वसिष्ठ से ब्राह्मणों की प्रार्थना: अराजक राज्य

श्लोक 1 (ayodhya.67.1)

आक्रन्दितनिरानन्दा सास्रकण्ठजनाविला। अयोध्यायामतितता सा व्यतीयाय शर्वरी॥ २-६७-१ ॥

ākranditanirānandā sāsrakaṇṭhajanāvilā| ayodhyāyāmatitatā sā vyatīyāya śarvarī

क्रन्दन से आनन्दहीन और अश्रु-भीगे कण्ठों वाले लोगों से व्याकुल वह अत्यन्त दीर्घ रात्रि अयोध्या में इस प्रकार बीत गई।

श्लोक 2 (ayodhya.67.2)

व्यतीतायां तु शर्वर्यामादित्यस्योदये ततः। समेत्य राजकर्तारः सभामीयुर्द्विजातयः॥ २-६७-२ ॥

vyatītāyāṃ tu śarvaryāmādityasyodaye tataḥ| sametya rājakartāraḥ sabhāmīyurdvijātayaḥ

उस रात्रि के बीत जाने पर, सूर्योदय होते ही, राजा को अभिषिक्त करने के अधिकारी वे ब्राह्मण एकत्र होकर सभा-भवन में आए।

श्लोक 3 (ayodhya.67.3)

मार्कण्डेयोऽथ मौद्गल्यो वामदेवश्च काश्यपः। कात्यायनो गौतमश्च जाबालिश्च महायशाः॥ २-६७-३ ॥

mārkaṇḍeyo'tha maudgalyo vāmadevaśca kāśyapaḥ| kātyāyano gautamaśca jābāliśca mahāyaśāḥ

मार्कण्डेय, मौद्गल्य, वामदेव, काश्यप, कात्यायन, गौतम, और महायशस्वी जाबालि -

श्लोक 4 (ayodhya.67.4)

एते द्विजाः सहामात्यैः पृथग्वाचमुदीरयन्। वसिष्ठमेवाभिमुखाः श्रेष्ठं राजपुरोहितम्॥ २-६७-४ ॥

ete dvijāḥ sahāmātyaiḥ pṛthagvācamudīrayan| vasiṣṭhamevābhimukhāḥ śreṣṭhaṃ rājapurohitam

ये ब्राह्मण मन्त्रियों के साथ मिलकर, राजपुरोहितों में श्रेष्ठ वसिष्ठ की ओर मुख करके, एक-एक करके अपनी बात कहने लगे।

श्लोक 5 (ayodhya.67.5)

अतीता शर्वरी दुःखं या नो वर्षशतोपमा। अस्मिन् पञ्चत्वमापन्ने पुत्रशोकेन पार्थिवे॥ २-६७-५ ॥

atītā śarvarī duḥkhaṃ yā no varṣaśatopamā| asmin pañcatvamāpanne putraśokena pārthive

"वह दुःखद रात्रि हमारे लिए सौ वर्षों के समान बीती है, क्योंकि इस राजा ने पुत्र-शोक के कारण पंचत्व को प्राप्त कर लिया है।"

श्लोक 6 (ayodhya.67.6)

स्वर्गतश्च महाराजो रामश्चारण्यमाश्रितः। लक्ष्मणश्चापि तेजस्वी रामेणैव गतः सह॥ २-६७-६ ॥

svargataśca mahārājo rāmaścāraṇyamāśritaḥ| lakṣmaṇaścāpi tejasvī rāmeṇaiva gataḥ saha

"महाराज स्वर्ग सिधार गए, राम वन में चले गए, और तेजस्वी लक्ष्मण भी राम के साथ ही गए।"

श्लोक 7 (ayodhya.67.7)

उभौ भरतशत्रुघ्नौ कैकयेषु परंतपौ। पुरे राजगृहे रम्ये मातामहनिवेशने॥ २-६७-७ ॥

ubhau bharataśatrughnau kaikayeṣu parantapau| pure rājagṛhe ramye mātāmahaniveśane

"शत्रुतापन भरत और शत्रुघ्न, दोनों ही कैकय देश में, अपने नाना के रमणीय राजगृह-नगर के भवन में हैं।"

श्लोक 8 (ayodhya.67.8)

इक्ष्वाकूणामिहाद्यैव कश्चिद्राजा विधीयताम्। अराजकं हि नो राष्ट्रं न विनाशमवाप्नुयात्॥ २-६७-८ ॥

ikṣvākūṇāmihādyaiva kaścidrājā vidhīyatām| arājakaṃ hi no rāṣṭraṃ na vināśamavāpnuyāt

