भरत का चित्रकूट की ओर प्रस्थान

श्लोक 1 (ayodhya.92.1)

ततः ताम् रजनीम् उष्य भरतः सपरिच्छदः। कृतातिथ्यो भरद्वाजम् कामाद् अभिजगाम ह॥ 92.1 ॥

tataḥ tām rajanīm uṣya bharataḥ saparicchadaḥ| kṛtātithyo bharadvājam kāmād abhijagāma ha

तत्पश्चात् उस रात्रि को अपने परिवार सहित वहीं बिताकर और ऐसा आतिथ्य पाकर, भरत अपनी इच्छा से पुनः भरद्वाज के पास गए।

श्लोक 2 (ayodhya.92.2)

तम् ऋषिः पुरुषव्याघ्रम् प्रेक्ष्य प्रान्जलिम् आगतम्। हुताग्निहोत्रो भरतम् भरद्वाजो अभ्यभाषत॥ 92.2 ॥

tam ṛṣiḥ puruṣavyāghram prekṣya prānjalim āgatam| hutāgnihotro bharatam bharadvājo abhyabhāṣata

हाथ जोड़कर आते हुए उस पुरुषश्रेष्ठ भरत को देखकर, अग्निहोत्र पूर्ण कर चुके भरद्वाज मुनि ने भरत से कहा—

श्लोक 3 (ayodhya.92.3)

कच्चिद् अत्र सुखा रात्रिः तव अस्मद्विषये गता। समग्रः ते जनः कच्चिद् आतिथ्ये शंस मे अनघ॥ 92.3 ॥

kaccid atra sukhā rātriḥ tava asmadviṣaye gatā| samagraḥ te janaḥ kaccid ātithye śaṃsa me anagha

"हे निष्पाप, आशा है तुम्हारी यह रात्रि हमारे यहाँ सुखपूर्वक बीती? मुझे बताओ, क्या तुम्हारे साथ आए सभी लोग आतिथ्य से संतुष्ट हैं?"

श्लोक 4 (ayodhya.92.4)

तम् उवाच अन्जलिम् कृत्वा भरतो अभिप्रणम्य च। आश्रमाद् अभिनिष्क्रान्तम् ऋषिम् उत्तमतेजसम्॥ 92.4 ॥

tam uvāca anjalim kṛtvā bharato abhipraṇamya ca| āśramād abhiniṣkrāntam ṛṣim uttamatejasam

आश्रम से बाहर निकले हुए उस परम तेजस्वी मुनि को हाथ जोड़कर और प्रणाम करके भरत ने उत्तर दिया—

श्लोक 5 (ayodhya.92.5)

सुखोषितो अस्मि भगवन् समग्रबलवाहनः। तर्पितः सर्वकामैः च सामात्यो बलवत्त्वया॥ 92.5 ॥

sukhoṣito asmi bhagavan samagrabalavāhanaḥ| tarpitaḥ sarvakāmaiḥ ca sāmātyo balavattvayā

"भगवन्, मैं अपनी संपूर्ण सेना और वाहनों सहित सुखपूर्वक रहा हूँ; आपने मुझे मंत्रियों सहित सभी को सभी कामनाओं से पूर्णतः तृप्त कर दिया है।"

श्लोक 6 (ayodhya.92.6)

अपेतक्लमसंतापाः सुभक्ष्याः सुप्रतिश्रयाः। अपि प्रेष्यान् उपादाय सर्वे स्म सुसुखोषिताः॥ 92.6 ॥

apetaklamasaṃtāpāḥ subhakṣyāḥ supratiśrayāḥ| api preṣyān upādāya sarve sma susukhoṣitāḥ

"हमारी थकान और कष्ट दूर हो गए हैं; हमें उत्तम भोजन और उत्तम आश्रय मिला—यहाँ तक कि हमारे सेवकों सहित हम सब अत्यंत सुखपूर्वक रहे हैं।"

श्लोक 7 (ayodhya.92.7)

आमन्त्रये अहम् भगवन् कामम् त्वाम् ऋषिसत्तम। समीपम् प्रस्थितम् भ्रातुर् मैत्रेण ईक्षस्व चक्षुषा॥ 92.7 ॥

