चित्रकूट-दर्शन

श्लोक 1 (ayodhya.93.1)

तया महत्या यायिन्या ध्वजिन्या वनवासिनः। अर्दिता यूथपा मत्ताः सयूथाः संप्रदुद्रुवुः॥ 93.1 ॥

tayā mahatyā yāyinyā dhvajinyā vanavāsinaḥ| arditā yūthapā mattāḥ sayūthāḥ saṃpradudruvuḥ

उस विशाल, गतिशील, ध्वजाओं से सुसज्जित सेना से त्रस्त होकर वन में रहने वाले मदमत्त यूथपति अपने-अपने झुंडों सहित भाग खड़े हुए।

श्लोक 2 (ayodhya.93.2)

ऋक्षाः पृषतसंघाः च रुरवः च समन्ततः। दृश्यन्ते वनराजीषु गिरिषु अपि नदीषु च॥ 93.2 ॥

ṛkṣāḥ pṛṣatasaṃghāḥ ca ruravaḥ ca samantataḥ| dṛśyante vanarājīṣu giriṣu api nadīṣu ca

भालू, चित्तीदार मृगों के झुंड और रुरु मृग चारों ओर वन-पंक्तियों में, पर्वतों पर तथा नदियों के किनारे दिखाई देने लगे।

श्लोक 3 (ayodhya.93.3)

स संप्रतस्थे धर्मात्मा प्रीतो दशरथात्मजः। वृतो महत्या नादिन्या सेनया चतुरङ्गया॥ 93.3 ॥

sa saṃpratasthe dharmātmā prīto daśarathātmajaḥ| vṛto mahatyā nādinyā senayā caturaṅgayā

वह धर्मात्मा दशरथ-पुत्र भरत प्रसन्न होकर, अपनी उस विशाल, गर्जती हुई चतुरंगिणी सेना से घिरे हुए आगे बढ़ चला।

श्लोक 4 (ayodhya.93.4)

सागरौघनिभा सेना भरतस्य महात्मनः। महीम् संछादयाम् आस प्रावृषि द्याम् इव अम्बुदः॥ 93.4 ॥

sāgaraughanibhā senā bharatasya mahātmanaḥ| mahīm saṃchādayām āsa prāvṛṣi dyām iva ambudaḥ

महात्मा भरत की वह सेना, समुद्र की उमड़ती लहरों के समान, पृथ्वी को उसी प्रकार आच्छादित कर रही थी जैसे वर्षा ऋतु में मेघ आकाश को ढक लेते हैं।

श्लोक 5 (ayodhya.93.5)

तुरंगौघैर् अवतता वारणैः च महाजवैः। अनालक्ष्या चिरं कालम् तस्मिन् काले बभूव भूः॥ 93.5 ॥

turaṃgaughair avatatā vāraṇaiḥ ca mahājavaiḥ| anālakṣyā ciraṃ kālam tasmin kāle babhūva bhūḥ

घोड़ों और अत्यंत वेगवान हाथियों की बाढ़ से आच्छादित होकर, उस समय पृथ्वी बहुत देर तक दिखाई ही नहीं देती थी।

श्लोक 6 (ayodhya.93.6)

स यात्वा दूरम् अध्वानम् सुपरिश्रान्तवाहनः। उवाच भरतः श्रीमान् वसिष्ठम् मन्त्रिणाम् वरम्॥ 93.6 ॥

sa yātvā dūram adhvānam supariśrāntavāhanaḥ| uvāca bharataḥ śrīmān vasiṣṭham mantriṇām varam

लंबी दूरी तय करने पर, जब वाहन पूर्णतः थक चुके थे, तब श्रीमान् भरत ने मंत्रियों में श्रेष्ठ वसिष्ठ से कहा—

श्लोक 7 (ayodhya.93.7)

यादृशम् लक्ष्यते रूपम् यथा चैव श्रुतम् मया। व्यक्तम् प्राप्ताः स्म तम् देशम् भरद्वाजो यम् अब्रवीत्॥ 93.7 ॥

yādṛśam lakṣyate rūpam yathā caiva śrutam mayā| vyaktam prāptāḥ sma tam deśam bharadvājo yam abravīt

