दशरथ का देहावसान

श्लोक 1 (ayodhya.64.1)

वधमप्रतिरूपं तु महर्षेस्तस्य राघवः। विलपन्नेव धर्मात्मा कौसल्यां पुनरब्रवीत् ॥ 64.1 ॥

vadhamapratirūpaṃ tu maharṣestasya rāghavaḥ| vilapanneva dharmātmā kausalyāṃ punarabravīt

उस महर्षि की अनुचित हत्या पर विलाप करते हुए धर्मात्मा राघव ने पुनः कौसल्या से यह कहा।

श्लोक 2 (ayodhya.64.2)

तदज्ञानान्महत्पापं कृत्वा सङ्कुलितेन्द्रियः। एकस्त्वचिन्तयं बुद्ध्या कथं नु सुकृतं भवेत् ॥ 64.2 ॥

tadajñānānmahatpāpaṃ kṛtvā saṅkulitendriyaḥ| ekastvacintayaṃ buddhyā kathaṃ nu sukṛtaṃ bhavet

"इस प्रकार अज्ञानवश वह महापाप करके, इन्द्रियाँ व्याकुल हो उठीं, और मैं अकेला ही सोचने लगा कि अब भला कैसे हो सकता है।"

श्लोक 3 (ayodhya.64.3)

ततस्तं घटमादाय पूर्णं परमवारिणा। आश्रमं तमहं प्राप्य यथाख्यातपथं गतः ॥ 64.3 ॥

tatastaṃ ghaṭamādāya pūrṇaṃ paramavāriṇā| āśramaṃ tamahaṃ prāpya yathākhyātapathaṃ gataḥ

"तब उस शुद्ध जल से भरे घड़े को लेकर, उसके बताए हुए मार्ग से चलते हुए मैं उस आश्रम में पहुँचा।"

श्लोक 4 (ayodhya.64.4)

तत्राहं दुर्बलावन्धौ वृद्धावपरिणायकौ। अपश्यं तस्य पितरौ लूनपक्षाविव द्विजौ ॥ 64.4 ॥

tatrāhaṃ durbalāvandhau vṛddhāvapariṇāyakau| apaśyaṃ tasya pitarau lūnapakṣāviva dvijau

"वहाँ मैंने उसके माता-पिता को देखा - दुर्बल, अंधे, वृद्ध और सहारे से रहित, मानो पंख कटे हुए दो पक्षी हों।"

श्लोक 5 (ayodhya.64.5)

तन्निमित्ताभिरासीनौ कथाभिरपरिक्रमौ। तामाशां मत्कृते हीनावुदासीनावनाथवत् ॥ 64.5 ॥

tannimittābhirāsīnau kathābhiraparikramau| tāmāśāṃ matkṛte hīnāvudāsīnāvanāthavat

"वे उसी की बातें करते हुए, गतिहीन होकर बैठे थे, मेरे ही कारण उस आशा से वंचित, अनाथ के समान उदासीन बैठे हुए।"

श्लोक 6 (ayodhya.64.6)

शोकोपहतचित्तश्च भयसंत्रस्तचेतनः। तच्चाश्रमपदं गत्वा भूयः शोकमहं गतः ॥ 64.6 ॥

śokopahatacittaśca bhayasaṃtrastacetanaḥ| taccāśramapadaṃ gatvā bhūyaḥ śokamahaṃ gataḥ

"शोक से आहत चित्त और भय से कंपित हृदय लेकर उस आश्रम-स्थल पर पहुँचकर मैं और भी अधिक शोक में डूब गया।"

श्लोक 7 (ayodhya.64.7)

पदशब्दं तु मे श्रुत्वा मुनिर्वाक्यमभाषत। किं चिरायसि मे पुत्र पानीयं क्षिप्रमानय ॥ 64.7 ॥

padaśabdaṃ tu me śrutvā munirvākyamabhāṣata| kiṃ cirāyasi me putra pānīyaṃ kṣipramānaya

"मेरे पैरों की आहट सुनकर मुनि बोले: 'हे पुत्र! इतनी देर क्यों कर रहे हो? शीघ्र जल ले आओ।'"

श्लोक 8 (ayodhya.64.8)

यन्निमित्तमिदं तात सलिले क्रीडितं त्वया। उत्कण्ठिता ते मातेयं प्रविश क्षिप्रमाश्रमम् ॥ 64.8 ॥

yannimittamidaṃ tāta salile krīḍitaṃ tvayā| utkaṇṭhitā te māteyaṃ praviśa kṣipramāśramam

"'हे तात! जिस कारण से भी तुमने जल में इतनी देर खेला हो, तुम्हारी यह माता व्याकुल है - शीघ्र आश्रम में आओ।'"

श्लोक 9 (ayodhya.64.9)

यद्व्यलीकं कृतं पुत्र मात्रा ते यदि वा मया। न तन्मनसि कर्तव्यं त्वया तात तपस्विना ॥ 64.9 ॥

yadvyalīkaṃ kṛtaṃ putra mātrā te yadi vā mayā| na tanmanasi kartavyaṃ tvayā tāta tapasvinā

"'हे पुत्र! तुम्हारी माता या मैंने जो भी अप्रिय किया हो, उसे तुम, एक तपस्वी होकर, मन में मत रखना।'"

श्लोक 10 (ayodhya.64.10)

त्वं गतिस्त्वगतीनां च चक्षुस्त्वं हीनचक्षुषाम्। समासक्तास्त्वयि प्राणाः किं चिन्नौ नाभिभाषसे ॥ 64.10 ॥

tvaṃ gatistvagatīnāṃ ca cakṣustvaṃ hīnacakṣuṣām| samāsaktāstvayi prāṇāḥ kiṃ cinnau nābhibhāṣase

"'तुम ही असहायों का सहारा हो, अंधों के नेत्र हो; हमारे प्राण तुम्हीं में बसे हैं - तुम कुछ भी उत्तर क्यों नहीं दे रहे?'"

