परशुराम की चुनौती

श्लोक 1 (bala.75.1)

राम दाशरथे वीर वीर्यं ते श्रूयतेऽद्भुतम्। धनुषो भेदनं चैव निखिलेन मया श्रुतम् ॥ १-७५-१ ॥

rāma dāśarathe vīra vīryaṃ te śrūyate'dbhutam| dhanuṣo bhedanaṃ caiva nikhilena mayā śrutam || 1-75-1 ||

हे वीर दाशरथि राम! तुम्हारा पराक्रम अद्भुत सुना जाता है; तथा धनुष के भंग की बात भी मैंने पूर्णतः सुनी है।

श्लोक 2 (bala.75.2)

तदद्भुतमचिंत्यं च भेदनं धनुषस्तथा। तच्छ्रुत्वाहमनुप्राप्तो धनुर्गृह्यापरं शुभम् ॥ १-७५-२ ॥

tadadbhutamaciṃtyaṃ ca bhedanaṃ dhanuṣastathā| tacchrutvāhamanuprāpto dhanurgṛhyāparaṃ śubham || 1-75-2 ||

धनुष का वह भंग अद्भुत और अचिन्त्य था; उसे सुनकर ही मैं दूसरा शुभ धनुष लेकर यहाँ आया हूँ।

श्लोक 3 (bala.75.3)

तदिदं घोरसंकाशं जामदग्न्यं महद्धनुः। पूरयस्व शरेणैव स्वबलं दर्शयस्व च ॥ १-७५-३ ॥

tadidaṃ ghorasaṃkāśaṃ jāmadagnyaṃ mahaddhanuḥ| pūrayasva śareṇaiva svabalaṃ darśayasva ca || 1-75-3 ||

यह जामदग्न्य का भयंकर महाधनुष है; इसे बाण सहित चढ़ाकर अपना बल प्रदर्शित करो।

श्लोक 4 (bala.75.4)

तदहं ते बलं दृष्ट्वा धनुषोऽस्य प्रपूरणे। द्वंद्वयुद्धं प्रदास्यामि वीर्यश्लाघ्यमहं तव ॥ १-७५-४ ॥

tadahaṃ te balaṃ dṛṣṭvā dhanuṣo'sya prapūraṇe| dvaṃdvayuddhaṃ pradāsyāmi vīryaślāghyamahaṃ tava || 1-75-4 ||

तत्पश्चात् इस धनुष को चढ़ाने में तुम्हारा बल देखकर, मैं तुम्हें तुम्हारे पराक्रम के योग्य द्वंद्वयुद्ध प्रदान करूँगा।

श्लोक 5 (bala.75.5)

तस्य तद्वचनं श्रुत्वा राजा दशरथस्तदा। विषण्णवदनो दीनः प्रांजलिर्वाक्यमब्रवीत् ॥ १-७५-५ ॥

tasya tadvacanaṃ śrutvā rājā daśarathastadā| viṣaṇṇavadano dīnaḥ prāṃjalirvākyamabravīt || 1-75-5 ||

उनके इस वचन को सुनकर राजा दशरथ का मुख उदास हो गया, और वे दीनतापूर्वक हाथ जोड़कर यह बोले।

श्लोक 6 (bala.75.6)

क्षत्ररोषात् प्रशांतस्त्वं ब्राह्मणश्च महातपाः। बालानां मम पुत्राणामभयं दातुमर्हसि ॥ १-७५-६ ॥

kṣatraroṣāt praśāṃtastvaṃ brāhmaṇaśca mahātapāḥ| bālānāṃ mama putrāṇāmabhayaṃ dātumarhasi || 1-75-6 ||

आप क्षत्रियों के प्रति क्रोध से अब शान्त हो चुके हैं और महातपस्वी ब्राह्मण हैं; मेरे इन बालक पुत्रों को अभय प्रदान करना आपको उचित है।

श्लोक 7 (bala.75.7)

भार्गवाणां कुले जातः स्वाध्यायव्रतशालिनाम्। सहस्राक्षे प्रतिज्ञाय शस्त्रं प्रक्षिप्तवानसि ॥ १-७५-७ ॥

bhārgavāṇāṃ kule jātaḥ svādhyāyavrataśālinām| sahasrākṣe pratijñāya śastraṃ prakṣiptavānasi || 1-75-7 ||

स्वाध्याय-व्रतशाली भृगुवंशियों के कुल में उत्पन्न होकर, आपने सहस्राक्ष इन्द्र को वचन देकर शस्त्र त्याग दिया था।

श्लोक 8 (bala.75.8)