"जैसा रूप अभी दिखाई दे रहा है और जैसा मैंने सुना था, उसके अनुसार स्पष्ट है कि हम उसी स्थान पर पहुँच गए हैं जिसका वर्णन भरद्वाज ने किया था।"

श्लोक 8 (ayodhya.93.8)

अयम् गिरिः चित्रकूटः तथा मन्दाकिनी नदी। एतत् प्रकाशते दूरान् नीलमेघनिभम् वनम्॥ 93.8 ॥

ayam giriḥ citrakūṭaḥ tathā mandākinī nadī| etat prakāśate dūrān nīlameghanibham vanam

"यही चित्रकूट पर्वत है और यही मन्दाकिनी नदी; दूर से यह वन नीले मेघ के समान चमकता दिखाई दे रहा है।"

श्लोक 9 (ayodhya.93.9)

गिरेः सानूनि रम्याणि चित्रकूटस्य संप्रति। वारणैर् अवमृद्यन्ते मामकैः पर्वतोपमैः॥ 93.9 ॥

gireḥ sānūni ramyāṇi citrakūṭasya saṃprati| vāraṇair avamṛdyante māmakaiḥ parvatopamaiḥ

"इस समय चित्रकूट पर्वत की सुंदर चोटियाँ मेरे ही पर्वत-सदृश हाथियों द्वारा रौंदी जा रही हैं।"

श्लोक 10 (ayodhya.93.10)

मुन्चन्ति कुसुमान्य् एते नगाः पर्वतसानुषु। नीला इव आतपापाये तोयम् तोयधरा घनाः॥ 93.10 ॥

muncanti kusumāny ete nagāḥ parvatasānuṣu| nīlā iva ātapāpāye toyam toyadharā ghanāḥ

"पर्वत की चोटियों पर ये वृक्ष अपने फूल इस प्रकार गिरा रहे हैं जैसे धूप हटने पर काले घने बादल जल बरसाते हैं।"

श्लोक 11 (ayodhya.93.11)

किन्नराचरितोद्देशम् पश्य शत्रुघ्न पर्वतम्। हयैः समन्ताद् आकीर्णम् मकरैर् इव सागरम्॥ 93.11 ॥

kinnarācaritoddeśam paśya śatrughna parvatam| hayaiḥ samantād ākīrṇam makarair iva sāgaram

"देखो शत्रुघ्न, यह पर्वत जो पहले किन्नरों से विचरित था, अब चारों ओर घोड़ों से इस प्रकार भर गया है जैसे समुद्र मगरमच्छों से भरा रहता है।"

श्लोक 12 (ayodhya.93.12)

एते मृगगणा भान्ति शीघ्रवेगाः प्रचोदिताः। वायुप्रविद्धाः शरदि मेघराज्य इव अम्बरे॥ 93.12 ॥

ete mṛgagaṇā bhānti śīghravegāḥ pracoditāḥ| vāyupraviddhāḥ śaradi megharājya iva ambare

"ये मृगों के झुंड, भयभीत होकर तीव्र वेग से भागते हुए, शरद ऋतु के आकाश में वायु से उड़ते हुए मेघों के समूह के समान प्रतीत होते हैं।"

श्लोक 13 (ayodhya.93.13)

कुर्वन्ति कुसुमापीडान् शिरःसु सुरभीन् अमी। मेघप्रकाशैः फलकैर् दाक्षिणात्या यथा नराः॥ 93.13 ॥

kurvanti kusumāpīḍān śiraḥsu surabhīn amī| meghaprakāśaiḥ phalakair dākṣiṇātyā yathā narāḥ

"ये वृक्ष अपने सिरों पर सुगंधित पुष्पों के मुकुट धारण किए हुए-से हैं, और इनके मेघ-सदृश चमकीले पत्ते दक्षिण देश के लोगों के ढाल जैसे प्रतीत होते हैं।"

श्लोक 14 (ayodhya.93.14)

निष्कूजम् इव भूत्वा इदम् वनम् घोरप्रदर्शनम्। अयोध्या इव जनाकीर्णा संप्रति प्रतिभाति मा॥ 93.14 ॥

niṣkūjam iva bhūtvā idam vanam ghorapradarśanam| ayodhyā iva janākīrṇā saṃprati pratibhāti mā