श्लोक 11 (ayodhya.64.11)

मुनिमव्यक्तया वाचा तमहं सज्जमानया। हीनव्यञ्जनया प्रेक्ष्य भीतो भीत इवाब्रुवम् ॥ 64.11 ॥

munimavyaktayā vācā tamahaṃ sajjamānayā| hīnavyañjanayā prekṣya bhīto bhīta ivābruvam

उस मुनि की ओर देखकर मैं भयभीत होकर, रुँधे और अस्पष्ट स्वर में, मानो सचमुच डरा हुआ हूँ, इस प्रकार बोला।

श्लोक 12 (ayodhya.64.12)

मनसः कर्म चेष्टाभिरभिसंस्तभ्य वाग्बलम्। आचचक्षे त्वहं तस्मै पुत्रव्यसनजं भयम् ॥ 64.12 ॥

manasaḥ karma ceṣṭābhirabhisaṃstabhya vāgbalam| ācacakṣe tvahaṃ tasmai putravyasanajaṃ bhayam

मन के प्रयत्न से वाणी के बल को संभालते हुए मैंने उन्हें अपने पुत्र पर आई हुई विपत्ति के बारे में बताया।

श्लोक 13 (ayodhya.64.13)

क्षत्रियोऽहं दशरथो नाहं पुत्रो महात्मनः। सज्जनावमतं दुःखमिदं प्राप्तं स्वकर्मजम् ॥ 64.13 ॥

kṣatriyo'haṃ daśaratho nāhaṃ putro mahātmanaḥ| sajjanāvamataṃ duḥkhamidaṃ prāptaṃ svakarmajam

"'मैं क्षत्रिय दशरथ हूँ, उस महात्मा का पुत्र नहीं; सज्जनों द्वारा निंदित यह दुःख मुझे अपने ही कर्म के फलस्वरूप प्राप्त हुआ है।'"

श्लोक 14 (ayodhya.64.14)

भगवंश्चापहस्तोऽहं सरयूतीरमागतः। जिघांसुः श्वापदं किं चिन्निपाने वागतं गजम् ॥ 64.14 ॥

bhagavaṃścāpahasto'haṃ sarayūtīramāgataḥ| jighāṃsuḥ śvāpadaṃ kiṃ cinnipāne vāgataṃ gajam

"'हे भगवन्! धनुष हाथ में लिए मैं सरयू के तट पर गया था, जल पीने आए किसी वन्य पशु या हाथी को मारने की इच्छा से।'"

श्लोक 15 (ayodhya.64.15)

तत्र श्रुतो मया शब्दो जले कुम्भस्य पूर्यतः। द्विपोऽयमिति मत्वा हि बाणेनाभिहतो मया ॥ 64.15 ॥

tatra śruto mayā śabdo jale kumbhasya pūryataḥ| dvipo'yamiti matvā hi bāṇenābhihato mayā

"'वहाँ मुझे जल से घड़ा भरने की ध्वनि सुनाई दी; उसे हाथी समझकर मैंने बाण से उस पर प्रहार किया।'"

श्लोक 16 (ayodhya.64.16)

गत्वा नद्यास्ततस्तीरमपश्यमिषुणा हृदि। विनिर्भिन्नं गतप्राणं शयानं भुवि तापसम् ॥ 64.16 ॥

gatvā nadyāstatastīramapaśyamiṣuṇā hṛdi| vinirbhinnaṃ gataprāṇaṃ śayānaṃ bhuvi tāpasam

"'फिर नदी के तट पर जाकर मैंने उस तपस्वी को देखा, जिसका हृदय बाण से बिंधा हुआ था, प्राणरहित होकर भूमि पर पड़ा था।'"

श्लोक 17 (ayodhya.64.17)

भगवञ्शब्दमालक्ष्य मया गजजिघांसुना। विसृष्टोऽम्भसि नाराचस्तेन ते निहतः सुतः ॥ 64.17 ॥

bhagavañśabdamālakṣya mayā gajajighāṃsunā| visṛṣṭo'mbhasi nārācastena te nihataḥ sutaḥ

"'हे भगवन्! हाथी को मारने की इच्छा से मैंने उस ध्वनि पर निशाना साधकर जल में बाण छोड़ा - उसी से आपका पुत्र मारा गया।'"

श्लोक 18 (ayodhya.64.18)

ततस्तस्यैव वचनादुपेत्य परितप्यतः। स मया सहसा बाण उद्धृतो मर्मतस्तदा ॥ 64.18 ॥

tatastasyaiva vacanādupetya paritapyataḥ| sa mayā sahasā bāṇa uddhṛto marmatastadā

"तब उसी के कहने पर, उसके पास जाकर, पीड़ा में तड़पते हुए उस बाण को मैंने तुरंत उसके मर्मस्थल से खींच निकाला।"

श्लोक 19 (ayodhya.64.19)

स चोद्धृतेन बाणेन तत्रैव स्वर्गमास्थितः। भगवन्तावुभौ शोचन्नन्धाविति विलप्य च ॥ 64.19 ॥

sa coddhṛtena bāṇena tatraiva svargamāsthitaḥ| bhagavantāvubhau śocannandhāviti vilapya ca

"'बाण निकलते ही वह वहीं स्वर्ग को चला गया, विलाप करते हुए यह कहकर - हा, आप दोनों अंधे माता-पिता का क्या होगा!'"

श्लोक 20 (ayodhya.64.20)

अज्ञानाद्भवतः पुत्रः सहसाभिहतो मया। शेषमेवं गते यत्स्यात्तत्प्रसीदतु मे मुनिः ॥ 64.20 ॥

ajñānādbhavataḥ putraḥ sahasābhihato mayā| śeṣamevaṃ gate yatsyāttatprasīdatu me muniḥ

"'अज्ञानवश मैंने आपके पुत्र को क्षणभर में मार डाला; अब जो शेष कर्तव्य हो, वह बताइए - हे मुनि, मुझे क्षमा करें।'"

श्लोक 21 (ayodhya.64.21)

स तच्छ्रुत्वा वचः क्रूरं निःश्वसन् शोककर्शितः। नाशकत्तीव्रमायासमकर्तुं भगवानृषिः ॥ 64.21 ॥

sa tacchrutvā vacaḥ krūraṃ niḥśvasan śokakarśitaḥ| nāśakattīvramāyāsamakartuṃ bhagavānṛṣiḥ