āmantraye aham bhagavan kāmam tvām ṛṣisattama| samīpam prasthitam bhrātur maitreṇa īkṣasva cakṣuṣā

"भगवन्, हे ऋषिश्रेष्ठ, अब मैं सहर्ष आपसे विदा लेता हूँ। मैं अपने भाई के समीप जाने के लिए निकल रहा हूँ; आप मुझे स्नेह भरी दृष्टि से देखें।"

श्लोक 8 (ayodhya.92.8)

आश्रमम् तस्य धर्मज्ञ धार्मिकस्य महात्मनः। आचक्ष्व कतमो मार्गः कियान् इति च शंस मे॥ 92.8 ॥

āśramam tasya dharmajña dhārmikasya mahātmanaḥ| ācakṣva katamo mārgaḥ kiyān iti ca śaṃsa me

"हे धर्मज्ञ, उस धर्मात्मा महात्मा राम के आश्रम के बारे में बताइए—कौन-सा मार्ग वहाँ जाता है और वह कितनी दूर है, यह मुझे बताइए।"

श्लोक 9 (ayodhya.92.9)

इति पृष्टः तु भरतम् भ्रातृदर्शनलालसम्। प्रत्युवाच महातेजा भरद्वाजो महातपाः॥ 92.9 ॥

iti pṛṣṭaḥ tu bharatam bhrātṛdarśanalālasam| pratyuvāca mahātejā bharadvājo mahātapāḥ

भाई के दर्शन की उत्कट लालसा रखने वाले भरत के इस प्रकार पूछने पर महातेजस्वी, महातपस्वी भरद्वाज ने उत्तर दिया—

श्लोक 10 (ayodhya.92.10)

भरतार्धतृतीयेषु योजनेषु अजने वने। चित्रकूटो गिरिः तत्र रम्यनिर्दरकाननः॥ 92.10 ॥

bharatārdhatṛtīyeṣu yojaneṣu ajane vane| citrakūṭo giriḥ tatra ramyanirdarakānanaḥ

"हे भरत, यहाँ से लगभग ढाई योजन दूर, एक निर्जन वन में, चित्रकूट नामक पर्वत है, जिसकी गुफाएँ और वन अत्यंत रमणीय हैं।"

श्लोक 11 (ayodhya.92.11)

उत्तरम् पार्श्वम् आसाद्य तस्य मन्दाकिनी नदी। पुष्पितद्रुमसंछन्ना रम्यपुष्पितकानना॥ 92.11 ॥

uttaram pārśvam āsādya tasya mandākinī nadī| puṣpitadrumasaṃchannā ramyapuṣpitakānanā

"उसके उत्तरी भाग की ओर पहुँचने पर तुम्हें मन्दाकिनी नदी मिलेगी, जो पुष्पित वृक्षों से आच्छादित है और जिसके वन रमणीय पुष्पों से भरे हैं।"

श्लोक 12 (ayodhya.92.12)

अनन्तरम् तत् सरितः चित्रकूटः च पर्वतः। ततः पर्णकुटी तात तत्र तौ वसतो ध्रुवम्॥ 92.12 ॥

anantaram tat saritaḥ citrakūṭaḥ ca parvataḥ| tataḥ parṇakuṭī tāta tatra tau vasato dhruvam

"उस नदी से आगे ही चित्रकूट पर्वत है, और वहीं उनकी पर्णकुटी है; हे तात, वे दोनों निश्चय ही वहीं निवास करते हैं।"

श्लोक 13 (ayodhya.92.13)

दक्षिणेन एव मार्गेण सव्यदक्षिणम् एव वा। गजवाजिरथाकीर्णाम् वाहिनीम् वाहिनीपते। वाहयस्व महाभाग ततो द्रक्ष्यसि राघवम्॥ 92.13 ॥

dakṣiṇena eva mārgeṇa savyadakṣiṇam eva vā| gajavājirathākīrṇām vāhinīm vāhinīpate| vāhayasva mahābhāga tato drakṣyasi rāghavam