"यह वन, जो पहले सुनसान और भयावह दिखता था, अब मुझे मानो अयोध्या के समान जन-समूह से भरा हुआ प्रतीत हो रहा है।"

श्लोक 15 (ayodhya.93.15)

खुरैर् उदीरितो रेणुर् दिवम् प्रच्छाद्य तिष्ठति। तम् वहत्य् अनिलः शीघ्रम् कुर्वन्न् इव मम प्रियम्॥ 93.15 ॥

khurair udīrito reṇur divam pracchādya tiṣṭhati| tam vahaty anilaḥ śīghram kurvann iva mama priyam

"खुरों से उठी हुई धूल आकाश को ढक लेती है, परंतु वायु मानो मुझे प्रसन्न करने के लिए उसे तुरंत ही उड़ा ले जाती है।"

श्लोक 16 (ayodhya.93.16)

स्यन्दनान् तुरगोपेतान् सूतमुख्यैर् अधिष्ठितान्। एतान् संपततः शीघ्रम् पश्य शत्रुघ्न कानने॥ 93.16 ॥

syandanān turagopetān sūtamukhyair adhiṣṭhitān| etān saṃpatataḥ śīghram paśya śatrughna kānane

"देखो शत्रुघ्न, घोड़ों से जुते और प्रमुख सारथियों द्वारा हाँके जाते हुए ये रथ इस वन में कितनी तेजी से दौड़ रहे हैं।"

श्लोक 17 (ayodhya.93.17)

एतान् वित्रासितान् पश्य बर्हिणः प्रियदर्शनान्। एतम् आविशतः शैलम् अधिवासम् पतत्रिणाम्॥ 93.17 ॥

etān vitrāsitān paśya barhiṇaḥ priyadarśanān| etam āviśataḥ śailam adhivāsam patatriṇām

"देखो, इन सुंदर मयूरों को, जो भयभीत होकर पक्षियों के इस निवास-स्थान पर्वत में जा छिप रहे हैं।"

श्लोक 18 (ayodhya.93.18)

अतिमात्रम् अयम् देशो मनोज्ञः प्रतिभाति मा। तापसानाम् निवासो अयम् व्यक्तम् स्वर्गपथो यथा॥ 93.18 ॥

atimātram ayam deśo manojñaḥ pratibhāti mā| tāpasānām nivāso ayam vyaktam svargapatho yathā

"यह प्रदेश मुझे अत्यंत मनोहर प्रतीत होता है; यह स्पष्टतः तपस्वियों का निवास-स्थान है, मानो स्वर्ग का मार्ग ही हो।"

श्लोक 19 (ayodhya.93.19)

मृगा मृगीभिः सहिता बहवः पृषता वने। मनोज्ञरूपा लक्ष्यन्ते कुसुमैर् इव चित्रिताः॥ 93.19 ॥

mṛgā mṛgībhiḥ sahitā bahavaḥ pṛṣatā vane| manojñarūpā lakṣyante kusumair iva citritāḥ

"इस वन में हिरनियों के साथ अनेक चित्तीदार मृग मनोहर रूप में दिखाई दे रहे हैं, मानो फूलों से चित्रित किए गए हों।"

श्लोक 20 (ayodhya.93.20)

साधु सैन्याः प्रतिष्ठन्ताम् विचिन्वन्तु च काननम्। यथा तौ पुरुषव्याघ्रौ दृश्येते रामलक्ष्मणौ॥ 93.20 ॥

sādhu sainyāḥ pratiṣṭhantām vicinvantu ca kānanam| yathā tau puruṣavyāghrau dṛśyete rāmalakṣmaṇau

"अब सैनिक भलीभाँति आगे बढ़ें और वन की खोज करें, जिससे उन दोनों पुरुषश्रेष्ठ राम और लक्ष्मण के दर्शन हो सकें।"

श्लोक 21 (ayodhya.93.21)

