नारद से प्रश्न

श्लोक 1 (bala.1.1)

तपःस्वाध्यायनिरतं तपस्वी वाग्विदां वरम् । नारदं परिपप्रच्छ वाल्मीकिर्मुनिपुङ्गवम् ॥ 1.1 ॥

tapaḥ svādhyāya niratām tapasvī vāgvidām varam | nāradam paripapraccha vālmīkiḥ muni puṃgavam

तपस्वी वाल्मीकि, जो मुनियों में श्रेष्ठ थे, ने नारद से पूछा — जो तप और स्वाध्याय में सदैव लीन रहते थे और वाणी के ज्ञाताओं में सर्वश्रेष्ठ थे।

श्लोक 2 (bala.1.2)

को न्वस्मिन् साम्प्रतं लोके गुणवान् कश्च वीर्यवान् । धर्मज्ञश्च कृतज्ञश्च सत्यवाक्यो दृढव्रतः ॥ 1.2 ॥

kaḥ nu asmin sāṃpratam loke guṇavān kaḥ ca vīryavān | dharmajñaḥ ca kṛtajñaḥ ca satya vākyo dhṛḍha vrataḥ

"इस समय इस संसार में कौन गुणवान और पराक्रमी है? कौन धर्म को जानने वाला, कृतज्ञ, सत्यवादी और दृढ़-प्रतिज्ञ है?"

श्लोक 3 (bala.1.3)

चारित्रेण च को युक्तः सर्वभूतेषु को हितः । विद्वान् कः कः समर्थश्च कश्चैकप्रियदर्शनः ॥ 1.3 ॥

cāritreṇa ca ko yuktaḥ sa^^rva bhūteṣu ko hitaḥ | vidvān kaḥ kaḥ samarthaḥ ca kaḥ ca eka priya darśanaḥ

"कौन सदाचार से युक्त है, सब प्राणियों का हितैषी है, विद्वान और समर्थ है, तथा जिसका दर्शन अद्वितीय रूप से मनोहर है?"

श्लोक 4 (bala.1.4)

आत्मवान् को जितक्रोधो द्युतिमान् कोऽनसूयकः । कस्य बिभ्यति देवाश्च जातरोषस्य संयुगे ॥ 1.4 ॥

ātmavān ko jita krodho dyutimān kaḥ anasūyakaḥ | kasya bibhyati devāḥ ca jāta roṣasya saṃyuge

"कौन आत्मसंयमी है, क्रोध पर विजय पा चुका है, तेजस्वी और ईर्ष्यारहित है, तथा युद्ध में क्रोधित होने पर जिससे देवता भी भयभीत होते हैं?"

श्लोक 5 (bala.1.5)

एतदिच्छाम्यहं श्रोतुं परं कौतूहलं हि मे । महर्षे त्वं समर्थोऽसि ज्ञातुमेवंविधं नरम् ॥ 1.5 ॥

etat icchāmi aham śrotum param kautūhalam hi me | maharṣe tvam samartho.asi jñātum evam vidham naram

"हे महर्षि, यह सब सुनने की मुझे प्रबल इच्छा है, क्योंकि मेरा कुतूहल अत्यधिक है; आप ही ऐसे पुरुष को जानने में समर्थ हैं।"

श्लोक 6 (bala.1.6)

श्रुत्वा चैतत्त्रिलोकज्ञो वाल्मीकेर्नारदो वचः । श्रूयतामिति चामन्त्र्य प्रहृष्टो वाक्यमब्रवीत् ॥ 1.6 ॥

śrutvā ca etat trilokajño vālmīkeḥ nārado vacaḥ | śrūyatām iti ca āmaṃtrya prahṛṣṭo vākyam abravīt

वाल्मीकि के इन वचनों को सुनकर, तीनों लोकों के ज्ञाता नारद ने प्रसन्न होकर "सुनिए" कहते हुए यह वचन कहा।

श्लोक 7 (bala.1.7)

बहवो दुर्लभाश्चैव ये त्वया कीर्तिता गुणाः । मुने वक्ष्याम्यहं बुद्ध्वा तैर्युक्तः श्रूयतां नरः ॥ 1.7 ॥

bahavo durlabhāḥ ca eva ye tvayā kīrtitā guṇāḥ | mune vakṣṣyāmi aham buddhvā taiḥ uktaḥ śrūyatām naraḥ

"हे मुनि, आपने जिन गुणों का वर्णन किया, वे अनेक और दुर्लभ हैं। उन्हें भलीभाँति जानकर मैं उनसे युक्त पुरुष के विषय में कहता हूँ, सुनिए।"

श्लोक 8 (bala.1.8)

इक्ष्वाकुवंशप्रभवो रामो नाम जनैः श्रुतः । नियतात्मा महावीर्यो द्युतिमान् धृतिमान् वशी ॥ 1.8 ॥

ikṣvāku vaṃśa prabhavo rāmo nāma janaiḥ śrutaḥ | niyata ātmā mahāvīryo dyutimān dhṛtimān vaśī

"इक्ष्वाकु वंश में उत्पन्न, राम नाम से लोगों में विख्यात — संयमी, महापराक्रमी, तेजस्वी, धैर्यवान और जितेन्द्रिय।"

श्लोक 9 (bala.1.9)

बुद्धिमान्नीतिमान्वाग्ग्मी श्रीमान् शत्रुनिबर्हणः । विपुलांसो महाबाहुः कम्बुग्रीवो महाहनुः ॥ 1.9 ॥

buddhimān nītimān vāṅgmī śrīmān śatru nibarhaṇaḥ | vipulāṃso mahābāhuḥ kaṃbu grīvo mahāhanuḥ

"बुद्धिमान, नीतिज्ञ, वाक्पटु, श्रीसंपन्न और शत्रुओं का नाश करने वाले; विशाल कंधों वाले, लंबी भुजाओं वाले, शंख के समान ग्रीवा और सुदृढ़ हनु वाले।"

श्लोक 10 (bala.1.10)

महोरस्को महेष्वासो गूढजत्रुररिन्दमः । आजानुबाहुः सुशिराः सुललाटः सुविक्रमः ॥ 1.10 ॥

mahorasko maheṣvāso gūḍha jatruḥ arindamaḥ | ājānu bāhuḥ suśirāḥ sulalāṭaḥ suvikramaḥ

"विशाल वक्षस्थल वाले, महान धनुर्धर, छिपी हुई हँसलियों वाले, शत्रुओं के दमनकर्ता; घुटनों तक लंबी भुजाएँ, सुंदर सिर, सुडौल ललाट और पराक्रमी गति वाले।"

श्लोक 11 (bala.1.11)

समः समविभक्ताङ्गः स्निग्धवर्णः प्रतापवान् । पीनवक्षा विशालाक्षो लक्ष्मीवान् शुभलक्षणः ॥ 1.11 ॥

samaḥ sama vibhakta aṃgaḥ snigdha varṇaḥ pratāpavān | pīna vakṣā viśālākṣo lakṣmīvān śubha lakṣaṇaḥ

"समान और सुडौल अंगों वाले, स्निग्ध वर्ण के, प्रतापी, चौड़ी छाती वाले, विशाल नेत्रों वाले, लक्ष्मीसंपन्न और शुभ लक्षणों से युक्त।"

श्लोक 12 (bala.1.12)

