राजा की मृत्यु का पता चलना

श्लोक 1 (ayodhya.65.1)

अथ रात्र्यां व्यतीतायां प्रातरेवापरेऽहनि। वन्दिनः पर्युपातिष्ठंस्तत्पार्थिवनिवेशनम् ॥ 65.1 ॥

atha rātryāṃ vyatītāyāṃ prātarevāpare'hani| vandinaḥ paryupātiṣṭhaṃstatpārthivaniveśanam

फिर रात्रि बीतने पर अगले दिन प्रातःकाल ही वंदीजन सम्राट के निवास पर आकर उपस्थित हुए।

श्लोक 2 (ayodhya.65.2)

सूताः परमसंस्काराः मङ्गलाश्चोत्तमश्रुताः। गायकाः स्तुतिशीलाश्च निगदन्तः पृथक्पृथक् ॥ 65.2 ॥

sūtāḥ paramasaṃskārāḥ maṅgalāścottamaśrutāḥ| gāyakāḥ stutiśīlāśca nigadantaḥ pṛthakpṛthak

उच्च संस्कार और उत्तम विद्या से युक्त सूत, मंगलपाठक और स्तुतिशील गायक अपनी-अपनी शैली में पृथक्-पृथक् स्तुति करने लगे।

श्लोक 3 (ayodhya.65.3)

राजानं स्तुवतां तेषामुदात्ताभिहिताशिषाम्। प्रासादाभोगविस्तीर्णः स्तुतिशब्दो ह्यवर्तत ॥ 65.3 ॥

rājānaṃ stuvatāṃ teṣāmudāttābhihitāśiṣām| prāsādābhogavistīrṇaḥ stutiśabdo hyavartata

राजा की स्तुति करने वालों की उदात्त आशीर्वचनों से युक्त वह स्तुति-ध्वनि संपूर्ण राजप्रासाद में गूँज उठी।

श्लोक 4 (ayodhya.65.4)

ततस्तु स्तुवतां तेषां सूतानां पाणिवादकाः। अवदानान्युदाहृत्य पाणिवादान्वादयन् ॥ 65.4 ॥

tatastu stuvatāṃ teṣāṃ sūtānāṃ pāṇivādakāḥ| avadānānyudāhṛtya pāṇivādānvādayan

जब वे सूत स्तुति कर रहे थे, तब तालियाँ बजाने वाले राजा के गौरवशाली कार्यों का बखान करते हुए ताल बजाने लगे।

श्लोक 5 (ayodhya.65.5)

तेन शब्देन विहगाः प्रतिबुद्धा विसस्वनुः। शाखास्थाः पञ्जरस्थाश्च ये राजकुलगोचराः ॥ 65.5 ॥

tena śabdena vihagāḥ pratibuddhā visasvanuḥ| śākhāsthāḥ pañjarasthāśca ye rājakulagocarāḥ

उस ध्वनि से जगकर राजकुल में रहने वाले पक्षी - चाहे वे शाखाओं पर बैठे हों या पिंजरों में - चहचहाने लगे।

श्लोक 6 (ayodhya.65.6)

व्याहृताः पुण्यशब्दाश्च वीणानां चापि निस्स्वनाः। आशीर्गेयं च गाथानां पूरयामास वेश्म तत् ॥ 65.6 ॥

vyāhṛtāḥ puṇyaśabdāśca vīṇānāṃ cāpi nissvanāḥ| āśīrgeyaṃ ca gāthānāṃ pūrayāmāsa veśma tat

उच्चारित मंगल-शब्द, वीणा की झंकार और आशीर्वचनयुक्त गीतिकाएँ उस संपूर्ण भवन को भर गईं।

श्लोक 7 (ayodhya.65.7)

ततः शुचिसमाचाराः पर्युपस्थानकोविदाः। स्त्रीवर्षवरभूयिष्ठा उपतस्थुर्यथापुरम् ॥ 65.7 ॥

tataḥ śucisamācārāḥ paryupasthānakovidāḥ| strīvarṣavarabhūyiṣṭhā upatasthuryathāpuram

तब पहले की भाँति ही, शुद्धाचारी और सेवा में निपुण - अधिकांशतः स्त्रियाँ और नपुंसक - राजा की सेवा के लिए उपस्थित हुए।

श्लोक 8 (ayodhya.65.8)

हरिचन्दनसंपृक्तमुदकं काञ्चनैर्घटैः। आनिन्युः स्नानशिक्षाज्ञा यथाकालं यथाविधि ॥ 65.8 ॥

haricandanasaṃpṛktamudakaṃ kāñcanairghaṭaiḥ| āninyuḥ snānaśikṣājñā yathākālaṃ yathāvidhi