भरतस्य वचः श्रुत्वा पुरुषाः शस्त्रपाणयः। विविशुः तद् वनम् शूराः धूमम् च ददृशुः ततः॥ 93.21 ॥

bharatasya vacaḥ śrutvā puruṣāḥ śastrapāṇayaḥ| viviśuḥ tad vanam śūrāḥ dhūmam ca dadṛśuḥ tataḥ

भरत के वचन सुनकर शस्त्रधारी वीर पुरुष उस वन में घुस गए और वहाँ उन्हें धुएँ का एक स्तम्भ दिखाई दिया।

श्लोक 22 (ayodhya.93.22)

ते समालोक्य धूमाग्रम् ऊचुर् भरतम् आगताः। न अमनुष्ये भवत्य् अग्निः व्यक्तम् अत्र एव राघवौ॥ 93.22 ॥

te samālokya dhūmāgram ūcur bharatam āgatāḥ| na amanuṣye bhavaty agniḥ vyaktam atra eva rāghavau

उस धुएँ के स्तम्भ को देखकर वे लौट आए और भरत से बोले—"निर्जन स्थान में अग्नि नहीं जलती; स्पष्ट है कि यहीं कहीं दोनों राघव हैं।"

श्लोक 23 (ayodhya.93.23)

अथ न अत्र नरव्याघ्रौ राजपुत्रौ परन्तपौ। अन्ये रामोपमाः सन्ति व्यक्तम् अत्र तपस्विनः॥ 93.23 ॥

atha na atra naravyāghrau rājaputrau parantapau| anye rāmopamāḥ santi vyaktam atra tapasvinaḥ

"और यदि वे दोनों नरश्रेष्ठ, शत्रु-संतापी राजकुमार यहाँ न भी हों, तो निश्चय ही यहाँ राम के समान अन्य तपस्वी विद्यमान हैं।"

श्लोक 24 (ayodhya.93.24)

तत् श्रुत्वा भरतः तेषाम् वचनम् साधुसम्मतम्। सैन्यान् उवाच सर्वान् तान् अमित्रबलमर्दनः॥ 93.24 ॥

tat śrutvā bharataḥ teṣām vacanam sādhusammatam| sainyān uvāca sarvān tān amitrabalamardanaḥ

उनके इस युक्तियुक्त वचन को सुनकर, शत्रु-सेना का मर्दन करने वाले भरत ने उन सभी सैनिकों से कहा—

श्लोक 25 (ayodhya.93.25)

यत्र भवन्तः तिष्ठन्तु न इतो गन्तव्यम् अग्रतः। अहम् एव गमिष्यामि सुमन्त्रो गुरुर् एव च॥ 93.25 ॥

yatra bhavantaḥ tiṣṭhantu na ito gantavyam agrataḥ| aham eva gamiṣyāmi sumantro gurur eva ca

"आप सब यहीं ठहरें; इससे आगे किसी को नहीं जाना है। मैं स्वयं ही सुमंत्र और अपने गुरु के साथ आगे जाऊँगा।"

श्लोक 26 (ayodhya.93.26)

एवम् उक्ताः ततः सर्वे तत्र तस्थुः समन्ततः। भरतो यत्र धूमाग्रम् तत्र दृष्टिम् समादधत्॥ 93.26 ॥

evam uktāḥ tataḥ sarve tatra tasthuḥ samantataḥ| bharato yatra dhūmāgram tatra dṛṣṭim samādadhat

यह आज्ञा पाकर वे सब वहीं चारों ओर ठहर गए, और भरत ने अपनी दृष्टि उसी धुएँ के स्तम्भ पर टिका दी।

श्लोक 27 (ayodhya.93.27)

व्यवस्थिता या भरतेन सा चमूः। निरीक्षमाणा अपि च धूमम् अग्रतः। बभूव हृष्टा नचिरेण जानती। प्रियस्य रामस्य समागमम् तदा॥ 93.27 ॥

vyavasthitā yā bharatena sā camūḥ| nirīkṣamāṇā api ca dhūmam agrataḥ| babhūva hṛṣṭā nacireṇa jānatī| priyasya rāmasya samāgamam tadā

भरत द्वारा रोकी गई वह सेना, आगे केवल धुएँ को ही देखते हुए भी, यह जानकर हर्षित हो उठी कि अपने प्रिय राम से मिलन अब निकट ही है।