"अतः इक्ष्वाकु वंश में से कोई-न-कोई आज ही राजा बनाया जाए, जिससे हमारा राष्ट्र राजाविहीन होकर विनाश को प्राप्त न हो।"

श्लोक 9 (ayodhya.67.9)

नाराजके जनपदे विद्युन्माली महास्वनः। अभिवर्षति पर्जन्यो महीं दिव्येन वारिणा॥ २-६७-९ ॥

nārājake janapade vidyunmālī mahāsvanaḥ| abhivarṣati parjanyo mahīṃ divyena vāriṇā

"राजाविहीन देश में लपटती बिजलियों से युक्त और महाध्वनि करने वाला मेघ दिव्य जल से पृथ्वी पर वर्षा नहीं करता।"

श्लोक 10 (ayodhya.67.10)

नाराजके जनपदे बीजमुष्टिः प्रकीर्यते। नाराजके पितुः पुत्रो भार्या वा वर्तते वशे॥ २-६७-१० ॥

nārājake janapade bījamuṣṭiḥ prakīryate| nārājake pituḥ putro bhāryā vā vartate vaśe

"राजाविहीन देश में कोई मुट्ठी भर बीज भी नहीं बोता; राजाविहीन देश में न पुत्र पिता के वश में रहता है और न पत्नी पति के वश में।"

श्लोक 11 (ayodhya.67.11)

अराजके धनं नास्ति नास्ति भार्याप्यराजके। इदमत्याहितं चान्यत् कुतः सत्यमराजके॥ २-६७-११ ॥

arājake dhanaṃ nāsti nāsti bhāryāpyarājake| idamatyāhitaṃ cānyat kutaḥ satyamarājake

"राजाविहीन में धन नहीं रहता, राजाविहीन में पत्नी भी नहीं रहती; और भी बड़ा भय यह है कि राजाविहीन में सत्य कहाँ रहेगा?"

श्लोक 12 (ayodhya.67.12)

नाराजके जनपदे कारयन्ति सभां नराः। उद्यानानि च रम्याणि हृष्टाः पुण्यगृहाणि च॥ २-६७-१२ ॥

nārājake janapade kārayanti sabhāṃ narāḥ| udyānāni ca ramyāṇi hṛṣṭāḥ puṇyagṛhāṇi ca

"राजाविहीन देश में लोग प्रसन्नतापूर्वक न तो सभा-भवन बनवाते हैं, न सुन्दर उद्यान, और न ही पुण्य-गृह (मन्दिर)।"

श्लोक 13 (ayodhya.67.13)

नाराजके जनपदे यज्ञशीला द्विजातयः। सत्राण्यन्वासते दान्ता ब्राह्मणाः संशितव्रताः॥ २-६७-१३ ॥

nārājake janapade yajñaśīlā dvijātayaḥ| satrāṇyanvāsate dāntā brāhmaṇāḥ saṃśitavratāḥ

"राजाविहीन देश में यज्ञशील ब्राह्मण, संयमी और कठोर व्रत रखने वाले द्विज, सत्रों में सत्रासन ग्रहण नहीं करते।"

श्लोक 14 (ayodhya.67.14)

नाराजके जनपदे महायज्ञेषु यज्वनः। ब्राह्मणा वसुसंपन्ना विसृजन्त्याप्तदक्षिणाः॥ २-६७-१४ ॥

nārājake janapade mahāyajñeṣu yajvanaḥ| brāhmaṇā vasusaṃpannā visṛjantyāptadakṣiṇāḥ

"राजाविहीन देश में महायज्ञ करने वाले और धन-सम्पन्न याजक ब्राह्मण उचित दक्षिणा देकर यज्ञों को सम्पन्न नहीं करते।"

श्लोक 15 (ayodhya.67.15)

नाराजके जनपदे प्रभूतनटनर्तकाः। उत्सवाश्च समाजाश्च वर्धन्ते राष्ट्रवर्धनाः॥ २-६७-१५ ॥

nārājake janapade prabhūtanaṭanartakāḥ| utsavāśca samājāśca vardhante rāṣṭravardhanāḥ

"राजाविहीन देश में अभिनेताओं और नर्तकों से भरे हुए, राष्ट्र को समृद्ध करने वाले उत्सव और समाज नहीं फलते-फूलते।"

श्लोक 16 (ayodhya.67.16)