धर्मज्ञः सत्यसन्धश्च प्रजानां च हिते रतः । यशस्वी ज्ञानसंपन्नः शुचिर्वश्यः समाधिमान् ॥ 1.12 ॥

dharmajñaḥ satya sandhaḥ ca prajānām ca hite rataḥ | yaśasvī jñāna saṃpannaḥ śuciḥ vaśyaḥ samādhimān

"धर्म को जानने वाले, सत्यनिष्ठ, प्रजा के हित में रत; यशस्वी, ज्ञानसंपन्न, पवित्र, संयमी और स्थिरचित्त।"

श्लोक 13 (bala.1.13)

प्रजापतिसमः श्रीमान् धाता रिपुनिषूदनः । रक्षिता जीवलोकस्य धर्मस्य परिरक्षिता ॥ 1.13 ॥

prajāpati samaḥ śrīmān dhātā ripu niṣūdanaḥ | rakṣitā jīvalokasya dharmasya pari rakṣitā

"प्रजापति के समान तेजस्वी, पालनकर्ता, शत्रुओं के संहारक, समस्त प्राणियों के रक्षक और धर्म के परिपालक।"

श्लोक 14 (bala.1.14)

रक्षिता स्वस्य धर्मस्य स्वजनस्य च रक्षिता । वेदवेदाङ्गतत्त्वज्ञो धनुर्वेदे च निष्ठितः ॥ 1.14 ॥

rakṣitā svasya dharmasya sva janasya ca rakṣitā | veda vedāṅga tattvajño dhanur vede ca niṣṭhitaḥ

"अपने धर्म के रक्षक और अपने स्वजनों के भी रक्षक; वेद और वेदांगों के तत्व के ज्ञाता तथा धनुर्विद्या में निपुण।"

श्लोक 15 (bala.1.15)

सर्वशास्त्रार्थतत्त्वज्ञः स्मृतिमान् प्रतिभानवान् । सर्वलोकप्रियः साधुरदीनात्मा विचक्षणः ॥ 1.15 ॥

sarva śāstra artha tattvajño smṛtimān pratibhānavān | sarvaloka priyaḥ sādhuḥ adīnāatmā vicakṣaṇaḥ

"समस्त शास्त्रों के अर्थ-तत्व के ज्ञाता, स्मरणशक्ति और प्रतिभा से संपन्न; समस्त लोक के प्रिय, सज्जन, उदारचित्त और विवेकशील।"

श्लोक 16 (bala.1.16)

सर्वदाभिगतः सद्भिः समुद्र इव सिन्धुभिः । आर्यः सर्वसमश्चैव सदैव प्रियदर्शनः ॥ 1.16 ॥

sarvadā abhigataḥ sadbhiḥ samudra iva sindhubhiḥ | aryaḥ sarvasamaḥ ca eva sadaiva priya darśanaḥ

"जैसे नदियाँ समुद्र में मिलती हैं, वैसे ही सज्जन सदैव उनके पास आते हैं; वे आर्य, सबके प्रति समभाव रखने वाले और सदा प्रियदर्शन हैं।"

श्लोक 17 (bala.1.17)

स च सर्वगुणोपेतः कौसल्यानन्दवर्धनः । समुद्र इव गाम्भीर्ये धैर्येण हिमवानिव ॥ 1.17 ॥

sa ca sarva guṇopetaḥ kausalya ānaṃda vardhanaḥ | samudra iva gāmbhīrye dhairyeṇa himavān iva

"वे सभी गुणों से संपन्न, कौसल्या के आनंद को बढ़ाने वाले हैं; गंभीरता में समुद्र के समान और धैर्य में हिमालय के समान हैं।"

श्लोक 18 (bala.1.18)

विष्णुना सदृशो वीर्ये सोमवत्प्रियदर्शनः । कालाग्निसदृशः क्रोधे क्षमया पृथिवीसमः ॥ 1.18 ॥

viṣṇunā sadṛśo vīrye somavat priya darśanaḥ | kāla agni sadṛśaḥ krodhe kṣamayā pṛthvī samaḥ

"पराक्रम में विष्णु के समान, दर्शन में चंद्रमा के समान प्रिय; क्रोध में प्रलयाग्नि के समान और क्षमा में पृथ्वी के समान हैं।"

श्लोक 19 (bala.1.19)

धनदेन समस्त्यागे सत्ये धर्म इवापरः । तमेवं गुणसम्पन्नं रामं सत्यपराक्रमम् ॥ 1.19 ॥

dhanadena samaḥ tyāge satye dharma iva aparaḥ | tam evam guṇa saṃpannam rāmam satya parākramam

"दान देने में कुबेर के समान, और सत्य में मानो साक्षात् धर्म के समान — ऐसे गुणों से संपन्न और सत्यपराक्रमी राम को—"

श्लोक 20 (bala.1.20)

ज्येष्ठं श्रेष्ठगुणैर्युक्तं प्रियं दशरथस्सुतम् । प्रकृतीनां हितैर्युक्तं प्रकृतिप्रियकाम्यया ॥ 1.20 ॥

jyeṣṭam śreṣṭa guṇaiḥ yuktam priyam daśarathaḥ sutam | prakṛtīnām hitaiḥ yuktam prakṛti priya kāṃyayā

"—दशरथ के ज्येष्ठ पुत्र, श्रेष्ठ गुणों से युक्त, प्रिय और प्रजा के हित में तत्पर — प्रजा की प्रसन्नता और कल्याण की कामना से,"

श्लोक 21 (bala.1.21)

यौवराज्येन संयोक्तुमैच्छत् प्रीत्या महीपतिः । तस्याभिषेकसंभारान् दृष्ट्वा भार्याथ कैकयी ॥ 1.21 ॥

yauva rājyena saṃyoktum aicchat prītyā mahīpatiḥ | tasya abhiṣeka saṃbhārān dṛṣṭvā bhāryā atha kaikayī

राजा दशरथ ने प्रेमपूर्वक उन्हें युवराज पद पर अभिषिक्त करने की इच्छा की। किन्तु उनके अभिषेक की तैयारियाँ देखकर रानी कैकेयी ने—

श्लोक 22 (bala.1.22)

पुर्वं दत्तवरा देवी वरमेनमयाचत । विवासनं च रामस्य भरतस्याभिषेचनम् ॥ 1.22 ॥

pūrvam datta varā devī varam enam ayācata | vivāsanam ca rāmasya bharatasya abhiṣecanam

—पूर्व में प्राप्त दो वरों का स्मरण कराते हुए राजा से माँगा: राम का वनवास और भरत का राज्याभिषेक।

श्लोक 23 (bala.1.23)

स सत्यवचनाद् राजा धर्मपाशेन संयतः । विवासयामास सुतं रामं दशरथः प्रियम् ॥ 1.23 ॥

sa satya vacanāt rājā dharma pāśena saṃyataḥ | vivāsayāmāsa sutam rāmam daśarathaḥ priyam

अपने सत्यवचन और धर्म के बंधन से बँधे हुए राजा दशरथ ने अपने प्रिय पुत्र राम को वनवास पर भेज दिया।

श्लोक 24 (bala.1.24)

स जगाम वनं वीरः प्रतिज्ञामनुपालयन् । पितुर्वचननिर्देशात् कैकेय्याः प्रियकारणात् ॥ 1.24 ॥

sa jagāma vanam vīraḥ pratijñām anupālayan | pitur vacana nirdeśāt kaikeyyāḥ priya kāraṇāt