उस कठोर वचन को सुनकर, दीर्घ श्वास लेते हुए, शोक से क्षीण वह भगवान ऋषि तीव्र वेदना को रोक न सके।

श्लोक 22 (ayodhya.64.22)

सबाष्पपूर्णवदनो निःश्वसन् शोककर्शितः। मामुवाच महातेजाः कृताञ्जलिमुपस्थितम् ॥ 64.22 ॥

sabāṣpapūrṇavadano niḥśvasan śokakarśitaḥ| māmuvāca mahātejāḥ kṛtāñjalimupasthitam

अश्रुपूर्ण मुख और दीर्घ श्वास लेते हुए, शोक से क्षीण वह महातेजस्वी मुनि हाथ जोड़े खड़े मुझसे इस प्रकार बोले।

श्लोक 23 (ayodhya.64.23)

यद्येतदशुभं कर्म न स्म मे कथयेः स्वयम्। फलेन्मूर्धा स्म ते राजन्सद्यः शतसहस्रधा ॥ 64.23 ॥

yadyetadaśubhaṃ karma na sma me kathayeḥ svayam| phalenmūrdhā sma te rājansadyaḥ śatasahasradhā

"'हे राजन्! यदि तुमने स्वयं यह अशुभ कर्म मुझे न बताया होता, तो अभी इसी क्षण तुम्हारा मस्तक सौ-सहस्र टुकड़ों में विदीर्ण हो जाता।'"

श्लोक 24 (ayodhya.64.24)

क्षत्रियेण वधो राजन् वानप्रस्थे विशेषतः। ज्ञानपूर्वं कृतः स्थानाच्च्यावयेदपि वज्रिणम् ॥ 64.24 ॥

kṣatriyeṇa vadho rājan vānaprasthe viśeṣataḥ| jñānapūrvaṃ kṛtaḥ sthānāccyāvayedapi vajriṇam

"'हे राजन्! किसी क्षत्रिय द्वारा वानप्रस्थ मुनि की हत्या, वह भी जानबूझकर की गई, तो वह इंद्र को भी उसके पद से च्युत कर सकती है।'"

श्लोक 25 (ayodhya.64.25)

सप्तधा तु फलेन्मूर्धा मुनौ तपसि तिष्ठति। ज्ञानाद्विसृजतः शस्त्रं तादृशे ब्रह्मचारिणि ॥ 64.25 ॥

saptadhā tu phalenmūrdhā munau tapasi tiṣṭhati| jñānādvisṛjataḥ śastraṃ tādṛśe brahmacāriṇi

"'ऐसे तपस्वी और ब्रह्मचारी मुनि पर जानबूझकर शस्त्र चलाने वाले का मस्तक सात टुकड़ों में विदीर्ण हो जाता है।'"

श्लोक 26 (ayodhya.64.26)

अज्ञानाद्धि कृतं यस्मादिदं तेनैव जीवसि। अपि ह्यद्य कुलं नस्याद्राघवाणां कुतो भवान् ॥ 64.26 ॥

ajñānāddhi kṛtaṃ yasmādidaṃ tenaiva jīvasi| api hyadya kulaṃ nasyādrāghavāṇāṃ kuto bhavān

"'किंतु यह कर्म अज्ञानवश हुआ, इसीलिए तुम अभी तक जीवित हो; अन्यथा आज संपूर्ण रघुवंश ही नष्ट हो जाता, फिर तुम्हारी तो बात ही क्या।'"

श्लोक 27 (ayodhya.64.27)

नय नौ नृप तं देशमिति मां चाभ्यभाषत। अद्य तं द्रष्टुमिच्छावः पुत्रं पश्चिमदर्शनम् ॥ 64.27 ॥

naya nau nṛpa taṃ deśamiti māṃ cābhyabhāṣata| adya taṃ draṣṭumicchāvaḥ putraṃ paścimadarśanam

"'हे राजन्! हमें उस स्थान पर ले चलो,' उन्होंने मुझसे कहा; 'आज हम अपने पुत्र को अंतिम बार देखना चाहते हैं।'"

श्लोक 28 (ayodhya.64.28)

रुधिरेणावसिताङ्गं प्रकीर्णाजिनवाससम्। शयानं भुवि निःसंज्ञं धर्मराजवशं गतम् ॥ 64.28 ॥

rudhireṇāvasitāṅgaṃ prakīrṇājinavāsasam| śayānaṃ bhuvi niḥsaṃjñaṃ dharmarājavaśaṃ gatam

रक्त से लथपथ शरीर, बिखरा हुआ मृगचर्म वस्त्र, भूमि पर संज्ञाहीन पड़ा हुआ, धर्मराज के वश में जा चुका वह तपस्वी।

श्लोक 29 (ayodhya.64.29)

अथाहमेकस्तं देशं नीत्वा तौ भृशदुःखितौ। अस्पर्शयमहं पुत्रं तं मुनिं सह भार्यया ॥ 64.29 ॥

athāhamekastaṃ deśaṃ nītvā tau bhṛśaduḥkhitau| asparśayamahaṃ putraṃ taṃ muniṃ saha bhāryayā

तब मैं अकेले ही उन अत्यंत दुःखी दोनों को उस स्थान पर ले गया, और उस मुनि तथा उनकी पत्नी को उनके पुत्र का स्पर्श कराया।

श्लोक 30 (ayodhya.64.30)

तौ पुत्रमात्मनः स्पृष्ट्वा तमासाद्य तपस्विनौ। निपेततुः शरीरेऽस्य पिता चास्येदमब्रवीत् ॥ 64.30 ॥

tau putramātmanaḥ spṛṣṭvā tamāsādya tapasvinau| nipetatuḥ śarīre'sya pitā cāsyedamabravīt

अपने पुत्र के पास पहुँचकर, उसे स्पर्श करते ही, वे दोनों तपस्वी उसके शरीर पर गिर पड़े, और पिता ने यह कहा।

श्लोक 31 (ayodhya.64.31)

न न्वहं ते प्रियः पुत्र मातरं पश्य धार्मिक। किं नु नालिङ्गसे पुत्र सुकुमार वचो वद ॥ 64.31 ॥

na nvahaṃ te priyaḥ putra mātaraṃ paśya dhārmika| kiṃ nu nāliṅgase putra sukumāra vaco vada

"'क्या अब मैं तुम्हें प्रिय नहीं रहा, हे पुत्र? हे धर्मात्मन्! अपनी माता की ओर तो देखो। तुम मुझसे लिपटते क्यों नहीं, हे सुकुमार? कुछ तो बोलो!'"