नाराजके जनपदे सिद्धार्था व्यवहारिणः। कथाभिरनुरज्यन्ते कथाशीलाः कथाप्रियैः॥ २-६७-१६ ॥

nārājake janapade siddhārthā vyavahāriṇaḥ| kathābhiranurajyante kathāśīlāḥ kathāpriyaiḥ

"राजाविहीन देश में मुकद्दमेबाज लोगों के विवाद निर्णीत नहीं होते, और कथा कहने वाले कथा-प्रेमियों को अपनी कथाओं से रिझा नहीं पाते।"

श्लोक 17 (ayodhya.67.17)

नाराजके जनपदे उद्यानानि समागताः। सायाह्ने क्रीडितुं यान्ति कुमार्यो हेमभूषिताः॥ २-६७-१७ ॥

nārājake janapade udyānāni samāgatāḥ| sāyāhne krīḍituṃ yānti kumāryo hemabhūṣitāḥ

"राजाविहीन देश में स्वर्णाभूषित कुमारियाँ मिलकर सायंकाल क्रीड़ा करने के लिए उद्यानों में नहीं जातीं।"

श्लोक 18 (ayodhya.67.18)

नाराजके जनपदे वाहनैः शीघ्रगामिभिः। नरा निर्यान्त्यरण्यानि नारीभिः सह कामिनः॥ २-६७-१८ ॥

nārājake janapade vāhanaiḥ śīghragāmibhiḥ| narā niryāntyaraṇyāni nārībhiḥ saha kāminaḥ

"राजाविहीन देश में कामी पुरुष स्त्रियों के साथ तीव्रगामी वाहनों पर सवार होकर वनों की ओर नहीं जाते।"

श्लोक 19 (ayodhya.67.19)

नाराजके जनपदे धनवन्तः सुरक्षिताः। शेरते विवृतद्वाराः कृषिगोरक्षजीविनः॥ २-६७-१९ ॥

nārājake janapade dhanavantaḥ surakṣitāḥ| śerate vivṛtadvārāḥ kṛṣigorakṣajīvinaḥ

"राजाविहीन देश में खेती और गोपालन से जीविका चलाने वाले धनी लोग अपने घरों के द्वार खुले रखकर निर्भय होकर नहीं सोते।"

श्लोक 20 (ayodhya.67.20)

नाराजके जनपदे बद्धघण्टा विषाणिनः। आटन्ति राजमार्गेषु कुञ्जराः षष्टिहायनाः॥ २-६७-२० ॥

nārājake janapade baddhaghaṇṭā viṣāṇinaḥ| āṭanti rājamārgeṣu kuñjarāḥ ṣaṣṭihāyanāḥ

"राजाविहीन देश में साठ वर्ष के तुषार-युक्त हाथी, जिनके दाँतों में घण्टियाँ बँधी होती थीं, राजमार्गों पर विचरण नहीं करते।"

श्लोक 21 (ayodhya.67.21)

नाराजके जनपदे शरान् सततमस्यताम्। श्रूयते तलनिर्घोषो इष्वस्त्राणामुपासने॥ २-६७-२१ ॥

nārājake janapade śarān satatamasyatām| śrūyate talanirghoṣo iṣvastrāṇāmupāsane

"राजाविहीन देश में निरन्तर बाण छोड़ने वाले धनुर्धरों के, धनुर्विद्या के अभ्यास में, हथेली की टंकार सुनाई नहीं पड़ती।"

श्लोक 22 (ayodhya.67.22)

नाराजके जनपदे वणिजो दूरगामिनः। गच्छन्ति क्षेममध्वानं बहुपुण्यसमाचिताः॥ २-६७-२२ ॥

nārājake janapade vaṇijo dūragāminaḥ| gacchanti kṣemamadhvānaṃ bahupuṇyasamācitāḥ

"राजाविहीन देश में दूर देशों को जाने वाले, अनेक पुण्यों से युक्त व्यापारी सुरक्षित मार्ग से यात्रा नहीं कर पाते।"

श्लोक 23 (ayodhya.67.23)

नाराजके जनपदे चरत्येकचरो वशी। भावयन्नात्मनात्मानं यत्र सायंगृहो मुनिः॥ २-६७-२३ ॥

nārājake janapade caratyekacaro vaśī| bhāvayannātmanātmānaṃ yatra sāyaṃgṛho muniḥ

"राजाविहीन देश में इन्द्रियजयी मुनि, जो अपने आत्मा से आत्मा का ही चिन्तन करते हुए अकेले विचरण करते हैं और जहाँ सन्ध्या हो वहीं निवास कर लेते हैं, विचरण नहीं करते।"

श्लोक 24 (ayodhya.67.24)