"हे सेनापते, हाथी-घोड़े-रथों से भरी अपनी सेना को दक्षिण मार्ग से ही, चाहे बाएँ-दाएँ मुड़ते हुए भी, आगे बढ़ाओ; तब तुम राघव के दर्शन करोगे।"

श्लोक 14 (ayodhya.92.14)

प्रयाणम् इति तत् श्रुत्वा राजराजस्य योषितः। हित्वा यानानि यानार्हा ब्राह्मणम् पर्यवारयन्॥ 92.14 ॥

prayāṇam iti tat śrutvā rājarājasya yoṣitaḥ| hitvā yānāni yānārhā brāhmaṇam paryavārayan

यह प्रस्थान की बात सुनकर, महाराज की वे रानियाँ, यद्यपि वाहन पर बैठने की अधिकारिणी थीं, फिर भी अपने वाहनों को छोड़कर उस ब्राह्मण-मुनि को घेरकर खड़ी हो गईं।

श्लोक 15 (ayodhya.92.15)

वेपमाना कृशा दीना सह देव्या सुमित्रया। कौसल्या तत्र जग्राह कराभ्याम् चरणौ मुनेः॥ 92.15 ॥

vepamānā kṛśā dīnā saha devyā sumitrayā| kausalyā tatra jagrāha karābhyām caraṇau muneḥ

काँपती हुई, दुबली और व्यथित कौसल्या ने सुमित्रा देवी के साथ वहाँ अपने दोनों हाथों से मुनि के चरण पकड़ लिए।

श्लोक 16 (ayodhya.92.16)

असमृद्धेन कामेन सर्वलोकस्य गर्हिता। कैकेयी तस्य जग्राह चरणौ सव्यपत्रपा॥ 92.16 ॥

asamṛddhena kāmena sarvalokasya garhitā| kaikeyī tasya jagrāha caraṇau savyapatrapā

कैकेयी भी, जिसकी इच्छा अधूरी रह गई थी और जो अब सारे संसार में निंदित हो चुकी थी, लज्जित होकर उनके चरण पकड़ने लगी।

श्लोक 17 (ayodhya.92.17)

तम् प्रदक्षिणम् आगम्य भगवन्तम् महामुनिम्। अदूराद् भरतस्यैव तस्थौ दीनमनास्तदा॥ 92.17 ॥

tam pradakṣiṇam āgamya bhagavantam mahāmunim| adūrād bharatasyaiva tasthau dīnamanāstadā

उस भगवान महामुनि की प्रदक्षिणा करके वह उस समय खिन्न मन से भरत से कुछ ही दूर खड़ी हो गई।

श्लोक 18 (ayodhya.92.18)

ततः पप्रच्छ भरतम् भरद्वाजो दृढव्रतः। विशेषम् ज्ञातुम् इच्छामि मातॄणाम् तव राघव॥ 92.18 ॥

tataḥ papraccha bharatam bharadvājo dṛḍhavrataḥ| viśeṣam jñātum icchāmi mātṝṇām tava rāghava

तब दृढ़-व्रती भरद्वाज ने भरत से पूछा—"हे राघव, मैं तुम्हारी माताओं के विषय में विशेष जानना चाहता हूँ।"

श्लोक 19 (ayodhya.92.19)

एवम् उक्तः तु भरतो भरद्वाजेन धार्मिकः। उवाच प्रान्जलिर् भूत्वा वाक्यम् वचनकोविदः॥ 92.19 ॥

evam uktaḥ tu bharato bharadvājena dhārmikaḥ| uvāca prānjalir bhūtvā vākyam vacanakovidaḥ

भरद्वाज द्वारा इस प्रकार पूछे जाने पर, धर्मात्मा और वाणी में निपुण भरत ने हाथ जोड़कर उत्तर दिया—

श्लोक 20 (ayodhya.92.20)

याम् इमाम् भगवन् दीनाम् शोकानशनकर्शिताम्। पितुर् हि महिषीम् देवीम् देवताम् इव पश्यसि॥ 92.20 ॥

yām imām bhagavan dīnām śokānaśanakarśitām| pitur hi mahiṣīm devīm devatām iva paśyasi