वह वीर राम पिता की प्रतिज्ञा का पालन करते हुए, पिता की आज्ञा से और कैकेयी की प्रसन्नता के लिए वन को चले गए।

श्लोक 25 (bala.1.25)

तं व्रजन्तं प्रियो भ्राता लक्ष्मणोऽनुजगाम ह । स्नेहाद्विनयसम्पन्नः सुमित्रानन्दवर्धनः ॥ 1.25 ॥

taṁ vrajantaṁ priyo bhrātā lakṣmaṇaḥ anujagāma ha | snehāt vinaya saṃpannaḥ sumitra ānaṃda vardhanaḥ

जाते हुए राम के पीछे उनके प्रिय भाई लक्ष्मण, जो विनयशील और सुमित्रा के आनंद को बढ़ाने वाले थे, स्नेहवश चल पड़े।

श्लोक 26 (bala.1.26)

भ्रातरं दयितो भ्रातुः सौभ्रात्रमनुदर्शयन् । रामस्य दयिता भार्या नित्यं प्राणसमा हिता ॥ 1.26 ॥

bhrātaram dayito bhrātuḥ saubhrātram anu darśayan | rāmasya dayitā bhāryā nityam prāṇa samā hitā

—अपने प्रिय भाई के प्रति सच्चे भ्रातृभाव को प्रकट करते हुए। और राम की प्रिय पत्नी, जो उन्हें प्राणों के समान प्रिय और सदैव हितकारिणी थीं—

श्लोक 27 (bala.1.27)

जनकस्य कुले जाता देवमायेव निर्मिता । सर्वलक्षणसम्पन्ना नारीणामुत्तमा वधूः ॥ 1.27 ॥

janakasya kule jātā deva māyeva nirmitā | sarva lakṣaṇa saṃpannā nārīṇām uttamā vadhūḥ

—जनक के कुल में उत्पन्न, मानो दैवी माया से रची गई, सभी शुभ लक्षणों से संपन्न, स्त्रियों में सर्वश्रेष्ठ वधू सीता—

श्लोक 28 (bala.1.28)

सीताप्यनुगता रामं शशिनं रोहिणी यथा । पौरैरनुगतो दूरं पित्रा दशरथेन च ॥ 1.28 ॥

sītāpya anugatā rāmam śaśinam rohiṇī yathā | pauraiḥ anugato dūram pitrā daśarathena ca

—सीता भी राम के पीछे-पीछे गईं, जैसे रोहिणी चंद्रमा के पीछे चलती है। नगरवासियों और पिता दशरथ ने भी उन्हें दूर तक साथ दिया,

श्लोक 29 (bala.1.29)

शृङ्गिबेरपुरे सूतं गङ्गाकूले व्यसर्जयत् । गुहमासाद्य धर्मात्मा निषादाधिपतिं प्रियम् ॥ 1.29 ॥

śṛngibera pure sūtam gaṃgā kūle vyasarjayat | guham āsādya dharmātmā niṣāda adhipatim priyam

और शृंगिबेरपुर में गंगा के तट पर, धर्मात्मा राम ने प्रिय निषादराज गुह से मिलकर अपने सारथी को वापस भेज दिया।

श्लोक 30 (bala.1.30)

गुहेन सहितो रामो लक्ष्मणेन च सीतया । ते वनेन वनं गत्वा नदीस्तीर्त्वा बहूदकाः ॥ 1.30 ॥

guheana sahito rāmo lakṣmaṇena ca sītayā | te vanena vanam gatvā nadīḥ tīrtvā bahu udakāḥ

गुह, लक्ष्मण और सीता के साथ राम आगे बढ़े; वे वन-वन घूमते और जल से भरी नदियों को पार करते हुए,

श्लोक 31 (bala.1.31)

चित्रकूटमनुप्राप्य भरद्वाजस्य शासनात् । रम्यमावसथं कृत्वा रममाणा वने त्रयः ॥ 1.31 ॥

citrakūṭam anuprāpya bharadvājasya śāsanāt | raṃyam āvasatham kṛtvā ramamāṇā vane trayaḥ

भरद्वाज के निर्देश से चित्रकूट पहुँचे, और वे तीनों वहाँ एक सुंदर आवास बनाकर वन में सुखपूर्वक रहने लगे,

श्लोक 32 (bala.1.32)

देवगन्धर्वसंकाशास्तत्र ते न्यवसन् सुखम् । चित्रकूटं गते रामे पुत्रशोकातुरस्तदा ॥ 1.32 ॥

deva gandharva saṃkāśāḥ tatra te nyavasan sukham | citrakūṭam gate rāme putra śoka āturaḥ tathā

देवताओं और गंधर्वों के समान वहाँ सुखपूर्वक निवास करने लगे। इधर राम के चित्रकूट चले जाने पर, पुत्र-शोक से व्याकुल राजा दशरथ—

श्लोक 33 (bala.1.33)

राजा दशरथः स्वर्गं जगाम विलपन् सुतम् । मृते तु तस्मिन् भरतो वसिष्ठप्रमुखैर्द्विजैः ॥ 1.33 ॥

rājā daśarathaḥ svargam jagāma vilapan sutam | mṛte tu tasmin bharato vasiṣṭha pramukhaiḥ dvijaiḥ

—अपने पुत्र के लिए विलाप करते हुए स्वर्ग सिधार गए। उनकी मृत्यु के पश्चात् वसिष्ठ आदि श्रेष्ठ ब्राह्मणों द्वारा भरत को—

श्लोक 34 (bala.1.34)

नियुज्यमानो राज्याय नैच्छद् राज्यं महाबलः । स जगाम वनं वीरो रामपादप्रसादकः ॥ 1.34 ॥

niyujyamāno rājyāya na icchat rājyam mahābalaḥ | sa jagāma vanam vīro rāma pāda prasādakaḥ

—राज्य दिए जाने पर भी उस महाबली भरत ने राज्य नहीं चाहा; वे राम के चरणों की प्रसन्नता चाहते हुए वन को चल पड़े।

श्लोक 35 (bala.1.35)

गत्वा तु स महात्मानं रामं सत्यपराक्रमम् । अयाचद्भ्रातरं राममार्यभावपुरस्कृतः ॥ 1.35 ॥

gatvā tu sa mahātmānam rāmam satya parākramam | ayācat bhrātaram rāmam ārya bhāva puraskṛtaḥ

महात्मा और सत्यपराक्रमी राम के पास पहुँचकर, आर्यभाव से प्रेरित होकर उन्होंने अपने भाई से विनती की—

श्लोक 36 (bala.1.36)

त्वमेव राजा धर्मज्ञ इति रामं वचोऽब्रवीत् । रामोऽपि परमोदारः सुमुखः सुमहायशाः ॥ 1.36 ॥

tvam eva rājā dharmajña iti rāmam vacaḥ abravīt | rāmo.api paramodāraḥ sumukhaḥ sumahāyaśāḥ

—कहा, 'हे धर्मज्ञ, आप ही राजा बनें।' किन्तु परम उदार, सौम्यमुख और महायशस्वी राम ने भी—

श्लोक 37 (bala.1.37)