स्नान की व्यवस्था करने वालों ने उचित समय और विधि के अनुसार सुवर्ण घड़ों में पीले चंदन से युक्त जल लाकर उपस्थित किया।

श्लोक 9 (ayodhya.65.9)

मङ्गलालम्भनीयानि प्राशनीयानुपस्करान्। उपनिन्युस्तथाप्यन्याः कुमारीबहुलाः स्त्रियः ॥ 65.9 ॥

maṅgalālambhanīyāni prāśanīyānupaskarān| upaninyustathāpyanyāḥ kumārībahulāḥ striyaḥ

उसी प्रकार अन्य स्त्रियाँ, जिनमें अधिकांश कुमारियाँ थीं, स्पर्श में सुखद वस्तुएँ, खाद्य पदार्थ और आभूषण ले आईं।

श्लोक 10 (ayodhya.65.10)

सर्वलक्षणसंपन्नं सर्वं विधिवदर्चितम्। सर्वं सुगुणलक्ष्मीवत्तद्बभूवाभिहारिकम् ॥ 65.10 ॥

sarvalakṣaṇasaṃpannaṃ sarvaṃ vidhivadarcitam| sarvaṃ suguṇalakṣmīvattadbabhūvābhihārikam

उनके समीप लाई गई वे सभी वस्तुएँ समस्त शुभ लक्षणों से संपन्न, विधिपूर्वक पूजित और अत्यंत मनोहर थीं।

श्लोक 11 (ayodhya.65.11)

ततः सूर्योदयं यावत्सर्वं परिसमुत्सुकम्। तस्थावनुपसंप्राप्तं किंस्विदित्युपशङ्कितम् ॥ 65.11 ॥

tataḥ sūryodayaṃ yāvatsarvaṃ parisamutsukam| tasthāvanupasaṃprāptaṃ kiṃsvidityupaśaṅkitam

फिर सूर्योदय होने तक वह संपूर्ण जनसमूह, उत्सुक होते हुए भी राजा के समीप न जा पाकर, यह सोचते हुए प्रतीक्षा करता रहा कि 'यह क्या बात है?'

श्लोक 12 (ayodhya.65.12)

अथ याः कोसलेन्द्रस्य शयनं प्रत्यनन्तराः। ताः स्त्रियस्तु समागम्य भर्तारं प्रत्यबोधयन् ॥ 65.12 ॥

atha yāḥ kosalendrasya śayanaṃ pratyanantarāḥ| tāḥ striyastu samāgamya bhartāraṃ pratyabodhayan

तब वे स्त्रियाँ, जिन्हें राजा की शय्या के निकट जाने का अधिकार था, पास आकर अपने स्वामी को जगाने लगीं।

श्लोक 13 (ayodhya.65.13)

तथाप्युचितवृत्तास्ता विनयेन नयेन च। न ह्यस्य शयनं स्पृष्ट्वा किंचिदप्युपलेभिरे ॥ 65.13 ॥

tathāpyucitavṛttāstā vinayena nayena ca| na hyasya śayanaṃ spṛṣṭvā kiṃcidapyupalebhire

फिर भी विनय और नीति से युक्त वे शिष्ट स्त्रियाँ, उनकी शय्या को स्पर्श करने पर भी कुछ भी अनुभव न कर सकीं।

श्लोक 14 (ayodhya.65.14)

ताः स्त्रियः स्वप्नशीलज्ञाश्चेष्टासंचलनादिषु। ता वेपथुपरीताश्च राज्ञः प्राणेषु शङ्किताः। प्रतिस्रोतस्तृणाग्राणां सदृशं संचकम्पिरे ॥ 65.14 ॥

tāḥ striyaḥ svapnaśīlajñāśceṣṭāsaṃcalanādiṣu| tā vepathuparītāśca rājñaḥ prāṇeṣu śaṅkitāḥ| pratisrotastṛṇāgrāṇāṃ sadṛśaṃ saṃcakampire

स्वप्नावस्था के लक्षणों को उसकी चेष्टाओं और हलचल से पहचानने में निपुण वे स्त्रियाँ राजा के प्राणों की आशंका से कंपित हो उठीं, मानो धारा के विरुद्ध खड़े तृण के अग्रभाग काँप रहे हों।

श्लोक 15 (ayodhya.65.15)