श्लोक 32 (ayodhya.64.32)

न त्वहं ते प्रियः पुत्र मातरं पश्य धार्मिक। किं नु नालिङ्गसे पुत्र सुकुमार वचो वद ॥ 64.32 ॥

na tvahaṃ te priyaḥ putra mātaraṃ paśya dhārmika| kiṃ nu nāliṅgase putra sukumāra vaco vada

"'हे पुत्र! क्या मैं भी अब तुम्हें प्रिय नहीं रहा? हे धर्मात्मन्! माता की ओर देखो। मुझसे क्यों नहीं लिपटते, हे सुकुमार? कुछ तो कहो!'"

श्लोक 33 (ayodhya.64.33)

कस्य वापररात्रेऽहं श्रोष्यामि हृदयङ्गमम्। अधीयानस्य मधुरं शास्त्रं वान्यद्विशेषतः ॥ 64.33 ॥

kasya vāpararātre'haṃ śroṣyāmi hṛdayaṅgamam| adhīyānasya madhuraṃ śāstraṃ vānyadviśeṣataḥ

"'अब रात्रि के अंतिम प्रहर में किसके स्वाध्याय की वह मधुर, हृदयस्पर्शी वाणी अथवा अन्य विशेष शास्त्रोच्चारण मैं सुनूँगा?'"

श्लोक 34 (ayodhya.64.34)

को मां सन्ध्यामुपास्यैव स्नात्वा हुतहुताशनः। श्लाघयिष्यत्युपासीनः पुत्रशोकभयार्दितम् ॥ 64.34 ॥

ko māṃ sandhyāmupāsyaiva snātvā hutahutāśanaḥ| ślāghayiṣyatyupāsīnaḥ putraśokabhayārditam

"'अब संध्या-वंदन कर, स्नान कर, अग्नि में हवन कर कौन मेरे पास बैठकर पुत्रशोक और भय से पीड़ित मुझे सांत्वना देगा?'"

श्लोक 35 (ayodhya.64.35)

कन्दमूलफलं हृत्वा को मां प्रियमिवातिथिम्। भोजयिष्यत्यकर्मण्यमप्रग्रहमनायकम् ॥ 64.35 ॥

kandamūlaphalaṃ hṛtvā ko māṃ priyamivātithim| bhojayiṣyatyakarmaṇyamapragrahamanāyakam

"'अब कंद-मूल-फल लाकर मुझ अशक्त, असहाय और मार्गदर्शनरहित को कौन प्रिय अतिथि के समान भोजन कराएगा?'"

श्लोक 36 (ayodhya.64.36)

इमामन्धां च वृद्धां च मातरं ते तपस्विनीम्। कथं पुत्र भरिष्यामि कृपणां पुत्रगर्धिनीम् ॥ 64.36 ॥

imāmandhāṃ ca vṛddhāṃ ca mātaraṃ te tapasvinīm| kathaṃ putra bhariṣyāmi kṛpaṇāṃ putragardhinīm

"'हे पुत्र! तुम्हारी इस अंधी, वृद्ध, तपस्विनी माता का, जो सदा पुत्र की चाह में दीन रहेगी, अब मैं भरण-पोषण कैसे करूँगा?'"

श्लोक 37 (ayodhya.64.37)

तिष्ठ मा मा गमः पुत्र यमस्य सदनं प्रति। श्वो मया सह गन्तासि जनन्या च समेधितः ॥ 64.37 ॥

tiṣṭha mā mā gamaḥ putra yamasya sadanaṃ prati| śvo mayā saha gantāsi jananyā ca samedhitaḥ

"'रुको, पुत्र, अभी यमलोक मत जाओ; कल तुम मेरे साथ, अपनी माता सहित, वहाँ जाना।'"

श्लोक 38 (ayodhya.64.38)

उभावपि च शोकार्तावनाथौ कृपणौ वने। क्षिप्रमेव गमिष्यावस्त्वया हीनौ यमक्षयम् ॥ 64.38 ॥

ubhāvapi ca śokārtāvanāthau kṛpaṇau vane| kṣiprameva gamiṣyāvastvayā hīnau yamakṣayam

"'हम दोनों, शोकाकुल, अनाथ और दीन होकर इस वन में, तुम्हारे बिना शीघ्र ही यमलोक को चले जाएँगे।'"

श्लोक 39 (ayodhya.64.39)

ततो वैवस्वतं दृष्ट्वा तं प्रवक्ष्यामि भारतीम्। क्षमतां धर्मराजो मे बिभृयात्पितरावयम् ॥ 64.39 ॥

tato vaivasvataṃ dṛṣṭvā taṃ pravakṣyāmi bhāratīm| kṣamatāṃ dharmarājo me bibhṛyātpitarāvayam

"'तब विवस्वान-पुत्र यमराज को देखकर मैं यह वाणी कहूँगा - हे धर्मराज! मुझे क्षमा करें और मेरा यह पुत्र मेरे माता-पिता का भरण करता रहे।'"

श्लोक 40 (ayodhya.64.40)

दातुमर्हति धर्मात्मा लोकपालो महायशाः। ईदृशस्य ममाक्षय्यामेकामभयदक्षिणाम् ॥ 64.40 ॥

dātumarhati dharmātmā lokapālo mahāyaśāḥ| īdṛśasya mamākṣayyāmekāmabhayadakṣiṇām

"'वह धर्मात्मा, महायशस्वी लोकपाल मेरे ऐसे पुत्र को यह एक अक्षय अभय-दक्षिणा अवश्य प्रदान करेंगे।'"

श्लोक 41 (ayodhya.64.41)