न चैच्छत्पितुरादेशाद्राज्यं रामो महाबलः । पादुके चास्य राज्याय न्यासं दत्त्वा पुनः पुनः ॥ 1.37 ॥

na ca icchat pitur ādeśāt rājyam rāmo mahābalaḥ | pāduke ca asya rājyāya nyāsam dattvā punaḥ punaḥ

पिता की आज्ञा के कारण राज्य स्वीकार नहीं किया; और अपनी खड़ाऊँ राज्य के प्रतीक स्वरूप भरत को सौंपकर, बार-बार—

श्लोक 38 (bala.1.38)

निवर्तयामास ततो भरतं भरताग्रजः । स काममनवाप्यैव रामपादावुपस्पृशन् ॥ 1.38 ॥

nivartayāmāsa tato bharatam bharata agrajaḥ | sa kāmam anavāpya eva rāma pādā upaspṛśan

भरत के बड़े भाई राम ने उन्हें बार-बार लौटाया। भरत, अपनी इच्छा पूरी न होने पर भी, राम के चरणों के प्रतीक उन खड़ाऊँओं का स्पर्श करते हुए,

श्लोक 39 (bala.1.39)

नन्दिग्रामेऽकरोद्राज्यं रामागमनकाङ्क्षया । गते तु भरते श्रीमान् सत्यसन्धो जितेन्द्रियः ॥ 1.39 ॥

nandi grāme akarot rājyam rāma āgamana kāṃkṣayā | gate tu bharate śrīmān satya sandho jitendriyaḥ

नंदिग्राम से राम के आगमन की प्रतीक्षा करते हुए राज्य चलाने लगे। भरत के चले जाने पर, श्रीमान, सत्यप्रतिज्ञ और जितेन्द्रिय राम ने—

श्लोक 40 (bala.1.40)

रामस्तु पुनरालक्ष्य नागरस्य जनस्य च । तत्रागमनमेकाग्रो दण्डकान्प्रविवेश ह ॥ 1.40 ॥

rāmaḥ tu punaḥ ālakṣya nāgarasya janasya ca | tatra āgamanam ekāgro daṇḍakān praviveśa ha

यह देखकर कि नगरवासी बार-बार वहाँ आते रहेंगे, एकाग्रचित्त होकर दण्डक वन में प्रवेश किया।

श्लोक 41 (bala.1.41)

प्रविश्य तु महारण्यं रामो राजीवलोचनः । विराधं राक्षसं हत्वा शरभङ्गं ददर्श ह ॥ 1.41 ॥

praviśya tu mahāaraṇyam rāmo rājīva locanaḥ | virādham rākṣasam hatvā śarabhaṃgam dadarśa ha

उस विशाल वन में प्रवेश करके कमलनयन राम ने विराध राक्षस का वध किया और महर्षि शरभंग के दर्शन किए।

श्लोक 42 (bala.1.42)

सुतीक्ष्णं चाप्यगस्त्यं च अगस्त्यभ्रातरं तथा । अगस्त्यवचनाच्चैव जग्राहैन्द्रं शरासनम् ॥ 1.42 ॥

sutīkṣṇam ca api agastyam ca agastya bhrātaram tathā | agastya vacanāt ca eva jagrāha aindram śarāsanam

उन्होंने सुतीक्ष्ण, अगस्त्य और अगस्त्य के भ्राता के भी दर्शन किए; तथा अगस्त्य के कहने पर इन्द्र का धनुष प्राप्त किया।

श्लोक 43 (bala.1.43)

खड्गं च परमप्रीतस्तूणी चाक्षयसायकौ । वसतस्तस्य रामस्य वने वनचरैः सह ॥ 1.43 ॥

khaḍgam ca parama prītaḥ tūṇī ca akṣaya sāyakau | vasataḥ tasya rāmasya vane vana caraiḥ saha

—साथ ही एक तलवार और अक्षय बाणों से भरे दो तरकश भी अत्यंत प्रसन्नतापूर्वक प्राप्त किए। वन में वनवासियों के साथ निवास करते हुए राम के पास—

श्लोक 44 (bala.1.44)

ऋषयोऽभ्यागमन्सर्वे वधायासुररक्षसाम् । स तेषां प्रतिशुश्राव राक्षसानां तथा वने ॥ 1.44 ॥

ṛṣayaḥ abhyāgaman sarve vadhāya asura rakṣasām | sa teṣām prati śuśrāva rākṣasānām tathā vane

सभी ऋषि असुरों और राक्षसों के वध हेतु उनके पास आए; और उन्होंने वन में रहने वाले राक्षसों के विषय में ऋषियों को वचन दिया।

श्लोक 45 (bala.1.45)

प्रतिज्ञातश्च रामेण वधः संयति रक्षसाम् । ऋषीणामग्निकल्पानां दण्डकारण्यवासिनाम् ॥ 1.45 ॥

pratijñātaḥ ca rāmeṇa vadhaḥ saṃyati rakṣasām | ṛṣīṇām agni kalpānām daṃḍakāraṇya vāsīnām

राम ने दण्डकारण्य में निवास करने वाले अग्नितुल्य तेजस्वी ऋषियों के लिए युद्ध में राक्षसों के वध की प्रतिज्ञा की।

श्लोक 46 (bala.1.46)

तेन तत्रैव वसता जनस्थाननिवासिनी । विरूपिता शूर्पणखा राक्षसी कामरूपिणी ॥ 1.46 ॥

tena tatra eva vasatā janasthāna nivāsinī | virūpitā śūrpaṇakhā rākṣasī kāma rūpiṇī

वहाँ निवास करते हुए राम ने जनस्थान-निवासिनी, इच्छानुसार रूप धारण करने वाली राक्षसी शूर्पणखा को विरूप कर दिया।

श्लोक 47 (bala.1.47)

ततः शूर्पणखावाक्यादुद्युक्तान् सर्वराक्षसान् । खरं त्रिशिरसं चैव दूषणं चैव राक्षसम् ॥ 1.47 ॥

tataḥ śūrpaṇakhā vākyāt udyuktān sarva rākṣasān | kharam triśirasam ca eva dūṣaṇam ca eva rākṣasam

तत्पश्चात् शूर्पणखा के कहने पर उद्यत हुए समस्त राक्षसों — खर, त्रिशिरा और राक्षस दूषण को—

श्लोक 48 (bala.1.48)

निजघान रणे रामस्तेषां चैव पदानुगान् । वने तस्मिन्निवसता जनस्थाननिवासिनाम् ॥ 1.48 ॥

nijaghāna raṇe rāmaḥ teṣām ca eva pada anugān | vane tasmin nivasatā janasthāna nivāsinām

राम ने अपने अनुचरों सहित युद्ध में मार डाला। उस वन में निवास करते हुए जनस्थान के निवासी राक्षसों में से—

श्लोक 49 (bala.1.49)

रक्षसां निहतान्यासन् सहस्राणि चतुर्दश । ततो ज्ञातिवधं श्रुत्वा रावणः क्रोधमूर्छितः ॥ 1.49 ॥

rakṣasām nihatāni asan sahasrāṇi catur daśa | tato jñāti vadham śrutvā rāvaṇaḥ krodha mūrchitaḥ

चौदह हजार राक्षस मारे गए। तब अपने कुल के वध का समाचार सुनकर रावण क्रोध से उन्मत्त होकर—

श्लोक 50 (bala.1.50)