"भगवन्, यह जो दुखी स्त्री शोक और उपवास से क्षीण होकर देवी के समान दिखाई देती है, वह मेरे पिता की महारानी है।"

श्लोक 21 (ayodhya.92.21)

एषा तम् पुरुषव्याघ्रम् सिंहविक्रान्तगामिनम्। कौसल्या सुषुवे रामम् धातारम् अदितिर् यथा॥ 92.21 ॥

eṣā tam puruṣavyāghram siṃhavikrāntagāminam| kausalyā suṣuve rāmam dhātāram aditir yathā

"यही कौसल्या हैं, जिन्होंने सिंह के समान गति वाले उस पुरुषश्रेष्ठ राम को जन्म दिया, जैसे अदिति ने विष्णु को जन्म दिया था।"

श्लोक 22 (ayodhya.92.22)

अस्या वामभुजम् श्लिष्टा या एषा तिष्ठति दुर्मनाः। कर्णिकारस्य शाखा इव शीर्णपुष्पा वनान्तरे॥ 92.22 ॥

asyā vāmabhujam śliṣṭā yā eṣā tiṣṭhati durmanāḥ| karṇikārasya śākhā iva śīrṇapuṣpā vanāntare

"इनकी बाईं भुजा से लिपटी हुई, उदास खड़ी यह स्त्री, वन के भीतर मुरझाए फूलों वाली कर्णिकार वृक्ष की डाली के समान प्रतीत होती है—"

श्लोक 23 (ayodhya.92.23)

एतस्याः तौ सुतौ देव्याः कुमारौ देववर्णिनौ। उभौ लक्ष्मणशत्रुघ्नौ वीरौ सत्यपराक्रमौ॥ 92.23 ॥

etasyāḥ tau sutau devyāḥ kumārau devavarṇinau| ubhau lakṣmaṇaśatrughnau vīrau satyaparākramau

"—यह सुमित्रा हैं; और ये देवतुल्य दोनों राजकुमार, वीर लक्ष्मण और शत्रुघ्न, जो सत्य-पराक्रमी हैं, इन्हीं के पुत्र हैं।"

श्लोक 24 (ayodhya.92.24)

यस्याः कृते नरव्याघ्रौ जीवनाशम् इतो गतौ। राजा पुत्रविहीनः च स्वर्गम् दशरथो गतः॥ 92.24 ॥

yasyāḥ kṛte naravyāghrau jīvanāśam ito gatau| rājā putravihīnaḥ ca svargam daśaratho gataḥ

"और जिसके कारण वे दोनों नरश्रेष्ठ यहाँ अपने जीवन के नाश तक पहुँच गए, और पुत्र-वियोग में महाराज दशरथ स्वर्गवासी हो गए—"

श्लोक 25 (ayodhya.92.25)

क्रोधनाम् अकृतप्रज्ञाम् दृप्ताम् सुभगमानिनीम्। ऐश्वर्यकामाम् कैकेयीम् अनार्याम् आर्यरूपिणीम्॥ 92.25 ॥

krodhanām akṛtaprajñām dṛptām subhagamāninīm| aiśvaryakāmām kaikeyīm anāryām āryarūpiṇīm

"—उसी कैकेयी को जानिए, जो क्रोधी, अल्पबुद्धि, अहंकारी, अपने सौंदर्य पर गर्वित और सत्ता की लोभी है—आर्य का रूप धारण किए हुए भी अनार्य है—"

श्लोक 26 (ayodhya.92.26)

मम एताम् मातरम् विद्धि नृशंसाम् पापनिश्चयाम्। यतो मूलम् हि पश्यामि व्यसनम् महद् आत्मनः॥ 92.26 ॥

mama etām mātaram viddhi nṛśaṃsām pāpaniścayām| yato mūlam hi paśyāmi vyasanam mahad ātmanaḥ

"—उस क्रूर और पाप-संकल्प वाली स्त्री को ही मेरी यह माता जानिए, जिसमें मुझे अपने इस महान संकट की जड़ दिखाई देती है।"