स त्वं धर्मपरो भूत्वा काश्यपाय वसुंधराम्। दत्त्वा वनमुपागम्य महेन्द्रकृतकेतनः ॥ १-७५-८ ॥

sa tvaṃ dharmaparo bhūtvā kāśyapāya vasuṃdharām| dattvā vanamupāgamya mahendrakṛtaketanaḥ || 1-75-8 ||

इस प्रकार धर्मपरायण होकर आपने पृथ्वी कश्यप को दान कर वन का आश्रय लिया और महेन्द्र पर्वत पर अपना निवास बनाया।

श्लोक 9 (bala.75.9)

मम सर्वविनाशाय संप्राप्तस्त्वं महामुने। न चैकस्मिन् हते रामे सर्वे जीवामहे वयम् ॥ १-७५-९ ॥

mama sarvavināśāya saṃprāptastvaṃ mahāmune| na caikasmin hate rāme sarve jīvāmahe vayam || 1-75-9 ||

हे महामुने! क्या आप हम सबके सम्पूर्ण विनाश के लिए ही यहाँ पधारे हैं? क्योंकि यदि राम अकेला भी मारा जाए, तो हम में से कोई जीवित नहीं रह सकेगा।

श्लोक 10 (bala.75.10)

ब्रुवत्येवं दशरथे जामदग्न्यः प्रतापवान्। अनादृत्य तु तद्वाक्यं राममेवाभ्यभाषत ॥ १-७५-१० ॥

bruvatyevaṃ daśarathe jāmadagnyaḥ pratāpavān| anādṛtya tu tadvākyaṃ rāmamevābhyabhāṣata || 1-75-10 ||

दशरथ के इस प्रकार कहते रहने पर भी प्रतापी जामदग्न्य ने उनके उस वचन की उपेक्षा करके केवल राम से ही यह कहा।

श्लोक 11 (bala.75.11)

इमे द्वे धनुषी श्रेष्ठे दिव्ये लोकाभिपूजिते। दृढे बलवती मुख्ये सुकृते विश्वकर्मणा ॥ १-७५-११ ॥

ime dve dhanuṣī śreṣṭhe divye lokābhipūjite| dṛḍhe balavatī mukhye sukṛte viśvakarmaṇā || 1-75-11 ||

ये दोनों धनुष श्रेष्ठ, दिव्य, समस्त लोकों में पूजित, दृढ़, बलवान् तथा विश्वकर्मा द्वारा सुन्दर रूप से निर्मित हैं।

श्लोक 12 (bala.75.12)

अनिसृष्टं सुरैरेकं त्र्यम्बकाय युयुत्सवे। त्रिपुरघ्नं नरश्रेष्ठ भग्नं काकुत्स्थ यत्त्वया ॥ १-७५-१२ ॥

anisṛṣṭaṃ surairekaṃ tryambakāya yuyutsave| tripuraghnaṃ naraśreṣṭha bhagnaṃ kākutstha yattvayā || 1-75-12 ||

हे नरश्रेष्ठ काकुत्स्थ! इनमें से एक धनुष देवताओं ने युद्ध की इच्छा रखने वाले त्रिपुरनाशक त्र्यम्बक शिव को दिया था, और वही तुमने भग्न कर दिया।

श्लोक 13 (bala.75.13)

इदं द्वितीयं दुर्धर्षं विष्णोर्दत्तं सुरोत्तमैः। तदिदं वैष्णवं राम धनुः परपुरञ्जयम् ॥ १-७५-१३ ॥

idaṃ dvitīyaṃ durdharṣaṃ viṣṇordattaṃ surottamaiḥ| tadidaṃ vaiṣṇavaṃ rāma dhanuḥ parapurañjayam || 1-75-13 ||

यह दूसरा अजेय धनुष श्रेष्ठ देवताओं ने विष्णु को दिया था — हे राम! यही वैष्णव धनुष है, जो शत्रुओं के नगरों को जीतने वाला है।

श्लोक 14 (bala.75.14)

समानसारं काकुत्स्थ रौद्रेण धनुषा त्विदम्। तदा तु देवताः सर्वाः पृच्छन्ति स्म पितामहम् ॥ १-७५-१४ ॥

samānasāraṃ kākutstha raudreṇa dhanuṣā tvidam| tadā tu devatāḥ sarvāḥ pṛcchanti sma pitāmaham || 1-75-14 ||

हे काकुत्स्थ! यह धनुष रौद्र धनुष के समान ही सारभूत है। एक समय सभी देवताओं ने पितामह ब्रह्मा से यह पूछा—

श्लोक 15 (bala.75.15)

शितिकण्ठस्य विष्णोश्च बलाबलनिरीक्षया। अभिप्रायं तु विज्ञाय देवतानां पितामहः ॥ १-७५-१५ ॥