सहायं वरयामास मारीचं नाम राक्षसम् । वार्यमाणः सुबहुशो मारीचेन स रावणः ॥ 1.50 ॥

sahāyam varayāmāsa mārīcam nāma rākṣasam | vāryamāṇaḥ subahuśo mārīcena sa rāvaṇaḥ

मारीच नामक राक्षस से सहायता माँगी। मारीच के द्वारा बार-बार रोके जाने पर भी रावण—

श्लोक 51 (bala.1.51)

न विरोधो बलवता क्षमो रावण तेन ते । अनादृत्य तु तद्वाक्यं रावणः कालचोदितः ॥ 1.51 ॥

na virodho balavatā kṣamo rāvaṇa tena te | anādṛtya tu tat vākyam rāvaṇaḥ kāla coditaḥ

— जिसने कहा था, 'हे रावण, उस बलवान से शत्रुता तुम्हारे लिए उचित नहीं है' — उन वचनों की अवहेलना करके, काल से प्रेरित रावण—

श्लोक 52 (bala.1.52)

जगाम सहमारीचस्तस्याश्रमपदं तदा । तेन मायाविना दूरमपवाह्य नृपात्मजौ ॥ 1.52 ॥

jagāma saha mārīcaḥ tasya āśrama padam tadā | tena māyāvinā dūram apavāhya nṛpa ātmajau

मारीच के साथ राम के आश्रम में गया। उस मायावी मारीच द्वारा दोनों राजकुमारों को दूर बहला ले जाया गया,

श्लोक 53 (bala.1.53)

जहार भार्यां रामस्य गृध्रं हत्वा जटायुषम् । गृध्रं च निहतं दृष्ट्वा हृतां श्रुत्वा च मैथिलीम् ॥ 1.53 ॥

jahāra bhāryām rāmasya gṛdhram hatvā jaṭāyuṣam | gṛdhram ca nihatam dṛṣṭvā hṛtām śrutvā ca maithilīm

और रावण ने गृध्र जटायु को मारकर राम की पत्नी का हरण कर लिया। मृत गृध्र को देखकर और मैथिली के हरण का समाचार सुनकर—

श्लोक 54 (bala.1.54)

राघवः शोकसन्तप्तो विललापाकुलेन्द्रियः । ततस्तेनैव शोकेन गृध्रं दग्ध्वा जटायुषम् ॥ 1.54 ॥

rāghavaḥ śoka saṃtapto vilalāpa ākula indriyaḥ | tataḥ tena eva śokena gṛdhram dagdhvā jaṭāyuṣam

शोक-संतप्त राघव व्याकुल इन्द्रियों से विलाप करने लगे। तत्पश्चात् उसी शोक में जटायु का दाह-संस्कार करके—

श्लोक 55 (bala.1.55)

मार्गमाणो वने सीतां राक्षसं संददर्श ह । कबन्धं नाम रूपेण विकृतं घोरदर्शनम् ॥ 1.55 ॥

mārgamāṇo vane sītām rākṣasam saṃdadarśa ha | kabaṃdham nāma rūpeṇa vikṛtam ghora da^^rśanam

वन में सीता को ढूँढते हुए राम ने कबंध नामक एक राक्षस को देखा, जो रूप में विकृत और देखने में भयानक था।

श्लोक 56 (bala.1.56)

तं निहत्य महाबाहुर्ददाह स्वर्गतश्च सः । स चास्य कथयामास शबरीं धर्मचारिणीम् ॥ 1.56 ॥

tam nihatya mahābāhuḥ dadāha svargataḥ ca saḥ | sa ca asya kathayāmāsa śabarīm dharma cāriṇīm

महाबाहु राम ने उसका वध करके दाह-संस्कार किया, और वह स्वर्ग को गया; उसने राम को धर्माचारिणी शबरी के विषय में बताया था—

श्लोक 57 (bala.1.57)

श्रमणीं धर्मनिपुणामभिगच्छेति राघव । सोऽभ्यगच्छन्महातेजाः शबरीं शत्रुसूदनः ॥ 1.57 ॥

śramaṇām dharma nipuṇām abhigaccha iti rāghava | saḥ abhya gacchan mahātejāḥ śabarīm śatru sūdanaḥ

'हे राघव, धर्म में निपुण उस तपस्विनी के पास जाओ।' वह महातेजस्वी शत्रुसूदन राम शबरी के पास गए,

श्लोक 58 (bala.1.58)

शबर्या पूजितः सम्यग्रामो दशरथात्मजः । पम्पातीरे हनुमता सङ्गतो वानरेण ह ॥ 1.58 ॥

śaba^^ryā pūjitaḥ saṃyak rāmo daśaratha ātmajaḥ | paṃpā tīre hanumatā saṃgato vānareṇa ha

और शबरी द्वारा भलीभाँति सम्मानित हुए, दशरथपुत्र राम पम्पा सरोवर के तट पर वानर हनुमान से मिले,

श्लोक 59 (bala.1.59)

हनुमद्वचनाच्चैव सुग्रीवेण समागतः । सुग्रीवाय च तत्सर्वं शंसद्रामो महाबलः ॥ 1.59 ॥

hanumat vacanāt ca eva sugrīveṇa samāgataḥ | sugrīvāya ca tat sarvam śaṃsat rāmo mahābalaḥ

और हनुमान के कहने से सुग्रीव से भेंट की। महाबली राम ने सुग्रीव को सब कुछ बताया—

श्लोक 60 (bala.1.60)

आदितस्तद्यथावृत्तं सीतायाश्च विशेषतः । सुग्रीवश्चापि तत्सर्वं श्रुत्वा रामस्य वानरः ॥ 1.60 ॥

āditaḥ tat yathā vṛttam sītāyāḥ ca viśeṣataḥ | sugrīvaḥ ca api tat sarvam śrutvā rāmasya vānaraḥ

आरंभ से जो कुछ भी घटित हुआ था, विशेषकर सीता के विषय में। वानर सुग्रीव ने भी राम की यह सारी बात सुनकर—

श्लोक 61 (bala.1.61)

चकार सख्यं रामेण प्रीतश्चैवाग्निसाक्षिकम् । ततो वानरराजेन वैरानुकथनं प्रति ॥ 1.61 ॥

cakāra sakhyam rāmeṇa prītaḥ ca eva agni sākṣikam | tato vānara rājena vaira anukathanam prati

प्रसन्न होकर अग्नि को साक्षी मानकर राम से मित्रता कर ली। तत्पश्चात् वानरराज सुग्रीव ने अपने वैर की कथा—

श्लोक 62 (bala.1.62)

रामायावेदितं सर्वं प्रणयाद्दुःखितेन च । प्रतिज्ञातं च रामेण तदा वालिवधं प्रति ॥ 1.62 ॥

rāmāya āveditam sarvam praṇayāt duḥkhitena ca | pratijñātam ca rāmeṇa tadā vāli vadham prati

स्नेहवश दुःखी होते हुए राम से सब कुछ कह सुनाई। तब राम ने वालि-वध की प्रतिज्ञा की।

श्लोक 63 (bala.1.63)

वालिनश्च बलं तत्र कथयामास वानरः । सुग्रीवः शङ्कितश्चासीन्नित्यं वीर्येण राघवे ॥ 1.63 ॥

vālinaḥ ca balam tatra kathayāmāsa vānaraḥ | sugrīvaḥ śaṃkitaḥ ca āsīt nityam vīryeṇa rāghave