अपापोऽसि यथा पुत्र निहतः पापकर्मणा। तेन सत्येन गच्छाशु ये लोकाः शस्त्रयोधिनाम् ॥ 64.41 ॥

apāpo'si yathā putra nihataḥ pāpakarmaṇā| tena satyena gacchāśu ye lokāḥ śastrayodhinām

"'हे पुत्र! जैसे तुम निष्पाप हो, परंतु पापकर्मी के हाथों मारे गए, उसी सत्य के बल पर शीघ्र उन लोकों को जाओ जो शस्त्रयोद्धाओं के लिए हैं।'"

श्लोक 42 (ayodhya.64.42)

यान्ति शूरा गतिं यां च संग्रामेष्वनिवर्तिनः। हतास्त्वभिमुखाः पुत्र गतिं तां परमां व्रज ॥ 64.42 ॥

yānti śūrā gatiṃ yāṃ ca saṃgrāmeṣvanivartinaḥ| hatāstvabhimukhāḥ putra gatiṃ tāṃ paramāṃ vraja

"'हे पुत्र! उसी परम गति को प्राप्त हो, जिसे वे शूरवीर प्राप्त करते हैं जो संग्राम में पीठ नहीं दिखाते और सम्मुख होकर मारे जाते हैं।'"

श्लोक 43 (ayodhya.64.43)

यां गतिं सगरः शैब्यो दिलीपो जनमेजयः। नहुषो धुन्धुमारश्च प्राप्तास्तां गच्छ पुत्रक ॥ 64.43 ॥

yāṃ gatiṃ sagaraḥ śaibyo dilīpo janamejayaḥ| nahuṣo dhundhumāraśca prāptāstāṃ gaccha putraka

"'हे पुत्र! उसी गति को प्राप्त हो जो सगर, शैब्य, दिलीप, जनमेजय, नहुष और धुंधुमार को प्राप्त हुई थी।'"

श्लोक 44 (ayodhya.64.44)

या गतिः सर्वसाधूनां स्वाध्यायात्पतसश्च या। भूमिदस्याहिताग्नेश्च एकपत्नीव्रतस्य च ॥ 64.44 ॥

yā gatiḥ sarvasādhūnāṃ svādhyāyātpatasaśca yā| bhūmidasyāhitāgneśca ekapatnīvratasya ca

"'जो गति समस्त साधुओं की है, जो स्वाध्याय से प्राप्त होती है, जो भूमिदान करने वाले को, अग्निहोत्री को और एकपत्नीव्रती को मिलती है -'"

श्लोक 45 (ayodhya.64.45)

गोसहस्रप्रदातॄणां या या गुरुभृतामपि। देहन्यासकृतां या च तां गतिं गच्छ पुत्रक ॥ 64.45 ॥

gosahasrapradātṝṇāṃ yā yā gurubhṛtāmapi| dehanyāsakṛtāṃ yā ca tāṃ gatiṃ gaccha putraka

"'- सहस्र गौ दान करने वालों की, गुरु-सेवा करने वालों की, और देहत्याग करने वालों की जो गति है, उसी गति को प्राप्त हो, हे पुत्र!'"

श्लोक 46 (ayodhya.64.46)

न हि त्वस्मिन्कुले जातो गच्छत्यकुशलां गतिम्। स तु यास्यति येन त्वं निहतो मम बान्धवः ॥ 64.46 ॥

na hi tvasminkule jāto gacchatyakuśalāṃ gatim| sa tu yāsyati yena tvaṃ nihato mama bāndhavaḥ

"'इस कुल में जन्मा कोई भी अशुभ गति को प्राप्त नहीं होता; जिसके द्वारा तुम, मेरे स्वजन, मारे गए हो, वही उस गति को प्राप्त होगा।'"

श्लोक 47 (ayodhya.64.47)

एवं स कृपणं तत्र पर्यदेवयतासकृत्। ततोऽस्मै कर्तुमुदकं प्रवृत्तः सह भार्यया ॥ 64.47 ॥

evaṃ sa kṛpaṇaṃ tatra paryadevayatāsakṛt| tato'smai kartumudakaṃ pravṛttaḥ saha bhāryayā

इस प्रकार वे वहाँ बार-बार करुण विलाप करते रहे; फिर अपनी पत्नी सहित उन्होंने पुत्र के लिए जलांजलि देने का कार्य आरंभ किया।

श्लोक 48 (ayodhya.64.48)

स तु दिव्येन रूपेण मुनिपुत्रः स्वकर्मभिः। स्वर्गमाध्यारुहत्क्षिप्रं शक्रेण सह खर्मवित् ॥ 64.48 ॥

sa tu divyena rūpeṇa muniputraḥ svakarmabhiḥ| svargamādhyāruhatkṣipraṃ śakreṇa saha kharmavit

उस मुनिपुत्र ने अपने ही सत्कर्मों के फलस्वरूप दिव्य रूप धारण करके इंद्र के साथ शीघ्र ही स्वर्ग को प्रस्थान किया।

श्लोक 49 (ayodhya.64.49)

आबभाषे च वृद्धौ तौ सह शक्रेण तापसः। आश्वास्य च मुहूर्तं तु पितरौ वाक्यमब्रवीत् ॥ 64.49 ॥

ābabhāṣe ca vṛddhau tau saha śakreṇa tāpasaḥ| āśvāsya ca muhūrtaṃ tu pitarau vākyamabravīt

उस तपस्वी ने इंद्र के साथ उन वृद्ध दंपति से बातचीत की, और अपने माता-पिता को क्षणभर सांत्वना देकर यह वचन कहा।

श्लोक 50 (ayodhya.64.50)

स्थानमस्मि महत्प्राप्तो भवतोः परिचारणात्। भवन्तावपि च क्षिप्रं मम मूलमुपैष्यतः ॥ 64.50 ॥

sthānamasmi mahatprāpto bhavatoḥ paricāraṇāt| bhavantāvapi ca kṣipraṃ mama mūlamupaiṣyataḥ

"'आप दोनों की सेवा से मैंने महान पद प्राप्त किया है; और आप दोनों भी शीघ्र ही मेरे पास आ जाएँगे।'"

श्लोक 51 (ayodhya.64.51)