śitikaṇṭhasya viṣṇośca balābalanirīkṣayā| abhiprāyaṃ tu vijñāya devatānāṃ pitāmahaḥ || 1-75-15 ||

—कि शिवजी और विष्णु में से बलवान् कौन है और निर्बल कौन। देवताओं का यह अभिप्राय जानकर पितामह ब्रह्मा ने—

श्लोक 16 (bala.75.16)

विरोधं जनयामास तयोः सत्यवतां वरः। विरोधे तु महद्युद्धमभवद्रोमहर्षणम् ॥ १-७५-१६ ॥

virodhaṃ janayāmāsa tayoḥ satyavatāṃ varaḥ| virodhe tu mahadyuddhamabhavadromaharṣaṇam || 1-75-16 ||

—सत्यवादियों में श्रेष्ठ उन ब्रह्माजी ने उन दोनों के बीच विरोध उत्पन्न कर दिया। उस विरोध से रोमांचकारी महायुद्ध हुआ।

श्लोक 17 (bala.75.17)

शितिकण्ठस्य विष्णोश्च परस्परजयैषिणोः। तदा तु जृम्भितं शैवं धनुर्भीमपराक्रमम् ॥ १-७५-१७ ॥

śitikaṇṭhasya viṣṇośca parasparajayaiṣiṇoḥ| tadā tu jṛmbhitaṃ śaivaṃ dhanurbhīmaparākramam || 1-75-17 ||

परस्पर विजय की इच्छा रखने वाले शिवजी और विष्णु के बीच, उस समय भीमपराक्रमी शैव धनुष फैलाया गया—

श्लोक 18 (bala.75.18)

हुंकारेण महादेवः स्तम्भितोऽथ त्रिलोचनः। देवैस्तदा समागम्य सर्षिसन्घैः सचारणैः ॥ १-७५-१८ ॥

huṃkāreṇa mahādevaḥ stambhito'tha trilocanaḥ| devaistadā samāgamya sarṣisanghaiḥ sacāraṇaiḥ || 1-75-18 ||

—किन्तु विष्णु की हुंकार मात्र से महादेव त्रिलोचन स्तंभित हो गए। तब देवगण, ऋषिसमूहों तथा चारणों के साथ वहाँ एकत्र होकर—

श्लोक 19 (bala.75.19)

याचितौ प्रशमं तत्र जग्मतुस्तौ सुरोत्तमौ। जृम्भितं तद्धनुर्दृष्ट्वा शैवं विष्णुपराक्रमैः ॥ १-७५-१९ ॥

yācitau praśamaṃ tatra jagmatustau surottamau| jṛmbhitaṃ taddhanurdṛṣṭvā śaivaṃ viṣṇuparākramaiḥ || 1-75-19 ||

—उन दोनों से शान्ति की प्रार्थना की, और वे दोनों श्रेष्ठ देवगण शान्त हो गए। विष्णु के पराक्रम से शिव के धनुष को इस प्रकार विवश देखकर—

श्लोक 20 (bala.75.20)

अधिकं मेनिरे विष्णुं देवाः सर्षिगणास्तदा। धनू रुद्रस्तु संक्रुद्धो विदेहेषु महायशाः ॥ १-७५-२० ॥

adhikaṃ menire viṣṇuṃ devāḥ sarṣigaṇāstadā| dhanū rudrastu saṃkruddho videheṣu mahāyaśāḥ || 1-75-20 ||

—देवताओं और ऋषिगणों ने उस समय विष्णु को ही अधिक श्रेष्ठ माना। और अत्यन्त कुपित हुए महायशस्वी रुद्र ने वह धनुष विदेहवंशियों में—

श्लोक 21 (bala.75.21)

देवरातस्य राजर्षेर्ददौ हस्ते ससायकम्। इदं च वैष्णवं राम धनुः परपुरञ्जयम् ॥ १-७५-२१ ॥

devarātasya rājarṣerdadau haste sasāyakam| idaṃ ca vaiṣṇavaṃ rāma dhanuḥ parapurañjayam || 1-75-21 ||

—राजर्षि देवरात के हाथ में बाण सहित दे दिया। और हे राम! यह वैष्णव धनुष, जो शत्रुओं के नगरों को जीतने वाला है—

श्लोक 22 (bala.75.22)

ऋचीके भार्गवे प्रादाद्विष्णुः सन्यासमुत्तमम्। ऋचीकस्तु महातेजाः पुत्रस्याप्रतिकर्मणः ॥ १-७५-२२ ॥