वहाँ वानर सुग्रीव ने वालि के बल का वर्णन किया; फिर भी सुग्रीव राघव के पराक्रम के विषय में सदैव संशयशील रहे।

श्लोक 64 (bala.1.64)

राघवप्रत्ययार्थं तु दुन्दुभेः कायमुत्तमम् । दर्शयामास सुग्रीवो महापर्वतसन्निभम् ॥ 1.64 ॥

rāghavaḥ pratyayārtham tu duṃdubheḥ kāyam uttamam | darśayāmāsa sugrīvaḥ mahāparvata saṃnibham

राघव पर विश्वास दिलाने हेतु सुग्रीव ने दुंदुभि के विशाल, पर्वत के समान कंकाल को दिखाया।

श्लोक 65 (bala.1.65)

उत्स्मयित्वा महाबाहुः प्रेक्ष्य चास्थि महाबलः । पादाङ्गुष्ठेन चिक्षेप सम्पूर्णं दशयोजनम् ॥ 1.65 ॥

utsmayitvā mahābāhuḥ prekṣya ca asti mahābalaḥ | pāda aṃguṣṭena cikṣepa saṃpūrṇam daśa yojanam

महाबाहु और महाबली राम ने उस अस्थि को देखकर मुस्कराते हुए, अपने पैर के अंगूठे से उसे पूरे दस योजन दूर फेंक दिया।

श्लोक 66 (bala.1.66)

बिभेद च पुनः सालान् सप्तैकेन महेषुणा । गिरिं रसातलं चैव जनयन् प्रत्ययं तदा ॥ 1.66 ॥

bibheda ca punaḥ sālān sapta ekena mahā iṣuṇā | girim rasātalam caiva janayan pratyayam tathā

फिर एक ही महाबाण से उन्होंने सात साल वृक्षों को, एक पर्वत को और रसातल तक को भेद दिया, जिससे सुग्रीव को विश्वास हुआ।

श्लोक 67 (bala.1.67)

ततः प्रीतमनाश्चैव विश्वस्तश्च महाकपिः । किष्किन्धां रामसहितो जगाम च गुहां तदा ॥ 1.67 ॥

tataḥ prīta manāḥ tena viśvastaḥ sa mahākapiḥ | kiṣkiṃdhām rāma sahito jagāma ca guhām tadā

तब प्रसन्नचित्त और विश्वस्त हुए महाकपि सुग्रीव राम के साथ किष्किन्धा गुहा को गए।

श्लोक 68 (bala.1.68)

ततोऽगर्जद्धरिवरः सुग्रीवो हेमपिङ्गलः । तेन नादेन महता निर्जगाम हरीश्वरः ॥ 1.68 ॥

tataḥ agarjat harivaraḥ sugrīvo hema piṃgalaḥ | tena nādena mahatā nirjagāma harīśvaraḥ

तब स्वर्णवर्ण श्रेष्ठ वानर सुग्रीव ने गर्जना की; उस महानाद से वानरराज वालि बाहर निकल आया।

श्लोक 69 (bala.1.69)

अनुमान्य तदा तारां सुग्रीवेण समागतः । निजघान च तत्रैनं शरेणैकेन राघवः ॥ 1.69 ॥

anumānya tadā tārām sugrīveṇa samāgataḥ | nijaghāna ca tatra enam śareṇa ekena rāghavaḥ

तारा को समझाकर वालि सुग्रीव से युद्ध हेतु आया; और वहीं राघव ने उसे एक ही बाण से मार गिराया।

श्लोक 70 (bala.1.70)

ततः सुग्रीववचनाद्धत्वा वालिनमाहवे । सुग्रीवमेव तद्राज्ये राघवः प्रत्यपादयत् ॥ 1.70 ॥

tataḥ sugrīva vacanāt hatvā vālinam āhave | sugrīvam eva tat rājye rāghavaḥ pratyapādayat

तत्पश्चात् सुग्रीव के कहने पर युद्ध में वालि का वध करके राघव ने सुग्रीव को ही उस राज्य पर प्रतिष्ठित किया।

श्लोक 71 (bala.1.71)

स च सर्वान् समानीय वानरान् वानरर्षभः । दिशः प्रस्थापयामास दिदृक्षुर्जनकात्मजाम् ॥ 1.71 ॥

sa ca sarvān samānīya vānarān vānararṣabhaḥ | diśaḥ prasthāpayāmāsa didṛkṣuḥ janaka ātmajām

और उस वानरश्रेष्ठ सुग्रीव ने सभी वानरों को एकत्र करके जनकनंदिनी सीता को खोजने के लिए उन्हें सभी दिशाओं में भेज दिया।

श्लोक 72 (bala.1.72)

ततो गृध्रस्य वचनात्सम्पातेेर्हनुमान् बली । शतयोजनविस्तीर्णं पुप्लुवे लवणार्णवम् ॥ 1.72 ॥

tato gṛdhrasya vacanāt saṃpāteḥ hanumān balī | śata yojana vistīrṇam pupluve lavaṇa arṇavam

तत्पश्चात् गृध्र संपाति के कहने पर बलवान हनुमान सौ योजन विस्तृत लवण-सागर को लाँघ गए।

श्लोक 73 (bala.1.73)

तत्र लङ्कां समासाद्य पुरीं रावणपालिताम् । ददर्श सीतां ध्यायन्तीमशोकवनिकां गताम् ॥ 1.73 ॥

tatra laṃkām samāsādya purīm rāvaṇa pālitām | dadarśa sītām dhyāyantīm aśoka vanikām gatām

वहाँ रावण द्वारा शासित लंकापुरी में पहुँचकर उन्होंने अशोक वाटिका में स्थित, ध्यानमग्न सीता को देखा।

श्लोक 74 (bala.1.74)

निवेदयित्वाभिज्ञानं प्रवृत्तिं च निवेद्य च । समाश्वास्य च वैदेहीं मर्दयामास तोरणम् ॥ 1.74 ॥

nivedayitvā abhijñānam pravṛttim ca nivedya ca | samāśvāsya ca vaidehīm mardayāmāsa toraṇam

पहचान-चिह्न देकर और समाचार सुनाकर, वैदेही को सांत्वना देकर, हनुमान ने वाटिका के तोरण को नष्ट कर दिया।

श्लोक 75 (bala.1.75)

पञ्च सेनाग्रगान् हत्वा सप्त मन्त्रिसुतानपि । शूरमक्षं च निष्पिष्य ग्रहणं समुपागमत् ॥ 1.75 ॥

paṃca sena agragān hatvā sapta maṃtri sutān api | śūram akṣam ca niṣpiṣya grahaṇam samupāgamat

पाँच सेनापतियों और सात मंत्रिपुत्रों का वध करके तथा शूरवीर अक्षकुमार को कुचलकर हनुमान बंदी होने को स्वीकार हुए।

श्लोक 76 (bala.1.76)

अस्त्रेणोन्मुक्तमात्मानं ज्ञात्वा पैतामहाद्वरात् । मर्षयन् राक्षसान् वीरो यन्त्रिणस्तान्यदृच्छया ॥ 1.76 ॥

astreṇa unmuktam ātmānam jñātvā paitāmahāt varāt | marṣayan rākṣasān vīro yantriṇaḥ tān yadṛcchayā