नाराजके जनपदे योगक्षेमं प्रवर्तते। न चाप्यराजके सेना शत्रून् विषहते युधि॥ २-६७-२४ ॥

nārājake janapade yogakṣemaṃ pravartate| na cāpyarājake senā śatrūn viṣahate yudhi

"राजाविहीन देश में सुरक्षा और समृद्धि सम्भव नहीं होती, और राजाविहीन में सेना युद्ध में शत्रुओं का सामना भी नहीं कर पाती।"

श्लोक 25 (ayodhya.67.25)

नाराजके जनपदे हृष्टैः परमवाजिभिः। नराः संयान्ति सहसा रथैश्च परिमण्डिताः॥ २-६७-२५ ॥

nārājake janapade hṛṣṭaiḥ paramavājibhiḥ| narāḥ saṃyānti sahasā rathaiśca parimaṇḍitāḥ

"राजाविहीन देश में लोग उत्तम अश्वों पर और सुसज्जित रथों पर सवार होकर हर्षपूर्वक तेजी से नहीं निकलते।"

श्लोक 26 (ayodhya.67.26)

नाराजके जनपदे नराः शास्त्रविशारदाः। संपदन्तोऽवतिष्ठन्ते वनेषूपवनेषु च॥ २-६७-२६ ॥

nārājake janapade narāḥ śāstraviśāradāḥ| saṃpadanto'vatiṣṭhante vaneṣūpavaneṣu ca

"राजाविहीन देश में शास्त्रों में निपुण, समृद्ध लोग वनों और उपवनों में जाकर नहीं ठहरते।"

श्लोक 27 (ayodhya.67.27)

नाराजके जनपदे माल्यमोदकदक्षिणाः। देवताभ्यर्चनार्थं कल्प्यन्ते नियतैर्जनैः॥ २-६७-२७ ॥

nārājake janapade mālyamodakadakṣiṇāḥ| devatābhyarcanārthaṃ kalpyante niyatairjanaiḥ

"राजाविहीन देश में देवताओं की पूजा के लिए नियमपूर्वक रहने वाले लोगों द्वारा माला, मिष्ठान्न और दक्षिणा नहीं जुटाई जाती।"

श्लोक 28 (ayodhya.67.28)

नाराजके जनपदे चन्दनागुरुरूषिताः। राजपुत्रा विराजन्ते वसन्ते इव शाखिनः॥ २-६७-२८ ॥

nārājake janapade candanāgururūṣitāḥ| rājaputrā virājante vasante iva śākhinaḥ

"राजाविहीन देश में चन्दन और अगुरु से अनुलिप्त राजकुमार, वसन्त में वृक्षों के समान, शोभायमान नहीं होते।"

श्लोक 29 (ayodhya.67.29)

यथा ह्यनुदका नद्यो यथा वाप्यतृणं वनम्। अगोपाला यथा गावस्तथा राष्ट्रमराजकम्॥ २-६७-२९ ॥

yathā hyanudakā nadyo yathā vāpyatṛṇaṃ vanam| agopālā yathā gāvastathā rāṣṭramarājakam

"जैसे जल-रहित नदियाँ, जैसे तृण-रहित वन, जैसे गोपाल-रहित गौएँ - वैसा ही होता है राजा-रहित राष्ट्र।"

श्लोक 30 (ayodhya.67.30)

ध्वजो रथस्य प्रज्ञानं धूमो ज्ञानं विभावसोः। तेषां यो नो ध्वजो राजा स देवत्वमितो गतः॥ २-६७-३० ॥

dhvajo rathasya prajñānaṃ dhūmo jñānaṃ vibhāvasoḥ| teṣāṃ yo no dhvajo rājā sa devatvamito gataḥ

"रथ की पहचान उसकी ध्वजा से होती है, अग्नि की पहचान धुएँ से होती है; उन सबकी भाँति जो राजा हमारी पहचान का ध्वज थे, वे देवत्व को प्राप्त होकर यहाँ से चले गए।"

श्लोक 31 (ayodhya.67.31)

नाराजके जनपदे स्वकं भवति कस्यचित्। मत्स्या इव नरा नित्यं भक्षयन्ति परस्परम्॥ २-६७-३१ ॥

nārājake janapade svakaṃ bhavati kasyacit| matsyā iva narā nityaṃ bhakṣayanti parasparam

"राजाविहीन देश में किसी की कोई वस्तु अपनी नहीं रहती; मछलियों की भाँति लोग सदा एक-दूसरे को निगलते रहते हैं।"

श्लोक 32 (ayodhya.67.32)