एवमुक्त्वा तु दिव्येन विमानेन वपुष्मता। आरुरोह दिवं क्षिप्रं मुनिपुत्रो जितेन्द्रियः ॥ 64.51 ॥

evamuktvā tu divyena vimānena vapuṣmatā| āruroha divaṃ kṣipraṃ muniputro jitendriyaḥ

ऐसा कहकर वह जितेन्द्रिय मुनिपुत्र दिव्य और तेजस्वी विमान में बैठकर शीघ्र ही स्वर्ग को चला गया।

श्लोक 52 (ayodhya.64.52)

स कृत्वा तूदकं तूर्णं तापसः सह भार्यया। मामुवाच महातेजाः कृताञ्जलिमुपस्थितम् ॥ 64.52 ॥

sa kṛtvā tūdakaṃ tūrṇaṃ tāpasaḥ saha bhāryayā| māmuvāca mahātejāḥ kṛtāñjalimupasthitam

उस तपस्वी ने अपनी पत्नी सहित शीघ्र जलांजलि देकर, हाथ जोड़े खड़े मुझसे उस महातेजस्वी ने यह कहा।

श्लोक 53 (ayodhya.64.53)

अद्यैव जहि मां राजन्मरणे नास्ति मे व्यथा। यच्छरेणैकपुत्रं मां त्वमकार्षीरपुत्रकम् ॥ 64.53 ॥

adyaiva jahi māṃ rājanmaraṇe nāsti me vyathā| yacchareṇaikaputraṃ māṃ tvamakārṣīraputrakam

"'हे राजन्! मुझे भी आज ही मार डालो; मृत्यु से मुझे कोई पीड़ा नहीं - क्योंकि तुमने अपने बाण से मुझ एकपुत्र को पुत्रहीन बना दिया है।'"

श्लोक 54 (ayodhya.64.54)

त्वया तु यदविज्ञानान्निहतो मे सुतः शुचिः। तेन त्वामभिशप्स्यामि सुदुःखमतिदारुणम् ॥ 64.54 ॥

tvayā tu yadavijñānānnihato me sutaḥ śuciḥ| tena tvāmabhiśapsyāmi suduḥkhamatidāruṇam

"'तुमने अनजाने में मेरे पवित्र पुत्र का वध किया है, इसलिए मैं तुम्हें अत्यंत दुःखदायी और भयंकर शाप देता हूँ।'"

श्लोक 55 (ayodhya.64.55)

पुत्रव्यसनजं दुःखं यदेतन्मम साम्प्रतम्। एवं त्वं पुत्रशोकेन राजन्कालं करिष्यसि ॥ 64.55 ॥

putravyasanajaṃ duḥkhaṃ yadetanmama sāmpratam| evaṃ tvaṃ putraśokena rājankālaṃ kariṣyasi

"'पुत्र के वियोग से जो यह दुःख अभी मुझे प्राप्त हुआ है, हे राजन्! उसी प्रकार पुत्रशोक से ही तुम्हारी भी मृत्यु होगी।'"

श्लोक 56 (ayodhya.64.56)

अज्ञानात्तु हतो यस्मात्क्षत्रियेण त्वया मुनिः। तस्मात्त्वां नाविशत्याशु ब्रह्महत्या नराधिप ॥ 64.56 ॥

ajñānāttu hato yasmātkṣatriyeṇa tvayā muniḥ| tasmāttvāṃ nāviśatyāśu brahmahatyā narādhipa

"'हे नराधिप! चूँकि तुमने एक क्षत्रिय होकर इस मुनि का वध अज्ञानवश किया है, इसलिए ब्रह्महत्या का पाप तुम्हें तुरंत नहीं घेरता।'"

श्लोक 57 (ayodhya.64.57)

त्वामप्येतादृशो भावः क्षिप्रमेव गमिष्यति। जीवितान्तकरो घोरो दातारमिव दक्षिणा ॥ 64.57 ॥

tvāmapyetādṛśo bhāvaḥ kṣiprameva gamiṣyati| jīvitāntakaro ghoro dātāramiva dakṣiṇā

"'फिर भी ऐसी ही भयंकर स्थिति शीघ्र ही तुम्हें भी घेर लेगी और तुम्हारा जीवन समाप्त कर देगी, जैसे दी हुई दक्षिणा दाता के पास ही लौट आती है।'"

श्लोक 58 (ayodhya.64.58)

एवं शापं मयि न्यस्य विलप्य करुणं बहु। चितामारोप्य देहं तन्मिथुनं स्वर्गमभ्ययात् ॥ 64.58 ॥

evaṃ śāpaṃ mayi nyasya vilapya karuṇaṃ bahu| citāmāropya dehaṃ tanmithunaṃ svargamabhyayāt

इस प्रकार मुझे शाप देकर और बहुत करुण विलाप करके, उस दंपति ने पुत्र के शरीर को चिता पर रखा और फिर स्वयं भी स्वर्ग को चले गए।

श्लोक 59 (ayodhya.64.59)

तदेतच्चिन्तयानेन स्मृतं पापं मया स्वयम्। तदा बाल्यात्कृतं देवि शब्दवेध्यनुकर्षिणा ॥ 64.59 ॥

tadetaccintayānena smṛtaṃ pāpaṃ mayā svayam| tadā bālyātkṛtaṃ devi śabdavedhyanukarṣiṇā

"हे देवी! इसी का चिंतन करते हुए मुझे स्वयं ही वह पाप स्मरण हो आया, जो मैंने बचपन में शब्दवेधी बाण-विद्या के अभिमान में किया था।"

श्लोक 60 (ayodhya.64.60)

तस्यायं कर्मणो देवि विपाकः समुपस्थितः। अपथ्यैः सह संभुक्ते व्याधिरन्नरसे यथा ॥ 64.60 ॥

tasyāyaṃ karmaṇo devi vipākaḥ samupasthitaḥ| apathyaiḥ saha saṃbhukte vyādhirannarase yathā

"हे देवी! उसी कर्म का यह फल अब मुझ पर आ पड़ा है, जैसे अपथ्य के साथ खाए गए भोजन से व्याधि उत्पन्न हो जाती है।"