ṛcīke bhārgave prādādviṣṇuḥ sanyāsamuttamam| ṛcīkastu mahātejāḥ putrasyāpratikarmaṇaḥ || 1-75-22 ||

—विष्णु ने भार्गव ऋचीक को उत्तम धरोहर के रूप में सौंपा था। और महातेजस्वी ऋचीक ने अपने अनुपम कर्म वाले पुत्र—

श्लोक 23 (bala.75.23)

पितुर्मम ददौ दिव्यं जमदग्नेर्महात्मनः। न्यस्तशस्त्रे पितरि मे तपोबलसमन्विते ॥ १-७५-२३ ॥

piturmama dadau divyaṃ jamadagnermahātmanaḥ| nyastaśastre pitari me tapobalasamanvite || 1-75-23 ||

—अर्थात् मेरे पिता महात्मा जमदग्नि को यह दिव्य धनुष दिया। जब तपोबल-सम्पन्न मेरे पिता ने शस्त्र त्याग दिए थे—

श्लोक 24 (bala.75.24)

अर्जुनो विदधे मृत्युं प्राकृतां बुद्धिमास्थितः। वधमप्रतिरूपं तु पितुः श्रुत्वा सुदारुणम्। क्षत्रमुत्सादयन् रोषाज्जातं जातमनेकशः ॥ १-७५-२४ ॥

arjuno vidadhe mṛtyuṃ prākṛtāṃ buddhimāsthitaḥ| vadhamapratirūpaṃ tu pituḥ śrutvā sudāruṇam| kṣatramutsādayan roṣājjātaṃ jātamanekaśaḥ || 1-75-24 ||

—तब क्षुद्र बुद्धि से युक्त अर्जुन (कार्तवीर्य) ने उनकी हत्या कर दी। अपने पिता के इस अनुचित और अत्यन्त क्रूर वध को सुनकर, क्रोधवश मैंने अनेक बार उत्पन्न होते हुए क्षत्रियों का विनाश किया।

श्लोक 25 (bala.75.25)

पृथिवीं चाखिलां प्राप्य काश्यपाय महात्मने। यज्ञस्यान्ते तदा राम दक्षिणां पुण्यकर्मणे ॥ १-७५-२५ ॥

pṛthivīṃ cākhilāṃ prāpya kāśyapāya mahātmane| yajñasyānte tadā rāma dakṣiṇāṃ puṇyakarmaṇe || 1-75-25 ||

और सम्पूर्ण पृथ्वी को प्राप्त करके, हे राम! यज्ञ के अन्त में मैंने उसे पुण्यकर्मा महात्मा कश्यप को दक्षिणा रूप में दे दिया।

श्लोक 26 (bala.75.26)

दत्त्वा महेन्द्रनिलयः तपोबलसमन्वितः। श्रुत्वा तु धनुषो भेदं ततोऽहं द्रुतमागतः ॥ १-७५-२६ ॥

dattvā mahendranilayaḥ tapobalasamanvitaḥ| śrutvā tu dhanuṣo bhedaṃ tato'haṃ drutamāgataḥ || 1-75-26 ||

उसे दान करके मैं महेन्द्र पर्वत पर निवास करते हुए तपोबल-सम्पन्न हो गया। फिर धनुष के भंग होने का समाचार सुनकर मैं शीघ्र यहाँ आया।

श्लोक 27 (bala.75.27)

तदेवं वैष्णवं राम पितृपैतामहं महत्। क्षत्रधर्मं पुरस्कृत्य गृह्णीष्व धनुरुत्तमम् ॥ १-७५-२७ ॥

tadevaṃ vaiṣṇavaṃ rāma pitṛpaitāmahaṃ mahat| kṣatradharmaṃ puraskṛtya gṛhṇīṣva dhanuruttamam || 1-75-27 ||

अतः हे राम! मेरे पिता और पितामहों से प्राप्त इस महान् वैष्णव धनुष को, क्षत्रिय-धर्म का ध्यान रखते हुए ग्रहण करो।

श्लोक 28 (bala.75.28)

योजयस्व धनुःश्रेष्ठे शरं परपुरञ्जयम्। यदि शक्तोऽसि काकुत्स्थ द्वन्द्वं दास्यामि ते ततः ॥ १-७५-२८ ॥

yojayasva dhanuḥśreṣṭhe śaraṃ parapurañjayam| yadi śakto'si kākutstha dvandvaṃ dāsyāmi te tataḥ || 1-75-28 ||

इस श्रेष्ठ धनुष पर शत्रु-नगर-विजयी बाण चढ़ाओ; हे काकुत्स्थ! यदि तुम समर्थ हो, तो मैं तुम्हें द्वंद्वयुद्ध प्रदान करूँगा।