अथ संवेपमानानां स्त्रीणां दृष्ट्वा च पार्थिवम्। यत्तदाशङ्कितं पापं तस्य जज्ञे विनिश्चयः ॥ 65.15 ॥

atha saṃvepamānānāṃ strīṇāṃ dṛṣṭvā ca pārthivam| yattadāśaṅkitaṃ pāpaṃ tasya jajñe viniścayaḥ

तब संदेह से कंपित होती उन स्त्रियों ने राजा को भलीभाँति देखा, और जिस अनिष्ट की उन्हें आशंका थी, उसका निश्चय उनके मन में हो गया।

श्लोक 16 (ayodhya.65.16)

कौसल्या च सुमित्रा च पुत्रशोकपराजिते। प्रसुप्ते न प्रबुध्येते यथा कालसमन्विते ॥ 65.16 ॥

kausalyā ca sumitrā ca putraśokaparājite| prasupte na prabudhyete yathā kālasamanvite

पुत्रशोक से अभिभूत कौसल्या और सुमित्रा गहरी नींद में सोई रहीं और नहीं जागीं, मानो वे मृत्यु के वश में ही हों।

श्लोक 17 (ayodhya.65.17)

निष्प्रभा च विवर्णा च सन्ना शोकेन सन्नता। न व्यराजत कौसल्या तारेव तिमिरावृता ॥ 65.17 ॥

niṣprabhā ca vivarṇā ca sannā śokena sannatā| na vyarājata kausalyā tāreva timirāvṛtā

कौसल्या, जिनका तेज लुप्त हो गया था, जो शोक से पीली, क्षीण और उदास हो गई थीं, अब उस तारे के समान नहीं चमक रही थीं जो अंधकार में छिप गया हो।

श्लोक 18 (ayodhya.65.18)

कौसल्यानन्तरं राज्ञः सुमित्रा तदनन्तरम्। न स्म विभ्राजते देवी शोकाश्रुलुलितानना ॥ 65.18 ॥

kausalyānantaraṃ rājñaḥ sumitrā tadanantaram| na sma vibhrājate devī śokāśrululitānanā

राजा के सबसे निकट स्थित रानी कौसल्या और उनके पास ही सुमित्रा, दोनों शोक के आँसुओं से मलिन मुख लिए हुए अब पहले जैसी शोभा नहीं पा रही थीं।

श्लोक 19 (ayodhya.65.19)

ते च दृष्ट्वा तथा सुप्ते शुभे देव्यौ च तं नृपम्। सुप्तमेवोद्गतप्राणमन्तःपुरमन्यत ॥ 65.19 ॥

te ca dṛṣṭvā tathā supte śubhe devyau ca taṃ nṛpam| suptamevodgataprāṇamantaḥpuramanyata

उन दोनों उत्तम रानियों को उस प्रकार सोते हुए और राजा को भी वैसे ही देखकर, अंतःपुर के लोगों ने यही समझा कि वे नींद में ही बेसुध हो गए हैं।

श्लोक 20 (ayodhya.65.20)

ततः प्रचुक्रुशुर्दीनाः सस्वरं ता वराङ्गनाः। करेणवैवारण्ये स्थानप्रच्युतयूथपाः ॥ 65.20 ॥

tataḥ pracukruśurdīnāḥ sasvaraṃ tā varāṅganāḥ| kareṇavaivāraṇye sthānapracyutayūthapāḥ

तब वे सुंदर स्त्रियाँ दीन होकर ऊँचे स्वर में विलाप करने लगीं, मानो वन में अपने यूथपति के स्थानच्युत हो जाने पर हथिनियाँ चीत्कार कर रही हों।

श्लोक 21 (ayodhya.65.21)

तासामाक्रन्दशब्देन सहसोद्गतचेतने। कौसल्या च सुमित्रा च त्यक्तनिद्रे बभूवतुः ॥ 65.21 ॥

tāsāmākrandaśabdena sahasodgatacetane| kausalyā ca sumitrā ca tyaktanidre babhūvatuḥ

उनके क्रंदन की अचानक ध्वनि से कौसल्या और सुमित्रा की निद्रा भंग हो गई और वे सचेत हो उठीं।

श्लोक 22 (ayodhya.65.22)

कौसल्या च सुमित्रा च दृष्ट्वा स्पृष्ट्वा च पार्थिवम्। हा नाथेति परिक्रुश्य पेततुर्धरणीतले ॥ 65.22 ॥

kausalyā ca sumitrā ca dṛṣṭvā spṛṣṭvā ca pārthivam| hā nātheti parikruśya petaturdharaṇītale

राजा को देखकर और स्पर्श करके कौसल्या और सुमित्रा 'हा नाथ!' पुकारती हुई भूमि पर गिर पड़ीं।