ब्रह्मास्त्र के बंधन से ब्रह्मा के वरदान द्वारा स्वयं को मुक्त जानते हुए, वीर हनुमान ने अपनी इच्छा से बाँधने वाले राक्षसों को सहन किया।

श्लोक 77 (bala.1.77)

ततो दग्ध्वा पुरीं लङ्कामृते सीतां च मैथिलीम् । रामाय प्रियमाख्यातुं पुनरायान्महाकपिः ॥ 1.77 ॥

tato dagdhvā purīm laṃkām ṛte sītām ca maithilīm | rāmāya priyam ākhyātum punaḥ āyāt mahākapiḥ

तत्पश्चात् मैथिली सीता को छोड़कर लंकापुरी को जलाकर, वह महाकपि राम को शुभ समाचार सुनाने के लिए लौट आया।

श्लोक 78 (bala.1.78)

सोऽभिगम्य महात्मानं कृत्वा रामं प्रदक्षिणम् । न्यवेदयदमेयात्मा दृष्टा सीतेति तत्त्वतः ॥ 1.78 ॥

saḥ abhigaṃya mahātmānam kṛtvā rāmam pradakṣiṇam | nyavedayat ameyātmā dṛṣṭā sītā iti tattvataḥ

उस अगम्य आत्मा वाले हनुमान ने महात्मा राम के पास आकर प्रदक्षिणा करके यथार्थ रूप से निवेदन किया — 'सीता को देख लिया गया है।'

श्लोक 79 (bala.1.79)

ततः सुग्रीवसहितो गत्वा तीरं महोदधेः । समुद्रं क्षोभयामास शरैरादित्यसन्निभैः ॥ 1.79 ॥

tataḥ sugrīva sahito gatvā tīram mahā udadheḥ | samudram kṣobhayāmāsa śaraiḥ āditya sannibhaiḥ

तत्पश्चात् सुग्रीव के साथ महासागर के तट पर जाकर राम ने सूर्य के समान तेजस्वी बाणों से समुद्र को क्षुब्ध कर दिया।

श्लोक 80 (bala.1.80)

दर्शयामास चात्मानं समुद्रः सरितां पतिः । समुद्रवचनाच्चैव नलं सेतुमकारयत् ॥ 1.80 ॥

darśayāmāsa ca ātmānam samudraḥ saritām patiḥ | samudra vacanāt ca eva nalam setum akārayat

तब नदियों के स्वामी समुद्र ने स्वयं प्रकट होकर दर्शन दिया; और समुद्र के कहने पर राम ने नल से सेतु का निर्माण करवाया।

श्लोक 81 (bala.1.81)

तेन गत्वा पुरीं लङ्कां हत्वा रावणमाहवे । रामः सीतामनुप्राप्य परां व्रीडामुपागमत् ॥ 1.81 ॥

tena gatvā purīm laṃkām hatvā rāvaṇam āhave | rāmaḥ sītām anuprāpya parām vrīḍām upāgamat

उस सेतु से लंकापुरी जाकर और युद्ध में रावण का वध करके, सीता को पुनः पाकर राम को अत्यंत संकोच हुआ।

श्लोक 82 (bala.1.82)

तामुवाच ततो रामः परुषं जनसंसदि । अमृष्यमाणा सा सीता विवेश ज्वलनं सती ॥ 1.82 ॥

tām uvāca tataḥ rāmaḥ paruṣam jana saṃsadi | amṛṣyamāṇā sā sītā viveśa jvalanam satī

तब राम ने जनसमूह के मध्य उनसे कठोर वचन कहे; और वह सती सीता, यह सहन न कर सकीं, जलती अग्नि में प्रवेश कर गईं।

श्लोक 83 (bala.1.83)

ततोऽग्निवचनात्सीतां ज्ञात्वा विगतकल्मषाम् । कर्मणा तेन महता त्रैलोक्यं सचराचरम् ॥ 1.83 ॥

tataḥ agni vacanāt sītām jñātvā vigata kalmaṣām | karmaṇā tena mahatā trailokyam sa carācaram

तत्पश्चात् अग्नि के वचन से सीता को निष्कलंक जानकर — और उस महान कर्म से चराचर सहित तीनों लोक—

श्लोक 84 (bala.1.84)

सदेवर्षिगणं तुष्टं राघवस्य महात्मनः ॥ बभौ रामः संप्रहृष्टः पूजितः सर्वदैवतैः ॥ 1.84 ॥

sa devarṣi gaṇam tuṣṭam rāghavasya mahātmanaḥ || babhau rāmaḥ saṃprahṛṣṭaḥ pūjitaḥ sarva devataiḥ

—देवताओं और ऋषिगणों सहित महात्मा राघव के इस कार्य से संतुष्ट हो उठे; और राम सभी देवताओं द्वारा पूजित होकर अत्यंत हर्षित हो उठे।

श्लोक 85 (bala.1.85)

अभिषिच्य च लङ्कायां राक्षसेन्द्रं विभीषणम् । कृतकृत्यस्ततो रामो विज्वरः प्रमुमोद ह ॥ 1.85 ॥

abhyaṣicya ca laṃkāyām rākṣasa indram vibhīṣaṇam | kṛtakṛtyaḥ tadā rāmo vijvaraḥ pramumoda ha

और लंका में विभीषण को राक्षसराज के पद पर अभिषिक्त करके, कृतकृत्य राम शोकरहित होकर अत्यंत आनंदित हुए।

श्लोक 86 (bala.1.86)

देवताभ्यो वरं प्राप्य समुत्थाप्य च वानरान् । अयोध्यां प्रस्थितो रामः पुष्पकेण सुहृद् वृतः ॥ 1.86 ॥

devatābhyo varām prāpya samutthāpya ca vānarān | ayodhyām prasthitaḥ rāmaḥ puṣpakeṇa suhṛt vṛtaḥ

देवताओं से वरदान पाकर और मृत वानरों को पुनर्जीवित करके, राम मित्रों से घिरे हुए पुष्पक विमान से अयोध्या के लिए चल पड़े।

श्लोक 87 (bala.1.87)

भरद्वाजाश्रमं गत्वा रामः सत्यपराक्रमः । भरतस्यान्तिकं रामो हनुमन्तं व्यसर्जयत् ॥ 1.87 ॥

bharadvāja āśramam gatvā rāmaḥ satyaparākramaḥ | bharatasya aṃtikam rāmo hanūmaṃtam vyasarjayat

सत्यपराक्रमी राम भरद्वाज के आश्रम पहुँचकर, हनुमान को भरत के पास समाचार देने भेजा।

श्लोक 88 (bala.1.88)

पुनराख्यायिकां जल्पन् सुग्रीवसहितश्च सः । पुष्पकं तत्समारुह्य नन्दिग्रामं ययौ तदा ॥ 1.88 ॥

punaḥ ākhyāyikām jalpan sugrīva sahitaḥ tadā | puṣpakam tat samārūhya naṃdigrāmam yayau tadā

फिर सुग्रीव के साथ अपनी कथा सुनाते हुए, वे पुनः पुष्पक विमान पर आरूढ़ होकर नंदिग्राम को गए।

श्लोक 89 (bala.1.89)