श्लोक 61 (ayodhya.64.61)

तस्मान्मामागतं भद्रे तस्योदारस्य तद्वचः। यदहं पुत्रशोकेन सन्त्यक्ष्याम्यद्य जीवितम् ॥ 64.61 ॥

tasmānmāmāgataṃ bhadre tasyodārasya tadvacaḥ| yadahaṃ putraśokena santyakṣyāmyadya jīvitam

"इसलिए, हे भद्रे, उस उदार तपस्वी का वही वचन अब मुझ पर आ पड़ा है - कि मैं भी पुत्रशोक से आज ही अपना जीवन त्याग दूँगा।"

श्लोक 62 (ayodhya.64.62)

चक्षुर्भ्यां त्वां न पश्यामि कौसल्ये साधु मां स्पृश। इत्युक्त्वा स रुदंस्त्रस्तो भार्यामाह च भूमिपः ॥ 64.62 ॥

cakṣurbhyāṃ tvāṃ na paśyāmi kausalye sādhu māṃ spṛśa| ityuktvā sa rudaṃstrasto bhāryāmāha ca bhūmipaḥ

"'हे कौसल्या! अब मैं तुम्हें अपने नेत्रों से नहीं देख पा रहा; मुझे भलीभाँति स्पर्श करो।'" ऐसा कहकर वह भूपति रोते और काँपते हुए अपनी पत्नी से बोला।

श्लोक 63 (ayodhya.64.63)

एतन्मे सदृशं देवि यन्मया राघवे कृतम्। सदृशं तत्तु तस्यैव यदनेन कृतं मयि ॥ 64.63 ॥

etanme sadṛśaṃ devi yanmayā rāghave kṛtam| sadṛśaṃ tattu tasyaiva yadanena kṛtaṃ mayi

"'हे देवी! यह मेरे साथ वही हो रहा है जो मैंने राघव के साथ किया था; और उसने जो मेरे साथ किया, वह भी उसी के अनुरूप ही है।'"

श्लोक 64 (ayodhya.64.64)

दुर्वृत्तमपि कः पुत्रं त्यजेद्भुवि विचक्षणः। कश्च प्रव्राज्यमानो वा नासूयेत्पितरं सुतः ॥ 64.64 ॥

durvṛttamapi kaḥ putraṃ tyajedbhuvi vicakṣaṇaḥ| kaśca pravrājyamāno vā nāsūyetpitaraṃ sutaḥ

"'भला कौन बुद्धिमान पिता पृथ्वी पर अपने दुराचारी पुत्र को भी त्याग सकता है? और वनवास को भेजा गया कौन पुत्र अपने पिता के प्रति असंतोष न रखे?'"

श्लोक 65 (ayodhya.64.65)

यदि मां संस्पृशेद्रामः सकृदद्य लभेत वा। यमक्षयमनुप्राप्ता द्रक्ष्यन्ति न हि मानवाः ॥ 64.65 ॥

yadi māṃ saṃspṛśedrāmaḥ sakṛdadya labheta vā| yamakṣayamanuprāptā drakṣyanti na hi mānavāḥ

"'यदि आज राम एक बार भी मुझे स्पर्श कर पाते, या मुझे इतना सौभाग्य मिल पाता - किंतु मृत्यु के धाम को प्राप्त हो चुके मनुष्य फिर ऐसा कुछ नहीं देख पाते।'"

श्लोक 66 (ayodhya.64.66)

चक्षुषा त्वां न पश्यामि स्मृतिर्मम विलुप्यते। दूता वैवस्वतस्यैते कौसल्ये त्वरयन्ति माम् ॥ 64.66 ॥

cakṣuṣā tvāṃ na paśyāmi smṛtirmama vilupyate| dūtā vaivasvatasyaite kausalye tvarayanti mām

"'हे कौसल्या! अब मैं तुम्हें नेत्रों से नहीं देख पा रहा, मेरी स्मृति लुप्त हो रही है। यमराज के ये दूत मुझे शीघ्रता के लिए विवश कर रहे हैं।'"

श्लोक 67 (ayodhya.64.67)

अतस्तु किं दुःखतरं यदहं जीवितक्षये। न हि पश्यामि धर्मज्ञं रामं सत्यपराक्रमम् ॥ 64.67 ॥

atastu kiṃ duḥkhataraṃ yadahaṃ jīvitakṣaye| na hi paśyāmi dharmajñaṃ rāmaṃ satyaparākramam

"'इससे अधिक दुःखद और क्या होगा कि जीवन के इस अंतिम क्षण में भी मैं धर्मज्ञ और सत्यपराक्रमी राम को नहीं देख पा रहा हूँ?'"

श्लोक 68 (ayodhya.64.68)

तस्यादर्शनजः शोकः सुतस्याप्रतिकर्मणः। उच्छोषयति मे प्राणान्वारि स्तोकमिवातपः ॥ 64.68 ॥

tasyādarśanajaḥ śokaḥ sutasyāpratikarmaṇaḥ| ucchoṣayati me prāṇānvāri stokamivātapaḥ

"'अपने निर्दोष पुत्र को न देख पाने का यह शोक मेरे प्राणों को उसी प्रकार सुखा रहा है, जैसे तीव्र धूप जल की छोटी-सी बूँद को सुखा देती है।'"

श्लोक 69 (ayodhya.64.69)

न ते मनुष्या देवास्ते ये चारुशुभकुण्डलम्। मुखं द्रक्ष्यन्ति रामस्य वर्षे पञ्चदशे पुनः ॥ 64.69 ॥

na te manuṣyā devāste ye cāruśubhakuṇḍalam| mukhaṃ drakṣyanti rāmasya varṣe pañcadaśe punaḥ

"'जो लोग पंद्रहवें वर्ष में राम के सुंदर कुंडलों से सुशोभित मुख को पुनः देखेंगे, वे मनुष्य नहीं, देवता ही हैं।'"

श्लोक 70 (ayodhya.64.70)