श्लोक 27 (ayodhya.92.27)

इत्य् उक्त्वा नरशार्दूलो बाष्पगद्गदया गिरा। स निशश्वास ताम्राक्षो क्रुद्धो नाग इव असकृत्॥ 92.27 ॥

ity uktvā naraśārdūlo bāṣpagadgadayā girā| sa niśaśvāsa tāmrākṣo kruddho nāga iva asakṛt

यह कहकर वह नरश्रेष्ठ भरत आँसुओं से रुँधे स्वर में, लाल आँखें किए हुए, क्रुद्ध सर्प के समान बार-बार लंबी साँसें लेने लगा।

श्लोक 28 (ayodhya.92.28)

भरद्वाजो महर्षिः तम् ब्रुवन्तम् भरतम् तदा। प्रत्युवाच महाबुद्धिर् इदम् वचनम् अर्थवत्॥ 92.28 ॥

bharadvājo maharṣiḥ tam bruvantam bharatam tadā| pratyuvāca mahābuddhir idam vacanam arthavat

तब महाबुद्धिमान महर्षि भरद्वाज ने इस प्रकार बोलते हुए भरत को यह सारगर्भित उत्तर दिया—

श्लोक 29 (ayodhya.92.29)

न दोषेण अवगन्तव्या कैकेयी भरत त्वया। रामप्रव्राजनम् ह्य् एतत् सुखोदर्कम् भविष्यति॥ 92.29 ॥

na doṣeṇa avagantavyā kaikeyī bharata tvayā| rāmapravrājanam hy etat sukhodarkam bhaviṣyati

"हे भरत, तुम्हें कैकेयी को दोषी मानकर नहीं देखना चाहिए; राम का यह वनवास अंततः सुखद परिणाम ही देगा।"

श्लोक 30 (ayodhya.92.30)

देवानाम् दानवानाम् च ऋषीणाम् भावितात्मनाम्। हितमेव भविष्यद्धि रामप्रव्राजनाद् इह॥ 92.30 ॥

devānām dānavānām ca ṛṣīṇām bhāvitātmanām| hitameva bhaviṣyaddhi rāmapravrājanād iha

"क्योंकि राम के इस वनवास से देवताओं का, दानवों का, और शुद्ध-आत्मा ऋषियों का भी कल्याण ही होने वाला है।"

श्लोक 31 (ayodhya.92.31)

अभिवाद्य तु संसिद्धः कृत्वा च एनम् प्रदक्षिणम्। आमन्त्र्य भरतः सैन्यम् युज्यताम् इत्य् अचोदयत्॥ 92.31 ॥

abhivādya tu saṃsiddhaḥ kṛtvā ca enam pradakṣiṇam| āmantrya bharataḥ sainyam yujyatām ity acodayat

संतुष्ट होकर भरत ने उन्हें प्रणाम किया, उनकी प्रदक्षिणा की, और विदा लेकर सेना को आज्ञा दी—"प्रस्थान के लिए तैयार हो जाओ।"

श्लोक 32 (ayodhya.92.32)

ततो वाजिरथान् युक्त्वा दिव्यान् हेमपरिष्क्रितान्। अध्यारोहत् प्रयाणार्थी बहून् बहुविधो जनः॥ 92.32 ॥

tato vājirathān yuktvā divyān hemapariṣkritān| adhyārohat prayāṇārthī bahūn bahuvidho janaḥ

तत्पश्चात् प्रस्थान के इच्छुक अनेक प्रकार के लोग बड़ी संख्या में उन स्वर्ण से अलंकृत, अश्वों से जुते हुए दिव्य रथों पर सवार हो गए।

श्लोक 33 (ayodhya.92.33)

गजकन्या गजाः चैव हेमकक्ष्याः पताकिनः। जीमूता इव घर्मान्ते सघोषाः संप्रतस्थिरे॥ 92.33 ॥

gajakanyā gajāḥ caiva hemakakṣyāḥ patākinaḥ| jīmūtā iva gharmānte saghoṣāḥ saṃpratasthire