नन्दिग्रामे जटां हित्वा भ्रातृभिः सहितोऽनघः । रामः सीतामनुप्राप्य राज्यं पुनरवाप्तवान् ॥ 1.89 ॥

naṃdigrāme jaṭām hitvā bhrātṛbhiḥ sahito anaghaḥ | rāmaḥ sītām anuprāpya rājyam punaḥ avāptavān

नंदिग्राम में जटाएँ त्यागकर, निष्पाप राम भाइयों सहित सीता को पुनः पाकर अपना राज्य भी पुनः प्राप्त कर लिया।

श्लोक 90 (bala.1.90)

प्रहृष्टमुदितो लोकस्तुष्टः पुष्टः सुधार्मिकः । निरामयो ह्यरोगश्च दुर्भिक्षभयवर्जितः ॥ 1.90 ॥

prahṛṣṭo mudito lokaḥ tuṣṭaḥ puṣṭaḥ sudhārmikaḥ | nirāmayo hi arogaḥ ca durbhikṣa bhaya varjitaḥ

उनके राज्य में प्रजा अत्यंत प्रसन्न, संतुष्ट, समृद्ध और परम धार्मिक होगी; रोगरहित और दुर्भिक्ष के भय से मुक्त होगी।

श्लोक 91 (bala.1.91)

न पुत्रमरणं किंचिद्द्रक्ष्यन्ति पुरुषाः क्वचित् । नार्यश्चाविधवा नित्यं भविष्यन्ति पतिव्रताः ॥ 1.91 ॥

na putra maraṇam kecit drakṣyanti puruṣāḥ kvacit | nāryaḥ ca avidhavā nityam bhaviṣyanti pati vratāḥ

पुरुष कहीं भी अपने पुत्रों की मृत्यु नहीं देखेंगे; और पतिव्रता स्त्रियाँ सदैव अवैधव्य को प्राप्त रहेंगी।

श्लोक 92 (bala.1.92)

न चाग्निजं भयं किञ्चिन्नाप्सु मज्जन्ति जन्तवः । न वातजं भयं किञ्चिन्नापि ज्वरकृतं तथा ॥ 1.92 ॥

na ca agnijam bhayam kincit na apsu majjanti jantavaḥ | na vātajam bhayam kincit na api jvara kṛtam tathā

अग्नि से कोई भय नहीं होगा, न ही जीव जल में डूबेंगे; न आँधी का भय होगा और न ज्वर का।

श्लोक 93 (bala.1.93)

न चापि क्षुद्भयं तत्र न तस्करभयं तथा । नगराणि च राष्ट्राणि धनधान्ययुतानि च ॥ 1.93 ॥

na ca api kṣut bhayam tatra na taskara bhayam tathā | nagarāṇi ca rāṣṭrāṇi dhana dhānya yutāni ca

वहाँ भूख का भय नहीं होगा और न चोरों का भय; नगर और राष्ट्र धन-धान्य से परिपूर्ण होंगे,

श्लोक 94 (bala.1.94)

नित्यं प्रमुदिताः सर्वे यथा कृतयुगे तथा । अश्वमेधशतैरिष्ट्वा तथा बहुसुवर्णकैः ॥ 1.94 ॥

nityam pramuditāḥ sarve yathā kṛta yuge tathā | aśvamedha śataiḥ iṣṭvā tathā bahu suva^^rṇakaiḥ

और सब सदैव प्रसन्न रहेंगे, जैसे कृतयुग में होता था। सैकड़ों अश्वमेध यज्ञ करके, अत्यधिक स्वर्ण के साथ,

श्लोक 95 (bala.1.95)

गवां कोट्ययुतं दत्त्वा विद्वद्भ्यो विधिपूर्वकम् । । असंख्येयं धनं दत्त्वा ब्राह्मणेभ्यो महायशाः ॥ 1.95 ॥

gavām koṭyayutam dattvā vidvabhyo vidhi pūrvakam | asaṃkhyeyam dhanam dattvā brāhmaṇebho mahāyaśāḥ

और विद्वानों को विधिपूर्वक करोड़ों गौएँ दान करके, वह महायशस्वी राम ब्राह्मणों को असंख्य धन देकर—

श्लोक 96 (bala.1.96)

राजवंशान् शतगुणान् स्थापयिष्यति राघवः । चातुर्वर्ण्यं च लोकेऽस्मिन् स्वे स्वे धर्मे नियोक्ष्यति ॥ 1.96 ॥

rāja vaṃśān śata guṇān sthāpa iṣyati rāghavaḥ | cātur varṇyam ca loke asmin sve sve dharme niyokṣyati

राघव सैकड़ों राजवंशों की स्थापना करेंगे, और इस लोक में चारों वर्णों को अपने-अपने धर्म में नियुक्त करेंगे।

श्लोक 97 (bala.1.97)

दशवर्षसहस्राणि दशवर्षशतानि च । रामो राज्यमुपासित्वा ब्रह्मलोकं गमिष्यति ॥ 1.97 ॥

daśa varṣa sahasrāṇi daśa varṣa śatāni ca | rāmo rājyam upāsitvā brahma lokam prayāsyati

दस हजार वर्ष और दस सौ वर्ष अर्थात् ग्यारह हजार वर्ष तक राज्य करके, राम ब्रह्मलोक को प्रस्थान करेंगे।

श्लोक 98 (bala.1.98)

इदं पवित्रं पापघ्नं पुण्यं वेदैश्च सम्मितम् । यः पठेद्रामचरितं सर्वपापैः प्रमुच्यते ॥ 1.98 ॥

idam pavitram pāpaghnam puṇyam vedaiḥ ca saṃmitam | yaḥ paṭhet rāma caritam sarva pāpaiḥ pramucyate

यह रामचरित्र पवित्र, पापनाशक, पुण्यदायक और वेदों के समान श्रेष्ठ है; जो इसे पढ़ता है, वह सभी पापों से मुक्त हो जाता है।

श्लोक 99 (bala.1.99)

एतदाख्यानमायुष्यं पठन् रामायणं नरः । सपुत्रपौत्रः सगणः प्रेत्य स्वर्गे महीयते ॥ 1.99 ॥

etat ākhyānam āyuṣyam paṭhan rāmāyaṇam naraḥ | sa putra pautraḥ sa gaṇaḥ pretya svarge mahīyate

इस आयुष्यकारी रामायण कथा को पढ़ने वाला पुरुष अपने पुत्र-पौत्रों और परिजनों सहित मृत्यु के पश्चात् स्वर्ग में सम्मानित होता है।

श्लोक 100 (bala.1.100)

पठन् द्विजो वागृषभत्वमीयात् । स्यात् क्षत्रियो भूमिपतित्वमीयात् ॥ वणिग्जनः पण्यफलत्वमीयात् । जनश्च शूद्रोऽपि महत्त्वमीयात् ॥ 1.100 ॥

paṭhan dvijo vāk ṛṣabhatvam īyāt | syāt kṣatriyo bhūmi patitvam īyāt || vaṇik janaḥ paṇya phalatvam īyāt | janaḥ ca śūdro api mahattvam īyāt

इसे पढ़ने से ब्राह्मण वाणी में श्रेष्ठता प्राप्त करता है, क्षत्रिय पृथ्वी का स्वामित्व पाता है, वैश्य व्यापार में लाभ पाता है, और शूद्र भी महत्ता को प्राप्त करता है।