पद्मपत्रेक्षणं सुभ्रु सुदंष्ट्रं चारुनासिकम्। धन्या द्रक्ष्यन्ति रामस्य ताराधिपनिभं मुखम् ॥ 64.70 ॥

padmapatrekṣaṇaṃ subhru sudaṃṣṭraṃ cārunāsikam| dhanyā drakṣyanti rāmasya tārādhipanibhaṃ mukham

"'धन्य हैं वे जो राम के उस मुख को देखेंगे, जो कमल-दल जैसे नेत्रों, सुंदर भौंहों, सुडौल दंतपंक्ति और सुंदर नासिका से युक्त तथा चंद्रमा के समान उज्ज्वल है।'"

श्लोक 71 (ayodhya.64.71)

सदृशं शारदस्येन्दोः फुल्लस्य कमलस्य च। सुगन्धि मम नाथस्य धन्या द्रक्ष्यन्ति तन्मुखम् ॥ 64.71 ॥

sadṛśaṃ śāradasyendoḥ phullasya kamalasya ca| sugandhi mama nāthasya dhanyā drakṣyanti tanmukham

"'धन्य हैं वे जो मेरे स्वामी के उस सुगंधित मुख को देखेंगे, जो शरद ऋतु के चंद्रमा और खिले हुए कमल दोनों के समान है।'"

श्लोक 72 (ayodhya.64.72)

निवृत्तवनवासं तमयोध्यां पुनरागतम्। द्रक्ष्यन्ति सुखिनो रामं शुक्रं मार्गगतं यथा ॥ 64.72 ॥

nivṛttavanavāsaṃ tamayodhyāṃ punarāgatam| drakṣyanti sukhino rāmaṃ śukraṃ mārgagataṃ yathā

"'सुखी हैं वे जो वनवास पूर्ण करके अयोध्या लौटे हुए राम को उसी प्रकार देखेंगे जैसे शुक्र ग्रह अपने मार्ग पर पुनः दिखाई देता है।'"

श्लोक 73 (ayodhya.64.73)

कौसल्ये चित्तमोहेन हृदयं सीदतीव मे। वेदये न च समुक्तान् शब्दस्पर्शरसानहम् ॥ 64.73 ॥

kausalye cittamohena hṛdayaṃ sīdatīva me| vedaye na ca samuktān śabdasparśarasānaham

"'हे कौसल्या! मेरे चित्त में मोह छा रहा है और हृदय डूबता जा रहा है; अब मैं शब्द, स्पर्श और रस - इन्हें भी साथ मिलाकर नहीं जान पा रहा।'"

श्लोक 74 (ayodhya.64.74)

चित्तनाशाद्विपद्यन्ते सर्वाण्येवेन्द्रियाणि मे। क्षीणस्नेहस्य दीपस्य संसक्ता रश्मयो यथा ॥ 64.74 ॥

cittanāśādvipadyante sarvāṇyevendriyāṇi me| kṣīṇasnehasya dīpasya saṃsaktā raśmayo yathā

"'चित्त के नष्ट होने के साथ मेरी सभी इन्द्रियाँ भी नष्ट हो रही हैं, जैसे तेल चुक जाने पर दीपक की किरणें क्षीण होकर बुझने लगती हैं।'"

श्लोक 75 (ayodhya.64.75)

अयमात्मभवः शोको मामनाथमचेतनम्। संसादयति वेगेन यथा कूलं नदीरयः ॥ 64.75 ॥

ayamātmabhavaḥ śoko māmanāthamacetanam| saṃsādayati vegena yathā kūlaṃ nadīrayaḥ

"'मेरे अपने ही कर्म से उत्पन्न यह शोक मुझ अनाथ और अचेत को उसी वेग से नष्ट कर रहा है जैसे नदी का प्रवाह अपने तट को काट डालता है।'"

श्लोक 76 (ayodhya.64.76)

हा राघव महाबाहो हा मम आयासनाशन। हा पितृप्रिय मे नाथ हाद्य क्वासि गतः सुत ॥ 64.76 ॥

hā rāghava mahābāho hā mama āyāsanāśana| hā pitṛpriya me nātha hādya kvāsi gataḥ suta

"'हा महाबाहु राघव! हा मेरे कष्टों को हरने वाले! हा पिता के प्रिय, मेरे नाथ! हा पुत्र! आज तुम कहाँ चले गए?'"

श्लोक 77 (ayodhya.64.77)

हा कौसल्ये नशिष्यामि हा सुमित्रे तपस्विनि। हा नृशंसे ममामित्रे कैकेयि कुलपांसनि ॥ 64.77 ॥

hā kausalye naśiṣyāmi hā sumitre tapasvini| hā nṛśaṃse mamāmitre kaikeyi kulapāṃsani

"'हा कौसल्या! मैं नष्ट हो रहा हूँ! हा तपस्विनी सुमित्रा! हा निष्ठुर कैकेयी, मेरी शत्रु, कुल को कलंकित करने वाली!'"

श्लोक 78 (ayodhya.64.78)

इति रामस्य मातुश्च सुमित्रायाश्च सन्निधौ। राजा दशरथः शोचन् जीवितान्तमुपागमत् ॥ 64.78 ॥

iti rāmasya mātuśca sumitrāyāśca sannidhau| rājā daśarathaḥ śocan jīvitāntamupāgamat

इस प्रकार विलाप करते हुए, राम की माता और सुमित्रा की उपस्थिति में, राजा दशरथ ने अपने जीवन का अंत पा लिया।

श्लोक 79 (ayodhya.64.79)

यथा तु दीनं कथयन्नराधिपः प्रियस्य पुत्रस्य विवासनातुरः। गतेऽर्धरात्रे भृशदुःखपीडितः तदा जहौ प्राणमुदारदर्शनः ॥ 64.79 ॥

yathā tu dīnaṃ kathayannarādhipaḥ priyasya putrasya vivāsanāturaḥ| gate'rdharātre bhṛśaduḥkhapīḍitaḥ tadā jahau prāṇamudāradarśanaḥ

इस प्रकार अपने प्रिय पुत्र के वनवास से व्याकुल राजा जब इतने दीन भाव से कह ही रहे थे, कि अर्धरात्रि बीतते ही, अत्यंत दुःख से पीड़ित वह उदारदर्शी राजा प्राणत्याग कर बैठे।