ये हि संभिन्नमर्यादा नास्तिकाश्चिह्नसंशयाः। तेऽपि भावाय कल्पन्ते राजदण्डनिपीडिताः॥ २-६७-३२ ॥

ye hi saṃbhinnamaryādā nāstikāścihnasaṃśayāḥ| te'pi bhāvāya kalpante rājadaṇḍanipīḍitāḥ

"जो सारी मर्यादाएँ तोड़ चुके हैं, जो नास्तिक हैं और सन्देह से भरे हुए हैं, वे भी राजदण्ड से दबकर अच्छे आचरण के योग्य बन जाते हैं।"

श्लोक 33 (ayodhya.67.33)

यथा दृष्टिः शरीरस्य नित्यमेव प्रवर्तते। तथा नरेन्द्रो राष्ट्रस्य प्रभवः सत्यधर्मयोः॥ २-६७-३३ ॥

yathā dṛṣṭiḥ śarīrasya nityameva pravartate| tathā narendro rāṣṭrasya prabhavaḥ satyadharmayoḥ

"जैसे दृष्टि सदैव शरीर के लिए कार्यरत रहती है, वैसे ही राजा राष्ट्र में सत्य और धर्म का उद्गम-स्रोत होता है।"

श्लोक 34 (ayodhya.67.34)

राजा सत्यं च धर्मश्च राजा कुलवतां कुलम्। राजा माता पिता चैव राजा हितकरो नृणाम्॥ २-६७-३४ ॥

rājā satyaṃ ca dharmaśca rājā kulavatāṃ kulam| rājā mātā pitā caiva rājā hitakaro nṛṇām

"राजा ही सत्य है, राजा ही धर्म है, राजा ही कुलीनों का कुल है; राजा ही माता है, राजा ही पिता है, राजा ही मनुष्यों का हितकारी है।"

श्लोक 35 (ayodhya.67.35)

यमो वैश्रवणः शक्रो वरुणश्च महाबलः। विशेष्यन्ते नरेन्द्रेण वृत्तेन महता ततः॥ २-६७-३५ ॥

yamo vaiśravaṇaḥ śakro varuṇaśca mahābalaḥ| viśeṣyante narendreṇa vṛttena mahatā tataḥ

"यम, वैश्रवण (कुबेर), शक्र (इन्द्र), और महाबली वरुण - इन सबकी भी विशेषता एक नरेन्द्र के महान आचरण से ही प्रकट होती है।"

श्लोक 36 (ayodhya.67.36)

अहो तमसैवेदं स्यान्न प्रज्ञायेत किंचन। राजा चेन्न भवेल्लोके विभजन् साध्वसाधुनी॥ २-६७-३६ ॥

aho tamasaivedaṃ syānna prajñāyeta kiṃcana| rājā cenna bhavelloke vibhajan sādhvasādhunī

"हाय! यदि संसार में साधु और असाधु का विवेचन करने वाला कोई राजा न हो, तो यह जगत् मानो घोर अन्धकार में डूब जाए और कुछ भी बोध न हो।"

श्लोक 37 (ayodhya.67.37)

जीवत्यपि महाराजे तवैव वचनं वयम्। नातिक्रमामहे सर्वे वेलां प्राप्येव सागरः॥ २-६७-३७ ॥

jīvatyapi mahārāje tavaiva vacanaṃ vayam| nātikramāmahe sarve velāṃ prāpyeva sāgaraḥ

"महाराज के जीवित रहते हुए भी हम सब सदा आपके ही वचन का पालन करते रहे हैं और उसका अतिक्रमण नहीं करते, जैसे समुद्र अपनी तट-रेखा को प्राप्त होकर उसका अतिक्रमण नहीं करता।"

श्लोक 38 (ayodhya.67.38)

स नः समीक्ष्य द्विजवर्य वृत्तं नृपं विना राज्यमरण्यभूतम्। कुमारमिक्ष्वाकुसुतं वदान्यं त्वमेव राजानमिहाभिषेचय॥ २-६७-३८ ॥

sa naḥ samīkṣya dvijavarya vṛttaṃ nṛpaṃ vinā rājyamaraṇyabhūtam| kumāramikṣvākusutaṃ vadānyaṃ tvameva rājānamihābhiṣecaya

"अतः हे ब्राह्मणश्रेष्ठ! हमारी यह दशा देखकर, राजा के बिना राज्य वन के समान हो गया है - अतः इक्ष्वाकुवंशी उदार कुमार को आप स्वयं ही यहाँ राजा के पद पर अभिषिक्त कीजिए।"