नया वर्षा-जल बहता है।

श्लोक 11 (ayodhya.62.11)

स मूर्ध्नि बद्ध्वा रुदती राज्ञः पद्ममिवाञ्जलिम्। सम्भ्रमादब्रवीत्त्रस्ता त्वरमाणाक्षरं वचः ॥ 62.11 ॥

sa mūrdhni baddhvā rudatī rājñaḥ padmamivāñjalim| sambhramādabravīttrastā tvaramāṇākṣaraṃ vacaḥ

राजा की कमल-सदृश जुड़ी हुई अंजलि को अपने मस्तक से लगाकर, रोती और घबराई हुई वह शीघ्रता से टूटे-फूटे शब्दों में बोल उठीं।

श्लोक 12 (ayodhya.62.12)

प्रसीद शिरसा याचे भूमौ निपतितास्मि ते। याचितास्मि हता देव हन्तव्याहं न हि त्वया ॥ 62.12 ॥

prasīda śirasā yāce bhūmau nipatitāsmi te| yācitāsmi hatā deva hantavyāhaṃ na hi tvayā

"हे देव! मैं सिर झुकाकर आपसे प्रार्थना करती हूँ, आपके सामने भूमि पर गिरी हुई हूँ; मैं तो पहले ही नष्ट हूँ, आपको मुझे और नष्ट करने की आवश्यकता नहीं।"

श्लोक 13 (ayodhya.62.13)

नैषा हि सा स्त्री भवति श्लाघनीयेन धीमता। उभयोर्लोकयोर्वीर पत्या या सम्प्रसाद्यते ॥ 62.13 ॥

naiṣā hi sā strī bhavati ślāghanīyena dhīmatā| ubhayorlokayorvīra patyā yā samprasādyate

"हे वीर! जो स्त्री अपने बुद्धिमान और प्रशंसनीय पति द्वारा इस प्रकार मनाई जाए, वह दोनों लोकों में प्रशंसा की पात्र नहीं रहती।"

श्लोक 14 (ayodhya.62.14)

जानामि धर्मं धर्मज्ञ त्वां जाने सत्यवादिनम्। पुत्रशोकार्तया तत्तु मया किमपि भाषितम् ॥ 62.14 ॥

jānāmi dharmaṃ dharmajña tvāṃ jāne satyavādinam| putraśokārtayā tattu mayā kimapi bhāṣitam

"हे धर्मज्ञ! मैं धर्म को जानती हूँ, और आपको सत्यवादी भी जानती हूँ; पुत्र के शोक से पीड़ित होकर ही मैंने वह कुछ कह दिया था।"

श्लोक 15 (ayodhya.62.15)

शोको नाशयते धैर्यं शोको नाशयते श्रुतम्। शोको नाशयते सर्वं नास्ति शोकसमो रिपुः ॥ 62.15 ॥

śoko nāśayate dhairyaṃ śoko nāśayate śrutam| śoko nāśayate sarvaṃ nāsti śokasamo ripuḥ

"शोक धैर्य को नष्ट कर देता है, शोक ज्ञान को नष्ट कर देता है, शोक सब कुछ नष्ट कर देता है - शोक के समान कोई शत्रु नहीं है।"

श्लोक 16 (ayodhya.62.16)

शक्यमापतितः सोढुं प्रहरो रिपुहस्ततः। सोढुमापतितः शोकः सुसूक्ष्मोऽपि न शक्यते ॥ 62.16 ॥

śakyamāpatitaḥ soḍhuṃ praharo ripuhastataḥ| soḍhumāpatitaḥ śokaḥ susūkṣmo'pi na śakyate

"शत्रु के हाथ से पड़ा हुआ प्रहार भी सहा जा सकता है, किन्तु आ पड़ा हुआ शोक, चाहे वह कितना भी सूक्ष्म हो, सहा नहीं जा सकता।"

श्लोक 17 (ayodhya.62.17)

धर्मज्ञाः श्रुतिमन्तोऽपि छिन्नधर्मार्थसंशयाः। यतयो वीर मुह्यन्ति शोकसम्मूढचेतसः ॥ 62.17 ॥

dharmajñāḥ śrutimanto'pi chinnadharmārthasaṃśayāḥ| yatayo vīra muhyanti śokasammūḍhacetasaḥ

"हे वीर! धर्म को जानने वाले, वेदपारंगत और धर्म-अर्थ संबंधी संशयों को सुलझा चुके तपस्वी भी शोक से मोहित होकर विचलित हो जाते हैं।"

श्लोक 18 (ayodhya.62.18)

वनवासाय रामस्य पञ्चरात्रोऽद्य गण्यते। यः शोकहतहर्षायाः पञ्चवर्षोपमो मम ॥ 62.18 ॥

vanavāsāya rāmasya pañcarātro'dya gaṇyate| yaḥ śokahataharṣāyāḥ pañcavarṣopamo mama

"राम को वनवास गए आज मात्र पाँच रात्रियाँ ही हुई हैं, किन्तु शोक से हर्ष खो चुकी मेरे लिए यह पाँच वर्षों के समान प्रतीत होता है।"

श्लोक 19 (ayodhya.62.19)

तं हि चिन्तयमानायाः शोकोऽयं हृदि वर्धते। अदीनामिव वेगेन समुद्रसलिलं महत् ॥ 62.19 ॥

taṃ hi cintayamānāyāḥ śoko'yaṃ hṛdi vardhate| adīnāmiva vegena samudrasalilaṃ mahat

"उन्हीं का चिंतन करते-करते यह शोक मेरे हृदय में उसी प्रकार बढ़ता जाता है, जैसे नदियों के वेग से विशाल समुद्र का जल बढ़ता जाता है।"

श्लोक 20 (ayodhya.62.20)

एवं हि कथयन्त्यास्तु कौसल्यायाः शुभं वचः। मन्दरश्मिरभूत्सुर्यो रजनी चाभ्यवर्तत ॥ 62.20 ॥

evaṃ hi kathayantyāstu kausalyāyāḥ śubhaṃ vacaḥ| mandaraśmirabhūtsuryo rajanī cābhyavartata

इस प्रकार कौसल्या के ये कल्याणकारी वचन कहते-कहते सूर्य की किरणें मंद पड़ गईं और रात्रि निकट आने लगी।

श्लोक 21 (ayodhya.62.21)

अथ प्रह्लादितो वाक्यैर्देव्या कौसल्यया नृपः। शोकेन च समाक्रान्तो निद्राया वशमेयिवान् ॥ 62.21 ॥

atha prahlādito vākyairdevyā kausalyayā nṛpaḥ| śokena ca samākrānto nidrāyā vaśameyivān

इस प्रकार देवी कौसल्या के वचनों से सांत्वना पाकर, शोक से अभिभूत राजा अंततः निद्रा के वश में हो गए।