श्लोक 23 (ayodhya.65.23)

सा कोसलेन्द्रदुहिता वेष्टमाना महीतले। न बभ्राज रजोध्वस्ता तारेव गगनच्युता ॥ 65.23 ॥

sā kosalendraduhitā veṣṭamānā mahītale| na babhrāja rajodhvastā tāreva gaganacyutā

पृथ्वी पर लोटती हुई वह कोसलनरेश-पुत्री कौसल्या धूल से धूसरित होकर उस तारे के समान अशोभनीय हो गईं जो आकाश से गिर पड़ा हो।

श्लोक 24 (ayodhya.65.24)

नृपे शान्तगुणे जाते कौसल्यां पतितां भुवि। आपश्यंस्ताः स्त्रियः सर्वा हतां नागवधूमिव ॥ 65.24 ॥

nṛpe śāntaguṇe jāte kausalyāṃ patitāṃ bhuvi| āpaśyaṃstāḥ striyaḥ sarvā hatāṃ nāgavadhūmiva

राजा के इस प्रकार दिवंगत हो जाने पर, सभी स्त्रियों ने कौसल्या को भूमि पर गिरा हुआ देखा, मानो कोई मारी गई हथिनी हो।

श्लोक 25 (ayodhya.65.25)

ततः सर्वा नरेन्द्रस्य कैकेयीप्रमुखाः स्त्रियः। रुदन्त्यः शोकसंतप्ता निपेतुर्गतचेतनाः ॥ 65.25 ॥

tataḥ sarvā narendrasya kaikeyīpramukhāḥ striyaḥ| rudantyaḥ śokasaṃtaptā nipeturgatacetanāḥ

तब कैकेयी सहित राजा की सभी स्त्रियाँ रोती हुई, शोक से अभिभूत होकर मूर्च्छित होकर गिर पड़ीं।

श्लोक 26 (ayodhya.65.26)

ताभिः स बलवान्नादः क्रोशन्तीभिरनुद्रुतः। येन स्फीतीकृतो भूयस्तद्गृहं समनादयत् ॥ 65.26 ॥

tābhiḥ sa balavānnādaḥ krośantībhiranudrutaḥ| yena sphītīkṛto bhūyastadgṛhaṃ samanādayat

उनके विलाप से और भी बढ़ा हुआ वह प्रबल कोलाहल संपूर्ण भवन को गुँजा उठा।

श्लोक 27 (ayodhya.65.27)

तत्समुत्त्रस्तसंभ्रान्तं पर्युत्सुकजनाकुलम्। सर्वतस्तुमुलाक्रन्दं परितापार्तबान्धवम् ॥ 65.27 ॥

tatsamuttrastasaṃbhrāntaṃ paryutsukajanākulam| sarvatastumulākrandaṃ paritāpārtabāndhavam

भय और घबराहट से भरा तथा व्याकुल लोगों से खचाखच भरा वह स्थान, चारों ओर तीव्र क्रंदन से भरा, स्वजनों को संताप से पीड़ित करने वाला,

श्लोक 28 (ayodhya.65.28)

सद्यो निपतितानन्दं दीनविक्लवदर्शनम्। बभूव नरदेवस्य सद्म दिष्टान्तमीयुषः ॥ 65.28 ॥

sadyo nipatitānandaṃ dīnaviklavadarśanam| babhūva naradevasya sadma diṣṭāntamīyuṣaḥ

जिसका सुख सहसा लुप्त हो गया, दीन और व्याकुल दृश्यों से भरा - अपने नियत अंत को प्राप्त हुए उस राजा का यह निवास ऐसा हो गया।

श्लोक 29 (ayodhya.65.29)

अतीतमाज्ञाय तु पार्थिवर्षभं यशस्विनं संपरिवार्य पत्नयः। भृशं रुदन्त्यः करुणं सुदुःखिताः प्रगृह्य बाहू व्यलपन्ननाथवत् ॥ 65.29 ॥

atītamājñāya tu pārthivarṣabhaṃ yaśasvinaṃ saṃparivārya patnayaḥ| bhṛśaṃ rudantyaḥ karuṇaṃ suduḥkhitāḥ pragṛhya bāhū vyalapannanāthavat

उस यशस्वी और श्रेष्ठ राजा के दिवंगत होने का समाचार जानकर, उनकी रानियाँ उन्हें घेरकर खड़ी हो गईं, और अत्यंत दुःखी होकर करुण विलाप करती हुई, एक-दूसरे की भुजाएँ थामे अनाथों के समान क्रंदन करने लगीं।