सोने के पेटियों से बँधे और पताकाओं से सुशोभित हाथी-हथिनियाँ ग्रीष्म ऋतु के अंत में गरजते हुए मेघों के समान गर्जना करते हुए चल पड़े।

श्लोक 34 (ayodhya.92.34)

विविधानि अपि यानानि महानि च लघूनि च। प्रययुः सुमहार्हाणि पादैर् एव पदातयः॥ 92.34 ॥

vividhāni api yānāni mahāni ca laghūni ca| prayayuḥ sumahārhāṇi pādair eva padātayaḥ

नाना प्रकार के, बड़े-छोटे और अत्यंत बहुमूल्य वाहन आगे बढ़ने लगे; पैदल सैनिक अपने पैरों से ही चलते रहे।

श्लोक 35 (ayodhya.92.35)

अथ यानप्रवेकैः तु कौसल्याप्रमुखाः स्त्रियः। रामदर्शनकाङ्क्षिण्यः प्रययुर् मुदितास्तदा॥ 92.35 ॥

atha yānapravekaiḥ tu kausalyāpramukhāḥ striyaḥ| rāmadarśanakāṅkṣiṇyaḥ prayayur muditāstadā

तत्पश्चात् कौसल्या-प्रमुख वे स्त्रियाँ, जो राम के दर्शन की उत्कण्ठा से भरी थीं, उत्तम वाहनों पर सवार होकर प्रसन्नतापूर्वक चल पड़ीं।

श्लोक 36 (ayodhya.92.36)

चन्द्रार्कतरुणाभासाम् नियुक्ताम् शिबिकाम् शुभाम्। आस्थाय प्रययौ श्रीमान् भरतः सपरिच्छदः॥ 92.36 ॥

candrārkataruṇābhāsām niyuktām śibikām śubhām| āsthāya prayayau śrīmān bharataḥ saparicchadaḥ

श्रीमान् भरत भी अपने परिवार सहित उस शुभ, चन्द्र-सूर्य के समान कोमल आभा वाली, तैयार पालकी पर सवार होकर चल पड़े।

श्लोक 37 (ayodhya.92.37)

सा प्रयाता महासेना गजवाजिरथाकुला। दक्षिणाम् दिशम् आवृत्य महामेघ इव उत्थितः॥ 92.37 ॥

sā prayātā mahāsenā gajavājirathākulā| dakṣiṇām diśam āvṛtya mahāmegha iva utthitaḥ

हाथी-घोड़े-रथों से खचाखच भरी वह विशाल सेना दक्षिण दिशा की ओर मुड़कर, आकाश में उठे हुए विशाल मेघ के समान आगे बढ़ चली।

श्लोक 38 (ayodhya.92.38)

वनानि तु व्यतिक्रम्य जुष्टानि मृगपक्षिभिः। गङ्गायाः परवेलायाम् गिरिष्व् अपि नदीषु च॥ 92.38 ॥

vanāni tu vyatikramya juṣṭāni mṛgapakṣibhiḥ| gaṅgāyāḥ paravelāyām giriṣv api nadīṣu ca

—मृगों और पक्षियों से भरे हुए वनों को पार करते हुए, गंगा के उस पार, पर्वतों और नदियों के बीच से होकर,

श्लोक 39 (ayodhya.92.39)

सा संप्रहृष्टद्विपवाजियोधा। वित्रासयन्ती मृगपक्षिसंघान्। महद् वनम् तत् प्रविगाहमाना। रराज सेना भरतस्य तत्र॥ 92.39 ॥

sā saṃprahṛṣṭadvipavājiyodhā| vitrāsayantī mṛgapakṣisaṃghān| mahad vanam tat pravigāhamānā| rarāja senā bharatasya tatra

—हाथियों, घोड़ों और योद्धाओं से हर्षित वह भरत की सेना, मृगों और पक्षियों के झुंडों को भयभीत करती हुई, उस विशाल वन में गहराई तक प्रवेश करती हुई, वहाँ अत्यंत शोभायमान हो उठी।